OO MEYO ACHIMOOWIN ST MARK 8
8
PISKE̔TUSSINA̔HIKUN VIII.
1Āwukwunee kesikawa ookistukā̔we ayiseyinewuk naspitch ā me̔chātitchik, mena āka kākwi ā ayatchik kitta mechitchik, Jesus nutoomāo oo kiskino̔humowakuna, mena omisse itāo, 2Ne kitimakinowawuk ookistukāwe ayiseyinewuk, chikāma ākwa nisto kesikawa ne ke̔ wechākwuk, ākose numoweya kākwi ayawuk kitta mechitchik: 3Mena keespin sipwātissa̔wukwawe w’eekeewa̔k isse ā noo̔tā̔kutātchik, kitta utte noo̔tāsinwuk: weya me̔chāt wa̔yow ā o̔too̔tātchik. 4Ākose oo kiskino̔humowakuna nuskwā̀wusehik, Tantā o̔che oweyuk kā ke̔ keespoo̔yat ohoo ayiseyinewa ayu̔konawa o̔che ota pukwuchayi̔k 5Ākose kukwāchimāo, Tantu̔to ayu̔konawuk āyawākook? Ākose omisse itwāyewa, Tāpukoo̔p. 6Ākose itussoowatāo ayiseyinewa kitta uppeyit uskee̔k: ākose otināo unehee tāpukoo̔p ayu̔konawa, mena nunaskomoo, mena pu̔kwānāo, mena meeyāo oo kiskino̔humowakuna kitta ooyustwowayit; ākose ke̔ ooyustwowāwuk ayiseyinewa. 7Mena oot ayawa̔tawaw atee̔t upistche kinoosāsisa: mena meywukimāo, mena itussoowāo āwukwunee ussitche kitta ooyustwowayit. 8Ākose ke̔ mechesoowuk, mena ke̔ keespoowuk: ākose ke̔ otinumwuk pewa̔chekuna ka ke̔ nukutumoo̔t tāpukoo̔p we̔kopewuta sakuskin. 9Mena unekee ka ke̔ mechesoowa̔pun nantow oo nāo ke̔che metatu̔to metunowāse̔tawaw: ākose sipwātissa̔wāo.
10Ākose sāmak poosew chemani̔k ussitche oo kiskino̔humowakuna, mena pā itoo̔tāo pu̔kee Dalmanuthai̔k. 11Ākose Phariseewuk pā itoo̔tāwuk, mena mache kukwāchimāwuk, ā nutoonumwatchik mama̔tawe kākwi ke̔che kesikoo̔k o̔che, ā we̔ kootāyimatchik. 12Ākose muma̔pināo mistahā oot a̔cha̔koo̔k, mena itwāo, Tanā̔kā okoo ayiseyinewuk wā̔che nutoonu̔kik mama̔tawe kākwi? tapwā k’ ititinawaw, Numoweya kitta o̔che meeyawuk okoo ayiseyinewuk mama̔tawe kākwi. 13Mena ke̔ nukutāo, ākose utte poosew chemani̔k mena ā sipwā̔tāt kwāskukam isse.
14Kiskino̔humowakunuk maka ke̔ wunekiskissewuk kitta tu̔koonatchik ayu̔konawa, mena numma wawach oot aya̔tawaw kākwi pee̔che chemani̔k owusimā piko pāuk ayu̔konawa. 15Ākose kukāskimāo, omisse, Pāu̔tuk, uswāye̔tumook oot oo̔pee̔chechekunewaw Phariseewuk, mena oot oo̔pee̔chechekun Herod. 16Ākose a̔äyumehitoowuk, omisse, Āka ā ayawimayu̔k ayu̔konawa. 17Ākose ispe Jesus kāskāye̔tu̔k, omisse itāo, Tanā̔kā wā̔che a̔äyumehitooyāk, āka ayu̔konaw ā ayawāk? numma na chāskwa ke nissetowinānawaw, a̔po kitta nisseto̔tumāk? ket ayanawaw na kāyapitch ke’ tā̔ewaw ā muskowustāk? 18Ā ayayāk me’skesikwa, numma na ke wapu̔tumanawaw? mena ā ayayāk me̔ towukuya, numma na ke pā̔tānawaw? mena numma na ke kunokiskissinawaw? 19Ispe ā peekoonumowukik neyanun ayu̔konawa neyanun ke̔che metatu̔to metunow, tantu̔to we̔kopewuta sakuskin peewa̔chekuna ka̔ otinumāk? Omisse itwāyewa, Metatu̔t nesoosap. 20Mena ispe tāpukoo̔p meätinumowukik nāö ke̔che metatu̔to metunow, tantu̔to we̔kopewuta sakuskin peewa̔chekuna ka̔ otinumāk? Omisse itwāwuk, Tāpukoo̔p. 21Ākose omisse itāo, Tana̔kee̔k āka ka nisseto̔tumāk?
22Ākose pā itoo̔tāo Bethsaidai̔k; ākose pātoowāwuk napāwa āka ā wapeyit, mena pukoosāyimāwuk kitta saminayit. 23Ākose sukechee̔chānāo unehee napāwa āka ka wapeyit, mena sipwā̔tahāo waskahikuneska̔k o̔che; ākose ispe ka̔ see̔kwatumwat oo’ skesikoyewa, mena ka̔ saminat, kukwāchimāo keespin kākwi weäpu̔tumeyikwā. 24Ākose tustusapew, mena itwāo, ne wapumawuk ayiseyinewuk tapiskooch mistikwuk, ā pimoo̔tātchik. 25Ākose mena saminumwāo oo’ skesikoyewa, mena tustusapehāo: ākose ke̔ meywayaw, mena ke̔ wapumāo ka̔keyow oweya metoone. 26Ākose kewātissa̔wāo w’eekeeyee̔k isse, omisse ā itat, Ākaweya itoo̔tā waskahikuneska̔k, a̔po ākaweya oweyuk we̔tumow waskahikuneska̔k.
27Ākose Jesus wuyoweew, ussitche oo kiskino̔humowakuna, waskahikuneska̔k isse Cesarea Philippii̔k: ākose ā utte itoo̔tātchik kukwāchimāo oo kiskino̔humowakuna, omisse ā itat, Owāna āsitchik ayiseyinewuk? 28Ākose omisse itwāwuk, John Ooseekaha̔takāo: maka atee̔t Elias itwāwuk; mena kotukuk, Pāuk ookiskewāhikāo. 29Ākose omisse itāo, Maka owāna keyawaw ātwāyāk? Ākose Peter nuskwāwusehāo mena omisse itāo, Keya āwuko Christ. 30Ākose we̔tumowāo āka oweya kitta achimostowayit weya o̔che.
31Ākose mache kiskino̔humowāo, napāo oo’ Koosisan kitta kootāye̔tu̔k me̔chāt kākwia, mena kitta atowāyimikoot kāssāyine̔ku̔t umeyit, ussitche ke̔che ayumehāwekemawa, mena oomussina̔hikāwa, mena kitta nippa̔hee̔t, mena ke̔ nistoo kesikayike kitta wuniskat mena. 32Mena ke̔ itwāo āwuko itwāwin moosisā. Ākose Peter otināo, mena mache kitootāo. 33Maka ispe ka̔ kwāskekapowit mena ka̔ kunowupumat oo kiskino̔humowakuna, kitootāo Petera, omisse ā itwāt, N’ ispiskwuni̔k itoo̔tā keya, Muche a̔cha̔k: chikāma numoweya ke mamitoonāye̔tān unehee kākwiä Munetoo̔k ka o̔cheekee, maka unehee kākwia ayiseyinee̔k ka o̔cheekee.
34Ākose ispe ka̔ nutoomat ayiseyinewa ussitche oo kiskino̔humwakuna, omisse itāo, Piko una kā we̔ pimitissa̔hoot, keyam kitta anwā̔tasoo, ākose kitta otinum oot ayimissewin, mena ne ga pimitissa̔hook. 35Chikāma una kā we̔ pimache̔tat oo pimatissewin kitta wune̔taw; maka una kā wune̔tat oo pimatissewin neya o̔che mena meyo achimoowin o̔che, āwuko kā pimache̔tat. 36Chikāma kākwi kā o̔tissit ayiseyinew, keespin kuske̔tatche missewā uske, ākose wunehatche oot a̔cha̔kwa? 37A̔po kākwi meskooch ayiseyinew kā mākit oot a̔cha̔kwa o̔che? 38Oweyuk maka kā nunāpāwissestowit mena net ayumewina ota pisikwatissewe mena muchatissewe ayiseyineeska̔k; āwukwune neesta napāo oo’ Koosisan kā nunāpāwissestowat, ispe pā itoo̔tātche oo mume̔chimikoowineyee̔k Oo̔’ tawea ussitche kunache ke̔che utooskāyakuna.
Currently Selected:
OO MEYO ACHIMOOWIN ST MARK 8: CSW
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1876-1877.
