Mateo 12
12
Jesú mimianak'apɨ́ ewari Chiparipɨ
Marco 2:23-28; Luca 6:1-5
1Mimianak'apɨ́ ewaride Jesú ĩjũa trigo uudade nipasima. Mãɨne ichi ome p'ɨrrɨapataɨrã jarra p'anɨ pẽra trigo k'ɨmɨ chae baadak'ari, chi tau k'opodosidama. 2Ãchia mãɨya oo p'anɨ waapẽarã p'ariseorãpa ununak'ari Jesua jarasidama:
—Ak'ɨse, pɨ ome p'ɨrrɨapataɨrãpa mimianak'apɨ́ ewaride chi tachia ne oodak'apɨɨt'a jãɨya oo p'anɨma.#Éxodo 34:21; Deuteronomio 23:25.
3Mãɨne Jesupa ãchiá jarasima:
—¿Mãrapa Tachi Ak'õre pedea bɨdade eda jaradawẽa p'anɨk'ãra? ¿Ewariaba Daví mãɨnepa chi ichi ome p'ɨrrɨapataɨrã jarra p'anasidaɨde k'ãre oosidama?#1 Samuel 21:1-6. 4Daví Tachi Ak'õre tede eda wãk'ari, Tachi Ak'õre k'ĩrari bɨda p'ana atasima.#Éxodo 35:12-13; Levítico 24:5-9. Mãɨ p'ana ¿abapuru p'aarerãpa k'odai p'anasidawẽk'ãra? Maamina Davipa k'ok'ari ichi ome p'ɨrrɨapataɨrã́ teasima. 5Mãɨ awara Moisepa bɨdade bɨ bɨma p'aarerã mimianak'apɨ́ ewaride Tachi Ak'õre te minachia bɨde mimianai pia bɨma.#Número 28:9-10; Ezequiel 46:4-5. Maamina mimianak'apɨ́ ewaride mimiautade, ãchia Moisepa bɨda mãɨya ũrinak'a pasimina, nepɨra pará bɨade adak'ama. ¿Mãrapa mãɨ sida eda jaradawẽk'ãra? 6Mɨa jararuma: Tachi Ak'õre te minachia bɨ k'aepẽra chi atepe bɨt'a nãma bɨma. 7Tachi Ak'õre pedeade nãɨya jara bɨma: “Ãnimara peadak'ari, mɨ pae paateadai k'aepẽra mɨa k'ɨ̃ria bɨma mãrapa waapẽarã k'ĩra chupuria p'ananait'a”.#Osea 6:6. Mãrapa mãɨ pedea jara k'ɨ̃ria bɨ k'awadaadapara, naa nepɨra newẽa bea k'achia pedeadaé pasima. 8Mɨ, chi Ẽpẽra Warra mimianak'apɨ́ ewari chiparipɨ.
Jesupa mimianak'apɨ́ ewaride ẽpẽra jɨpa beepida
Marco 3:1-6; Luca 6:6-11
9Jesú jãmãɨpa judiorã ará pedeapataɨ tedea eda wãsima. 10Mãma ẽpẽra jua sorek'ea bɨt'a basima. Mãɨne waapẽarãpa Jesú nepɨra pará bɨade a k'ɨ̃ria p'ananarãpa idisidama ichiá:
—¿Ẽpẽra k'ɨdade bɨpɨra, mimianak'apɨ́ ewaride jɨpapii pia bɨk'ãra?
11Jesupa p'anoosima:
—Mãra oveja mimianak'apɨ́ ewaride uriade baesira ¿juapa jiraiwẽk'ãra? ¿K'aipa mãɨya ooiwẽma? 12¿Ẽpẽra oveja k'aepẽra atepe piipará bɨwẽk'ãra? Mãɨpuru mimianak'apɨ́ ewaride nepia ooi pia bɨma.
13Maapae chi jua sorek'ea bɨa jarasima:
—Jua ɨase.
Mãɨya ichi jua ɨaside ichi jua abaeda jɨpa beesima chi jua abaɨ jĩra. 14Ara mãɨne p'ariseorã tajatá wãnak'ari, pedea aumaa p'aneesidama Jesú peapidai k'orea.
Tachi Ak'õrepa chi chipari pae pari mimiaparí jɨrɨ atada
15Jesupa mãɨ k'ɨ̃risia k'awak'ari, mãmapema wãsima. Ẽpẽerã minachia ichi k'aade wãsidama. Mãɨne Jesupa chi k'ɨdade beada ãarea jɨpa beepik'oasima. 16Ichia waapẽarã́ jarapachima ichi k'orea mi ãpia pida jarapidaemaapa. 17Mãɨyasima Tachi Ak'õre pari pedeaparí Isaíapa jarada jĩra. 18Nãɨya jarasima:
Nãɨ mɨa jɨrɨ atada chi mɨ pae pari mimiaparipɨ. Mɨa ichi k'ɨ̃ria bɨma. Ichi k'orea mɨ piarã sõpia bɨma.
Mɨ Jaore ichiá teaipɨ. Ichia p'uuru becha mɨa jĩp'a ook'oa bɨ k'orea jaraipɨ.
19Ichi k'ĩruu pedeaiwẽma mãɨnepa biaiwẽma. Mãɨpuru abaɨ pida ichi pedearu p'uurude ũrinaiwẽma.
20Sia bɨɨrɨ p'õnat'ɨ k'ɨrɨt'a ichia p'ue beet'aiwẽma. Ĩpira ãpia urua k'ɨrɨt'a ichia k'iap'et'aiwẽma.
Ara mãɨ jĩra chupuria berã jĩp'a oo p'ananaipɨ aba nejõma p'uerudea.
21Mãɨne p'uuru becha ichi nɨ p'ananaipɨ, ãchi k'aripamẽrá.#Isaía 42:1-4.
Jesupa Tiore mietá k'orea jarateada
Marco 3:20-30; Luca 11:14-23; 12:10; 6:43-45
22Maapae ẽpẽra jaore mietá pará bɨ Jesumá enemeesidama. Mãɨ ẽpẽra tau p'ãrio basima mãɨnepa k'ĩrame t'urrá basima. Jesupa ichi jɨpa beepisima pedeamẽrá mãɨnepa unu beemẽrá. 23Jõmãɨrãpa k'awa k'ɨ̃risiadaé pasi pẽra, idisidama:
—Davidepa chei pada ¿nãɨ Jesuk'ãra?
24Maamina ãchia mãɨya jara p'anɨ p'ariseorãpa ũrisidama. Mãɨrãpa jarasidama: «Jãɨ ẽpẽrapa jaore mietá ãyá jeret'aaparima, jaore mietaarã chi atepe bɨ Beelzebupa mãɨ jua chaarea teada pẽra».
25Maamina ãchia k'ɨ̃risia p'anɨ Jesupa k'awada pẽra jarasima: «Tua abarik'a berã ãstu k'ĩruupik'adaipɨra, chi jõnaipɨ. P'uuru abarik'a berã wa te abarik'a berã ãstu k'ĩruupik'adaipɨra, tãaraa p'ananaiwẽma. 26Ara mãɨ jĩra Tiorepa ara ichidí jaore mietá ãyá jeret'aaipɨra, ara ichi ome k'ĩruu bɨma. Mãɨ ichidirã ichi juade ua bɨ ¿sãmaasã́ ãchi ará p'ananaima? 27Mãramá mɨa Beelzebú jua chaareadepa jaore mietaarã ãyá jeret'aaparima. Mãɨyara mãra paara p'ɨrrɨapataɨrãpa ¿k'ai jua chaareadepa jaore mietá ãyá jeret'aapatama? Ãchia k'awapidaipɨ mãrapa pia k'ɨ̃risiadawẽa p'anɨt'a. 28Maamina mɨa Tachi Ak'õre Jaoredepa jaore mietaarã ãyá jeret'aa bɨpɨra, Tachi Ak'õrepa unupi bɨma ichi chesit'a mãra ichi juade ua bai k'orea. 29Ẽpẽra jua chaarea bɨ naa jɨ̃ nɨbɨdaepɨra, ¿sãmaasã́ ichi tede eda nechɨade wãnaima? Aba mãɨya jɨ̃ nɨbɨsidara p'ue ichidí neet'á chɨadai p'anɨma.#12:29 Mãɨ versiculode Jesupa jara bɨma ẽpẽra jua chaarea bɨ jɨ̃ nɨbɨ jĩra ichia tiore p'ueparima jaore mietá jeret'aak'oai k'orea. 30Chi mɨ lawari bɨwẽ mɨ ome chi nek'ĩramaapɨ. Chi mɨ ome ẽpẽrarã k'aripa jɨrɨp'ewẽa bɨpa chi jɨrɨp'eda ãyá peepiparima.
31»Mãɨpuru mɨa mãrá jararuma: ẽpẽrarãpa nemietá oopataɨ mãɨnepa k'achia pedeapataɨ Tachi Ak'õrepa ãarea k'ɨ̃risia atuaipɨ. Maamina abaɨ pida Tachi Ak'õre Jaore k'orea k'achia pedeaipɨra, Tachi Ak'õrepa mãɨ k'ɨ̃risia atuaiwẽma. 32Abaɨ pida mɨ, chi Ẽpẽra Warra k'achia pedeaipɨra Tachi Ak'õrepa mãɨ k'ɨ̃risia atuaipɨ. Maamina abaɨ pida Tachi Ak'õre Jaore k'achia pedeaipɨra, Tachi Ak'õrepa mãɨ k'ɨ̃risia atuaiwẽma. Nãɨ ewaride mãɨyawẽpɨra mãɨ ewari parude mãɨ k'achia pedea bada k'orea k'ɨ̃risia atuawẽa baipɨ.
33»Nejõ bɨɨrɨ pia bɨpɨra, chauk'ari, nejõ pia baipɨ. Mãɨpari nejõ bɨɨrɨ mietá bɨpɨra, chauk'ari, nejõ mietá baipɨ. Nejõ bɨɨrɨ chi nejõnepa k'awapatama. 34¡Taama ẽpẽrarã! ¿Mãra chi k'achiarãpa sãmaasã́ nepia pedeadaima? Ẽpẽrapa ichi sõne k'ɨ̃risia bɨ jĩra pedeaparima. 35Ẽpẽra pia bɨpa ichi sõne nepia uru bɨdepa nepia pedeaparima. Maamina ẽpẽra k'achiapa ichi sõne ne k'achia uru bɨdepa ne k'achia pedeaparima. 36-37Pɨa nepia jaraipɨra Tachi Ak'õrepa pɨ pia beepiipɨ. Maamina ne piawẽa jaraipɨra ɨtɨaipɨ. Mɨa mãrá jararuma: Tachi Ak'õrepa ɨtɨai ewaride jõmãɨrãpa ichiá jaradai ãchia pedea mietá paritua jaradada k'orea».
Jesupa Joná k'orea jarada
Marco 8:12; Luca 11:29-32
38Mãɨya bak'ari waapẽarã Moisepa bɨda jarateapataɨrã mãɨnepa p'ariseorãpa Jesua jarasidama:
—Jarateaparí, taipa k'ɨ̃ria p'anɨma pɨa ẽpẽerãpa ne p'ue oodak'apɨ́ ooit'a. Mãɨyara k'awadaima pɨ pajãnepa cheda.
39Maamina Jesupa p'anoosima:
—Mãra idiapaepemarã ẽpẽerã k'achia berãpa Tachi Ak'õrene ĩjãanai itu bɨmaa p'anɨma. Mãrapa mɨ pajãnepa che bɨ k'awadai k'orea k'ɨ̃ria p'anɨma mɨa ẽpẽerãpa ne p'ue oodak'apɨ́ ooit'a. Maamina mɨa ẽpẽerãpa ne p'ue oodak'apɨ́ ooiwẽma. Mãrapa abapuru Tachi Ak'õre pari pedeaparí Joná mãɨ jĩra ununaipɨ. 40Joná beta minachia bɨ bide ewari ũpea ãst'á mãɨnepa teamasi bada jĩra mɨ, chi Ẽpẽra Warra ewari ũpea ãst'á mãɨnepa teamasi ĩjũa ek'ari baipɨ.#Joná 1:17. 41Mãɨ awara Tachi Ak'õrepa ãareaɨrã ɨtɨai ewaride Nínive p'uurudepemarã p'irabaridak'ari chi idiapaepemarã nepɨra pará bɨade adaipɨ. Jonapa jarada ũrisidaɨde ãchia nemietá oopataɨ itu bɨdak'ari Tachi Ak'õremá chesidama.#Joná 3:5-10. Mãɨ Joná k'aepẽra chi atepe bɨ nãma bɨmina mãrapa ĩjãanawẽa p'anɨma. 42Mãɨ awara Salomón ewaride Sabá tuadepema poro jũra jɨ̃parí jɨ̃ bɨ wẽra basima. Ichi tua t'ɨmɨɨpa chesima Salomonpa ichi k'ɨ̃risiadepa pedea bɨ ũrii k'orea.#1 Reye 10:1-13. Maamina nãɨ ewaride Salomón k'aepẽra chi atepe bɨ nãma bɨmina mãrapa ĩjãanawẽa p'anɨma. Mãɨ k'orea Tachi Ak'õrepa ɨtɨai ewaride mãɨ wẽrapa p'irabarik'ari mãra nepɨra pará bɨade aipɨ.
Jaore mietá jĩitea cheda
Luca 11:24-26
43»Ẽpẽra k'ak'uadepema wãk'ari jaore mietá ĩjũa pania newẽa bɨde jɨrɨ baparima ɨ̃apaai k'orea, maamina sãma ɨ̃apaai unuk'ama.#12:43 Israeldepemarãpa jarapachidama jaore mietaarã ĩjũa pania newẽa bɨde p'anapataɨ. Isaía 34:14. 44Mãɨpuru ichi tuaba nãɨya jaraparima: “Mɨchi badamá jĩitea wãipɨ”. Mãɨ cherude mãɨ ẽpẽra sõne nenewẽ jĩra unuparima. K'ɨda pia nejarra newẽa k'obɨ mãɨnepa ãarea pia nɨbɨ jĩra unuparima. 45Maapae siete jaore mietá ichi k'aepẽra k'achia berã mãɨ ẽpẽramá enemeek'ari chi ẽpẽra sõne p'aneene eda wãpatama. Mãɨpuru chi ẽpẽra ichi naa bada k'aepẽra atepe piawẽa beeparima. Ara mãɨ jĩra mɨne ĩjãawẽa p'anɨ k'orea mãra, chi idiapaepemarã k'achia berã ome, mãɨ atepe k'achiade p'aneenaipɨ».
Jesú ẽpẽrarã ichimá chedada
Marco 3:31-35; Luca 8:19-21
46Jesupa mãɨ wapida ẽpẽrarã́ pedeamaa bɨde chi nae, chi ũpẽarã ome tajata p'anɨ ichi ome pedea k'ɨ̃ria p'anasidama. 47Abaɨpa Jesua jarasima:
—Pɨ nae mãɨnepa pɨ ũpẽarã tajataria p'anɨma. Ãchia pɨ ome pedea k'ɨ̃ria p'anɨma.
48Maamina Jesupa mãɨ ẽpẽrá jarasima:
—Pɨmá ¿k'ait'a mɨ naema mãɨnepa mɨ ũpẽarãma?
49Maapae ichi ome p'ɨrrɨapataɨrãmá juadepa jarasima:
—Nãɨrã mɨ naepɨ mãɨnepa mɨ ũpẽarãpɨ. 50Mɨ Ak'õre pajãne bɨpa k'ɨ̃ria bɨ oo p'ananarãpa mãɨrãt'a mɨ ũpẽarãpɨ, mɨ ũpẽawẽrapɨ mãɨnepa mɨ naepɨ.
Currently Selected:
Mateo 12: tdc
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Mateo 12
12
Jesú mimianak'apɨ́ ewari Chiparipɨ
Marco 2:23-28; Luca 6:1-5
1Mimianak'apɨ́ ewaride Jesú ĩjũa trigo uudade nipasima. Mãɨne ichi ome p'ɨrrɨapataɨrã jarra p'anɨ pẽra trigo k'ɨmɨ chae baadak'ari, chi tau k'opodosidama. 2Ãchia mãɨya oo p'anɨ waapẽarã p'ariseorãpa ununak'ari Jesua jarasidama:
—Ak'ɨse, pɨ ome p'ɨrrɨapataɨrãpa mimianak'apɨ́ ewaride chi tachia ne oodak'apɨɨt'a jãɨya oo p'anɨma.#Éxodo 34:21; Deuteronomio 23:25.
3Mãɨne Jesupa ãchiá jarasima:
—¿Mãrapa Tachi Ak'õre pedea bɨdade eda jaradawẽa p'anɨk'ãra? ¿Ewariaba Daví mãɨnepa chi ichi ome p'ɨrrɨapataɨrã jarra p'anasidaɨde k'ãre oosidama?#1 Samuel 21:1-6. 4Daví Tachi Ak'õre tede eda wãk'ari, Tachi Ak'õre k'ĩrari bɨda p'ana atasima.#Éxodo 35:12-13; Levítico 24:5-9. Mãɨ p'ana ¿abapuru p'aarerãpa k'odai p'anasidawẽk'ãra? Maamina Davipa k'ok'ari ichi ome p'ɨrrɨapataɨrã́ teasima. 5Mãɨ awara Moisepa bɨdade bɨ bɨma p'aarerã mimianak'apɨ́ ewaride Tachi Ak'õre te minachia bɨde mimianai pia bɨma.#Número 28:9-10; Ezequiel 46:4-5. Maamina mimianak'apɨ́ ewaride mimiautade, ãchia Moisepa bɨda mãɨya ũrinak'a pasimina, nepɨra pará bɨade adak'ama. ¿Mãrapa mãɨ sida eda jaradawẽk'ãra? 6Mɨa jararuma: Tachi Ak'õre te minachia bɨ k'aepẽra chi atepe bɨt'a nãma bɨma. 7Tachi Ak'õre pedeade nãɨya jara bɨma: “Ãnimara peadak'ari, mɨ pae paateadai k'aepẽra mɨa k'ɨ̃ria bɨma mãrapa waapẽarã k'ĩra chupuria p'ananait'a”.#Osea 6:6. Mãrapa mãɨ pedea jara k'ɨ̃ria bɨ k'awadaadapara, naa nepɨra newẽa bea k'achia pedeadaé pasima. 8Mɨ, chi Ẽpẽra Warra mimianak'apɨ́ ewari chiparipɨ.
Jesupa mimianak'apɨ́ ewaride ẽpẽra jɨpa beepida
Marco 3:1-6; Luca 6:6-11
9Jesú jãmãɨpa judiorã ará pedeapataɨ tedea eda wãsima. 10Mãma ẽpẽra jua sorek'ea bɨt'a basima. Mãɨne waapẽarãpa Jesú nepɨra pará bɨade a k'ɨ̃ria p'ananarãpa idisidama ichiá:
—¿Ẽpẽra k'ɨdade bɨpɨra, mimianak'apɨ́ ewaride jɨpapii pia bɨk'ãra?
11Jesupa p'anoosima:
—Mãra oveja mimianak'apɨ́ ewaride uriade baesira ¿juapa jiraiwẽk'ãra? ¿K'aipa mãɨya ooiwẽma? 12¿Ẽpẽra oveja k'aepẽra atepe piipará bɨwẽk'ãra? Mãɨpuru mimianak'apɨ́ ewaride nepia ooi pia bɨma.
13Maapae chi jua sorek'ea bɨa jarasima:
—Jua ɨase.
Mãɨya ichi jua ɨaside ichi jua abaeda jɨpa beesima chi jua abaɨ jĩra. 14Ara mãɨne p'ariseorã tajatá wãnak'ari, pedea aumaa p'aneesidama Jesú peapidai k'orea.
Tachi Ak'õrepa chi chipari pae pari mimiaparí jɨrɨ atada
15Jesupa mãɨ k'ɨ̃risia k'awak'ari, mãmapema wãsima. Ẽpẽerã minachia ichi k'aade wãsidama. Mãɨne Jesupa chi k'ɨdade beada ãarea jɨpa beepik'oasima. 16Ichia waapẽarã́ jarapachima ichi k'orea mi ãpia pida jarapidaemaapa. 17Mãɨyasima Tachi Ak'õre pari pedeaparí Isaíapa jarada jĩra. 18Nãɨya jarasima:
Nãɨ mɨa jɨrɨ atada chi mɨ pae pari mimiaparipɨ. Mɨa ichi k'ɨ̃ria bɨma. Ichi k'orea mɨ piarã sõpia bɨma.
Mɨ Jaore ichiá teaipɨ. Ichia p'uuru becha mɨa jĩp'a ook'oa bɨ k'orea jaraipɨ.
19Ichi k'ĩruu pedeaiwẽma mãɨnepa biaiwẽma. Mãɨpuru abaɨ pida ichi pedearu p'uurude ũrinaiwẽma.
20Sia bɨɨrɨ p'õnat'ɨ k'ɨrɨt'a ichia p'ue beet'aiwẽma. Ĩpira ãpia urua k'ɨrɨt'a ichia k'iap'et'aiwẽma.
Ara mãɨ jĩra chupuria berã jĩp'a oo p'ananaipɨ aba nejõma p'uerudea.
21Mãɨne p'uuru becha ichi nɨ p'ananaipɨ, ãchi k'aripamẽrá.#Isaía 42:1-4.
Jesupa Tiore mietá k'orea jarateada
Marco 3:20-30; Luca 11:14-23; 12:10; 6:43-45
22Maapae ẽpẽra jaore mietá pará bɨ Jesumá enemeesidama. Mãɨ ẽpẽra tau p'ãrio basima mãɨnepa k'ĩrame t'urrá basima. Jesupa ichi jɨpa beepisima pedeamẽrá mãɨnepa unu beemẽrá. 23Jõmãɨrãpa k'awa k'ɨ̃risiadaé pasi pẽra, idisidama:
—Davidepa chei pada ¿nãɨ Jesuk'ãra?
24Maamina ãchia mãɨya jara p'anɨ p'ariseorãpa ũrisidama. Mãɨrãpa jarasidama: «Jãɨ ẽpẽrapa jaore mietá ãyá jeret'aaparima, jaore mietaarã chi atepe bɨ Beelzebupa mãɨ jua chaarea teada pẽra».
25Maamina ãchia k'ɨ̃risia p'anɨ Jesupa k'awada pẽra jarasima: «Tua abarik'a berã ãstu k'ĩruupik'adaipɨra, chi jõnaipɨ. P'uuru abarik'a berã wa te abarik'a berã ãstu k'ĩruupik'adaipɨra, tãaraa p'ananaiwẽma. 26Ara mãɨ jĩra Tiorepa ara ichidí jaore mietá ãyá jeret'aaipɨra, ara ichi ome k'ĩruu bɨma. Mãɨ ichidirã ichi juade ua bɨ ¿sãmaasã́ ãchi ará p'ananaima? 27Mãramá mɨa Beelzebú jua chaareadepa jaore mietaarã ãyá jeret'aaparima. Mãɨyara mãra paara p'ɨrrɨapataɨrãpa ¿k'ai jua chaareadepa jaore mietá ãyá jeret'aapatama? Ãchia k'awapidaipɨ mãrapa pia k'ɨ̃risiadawẽa p'anɨt'a. 28Maamina mɨa Tachi Ak'õre Jaoredepa jaore mietaarã ãyá jeret'aa bɨpɨra, Tachi Ak'õrepa unupi bɨma ichi chesit'a mãra ichi juade ua bai k'orea. 29Ẽpẽra jua chaarea bɨ naa jɨ̃ nɨbɨdaepɨra, ¿sãmaasã́ ichi tede eda nechɨade wãnaima? Aba mãɨya jɨ̃ nɨbɨsidara p'ue ichidí neet'á chɨadai p'anɨma.#12:29 Mãɨ versiculode Jesupa jara bɨma ẽpẽra jua chaarea bɨ jɨ̃ nɨbɨ jĩra ichia tiore p'ueparima jaore mietá jeret'aak'oai k'orea. 30Chi mɨ lawari bɨwẽ mɨ ome chi nek'ĩramaapɨ. Chi mɨ ome ẽpẽrarã k'aripa jɨrɨp'ewẽa bɨpa chi jɨrɨp'eda ãyá peepiparima.
31»Mãɨpuru mɨa mãrá jararuma: ẽpẽrarãpa nemietá oopataɨ mãɨnepa k'achia pedeapataɨ Tachi Ak'õrepa ãarea k'ɨ̃risia atuaipɨ. Maamina abaɨ pida Tachi Ak'õre Jaore k'orea k'achia pedeaipɨra, Tachi Ak'õrepa mãɨ k'ɨ̃risia atuaiwẽma. 32Abaɨ pida mɨ, chi Ẽpẽra Warra k'achia pedeaipɨra Tachi Ak'õrepa mãɨ k'ɨ̃risia atuaipɨ. Maamina abaɨ pida Tachi Ak'õre Jaore k'achia pedeaipɨra, Tachi Ak'õrepa mãɨ k'ɨ̃risia atuaiwẽma. Nãɨ ewaride mãɨyawẽpɨra mãɨ ewari parude mãɨ k'achia pedea bada k'orea k'ɨ̃risia atuawẽa baipɨ.
33»Nejõ bɨɨrɨ pia bɨpɨra, chauk'ari, nejõ pia baipɨ. Mãɨpari nejõ bɨɨrɨ mietá bɨpɨra, chauk'ari, nejõ mietá baipɨ. Nejõ bɨɨrɨ chi nejõnepa k'awapatama. 34¡Taama ẽpẽrarã! ¿Mãra chi k'achiarãpa sãmaasã́ nepia pedeadaima? Ẽpẽrapa ichi sõne k'ɨ̃risia bɨ jĩra pedeaparima. 35Ẽpẽra pia bɨpa ichi sõne nepia uru bɨdepa nepia pedeaparima. Maamina ẽpẽra k'achiapa ichi sõne ne k'achia uru bɨdepa ne k'achia pedeaparima. 36-37Pɨa nepia jaraipɨra Tachi Ak'õrepa pɨ pia beepiipɨ. Maamina ne piawẽa jaraipɨra ɨtɨaipɨ. Mɨa mãrá jararuma: Tachi Ak'õrepa ɨtɨai ewaride jõmãɨrãpa ichiá jaradai ãchia pedea mietá paritua jaradada k'orea».
Jesupa Joná k'orea jarada
Marco 8:12; Luca 11:29-32
38Mãɨya bak'ari waapẽarã Moisepa bɨda jarateapataɨrã mãɨnepa p'ariseorãpa Jesua jarasidama:
—Jarateaparí, taipa k'ɨ̃ria p'anɨma pɨa ẽpẽerãpa ne p'ue oodak'apɨ́ ooit'a. Mãɨyara k'awadaima pɨ pajãnepa cheda.
39Maamina Jesupa p'anoosima:
—Mãra idiapaepemarã ẽpẽerã k'achia berãpa Tachi Ak'õrene ĩjãanai itu bɨmaa p'anɨma. Mãrapa mɨ pajãnepa che bɨ k'awadai k'orea k'ɨ̃ria p'anɨma mɨa ẽpẽerãpa ne p'ue oodak'apɨ́ ooit'a. Maamina mɨa ẽpẽerãpa ne p'ue oodak'apɨ́ ooiwẽma. Mãrapa abapuru Tachi Ak'õre pari pedeaparí Joná mãɨ jĩra ununaipɨ. 40Joná beta minachia bɨ bide ewari ũpea ãst'á mãɨnepa teamasi bada jĩra mɨ, chi Ẽpẽra Warra ewari ũpea ãst'á mãɨnepa teamasi ĩjũa ek'ari baipɨ.#Joná 1:17. 41Mãɨ awara Tachi Ak'õrepa ãareaɨrã ɨtɨai ewaride Nínive p'uurudepemarã p'irabaridak'ari chi idiapaepemarã nepɨra pará bɨade adaipɨ. Jonapa jarada ũrisidaɨde ãchia nemietá oopataɨ itu bɨdak'ari Tachi Ak'õremá chesidama.#Joná 3:5-10. Mãɨ Joná k'aepẽra chi atepe bɨ nãma bɨmina mãrapa ĩjãanawẽa p'anɨma. 42Mãɨ awara Salomón ewaride Sabá tuadepema poro jũra jɨ̃parí jɨ̃ bɨ wẽra basima. Ichi tua t'ɨmɨɨpa chesima Salomonpa ichi k'ɨ̃risiadepa pedea bɨ ũrii k'orea.#1 Reye 10:1-13. Maamina nãɨ ewaride Salomón k'aepẽra chi atepe bɨ nãma bɨmina mãrapa ĩjãanawẽa p'anɨma. Mãɨ k'orea Tachi Ak'õrepa ɨtɨai ewaride mãɨ wẽrapa p'irabarik'ari mãra nepɨra pará bɨade aipɨ.
Jaore mietá jĩitea cheda
Luca 11:24-26
43»Ẽpẽra k'ak'uadepema wãk'ari jaore mietá ĩjũa pania newẽa bɨde jɨrɨ baparima ɨ̃apaai k'orea, maamina sãma ɨ̃apaai unuk'ama.#12:43 Israeldepemarãpa jarapachidama jaore mietaarã ĩjũa pania newẽa bɨde p'anapataɨ. Isaía 34:14. 44Mãɨpuru ichi tuaba nãɨya jaraparima: “Mɨchi badamá jĩitea wãipɨ”. Mãɨ cherude mãɨ ẽpẽra sõne nenewẽ jĩra unuparima. K'ɨda pia nejarra newẽa k'obɨ mãɨnepa ãarea pia nɨbɨ jĩra unuparima. 45Maapae siete jaore mietá ichi k'aepẽra k'achia berã mãɨ ẽpẽramá enemeek'ari chi ẽpẽra sõne p'aneene eda wãpatama. Mãɨpuru chi ẽpẽra ichi naa bada k'aepẽra atepe piawẽa beeparima. Ara mãɨ jĩra mɨne ĩjãawẽa p'anɨ k'orea mãra, chi idiapaepemarã k'achia berã ome, mãɨ atepe k'achiade p'aneenaipɨ».
Jesú ẽpẽrarã ichimá chedada
Marco 3:31-35; Luca 8:19-21
46Jesupa mãɨ wapida ẽpẽrarã́ pedeamaa bɨde chi nae, chi ũpẽarã ome tajata p'anɨ ichi ome pedea k'ɨ̃ria p'anasidama. 47Abaɨpa Jesua jarasima:
—Pɨ nae mãɨnepa pɨ ũpẽarã tajataria p'anɨma. Ãchia pɨ ome pedea k'ɨ̃ria p'anɨma.
48Maamina Jesupa mãɨ ẽpẽrá jarasima:
—Pɨmá ¿k'ait'a mɨ naema mãɨnepa mɨ ũpẽarãma?
49Maapae ichi ome p'ɨrrɨapataɨrãmá juadepa jarasima:
—Nãɨrã mɨ naepɨ mãɨnepa mɨ ũpẽarãpɨ. 50Mɨ Ak'õre pajãne bɨpa k'ɨ̃ria bɨ oo p'ananarãpa mãɨrãt'a mɨ ũpẽarãpɨ, mɨ ũpẽawẽrapɨ mãɨnepa mɨ naepɨ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.