OO MEYO ACHIMOOWIN ST MARK 7
7
PISKE̔TUSSINA̔HIKUN VII.
1Ākose pāche mawusuko natik Phariseewa, mena atee̔t oomussina̔hikāwa, Jerusalemi̔k ā pā o̔too̔tāyit. 2Ākose ispe weäpumatchik atee̔t oo kiskino̔humowakuneyewa ā moowayit ayu̔konawa keke āka pā̔kissewin, āwukwane ā itwā̔k, keke āka ā kitchistapawuta̔k, mechee̔cheeä, ke̔ nayā̔tawāye̔tumwuk. 3Weya Phariseewuk, ussitche ka̔keyow Jewuk, patima me̔chātwaw ka̔ keseepākinu̔k, wawe oo’ chee̔cheewawa, numoweya mechesoowuk, ā mitchiminu̔kik oot isse̔twawineyew wāskuch kissāyinewa. 4Mena ka̔tukoosee̔kwawe uta̔toowini̔k o̔che, patima ka̔ keseepākeetwawe, numoweya mechesoowuk. Mena me̔chāt kotuka kākwia e̔tukwunwa, ka ke̔ otinu̔kik kitta mitchiminu̔kik, ā keseepākinumee̔k ooyakunisa, mena mini̔kwakuna, osawe̔kwuk‐ussewutchekuna, ussitche tā̔tuppewina. 5Ākose Phariseewuk ussitche oomussina̔hikāwuk kukwāchimāwuk, Tanā̔kā, numoweya ke kiskino̔humowakunuk totumwuk ā ke̔ isse itatisseye̔pun wāskuch kissāyinewa, maka ka moowatchik ayu̔konawa āka ā ke̔ kitchistapawutatchik oo’ chee̔cheewawa? 6Nuskwāwusehāo mena omisse itāo, Metoone ke ke̔ kiskewāhookoowaw Esaias keyawaw oowuyāschisootik, ka isse itussina̔hikatāk, Okoo ayiseyinewuk ne mume̔chimikwuk oo’ toonewawa o̔che, maka oo’ tā̔ewaw wa̔yow ayayew. 7Āyewā̔k pikonuta ne putuppeestakwuk, ā kiskino̔humakātchik kukāskimewāwina ayiseyinewa oo’ yussoowāwineyewa. 8Weya oo̔pimā ā ustayāk oo’ yussoowāwin Muneto, ke mitchiminānawaw oot isse̔twawinewaw ayiseyinewuk, ka kitchistapawuta̔k mini̔kwakuna mena ooyakunisa: mena me̔chāt kotuka ākotoowe kākwia ke totānawaw. 9Mena omisse itāo, Metoone ket atowāye̔tānawaw Muneto oo’ yussoowāwin, kitta ke̔ kunowāye̔tumāk keyawaw kā̔chewak ket isse̔twawinewaw. 10Weya Moses ā ke̔ itwāt, Kistāyimik k’o̔tawe mena ke’ kawe; mena, Piko oweyuk muche itatche oo̔’ ta̔weya a̔po oo’ kaweya keyam kitta nippa̔haw: 11Maka keyawaw ket itwanawaw, Keespin oweyuk itatche oo̔’ taweya a̔po oo’ kaweya, Corban āwuko, āwukwane ā itwā̔k, mākewin, piko kākwan kitta ke̔ o̔che o̔tisseyun neya o̔che; kitta tipāyimisoo. 12Mena numoweya ket eyinumowawaw owusimā nantow kākwan kitta totumowat o̔o’ taweya a̔po oo’ kaweya; 13Ā isse̔tayāk Muneto oot ayumewin āka nantow kitta itaputuneyik ket isse̔twawinewaw o̔che, ka ke̔ mākeyāk: mena me̔chāt ākotoowe kākwia ket i̔totānawaw.
14Ākose ispe ka̔ nutoomat ka̔keyow ayiseyinewa, omisse itāo, Nutoo̔towik ka̔keyow keyawaw, mena nisseto̔tumook: 15Numma e̔tukwun kākwan oowuyoweetimayi̔k ayiseyinew, ā pee̔tokwāmukuneyik w’eyowi̔k kitta ke̔ nissewunachehikoot: maka unehee kākwia ka wuyoweepuyikee w’eyowi̔k o̔che, āwukwunee ka nissewunachehikoot ayiseyinew. 16Keespin oweyuk o̔towukaw kitta pā̔tu̔k, keyam kitta nutoo̔tum. 17Ākose ispe ayiseyinewa ka̔ nukutat ka̔ pee̔tokwāt maka waskahikuni̔k, oo kiskino̔humowakuna kukwāchimik uspahakāmoowin o̔che. 18Ākose omisse itāo, Ākose na kāyapitch neestawaw āka āsse oonisseto̔tumoowineyāk? Numma na ke nissetowinānawaw, piko kākwi wuyoweetimi̔k o̔che ā pee̔tokwāskakoot ayiseyinew, numma ke̔ nissewunachehik; 19Chikāma numoweya pee̔tokwāmukuneyew oo’ tā̔i̔k, maka wuta̔k isse, mena wuyoweepuyew, ā pā̔ke̔tamuku̔k ka̔keyow mechima? 20Ākose omisse itwāo, Unima ka wuyoweemuku̔k ayiseyinee̔k o̔che, āwukwāyew nāssewunachehikoot ayiseyinew. 21Chikāma pee̔tokwumayi̔k o̔che, oo’ tā̔ewa̔k o̔che ayiseyinewuk, o̔chepuyewa muche mitoonāye̔chekuna, pisikwatissewina, mamowehitoowina, nippa̔hitoowina, 22Kimootewina, ukawatumoowina, muchatissewina, keyaskewin, pisikwache itatissewin muche kunowapu̔toowin, pastamoowin, kistāyimoowin, kukāpatissewin: 23Ka̔keyow ohoo muche kākwia pee̔tokwumayi̔k o̔chepuyewa, mena nissewunachehik ayiseyinew.
24Ākose ākota o̔che pussikoo, mena itoo̔tāo sisooch Tyre mena Sidoni̔k, mena pee̔tokwāo pee̔che waskahikuni̔k, mena ke̔ nutowāye̔tum āka oweya kitta kiskāye̔tumeyit: maka numoweya ke̔ kasoo. 25Chikāma pāuk iskwāo, oo’ taniseyewa ā ayawayit āka ā pā̔kisseyit a̔cha̔kwa, pā̔tumeyewa, ākose pā itoo̔tāyewa mena pu̔kissineyewa oo’ siti̔k: 26Una iskwāo oo Greekewe̔ty, a Syrophenicianewit itta ā o̔cheet o̔che; ākose pukoosāyimāo kitta wuyoweetissa̔wayit muche a̔cha̔kwa oo’ tanisa w’eyoweyee̔k o̔che. 27Maka Jesus omisse itāo, Keyam pitta owasisuk kitta keespoowuk: chikāma numoweya na̔hepuyew kitta otinimee̔t owasisuk oot ayu̔konamewawa, ākose utimwuk kitta issewāpinuma̔tchik. 28Ākose nuskwāwusehāo mena omisse itāo, Āhā, Tāpāye̔chekāyun: āyewā̔k utimwuk seepa mechesoowina̔tikoo̔k mechewuk owasisa oo pewa̔chekuneyewa. 29Ākose omisse itāo, Oma itwāwin o̔che kewā; muche a̔cha̔k wuyoweew ke’tanis w’eyowi̔k o̔che. 30Akose ispe wāte̔tu̔k w’eekee, miskowāo, muche a̔cha̔kwa ā ke̔ wuyoweeyit, ākose oo’ tanisa ā pimissineyit nipāwini̔k.
31Ākose mena, ā sipwā̔tāt Tyre mena Sidoni̔k o̔che, pā itoo̔tāo wenepākoo̔k Galileei̔k, ā sapoo̔tāt Decapolisi̔k. 32Ākose pātoowāwuk pāuk ā kukāpe̔tāyit, mena ā nayā̔tawāyit ā peekiskwāyit; ākose pukoosāyimāwuk kitta saminayit. 33Ākose ākut itoo̔tahāo ayiseyineeska̔k o̔che, mena ustaw oo’ chee̔cheeä pee̔che o̔o’ towukuyee̔k, mena see̔koo, ākose saminumwāo oo’ tāyuneyew; 34Ākose ke̔che kesikoo̔k ā itapit, yu̔kutamoo, ākose omisse itāo, Ephphatha, āwukwane, Paske̔tāpuye. 35Ākose sāmak o̔o’ towukuya paske̔tāpuyeyewa, mena oo’ tāyuneweape apee̔kopuyeyew, ākose ayumew metoone. 36Ākose ayeechimāo āka kitta we̔tumowayit oweya: maka owusimā ā we̔tumowat, owusimā naspitch mistahā we̔tumeyewa; 37Mena naspitch ā mamuskatumeyit, omisse ā itwā̀yit, Ke̔ totum ka̔keyow kākwia kwiusk: issehāo ookukāpe̔tāwa kitta pā̔tumeyit, mena āka oone̔tawāwa kitta peekiskwāyit.
Currently Selected:
OO MEYO ACHIMOOWIN ST MARK 7: CSW
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1876-1877.
OO MEYO ACHIMOOWIN ST MARK 7
7
PISKE̔TUSSINA̔HIKUN VII.
1Ākose pāche mawusuko natik Phariseewa, mena atee̔t oomussina̔hikāwa, Jerusalemi̔k ā pā o̔too̔tāyit. 2Ākose ispe weäpumatchik atee̔t oo kiskino̔humowakuneyewa ā moowayit ayu̔konawa keke āka pā̔kissewin, āwukwane ā itwā̔k, keke āka ā kitchistapawuta̔k, mechee̔cheeä, ke̔ nayā̔tawāye̔tumwuk. 3Weya Phariseewuk, ussitche ka̔keyow Jewuk, patima me̔chātwaw ka̔ keseepākinu̔k, wawe oo’ chee̔cheewawa, numoweya mechesoowuk, ā mitchiminu̔kik oot isse̔twawineyew wāskuch kissāyinewa. 4Mena ka̔tukoosee̔kwawe uta̔toowini̔k o̔che, patima ka̔ keseepākeetwawe, numoweya mechesoowuk. Mena me̔chāt kotuka kākwia e̔tukwunwa, ka ke̔ otinu̔kik kitta mitchiminu̔kik, ā keseepākinumee̔k ooyakunisa, mena mini̔kwakuna, osawe̔kwuk‐ussewutchekuna, ussitche tā̔tuppewina. 5Ākose Phariseewuk ussitche oomussina̔hikāwuk kukwāchimāwuk, Tanā̔kā, numoweya ke kiskino̔humowakunuk totumwuk ā ke̔ isse itatisseye̔pun wāskuch kissāyinewa, maka ka moowatchik ayu̔konawa āka ā ke̔ kitchistapawutatchik oo’ chee̔cheewawa? 6Nuskwāwusehāo mena omisse itāo, Metoone ke ke̔ kiskewāhookoowaw Esaias keyawaw oowuyāschisootik, ka isse itussina̔hikatāk, Okoo ayiseyinewuk ne mume̔chimikwuk oo’ toonewawa o̔che, maka oo’ tā̔ewaw wa̔yow ayayew. 7Āyewā̔k pikonuta ne putuppeestakwuk, ā kiskino̔humakātchik kukāskimewāwina ayiseyinewa oo’ yussoowāwineyewa. 8Weya oo̔pimā ā ustayāk oo’ yussoowāwin Muneto, ke mitchiminānawaw oot isse̔twawinewaw ayiseyinewuk, ka kitchistapawuta̔k mini̔kwakuna mena ooyakunisa: mena me̔chāt kotuka ākotoowe kākwia ke totānawaw. 9Mena omisse itāo, Metoone ket atowāye̔tānawaw Muneto oo’ yussoowāwin, kitta ke̔ kunowāye̔tumāk keyawaw kā̔chewak ket isse̔twawinewaw. 10Weya Moses ā ke̔ itwāt, Kistāyimik k’o̔tawe mena ke’ kawe; mena, Piko oweyuk muche itatche oo̔’ ta̔weya a̔po oo’ kaweya keyam kitta nippa̔haw: 11Maka keyawaw ket itwanawaw, Keespin oweyuk itatche oo̔’ taweya a̔po oo’ kaweya, Corban āwuko, āwukwane ā itwā̔k, mākewin, piko kākwan kitta ke̔ o̔che o̔tisseyun neya o̔che; kitta tipāyimisoo. 12Mena numoweya ket eyinumowawaw owusimā nantow kākwan kitta totumowat o̔o’ taweya a̔po oo’ kaweya; 13Ā isse̔tayāk Muneto oot ayumewin āka nantow kitta itaputuneyik ket isse̔twawinewaw o̔che, ka ke̔ mākeyāk: mena me̔chāt ākotoowe kākwia ket i̔totānawaw.
14Ākose ispe ka̔ nutoomat ka̔keyow ayiseyinewa, omisse itāo, Nutoo̔towik ka̔keyow keyawaw, mena nisseto̔tumook: 15Numma e̔tukwun kākwan oowuyoweetimayi̔k ayiseyinew, ā pee̔tokwāmukuneyik w’eyowi̔k kitta ke̔ nissewunachehikoot: maka unehee kākwia ka wuyoweepuyikee w’eyowi̔k o̔che, āwukwunee ka nissewunachehikoot ayiseyinew. 16Keespin oweyuk o̔towukaw kitta pā̔tu̔k, keyam kitta nutoo̔tum. 17Ākose ispe ayiseyinewa ka̔ nukutat ka̔ pee̔tokwāt maka waskahikuni̔k, oo kiskino̔humowakuna kukwāchimik uspahakāmoowin o̔che. 18Ākose omisse itāo, Ākose na kāyapitch neestawaw āka āsse oonisseto̔tumoowineyāk? Numma na ke nissetowinānawaw, piko kākwi wuyoweetimi̔k o̔che ā pee̔tokwāskakoot ayiseyinew, numma ke̔ nissewunachehik; 19Chikāma numoweya pee̔tokwāmukuneyew oo’ tā̔i̔k, maka wuta̔k isse, mena wuyoweepuyew, ā pā̔ke̔tamuku̔k ka̔keyow mechima? 20Ākose omisse itwāo, Unima ka wuyoweemuku̔k ayiseyinee̔k o̔che, āwukwāyew nāssewunachehikoot ayiseyinew. 21Chikāma pee̔tokwumayi̔k o̔che, oo’ tā̔ewa̔k o̔che ayiseyinewuk, o̔chepuyewa muche mitoonāye̔chekuna, pisikwatissewina, mamowehitoowina, nippa̔hitoowina, 22Kimootewina, ukawatumoowina, muchatissewina, keyaskewin, pisikwache itatissewin muche kunowapu̔toowin, pastamoowin, kistāyimoowin, kukāpatissewin: 23Ka̔keyow ohoo muche kākwia pee̔tokwumayi̔k o̔chepuyewa, mena nissewunachehik ayiseyinew.
24Ākose ākota o̔che pussikoo, mena itoo̔tāo sisooch Tyre mena Sidoni̔k, mena pee̔tokwāo pee̔che waskahikuni̔k, mena ke̔ nutowāye̔tum āka oweya kitta kiskāye̔tumeyit: maka numoweya ke̔ kasoo. 25Chikāma pāuk iskwāo, oo’ taniseyewa ā ayawayit āka ā pā̔kisseyit a̔cha̔kwa, pā̔tumeyewa, ākose pā itoo̔tāyewa mena pu̔kissineyewa oo’ siti̔k: 26Una iskwāo oo Greekewe̔ty, a Syrophenicianewit itta ā o̔cheet o̔che; ākose pukoosāyimāo kitta wuyoweetissa̔wayit muche a̔cha̔kwa oo’ tanisa w’eyoweyee̔k o̔che. 27Maka Jesus omisse itāo, Keyam pitta owasisuk kitta keespoowuk: chikāma numoweya na̔hepuyew kitta otinimee̔t owasisuk oot ayu̔konamewawa, ākose utimwuk kitta issewāpinuma̔tchik. 28Ākose nuskwāwusehāo mena omisse itāo, Āhā, Tāpāye̔chekāyun: āyewā̔k utimwuk seepa mechesoowina̔tikoo̔k mechewuk owasisa oo pewa̔chekuneyewa. 29Ākose omisse itāo, Oma itwāwin o̔che kewā; muche a̔cha̔k wuyoweew ke’tanis w’eyowi̔k o̔che. 30Akose ispe wāte̔tu̔k w’eekee, miskowāo, muche a̔cha̔kwa ā ke̔ wuyoweeyit, ākose oo’ tanisa ā pimissineyit nipāwini̔k.
31Ākose mena, ā sipwā̔tāt Tyre mena Sidoni̔k o̔che, pā itoo̔tāo wenepākoo̔k Galileei̔k, ā sapoo̔tāt Decapolisi̔k. 32Ākose pātoowāwuk pāuk ā kukāpe̔tāyit, mena ā nayā̔tawāyit ā peekiskwāyit; ākose pukoosāyimāwuk kitta saminayit. 33Ākose ākut itoo̔tahāo ayiseyineeska̔k o̔che, mena ustaw oo’ chee̔cheeä pee̔che o̔o’ towukuyee̔k, mena see̔koo, ākose saminumwāo oo’ tāyuneyew; 34Ākose ke̔che kesikoo̔k ā itapit, yu̔kutamoo, ākose omisse itāo, Ephphatha, āwukwane, Paske̔tāpuye. 35Ākose sāmak o̔o’ towukuya paske̔tāpuyeyewa, mena oo’ tāyuneweape apee̔kopuyeyew, ākose ayumew metoone. 36Ākose ayeechimāo āka kitta we̔tumowayit oweya: maka owusimā ā we̔tumowat, owusimā naspitch mistahā we̔tumeyewa; 37Mena naspitch ā mamuskatumeyit, omisse ā itwā̀yit, Ke̔ totum ka̔keyow kākwia kwiusk: issehāo ookukāpe̔tāwa kitta pā̔tumeyit, mena āka oone̔tawāwa kitta peekiskwāyit.
Currently Selected:
:
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1876-1877.