Mateo 17
17
Jesú k'ĩra awara unupida
Marco 9:2-13; Luca 9:28-36
1Ewari k'ak'o sei pak'ari Jesupa Pedro, Santiago mãɨnepa chi ũpẽa Juan ãchi tuaba awara eya ɨt'ɨ bɨmá ateewãsima. 2Mãma ãchi k'ĩrari Jesú k'ĩra awara unupisima. Ichi k'ĩra ɨmata jĩra achiterrea unupisima mãɨnepa ichi neet'á t'ot'oa achiterrea beesima. 3Mãɨya bɨde ãchia unusidama Moisé mãɨnepa Elía Jesú ome pedeamaa p'anɨ. 4Mãɨpuru Pedropa Jesua jarasima:
—Tai Chipari, pia bɨma tai nãma p'anɨt'a. Pɨa k'ɨ̃ria bɨpɨra taipa te chak'e ũpea oodaipɨ, aba pɨ pae, aba Moisé pae mãɨnepa aba Elía pae.
5Pedro mãɨya pedeamaa bɨde jɨ̃ara ɨnaa bɨpa ãchi ãarea t'ausima. Jɨ̃ara mãɨya cheside nãɨ pedea jĩk'ua ũrisidama: «Nãɨt'a mɨ Warrapɨ. Mɨa ichi minachia k'ɨ̃ria bɨma. Mɨ ichi k'orea arapá bɨma. Ichia jara bɨ ũrit'ɨ».#Deuteronomio 18:15; Isaía 42:1.
6Mãɨ ũrisidaɨde ne wap'eapa jeeda barrobari p'aneesidama. 7Mãɨya bɨde Jesú chek'ari ãchi t'õmarisima. Maapae jarasima:
—P'irabarit'ɨ. Ne wap'earãt'ɨ.
8Ãchia mãicha ak'ɨsidaɨde, waa waapẽarã ununaé pasima. Aba Jesut'u basima.
9Eyadepa edá chesidaɨde Jesupa ãchiá nãɨya jara peesima:
—Mãrapa ununana mi ãpia pida abaɨa jararãt'ɨ aba mɨ, chi Ẽpẽra Warra chok'ae p'irabarirudea.
10Mãɨne ãchia Jesua idisidama:
—Mãɨyara Moisepa bɨda jarateapataɨrãpa ¿k'ãre k'orea Elía naa chei bɨade apatama?
11Jesupa p'anoosima:
—Piarã Elía chei bɨma nejõma pia bɨi k'orea.#Malak'ia 3:1; 4:5-6. 12Maamina mɨa jararuma: Elía piarã chesima. Maamina abaɨ pida ichi k'awadaé pasima. Mãɨpari ẽpẽrarãpa ẽpẽerãpa oo k'ɨ̃ria p'anana ichi ome oosidama.#Marco 6:14-29. Ara mãɨ jĩra mɨ, chi Ẽpẽra Warra ãchi juade minachia mĩaipɨ.
13Mãɨne Jesú ome p'ɨrrɨapataɨrãpa k'awasidama ichia Juan chi Porochoaparí k'orea pedea basit'a.#Mateo 11:14.
Jesupa warra jaore mietá pará bɨ jɨpa beepida
Marco 9:14-29; Luca 9:37-43
14Ãchi eyadepa edá chesidaɨde ẽpẽrarã chok'ará ãarea ará tuanasidama. Mãɨne ẽpẽra Jesumá chesima. Mãɨ ẽpẽra Jesú k'ĩrari sĩraporode k'obeek'ari jarasima:
15—Mɨ Chipari, mɨ warra k'ĩra chupuriase. Minachia mĩa bɨma. Wawaparima, mãɨnepa edaɨde minachia t'ɨpɨde baeparima mãɨnepa edaɨde toeda baeparima. 16Mɨa ichi pɨ ome p'ɨrrɨapataɨrãmá enemeesima, maamina p'ue jɨpa beepidaé pasima.
17Jesupa jarasima:
—¡Ẽpẽerã k'achia berã mãɨnepa ĩjãanak'apɨɨrã! ¿Waa sãma mãra ome baima? ¿Waa sãma mãra ome choaima? Chi warra nãmá enemeet'ɨ.
18Jesupa jaore mietá ɨtɨak'ari, jeret'aaside warra k'ak'uadepema ãyá wãsima. Ara mãɨne chi warra jɨpa beesima.
19Mãɨya bak'ari Jesú ome p'ɨrrɨapataɨrã ichimá wãnak'ari ãchi tuaba idisidama:
—¿K'ãre k'orea taipa jãɨ jaore mietá p'ue ãyá jeret'aadaé pasima?
20Jesupa p'anoosima:
—Mãrapa Tachi Ak'õrene ãpia ĩjãanawẽa p'anɨ pẽra p'uedaé pasima. Mɨa piarã jararuma: mostaza net'a tau ãpia k'ɨrɨ jĩra mãrapa ãpia ĩjãa p'anɨpara, nãɨ eyá nãmãɨpa ãyá wãpade adai pasima. Mãɨne eya ãyá wãipɨ. Mãɨya ĩjãa p'anɨpara, mãrapa ẽpẽerãpa ne p'ue oodak'apɨ́ p'ue oodawẽa p'ananaiwẽ pasima. 21Maamina jaore mietá nãɨ jĩra be ãyá jeret'aadai k'orea Tachi Ak'õrea ɨt'aa chiididai p'anɨma mãɨnepa Tachi Ak'õrene k'ɨ̃risiadayá nek'odak'apɨ́ ewari oodai p'anɨma.#17:21 Griego pedeade chi eda waapẽarã k'art'ade mãɨ versículo newẽma.
Jesupa mãicha ichi peadai k'orea jarada
Marco 9:30-32; Luca 9:43-45
22Galilea tuade ará tuanasidaɨde Jesupa ichi ome p'ɨrrɨapataɨrã́ jarasima:
—Tãaraawẽa bɨde ẽpẽrapa mɨ, chi Ẽpẽra Warra abaɨpa jitapik'ari, ẽpẽerã́ teaipɨ. 23Ãchia mɨ peadaipɨ, maamina ewari ũpeaɨde mɨ chok'ae p'irabariipɨ.
Mãɨ k'orea ãchi k'ĩra piawẽa p'aneesidama.
Jesupa erreara Tachi Ak'õre te minachia bɨ pae teada
24Jesú mãɨnepa ichi ome p'ɨrrɨapataɨrã Capernaum p'uurudea chesidaɨde Tachi Ak'õre te minachia bɨ pae erreara jɨrɨp'epataɨrã Pedromá wãsidama. Ãchia idisidama:
—¿Mãra Jarateaparipa Tachi Ak'õre te minachia bɨ pae erreara teaparik'ãra?#17:24 Judiorã chi ɨmɨk'ĩrarãpa ãyocha mãɨ erreara teapachidama Tachi Ak'õre te minachia bɨ pia bamẽrá. Mãɨ ewari ume mimiai basima mãɨ erreara teai k'orea. Éxodo 30:13-16; 38:25-26; 2 Crónica 24:9-14; Nehemia 10:32.
25Pedropa p'anoosima:
—Ãjã, teaparima.
Pedro ichi tede eda wãside Jesú naa pedeasima. Nãɨya idisima:
—Pɨa ¿k'ãre k'ɨ̃risia bɨma, Simón? Nãɨ ĩjũanepema minachia k'awa p'anɨneerãpa ¿Kairã́ erreara idipatama? ¿Ãchidirã́ wa tua awaraɨdepemarã́?
26Pedropa p'anoosima:
—Tua awaraɨdepemarã́.
Jesupa ichiá jarasima:
—Ãjã. Chi minachia k'awa p'anɨneerãpa teadak'ama. 27Tachi, Tachi Ak'õreneerãmina, mãɨ erreara teadaipɨ, ẽpẽrarãpa tachi k'orea piawẽa k'ɨ̃risiapidaemaapa. Mãɨpuru senianea to ɨade wãse. Chi naa beta pearu it'aede erreara tau aba unuipɨ. Mãɨ erreara jitak'ari, tease mɨ pari mãɨnepa pɨ pari.
Currently Selected:
Mateo 17: tdc
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Mateo 17
17
Jesú k'ĩra awara unupida
Marco 9:2-13; Luca 9:28-36
1Ewari k'ak'o sei pak'ari Jesupa Pedro, Santiago mãɨnepa chi ũpẽa Juan ãchi tuaba awara eya ɨt'ɨ bɨmá ateewãsima. 2Mãma ãchi k'ĩrari Jesú k'ĩra awara unupisima. Ichi k'ĩra ɨmata jĩra achiterrea unupisima mãɨnepa ichi neet'á t'ot'oa achiterrea beesima. 3Mãɨya bɨde ãchia unusidama Moisé mãɨnepa Elía Jesú ome pedeamaa p'anɨ. 4Mãɨpuru Pedropa Jesua jarasima:
—Tai Chipari, pia bɨma tai nãma p'anɨt'a. Pɨa k'ɨ̃ria bɨpɨra taipa te chak'e ũpea oodaipɨ, aba pɨ pae, aba Moisé pae mãɨnepa aba Elía pae.
5Pedro mãɨya pedeamaa bɨde jɨ̃ara ɨnaa bɨpa ãchi ãarea t'ausima. Jɨ̃ara mãɨya cheside nãɨ pedea jĩk'ua ũrisidama: «Nãɨt'a mɨ Warrapɨ. Mɨa ichi minachia k'ɨ̃ria bɨma. Mɨ ichi k'orea arapá bɨma. Ichia jara bɨ ũrit'ɨ».#Deuteronomio 18:15; Isaía 42:1.
6Mãɨ ũrisidaɨde ne wap'eapa jeeda barrobari p'aneesidama. 7Mãɨya bɨde Jesú chek'ari ãchi t'õmarisima. Maapae jarasima:
—P'irabarit'ɨ. Ne wap'earãt'ɨ.
8Ãchia mãicha ak'ɨsidaɨde, waa waapẽarã ununaé pasima. Aba Jesut'u basima.
9Eyadepa edá chesidaɨde Jesupa ãchiá nãɨya jara peesima:
—Mãrapa ununana mi ãpia pida abaɨa jararãt'ɨ aba mɨ, chi Ẽpẽra Warra chok'ae p'irabarirudea.
10Mãɨne ãchia Jesua idisidama:
—Mãɨyara Moisepa bɨda jarateapataɨrãpa ¿k'ãre k'orea Elía naa chei bɨade apatama?
11Jesupa p'anoosima:
—Piarã Elía chei bɨma nejõma pia bɨi k'orea.#Malak'ia 3:1; 4:5-6. 12Maamina mɨa jararuma: Elía piarã chesima. Maamina abaɨ pida ichi k'awadaé pasima. Mãɨpari ẽpẽrarãpa ẽpẽerãpa oo k'ɨ̃ria p'anana ichi ome oosidama.#Marco 6:14-29. Ara mãɨ jĩra mɨ, chi Ẽpẽra Warra ãchi juade minachia mĩaipɨ.
13Mãɨne Jesú ome p'ɨrrɨapataɨrãpa k'awasidama ichia Juan chi Porochoaparí k'orea pedea basit'a.#Mateo 11:14.
Jesupa warra jaore mietá pará bɨ jɨpa beepida
Marco 9:14-29; Luca 9:37-43
14Ãchi eyadepa edá chesidaɨde ẽpẽrarã chok'ará ãarea ará tuanasidama. Mãɨne ẽpẽra Jesumá chesima. Mãɨ ẽpẽra Jesú k'ĩrari sĩraporode k'obeek'ari jarasima:
15—Mɨ Chipari, mɨ warra k'ĩra chupuriase. Minachia mĩa bɨma. Wawaparima, mãɨnepa edaɨde minachia t'ɨpɨde baeparima mãɨnepa edaɨde toeda baeparima. 16Mɨa ichi pɨ ome p'ɨrrɨapataɨrãmá enemeesima, maamina p'ue jɨpa beepidaé pasima.
17Jesupa jarasima:
—¡Ẽpẽerã k'achia berã mãɨnepa ĩjãanak'apɨɨrã! ¿Waa sãma mãra ome baima? ¿Waa sãma mãra ome choaima? Chi warra nãmá enemeet'ɨ.
18Jesupa jaore mietá ɨtɨak'ari, jeret'aaside warra k'ak'uadepema ãyá wãsima. Ara mãɨne chi warra jɨpa beesima.
19Mãɨya bak'ari Jesú ome p'ɨrrɨapataɨrã ichimá wãnak'ari ãchi tuaba idisidama:
—¿K'ãre k'orea taipa jãɨ jaore mietá p'ue ãyá jeret'aadaé pasima?
20Jesupa p'anoosima:
—Mãrapa Tachi Ak'õrene ãpia ĩjãanawẽa p'anɨ pẽra p'uedaé pasima. Mɨa piarã jararuma: mostaza net'a tau ãpia k'ɨrɨ jĩra mãrapa ãpia ĩjãa p'anɨpara, nãɨ eyá nãmãɨpa ãyá wãpade adai pasima. Mãɨne eya ãyá wãipɨ. Mãɨya ĩjãa p'anɨpara, mãrapa ẽpẽerãpa ne p'ue oodak'apɨ́ p'ue oodawẽa p'ananaiwẽ pasima. 21Maamina jaore mietá nãɨ jĩra be ãyá jeret'aadai k'orea Tachi Ak'õrea ɨt'aa chiididai p'anɨma mãɨnepa Tachi Ak'õrene k'ɨ̃risiadayá nek'odak'apɨ́ ewari oodai p'anɨma.#17:21 Griego pedeade chi eda waapẽarã k'art'ade mãɨ versículo newẽma.
Jesupa mãicha ichi peadai k'orea jarada
Marco 9:30-32; Luca 9:43-45
22Galilea tuade ará tuanasidaɨde Jesupa ichi ome p'ɨrrɨapataɨrã́ jarasima:
—Tãaraawẽa bɨde ẽpẽrapa mɨ, chi Ẽpẽra Warra abaɨpa jitapik'ari, ẽpẽerã́ teaipɨ. 23Ãchia mɨ peadaipɨ, maamina ewari ũpeaɨde mɨ chok'ae p'irabariipɨ.
Mãɨ k'orea ãchi k'ĩra piawẽa p'aneesidama.
Jesupa erreara Tachi Ak'õre te minachia bɨ pae teada
24Jesú mãɨnepa ichi ome p'ɨrrɨapataɨrã Capernaum p'uurudea chesidaɨde Tachi Ak'õre te minachia bɨ pae erreara jɨrɨp'epataɨrã Pedromá wãsidama. Ãchia idisidama:
—¿Mãra Jarateaparipa Tachi Ak'õre te minachia bɨ pae erreara teaparik'ãra?#17:24 Judiorã chi ɨmɨk'ĩrarãpa ãyocha mãɨ erreara teapachidama Tachi Ak'õre te minachia bɨ pia bamẽrá. Mãɨ ewari ume mimiai basima mãɨ erreara teai k'orea. Éxodo 30:13-16; 38:25-26; 2 Crónica 24:9-14; Nehemia 10:32.
25Pedropa p'anoosima:
—Ãjã, teaparima.
Pedro ichi tede eda wãside Jesú naa pedeasima. Nãɨya idisima:
—Pɨa ¿k'ãre k'ɨ̃risia bɨma, Simón? Nãɨ ĩjũanepema minachia k'awa p'anɨneerãpa ¿Kairã́ erreara idipatama? ¿Ãchidirã́ wa tua awaraɨdepemarã́?
26Pedropa p'anoosima:
—Tua awaraɨdepemarã́.
Jesupa ichiá jarasima:
—Ãjã. Chi minachia k'awa p'anɨneerãpa teadak'ama. 27Tachi, Tachi Ak'õreneerãmina, mãɨ erreara teadaipɨ, ẽpẽrarãpa tachi k'orea piawẽa k'ɨ̃risiapidaemaapa. Mãɨpuru senianea to ɨade wãse. Chi naa beta pearu it'aede erreara tau aba unuipɨ. Mãɨ erreara jitak'ari, tease mɨ pari mãɨnepa pɨ pari.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.