Luca 3
3
Juan chi Porochoaparí k'orea bɨda
Mateo 3:1-12; Marco 1:1-8; Juan 1:19-28
1Tiberio chi Romanepema atepe poro chaarea bɨ quince ãyo pa bɨde, Poncio Pilato Judea tuade chi minachia k'awa bɨ pasima. Herode Galilea tuade chi minachia k'awa bɨ pasima.#3:1 Mãɨ Herode «Antipa» apachidama. Ichi k'orea nãma pedea bɨma: Mateo 14:1-10; Luca 3:19; 9:7-9; 13:31-33; 23:6-12. Ichi ak'õre «Herode chi Minachia K'awa Bɨade» apachidama. Mateo 2:1-23. Chi ũpẽa P'elipe Traconite tuade mãɨnepa Iturea tuade chi minachia k'awa bɨ pasima.#3:1 Mãɨ P'elipe k'orea aba nãɨ versiculode bɨ bɨma. Awaraɨ P'elipe «Herode-P'elipe» apataɨ unupatama Mateo 14:3; Marco 6:17; Luca 3:19. «Herode chi Choma» apataɨ ãchi ak'õre pasima. Antipa ome chi ũpẽarã pasima. Lisania Abilene tuade chi minachia k'awa bɨ pasima. 2Aná mãɨnepa Caip'á chi p'aare minachia k'awa p'anɨrã pasima.#3:2 Caip'á Aná wiu pasima. Aná p'aare chi atepe basima ãyo 6depa 15dea. Caip'á chi p'aare atepe basima ãyo 18depa 36dea.
Mãɨ ewaride ĩjũa pania newẽa bɨde Tachi Ak'õrepa Zak'aria warra Juaná pedeasima. 3Mãɨpuru Juan jõma Jordán to k'ait'a berã́ jarade wãsima ãchia nemietá oopataɨ itu bɨdak'ari Tachi Ak'õremá chedamẽrá. Ichia jarasima mãɨya oosidara Tachi Ak'õrepa ãchi nemietá oodada k'ɨ̃risia atuait'a. Chi ichi pedea ũriuta ichia toeda porochoapachima. 4Jõma mãɨ mãɨyasima Tachi Ak'õre pari pedeaparí Isaíapa naena bɨda jĩra:
«Ẽpẽra ĩjũa pania newẽa bɨde jĩk'ua pedea bɨma:
O jarit'ɨ Tachi Chipari pia chemẽrá. O ichi pae jĩp'a jarit'ɨ.
5Joa be jõma k'orí beepiipɨ. Eya ɨt'ɨ be mãɨnepa eya jeeda be sida mãɨya ook'oaipɨ.
O jõrea be jĩp'a jariipɨ, o piawẽa be ãarea pia ook'oaipɨ.
6Mãɨya jõmãɨrãpa ununaipɨ sãmaasã́ Tachi Ak'õrepa tachi k'aripait'a».#Isaía 40:3-5.
7Chok'ará ẽpẽrarã chepachidama Juanpa porochoamẽrá. Maamina Juanpa waapẽarã́ jarapachima: «Mãra taama jĩra berã, ¿k'aipa jarasima mãra Tachi Ak'õrepa tachi ɨtɨai ewaridepema p'ue mĩrunait'a? 8Mãrapa oo p'anɨnepa unupit'ɨ piarã machi nemietá ooparí itu bɨdak'ari Tachi Ak'õremá chesidaɨt'a. K'ɨ̃risiarãt'ɨ Abrahanepa chedaadarã pẽra Tachi Ak'õrepa ɨtɨaiwẽane arãt'ɨ. Mɨa mãrá jararuma: Tachi Ak'õrepa k'ɨ̃riaipɨra, cha be mawaradepa Abrahanepa chedaadarã papik'oaipɨ. 9Mãɨ awara mɨa jararuma: Tachi Ak'õrepa chaara uru bɨma pak'uru t'ut'aak'oai k'orea. Ãarea pak'uru pia chaudak'a t'ut'aak'oak'ari t'ɨpɨde bat'ak'oaipɨ. Ara mãɨ jĩra Tachi Ak'õrepa nemietá oopataɨrã ɨtɨaipɨ».
10Mãɨ k'orea ẽpẽrarãpa ichiá idipachidama:
—Mãɨya bɨpɨra taipa ¿k'ãre oodai p'anɨma?
11Juanpa p'anoosima:
—Neet'á ume uru bɨpa chi ne newẽa k'ɨrɨa aba teai pia bɨma. Chi k'oi uru bɨpa chi nek'oi newẽa k'ɨrɨa teai pia bɨma.
12Mãɨya bɨde Romanepema pae erreara jɨrɨp'epataɨrã porochoadai k'orea chesidama. Maapae ãchia idisidama:
—Jarateaparí, taipa ¿k'ãre oodai p'anɨma?
13Juanpa ãchiá jarasima:
—Mãrapa erreara jɨrɨp'eutade atepe idirãt'ɨ.
14Mãɨne papaká berã arí p'anɨpa Juaná idisidama:
—Taipa ¿k'ãre oodai p'anɨma?
Juanpa p'anoosima:
—Wap'eapidak'ari chĩara erreara ẽemarirãt'ɨ mãɨnepa seadepa chĩara k'orea k'achia pedearãt'ɨ. Sõpia p'anat'ɨ ara mãrá erreara p'aa p'anɨnepa.
15Chi arí p'anɨpa mãɨ ũrisidaɨde ãarea jĩrak'aua p'aneesidama k'ãasãai k'awadai k'orea. Ara ãchi tuaba nãɨya k'ɨ̃risia p'anasidama: «¿Juan Tachi Ak'õrepa Tachi K'aripaparí teai jaradak'ãra?»
16Maamina Juanpa ãareaɨrã́ jarasima: «Piarã mɨa mãra paniapa porochoa bɨma. Maamina mɨ k'aepẽra chi atepe bɨ cheipɨ. Ichia jĩrune jɨ̃ bɨ ẽrai k'orea mɨ mãɨ pae pia bɨwẽma. Ichiapuru Tachi Ak'õre Jaoredepa porochoaipɨ.#3:16 Tachi Ak'õre Jaoredepa porochoaipɨ. Mãɨ jara k'ɨ̃ria bɨma «Tachi Ak'õre Jaore teait'a». Maamina ĩjãanaepɨra ɨtɨaipɨ.#3:16 Ɨtɨaipɨ. Griego pedeade nãɨya bɨ bɨma: T'ɨpɨ uruapa porochoaipɨ. 17Ɨt'aa jira bat'aparí ichi juade uru bɨma chi trigo tau jora ãyá amaai k'orea. Maapae chi tau ẽechoada yaaipɨ maamina chi jora t'ɨpɨ uruade paaipɨ. Mãɨ k'iik'ama».
18Ara mãɨ jĩra ne wawariadepa Juanpa chi pedea pia tachi k'aripai k'orea jarateapachima mãɨnepa jarapachima mãɨne ĩjãanamẽrá. 19Maamina Juanpa Galileadepema minachia k'awa bɨ Herode ɨtɨapachima ichia wẽra uru bɨ Herodía k'orea. Mãɨ Herodía piarã Herode ũpẽa P'elipe k'ima pasima. Mãɨ awara Juanpa ichi ɨtɨapachima nejõma nemietá ooda k'orea. 20Herodepa mãɨ nemietá oo bɨ awara nãɨ k'achia sida oosima: Juan eda jɨ̃a nɨbɨpisima ichi ɨtɨai k'orea.#Mateo 14:1-10; Marco 6:14-28.
Juanpa Jesú porochoada
Mateo 3:13-17; Marco 1:9-11
21Juanpa ẽpẽrarã porochoak'oa baside Jesú sida porochoasima. Mãɨne Jesupa Tachi Ak'õrea pedearude pajã ewa wãsima. 22Ewa wãk'ari Tachi Ak'õre Jaore pajãnepa p'aloma jĩra ichi ɨ̃rɨ chesima. Mãɨne Tachi Ak'õrepa pajãnepa edá nãɨya pedeasima: «Pɨ mɨ Warra chi k'ɨ̃ria bɨpɨ. Pɨ k'orea mɨ minachia sõ arapá bɨma».#3:22 Pɨ k'orea mɨ minachia sõ arapá bɨma. Griego pedeade mãɨpa ichiaba jara bɨma: Mɨa pɨ jɨrɨ atasima.
Lucapa Jesuderã chi chõarãenapemarã k'orea bɨda
Mateo 1:1-17
23Jesupa jaratea beeside treinta ãyo bɨ jĩra basima.
Ẽpẽrarãmá ichi José warra pasima.
José Eli warra pasima.
24Eli Matá warra pasima.
Matá Leví warra pasima.
Leví Melquí warra pasima.
Melquí Janai warra pasima.
Janai José warra pasima.
25José Matatía warra pasima.
Matatía Amó warra pasima.
Amó Nahúm warra pasima.
Nahúm Eslí warra pasima.
Eslí Nagai warra pasima.
26Nagai Máhat warra pasima.
Máhat Matatía warra pasima.
Matatía Semeí warra pasima.
Semeí José warra pasima.
José Juda warra pasima.
27Juda Johanan warra pasima.
Johanan Resá warra pasima.
Resá Zorobabel warra pasima.
Zorobabel Salatiel warra pasima.
Salatiel Nerí warra pasima.
28Nerí Melquí warra pasima.
Melquí Adí warra pasima.
Adí Cosam warra pasima.
Cosam Elmadán warra pasima.
Elmadán Ere warra pasima.
29Ere Josué warra pasima.
Josué Eliezer warra pasima.
Eliezer Jorim warra pasima.
Jorim Matá warra pasima.
30Matá Leví warra pasima.
Leví Simeón warra pasima.
Simeón Juda warra pasima.
Juda José warra pasima.
José Jonán warra pasima.
Jonán Eliakín warra pasima.
31Eliakín Melea warra pasima.
Melea Mainán warra pasima.
Mainán Matata warra pasima.
Matata Natán warra pasima.
Natán Daví warra pasima.
32Daví Jesé warra pasima.
Jesé Obed warra pasima.
Obed Boa warra pasima.
Boa Salmón warra pasima.
Salmón Naasón warra pasima.
33Naasón Aminadá warra pasima.
Aminadá Arán warra pasima.
Arán Jesrón warra pasima.
Jesrón P'are warra pasima.
P'are Juda warra pasima.
34Juda Jacobo warra pasima.
Jacobo Isá warra pasima.
Isá Abrahán warra pasima.
Abrahán Taré warra pasima.
Taré Nak'or warra pasima.
Nak'or Serug warra pasima.
35Serug Ragau warra pasima.
Ragau Péleg warra pasima.
Pelég Heber warra pasima.
Heber Sala warra pasima.
36Sala Cainán warra pasima.
Cainán Arp'ak'a warra pasima.
Arp'ak'a Sen warra pasima.
Sen Noé warra pasima.
Noé Lamec warra pasima.
37Lamec Matusalén warra pasima.
Matusalén Enoc warra pasima.
Enoc Jared warra pasima.
Jared Malale warra pasima.
Malale Cainán warra pasima.
38Cainán Enó warra pasima.
Enó Set warra pasima.
Set Adán warra pasima.
Adán Tachi Ak'õre warra pasima.
Currently Selected:
Luca 3: tdc
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
