Mateo 26
26
Jesú jitapidai pedea audada
Marco 14:1-2; Luca 22:1-2; Juan 11:45-53
1Jõma mãɨ jarateak'ari Jesupa ichi ome p'ɨrrɨapataɨrã́ jarasima:
2—Mãrapa k'awa p'anɨma ewari ume parude, Egitodepa wãnana k'ɨ̃risiapataɨ ewari oodaipɨ.#26:2 Egitodepa wãnana k'ɨ̃risiapataɨ ewari. Griego pedeade Pascua bɨ bɨma. Egitodepa wãnai naena, te becha, judiorãpa oveja aba peadak'ari chi oadepa te eda wãpataɨk'á tĩitau p'ɨrɨsidama. Mãɨya oosidama Tachi Ak'õrepa egitopidarã ɨtɨai ewate mãɨne piudaemaapa. Naapae Jesupa jara bɨma ichit'a mãɨ oveja jĩra bɨade bɨma, ichi k'urusude barijira bɨk'ari, ichi oa ãripiyade a bɨma. Jesupa mãɨya oosima Tachi Ak'õrea ichide ĩjãapataɨrã ãarea ɨtɨapiemaapa. Éxodo 12:1-27. Mãɨne abaɨpa mɨ, chi Ẽpẽra Warra jitapiipɨ k'urusude barijira bɨk'ari, peadamẽrá.
3Mãɨmisa judiorã chaarearã, Moisepa bɨda jarateapataɨrã mãɨnepa p'aarerã chi mãɨrã chaarearã Caip'á te chomane ãarea ará jere nɨbeesima. Mãɨ Caip'á p'aare minachia k'awa bɨ basima. 4Mãɨne pedea ausidama Jesú k'ĩup'ea jitadak'ari peapidai k'orea. 5Maamina jarasidama:
—Arapaapataɨ ewaride jitadaiwẽma ẽpẽerã k'ĩruupidaemaapa».
Wẽrapa nardo k'era Jesú poro ɨ̃rɨ weada
Marco 14:3-9; Juan 12:1-8
6Mãɨ ewaride Jesú Betania p'uurude Simón aida jita bada temá basima. 7Mãɨne wẽra ichimá chesima. Mãɨ wẽrapa pot'eya alabastro mawara ooda enemeesima.#26:7 Alabastro. Mãɨ mawara t'ot'orroa paapaa bɨma. Ãpia chaareawẽa bɨẽra ne oopatama. Judiorãpa alabastro Egito tuadepa enemeepachidama. Jõma alabastro ne ooda neepɨa bɨma. Pot'eya k'era minachia neepɨa bɨ ipiru basima. Jesú suak'abari beek'ari nek'omaa bɨde wẽrapa orrobarik'ari mãɨ k'era ichi poro ɨ̃rɨ weasima. 8Jesú ome p'ɨrrɨapataɨrãpa mãɨ ununak'ari k'ĩruusidama. Nãɨya jarasidama:
—¿K'ãre k'orea jãɨ k'era pari ãrisima? 9Netodapara erreara minachia jitadai pasima. Mãɨnepa chichupuria k'ede k'aripadai pasima.
10Maamina Jesupa mãɨ ũrina pẽra jarasima:
—¿K'ãre k'orea ichi ɨtɨa p'anɨma? Ichia mɨ jãɨya ooda pia bɨma. 11Chichupuria k'ede ewaricha mãra t'ãena p'ananaipɨ, maamina mɨ mãra ome ewaricha baiwẽma. 12Tãaraawẽa bɨde, mɨ piuk'ari t'ɨbaridaipɨ. Nãɨ wẽrapa mɨ mãɨ k'orea k'erapa p'ɨrɨsima. 13Mɨa piarã jararuma: jõma nãɨ ĩjũane chi pedea pia mɨ k'orea jarautamá nãɨ wẽrapa ooda nepɨrɨdaipɨ ichi k'ɨ̃risiadamẽrá.
Judapa Jesú jitapii k'orea k'ɨ̃risiada
Marco 14:10-11; Luca 22:3-6
14Juda Iscariote apataɨ Jesupa doce peedaɨrãnepema pasima. Mãɨ Juda p'aarerã chi mãɨrã chaarearãmá wãsima. 15Ichia nãɨya idisima:
—Mɨa mãrá Jesú jita teaipɨra, ¿mãrapa mɨá jõmasã́ teadaima?
Mãɨne ãchia erreara tau treinta teasidama.#Zak'aria 11:12; Éxodo 21:32. 16Mãɨ ewaridepa Judapa k'ɨ̃risia basima sãmaasã́ Jesú jitapii.
Jesupa doce peedaɨrã ome nek'oda
Marco 14:12-25; Luca 22:7-23; Juan 13:21-30; 1 Corintio 11:23-26
17Judiorã p'ana ooropiparí newẽa k'opataɨ arapaapataɨ ewari pasima. Tomioama mãɨya k'opachidama. Chi naapema ewaride chi Jesú ome p'ɨrrɨapataɨrãpa ichimá wãnak'ari idisidama:
—¿Pɨa sãma k'ɨ̃ria bɨma taipa Egitodepa wãnana k'ɨ̃risiapataɨ ewari nek'opataɨ pɨ pae oodait'a?
18Jesupa p'anoosima:
—Jerusalenea tachia k'awa p'anɨ ẽpẽramá wãt'ɨ. Ichiá nãɨya jarat'ɨ: “Tachi Jarateaparipa jara bɨma ichi ewari k'ait'a bɨ. Ichia mãɨnepa chi ichi ome p'ɨrrɨapataɨrã pida arapá nek'opataɨ k'odaipɨ pɨ tiida, Egitodepa wãnana k'ɨ̃risiadai k'orea”.
19Ara mãɨne Jesupa jarada jĩra ichi ome p'ɨrrɨapataɨrãpa Egitodepa wãnana k'ɨ̃risiapataɨ ewari nek'opataɨ oosidama.
20K'iuk'ari Jesú, chi ichi ome p'ɨrrɨapataɨrã doce p'anɨ ome nek'opataɨ ik'idá suak'abari beesima. 21Nek'omaa p'anɨne ichia jarasima:
—Mɨa piarã jararuma: aba mãranepemapa mɨ jitapiipɨ.
22Mãɨpuru ãchi minachia k'ĩra piawẽa p'aneesidama. Ara mãɨne ãchia abaabá idisidama ichiá:
—Mɨ Chipari, ¿mɨa mãɨyaik'ãra?
23Ichia p'anoosima:
—Chi mɨ ome p'arat'u aba bɨde nek'omaa bɨpa mɨ jitapiipɨ.#Salmo 41:9. 24Piarã mɨ, chi Ẽpẽra Warra piui bɨma Tachi Ak'õre pedeade bɨ bɨ jĩra.#Salmo 22; Salmo 118:22; Isaía 52:13—53:12. ¡Maamina chi mɨ jitapii bɨ ẽpẽra mãɨ chichupuria baipɨ! Pia basima, mãɨ ẽpẽra t'õwẽa badapara.
25Mãɨne Juda, chi Jesú jitapii bɨpa idisima:
—Jarateaparí, ¿mɨa mãɨyaik'ãra?
Jesupa p'anoosima:
—Ãjã, pɨa mãɨya jara bɨma.
26Nek'omaa p'anɨne Jesupa p'ana juade jitak'ari ɨt'aa chiidik'ari Tachi Ak'õrea sõpia bɨade a jarasima. Maapae t'oet'aak'ari ichi ome p'ɨrrɨapataɨrã́ tearude jarasima:
—Jitat'ɨ. K'ot'ɨ. Nãɨ mɨ k'ak'uapɨ.
27Maapae pasu jitak'ari Tachi Ak'õrea sõpia bɨade asima. Maapae ãchiá tearude jarasima:
—Jõmãɨrãpa tot'ɨ. 28Nãɨ mɨ oapɨ. Mɨ oa ãrirunepa Tachi Ak'õrepa pedea chiwidi bɨ bɨma chok'ará ẽpẽerãpa nemietá oodada k'ɨ̃risia atuai k'orea.#26:28 Pedea chiwidi. Jeremia 31:31-34. Tachi Ak'õrepa naa israel ĩjũanepemarã ome pedea bɨsima Éxodo 24:6-8. Chiwidi. Griego pedeade chi eda waapẽarã k'art'ade mãɨ newẽma. 29Mɨa jararuma: mɨa uvaba waa toiwẽma aba mɨ Ak'õrepa jõma ichidirã ichi juade ua beerudea. Mãɨyapuru mɨa mãra ome uvaba mãicha toipɨ.#26:29 Uvaba mãicha toipɨ. Griego pedeade mãɨ ichiaba jara bɨma: Uvaba chiwidi toipɨ.
Pedropa Jesú ichi tuaba ameewẽane ada
Marco 14:26-31; Luca 22:31-34; Juan 13:36-38
30Maapae Tachi Ak'õre pedea bɨ bɨdadepema k'aridak'ari Olivo eyadea wãsidama.#26:30 Mãɨ arapaapataɨ ewaride judiorãpa nek'odai naena Salmo 113—114 k'aripachidama. Nek'odak'ari Salmo 115—118 k'aripachidama. 31Mãɨne Jesupa ãchiá jarasima:
—Nãɨ teamasi mãrapa ãarea mɨ tuaba ameenaipɨ. Tachi Ak'õre pedeade nãɨya bɨ bɨma: “Mɨa chi oveja ak'ɨparí pearude chi oveja jĩichoadaipɨ”.#Zak'aria 13:7. 32Maamina mɨ chok'ae p'irabarik'ari mãra naa wãipɨ Galilea tuadea.
33Mãɨne Pedropa Jesua jarasima:
—Jõmãɨrãpa pɨ tuaba ameenaimina, mɨa pɨ ameeiwẽma.
34Jesupa Pedroa jarasima:
—Mɨa piarã jararuma: piarã ara nãɨ teamasi et'erre pirui naena pɨa bari k'ak'o ũpea mɨ unuk'aade aipɨ.
35Maamina Pedropa jarasima:
—Mɨ pɨ ome peautamina, pɨ tuaba ameeiwẽma.
Chi waapẽarãpa ara abarik'a jarasidama.
Jesú Getsemanine Tachi Ak'õrea ɨt'aa chiidida
Marco 14:32-42; Luca 22:39-46
36Jesú mãɨnepa chi ichi ome p'ɨrrɨapataɨrã Getsemaní apataɨmá pade wãsidama. Mãma Jesupa ãchiá jarasima:
—Mɨ jãmá Tachi Ak'õrea ɨt'aa chiidide wãrumisa nãma suak'abari p'aneet'ɨ.
37Maapae Zebedeo warrarã ume p'anɨ, Pedro ome awara ateewãsima. Ichi mãɨya bai bɨẽra, k'ĩra piawẽa beek'ari, sõp'ua beesima. 38Mãɨne ãchiá jarasima:
—Mɨ piui jĩra bɨma sõp'uapa. Nãma p'aneet'ɨ. Mɨ ome k'ãinawẽa p'anat'ɨ.
39Jesú wawá wãk'ari sĩraporode bedabari k'obeek'ari, ichi tau bɨɨrɨ ĩjũanea t'õmaripik'ari Tachi Ak'õrea ɨt'aa chiidisima: «Ak'õre, pɨa k'ɨ̃ria bɨpɨra, mɨ itu mĩapirãse.#26:39 Mɨ itu mĩapirãse. Griego pedeade nãɨya bɨ bɨma: Nãɨ pasu mɨnepema ãyá bɨse. Maamina mɨa k'ɨ̃ria bɨ jĩra oorãse. Oose pɨapuru k'ɨ̃ria bɨ jĩra».
40Maapae Jesú ichi ome p'ɨrrɨapataɨrã ũpea p'anɨmá jĩitea cherude ãchi k'ãi p'anɨ unusima. Pedroa jarasima:
—¿Mãra mɨ ome mi ãpia pida hora aba pida p'ue chok'ae p'ananaiwẽk'ãra? 41Mãra tau pará p'anat'ɨ. Tachi Ak'õrea ɨt'aa chiidit'ɨ mãra nemietaade baedaemaapa. Mɨa k'awa bɨma mãrapa nepia oo k'ɨ̃ria p'anɨt'a. Maamina machi k'ak'uapa choadawẽa p'anɨma.
42Maapae Jesú mãicha wãk'ari Tachi Ak'õrea ɨt'aa chiidisima: «Mɨ Ak'õre, mɨ minachia mĩapiipɨra, pɨa k'ɨ̃ria bɨ jĩra mĩapise».
43Ichi ome p'ɨrrɨapataɨrãmá mãicha cherude k'ãi p'anɨ unusima. Ãchi tau tap'ok'ea wãna p'anasidama. 44Ãchi mãicha ameek'ari wãsima. Tachi Ak'õrea abarik'a ɨt'aa chiidisima. 45Maapae ichi ome p'ɨrrɨapataɨrãmá jĩitea chek'ari jarasima:
—Mãra ¿wapida k'ãi p'anɨk'ãra? Mɨ ewari arí pasima. Abaɨpa mɨ, chi Ẽpẽra Warra ẽpẽerã k'achia p'anɨ juade teaipɨ. 46P'irabarit'ɨ. Wãtɨma. Ak'ɨt'ɨ, chi mɨ jitapii bɨ ẽpẽra ara k'ait'a cheruma.
Jesú jitadada
Marco 14:43-50; Luca 22:47-53; Juan 18:2-11
47Jesú wapida pedeamaa bɨde Juda chesima. Mãɨ Juda Jesupa doce peedaɨrãnepema pasima. Ẽpẽrarã chok'ará k'ĩruupataɨ nek'o paara, pak'uru paara ichi ome chesidama. Ãchi p'aarerã chi mãɨrã chaarearãpa mãɨnepa judiorã chaarearãpa peedaadarã pasima. 48Chi jitapii bɨpa ãchiá jara basima sãmaasã́ ooit'a Jesú k'awadamẽrá. Nãɨya jarasima: «Chi mɨa uitarra sõru, mãɨt'u Jesupɨ. Mãɨ jitat'ɨ».
49Mãɨne Juda Jesú k'ait'a wãk'ari jarasima:
—¡Jarateaparí!
Mãɨya jarak'ari Jesú uitarra sõsima. 50Jesupa ichiá jarasima:
—K'õp'ãero, pɨchia oode cheru oose.#26:50 Pɨchia oode cheru oose. Mãɨ pedea ichiaba jara bɨma: «¿K'ãre oode che bɨma?»
Ara mãɨne waapẽarã orrobaridak'ari Jesú jitasidama. 51Mãɨne Jesú ome p'ɨrrɨaparí abaɨpa ichi k'ĩruuparí nek'o ẽut'aak'ari p'aare minachia k'awa bɨ pae pari mimiaparí k'ɨɨrɨ oat'ut'aasima. 52Maapae chi k'ɨɨrɨ oat'ut'aadá Jesupa jarasima:
—Pɨchi k'ĩruuparí nek'o yaase. Chi nek'odepa k'ĩruuparí nek'odepa piuparima. 53Mɨ Ak'õrea idiipɨra ara mãɨne ichia ɨt'aripa peedarã minachia peeipɨ. ¿Pɨa mãɨ k'awawẽa bɨk'ãra? 54Maamina mãɨya oorupara ichi Pedeade mɨ k'orea bɨ bɨt'a ¿sãmaasã́ mãɨya baeima?
55Maapae Jesupa ãchiá jarasima:
—Mãrapa ¿k'ãre k'orea k'ĩruuparí nek'o mãɨnepa pak'uru paara mɨ jãɨya jitade chesidama? ¿Mãramá, mɨ chi nechɨaparí mietá bɨk'ãra? Mɨa ewaricha Tachi Ak'õre te eda mãrá jaratea suak'abari bapachima. ¿K'ãre k'orea mɨ mãma jõmãɨrã taade jitadaé pasima? 56Maamina ãarea nãɨ oo p'anɨma Tachi Ak'õre pari pedeapataɨrãpa bɨdada jĩra mãɨya baemẽrá.
Mãɨya bɨde Jesú ome p'ɨrrɨapataɨrãpa ichi ameenak'ari, ãarea mĩruwãsidama.
Jesú chi minachia k'awa p'anɨrã k'ĩrari bada
Marco 14:53-65; Luca 22:54-55; 22:63-71; Juan 18:12-24
57Maapae Jesú jitadaadarãpa ichi p'aare minachia k'awa bɨ Caip'amá enemeesidama. Mãɨ Caip'á tede Moisepa bɨda jarateapataɨrã, judiorã chi mãɨrã chaarearã ome ará jere tuanasidama. 58Mãɨne Pedro Jesú k'aade t'ɨmɨ nine, chi p'aare minachia k'awa bɨ temá chesima. Chi te audu jũk'a bɨde eda wãk'ari, Pedro chi te ot'eapataɨrã ome suak'abari beesima, Jesú ome sãmaasã́ oodai k'awai k'orea.
59Mãɨne p'aarerã chi mãɨrã chaarearãpa mãɨnepa ãarea chi judiorã chi mãɨrã chaarearãpa ẽpẽerã jɨrɨsidama Jesú k'orea sea k'achia pedeadamẽrá. Ichi nepɨra pará bɨade adak'ari peapidai k'ɨ̃risiasidama. 60Ẽpẽrarã chok'araɨrãpa sea jarade chesidamina ichi k'orea k'achia pedeadai newẽ pasima. Mãɨya p'anɨne ẽpẽra ume chesidama. 61Mãɨrãpa jarasidama:
—Nãɨ ẽpẽrapa jarasima: “Mɨa Tachi Ak'õre te minachia bɨ p'ue ãarea ãrik'ari, ewari ũpeaɨde mãicha ooyade asima”.#Juan 2:19.
62Mãɨne chi p'aare minachia k'awa bɨ bai nɨbeek'ari Jesua idisima:
—Chi pɨa nemietá oodaade a p'anɨt'a ¿mãɨ piarãk'ãra? ¿Pɨa mi ãpia pida p'anooiwẽk'ãra?
63Maamina Jesú k'ĩup'ea beesima.#Isaía 53:7. Mãɨya bɨde p'aare minachia k'awa bɨpa ichiá jarasima:
—Tachi Ak'õre chok'ae bɨ k'ĩrari taiyá piarã jarase. ¿Pɨ Tachi Ak'õrepa Tachi K'aripaparí teai jara badak'ãra? ¿Pɨ Tachi Ak'õre Warrak'ãra?
64Jesupa p'anoosima:
—Ãjã, pɨa mãɨya jara bɨma. Mãɨ awara mɨa jararuma: idiipa naa mãrapa mɨ, chi Ẽpẽra Warra ununaipɨ Tachi Ak'õre chi Ne Ãarea P'ue Bɨ juaraari suak'abari bɨt'a mãɨnepa jɨ̃arane cherut'a.#Salmo 110:1; Daniel 7:13-14.
65Mãɨne chi p'aare minachia k'awa bɨpa k'ĩruurupa ichia neet'á jɨ̃ bada ãrik'ari jarasima:
—¡Jãɨya ichia Tachi Ak'õre k'orea k'achia pedea bɨma! ¿K'ãre k'orea ẽpẽerã waa k'ɨ̃ria p'anɨma, ichi k'orea pedeadamẽrá? Mãrapa ũrisidama chi ichia Tachi Ak'õre k'orea k'achia pedea bɨt'a. 66Mãramá ¿ichi ome sãmaasã́ oodai p'anɨma?
Ãchia p'anoosidama:
—Ichi nepɨra pará bɨma. Mãɨ k'orea peadai p'anɨma.#Levítico 24:15-16.
67Maapae chi eda waapẽarãpa Jesú k'ĩtarramá taba idusidama mãɨnepa sĩsidama. Waapẽarãpa ichi jok'aedak'ari,#Isaía 50:6. 68jarasidama:
—¡Pɨ Tachi Ak'õrepa Tachi K'aripaparí teai jarada paipɨra, Tachi Ak'õrenepa pedease! ¡Taiyá jarase k'aipa pɨ sĩsit'a!
Pedropa Jesú unuk'aade ada
Marco 14:66-72; Luca 22:56-62; Juan 18:15-18; 18:25-27
69Pedro mãɨ te tuda suak'abari baside, mimiaparí wẽra aba ichimá chesima. Mãɨ wẽrapa jarasima:
—Pɨ Jesú Galileadepema ome p'ɨrrɨa bapachima.
70Maamina Pedropa jõmãɨrã k'ĩrari mẽrasima. Nãɨya jarasima:
—Mɨa atua bɨma pɨa k'ãre jara bɨt'a.
71Maapae Pedro edaɨpa tajataria wãru pasima. Te eda wãpataɨde, awaraɨ mimiaparí wẽrapa ichi unuk'ari chi arí p'ananarã́ jarasima:
—Cha nãɨ Jesú Nazaredepema ome p'ɨrrɨa bapachima.
72Maamina Pedropa mãicha mẽrasima:
—Mɨa piarãpẽa jararuma: jãɨ ẽpẽra atuama.
73Tãaraawẽa bɨde chi arí p'ananarãpa Pedromá wãnak'ari jarasidama:
—Piarã pɨ jãɨ Jesú ome p'ɨrrɨa bapachima. Pɨa p'ue mẽraiwẽma, Galileadepema jĩra pedeapari pẽra.
74Pedropa jarasima:
—¡Mɨa sea jaraipɨra Tachi Ak'õrepa mɨ ɨtɨaipɨ! Piarãpẽa jararuma: mɨa jãɨ ẽpẽra atuama.
Ara mãɨne et'erre pirusima. 75Mãɨne Pedropa k'ɨ̃risiasima Jesupa nãɨya jara badat'a: «Et'erre pirui naena pɨa bari k'ak'o ũpea mɨ unuk'aade aipɨ».#Mateo 26:34. Maapae Pedro tajatá wãk'ari minachia sõp'uapa jẽasima.
Currently Selected:
Mateo 26: tdc
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Mateo 26
26
Jesú jitapidai pedea audada
Marco 14:1-2; Luca 22:1-2; Juan 11:45-53
1Jõma mãɨ jarateak'ari Jesupa ichi ome p'ɨrrɨapataɨrã́ jarasima:
2—Mãrapa k'awa p'anɨma ewari ume parude, Egitodepa wãnana k'ɨ̃risiapataɨ ewari oodaipɨ.#26:2 Egitodepa wãnana k'ɨ̃risiapataɨ ewari. Griego pedeade Pascua bɨ bɨma. Egitodepa wãnai naena, te becha, judiorãpa oveja aba peadak'ari chi oadepa te eda wãpataɨk'á tĩitau p'ɨrɨsidama. Mãɨya oosidama Tachi Ak'õrepa egitopidarã ɨtɨai ewate mãɨne piudaemaapa. Naapae Jesupa jara bɨma ichit'a mãɨ oveja jĩra bɨade bɨma, ichi k'urusude barijira bɨk'ari, ichi oa ãripiyade a bɨma. Jesupa mãɨya oosima Tachi Ak'õrea ichide ĩjãapataɨrã ãarea ɨtɨapiemaapa. Éxodo 12:1-27. Mãɨne abaɨpa mɨ, chi Ẽpẽra Warra jitapiipɨ k'urusude barijira bɨk'ari, peadamẽrá.
3Mãɨmisa judiorã chaarearã, Moisepa bɨda jarateapataɨrã mãɨnepa p'aarerã chi mãɨrã chaarearã Caip'á te chomane ãarea ará jere nɨbeesima. Mãɨ Caip'á p'aare minachia k'awa bɨ basima. 4Mãɨne pedea ausidama Jesú k'ĩup'ea jitadak'ari peapidai k'orea. 5Maamina jarasidama:
—Arapaapataɨ ewaride jitadaiwẽma ẽpẽerã k'ĩruupidaemaapa».
Wẽrapa nardo k'era Jesú poro ɨ̃rɨ weada
Marco 14:3-9; Juan 12:1-8
6Mãɨ ewaride Jesú Betania p'uurude Simón aida jita bada temá basima. 7Mãɨne wẽra ichimá chesima. Mãɨ wẽrapa pot'eya alabastro mawara ooda enemeesima.#26:7 Alabastro. Mãɨ mawara t'ot'orroa paapaa bɨma. Ãpia chaareawẽa bɨẽra ne oopatama. Judiorãpa alabastro Egito tuadepa enemeepachidama. Jõma alabastro ne ooda neepɨa bɨma. Pot'eya k'era minachia neepɨa bɨ ipiru basima. Jesú suak'abari beek'ari nek'omaa bɨde wẽrapa orrobarik'ari mãɨ k'era ichi poro ɨ̃rɨ weasima. 8Jesú ome p'ɨrrɨapataɨrãpa mãɨ ununak'ari k'ĩruusidama. Nãɨya jarasidama:
—¿K'ãre k'orea jãɨ k'era pari ãrisima? 9Netodapara erreara minachia jitadai pasima. Mãɨnepa chichupuria k'ede k'aripadai pasima.
10Maamina Jesupa mãɨ ũrina pẽra jarasima:
—¿K'ãre k'orea ichi ɨtɨa p'anɨma? Ichia mɨ jãɨya ooda pia bɨma. 11Chichupuria k'ede ewaricha mãra t'ãena p'ananaipɨ, maamina mɨ mãra ome ewaricha baiwẽma. 12Tãaraawẽa bɨde, mɨ piuk'ari t'ɨbaridaipɨ. Nãɨ wẽrapa mɨ mãɨ k'orea k'erapa p'ɨrɨsima. 13Mɨa piarã jararuma: jõma nãɨ ĩjũane chi pedea pia mɨ k'orea jarautamá nãɨ wẽrapa ooda nepɨrɨdaipɨ ichi k'ɨ̃risiadamẽrá.
Judapa Jesú jitapii k'orea k'ɨ̃risiada
Marco 14:10-11; Luca 22:3-6
14Juda Iscariote apataɨ Jesupa doce peedaɨrãnepema pasima. Mãɨ Juda p'aarerã chi mãɨrã chaarearãmá wãsima. 15Ichia nãɨya idisima:
—Mɨa mãrá Jesú jita teaipɨra, ¿mãrapa mɨá jõmasã́ teadaima?
Mãɨne ãchia erreara tau treinta teasidama.#Zak'aria 11:12; Éxodo 21:32. 16Mãɨ ewaridepa Judapa k'ɨ̃risia basima sãmaasã́ Jesú jitapii.
Jesupa doce peedaɨrã ome nek'oda
Marco 14:12-25; Luca 22:7-23; Juan 13:21-30; 1 Corintio 11:23-26
17Judiorã p'ana ooropiparí newẽa k'opataɨ arapaapataɨ ewari pasima. Tomioama mãɨya k'opachidama. Chi naapema ewaride chi Jesú ome p'ɨrrɨapataɨrãpa ichimá wãnak'ari idisidama:
—¿Pɨa sãma k'ɨ̃ria bɨma taipa Egitodepa wãnana k'ɨ̃risiapataɨ ewari nek'opataɨ pɨ pae oodait'a?
18Jesupa p'anoosima:
—Jerusalenea tachia k'awa p'anɨ ẽpẽramá wãt'ɨ. Ichiá nãɨya jarat'ɨ: “Tachi Jarateaparipa jara bɨma ichi ewari k'ait'a bɨ. Ichia mãɨnepa chi ichi ome p'ɨrrɨapataɨrã pida arapá nek'opataɨ k'odaipɨ pɨ tiida, Egitodepa wãnana k'ɨ̃risiadai k'orea”.
19Ara mãɨne Jesupa jarada jĩra ichi ome p'ɨrrɨapataɨrãpa Egitodepa wãnana k'ɨ̃risiapataɨ ewari nek'opataɨ oosidama.
20K'iuk'ari Jesú, chi ichi ome p'ɨrrɨapataɨrã doce p'anɨ ome nek'opataɨ ik'idá suak'abari beesima. 21Nek'omaa p'anɨne ichia jarasima:
—Mɨa piarã jararuma: aba mãranepemapa mɨ jitapiipɨ.
22Mãɨpuru ãchi minachia k'ĩra piawẽa p'aneesidama. Ara mãɨne ãchia abaabá idisidama ichiá:
—Mɨ Chipari, ¿mɨa mãɨyaik'ãra?
23Ichia p'anoosima:
—Chi mɨ ome p'arat'u aba bɨde nek'omaa bɨpa mɨ jitapiipɨ.#Salmo 41:9. 24Piarã mɨ, chi Ẽpẽra Warra piui bɨma Tachi Ak'õre pedeade bɨ bɨ jĩra.#Salmo 22; Salmo 118:22; Isaía 52:13—53:12. ¡Maamina chi mɨ jitapii bɨ ẽpẽra mãɨ chichupuria baipɨ! Pia basima, mãɨ ẽpẽra t'õwẽa badapara.
25Mãɨne Juda, chi Jesú jitapii bɨpa idisima:
—Jarateaparí, ¿mɨa mãɨyaik'ãra?
Jesupa p'anoosima:
—Ãjã, pɨa mãɨya jara bɨma.
26Nek'omaa p'anɨne Jesupa p'ana juade jitak'ari ɨt'aa chiidik'ari Tachi Ak'õrea sõpia bɨade a jarasima. Maapae t'oet'aak'ari ichi ome p'ɨrrɨapataɨrã́ tearude jarasima:
—Jitat'ɨ. K'ot'ɨ. Nãɨ mɨ k'ak'uapɨ.
27Maapae pasu jitak'ari Tachi Ak'õrea sõpia bɨade asima. Maapae ãchiá tearude jarasima:
—Jõmãɨrãpa tot'ɨ. 28Nãɨ mɨ oapɨ. Mɨ oa ãrirunepa Tachi Ak'õrepa pedea chiwidi bɨ bɨma chok'ará ẽpẽerãpa nemietá oodada k'ɨ̃risia atuai k'orea.#26:28 Pedea chiwidi. Jeremia 31:31-34. Tachi Ak'õrepa naa israel ĩjũanepemarã ome pedea bɨsima Éxodo 24:6-8. Chiwidi. Griego pedeade chi eda waapẽarã k'art'ade mãɨ newẽma. 29Mɨa jararuma: mɨa uvaba waa toiwẽma aba mɨ Ak'õrepa jõma ichidirã ichi juade ua beerudea. Mãɨyapuru mɨa mãra ome uvaba mãicha toipɨ.#26:29 Uvaba mãicha toipɨ. Griego pedeade mãɨ ichiaba jara bɨma: Uvaba chiwidi toipɨ.
Pedropa Jesú ichi tuaba ameewẽane ada
Marco 14:26-31; Luca 22:31-34; Juan 13:36-38
30Maapae Tachi Ak'õre pedea bɨ bɨdadepema k'aridak'ari Olivo eyadea wãsidama.#26:30 Mãɨ arapaapataɨ ewaride judiorãpa nek'odai naena Salmo 113—114 k'aripachidama. Nek'odak'ari Salmo 115—118 k'aripachidama. 31Mãɨne Jesupa ãchiá jarasima:
—Nãɨ teamasi mãrapa ãarea mɨ tuaba ameenaipɨ. Tachi Ak'õre pedeade nãɨya bɨ bɨma: “Mɨa chi oveja ak'ɨparí pearude chi oveja jĩichoadaipɨ”.#Zak'aria 13:7. 32Maamina mɨ chok'ae p'irabarik'ari mãra naa wãipɨ Galilea tuadea.
33Mãɨne Pedropa Jesua jarasima:
—Jõmãɨrãpa pɨ tuaba ameenaimina, mɨa pɨ ameeiwẽma.
34Jesupa Pedroa jarasima:
—Mɨa piarã jararuma: piarã ara nãɨ teamasi et'erre pirui naena pɨa bari k'ak'o ũpea mɨ unuk'aade aipɨ.
35Maamina Pedropa jarasima:
—Mɨ pɨ ome peautamina, pɨ tuaba ameeiwẽma.
Chi waapẽarãpa ara abarik'a jarasidama.
Jesú Getsemanine Tachi Ak'õrea ɨt'aa chiidida
Marco 14:32-42; Luca 22:39-46
36Jesú mãɨnepa chi ichi ome p'ɨrrɨapataɨrã Getsemaní apataɨmá pade wãsidama. Mãma Jesupa ãchiá jarasima:
—Mɨ jãmá Tachi Ak'õrea ɨt'aa chiidide wãrumisa nãma suak'abari p'aneet'ɨ.
37Maapae Zebedeo warrarã ume p'anɨ, Pedro ome awara ateewãsima. Ichi mãɨya bai bɨẽra, k'ĩra piawẽa beek'ari, sõp'ua beesima. 38Mãɨne ãchiá jarasima:
—Mɨ piui jĩra bɨma sõp'uapa. Nãma p'aneet'ɨ. Mɨ ome k'ãinawẽa p'anat'ɨ.
39Jesú wawá wãk'ari sĩraporode bedabari k'obeek'ari, ichi tau bɨɨrɨ ĩjũanea t'õmaripik'ari Tachi Ak'õrea ɨt'aa chiidisima: «Ak'õre, pɨa k'ɨ̃ria bɨpɨra, mɨ itu mĩapirãse.#26:39 Mɨ itu mĩapirãse. Griego pedeade nãɨya bɨ bɨma: Nãɨ pasu mɨnepema ãyá bɨse. Maamina mɨa k'ɨ̃ria bɨ jĩra oorãse. Oose pɨapuru k'ɨ̃ria bɨ jĩra».
40Maapae Jesú ichi ome p'ɨrrɨapataɨrã ũpea p'anɨmá jĩitea cherude ãchi k'ãi p'anɨ unusima. Pedroa jarasima:
—¿Mãra mɨ ome mi ãpia pida hora aba pida p'ue chok'ae p'ananaiwẽk'ãra? 41Mãra tau pará p'anat'ɨ. Tachi Ak'õrea ɨt'aa chiidit'ɨ mãra nemietaade baedaemaapa. Mɨa k'awa bɨma mãrapa nepia oo k'ɨ̃ria p'anɨt'a. Maamina machi k'ak'uapa choadawẽa p'anɨma.
42Maapae Jesú mãicha wãk'ari Tachi Ak'õrea ɨt'aa chiidisima: «Mɨ Ak'õre, mɨ minachia mĩapiipɨra, pɨa k'ɨ̃ria bɨ jĩra mĩapise».
43Ichi ome p'ɨrrɨapataɨrãmá mãicha cherude k'ãi p'anɨ unusima. Ãchi tau tap'ok'ea wãna p'anasidama. 44Ãchi mãicha ameek'ari wãsima. Tachi Ak'õrea abarik'a ɨt'aa chiidisima. 45Maapae ichi ome p'ɨrrɨapataɨrãmá jĩitea chek'ari jarasima:
—Mãra ¿wapida k'ãi p'anɨk'ãra? Mɨ ewari arí pasima. Abaɨpa mɨ, chi Ẽpẽra Warra ẽpẽerã k'achia p'anɨ juade teaipɨ. 46P'irabarit'ɨ. Wãtɨma. Ak'ɨt'ɨ, chi mɨ jitapii bɨ ẽpẽra ara k'ait'a cheruma.
Jesú jitadada
Marco 14:43-50; Luca 22:47-53; Juan 18:2-11
47Jesú wapida pedeamaa bɨde Juda chesima. Mãɨ Juda Jesupa doce peedaɨrãnepema pasima. Ẽpẽrarã chok'ará k'ĩruupataɨ nek'o paara, pak'uru paara ichi ome chesidama. Ãchi p'aarerã chi mãɨrã chaarearãpa mãɨnepa judiorã chaarearãpa peedaadarã pasima. 48Chi jitapii bɨpa ãchiá jara basima sãmaasã́ ooit'a Jesú k'awadamẽrá. Nãɨya jarasima: «Chi mɨa uitarra sõru, mãɨt'u Jesupɨ. Mãɨ jitat'ɨ».
49Mãɨne Juda Jesú k'ait'a wãk'ari jarasima:
—¡Jarateaparí!
Mãɨya jarak'ari Jesú uitarra sõsima. 50Jesupa ichiá jarasima:
—K'õp'ãero, pɨchia oode cheru oose.#26:50 Pɨchia oode cheru oose. Mãɨ pedea ichiaba jara bɨma: «¿K'ãre oode che bɨma?»
Ara mãɨne waapẽarã orrobaridak'ari Jesú jitasidama. 51Mãɨne Jesú ome p'ɨrrɨaparí abaɨpa ichi k'ĩruuparí nek'o ẽut'aak'ari p'aare minachia k'awa bɨ pae pari mimiaparí k'ɨɨrɨ oat'ut'aasima. 52Maapae chi k'ɨɨrɨ oat'ut'aadá Jesupa jarasima:
—Pɨchi k'ĩruuparí nek'o yaase. Chi nek'odepa k'ĩruuparí nek'odepa piuparima. 53Mɨ Ak'õrea idiipɨra ara mãɨne ichia ɨt'aripa peedarã minachia peeipɨ. ¿Pɨa mãɨ k'awawẽa bɨk'ãra? 54Maamina mãɨya oorupara ichi Pedeade mɨ k'orea bɨ bɨt'a ¿sãmaasã́ mãɨya baeima?
55Maapae Jesupa ãchiá jarasima:
—Mãrapa ¿k'ãre k'orea k'ĩruuparí nek'o mãɨnepa pak'uru paara mɨ jãɨya jitade chesidama? ¿Mãramá, mɨ chi nechɨaparí mietá bɨk'ãra? Mɨa ewaricha Tachi Ak'õre te eda mãrá jaratea suak'abari bapachima. ¿K'ãre k'orea mɨ mãma jõmãɨrã taade jitadaé pasima? 56Maamina ãarea nãɨ oo p'anɨma Tachi Ak'õre pari pedeapataɨrãpa bɨdada jĩra mãɨya baemẽrá.
Mãɨya bɨde Jesú ome p'ɨrrɨapataɨrãpa ichi ameenak'ari, ãarea mĩruwãsidama.
Jesú chi minachia k'awa p'anɨrã k'ĩrari bada
Marco 14:53-65; Luca 22:54-55; 22:63-71; Juan 18:12-24
57Maapae Jesú jitadaadarãpa ichi p'aare minachia k'awa bɨ Caip'amá enemeesidama. Mãɨ Caip'á tede Moisepa bɨda jarateapataɨrã, judiorã chi mãɨrã chaarearã ome ará jere tuanasidama. 58Mãɨne Pedro Jesú k'aade t'ɨmɨ nine, chi p'aare minachia k'awa bɨ temá chesima. Chi te audu jũk'a bɨde eda wãk'ari, Pedro chi te ot'eapataɨrã ome suak'abari beesima, Jesú ome sãmaasã́ oodai k'awai k'orea.
59Mãɨne p'aarerã chi mãɨrã chaarearãpa mãɨnepa ãarea chi judiorã chi mãɨrã chaarearãpa ẽpẽerã jɨrɨsidama Jesú k'orea sea k'achia pedeadamẽrá. Ichi nepɨra pará bɨade adak'ari peapidai k'ɨ̃risiasidama. 60Ẽpẽrarã chok'araɨrãpa sea jarade chesidamina ichi k'orea k'achia pedeadai newẽ pasima. Mãɨya p'anɨne ẽpẽra ume chesidama. 61Mãɨrãpa jarasidama:
—Nãɨ ẽpẽrapa jarasima: “Mɨa Tachi Ak'õre te minachia bɨ p'ue ãarea ãrik'ari, ewari ũpeaɨde mãicha ooyade asima”.#Juan 2:19.
62Mãɨne chi p'aare minachia k'awa bɨ bai nɨbeek'ari Jesua idisima:
—Chi pɨa nemietá oodaade a p'anɨt'a ¿mãɨ piarãk'ãra? ¿Pɨa mi ãpia pida p'anooiwẽk'ãra?
63Maamina Jesú k'ĩup'ea beesima.#Isaía 53:7. Mãɨya bɨde p'aare minachia k'awa bɨpa ichiá jarasima:
—Tachi Ak'õre chok'ae bɨ k'ĩrari taiyá piarã jarase. ¿Pɨ Tachi Ak'õrepa Tachi K'aripaparí teai jara badak'ãra? ¿Pɨ Tachi Ak'õre Warrak'ãra?
64Jesupa p'anoosima:
—Ãjã, pɨa mãɨya jara bɨma. Mãɨ awara mɨa jararuma: idiipa naa mãrapa mɨ, chi Ẽpẽra Warra ununaipɨ Tachi Ak'õre chi Ne Ãarea P'ue Bɨ juaraari suak'abari bɨt'a mãɨnepa jɨ̃arane cherut'a.#Salmo 110:1; Daniel 7:13-14.
65Mãɨne chi p'aare minachia k'awa bɨpa k'ĩruurupa ichia neet'á jɨ̃ bada ãrik'ari jarasima:
—¡Jãɨya ichia Tachi Ak'õre k'orea k'achia pedea bɨma! ¿K'ãre k'orea ẽpẽerã waa k'ɨ̃ria p'anɨma, ichi k'orea pedeadamẽrá? Mãrapa ũrisidama chi ichia Tachi Ak'õre k'orea k'achia pedea bɨt'a. 66Mãramá ¿ichi ome sãmaasã́ oodai p'anɨma?
Ãchia p'anoosidama:
—Ichi nepɨra pará bɨma. Mãɨ k'orea peadai p'anɨma.#Levítico 24:15-16.
67Maapae chi eda waapẽarãpa Jesú k'ĩtarramá taba idusidama mãɨnepa sĩsidama. Waapẽarãpa ichi jok'aedak'ari,#Isaía 50:6. 68jarasidama:
—¡Pɨ Tachi Ak'õrepa Tachi K'aripaparí teai jarada paipɨra, Tachi Ak'õrenepa pedease! ¡Taiyá jarase k'aipa pɨ sĩsit'a!
Pedropa Jesú unuk'aade ada
Marco 14:66-72; Luca 22:56-62; Juan 18:15-18; 18:25-27
69Pedro mãɨ te tuda suak'abari baside, mimiaparí wẽra aba ichimá chesima. Mãɨ wẽrapa jarasima:
—Pɨ Jesú Galileadepema ome p'ɨrrɨa bapachima.
70Maamina Pedropa jõmãɨrã k'ĩrari mẽrasima. Nãɨya jarasima:
—Mɨa atua bɨma pɨa k'ãre jara bɨt'a.
71Maapae Pedro edaɨpa tajataria wãru pasima. Te eda wãpataɨde, awaraɨ mimiaparí wẽrapa ichi unuk'ari chi arí p'ananarã́ jarasima:
—Cha nãɨ Jesú Nazaredepema ome p'ɨrrɨa bapachima.
72Maamina Pedropa mãicha mẽrasima:
—Mɨa piarãpẽa jararuma: jãɨ ẽpẽra atuama.
73Tãaraawẽa bɨde chi arí p'ananarãpa Pedromá wãnak'ari jarasidama:
—Piarã pɨ jãɨ Jesú ome p'ɨrrɨa bapachima. Pɨa p'ue mẽraiwẽma, Galileadepema jĩra pedeapari pẽra.
74Pedropa jarasima:
—¡Mɨa sea jaraipɨra Tachi Ak'õrepa mɨ ɨtɨaipɨ! Piarãpẽa jararuma: mɨa jãɨ ẽpẽra atuama.
Ara mãɨne et'erre pirusima. 75Mãɨne Pedropa k'ɨ̃risiasima Jesupa nãɨya jara badat'a: «Et'erre pirui naena pɨa bari k'ak'o ũpea mɨ unuk'aade aipɨ».#Mateo 26:34. Maapae Pedro tajatá wãk'ari minachia sõp'uapa jẽasima.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.