Luukasiup Aglangit 8
8
Arnait Jiisusimik Ilaqaqattalauqtut
1Tamatuma kingurngagut Jiisusi ingirralauqpuq nunaliktigut iglugasaktigullu, ajuriqtuilluni uqausirnik tusaruminaqtunik Guutiup Ataniuvinganik. Ilinniaqtini 12 ilagillugit, 2arnait ilangit anirnirlungnik anititsivigilauqtangit qanimmasinginnillu aaqqilauqtangit ukua; Miari, Maaktaliinimik taijaujuq, taanna anititsivigilauqtanga anirnirlungnik 7-nik; 3Juanalu Tsuusaup nulianga, Iruutasiup iglumini angajuqqaaqutingata; Suusaanalu, arnaillu asingit amisut, qanutuinnaq ikajuqpaktut ikajuutigijunnaqtamiktigut Jiisusimik ilinniaqtinginniglu.
Ajjiujuq Kanngaqsuijuq
Maatiusi 13:1-9; Maakusi 4:1-9
4Inugiaktut qaivalliatuinnarmata Jiisusimut nunalilimaanit, katimalirmata ajjiujumik uqarvigiliqpait:
5“Kanngaqsuiji niakuujaksanik kanngaqsuijaqtuqpuq piruqsiaksanik; kanngaqsuilirmat piruqsiaksait ilangit aqqummut katakpuq, pisuktunut tulliraqtauvut, tingmianillu nirijaullutik. 6Ilangillu ujaralaanut katakput; piruramik, tuqulisaraipput, ijjukittumi itsiqannginnamik. 7Ilangit uqpit kakillautilit akurngannut katakput; uqpit kakillautilit piruqatigigamigit ipitippait. 8Ilangit nunamut ijjuqatsiaqtumut katakput; pirulirlutik, niaquujaksaqtaarlutik 100-nik.”
Taimaak uqarirami nipiqquqtulluni uqaqpuq, “Nalliat tusaajunik siutilik tusarli.”
Ajjiujut Sunamut Aturmangaata
Maatiusi 13:10-17; Maakusi 4:10-12
9Ilinniaqtingita apirivaat ajjiujuq qanuq tukiqarmangaat, 10uqautivait, “Ilissinnut Guutiup Ataniuvingata nalunarningit saqqitauvut; asitsinnulli ajjiujutigut saqqitauvut, takugaluarlutik, suqquiqsiqunagit, tusaraluarlutiglu tukisiqunagit.”
Ajjiujuup Nalunaiqtauninga
Maatiusi 13:18-23; Maakusi 4:13-20
11“Ajjiujuq imaak tukiqaqpuq: piruqsiaksat, tavva Guutiup uqausingit. 12Piruqsiaksait kanngaqsuutaujut aqqutimut kataktut, ukuanguvut, uqausirnik tusaqtut; Saataanasiup uqausit isumanginnit piijariaqtuqpait, ukpiliqunagit piulijauqunagillu. 13Piruqsiaksait ujaralaanut ijjukittumut kataktut taakkuanguvut, uqausirnik tusaqtut, ilaliuqsijullu quviasuglutik; kisianili amaakinnamik nunamut manguksimajunik, ukpirusulauraluarlutik piunngittumik pijumisaaqtauliramik katakput. 14Amma piruqsiaksat uqpingnut kakillautilingnut kataktut ukuangugivut, uqausirnik tusaqtut, isumajaarnirmulli piqutitaarumanirnullu, piruqsiaksangillu pirurunnaqsinatik. 15Piruqsiaksalli nunamut ijjutsiariktumut kataktut, imaittunik tukiqaqput, uqausirnik tusaqtut, pisimainnarlugit naalatsiarnikkut uummatimigut, surrajuittuullutik pirurviulaunginnirmingni qinuisaarnikkut.”
Naniruaq Makkaujaup Ataaniittuq
Maakusi 4:21-25
16“Naniruarmik ikitsijuqaraangami matujauvanngilaq makkaujamut, uvvalu igliup ataanuuqsijuqaqpanngilaq, naniruakkuvingmulli ilijauvakput, iglumut itiqtut qaumajumik takuqullugit.
17“Ijiqsimajuqarunnanngilaq saqqititaunianngittumik, sunatuinnaq ijiqtausimajuq qaumajumut saqqitauniaqpuq.
18“Kamatsiarissi qanuq tusaangmangaassi; nalliat piqaqtuq tunisiviukkannirniaqpuq, piqanngitturlu aqsaaqtauniaqpuq aglaat mikijumik piqarasugigaluaqpat.”
Jiisusiup Anaananga Qatanngutingillu
Maatiusi 12:46-50; Maakusi 3:31-35
19Tavva Anaananga qatanngutingillu taassumunga upagutivut, tikiutijunnanngilalli inugialuarninganut. 20Inungnit uqaujjauvuq, “Anaanait qatanngutitillu igluup silataaniipput, ilingnik takujumallutik.”
21Jiisusiup uqautivait, “Guutiup uqausinginnik tusaqtut maliglugillu, taakkua Anaanagivakka qatanngutigillugillu.”
Jiisusiup Aqqunaqtumik Ikullaqtitsininga
Maatiusi 8:23-27; Maakusi 4:35-41
22Ulluit ilangannik Jiisusi umiamut ikivuq ilinniaqtini ilagillugit, uqautillugit, “Tasiup akianut ikaalauqta.” Tavva aullaliqput. 23Tingirrauttijarlutik ingirraliqtillugit Jiisusi siniliqpuq. Anurialuk tikimmat tasirmut, umiangat imakpallialirluni, nangiarnaqtumiilirlutik. 24Ilinniaqtingita upaglugu tupaaqpaat uqautillugu, “Ajuriqtuiji, ajuriqtuiji, tuquniaqquuliratta!”
Jiisusi makinnami anuri malialuillu iniqtiqpait; anuraarunniirluni uqsualiqpuq. 25Jiisusiup uqautivait, “Naugli ukpirnisi?”
Taakkua kamaniarlutik kappiasummarikput, immingnut uqaqattautillutik, “Qanuittuugamiuna, aglaat anurimik imarmiglu uqaujjilluni naalaktaujunnaqpa?”
Jiisusiup Aaqqiksininga Anirnirlungmut Itiqtausimajumik
Maatiusi 8:28-34; Maakusi 5:1-20
26Tavva nunamut Giraasamut tikipput, tasirjuap Galiliap akianiittumut. 27Jiisusi nunamut niungmat, parriaqtauvuq angummit tavvani nunaqaqataujumut, anirnirluktausimajumut; akuniuliqtuq taanna angut annuraaqarunnalaunngilaq, iglumilu angirraqsimajunnarani iniqaqpurli iluvirni. 28Taassuma Jiisusi takugamiuk, qaigalaaqpuq saanganut paammagluni, nipiqquqtulluni uqaqpuq, “Qanuiliurniaqpinga Jiisusi, Guutiup quttingniqpaap irninga? Qinuvigivagit kappiasuktinniarnanga.” 29Taimaak uqaqpuq Jiisusiup anirnirluk aniqulaurmagu inungmit taassumangat. Unuqtuiqsurluni aullaqattaqsimangmagu; tigujauqattaqsimagaluarluni, aqsaaqtuujanut talingik itigangillu atsungiqtauqattaqsimagaluaqput, taassumali aqsaaqtuujait kikturaqattalauqpait, anirnirluup aullarutivagluniuk inuqanngittumut.
30Tavva Jiisusiup apirivaa, “Kinauvit?”
Taanna kiuvuq, “Ligiuniuvunga”;#8:30 Ligiuni uvvaluunniit Liijjan Ruumamiut unataqtuksaqutingit atausirmik angajuqqaaqaqtut angutit 6,000 Liijjanmik taijauvalaurmata anirnirluit amisurjuat taassumani itiqsimangmata. 31Anirnirluit qinuvigivaat, itijumut natiqanngittumuaqtitaujumanatik.
32Tamaanili qanigijaangani kuukkuusitaqaqpuq amisunik, qaqqaup sivinganingani nirinasuktunik; anirnirluit Jiisusimut kuukkuusinuaqtitaujumavut, tavva taimaak piquvait. 33Anirnirluit inungmit anigamik, kuukkuusinut itiqput, kuukkuusigasagjuat pangaliksigamik innaarukkut ijukkaqput imaanut ipillutik.
34Kuukkuusinik kamajut takugamik tamatuminga, qimaksivut, uqariaqturlutik nunaqqatimingnut, nunalillu qanigijanginniittunut. 35Tavva inuit takujaqtuqput qanuittuqalirmangaat, Jiisusi upakkamijjuk, angut takuvaat anirnirlungnik anititsiviusimaliqtuq, iksivaaqtuq Jiisusiup saangani, annuraasimaliqtuq isumanga qanuinngitsialiqtuq; taakkua kappiasummariliqput. 36Inuit takunnaalauqtut unikkaaliqput, qanuq taanna anirnirlungnik anititsiviulaurmangaat. 37Tavva inuit Giraasaup qanigijanganiittulimaat Jiisusi aullaquliqpaat; aksummarialuk kappiasuliramik; Jiisusi umiamut ikigami utiliqpuq. 38Taassumali anirnirlungnik anititsiviuqqaujuup Jiisusi qinuvigivaa najurumallugu.
Jiisusiup aullaquvaa uqautillugu, 39“Angirrarnut utilirit, unikkaarlutit Guutimut pitsiarviusimanirnik.”
Taanna nunaqqatilimaaminut unikkaariaqtuqpuq, Jiisusimut pitsiarviusimanirminik.
Jairuusiup Paninga Arnaullu Jiisusiup Annuraanganik Aktuqsininga
Maatiusi 9:18-26; Maakusi 5:21-43
40Jiisusi utirmat, inugiaktut tunngasuktippaat, utaqqilauramijjuk. 41Qaijuqarivuq angummik Jairuusimik atilingmik, Juutit ukpirnirmut katimavinganni aulatsijingannik; Jiisusiup itigangita saanganut paammakpuq, ilungiqturluni igluminut qaiquvaa, 42panituanga 12-nik arraagulik qanimalluni tuquligaalirmat.
Jiisusi pisuktillugu, inungnit avataanit ninniuqtitaulauqpuq inugialuarninginnut. 43Arnaq arraagunik 12-nik aunaanginnaqtuq; taassuma piqutini nungulauqpait aanniasiutinut, sunamulluunniit aaqqiktaujunnarani, 44Jiisusi tunuanit maliksaqpaa, annuraangata sinaa aktuqpaa; tavvainnaq aunaarninga nuqqaqpuq.
45Jiisusi uqaqpuq, “Kia aktuqpaanga?”
Inuit aktuqsinginnirarmata, Piitturuusi uqaqpuq, “Ajuriqtuiji, inungnit avalujausimagavit ninniuqtitauvutit!”
46Jiisusi uqaqpuq, “Kinamukkiaq aktuqtaugama; ikpigusuglungalu pijunnarniq uvannit anisimangmat.” 47Arnaq qaujigami qaujijaunirminik, sajugluni Jiisusiup saanganut paammakpuq, inuit tusaatillugit uqaliqpuq sungmat Jiisusi akturmangaarmiuk, tavvainnaq aqqiktaunirminik uqaqpuq. 48Jiisusiup uqautivaa, “Paniik ukpirnivit aaqqikpaatit; isumajaarunniirlutit angirralirit.”
49Jiisusi suli taimaak uqaqtillugu, uqariaqtuqtuqaqpuq angajuqqaap iglunganit pijumik, Jairuusimut uqarluni, “Paniit tuquvuq; ajuriqtuiji pagvisagunniiruk.”
50Jiisusili tamatuminga tusarami Jairuusi uqautivaa, “Kappiasunngillutit; ukpirusutuinnarit, paniit qanuittunniirniaqpuq.”
51Jiisusi iglumut tikinnami, itiqujinngilaq inungnik, ukua itiqujatuarivait Piitturuusi Juanasilu Jaimisilu niviaqsaallu ataatanga anaanangalu. 52Taakkua tavvaniittulimaat qiavut ugguarillugu niviaqsaaq; Jiisusiup uqautivait, “Qianngillusi niviaqsaaq tuqunngimmat, sinituinnarmat.”
53Taakkua ijurivaat, qaujimagamik tuqunganngmat. 54Jiisusiup niviaqsaap aggangit tigullugit nillirluni uqautivaa, “Niviaqsaaq makittit!” 55Anirningata utirvigivaa, tavvainnaq makilluni; Jiisusiup nirititauquliqpaa. 56Angajuqqaangit angijumik kamavuuk; Jiisusiulli nalliannulluunniit tamanna uqausiuqunngilaa.
Currently Selected:
Luukasiup Aglangit 8: EAIBR
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible (Romanized) © Canadian Bible Society, 2022-2023.
Luukasiup Aglangit 8
8
Arnait Jiisusimik Ilaqaqattalauqtut
1Tamatuma kingurngagut Jiisusi ingirralauqpuq nunaliktigut iglugasaktigullu, ajuriqtuilluni uqausirnik tusaruminaqtunik Guutiup Ataniuvinganik. Ilinniaqtini 12 ilagillugit, 2arnait ilangit anirnirlungnik anititsivigilauqtangit qanimmasinginnillu aaqqilauqtangit ukua; Miari, Maaktaliinimik taijaujuq, taanna anititsivigilauqtanga anirnirlungnik 7-nik; 3Juanalu Tsuusaup nulianga, Iruutasiup iglumini angajuqqaaqutingata; Suusaanalu, arnaillu asingit amisut, qanutuinnaq ikajuqpaktut ikajuutigijunnaqtamiktigut Jiisusimik ilinniaqtinginniglu.
Ajjiujuq Kanngaqsuijuq
Maatiusi 13:1-9; Maakusi 4:1-9
4Inugiaktut qaivalliatuinnarmata Jiisusimut nunalilimaanit, katimalirmata ajjiujumik uqarvigiliqpait:
5“Kanngaqsuiji niakuujaksanik kanngaqsuijaqtuqpuq piruqsiaksanik; kanngaqsuilirmat piruqsiaksait ilangit aqqummut katakpuq, pisuktunut tulliraqtauvut, tingmianillu nirijaullutik. 6Ilangillu ujaralaanut katakput; piruramik, tuqulisaraipput, ijjukittumi itsiqannginnamik. 7Ilangit uqpit kakillautilit akurngannut katakput; uqpit kakillautilit piruqatigigamigit ipitippait. 8Ilangit nunamut ijjuqatsiaqtumut katakput; pirulirlutik, niaquujaksaqtaarlutik 100-nik.”
Taimaak uqarirami nipiqquqtulluni uqaqpuq, “Nalliat tusaajunik siutilik tusarli.”
Ajjiujut Sunamut Aturmangaata
Maatiusi 13:10-17; Maakusi 4:10-12
9Ilinniaqtingita apirivaat ajjiujuq qanuq tukiqarmangaat, 10uqautivait, “Ilissinnut Guutiup Ataniuvingata nalunarningit saqqitauvut; asitsinnulli ajjiujutigut saqqitauvut, takugaluarlutik, suqquiqsiqunagit, tusaraluarlutiglu tukisiqunagit.”
Ajjiujuup Nalunaiqtauninga
Maatiusi 13:18-23; Maakusi 4:13-20
11“Ajjiujuq imaak tukiqaqpuq: piruqsiaksat, tavva Guutiup uqausingit. 12Piruqsiaksait kanngaqsuutaujut aqqutimut kataktut, ukuanguvut, uqausirnik tusaqtut; Saataanasiup uqausit isumanginnit piijariaqtuqpait, ukpiliqunagit piulijauqunagillu. 13Piruqsiaksait ujaralaanut ijjukittumut kataktut taakkuanguvut, uqausirnik tusaqtut, ilaliuqsijullu quviasuglutik; kisianili amaakinnamik nunamut manguksimajunik, ukpirusulauraluarlutik piunngittumik pijumisaaqtauliramik katakput. 14Amma piruqsiaksat uqpingnut kakillautilingnut kataktut ukuangugivut, uqausirnik tusaqtut, isumajaarnirmulli piqutitaarumanirnullu, piruqsiaksangillu pirurunnaqsinatik. 15Piruqsiaksalli nunamut ijjutsiariktumut kataktut, imaittunik tukiqaqput, uqausirnik tusaqtut, pisimainnarlugit naalatsiarnikkut uummatimigut, surrajuittuullutik pirurviulaunginnirmingni qinuisaarnikkut.”
Naniruaq Makkaujaup Ataaniittuq
Maakusi 4:21-25
16“Naniruarmik ikitsijuqaraangami matujauvanngilaq makkaujamut, uvvalu igliup ataanuuqsijuqaqpanngilaq, naniruakkuvingmulli ilijauvakput, iglumut itiqtut qaumajumik takuqullugit.
17“Ijiqsimajuqarunnanngilaq saqqititaunianngittumik, sunatuinnaq ijiqtausimajuq qaumajumut saqqitauniaqpuq.
18“Kamatsiarissi qanuq tusaangmangaassi; nalliat piqaqtuq tunisiviukkannirniaqpuq, piqanngitturlu aqsaaqtauniaqpuq aglaat mikijumik piqarasugigaluaqpat.”
Jiisusiup Anaananga Qatanngutingillu
Maatiusi 12:46-50; Maakusi 3:31-35
19Tavva Anaananga qatanngutingillu taassumunga upagutivut, tikiutijunnanngilalli inugialuarninganut. 20Inungnit uqaujjauvuq, “Anaanait qatanngutitillu igluup silataaniipput, ilingnik takujumallutik.”
21Jiisusiup uqautivait, “Guutiup uqausinginnik tusaqtut maliglugillu, taakkua Anaanagivakka qatanngutigillugillu.”
Jiisusiup Aqqunaqtumik Ikullaqtitsininga
Maatiusi 8:23-27; Maakusi 4:35-41
22Ulluit ilangannik Jiisusi umiamut ikivuq ilinniaqtini ilagillugit, uqautillugit, “Tasiup akianut ikaalauqta.” Tavva aullaliqput. 23Tingirrauttijarlutik ingirraliqtillugit Jiisusi siniliqpuq. Anurialuk tikimmat tasirmut, umiangat imakpallialirluni, nangiarnaqtumiilirlutik. 24Ilinniaqtingita upaglugu tupaaqpaat uqautillugu, “Ajuriqtuiji, ajuriqtuiji, tuquniaqquuliratta!”
Jiisusi makinnami anuri malialuillu iniqtiqpait; anuraarunniirluni uqsualiqpuq. 25Jiisusiup uqautivait, “Naugli ukpirnisi?”
Taakkua kamaniarlutik kappiasummarikput, immingnut uqaqattautillutik, “Qanuittuugamiuna, aglaat anurimik imarmiglu uqaujjilluni naalaktaujunnaqpa?”
Jiisusiup Aaqqiksininga Anirnirlungmut Itiqtausimajumik
Maatiusi 8:28-34; Maakusi 5:1-20
26Tavva nunamut Giraasamut tikipput, tasirjuap Galiliap akianiittumut. 27Jiisusi nunamut niungmat, parriaqtauvuq angummit tavvani nunaqaqataujumut, anirnirluktausimajumut; akuniuliqtuq taanna angut annuraaqarunnalaunngilaq, iglumilu angirraqsimajunnarani iniqaqpurli iluvirni. 28Taassuma Jiisusi takugamiuk, qaigalaaqpuq saanganut paammagluni, nipiqquqtulluni uqaqpuq, “Qanuiliurniaqpinga Jiisusi, Guutiup quttingniqpaap irninga? Qinuvigivagit kappiasuktinniarnanga.” 29Taimaak uqaqpuq Jiisusiup anirnirluk aniqulaurmagu inungmit taassumangat. Unuqtuiqsurluni aullaqattaqsimangmagu; tigujauqattaqsimagaluarluni, aqsaaqtuujanut talingik itigangillu atsungiqtauqattaqsimagaluaqput, taassumali aqsaaqtuujait kikturaqattalauqpait, anirnirluup aullarutivagluniuk inuqanngittumut.
30Tavva Jiisusiup apirivaa, “Kinauvit?”
Taanna kiuvuq, “Ligiuniuvunga”;#8:30 Ligiuni uvvaluunniit Liijjan Ruumamiut unataqtuksaqutingit atausirmik angajuqqaaqaqtut angutit 6,000 Liijjanmik taijauvalaurmata anirnirluit amisurjuat taassumani itiqsimangmata. 31Anirnirluit qinuvigivaat, itijumut natiqanngittumuaqtitaujumanatik.
32Tamaanili qanigijaangani kuukkuusitaqaqpuq amisunik, qaqqaup sivinganingani nirinasuktunik; anirnirluit Jiisusimut kuukkuusinuaqtitaujumavut, tavva taimaak piquvait. 33Anirnirluit inungmit anigamik, kuukkuusinut itiqput, kuukkuusigasagjuat pangaliksigamik innaarukkut ijukkaqput imaanut ipillutik.
34Kuukkuusinik kamajut takugamik tamatuminga, qimaksivut, uqariaqturlutik nunaqqatimingnut, nunalillu qanigijanginniittunut. 35Tavva inuit takujaqtuqput qanuittuqalirmangaat, Jiisusi upakkamijjuk, angut takuvaat anirnirlungnik anititsiviusimaliqtuq, iksivaaqtuq Jiisusiup saangani, annuraasimaliqtuq isumanga qanuinngitsialiqtuq; taakkua kappiasummariliqput. 36Inuit takunnaalauqtut unikkaaliqput, qanuq taanna anirnirlungnik anititsiviulaurmangaat. 37Tavva inuit Giraasaup qanigijanganiittulimaat Jiisusi aullaquliqpaat; aksummarialuk kappiasuliramik; Jiisusi umiamut ikigami utiliqpuq. 38Taassumali anirnirlungnik anititsiviuqqaujuup Jiisusi qinuvigivaa najurumallugu.
Jiisusiup aullaquvaa uqautillugu, 39“Angirrarnut utilirit, unikkaarlutit Guutimut pitsiarviusimanirnik.”
Taanna nunaqqatilimaaminut unikkaariaqtuqpuq, Jiisusimut pitsiarviusimanirminik.
Jairuusiup Paninga Arnaullu Jiisusiup Annuraanganik Aktuqsininga
Maatiusi 9:18-26; Maakusi 5:21-43
40Jiisusi utirmat, inugiaktut tunngasuktippaat, utaqqilauramijjuk. 41Qaijuqarivuq angummik Jairuusimik atilingmik, Juutit ukpirnirmut katimavinganni aulatsijingannik; Jiisusiup itigangita saanganut paammakpuq, ilungiqturluni igluminut qaiquvaa, 42panituanga 12-nik arraagulik qanimalluni tuquligaalirmat.
Jiisusi pisuktillugu, inungnit avataanit ninniuqtitaulauqpuq inugialuarninginnut. 43Arnaq arraagunik 12-nik aunaanginnaqtuq; taassuma piqutini nungulauqpait aanniasiutinut, sunamulluunniit aaqqiktaujunnarani, 44Jiisusi tunuanit maliksaqpaa, annuraangata sinaa aktuqpaa; tavvainnaq aunaarninga nuqqaqpuq.
45Jiisusi uqaqpuq, “Kia aktuqpaanga?”
Inuit aktuqsinginnirarmata, Piitturuusi uqaqpuq, “Ajuriqtuiji, inungnit avalujausimagavit ninniuqtitauvutit!”
46Jiisusi uqaqpuq, “Kinamukkiaq aktuqtaugama; ikpigusuglungalu pijunnarniq uvannit anisimangmat.” 47Arnaq qaujigami qaujijaunirminik, sajugluni Jiisusiup saanganut paammakpuq, inuit tusaatillugit uqaliqpuq sungmat Jiisusi akturmangaarmiuk, tavvainnaq aqqiktaunirminik uqaqpuq. 48Jiisusiup uqautivaa, “Paniik ukpirnivit aaqqikpaatit; isumajaarunniirlutit angirralirit.”
49Jiisusi suli taimaak uqaqtillugu, uqariaqtuqtuqaqpuq angajuqqaap iglunganit pijumik, Jairuusimut uqarluni, “Paniit tuquvuq; ajuriqtuiji pagvisagunniiruk.”
50Jiisusili tamatuminga tusarami Jairuusi uqautivaa, “Kappiasunngillutit; ukpirusutuinnarit, paniit qanuittunniirniaqpuq.”
51Jiisusi iglumut tikinnami, itiqujinngilaq inungnik, ukua itiqujatuarivait Piitturuusi Juanasilu Jaimisilu niviaqsaallu ataatanga anaanangalu. 52Taakkua tavvaniittulimaat qiavut ugguarillugu niviaqsaaq; Jiisusiup uqautivait, “Qianngillusi niviaqsaaq tuqunngimmat, sinituinnarmat.”
53Taakkua ijurivaat, qaujimagamik tuqunganngmat. 54Jiisusiup niviaqsaap aggangit tigullugit nillirluni uqautivaa, “Niviaqsaaq makittit!” 55Anirningata utirvigivaa, tavvainnaq makilluni; Jiisusiup nirititauquliqpaa. 56Angajuqqaangit angijumik kamavuuk; Jiisusiulli nalliannulluunniit tamanna uqausiuqunngilaa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible (Romanized) © Canadian Bible Society, 2022-2023.