ၼႂ်းထိူၼ်ႇ 15
15
ထုင်းတြႃးတၢင်းဢၼ်ႁဵတ်းတၢင်းလူႇ
1ထႃႇဝရႃႉၽြႃးသမ်ႉမီးဢမိင်ႉတီႈမူဝ်းသေႇလႄႈဝႃႈၸမ်ႉ၊- 2မႂ်းသင်ႇလၢတ်ႈတီႈ ၵူၼ်းမဵဝ်းဢီႉသရေႇလႃႉတင်းလၢႆလႄႈဝႃႈ၊ မိူဝ်ႈဢၼ်သူႁွတ်ႈထိုင်ၵႃႈတီႈမိူင်းဢၼ်ပဵၼ်တီႈယူႇသူ ဢၼ်ၵဝ်တၵ်းပၼ်ၼၼ်ႉလႄႈယူႇၼၼ်ႉ၊- 3ပေႃးသူမီးဢလူဝ်ႇၶႂ်ႈဢဝ်တင်းၽႆး ပုၵ်ႈၸေႃႇတီႈထႃႇဝရႃႉၽြႃးလႄႈ ပဵၼ်ယိတ်ႈဢၼ်တုတ်ႇၽႆးသေဢမ်ႇဝႃႈ၊ ပဵၼ်တၢင်းပုၵ်ႈၸေႃႇဢၼ်ႁဵတ်းၵတီႉသဵတ်ႈၸႃႇသေဢမ်ႇဝႃႈ၊ ပဵၼ်တၢင်းပုၵ်ႈၸေႃႇဢၼ်ယူႇဢလူဝ်ႇလူဝ်ႇလႄႈ ပုၵ်ႈၸေႃႇသေဢမ်ႇဝႃႈ၊ ပဵၼ်တၢင်းဢၼ်ၶၢမ်ႇပွႆးသၽၢင်ႇလႄႈ ပုၵ်ႈၸေႃႇသေဢမ်ႇဝႃႈ၊ ဢဝ်သူဝ်းဝူဝ်းႁဵတ်းဢၢႆဢၼ်ႁွမ်ဢၼ်ႁူၺ်း ပုၼ်ႈထႃႇဝရႃႉၽြႃးၸိုင်၊- 4ၵေႃႉဢၼ်ႁဵတ်းတၢင်းပုၵ်ႈၸေႃႇ တီႈထႃႇဝရႃႉၽြႃးၼၼ်ႉ တၵ်းလႆႈပုၵ်ႈၸေႃႇတၢင်းပုၵ်ႈၸေႃႇၽေႃးၸဵၼ်ႇ ၽွင်ၶဝ်ႈမုၼ်း ဢေးၽႃႇသိပ်းပုၼ်ႈပုၼ်ႈၼိုင်ႈ ဢၼ်ဢဝ်ၼမ်ႉမၼ်း ႁီႉၼႃႉသီႇပုၼ်ႈပုၼ်ႈၼိုင်ႈသႂ်ႇလေႃးၼၼ်ႉဢေႃႈ။- 5ၼမ်ႉၸပိတ်ႈႁီႉၼႃႉ သီႇပုၼ်ႈပုၼ်ႈၼိုင်ႈ ပုၼ်ႈတၢင်းပုၵ်ႈၸေႃႇ ဢၼ်သွၼ်းလေႃႇၵေႃႈ မႂ်းတၵ်းလႆႈမႄးႁႅၼ်းဝႆႉ ပုၼ်ႈယိတ်ႈဢၼ်တုတ်ႇၽႆး၊ ဢမ်ႇၼၼ် ပုၼ်ႈယိတ်ႈတၢင်ႇၸိူဝ်ႉတၢင်ႇဢၼ် ပုၼ်ႈတႃႇသူဝ်းဢွၼ်ႇယေႈတူဝ်ဢေႃႈ။- 6ပေႃးပုၵ်ႈၸေႃႇသူဝ်းပေႃႈၸိုင်၊ မႂ်းတၵ်းလႆႈမႄးႁႅၼ်း ၽွင်ၶဝ်ႈမုၼ်း ဢေးၽႃႇသိပ်းပုၼ်ႈဢဝ်သွင်ပုၼ်ႈ၊ ဢၼ်ဢဝ်ၼမ်ႉမၼ်းႁီႉၼႃႉ သၢမ်ပုၼ်ႈပုၼ်ႈၼိုင်ႈ သႂ်ႇလေႃးၼၼ်ႉပုၼ်ႈတၢင်းပုၵ်ႈၸေႃႇၽေႃးၸဵၼ်ႇဢေႃႈ။- 7ပုၼ်ႈတၢင်းပုၵ်ႈၸေႃႇဢၼ်သွၼ်းလေႃႇၵေႃႈ မႂ်းတၵ်းလႆႈဢဝ် ၼမ်ႉၸပိတ်ႈႁီႉၼႃႉ သၢမ်ပုၼ်ႈပုၼ်ႈၼိုင်ႈ ပုၵ်ႈၸေႃႇလႄႈ မီးဢၢႆဢၼ်ႁွမ်ဢၼ်ႁူၺ်း ပုၼ်ႈထႃႇဝရႃႉၽြႃးဢေႃႈ။- 8ပေႃးမႂ်းမႄးႁႅၼ်းဝူဝ်းပုၼ်ႈယိတ်ႈဢၼ်တုတ်ႇၽႆး၊ ယိတ်ႈဢၼ်ႁဵတ်းၵတီႉသဵတ်ႈၸႃႇ၊ ယိတ်ႈမိၵ်ႉသႃႇႁႃယႃႉပုၼ်ႈထႃႇဝရႃႉၽြႃးၸိုင်၊- 9မႂ်းတၵ်းလႆႈဢဝ်ၽွင်ၶဝ်ႈမုၼ်း ဢေးၽႃႇသိပ်းပုၼ်ႈဢဝ်သၢမ်ပုၼ်ႈဢၼ်ဢဝ်ၼမ်ႉမၼ်းၶိုင်ႈႁီႉၼႃႉၼိုင်ႈသႂ်ႇလေႃးၼၼ်ႉ ပုၼ်ႈတၢင်းပုၵ်ႈၸေႃႇၽေႃးၸဵၼ်ႇ ပုၵ်ႈၸေႃႇလူၺ်ႈၵၼ်တင်းဝူဝ်းၼၼ်ႉဢေႃႈ။- 10မႂ်းတၵ်းလႆႈဢဝ်ၼမ်ႉၸပိတ်ႈၶိုင်ႈႁီႉၼႃႉၼိုင်ႈ ပုၼ်ႈတၢင်းပုၵ်ႈၸေႃႇ ဢၼ်သွၼ်းလေႃႇၼၼ်ႉ ပုၼ်ႈတၢင်းပုၵ်ႈၸေႃႇ ဢၼ်ဢဝ်တင်းၽႆးႁဵတ်းၼၼ်ႉလႄႈ မီးဢၢႆဢၼ်ႁွမ်ဢၼ်ႁူၺ်း ပုၼ်ႈထႃႇဝရႃႉၽြႃးဢေႃႈ။- 11တၵ်းလႆႈႁဵတ်းၸိူဝ်ႉၼင်ႇၼၼ် ပုၼ်ႈဝူဝ်းယေႈတူဝ်၊ သူဝ်းပေႃႈယေႈတူဝ်၊ သူဝ်းဢွၼ်ႇယေႈတူဝ်၊ ပႄႉဢွၼ်ႇယေႈတူဝ်ဢေႃႈ။- 12ၸွမ်းၵႃႈၼင်ႇတၢင်းဢၼ်ၼပ်ႉဢၢၼ်ႇတူဝ် ဢၼ်သူမႄးႁႅၼ်းဝႆႉၼၼ်ႉသေလႄႈ တၵ်းလႆႈႁဵတ်းၸိူဝ်ႉၼင်ႇၼၼ် ပုၼ်ႈယေႈတူဝ်ယေႈတူဝ် ၸွမ်းၵႃႈၼင်ႇဢၼ်ၼပ်ႉဢၢၼ်ႇၼၼ်ႉဢေႃႈ။- 13ၵူၼ်းဝၢၼ်ႈၵူၼ်းမိူင်းတင်းသဵင်ႈတင်းလူင် တၵ်းလႆႈႁဵတ်းမႅၼ်ႈၵၼ်တင်းၸိူဝ်းၼၼ်ႉ ၼႂ်းတၢင်းဢၼ်ပုၵ်ႈၸေႃႇတၢင်းပုၵ်ႈၸေႃႇ ဢၼ်ဢဝ်တင်းၽႆးပုၵ်ႈၸေႃႇလႄႈ မီးဢၢႆဢၼ်ႁွမ်ဢၼ်ႁူၺ်းပုၼ်ႈထႃႇဝရႃႉၽြႃးၼၼ်ႉဢေႃႈ။- 14ပဵၼ်ၵူၼ်းတၢင်ႇၸိူဝ်ႉတၢင်ႇၶိူဝ်း ဢၼ်သွၼ်ႈပိုင်ႈယူႇၵႃႈၼႂ်းသူသေဢမ်ႇဝႃႈ၊ ပဵၼ်ၵူၼ်းတၢင်ႇတီႈတၢင်ႇလႅၼ်သေဢမ်ႇဝႃႈ၊ ၸူဝ်ႈလုၵ်ႈပၢၼ်လၢၼ်သူသိုပ်ႇသိုပ်ႇတၢမ်းတၢမ်းၼၼ်ႉ၊ ပေႃးမီးဢလူဝ်ႇၶႂ်ႈပုၵ်ႈၸေႃႇ တၢင်းပုၵ်ႈၸေႃႇဢၼ်ဢဝ်တင်းၽႆးပုၵ်ႈၸေႃႇလႄႈ မီးဢၢႆဢၼ်ႁွမ်ဢၼ်ႁူၺ်းပုၼ်ႈထႃႇဝရႃႉၽြႃးၸိုင်၊ ၸိူဝ်ႉၼင်ႇဢၼ်သူႁဵတ်းၼၼ်ႉ၊ မၼ်းၵေႃႈတၵ်းလႆႈႁဵတ်းဢေႃႈ။- 15ပုၼ်ႈပရဵၵ်ႈသၢတ်ႈၸမ်ႉ၊ တၵ်းလႆႈမီးထုင်းၽိင်ႈတြႃးပႃးလဵဝ်ၵူၺ်း ပုၼ်ႈသူဢိၵ်ႇတင်း ပုၼ်ႈၶဝ်ၸိူဝ်းဢၼ် ပဵၼ်ၵူၼ်းတၢင်ႇၸိူဝ်ႉတၢင်ႇၶိူဝ်းဢၼ်သွၼ်ႈပိုင်ႈယူႇၵႃႈၼႂ်းသူၼၼ်ႉ ဢၼ်ဝႃႈထုင်းၽိင်ႈတြႃးဢၼ်တႃႇသေႇ တီႈၸူဝ်ႈလုၵ်ႈပၢၼ်လၢၼ်သူ သိုပ်ႇသိုပ်ႇတၢမ်းတၢမ်းၼၼ်ႉလႄႈ ၸိူဝ်ႉၼင်ႇဢၼ်သူပဵၼ်ၼၼ်ႉ ၵူၼ်းတၢင်ႇၸိူဝ်ႉတၢင်ႇၶိူဝ်းၵေႃႈ တၵ်းလႆႈပဵၼ်ၵႃႈတီႈၽၢႆႇၼႃႈထႃႇဝရႃႉၽြႃးဢေႃႈ။- 16တြႃးပႃးလဵဝ်ၵူၺ်း၊ ထုင်းၽိင်ႈတြႃးပႃးလဵဝ်ၵူၺ်း တၵ်းလႆႈမီးပုၼ်ႈသူ ဢိၵ်ႇတင်းပုၼ်ႈၵူၼ်းတၢင်ႇၸိူဝ်ႉတၢင်ႇၶိူဝ်း ဢၼ်သွၼ်ႈပိုင်ႈယူႇၵႃႈၼႂ်းသူၼၼ်ႉဢေႃႈ၊ ဝႃႈၼင်ႇၼႆတႃႉ၊ ဝႃႈၼင်ႇၼႆဢေႃႈ။
17ထႃႇဝရႃႉၽြႃးသမ်ႉမီးဢမိင်ႉတီႈမူဝ်းသေႇလႄႈဝႃႈၸမ်ႉ၊- 18မႂ်းသင်ႇလၢတ်ႈတီႈၵူၼ်းမဵဝ်းဢီႉသရေႇလႃႉတင်းလၢႆလႄႈဝႃႈ၊ မိူဝ်ႈဢၼ်သူႁွတ်ႈထိုင်ၵႃႈတီႈမိူင်းဢၼ်ၵဝ်ဢဝ်သူသူင်ႇၼၼ်ႉလႄႈ၊- 19မိူဝ်ႈဢၼ်သူၵိၼ်ၶဝ်ႈမုၼ်းဢၼ်ပဵၼ်ၵႃႈတီႈမိူင်းၼၼ်ႉၸိုင်၊ သူတၵ်းလႆႈႁဵတ်းတၢင်းပုၵ်ႈၸေႃႇ ဢၼ်ယုၵ်ႉယွင်ႈလႄႈ ယုၵ်ႉယွင်ႈတီႈထႃႇဝရႃႉၽြႃးဢေႃႈ။- 20သူတၵ်းလႆႈဢဝ်ၶဝ်ႈမုၼ်းၶႅပ်းဢၼ် ဢဝ်တင်းၽွင်ၶဝ်ႈမူႉယေႃး ဢၼ်လႆႈဢွၼ်တၢင်းႁဵတ်းၼၼ်ႉ ႁဵတ်းတၢင်းပုၵ်ႈၸေႃႇဢၼ်ယုၵ်ႉယွင်ႈလႄႈ ယုၵ်ႉယွင်ႈဢေႃႈ။ ၸိူဝ်ႉၼင်ႇဢၼ်ႁဵတ်းပုၵ်ႈၸေႃႇ ဢၼ်ယုၵ်ႉယွင်ႈၵႃႈတီႈၼႂ်းတလၢင်းယဵပ်ႇၶဝ်ႈၼၼ်ႉ တၵ်းလႆႈယုၵ်ႉယွင်ႈၸိူဝ်ႉၼင်ႇၼၼ်ဢေႃႈ။- 21သူတၵ်းလႆႈဢဝ်ၵႃႈၼႂ်းၽွင်ၶဝ်ႈမူႉယေႃးဢၼ်လႆႈဢွၼ်တၢင်းၼၼ်ႉ ႁဵတ်းတၢင်းပုၵ်ႈၸေႃႇဢၼ်ယုၵ်ႉယွင်ႈလႄႈ သၢၵ်ႈၵၢပ်ႈတီႈထႃႇဝရႃႉၽြႃး တေႃႇထိုင်ႁွတ်ႈၸူဝ်ႈလုၵ်ႈပၢၼ်လၢၼ်သိုပ်ႇသိုပ်ႇတၢမ်းတၢမ်းဢေႃႈ။
22မိူဝ်ႈဢၼ်သူၽိတ်းပိူင်ႈလႄႈ ဢမ်ႇပႂ်ႉဢမ်ႇၸွမ်းပိင်းၺၢပ်ႈၵႃႈမီး ဢၼ်ထႃႇဝရႃႉၽြႃးမွၵ်ႇလၢတ်ႈတီႈမူဝ်းသေႇ- 23ဢၼ်ဝႃႈ ၵႃႈဢၼ်ထႃႇဝရႃႉၽြႃး ဢဝ်တၢင်းမူဝ်းသေႇသင်ႇလၢတ်ႈဝႆႉတီႈသူ ၸႃႉၸဵမ်မိုဝ်ႉဝၼ်းဢၼ်ထႃႇဝရႃႉၽြႃးသင်ႇလၢတ်ႈဝႆႉၼၼ်ႉလႄႈ ၵႂႃႇမိူဝ်းၼႃႈတီႈၸူဝ်ႈလုၵ်ႈပၢၼ်လၢၼ်သူသိုပ်ႇသိုပ်ႇတၢမ်းတၢမ်းၼၼ်ႉ။- 24ပေႃးပရဵၵ်ႈသၢတ်ႈယင်းဢမ်ႇႁူႉလွင်ႈမၼ်းတၢင်းမၼ်းလႄႈ ၽိတ်းပိူင်ႈမႅၼ်ႈၸိုင်၊ ပရဵၵ်ႈသၢတ်ႈတင်းသဵင်ႈတင်းလူင် တၵ်းလႆႈဢဝ်ဝူဝ်းဢၼ်ဢသၢၵ်ႈၼုမ်ႇတူဝ်ၼိုင်ႈ ပုၼ်ႈယိတ်ႈဢၼ်တုတ်ႇၽႆးလႄႈ မီးဢၢႆဢၼ်ႁွမ်ဢၼ်ႁူၺ်းပုၼ်ႈထႃႇဝရႃႉၽြႃးၼၼ်ႉ ဢိၵ်ႇတင်းတၢင်းပုၵ်ႈၸေႃႇၽေႃးၸဵၼ်ႇမၼ်း တင်းတၢင်းပုၵ်ႈၸေႃႇဢၼ်သွၼ်းလေႃႇမၼ်း ၸွမ်းလူၺ်ႈထုင်းၽိင်ႈတြႃးၼၼ်ႉ ဢိၵ်ႇတင်းပႄႉ ပုၼ်ႈယိတ်ႈဢၼ်ၽေႇဢပႅတ်ႈၼၼ်ႉ ပုၵ်ႈၸေႃႇဢေႃႈ။- 25ယိတ်ႈပရေႃးႁဵၵ်ႈ တၵ်းလႆႈႁဵတ်းတၢင်းဢၼ် ၽေႇဢပႅတ်ႈပုၼ်ႈပရဵၵ်ႈသၢတ်ႈ ၵူၼ်းမဵဝ်းဢီႉသရေႇလႃႉ တင်းသဵင်ႈတင်းလူင်လႄႈ၊ ၶဝ်တၵ်းလႆႈၵၢင်းလွတ်ႈတင်းဢပႅတ်ႈၼၼ်ႉ ၵွပ်ႈပိူဝ်ႈဢၼ်ၶဝ်ယင်းဢမ်ႇႁူႉလွင်ႈမၼ်းတၢင်းမၼ်းလႄႈ ၽိတ်းပိူင်ႈမႅၼ်ႈၼၼ်ႉဢေႃႈ။ ၶဝ်ၼၼ်ႉၵွပ်ႈပိူဝ်ႈဢပႅတ်ႈဢၼ်လိုမ်းတူဝ်လႄႈ တၵ်းလႆႈဢဝ်တၢင်းပုၵ်ႈၸေႃႇၶဝ်ဢၼ်ဝႃႈ ယိတ်ႈဢၼ်ဢဝ်တင်းၽႆးႁဵတ်းတီႈထႃႇဝရႃႉၽြႃး ဢိၵ်ႇတင်းယိတ်ႈဢၼ်ၽေႇဢပႅတ်ႈၼၼ်ႉ မႃးၵႃႈတီႈၽၢႆႇၼႃႈထႃႇဝရႃႉၽြႃးဢေႃႈ။- 26ပေႃးႁဵတ်းၸိူဝ်ႉၼင်ႇၼၼ်ၸိုင်၊ ပရဵၵ်ႈသၢတ်ႈၵူၼ်းမဵဝ်းဢီႉသရေႇလႃႉတင်းသဵင်ႈတင်းလူင် ဢိၵ်ႇတင်းၵူၼ်းတၢင်ႇၸိူဝ်ႉတၢင်ႇၶိူဝ်း ဢၼ်သွၼ်ႈပိုင်ႈယူႇၵႃႈၼႂ်းသူၼၼ်ႉတၵ်းလႆႈၵၢင်းလွတ်ႈတင်းဢပႅတ်ႈၼၼ်ႉဢေႃႈ။ လွင်ႈမၼ်းၸမ်ႉ ၵူၼ်းတင်းသဵင်ႈတင်းလူင် ယင်းဢမ်ႇႁူႉလွင်ႈႁၼ်တၢင်းလႄႈ ၽိတ်းပိူင်ႈမႅၼ်ႈဢေႃႈ။
27ပေႃးသေၵေႃႉသေၵူၼ်းယင်းဢမ်ႇႁူႉလွင်ႈႁၼ်တၢင်းလႄႈ ၽိတ်းပိူင်ႈမႅၼ်ႈၸိုင်၊ မၼ်းတၵ်းလႆႈဢဝ် ပႄႉမႄႈဢၼ်ဢမ်ႇပႆႇၶွပ်ႈၶူပ်ႇတူဝ်ၼိုင်ႈ ပုၼ်ႈယိတ်ႈဢၼ်ၽေႇဢပႅတ်ႈမႃးဢေႃႈ။- 28ယိတ်ႈပရေႃးႁဵၵ်ႈ တၵ်းလႆႈႁဵတ်းတၢင်းဢၼ်ၽေႇဢပႅတ်ႈပုၼ်ႈၵေႃႉဢၼ် ယင်းဢမ်ႇႁူႉလွင်ႈႁၼ်တၢင်းလႄႈ ၽိတ်းပိူင်ႈမႅၼ်ႈ ၼႂ်းမိူဝ်ႈဢၼ်မၼ်းယင်းဢမ်ႇႁူႉလွင်ႈႁၼ်တၢင်းလႄႈ ၽိတ်းပိူင်ႈမႅၼ်ႈၵႃႈတီႈၽၢႆႇၼႃႈထႃႇဝရႃႉၽြႃးၼၼ်ႉလႄႈ၊ မၼ်းၼၼ်ႉ တၵ်းလႆႈၵၢင်းလွတ်ႈတင်းဢပႅတ်ႈၼၼ်ႉဢေႃႈ။- 29သူတၵ်းလႆႈမီးတြႃးပႃးလဵဝ်ၵူၺ်း ပုၼ်ႈၵေႃႉဢၼ်ယင်းဢမ်ႇႁူႉလွင်ႈႁၼ်တၢင်းလႄႈ ၽိတ်းပိူင်ႈမႅၼ်ႈ ဢၼ်ဝႃႈၵေႃႉဢၼ်ပဵၼ်ၵူၼ်းမဵဝ်းဢီႉသရေႇလႃႉ ဢိၵ်ႇတင်း ၵူၼ်းတၢင်ႇၸိူဝ်ႉတၢင်ႇၶိူဝ်း ဢၼ်သွၼ်ႈပိုင်ႈယူႇၵႃႈတီႈမႂ်းၸိူဝ်းၼၼ်ႉဢေႃႈ။
30ပဵၼ်ၵူၼ်းမဵဝ်းဢီႉသရေႇလႃႉသေဢမ်ႇဝႃႈ၊ ပဵၼ်ၵူၼ်းတၢင်ႇၸိူဝ်ႉတၢင်ႇၶိူဝ်းသေဢမ်ႇဝႃႈ၊ ၵေႃႉဢၼ် ႁတ်းႁတ်းႁၢၼ်ႁၢၼ်သေလႄႈ ၽိတ်းပိူင်ႈၼၼ်ႉ ႁဵတ်းဢမ်ႇၼပ်ႉဢမ်ႇၶၢၼ်းတီႈထႃႇဝရႃႉၽြႃးလႄႈ၊ မၼ်းၼၼ်ႉ တၵ်းလႆႈၶၢမ်ႇတၢင်းဢၼ်ပႄႇပႅတ်ႈသေၵႃႈၼႂ်းမဵဝ်းၸိူဝ်ႉၶိူဝ်းမၼ်းဢေႃႈ။- 31ၵွပ်ႈပိူဝ်ႈဢၼ်မၼ်းႁဵတ်းဢမ်ႇပေႃးၼင်ႇႁိုဝ်တီႈၵႂၢမ်းထႃႇဝရႃႉၽြႃးလႄႈ ပူၼ်ႉလိူဝ်ပိင်းၺၢပ်ႈမၼ်းၸဝ်ႈၼၼ်ႉလႄႈ၊ မၼ်းၼၼ်ႉတၵ်းလႆႈၶၢမ်ႇတၢင်းဢၼ် ပႄႇပႅတ်ႈပုတ်းပုတ်းၶၢတ်ႇၶၢတ်ႇဢေႃႈ။ မၼ်းတၵ်းလႆႈၶၢမ်ႇဢပႅတ်ႈတူဝ်ၸဝ်ႈၵဝ်ႇဢေႃႈ၊ ဝႃႈၼင်ႇၼႆဢေႃႈ။
တၢင်းဢၼ်ၽိတ်းပိူင်ႈဝၼ်းၵမ်သိၼ်
32မိူဝ်ႈဢၼ် ၵူၼ်းမဵဝ်းဢီႉသရေႇလႃႉတင်းလၢႆ မီးယူႇၵႃႈတီႈၼႂ်းထိူၼ်ႇၼၼ်ႉၸိုင်၊ ၶဝ်ထူပ်းႁၼ်ၵူၼ်းဢၼ်ဢဝ်ၽိုၼ်း ၼႂ်းဝၼ်းၵမ်သိၼ်ၼၼ်ႉၵေႃႉၼိုင်ႈဢေႃႈ။- 33ၶဝ်ၸိူဝ်းဢၼ်ထူပ်းႁၼ်မၼ်းဢဝ်ၽိုၼ်းယူႇၼၼ်ႉၸိူဝ်းၼၼ်ႉ ႁွင်ႉဢဝ်မၼ်းၼၼ်ႉ မႃးၵႃႈတီႈမူဝ်းသေႇ တင်းဢႃႇရုၼ်ႇ ဢိၵ်ႇတင်းပရဵၵ်ႈသၢတ်ႈတင်းသဵင်ႈတင်းလူင်ဢေႃႈ။- 34ၶဝ်ဢဝ်မၼ်းၶျုၵ်ႈဝႆႉ ၵွပ်ႈပိူဝ်ႈဢၼ်ဢမ်ႇပႆႇမီးတၢင်းဢၼ်မွၵ်ႇလၢတ်ႈဝႆႉ လွင်ႈဢၼ်တၵ်းလႆႈႁဵတ်းတီႈမၼ်းၼၼ်ႉဢေႃႈ။- 35ထႃႇဝရႃႉၽြႃးမီးဢမိင်ႉတီႈမူဝ်းသေႇလႄႈဝႃႈ၊ ၵူၼ်းၵေႃႉၼၼ်ႉ တၵ်းလႆႈၶၢမ်ႇတၢင်းဢၼ်ဢဝ်တၢႆဢမၢၼ်ႇၶၼ်ပဵၼ်ဢေႃႈ။ ပရဵၵ်ႈသၢတ်ႈတင်းသဵင်ႈတင်းလူင်တၵ်းလႆႈဢဝ်မၢၵ်ႇႁိၼ်ထိမ်ႈမၼ်း ၵႃႈတီႈၼွၵ်ႈတပ်ႉဢေႃႈ၊ ဝႃႈၼင်ႇၼႆဢေႃႈ။- 36ၸွမ်းၵႃႈၼင်ႇဢၼ်ထႃႇဝရႃႉၽြႃး မီးဢမိင်ႉတီႈမူဝ်းသေႇၼၼ်ႉသေလႄႈ ပရဵၵ်ႈသၢတ်ႈတင်းသဵင်ႈတင်းလူင် ဢွၼ်ၵၼ်ဢဝ်မၼ်းၵႂႃႇၵႃႈတီႈၼွၵ်ႈတပ်ႉသေယဝ်ႉ၊ ဢဝ်မၢၵ်ႇႁိၼ်ထိမ်ႈမၼ်းလႄႈ၊ မၼ်းတၢႆဢေႃႈ။
ထုင်းတြႃးလွင်ႈဢၼ်ႁွႆႈၸၢမ်းပူႈ
37ထႃႇဝရႃႉၽြႃးသမ်ႉမီးဢမိင်ႉတီႈမူဝ်းသေႇလႄႈဝႃႈၸမ်ႉ၊- 38မႂ်းလၢတ်ႈတေႃႇ ၵူၼ်းမဵဝ်းဢီႉသရေႇလႃႉတင်းလၢႆလႄႈ သင်ႇလၢတ်ႈလွင်ႈဢၼ်ၶဝ်တၵ်းလႆႈႁဵတ်းပူႈႁွႆႈၵႃႈတီႈၸဵင်ႇၶူဝ်းၼုင်ႈၶဝ် တေႃႇထိုင်ႁွတ်ႈၸူဝ်ႈလုၵ်ႈပၢၼ်လၢၼ်မဵဝ်းသိုပ်ႇသိုပ်ႇတၢမ်းတၢမ်းၼၼ်ႉလႄႈ ဢဝ်တင်းသၢႆဢၼ်သွမ်ႇမတ်ႉႁွႆႈၼၼ်ႉတီႈၶဝ်တႃႉ။- 39တၵ်းလႆႈပဵၼ်ပူႈတီႈသူ ပုၼ်ႈလွင်ႈၼင်ႇႁိုဝ် သူတၵ်းလႆႈတူၺ်းႁၼ်လႄႈၶုၵ်းၸႂ်လႆႈၶႆႈၸႂ်ထူပ်း ပိင်းၺၢပ်ႈထႃႇဝရႃႉၽြႃးၵႃႈမီးတင်းသဵင်ႈတင်းလူင်လႄႈၵမ်ၵျၢင်ႉဢိၵ်ႇတင်းလွင်ႈၼင်ႇႁိုဝ်တၵ်းဢမ်ႇၸွမ်းဢလူဝ်ႇႁူဝ်ၸႂ်သူ ဢိၵ်ႇတင်းဢလူဝ်ႇမၢၵ်ႇတႃသူလႄႈ ၽိတ်းပိူင်ႈၸိူဝ်ႉၼင်ႇဢၼ် သူယၢမ်ႈလႆႈၽိတ်းပိူင်ႈယဝ်ႉၼၼ်ႉ၊- 40တင်းလွင်ႈၼင်ႇႁိုဝ်တၵ်းၶုၵ်းၸႂ်လႆႈၶႆႈၸႂ်ထူပ်း ၵမ်ၵျၢင်ႉပိင်းၺၢပ်ႈၵဝ်ၵႃႈမီးလႄႈ မူတ်းၸၢင်ႇပုၼ်ႈ ၽြႃးပဵၼ်ၸဝ်ႈသူဢေႃႈ။- 41ၵဝ်ပဵၼ်ထႃႇဝရႃႉၽြႃး ၽြႃးပဵၼ်ၸဝ်ႈသူ ဢၼ်ၼုၵ်ႈဢဝ်သူဢွၵ်ႇသေၵႃႈၼႂ်းမိူင်းဢေႇၵိပ်ႉတူႉ မႃးႁႂ်ႈလႆႈပဵၼ်ၽြႃးပဵၼ်ၸဝ်ႈသူဢေႃႈ။ ၵဝ်ပဵၼ်ထႃႇဝရႃႉၽြႃး ၽြႃးပဵၼ်ၸဝ်ႈသူဢေႃႈ၊ ဝႃႈၼင်ႇၼႆဢေႃႈ။
Currently Selected:
ၼႂ်းထိူၼ်ႇ 15: CBMS
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Shan Baptist Churches Fellowship
ၼႂ်းထိူၼ်ႇ 15
15
ထုင်းတြႃးတၢင်းဢၼ်ႁဵတ်းတၢင်းလူႇ
1ထႃႇဝရႃႉၽြႃးသမ်ႉမီးဢမိင်ႉတီႈမူဝ်းသေႇလႄႈဝႃႈၸမ်ႉ၊- 2မႂ်းသင်ႇလၢတ်ႈတီႈ ၵူၼ်းမဵဝ်းဢီႉသရေႇလႃႉတင်းလၢႆလႄႈဝႃႈ၊ မိူဝ်ႈဢၼ်သူႁွတ်ႈထိုင်ၵႃႈတီႈမိူင်းဢၼ်ပဵၼ်တီႈယူႇသူ ဢၼ်ၵဝ်တၵ်းပၼ်ၼၼ်ႉလႄႈယူႇၼၼ်ႉ၊- 3ပေႃးသူမီးဢလူဝ်ႇၶႂ်ႈဢဝ်တင်းၽႆး ပုၵ်ႈၸေႃႇတီႈထႃႇဝရႃႉၽြႃးလႄႈ ပဵၼ်ယိတ်ႈဢၼ်တုတ်ႇၽႆးသေဢမ်ႇဝႃႈ၊ ပဵၼ်တၢင်းပုၵ်ႈၸေႃႇဢၼ်ႁဵတ်းၵတီႉသဵတ်ႈၸႃႇသေဢမ်ႇဝႃႈ၊ ပဵၼ်တၢင်းပုၵ်ႈၸေႃႇဢၼ်ယူႇဢလူဝ်ႇလူဝ်ႇလႄႈ ပုၵ်ႈၸေႃႇသေဢမ်ႇဝႃႈ၊ ပဵၼ်တၢင်းဢၼ်ၶၢမ်ႇပွႆးသၽၢင်ႇလႄႈ ပုၵ်ႈၸေႃႇသေဢမ်ႇဝႃႈ၊ ဢဝ်သူဝ်းဝူဝ်းႁဵတ်းဢၢႆဢၼ်ႁွမ်ဢၼ်ႁူၺ်း ပုၼ်ႈထႃႇဝရႃႉၽြႃးၸိုင်၊- 4ၵေႃႉဢၼ်ႁဵတ်းတၢင်းပုၵ်ႈၸေႃႇ တီႈထႃႇဝရႃႉၽြႃးၼၼ်ႉ တၵ်းလႆႈပုၵ်ႈၸေႃႇတၢင်းပုၵ်ႈၸေႃႇၽေႃးၸဵၼ်ႇ ၽွင်ၶဝ်ႈမုၼ်း ဢေးၽႃႇသိပ်းပုၼ်ႈပုၼ်ႈၼိုင်ႈ ဢၼ်ဢဝ်ၼမ်ႉမၼ်း ႁီႉၼႃႉသီႇပုၼ်ႈပုၼ်ႈၼိုင်ႈသႂ်ႇလေႃးၼၼ်ႉဢေႃႈ။- 5ၼမ်ႉၸပိတ်ႈႁီႉၼႃႉ သီႇပုၼ်ႈပုၼ်ႈၼိုင်ႈ ပုၼ်ႈတၢင်းပုၵ်ႈၸေႃႇ ဢၼ်သွၼ်းလေႃႇၵေႃႈ မႂ်းတၵ်းလႆႈမႄးႁႅၼ်းဝႆႉ ပုၼ်ႈယိတ်ႈဢၼ်တုတ်ႇၽႆး၊ ဢမ်ႇၼၼ် ပုၼ်ႈယိတ်ႈတၢင်ႇၸိူဝ်ႉတၢင်ႇဢၼ် ပုၼ်ႈတႃႇသူဝ်းဢွၼ်ႇယေႈတူဝ်ဢေႃႈ။- 6ပေႃးပုၵ်ႈၸေႃႇသူဝ်းပေႃႈၸိုင်၊ မႂ်းတၵ်းလႆႈမႄးႁႅၼ်း ၽွင်ၶဝ်ႈမုၼ်း ဢေးၽႃႇသိပ်းပုၼ်ႈဢဝ်သွင်ပုၼ်ႈ၊ ဢၼ်ဢဝ်ၼမ်ႉမၼ်းႁီႉၼႃႉ သၢမ်ပုၼ်ႈပုၼ်ႈၼိုင်ႈ သႂ်ႇလေႃးၼၼ်ႉပုၼ်ႈတၢင်းပုၵ်ႈၸေႃႇၽေႃးၸဵၼ်ႇဢေႃႈ။- 7ပုၼ်ႈတၢင်းပုၵ်ႈၸေႃႇဢၼ်သွၼ်းလေႃႇၵေႃႈ မႂ်းတၵ်းလႆႈဢဝ် ၼမ်ႉၸပိတ်ႈႁီႉၼႃႉ သၢမ်ပုၼ်ႈပုၼ်ႈၼိုင်ႈ ပုၵ်ႈၸေႃႇလႄႈ မီးဢၢႆဢၼ်ႁွမ်ဢၼ်ႁူၺ်း ပုၼ်ႈထႃႇဝရႃႉၽြႃးဢေႃႈ။- 8ပေႃးမႂ်းမႄးႁႅၼ်းဝူဝ်းပုၼ်ႈယိတ်ႈဢၼ်တုတ်ႇၽႆး၊ ယိတ်ႈဢၼ်ႁဵတ်းၵတီႉသဵတ်ႈၸႃႇ၊ ယိတ်ႈမိၵ်ႉသႃႇႁႃယႃႉပုၼ်ႈထႃႇဝရႃႉၽြႃးၸိုင်၊- 9မႂ်းတၵ်းလႆႈဢဝ်ၽွင်ၶဝ်ႈမုၼ်း ဢေးၽႃႇသိပ်းပုၼ်ႈဢဝ်သၢမ်ပုၼ်ႈဢၼ်ဢဝ်ၼမ်ႉမၼ်းၶိုင်ႈႁီႉၼႃႉၼိုင်ႈသႂ်ႇလေႃးၼၼ်ႉ ပုၼ်ႈတၢင်းပုၵ်ႈၸေႃႇၽေႃးၸဵၼ်ႇ ပုၵ်ႈၸေႃႇလူၺ်ႈၵၼ်တင်းဝူဝ်းၼၼ်ႉဢေႃႈ။- 10မႂ်းတၵ်းလႆႈဢဝ်ၼမ်ႉၸပိတ်ႈၶိုင်ႈႁီႉၼႃႉၼိုင်ႈ ပုၼ်ႈတၢင်းပုၵ်ႈၸေႃႇ ဢၼ်သွၼ်းလေႃႇၼၼ်ႉ ပုၼ်ႈတၢင်းပုၵ်ႈၸေႃႇ ဢၼ်ဢဝ်တင်းၽႆးႁဵတ်းၼၼ်ႉလႄႈ မီးဢၢႆဢၼ်ႁွမ်ဢၼ်ႁူၺ်း ပုၼ်ႈထႃႇဝရႃႉၽြႃးဢေႃႈ။- 11တၵ်းလႆႈႁဵတ်းၸိူဝ်ႉၼင်ႇၼၼ် ပုၼ်ႈဝူဝ်းယေႈတူဝ်၊ သူဝ်းပေႃႈယေႈတူဝ်၊ သူဝ်းဢွၼ်ႇယေႈတူဝ်၊ ပႄႉဢွၼ်ႇယေႈတူဝ်ဢေႃႈ။- 12ၸွမ်းၵႃႈၼင်ႇတၢင်းဢၼ်ၼပ်ႉဢၢၼ်ႇတူဝ် ဢၼ်သူမႄးႁႅၼ်းဝႆႉၼၼ်ႉသေလႄႈ တၵ်းလႆႈႁဵတ်းၸိူဝ်ႉၼင်ႇၼၼ် ပုၼ်ႈယေႈတူဝ်ယေႈတူဝ် ၸွမ်းၵႃႈၼင်ႇဢၼ်ၼပ်ႉဢၢၼ်ႇၼၼ်ႉဢေႃႈ။- 13ၵူၼ်းဝၢၼ်ႈၵူၼ်းမိူင်းတင်းသဵင်ႈတင်းလူင် တၵ်းလႆႈႁဵတ်းမႅၼ်ႈၵၼ်တင်းၸိူဝ်းၼၼ်ႉ ၼႂ်းတၢင်းဢၼ်ပုၵ်ႈၸေႃႇတၢင်းပုၵ်ႈၸေႃႇ ဢၼ်ဢဝ်တင်းၽႆးပုၵ်ႈၸေႃႇလႄႈ မီးဢၢႆဢၼ်ႁွမ်ဢၼ်ႁူၺ်းပုၼ်ႈထႃႇဝရႃႉၽြႃးၼၼ်ႉဢေႃႈ။- 14ပဵၼ်ၵူၼ်းတၢင်ႇၸိူဝ်ႉတၢင်ႇၶိူဝ်း ဢၼ်သွၼ်ႈပိုင်ႈယူႇၵႃႈၼႂ်းသူသေဢမ်ႇဝႃႈ၊ ပဵၼ်ၵူၼ်းတၢင်ႇတီႈတၢင်ႇလႅၼ်သေဢမ်ႇဝႃႈ၊ ၸူဝ်ႈလုၵ်ႈပၢၼ်လၢၼ်သူသိုပ်ႇသိုပ်ႇတၢမ်းတၢမ်းၼၼ်ႉ၊ ပေႃးမီးဢလူဝ်ႇၶႂ်ႈပုၵ်ႈၸေႃႇ တၢင်းပုၵ်ႈၸေႃႇဢၼ်ဢဝ်တင်းၽႆးပုၵ်ႈၸေႃႇလႄႈ မီးဢၢႆဢၼ်ႁွမ်ဢၼ်ႁူၺ်းပုၼ်ႈထႃႇဝရႃႉၽြႃးၸိုင်၊ ၸိူဝ်ႉၼင်ႇဢၼ်သူႁဵတ်းၼၼ်ႉ၊ မၼ်းၵေႃႈတၵ်းလႆႈႁဵတ်းဢေႃႈ။- 15ပုၼ်ႈပရဵၵ်ႈသၢတ်ႈၸမ်ႉ၊ တၵ်းလႆႈမီးထုင်းၽိင်ႈတြႃးပႃးလဵဝ်ၵူၺ်း ပုၼ်ႈသူဢိၵ်ႇတင်း ပုၼ်ႈၶဝ်ၸိူဝ်းဢၼ် ပဵၼ်ၵူၼ်းတၢင်ႇၸိူဝ်ႉတၢင်ႇၶိူဝ်းဢၼ်သွၼ်ႈပိုင်ႈယူႇၵႃႈၼႂ်းသူၼၼ်ႉ ဢၼ်ဝႃႈထုင်းၽိင်ႈတြႃးဢၼ်တႃႇသေႇ တီႈၸူဝ်ႈလုၵ်ႈပၢၼ်လၢၼ်သူ သိုပ်ႇသိုပ်ႇတၢမ်းတၢမ်းၼၼ်ႉလႄႈ ၸိူဝ်ႉၼင်ႇဢၼ်သူပဵၼ်ၼၼ်ႉ ၵူၼ်းတၢင်ႇၸိူဝ်ႉတၢင်ႇၶိူဝ်းၵေႃႈ တၵ်းလႆႈပဵၼ်ၵႃႈတီႈၽၢႆႇၼႃႈထႃႇဝရႃႉၽြႃးဢေႃႈ။- 16တြႃးပႃးလဵဝ်ၵူၺ်း၊ ထုင်းၽိင်ႈတြႃးပႃးလဵဝ်ၵူၺ်း တၵ်းလႆႈမီးပုၼ်ႈသူ ဢိၵ်ႇတင်းပုၼ်ႈၵူၼ်းတၢင်ႇၸိူဝ်ႉတၢင်ႇၶိူဝ်း ဢၼ်သွၼ်ႈပိုင်ႈယူႇၵႃႈၼႂ်းသူၼၼ်ႉဢေႃႈ၊ ဝႃႈၼင်ႇၼႆတႃႉ၊ ဝႃႈၼင်ႇၼႆဢေႃႈ။
17ထႃႇဝရႃႉၽြႃးသမ်ႉမီးဢမိင်ႉတီႈမူဝ်းသေႇလႄႈဝႃႈၸမ်ႉ၊- 18မႂ်းသင်ႇလၢတ်ႈတီႈၵူၼ်းမဵဝ်းဢီႉသရေႇလႃႉတင်းလၢႆလႄႈဝႃႈ၊ မိူဝ်ႈဢၼ်သူႁွတ်ႈထိုင်ၵႃႈတီႈမိူင်းဢၼ်ၵဝ်ဢဝ်သူသူင်ႇၼၼ်ႉလႄႈ၊- 19မိူဝ်ႈဢၼ်သူၵိၼ်ၶဝ်ႈမုၼ်းဢၼ်ပဵၼ်ၵႃႈတီႈမိူင်းၼၼ်ႉၸိုင်၊ သူတၵ်းလႆႈႁဵတ်းတၢင်းပုၵ်ႈၸေႃႇ ဢၼ်ယုၵ်ႉယွင်ႈလႄႈ ယုၵ်ႉယွင်ႈတီႈထႃႇဝရႃႉၽြႃးဢေႃႈ။- 20သူတၵ်းလႆႈဢဝ်ၶဝ်ႈမုၼ်းၶႅပ်းဢၼ် ဢဝ်တင်းၽွင်ၶဝ်ႈမူႉယေႃး ဢၼ်လႆႈဢွၼ်တၢင်းႁဵတ်းၼၼ်ႉ ႁဵတ်းတၢင်းပုၵ်ႈၸေႃႇဢၼ်ယုၵ်ႉယွင်ႈလႄႈ ယုၵ်ႉယွင်ႈဢေႃႈ။ ၸိူဝ်ႉၼင်ႇဢၼ်ႁဵတ်းပုၵ်ႈၸေႃႇ ဢၼ်ယုၵ်ႉယွင်ႈၵႃႈတီႈၼႂ်းတလၢင်းယဵပ်ႇၶဝ်ႈၼၼ်ႉ တၵ်းလႆႈယုၵ်ႉယွင်ႈၸိူဝ်ႉၼင်ႇၼၼ်ဢေႃႈ။- 21သူတၵ်းလႆႈဢဝ်ၵႃႈၼႂ်းၽွင်ၶဝ်ႈမူႉယေႃးဢၼ်လႆႈဢွၼ်တၢင်းၼၼ်ႉ ႁဵတ်းတၢင်းပုၵ်ႈၸေႃႇဢၼ်ယုၵ်ႉယွင်ႈလႄႈ သၢၵ်ႈၵၢပ်ႈတီႈထႃႇဝရႃႉၽြႃး တေႃႇထိုင်ႁွတ်ႈၸူဝ်ႈလုၵ်ႈပၢၼ်လၢၼ်သိုပ်ႇသိုပ်ႇတၢမ်းတၢမ်းဢေႃႈ။
22မိူဝ်ႈဢၼ်သူၽိတ်းပိူင်ႈလႄႈ ဢမ်ႇပႂ်ႉဢမ်ႇၸွမ်းပိင်းၺၢပ်ႈၵႃႈမီး ဢၼ်ထႃႇဝရႃႉၽြႃးမွၵ်ႇလၢတ်ႈတီႈမူဝ်းသေႇ- 23ဢၼ်ဝႃႈ ၵႃႈဢၼ်ထႃႇဝရႃႉၽြႃး ဢဝ်တၢင်းမူဝ်းသေႇသင်ႇလၢတ်ႈဝႆႉတီႈသူ ၸႃႉၸဵမ်မိုဝ်ႉဝၼ်းဢၼ်ထႃႇဝရႃႉၽြႃးသင်ႇလၢတ်ႈဝႆႉၼၼ်ႉလႄႈ ၵႂႃႇမိူဝ်းၼႃႈတီႈၸူဝ်ႈလုၵ်ႈပၢၼ်လၢၼ်သူသိုပ်ႇသိုပ်ႇတၢမ်းတၢမ်းၼၼ်ႉ။- 24ပေႃးပရဵၵ်ႈသၢတ်ႈယင်းဢမ်ႇႁူႉလွင်ႈမၼ်းတၢင်းမၼ်းလႄႈ ၽိတ်းပိူင်ႈမႅၼ်ႈၸိုင်၊ ပရဵၵ်ႈသၢတ်ႈတင်းသဵင်ႈတင်းလူင် တၵ်းလႆႈဢဝ်ဝူဝ်းဢၼ်ဢသၢၵ်ႈၼုမ်ႇတူဝ်ၼိုင်ႈ ပုၼ်ႈယိတ်ႈဢၼ်တုတ်ႇၽႆးလႄႈ မီးဢၢႆဢၼ်ႁွမ်ဢၼ်ႁူၺ်းပုၼ်ႈထႃႇဝရႃႉၽြႃးၼၼ်ႉ ဢိၵ်ႇတင်းတၢင်းပုၵ်ႈၸေႃႇၽေႃးၸဵၼ်ႇမၼ်း တင်းတၢင်းပုၵ်ႈၸေႃႇဢၼ်သွၼ်းလေႃႇမၼ်း ၸွမ်းလူၺ်ႈထုင်းၽိင်ႈတြႃးၼၼ်ႉ ဢိၵ်ႇတင်းပႄႉ ပုၼ်ႈယိတ်ႈဢၼ်ၽေႇဢပႅတ်ႈၼၼ်ႉ ပုၵ်ႈၸေႃႇဢေႃႈ။- 25ယိတ်ႈပရေႃးႁဵၵ်ႈ တၵ်းလႆႈႁဵတ်းတၢင်းဢၼ် ၽေႇဢပႅတ်ႈပုၼ်ႈပရဵၵ်ႈသၢတ်ႈ ၵူၼ်းမဵဝ်းဢီႉသရေႇလႃႉ တင်းသဵင်ႈတင်းလူင်လႄႈ၊ ၶဝ်တၵ်းလႆႈၵၢင်းလွတ်ႈတင်းဢပႅတ်ႈၼၼ်ႉ ၵွပ်ႈပိူဝ်ႈဢၼ်ၶဝ်ယင်းဢမ်ႇႁူႉလွင်ႈမၼ်းတၢင်းမၼ်းလႄႈ ၽိတ်းပိူင်ႈမႅၼ်ႈၼၼ်ႉဢေႃႈ။ ၶဝ်ၼၼ်ႉၵွပ်ႈပိူဝ်ႈဢပႅတ်ႈဢၼ်လိုမ်းတူဝ်လႄႈ တၵ်းလႆႈဢဝ်တၢင်းပုၵ်ႈၸေႃႇၶဝ်ဢၼ်ဝႃႈ ယိတ်ႈဢၼ်ဢဝ်တင်းၽႆးႁဵတ်းတီႈထႃႇဝရႃႉၽြႃး ဢိၵ်ႇတင်းယိတ်ႈဢၼ်ၽေႇဢပႅတ်ႈၼၼ်ႉ မႃးၵႃႈတီႈၽၢႆႇၼႃႈထႃႇဝရႃႉၽြႃးဢေႃႈ။- 26ပေႃးႁဵတ်းၸိူဝ်ႉၼင်ႇၼၼ်ၸိုင်၊ ပရဵၵ်ႈသၢတ်ႈၵူၼ်းမဵဝ်းဢီႉသရေႇလႃႉတင်းသဵင်ႈတင်းလူင် ဢိၵ်ႇတင်းၵူၼ်းတၢင်ႇၸိူဝ်ႉတၢင်ႇၶိူဝ်း ဢၼ်သွၼ်ႈပိုင်ႈယူႇၵႃႈၼႂ်းသူၼၼ်ႉတၵ်းလႆႈၵၢင်းလွတ်ႈတင်းဢပႅတ်ႈၼၼ်ႉဢေႃႈ။ လွင်ႈမၼ်းၸမ်ႉ ၵူၼ်းတင်းသဵင်ႈတင်းလူင် ယင်းဢမ်ႇႁူႉလွင်ႈႁၼ်တၢင်းလႄႈ ၽိတ်းပိူင်ႈမႅၼ်ႈဢေႃႈ။
27ပေႃးသေၵေႃႉသေၵူၼ်းယင်းဢမ်ႇႁူႉလွင်ႈႁၼ်တၢင်းလႄႈ ၽိတ်းပိူင်ႈမႅၼ်ႈၸိုင်၊ မၼ်းတၵ်းလႆႈဢဝ် ပႄႉမႄႈဢၼ်ဢမ်ႇပႆႇၶွပ်ႈၶူပ်ႇတူဝ်ၼိုင်ႈ ပုၼ်ႈယိတ်ႈဢၼ်ၽေႇဢပႅတ်ႈမႃးဢေႃႈ။- 28ယိတ်ႈပရေႃးႁဵၵ်ႈ တၵ်းလႆႈႁဵတ်းတၢင်းဢၼ်ၽေႇဢပႅတ်ႈပုၼ်ႈၵေႃႉဢၼ် ယင်းဢမ်ႇႁူႉလွင်ႈႁၼ်တၢင်းလႄႈ ၽိတ်းပိူင်ႈမႅၼ်ႈ ၼႂ်းမိူဝ်ႈဢၼ်မၼ်းယင်းဢမ်ႇႁူႉလွင်ႈႁၼ်တၢင်းလႄႈ ၽိတ်းပိူင်ႈမႅၼ်ႈၵႃႈတီႈၽၢႆႇၼႃႈထႃႇဝရႃႉၽြႃးၼၼ်ႉလႄႈ၊ မၼ်းၼၼ်ႉ တၵ်းလႆႈၵၢင်းလွတ်ႈတင်းဢပႅတ်ႈၼၼ်ႉဢေႃႈ။- 29သူတၵ်းလႆႈမီးတြႃးပႃးလဵဝ်ၵူၺ်း ပုၼ်ႈၵေႃႉဢၼ်ယင်းဢမ်ႇႁူႉလွင်ႈႁၼ်တၢင်းလႄႈ ၽိတ်းပိူင်ႈမႅၼ်ႈ ဢၼ်ဝႃႈၵေႃႉဢၼ်ပဵၼ်ၵူၼ်းမဵဝ်းဢီႉသရေႇလႃႉ ဢိၵ်ႇတင်း ၵူၼ်းတၢင်ႇၸိူဝ်ႉတၢင်ႇၶိူဝ်း ဢၼ်သွၼ်ႈပိုင်ႈယူႇၵႃႈတီႈမႂ်းၸိူဝ်းၼၼ်ႉဢေႃႈ။
30ပဵၼ်ၵူၼ်းမဵဝ်းဢီႉသရေႇလႃႉသေဢမ်ႇဝႃႈ၊ ပဵၼ်ၵူၼ်းတၢင်ႇၸိူဝ်ႉတၢင်ႇၶိူဝ်းသေဢမ်ႇဝႃႈ၊ ၵေႃႉဢၼ် ႁတ်းႁတ်းႁၢၼ်ႁၢၼ်သေလႄႈ ၽိတ်းပိူင်ႈၼၼ်ႉ ႁဵတ်းဢမ်ႇၼပ်ႉဢမ်ႇၶၢၼ်းတီႈထႃႇဝရႃႉၽြႃးလႄႈ၊ မၼ်းၼၼ်ႉ တၵ်းလႆႈၶၢမ်ႇတၢင်းဢၼ်ပႄႇပႅတ်ႈသေၵႃႈၼႂ်းမဵဝ်းၸိူဝ်ႉၶိူဝ်းမၼ်းဢေႃႈ။- 31ၵွပ်ႈပိူဝ်ႈဢၼ်မၼ်းႁဵတ်းဢမ်ႇပေႃးၼင်ႇႁိုဝ်တီႈၵႂၢမ်းထႃႇဝရႃႉၽြႃးလႄႈ ပူၼ်ႉလိူဝ်ပိင်းၺၢပ်ႈမၼ်းၸဝ်ႈၼၼ်ႉလႄႈ၊ မၼ်းၼၼ်ႉတၵ်းလႆႈၶၢမ်ႇတၢင်းဢၼ် ပႄႇပႅတ်ႈပုတ်းပုတ်းၶၢတ်ႇၶၢတ်ႇဢေႃႈ။ မၼ်းတၵ်းလႆႈၶၢမ်ႇဢပႅတ်ႈတူဝ်ၸဝ်ႈၵဝ်ႇဢေႃႈ၊ ဝႃႈၼင်ႇၼႆဢေႃႈ။
တၢင်းဢၼ်ၽိတ်းပိူင်ႈဝၼ်းၵမ်သိၼ်
32မိူဝ်ႈဢၼ် ၵူၼ်းမဵဝ်းဢီႉသရေႇလႃႉတင်းလၢႆ မီးယူႇၵႃႈတီႈၼႂ်းထိူၼ်ႇၼၼ်ႉၸိုင်၊ ၶဝ်ထူပ်းႁၼ်ၵူၼ်းဢၼ်ဢဝ်ၽိုၼ်း ၼႂ်းဝၼ်းၵမ်သိၼ်ၼၼ်ႉၵေႃႉၼိုင်ႈဢေႃႈ။- 33ၶဝ်ၸိူဝ်းဢၼ်ထူပ်းႁၼ်မၼ်းဢဝ်ၽိုၼ်းယူႇၼၼ်ႉၸိူဝ်းၼၼ်ႉ ႁွင်ႉဢဝ်မၼ်းၼၼ်ႉ မႃးၵႃႈတီႈမူဝ်းသေႇ တင်းဢႃႇရုၼ်ႇ ဢိၵ်ႇတင်းပရဵၵ်ႈသၢတ်ႈတင်းသဵင်ႈတင်းလူင်ဢေႃႈ။- 34ၶဝ်ဢဝ်မၼ်းၶျုၵ်ႈဝႆႉ ၵွပ်ႈပိူဝ်ႈဢၼ်ဢမ်ႇပႆႇမီးတၢင်းဢၼ်မွၵ်ႇလၢတ်ႈဝႆႉ လွင်ႈဢၼ်တၵ်းလႆႈႁဵတ်းတီႈမၼ်းၼၼ်ႉဢေႃႈ။- 35ထႃႇဝရႃႉၽြႃးမီးဢမိင်ႉတီႈမူဝ်းသေႇလႄႈဝႃႈ၊ ၵူၼ်းၵေႃႉၼၼ်ႉ တၵ်းလႆႈၶၢမ်ႇတၢင်းဢၼ်ဢဝ်တၢႆဢမၢၼ်ႇၶၼ်ပဵၼ်ဢေႃႈ။ ပရဵၵ်ႈသၢတ်ႈတင်းသဵင်ႈတင်းလူင်တၵ်းလႆႈဢဝ်မၢၵ်ႇႁိၼ်ထိမ်ႈမၼ်း ၵႃႈတီႈၼွၵ်ႈတပ်ႉဢေႃႈ၊ ဝႃႈၼင်ႇၼႆဢေႃႈ။- 36ၸွမ်းၵႃႈၼင်ႇဢၼ်ထႃႇဝရႃႉၽြႃး မီးဢမိင်ႉတီႈမူဝ်းသေႇၼၼ်ႉသေလႄႈ ပရဵၵ်ႈသၢတ်ႈတင်းသဵင်ႈတင်းလူင် ဢွၼ်ၵၼ်ဢဝ်မၼ်းၵႂႃႇၵႃႈတီႈၼွၵ်ႈတပ်ႉသေယဝ်ႉ၊ ဢဝ်မၢၵ်ႇႁိၼ်ထိမ်ႈမၼ်းလႄႈ၊ မၼ်းတၢႆဢေႃႈ။
ထုင်းတြႃးလွင်ႈဢၼ်ႁွႆႈၸၢမ်းပူႈ
37ထႃႇဝရႃႉၽြႃးသမ်ႉမီးဢမိင်ႉတီႈမူဝ်းသေႇလႄႈဝႃႈၸမ်ႉ၊- 38မႂ်းလၢတ်ႈတေႃႇ ၵူၼ်းမဵဝ်းဢီႉသရေႇလႃႉတင်းလၢႆလႄႈ သင်ႇလၢတ်ႈလွင်ႈဢၼ်ၶဝ်တၵ်းလႆႈႁဵတ်းပူႈႁွႆႈၵႃႈတီႈၸဵင်ႇၶူဝ်းၼုင်ႈၶဝ် တေႃႇထိုင်ႁွတ်ႈၸူဝ်ႈလုၵ်ႈပၢၼ်လၢၼ်မဵဝ်းသိုပ်ႇသိုပ်ႇတၢမ်းတၢမ်းၼၼ်ႉလႄႈ ဢဝ်တင်းသၢႆဢၼ်သွမ်ႇမတ်ႉႁွႆႈၼၼ်ႉတီႈၶဝ်တႃႉ။- 39တၵ်းလႆႈပဵၼ်ပူႈတီႈသူ ပုၼ်ႈလွင်ႈၼင်ႇႁိုဝ် သူတၵ်းလႆႈတူၺ်းႁၼ်လႄႈၶုၵ်းၸႂ်လႆႈၶႆႈၸႂ်ထူပ်း ပိင်းၺၢပ်ႈထႃႇဝရႃႉၽြႃးၵႃႈမီးတင်းသဵင်ႈတင်းလူင်လႄႈၵမ်ၵျၢင်ႉဢိၵ်ႇတင်းလွင်ႈၼင်ႇႁိုဝ်တၵ်းဢမ်ႇၸွမ်းဢလူဝ်ႇႁူဝ်ၸႂ်သူ ဢိၵ်ႇတင်းဢလူဝ်ႇမၢၵ်ႇတႃသူလႄႈ ၽိတ်းပိူင်ႈၸိူဝ်ႉၼင်ႇဢၼ် သူယၢမ်ႈလႆႈၽိတ်းပိူင်ႈယဝ်ႉၼၼ်ႉ၊- 40တင်းလွင်ႈၼင်ႇႁိုဝ်တၵ်းၶုၵ်းၸႂ်လႆႈၶႆႈၸႂ်ထူပ်း ၵမ်ၵျၢင်ႉပိင်းၺၢပ်ႈၵဝ်ၵႃႈမီးလႄႈ မူတ်းၸၢင်ႇပုၼ်ႈ ၽြႃးပဵၼ်ၸဝ်ႈသူဢေႃႈ။- 41ၵဝ်ပဵၼ်ထႃႇဝရႃႉၽြႃး ၽြႃးပဵၼ်ၸဝ်ႈသူ ဢၼ်ၼုၵ်ႈဢဝ်သူဢွၵ်ႇသေၵႃႈၼႂ်းမိူင်းဢေႇၵိပ်ႉတူႉ မႃးႁႂ်ႈလႆႈပဵၼ်ၽြႃးပဵၼ်ၸဝ်ႈသူဢေႃႈ။ ၵဝ်ပဵၼ်ထႃႇဝရႃႉၽြႃး ၽြႃးပဵၼ်ၸဝ်ႈသူဢေႃႈ၊ ဝႃႈၼင်ႇၼႆဢေႃႈ။
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Shan Baptist Churches Fellowship