Maakusiup Aglangit 12
12
Uainiliksamik Piruqsiivingmik Kamajit Ajjiutitauningit
Maatiusi 21:33-46; Luukasi 20:9-19
1Jiisusiup ajuriqtuqpait ajjiujutigut, uqarluni: “Taissumani angutitaqalauqpuq piruqsiivingmini piruqsiaksanik kanngaqsuijumik, itiqsaliurluni uainit itsijaqtauviksanganik, tavvani igluliuqpuq puqtujumik qaujisarviksamik, piruqsiivik atuqtautippaa kamajiuniaqtunut, pijariirami nunaup asianut aullaqpuq. 2Piruqtunik uainiksanik katiqsivik nalliutingmat, pijiminik tilisivuq piruqsiivingmik kamajiutitaminut, taanna aiksiqullugu piruqtuvinit ilanginnik pititaujumalluni. 3Piruqsiivilirijut taanna tiguvaat aanniqsirlugulu, utiqtippaat sunamigluunniit naksaqtinnagu. 4Piruqsiivingmigli piqutilik tilisikkanniqpuq pijiminik, taakkua piruqsiivilirijut aanniqpaat niaquagut, mitautigillugu aullaqtippaat. 5Piruqsiiviqutilik tilisikkanniqpuq pijimik asianik, piruqsiivilirijut taanna tuquppaat; asingillu amisut taimailiuqattaqpait, ilangit aanniqsirlugit ilangillu tuqullugit. 6Piruqsiiviqutilik tilijaksatuaqaliqpuq irnirminik nagligimmariktaminik; kingulliqpautillugulu irnini tiligivaa taakkununga, uqarluni, ‘Irnira iliraginiaqpaat.’ 7Piruqsiivilirijut immingnut uqaqatigiiliqput, ‘Taanna tavva kingurngujjijuksaq; atii, tuqulaurlavut, taassuma kingurngutijaksangit pitaariniarattigut.’ 8Tavva tiguvaat tuqullugu, timinga igippaat piruqsiiviup silataanut.
9“Qanurli tavva piruqsiiviqutilik pilaaliqpa? Tikittumaaqpuq piruqsiivilirijit tuqutsaqturlugit, piruqsiivik asinginnut kamagijauqulirumaaqpaa. 10Una uqalimaaqsimanngilasiuk Guutiup uqausinginni?
‘Ujarak igluliuqtinit narrugijaujuq,
Taanna pillariuniqpaulluni tiriqquuliqpuq;
11Tamanna Ataniup pinialauqpaa,
Saqqijaarninga uvattinnut takuminaqturjuuvuq!’”
12Taakkua Jiisusi tigujumagaluaqpaat, inugasagjuanigli kappiasukput, malugusuliramik tamatumunga ajjiujumut uqausiunirmingnik; taimaimmat qimakpait asianualirlutik.
Apiqqusiq Taaksiijariaqarmangaarmik
Maatiusi 22:15-22; Luukasi 20:20-26
13Paarisit ilangit Iruutasiullu maliktingita ilangit Jiisusimuaqujauvut, apiqsurlugu naluliqtinnasuarumallugu. 14Taakkua Jiisusimuaramik uqaqput, “Ajuriqtuiji qaujimagatta sulijumik uqaqattaravit, inuit isumangit sivuuraginagit sulitsiaqtumik uqaqpakkavit; inuit qanuittuuninginnik kamaginnginnavigit, ajuriqtuqattaravigit sulijumik Guutiup piniaqtauqujanginnik. Uqautilauqtigut, piqujattinnut akiraqtuqpaat, taaksiijarutinik tunisiqattarutta Siisarimut uvvalu tunisiqattariaqanngilagut?”
15Jiisusiup pingitsiqsurasuarningit qaujimagamigit uqautivait, “Sungmat uvannik uukturasuaqpisi? Kiinaujaq qaitaulaurli, takulaurlagu.”
16Kiinaujamik tunisivigivaat. Jiisusiup apirivait, “Kinaup kiinannguanga, kialu atinga?”
Taakkua kiuvaat, “Angajuqqaarjuap Siisariup.”
17Tavva Jiisusiup uqautivait, “Angajuqqaarjuaq Siisari tunisivigisiuk, pinginnik, Guutilu tunisivigilugu pinginnik.”
Taakkua Jiisusiup kiujjutinganik kamavigjuaqput.
Tuqungajunit Makinniugajaqtumik Apiqsuutit
Maatiusi 22:23-33; Luukasi 20:27-40
18Kinguningagut Saajjusit upakpaat, taakkua inungnik tuqungajunit makivviksaqannginniraivaktut, Jiisusimuaqput apirillugu uqaqput, 19“Ajuriqtuiji, Muusisiup piqujaqtaaqtilauqpaatigut, ‘Angut nulialik tuqukpat qiturngaqtaalaurani, tavva nukangata uiggarniq nuliaqtaarijaksarivaa taakkuak qiturngaqtaaqullugik, qiturngangit tuqulauqtumut qiturngarijauniraqtauqullugit.’ 20Taissumani nukariiktaqalauqpuq angutinik 7-nik; angajuktliqpaaq nulianikpuq, qiturngaqtaalauranilu tuquvuq. 21Tavva nukangata arnaq nuliaqtaarivaa, taannattauq tuqugivuq qiturngaqtaalaurani; nukangata pingajungat taimaatsainnaq pigivuq. 22Taakkua nukariit 7 taassuminga arnamik nulianilauqput, tamarmik qiturngaqtaalauratik tuqulauqput. Kingulliqpaullunili arnaq tuqugivuq. 23Tuqungajut makippata makivviksaujumaaqtumi, nalliatta taanna arnaq nuliarilaaqpauk? Taakkua qatanngutigiit 7 tamarmik nuliarilaurmajjuk.”
24Jiisusiup uqautivait, “Imaak pijjutiqaqtlusi tammarassi, Guutiup uqausingit qaujimannginnassiuk ammalu Guutiup pijunnarninga qaujimanagu. 25Tuqungajulli makikkutik, nulianikpagumaanngilat uinikpanngillutiglu, aingilititut qilangmiittutitut taimaittumaaqput. 26Tuqungajut makititauninganik uqaqsimajunik aglangni atuaqsilauqsimanngilasii Muusisiup aglanginni uqausiqaqtunik uqpigarmik ikualajumik, tavvani unikkausirmi Guutiup Muusisi uqautilaurmagu, ‘Uvanga Aiprahaam Guutinga, Aisakiullu Guutinga, Jaikuullu Guutinga?’ 27Guuti inuujunut Guutiuvuq, tuqungajulli Guutiginngilaat; taimaimmat tammaqsimallarikpusi.”
Piqujaq Pillariuniqpaujuq
Maatiusi 22:34-40; Luukasi 10:25-28
28Piqujanik ilisaijit ilangat tamatuminga uqaqatigiiktillugit tusaavuq, takugami Jiisusiup Saajjusit kiutsiarmagit, taimaimmat Jiisusimuaqpuq apirillugu, “Nalliat piqujanit tamainnit sivulliqpaujariaqaqpa?”
29Jiisusiup kiuvaa, “Una tavva sivulliqpaujuq piqujanit, ‘Isarialimiungujusi tusarissi! Ataniq Guutivut, taanna Atanituuvuq. 30Ataniq Guutisi nagligijaksarivasi uummatissinnut tamainnut, tarnissinnullu tamainnut, isumassinnullu tamainnut, pijunnarnissinnullu tamainnut.’ 31Aippangalu imailivuq, ‘Inuuqatisi nagligijaksarivasi nangminiq nagliginiqtut.’ Asinginnik taakkunangat pillariuniqsanik piqujaqtaqanngilaq.”
32Piqujanik ilisaiji Jiisusimut uqaqpuq, “Ajuriqtuiji, sulitsiaqputit; tamanna sulingmat suurlu uqaravit, Ataniq kisimi atausiungmat, taassuma asianik Guutitaqanngilaq, taannatuaq kisiani. 33Inuk Guutimik nagligusuktuksaungmat uummatiminut tamainnut, isumaminullu tamainnut, pijunnarnirminullu tamainnut, inuuqatiminiglu nagligusuktuksaulluni imminik nagliginirmitut, taakkuak pillariuniqsauvuuk tunirrutauqujaujunit uumajuvinirnik tunirrusirvimi, tunirrutauqujausimajunillu tamainnit.”
34Jiisusiup qaujigamiuk kiggusinga silatujummariungmat, uqautivaa, “Guutiup Ataniuvinganut ungasigunniiqputit.”
Tamatuma kinguningagut kinamulluunniit Jiisusi apirijaujumajunniiqpuq.
Misaiasiup Miksaanut Apiqqusiq
Maatiusi 22:41-46; Luukasi 20:41-44
35Jiisusi tuksiarvigjuarmi ajuriqtuilluni, uqaqpuq, “Sungmanikkua piqujanik ilisaijit uqaqpat Christuusi Taivitimut kinguvaarijauniarniraqtlugu? 36Taiviti anirnirmut ijjurnaittumut isumataaqtitaulluni uqalauqpuq:
‘Ataniq Ataninnut uqaqpuq, “Uvani taliqpinni iksivagit, akiraqtuqtingnik ilisiqqaaqtinnanga itigavit ataanut.”’
37“Taivitiup Atanirminik taingmagu; qanuq tavva Christuusi Taivitiup kinguvaarigajaqpauk?”
Inugasagjuat amisut Jiisusimik naalakput quviasuglutik.
Jiisusiup Ikpigusutsiaqujininga Piqujanik Ilisaijinik
Maatiusi 23:1-36; Luukasi 20:45-47
38Ajuriqturlugit imaak uqaqpuq, “Qaujisatsiarissi piqujanik ilisaijinik, pisukatagumavangmata annuraaqsimalutik takijunik uligjuanik, ikpigijautsiarlutik nilliujjaujumavaglutik niuvirvingni. 39Juutit ukpirnirmut katimavinganni piuniqpaani iksivautaqarumavut, upinnarniqpaanilu iniqarumavaglutik nirivigjuaqtuqaqtillugu. 40Uiggarniit sangiitturniagarillugit piqutinginnik aatirivakput#12:40 Aqsaaqsivakput angirranginnit, kinguningagut takunnaqtaujumallutik takijunik tuksiutiqattaqpait. Taimaimmat sugiaqtauniksangit anginiksaujumaaqput.”
Uiggarniup Tunirrusirninga
Luukasi 21:1-4
41Jiisusi tuksiarvigjuap kiinaujairvingata qanigijaanut ingippuq, takunnaalirluni inungnik kiinaujairvingmut iliuqqaijunik. Amisut ajuqsanngittut tunisivut kiinaujanik amisunik. 42Kingurngagulli uiggarniq ajuqsaqtuq tamaunngarivuq, ilisilluni kiinaujaangnik marruungnik mikijukuluungnik. 43Ilinniaqtini qaiqullugit uqautivait, “Sulijumik uqautivassi, taanna uiggarniq ajuqsaqtuq tunisivuq anginiqpaamik asilimaaminit. 44Asingit tunisivut aturnianngitamingnik ajuqsanngittuugamik; unali arnaq ajuqsaqtuulluni tunisivuq pigijatuaminik, inuujjutiksatuaminiglu.”
Currently Selected:
Maakusiup Aglangit 12: EAIBR
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible (Romanized) © Canadian Bible Society, 2022-2023.
Maakusiup Aglangit 12
12
Uainiliksamik Piruqsiivingmik Kamajit Ajjiutitauningit
Maatiusi 21:33-46; Luukasi 20:9-19
1Jiisusiup ajuriqtuqpait ajjiujutigut, uqarluni: “Taissumani angutitaqalauqpuq piruqsiivingmini piruqsiaksanik kanngaqsuijumik, itiqsaliurluni uainit itsijaqtauviksanganik, tavvani igluliuqpuq puqtujumik qaujisarviksamik, piruqsiivik atuqtautippaa kamajiuniaqtunut, pijariirami nunaup asianut aullaqpuq. 2Piruqtunik uainiksanik katiqsivik nalliutingmat, pijiminik tilisivuq piruqsiivingmik kamajiutitaminut, taanna aiksiqullugu piruqtuvinit ilanginnik pititaujumalluni. 3Piruqsiivilirijut taanna tiguvaat aanniqsirlugulu, utiqtippaat sunamigluunniit naksaqtinnagu. 4Piruqsiivingmigli piqutilik tilisikkanniqpuq pijiminik, taakkua piruqsiivilirijut aanniqpaat niaquagut, mitautigillugu aullaqtippaat. 5Piruqsiiviqutilik tilisikkanniqpuq pijimik asianik, piruqsiivilirijut taanna tuquppaat; asingillu amisut taimailiuqattaqpait, ilangit aanniqsirlugit ilangillu tuqullugit. 6Piruqsiiviqutilik tilijaksatuaqaliqpuq irnirminik nagligimmariktaminik; kingulliqpautillugulu irnini tiligivaa taakkununga, uqarluni, ‘Irnira iliraginiaqpaat.’ 7Piruqsiivilirijut immingnut uqaqatigiiliqput, ‘Taanna tavva kingurngujjijuksaq; atii, tuqulaurlavut, taassuma kingurngutijaksangit pitaariniarattigut.’ 8Tavva tiguvaat tuqullugu, timinga igippaat piruqsiiviup silataanut.
9“Qanurli tavva piruqsiiviqutilik pilaaliqpa? Tikittumaaqpuq piruqsiivilirijit tuqutsaqturlugit, piruqsiivik asinginnut kamagijauqulirumaaqpaa. 10Una uqalimaaqsimanngilasiuk Guutiup uqausinginni?
‘Ujarak igluliuqtinit narrugijaujuq,
Taanna pillariuniqpaulluni tiriqquuliqpuq;
11Tamanna Ataniup pinialauqpaa,
Saqqijaarninga uvattinnut takuminaqturjuuvuq!’”
12Taakkua Jiisusi tigujumagaluaqpaat, inugasagjuanigli kappiasukput, malugusuliramik tamatumunga ajjiujumut uqausiunirmingnik; taimaimmat qimakpait asianualirlutik.
Apiqqusiq Taaksiijariaqarmangaarmik
Maatiusi 22:15-22; Luukasi 20:20-26
13Paarisit ilangit Iruutasiullu maliktingita ilangit Jiisusimuaqujauvut, apiqsurlugu naluliqtinnasuarumallugu. 14Taakkua Jiisusimuaramik uqaqput, “Ajuriqtuiji qaujimagatta sulijumik uqaqattaravit, inuit isumangit sivuuraginagit sulitsiaqtumik uqaqpakkavit; inuit qanuittuuninginnik kamaginnginnavigit, ajuriqtuqattaravigit sulijumik Guutiup piniaqtauqujanginnik. Uqautilauqtigut, piqujattinnut akiraqtuqpaat, taaksiijarutinik tunisiqattarutta Siisarimut uvvalu tunisiqattariaqanngilagut?”
15Jiisusiup pingitsiqsurasuarningit qaujimagamigit uqautivait, “Sungmat uvannik uukturasuaqpisi? Kiinaujaq qaitaulaurli, takulaurlagu.”
16Kiinaujamik tunisivigivaat. Jiisusiup apirivait, “Kinaup kiinannguanga, kialu atinga?”
Taakkua kiuvaat, “Angajuqqaarjuap Siisariup.”
17Tavva Jiisusiup uqautivait, “Angajuqqaarjuaq Siisari tunisivigisiuk, pinginnik, Guutilu tunisivigilugu pinginnik.”
Taakkua Jiisusiup kiujjutinganik kamavigjuaqput.
Tuqungajunit Makinniugajaqtumik Apiqsuutit
Maatiusi 22:23-33; Luukasi 20:27-40
18Kinguningagut Saajjusit upakpaat, taakkua inungnik tuqungajunit makivviksaqannginniraivaktut, Jiisusimuaqput apirillugu uqaqput, 19“Ajuriqtuiji, Muusisiup piqujaqtaaqtilauqpaatigut, ‘Angut nulialik tuqukpat qiturngaqtaalaurani, tavva nukangata uiggarniq nuliaqtaarijaksarivaa taakkuak qiturngaqtaaqullugik, qiturngangit tuqulauqtumut qiturngarijauniraqtauqullugit.’ 20Taissumani nukariiktaqalauqpuq angutinik 7-nik; angajuktliqpaaq nulianikpuq, qiturngaqtaalauranilu tuquvuq. 21Tavva nukangata arnaq nuliaqtaarivaa, taannattauq tuqugivuq qiturngaqtaalaurani; nukangata pingajungat taimaatsainnaq pigivuq. 22Taakkua nukariit 7 taassuminga arnamik nulianilauqput, tamarmik qiturngaqtaalauratik tuqulauqput. Kingulliqpaullunili arnaq tuqugivuq. 23Tuqungajut makippata makivviksaujumaaqtumi, nalliatta taanna arnaq nuliarilaaqpauk? Taakkua qatanngutigiit 7 tamarmik nuliarilaurmajjuk.”
24Jiisusiup uqautivait, “Imaak pijjutiqaqtlusi tammarassi, Guutiup uqausingit qaujimannginnassiuk ammalu Guutiup pijunnarninga qaujimanagu. 25Tuqungajulli makikkutik, nulianikpagumaanngilat uinikpanngillutiglu, aingilititut qilangmiittutitut taimaittumaaqput. 26Tuqungajut makititauninganik uqaqsimajunik aglangni atuaqsilauqsimanngilasii Muusisiup aglanginni uqausiqaqtunik uqpigarmik ikualajumik, tavvani unikkausirmi Guutiup Muusisi uqautilaurmagu, ‘Uvanga Aiprahaam Guutinga, Aisakiullu Guutinga, Jaikuullu Guutinga?’ 27Guuti inuujunut Guutiuvuq, tuqungajulli Guutiginngilaat; taimaimmat tammaqsimallarikpusi.”
Piqujaq Pillariuniqpaujuq
Maatiusi 22:34-40; Luukasi 10:25-28
28Piqujanik ilisaijit ilangat tamatuminga uqaqatigiiktillugit tusaavuq, takugami Jiisusiup Saajjusit kiutsiarmagit, taimaimmat Jiisusimuaqpuq apirillugu, “Nalliat piqujanit tamainnit sivulliqpaujariaqaqpa?”
29Jiisusiup kiuvaa, “Una tavva sivulliqpaujuq piqujanit, ‘Isarialimiungujusi tusarissi! Ataniq Guutivut, taanna Atanituuvuq. 30Ataniq Guutisi nagligijaksarivasi uummatissinnut tamainnut, tarnissinnullu tamainnut, isumassinnullu tamainnut, pijunnarnissinnullu tamainnut.’ 31Aippangalu imailivuq, ‘Inuuqatisi nagligijaksarivasi nangminiq nagliginiqtut.’ Asinginnik taakkunangat pillariuniqsanik piqujaqtaqanngilaq.”
32Piqujanik ilisaiji Jiisusimut uqaqpuq, “Ajuriqtuiji, sulitsiaqputit; tamanna sulingmat suurlu uqaravit, Ataniq kisimi atausiungmat, taassuma asianik Guutitaqanngilaq, taannatuaq kisiani. 33Inuk Guutimik nagligusuktuksaungmat uummatiminut tamainnut, isumaminullu tamainnut, pijunnarnirminullu tamainnut, inuuqatiminiglu nagligusuktuksaulluni imminik nagliginirmitut, taakkuak pillariuniqsauvuuk tunirrutauqujaujunit uumajuvinirnik tunirrusirvimi, tunirrutauqujausimajunillu tamainnit.”
34Jiisusiup qaujigamiuk kiggusinga silatujummariungmat, uqautivaa, “Guutiup Ataniuvinganut ungasigunniiqputit.”
Tamatuma kinguningagut kinamulluunniit Jiisusi apirijaujumajunniiqpuq.
Misaiasiup Miksaanut Apiqqusiq
Maatiusi 22:41-46; Luukasi 20:41-44
35Jiisusi tuksiarvigjuarmi ajuriqtuilluni, uqaqpuq, “Sungmanikkua piqujanik ilisaijit uqaqpat Christuusi Taivitimut kinguvaarijauniarniraqtlugu? 36Taiviti anirnirmut ijjurnaittumut isumataaqtitaulluni uqalauqpuq:
‘Ataniq Ataninnut uqaqpuq, “Uvani taliqpinni iksivagit, akiraqtuqtingnik ilisiqqaaqtinnanga itigavit ataanut.”’
37“Taivitiup Atanirminik taingmagu; qanuq tavva Christuusi Taivitiup kinguvaarigajaqpauk?”
Inugasagjuat amisut Jiisusimik naalakput quviasuglutik.
Jiisusiup Ikpigusutsiaqujininga Piqujanik Ilisaijinik
Maatiusi 23:1-36; Luukasi 20:45-47
38Ajuriqturlugit imaak uqaqpuq, “Qaujisatsiarissi piqujanik ilisaijinik, pisukatagumavangmata annuraaqsimalutik takijunik uligjuanik, ikpigijautsiarlutik nilliujjaujumavaglutik niuvirvingni. 39Juutit ukpirnirmut katimavinganni piuniqpaani iksivautaqarumavut, upinnarniqpaanilu iniqarumavaglutik nirivigjuaqtuqaqtillugu. 40Uiggarniit sangiitturniagarillugit piqutinginnik aatirivakput#12:40 Aqsaaqsivakput angirranginnit, kinguningagut takunnaqtaujumallutik takijunik tuksiutiqattaqpait. Taimaimmat sugiaqtauniksangit anginiksaujumaaqput.”
Uiggarniup Tunirrusirninga
Luukasi 21:1-4
41Jiisusi tuksiarvigjuap kiinaujairvingata qanigijaanut ingippuq, takunnaalirluni inungnik kiinaujairvingmut iliuqqaijunik. Amisut ajuqsanngittut tunisivut kiinaujanik amisunik. 42Kingurngagulli uiggarniq ajuqsaqtuq tamaunngarivuq, ilisilluni kiinaujaangnik marruungnik mikijukuluungnik. 43Ilinniaqtini qaiqullugit uqautivait, “Sulijumik uqautivassi, taanna uiggarniq ajuqsaqtuq tunisivuq anginiqpaamik asilimaaminit. 44Asingit tunisivut aturnianngitamingnik ajuqsanngittuugamik; unali arnaq ajuqsaqtuulluni tunisivuq pigijatuaminik, inuujjutiksatuaminiglu.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible (Romanized) © Canadian Bible Society, 2022-2023.