Marco 12
12
Chi mimiapataɨrã k'achia berã k'orea nepɨrɨda
Mateo 21:33-46; Luca 20:9-19
1Mãɨne Jesupa nepɨrɨ bɨdepa nãɨya jarasima:
—Ẽpẽra basima. Ewariaba mãɨ ẽpẽrapa uva uuk'ari ichi ne uu ĩjũa mawarapa adu jũk'asima. Mawara uria waibɨa uya k'orosima uvaba jui k'orea. Ichiaba te ɨt'ɨ oosima mãmãɨpa ãarea ak'ɨi k'orea. Maapae ichi ne uu ĩjũa waapẽarã ẽpẽerã juade bɨsima. Ãchi ome pedea ausidama uva baautade ichiá jõmasã́ teadait'a. Mãɨya pedeak'ari chi chipari tua awaraɨdea wãsima.
2Maapae uva baapataɨ ewari pak'ari, chi chiparipa ichi pae pari mimiaparí peesima chi uva k'ãenane mimiapataɨrãpa mãɨ chi ichipaepema uva tea peedamẽrá. 3Maamina ichi jitadak'ari, jok'aedak'ari maapae k'ak'uá jĩitea jeret'aa peesidama. 4Mãɨya nak'ari chi chiparipa mãicha mimiaparí awaraɨ peesima ichiá teadai p'anɨt'a teadamẽrá. Maamina mãɨ poro ẽap'et'adak'ari,#12:4 Mãɨ poro ẽap'et'adak'ari. Griego pedeade chi eda waapẽarã k'art'ade ichiaba nãɨya bɨ bɨma: Mawara bat'asidama. ya maapae ichi k'orea eesidama. 5Mãɨya nak'ari chi chiparipa mãicha awaraɨ peesima maamina mãɨ peasidama. Mãɨya nak'ari chi ichi pae pari mimiapataɨrã minachia peesima. Waapẽarã jok'aesidama; waapẽarã peasidama.
6»Chi chiparipa mãicha ẽpẽra aba uru basima; mãɨ ichi warra minachia k'ɨ̃ria bɨ pasima. “Mɨ warra wap'eadai p'anɨék'ãra” a k'ɨ̃risiak'ari, mãɨ peesima. 7Maamina chi ne uu ĩjũa mimiapataɨrãpa chi mãɨ warra unusidaɨde ãchi tuaba jarasidama: “Jãɨpa chi ak'õre piuk'ari, ichia ne uru bada ãarea jɨ̃aipɨ. ¡Mãɨpuru ichi peadaipɨ! Mãɨya chi ĩjũa tachidí paipɨ”.
8Ara mãɨne ichi jitadak'ari peasidama. Maapae chi uva k'ãenanepa ãyá jirat'aasidama. 9Mãɨpuru chi ne uu ĩjũa chiparipa ¿k'ãre ooima? Ará wãk'ari ãchi ãarea k'enak'ari maapae ichi uva k'ãena awaraɨrã́ ak'ɨpiipɨ. 10Mãrapa ¿Tachi Ak'õre pedea eda jaradawẽk'ãra? Nãɨya jara bɨma:
“Chi te oopataɨrãpa mawara amaanana pada, mãɨ mawara chi atepe piipará beesima.
11Nãɨ Tachi Chiparipa mãɨya ooda pẽra tachimá minachia pia beesima”#Salmo 118:22-23.».
12P'aarerã chi mãɨrã chaarearãpa k'awasidama Jesupa mãɨ nepɨrɨdadepa ãchi k'orea pedeada pẽra, Jesú jita k'ɨ̃ria p'anasidama. Maamina chi ẽpẽerã nɨbɨ wap'ea p'anɨ pẽra ichi itu bɨdak'ari ãyá wãsidama.
¿Romanepema pae erreara p'aadai p'anɨk'ãra?
Mateo 22:15-22; Luca 20:20-26
13Mãɨya nak'ari p'ariseorãpa mãɨnepa Herodedepemarãpa Jesumá ẽpẽerã peesidama ichiá piawẽa pedeapidai k'orea. 14Chedak'ari jarasidama:
—Jarateaparí, taipa k'awa p'anɨma pɨ ẽpẽra jĩp'a bɨt'a. Abaɨ pida pɨá awara k'ɨ̃risiapik'ama, pɨa ẽpẽerã ãarea abarik'a unupariideepuru. Mãɨpari Tachi Ak'õre o k'orea piarã jarateaparima. Romanepema pae erreara jɨrɨp'epataɨ ¿tachi judiorãpa p'aadai pia bɨk'ãra wa mãɨyawẽ?
15Maamina Jesupa ãchi ẽpẽerã pia jĩra berãt'a k'awaside, nãɨya jarasima:
—Mãrapa ¿k'ãre k'orea mɨ piawẽa pedeapii k'ɨ̃ria p'anɨma? Erreara tau enemeet'ɨ mɨa ak'ɨi k'orea.
16Ara mãɨne ateewãsidama. Mãɨne Jesupa idisima:
—¿K'ai k'ĩra nãɨne bɨ bɨma? ¿K'ai t'ɨ̃ eda bɨ bɨma?
Ãchia p'anoosidama:
—Romanepema chi atepe poro chaarea bɨdé.
17Mãɨne Jesupa jarasima:
—Mãɨyara chi Romanepema chi atepe poro chaarea bɨdé mãɨ ichidí ichiá teat'ɨ, ichiaba chi Tachi Ak'õrené mãɨ chi Tachi Ak'õrea teat'ɨ.
Ãchia Jesú k'orea k'awa k'ɨ̃risiadaé pasima.
Piudaadarã chok'ae p'irabaridai k'orea jarada
Mateo 22:23-33; Luca 20:27-40
18Maapae chi eda waapẽarã saduceorã Jesú orrobarisidama. Saduceorãpa jarapatama piudaadarã chok'ae p'irabaridaiwẽt'a. Mãɨpuru Jesua nãɨya idisidama:
19—Jarateaparí, Moisepa tachi pae bɨsima ẽpẽra warra newẽa bɨ piusira, ichi ũpẽapa chi p'ẽtã́ atai pia bɨma chi ũpẽa piuda k'orea warra unui k'orea.#Deuteronomio 25:5. 20Ewariaba ũpẽarã siete p'anasidama. Chi ĩwinipa k'ima atasima maamina warra unui naena, piusima. 21Chi mãɨ ɨ̃aripema ũpẽapa chi p'ẽtã́ atasima maamina ara mãɨ jĩra warra newẽa piusima. Ara mãɨ jĩra ɨ̃aripema ũpẽapa chi p'ẽtã́ atasima maamina ara mãɨya piusima. 22Chi ũpẽa ãareaɨrãpa mãɨ wẽra atasidama maamina warra newẽa piusidama. Mãɨya bak'ari chi wẽra sida piusima. 23Mãɨ ũpẽarã siete p'anɨpa mãɨ wẽra ata p'anasidama. Mãɨyara chok'ae p'irabariutade ¿chi sãɨpa ichi uru beeima?
24Mãɨ k'orea Jesupa p'anoosima:
—¿Pia k'ɨ̃risia atua p'anɨwẽk'ãra? ¡Mãrapa Tachi Ak'õre pedea mãɨnepa ichi jua chaarea bɨ atua p'anɨma! 25Ũrit'ɨ. Chok'ae p'irabariutade, ẽpẽerãpa k'ima waa atadaiwẽma wa wẽra ɨmɨk'ĩrá teadaiwẽma, mãɨpari Tachi Ak'õrepa ɨt'aripa peedaɨrã jĩra p'ananaipɨ. 26¿Mãrapa chi piudaadarã chok'ae p'irabaridai k'orea chi Moisé k'art'ade eda jaradawẽk'ãra? Tachi Ak'õrepa pak'uru jeeda urua nɨbɨ k'orea Moisea jarasima: “Mɨ Abrahán Pajãnepema Ak'õrepɨ, Isá Pajãnepema Ak'õrepɨ mãɨnepa Jacó Pajãnepema Ak'õrepɨ”.#Éxodo 3:2-6. 27¡Ichi chi piudaadarã Ak'õrewẽma, mãɨpari chi chok'ae berã Pajãnepema Ak'õrepɨ! ¡Mãra minachia k'awa k'ɨ̃risiadawẽa p'anɨma!
Tachi Ak'õrepa oopi bɨ pedea chi mãɨ piipará bɨ
Mateo 22:34-40
28Mãɨya pedea p'anɨne chi Moisepa bɨda jarateapataɨrãnepema aba bɨpa Jesú orrobarik'ari, chi Jesupa saduceorã́ pia p'anoonat'a ũri basima. Mãɨpuru idisima:
—Tachi Ak'õrepa oopi bɨ pedeadepema ¿sãɨ chi atepe piipará bɨma?
29Jesupa p'anoosima:
—Chi piipará bɨ nãɨpɨ: “Ũrit'ɨ, israel ĩjũanepemarã. Tachi Ak'õre, Tachi Chipari aba bɨpɨ. 30Ãarea pɨ sõnepa, ãarea pɨ jaoredepa, ãarea pɨ k'ɨ̃risiadepa mãɨnepa ãarea pɨ jua chaareadepa pɨa pɨchi Chipari, Tachi Ak'õre k'ɨ̃riase”. Tachi Ak'õrepa oopi bɨ pedeadepema mãɨt'a chi atepe piipará bɨma. 31Mãɨnepa chi mãɨ ɨ̃ari bɨ nãɨpɨ: “Abaɨ k'ɨ̃riase ara pɨchi k'ɨ̃ria bɨ jĩra”.#Levítico 19:18. Mãɨ umepema pedea k'aepẽra mãɨ piipará newẽma.
32Mãɨne chi Moisepa bɨda jarateaparipa jarasima:
—Pia bɨma, Jarateaparí, pɨa jara bɨ jĩra Tachi Ak'õre abapuru bɨma, waa ichi awara newẽma. 33Tachia piarã ãarea tachi sõnepa, ãarea tachi k'ɨ̃risiadepa mãɨnepa ãarea tachi jua chaareadepa ãarea Tachi Ak'õre k'ɨ̃rianai p'anɨma. Mãɨnepa abaɨ ara tachi k'ɨ̃ria bɨ jĩra k'ɨ̃rianai p'anɨma. Mãɨ ãnimara minachia Tachi Ak'õrea paateapataɨ k'aepẽra mãɨ atepe pia bɨma.
34Pia p'anoona pẽra, Jesupa ichiá jarasima:
—Pɨ Tachi Ak'õrepa ichidirã ichi juade ua bai k'ait'a bɨma.
Ara mãmãɨpa abaɨ pida Jesua waa ne ididai k'ɨ̃rianaé pasima.
Tachi k'aripaparí teai jarada ¿k'ai warrama?
Mateo 22:41-46; Luca 20:41-44
35Jesupa Tachi Ak'õre te eda jaratea baside ẽpẽerã́ nãɨya idisima:
—Chi Moisepa bɨda jarateapataɨrãpa ¿k'ãre k'orea Tachi Ak'õrepa Tachi K'aripaparí teai jarada Daví warraade a p'anɨma? 36Ara mãɨ Davipa Tachi Ak'õre Jaoredepa nãɨya jarasima:
Tachi Chiparipa mɨ Chiparia nãɨya jarasima: mɨ juaraari suak'abari beese, aba mɨa pɨchi nek'ĩramá pɨchi juade bɨrudea.#Salmo 110:1.
37Tachi Ak'õrepa Tachi K'aripaparí teai jarada ara chi Davipa mãɨ mɨ Chipariade a bɨpɨra, ¿sãmaasã́ Daví warra paima?
Jesupa mãɨya jaratea bɨt'a chok'araɨrãpa ẽpẽerãpa sõpia ũri tuanasidama.
Jesupa p'ariseorã k'orea k'achia pedeada
Mateo 23:1-36; Luca 11:37-54; 20:45-47
38Jesupa jarateapodoside nãɨya jarasima: «Jĩrak'aua p'anat'ɨ chi Moisepa bɨda jarateapataɨrã k'orea. Ãchia neet'á teesoa anamari jɨ̃patama. Mãɨ awara p'uurude ninane k'ɨ̃riapatama ẽpẽerãpa ãchiá pia pedeadamẽrá. 39Judiorã ará pedeapataɨ tede ãchi suak'abari p'aneepatama jõmãɨrã taade, minachia k'awa berã suak'abari p'aneepataɨde; nek'outade ara mãɨ jĩra oopatama. 40P'ẽtãarã neet'á ẽemaripatama mãɨnepa minachia tãaraa ɨt'aa chiidipatama ẽpẽerãpa mãra pia ununamẽrá. Mãɨ k'orea Tachi Ak'õrepa ãchi atepe ɨtɨaipɨ».
Chi p'ẽtãpa erreara tau teada
Luca 21:1-4
41Tachi Ak'õre te minachia bɨ k'orea erreara bɨpataɨ k'ĩrari suak'abari baside, Jesupa unusima ẽpẽerãpa erreara tau eda bɨ p'anɨt'a. Chi ẽpẽerã minachia nɨbɨ errearadepa ɨbɨa berãpa erreara minachia eda bɨpachidama. 42Mãɨne p'ẽtã́ chupuria k'ɨrɨpa erreara tau neepɨawẽa ume bɨt'a eda bɨsima. 43Jesupa ichi ome p'ɨrrɨapataɨrã́ t'ɨ̃k'ari jarasima:
—Mɨa piarã mãrá jararuma: jãɨ p'ẽtã́ chupuria k'ɨrɨpa atepe teasima ãareaɨrãpa teadada k'aepẽra. 44Ãchia chi erreara beedadepema teasidama, maamina chi wẽra chupuria k'ɨrɨpa nek'oi k'orea uru badadepema ãarea teasima.
Currently Selected:
Marco 12: tdc
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Marco 12
12
Chi mimiapataɨrã k'achia berã k'orea nepɨrɨda
Mateo 21:33-46; Luca 20:9-19
1Mãɨne Jesupa nepɨrɨ bɨdepa nãɨya jarasima:
—Ẽpẽra basima. Ewariaba mãɨ ẽpẽrapa uva uuk'ari ichi ne uu ĩjũa mawarapa adu jũk'asima. Mawara uria waibɨa uya k'orosima uvaba jui k'orea. Ichiaba te ɨt'ɨ oosima mãmãɨpa ãarea ak'ɨi k'orea. Maapae ichi ne uu ĩjũa waapẽarã ẽpẽerã juade bɨsima. Ãchi ome pedea ausidama uva baautade ichiá jõmasã́ teadait'a. Mãɨya pedeak'ari chi chipari tua awaraɨdea wãsima.
2Maapae uva baapataɨ ewari pak'ari, chi chiparipa ichi pae pari mimiaparí peesima chi uva k'ãenane mimiapataɨrãpa mãɨ chi ichipaepema uva tea peedamẽrá. 3Maamina ichi jitadak'ari, jok'aedak'ari maapae k'ak'uá jĩitea jeret'aa peesidama. 4Mãɨya nak'ari chi chiparipa mãicha mimiaparí awaraɨ peesima ichiá teadai p'anɨt'a teadamẽrá. Maamina mãɨ poro ẽap'et'adak'ari,#12:4 Mãɨ poro ẽap'et'adak'ari. Griego pedeade chi eda waapẽarã k'art'ade ichiaba nãɨya bɨ bɨma: Mawara bat'asidama. ya maapae ichi k'orea eesidama. 5Mãɨya nak'ari chi chiparipa mãicha awaraɨ peesima maamina mãɨ peasidama. Mãɨya nak'ari chi ichi pae pari mimiapataɨrã minachia peesima. Waapẽarã jok'aesidama; waapẽarã peasidama.
6»Chi chiparipa mãicha ẽpẽra aba uru basima; mãɨ ichi warra minachia k'ɨ̃ria bɨ pasima. “Mɨ warra wap'eadai p'anɨék'ãra” a k'ɨ̃risiak'ari, mãɨ peesima. 7Maamina chi ne uu ĩjũa mimiapataɨrãpa chi mãɨ warra unusidaɨde ãchi tuaba jarasidama: “Jãɨpa chi ak'õre piuk'ari, ichia ne uru bada ãarea jɨ̃aipɨ. ¡Mãɨpuru ichi peadaipɨ! Mãɨya chi ĩjũa tachidí paipɨ”.
8Ara mãɨne ichi jitadak'ari peasidama. Maapae chi uva k'ãenanepa ãyá jirat'aasidama. 9Mãɨpuru chi ne uu ĩjũa chiparipa ¿k'ãre ooima? Ará wãk'ari ãchi ãarea k'enak'ari maapae ichi uva k'ãena awaraɨrã́ ak'ɨpiipɨ. 10Mãrapa ¿Tachi Ak'õre pedea eda jaradawẽk'ãra? Nãɨya jara bɨma:
“Chi te oopataɨrãpa mawara amaanana pada, mãɨ mawara chi atepe piipará beesima.
11Nãɨ Tachi Chiparipa mãɨya ooda pẽra tachimá minachia pia beesima”#Salmo 118:22-23.».
12P'aarerã chi mãɨrã chaarearãpa k'awasidama Jesupa mãɨ nepɨrɨdadepa ãchi k'orea pedeada pẽra, Jesú jita k'ɨ̃ria p'anasidama. Maamina chi ẽpẽerã nɨbɨ wap'ea p'anɨ pẽra ichi itu bɨdak'ari ãyá wãsidama.
¿Romanepema pae erreara p'aadai p'anɨk'ãra?
Mateo 22:15-22; Luca 20:20-26
13Mãɨya nak'ari p'ariseorãpa mãɨnepa Herodedepemarãpa Jesumá ẽpẽerã peesidama ichiá piawẽa pedeapidai k'orea. 14Chedak'ari jarasidama:
—Jarateaparí, taipa k'awa p'anɨma pɨ ẽpẽra jĩp'a bɨt'a. Abaɨ pida pɨá awara k'ɨ̃risiapik'ama, pɨa ẽpẽerã ãarea abarik'a unupariideepuru. Mãɨpari Tachi Ak'õre o k'orea piarã jarateaparima. Romanepema pae erreara jɨrɨp'epataɨ ¿tachi judiorãpa p'aadai pia bɨk'ãra wa mãɨyawẽ?
15Maamina Jesupa ãchi ẽpẽerã pia jĩra berãt'a k'awaside, nãɨya jarasima:
—Mãrapa ¿k'ãre k'orea mɨ piawẽa pedeapii k'ɨ̃ria p'anɨma? Erreara tau enemeet'ɨ mɨa ak'ɨi k'orea.
16Ara mãɨne ateewãsidama. Mãɨne Jesupa idisima:
—¿K'ai k'ĩra nãɨne bɨ bɨma? ¿K'ai t'ɨ̃ eda bɨ bɨma?
Ãchia p'anoosidama:
—Romanepema chi atepe poro chaarea bɨdé.
17Mãɨne Jesupa jarasima:
—Mãɨyara chi Romanepema chi atepe poro chaarea bɨdé mãɨ ichidí ichiá teat'ɨ, ichiaba chi Tachi Ak'õrené mãɨ chi Tachi Ak'õrea teat'ɨ.
Ãchia Jesú k'orea k'awa k'ɨ̃risiadaé pasima.
Piudaadarã chok'ae p'irabaridai k'orea jarada
Mateo 22:23-33; Luca 20:27-40
18Maapae chi eda waapẽarã saduceorã Jesú orrobarisidama. Saduceorãpa jarapatama piudaadarã chok'ae p'irabaridaiwẽt'a. Mãɨpuru Jesua nãɨya idisidama:
19—Jarateaparí, Moisepa tachi pae bɨsima ẽpẽra warra newẽa bɨ piusira, ichi ũpẽapa chi p'ẽtã́ atai pia bɨma chi ũpẽa piuda k'orea warra unui k'orea.#Deuteronomio 25:5. 20Ewariaba ũpẽarã siete p'anasidama. Chi ĩwinipa k'ima atasima maamina warra unui naena, piusima. 21Chi mãɨ ɨ̃aripema ũpẽapa chi p'ẽtã́ atasima maamina ara mãɨ jĩra warra newẽa piusima. Ara mãɨ jĩra ɨ̃aripema ũpẽapa chi p'ẽtã́ atasima maamina ara mãɨya piusima. 22Chi ũpẽa ãareaɨrãpa mãɨ wẽra atasidama maamina warra newẽa piusidama. Mãɨya bak'ari chi wẽra sida piusima. 23Mãɨ ũpẽarã siete p'anɨpa mãɨ wẽra ata p'anasidama. Mãɨyara chok'ae p'irabariutade ¿chi sãɨpa ichi uru beeima?
24Mãɨ k'orea Jesupa p'anoosima:
—¿Pia k'ɨ̃risia atua p'anɨwẽk'ãra? ¡Mãrapa Tachi Ak'õre pedea mãɨnepa ichi jua chaarea bɨ atua p'anɨma! 25Ũrit'ɨ. Chok'ae p'irabariutade, ẽpẽerãpa k'ima waa atadaiwẽma wa wẽra ɨmɨk'ĩrá teadaiwẽma, mãɨpari Tachi Ak'õrepa ɨt'aripa peedaɨrã jĩra p'ananaipɨ. 26¿Mãrapa chi piudaadarã chok'ae p'irabaridai k'orea chi Moisé k'art'ade eda jaradawẽk'ãra? Tachi Ak'õrepa pak'uru jeeda urua nɨbɨ k'orea Moisea jarasima: “Mɨ Abrahán Pajãnepema Ak'õrepɨ, Isá Pajãnepema Ak'õrepɨ mãɨnepa Jacó Pajãnepema Ak'õrepɨ”.#Éxodo 3:2-6. 27¡Ichi chi piudaadarã Ak'õrewẽma, mãɨpari chi chok'ae berã Pajãnepema Ak'õrepɨ! ¡Mãra minachia k'awa k'ɨ̃risiadawẽa p'anɨma!
Tachi Ak'õrepa oopi bɨ pedea chi mãɨ piipará bɨ
Mateo 22:34-40
28Mãɨya pedea p'anɨne chi Moisepa bɨda jarateapataɨrãnepema aba bɨpa Jesú orrobarik'ari, chi Jesupa saduceorã́ pia p'anoonat'a ũri basima. Mãɨpuru idisima:
—Tachi Ak'õrepa oopi bɨ pedeadepema ¿sãɨ chi atepe piipará bɨma?
29Jesupa p'anoosima:
—Chi piipará bɨ nãɨpɨ: “Ũrit'ɨ, israel ĩjũanepemarã. Tachi Ak'õre, Tachi Chipari aba bɨpɨ. 30Ãarea pɨ sõnepa, ãarea pɨ jaoredepa, ãarea pɨ k'ɨ̃risiadepa mãɨnepa ãarea pɨ jua chaareadepa pɨa pɨchi Chipari, Tachi Ak'õre k'ɨ̃riase”. Tachi Ak'õrepa oopi bɨ pedeadepema mãɨt'a chi atepe piipará bɨma. 31Mãɨnepa chi mãɨ ɨ̃ari bɨ nãɨpɨ: “Abaɨ k'ɨ̃riase ara pɨchi k'ɨ̃ria bɨ jĩra”.#Levítico 19:18. Mãɨ umepema pedea k'aepẽra mãɨ piipará newẽma.
32Mãɨne chi Moisepa bɨda jarateaparipa jarasima:
—Pia bɨma, Jarateaparí, pɨa jara bɨ jĩra Tachi Ak'õre abapuru bɨma, waa ichi awara newẽma. 33Tachia piarã ãarea tachi sõnepa, ãarea tachi k'ɨ̃risiadepa mãɨnepa ãarea tachi jua chaareadepa ãarea Tachi Ak'õre k'ɨ̃rianai p'anɨma. Mãɨnepa abaɨ ara tachi k'ɨ̃ria bɨ jĩra k'ɨ̃rianai p'anɨma. Mãɨ ãnimara minachia Tachi Ak'õrea paateapataɨ k'aepẽra mãɨ atepe pia bɨma.
34Pia p'anoona pẽra, Jesupa ichiá jarasima:
—Pɨ Tachi Ak'õrepa ichidirã ichi juade ua bai k'ait'a bɨma.
Ara mãmãɨpa abaɨ pida Jesua waa ne ididai k'ɨ̃rianaé pasima.
Tachi k'aripaparí teai jarada ¿k'ai warrama?
Mateo 22:41-46; Luca 20:41-44
35Jesupa Tachi Ak'õre te eda jaratea baside ẽpẽerã́ nãɨya idisima:
—Chi Moisepa bɨda jarateapataɨrãpa ¿k'ãre k'orea Tachi Ak'õrepa Tachi K'aripaparí teai jarada Daví warraade a p'anɨma? 36Ara mãɨ Davipa Tachi Ak'õre Jaoredepa nãɨya jarasima:
Tachi Chiparipa mɨ Chiparia nãɨya jarasima: mɨ juaraari suak'abari beese, aba mɨa pɨchi nek'ĩramá pɨchi juade bɨrudea.#Salmo 110:1.
37Tachi Ak'õrepa Tachi K'aripaparí teai jarada ara chi Davipa mãɨ mɨ Chipariade a bɨpɨra, ¿sãmaasã́ Daví warra paima?
Jesupa mãɨya jaratea bɨt'a chok'araɨrãpa ẽpẽerãpa sõpia ũri tuanasidama.
Jesupa p'ariseorã k'orea k'achia pedeada
Mateo 23:1-36; Luca 11:37-54; 20:45-47
38Jesupa jarateapodoside nãɨya jarasima: «Jĩrak'aua p'anat'ɨ chi Moisepa bɨda jarateapataɨrã k'orea. Ãchia neet'á teesoa anamari jɨ̃patama. Mãɨ awara p'uurude ninane k'ɨ̃riapatama ẽpẽerãpa ãchiá pia pedeadamẽrá. 39Judiorã ará pedeapataɨ tede ãchi suak'abari p'aneepatama jõmãɨrã taade, minachia k'awa berã suak'abari p'aneepataɨde; nek'outade ara mãɨ jĩra oopatama. 40P'ẽtãarã neet'á ẽemaripatama mãɨnepa minachia tãaraa ɨt'aa chiidipatama ẽpẽerãpa mãra pia ununamẽrá. Mãɨ k'orea Tachi Ak'õrepa ãchi atepe ɨtɨaipɨ».
Chi p'ẽtãpa erreara tau teada
Luca 21:1-4
41Tachi Ak'õre te minachia bɨ k'orea erreara bɨpataɨ k'ĩrari suak'abari baside, Jesupa unusima ẽpẽerãpa erreara tau eda bɨ p'anɨt'a. Chi ẽpẽerã minachia nɨbɨ errearadepa ɨbɨa berãpa erreara minachia eda bɨpachidama. 42Mãɨne p'ẽtã́ chupuria k'ɨrɨpa erreara tau neepɨawẽa ume bɨt'a eda bɨsima. 43Jesupa ichi ome p'ɨrrɨapataɨrã́ t'ɨ̃k'ari jarasima:
—Mɨa piarã mãrá jararuma: jãɨ p'ẽtã́ chupuria k'ɨrɨpa atepe teasima ãareaɨrãpa teadada k'aepẽra. 44Ãchia chi erreara beedadepema teasidama, maamina chi wẽra chupuria k'ɨrɨpa nek'oi k'orea uru badadepema ãarea teasima.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.