Maakusiup Aglangit 2
2
Jiisusiup Angummik Nukiqanngittumik Aaqqiksininga
Maatiusi 9:1-8; Luukasi 5:17-26
1Ulluit tamakkua kingurngagut Jiisusi utiqpuq Kapiirniamut, uqausiukatalirivuq angirrarninganik. 2Inuit amisut tavvunngaqput iniksairujjillutik, ukkuangataluunniit silataa iniksaqarunniiqpuq; Jiisusi ajuriqtuiliqpuq taakkununga. 3Angutit sitamat tavvunngaqput, agjaqsillutik angummik nukiqanngittumik Jiisusimuaqullugu. 4Inuqaluarninganut Jiisusimuaqtittunnanginnamijjuk, igluup qaangagut angmaqpaat, Jiisusiup najuqtangata qulaagut; igluup qulanga angmariiramijjuk, angut nuqiqanngittuq ningitippaat nalavingminiitillugu. 5Jiisusiup angutit takugamigit ukpirniqallariktut, angut nukiqanngittuq uqautivaa, “Irniik ajurnitit isumagijaujunniiqput.”
6Piqujanik ilisaijit ilangit tavvani iksivaqataujut, ilumigut isumaliqput, 7“Sungmanuna taimaak uqaliriva? Tamanna Guutimik uqarnirluutiqarniuvuq! Guuti taannatuatsiaq ajurnirnik isumagijunnaiqsijunnaqpuq.”
8Tavvainnaq Jiisusiup, anirnirmigut qaujigamigik sunamik isumangmangaata, uqautivait, “Sungmat tamatuminga apiqsuutiqaqpisi? 9Nalliannik uqarluni ajurnanginniqsauvaa uumunga nukiqanngittumut, ‘Ajurnitit isumagijunnaiqtauvut,’ uvvalu uqarluni, ‘Makillutit, nallangavit tigullugu, pisulirit?’ 10Qaujiniarassi Inuup Irninga pijunnarniqarmat tamaani nunami ajurnirnik isumagijunnaiqsijunnarmat,” taassumunga nukiqanngittumut uqaqpuq, 11“Uqautivagit, makittit, nallangavit tigulugu angirralirit.”
12Taanna makippuq, tavvainnaq nallangavini tigulluniuk tavvanngat anivuq takunnaqtillugit; taakkua tamarmik kamaniammarikput Guuti niqturlugu, uqaqput, “Taimaittumik takulauqsimanngimmarikpugut!”
Jiisusiup Qaiqujininga Livaimik
Maatiusi 9:9-13; Luukasi 5:27-32
13Jiisusi amma anigivuq Galiliap tasingata sinaanut; inugiakturjuat avataaniliqput, ajuriqtuliqpait. 14Pisugluni, takulirivuq Livaimik Aulpiasiup irninganik taaksiijaivingmi pinasuarvingmini iksivajumik, Jiisusiup uqautivaa, “Malinnga.” Taanna makinnami Jiisusi maliliqpaa.
15Kinguningagut Jiisusi niriqatauliqpuq taassuma Livaip iglungani, Ruumamiut kiinaujaiqtitsijiqutingit amisut ajuqtulijullu iksivaqataugivut Jiisusimut ilinniaqtinginnullu; amisut malilaurmata. 16Piqujanik ilisaijit Paarisiujut, takugamik niriqatiqarninganik ajuqtulijunik Ruumamiullu kiinaujaiqtitsijinginnik, ilinniaqtinginnut uqaqput, “Sungmanuna niriqatiqaqpa Ruumamiut kiinaujaiqtitsijinginnik ajuqtulijuniglu?”
17Jiisusiup tusaramigit, uqautivait, “Qanuinngittut aanniasiuqtiqariaqanngilat,#2:17 Najannguaq qanimajulli kisimi; iluaqtunik qaiqujijaqtuqsimanngilanga, ajuqtulijunigli.”
Nirittailinirmik Jiisusiup Apirijauninga
Maatiusi 9:14-17; Luukasi 5:33-39
18Taissumani Juanasi Paaptitirijiup maliktingit Paarisillu nirittaililauqput; inuit Jiisusimuarlutik apirivaat, “Sungmanikkua Juanasi Paaptitirijiup ilinniaqtingit Paarisillu ilinniaqtingit nirittailivakpaat? Ilinniaqtitit nirittaililauqsimatinnagit?”
19Jiisusiup uqautivait, “Katititaujuqaqtillugu nirijaqtuqujausimajut nirittailisuunguvaat uiksaq tavvaniitillugu? Qaujimavusi uiksaq tavvaniitillugu, nirittailijunnanngittut. 20Ulluit nalliutijumaaqput, uiksamik aqsaaqtauvingat, tavva nirittaililirumaaqput.
21“Annuraatuqarmik ilasijuqaqpanngilaq nutaamik iqijattumik; annuraatuqaq iqijattumik ilajauguni, nutaunngittuq alikturajarmagu, annuraatuqarlu anginiqsamik angmajuqalirajaqpuq. 22Uainimik nutaamik uainiqautituqarmut amirmut kuvisijuqaqpanngilaq; nutaap uainiqautituqaq amiq qaaqtituinnarniarmagu, uainilu tamaungatuinnaq kuvigajaqpuq, uainiqautituqarlu; taimaimmat uaini nutaaq kuvijaujariaqaqpuq uainiqautimut nutaamut.”
Saapatimik Apiqqusiqarniq
Maatiusi 12:1-8; Luukasi 6:1-5
23Taissumani Jiisusi Sapatiutillugu pisulauqpuq niaquujaksaqtalikkut; ilinniaqtingit pisuglutik niaquujaksait nuvunginnik tigusiqattaqput. 24Paarisit Jiisusimut uqaqput, “Takugit, ilinniaqtitit piqujattinnik maligunniiqput Sapatimi taimailiuqtillugit!”
25Jiisusiup uqautivait, “Atuaqsilauqsimanngilasi Taivitiup piniarnirilauqsimajanganik, niqiksaqarunniiramik kaalirlutik, nangminiq ilagijangillu? 26Taiviti Guutiup iglunganualauqpuq, nirilluni niaquujanik Guutimut tunirrutigijausimajunik, Apaiata tunirrusiqtitsijinut angajuqqaangutillugu, piqujait maliglugit niaquujait tunirrusiqtitsijinut kisiani nirijaujariaqaqtillugit, Taivitili nirilauqpuq ilaminut aglaat tunisilluni.”
27Jiisusi uqaqpuq, “Sapati aaqqiktausimavuq inuk pijjutigillugu; inugli aaqqiktausimanngilaq Sapati pillugu; 28Inuup Irninga Ataniungmat aglaat Sapatimut.”
Currently Selected:
Maakusiup Aglangit 2: EAIBR
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible (Romanized) © Canadian Bible Society, 2022-2023.
Maakusiup Aglangit 2
2
Jiisusiup Angummik Nukiqanngittumik Aaqqiksininga
Maatiusi 9:1-8; Luukasi 5:17-26
1Ulluit tamakkua kingurngagut Jiisusi utiqpuq Kapiirniamut, uqausiukatalirivuq angirrarninganik. 2Inuit amisut tavvunngaqput iniksairujjillutik, ukkuangataluunniit silataa iniksaqarunniiqpuq; Jiisusi ajuriqtuiliqpuq taakkununga. 3Angutit sitamat tavvunngaqput, agjaqsillutik angummik nukiqanngittumik Jiisusimuaqullugu. 4Inuqaluarninganut Jiisusimuaqtittunnanginnamijjuk, igluup qaangagut angmaqpaat, Jiisusiup najuqtangata qulaagut; igluup qulanga angmariiramijjuk, angut nuqiqanngittuq ningitippaat nalavingminiitillugu. 5Jiisusiup angutit takugamigit ukpirniqallariktut, angut nukiqanngittuq uqautivaa, “Irniik ajurnitit isumagijaujunniiqput.”
6Piqujanik ilisaijit ilangit tavvani iksivaqataujut, ilumigut isumaliqput, 7“Sungmanuna taimaak uqaliriva? Tamanna Guutimik uqarnirluutiqarniuvuq! Guuti taannatuatsiaq ajurnirnik isumagijunnaiqsijunnaqpuq.”
8Tavvainnaq Jiisusiup, anirnirmigut qaujigamigik sunamik isumangmangaata, uqautivait, “Sungmat tamatuminga apiqsuutiqaqpisi? 9Nalliannik uqarluni ajurnanginniqsauvaa uumunga nukiqanngittumut, ‘Ajurnitit isumagijunnaiqtauvut,’ uvvalu uqarluni, ‘Makillutit, nallangavit tigullugu, pisulirit?’ 10Qaujiniarassi Inuup Irninga pijunnarniqarmat tamaani nunami ajurnirnik isumagijunnaiqsijunnarmat,” taassumunga nukiqanngittumut uqaqpuq, 11“Uqautivagit, makittit, nallangavit tigulugu angirralirit.”
12Taanna makippuq, tavvainnaq nallangavini tigulluniuk tavvanngat anivuq takunnaqtillugit; taakkua tamarmik kamaniammarikput Guuti niqturlugu, uqaqput, “Taimaittumik takulauqsimanngimmarikpugut!”
Jiisusiup Qaiqujininga Livaimik
Maatiusi 9:9-13; Luukasi 5:27-32
13Jiisusi amma anigivuq Galiliap tasingata sinaanut; inugiakturjuat avataaniliqput, ajuriqtuliqpait. 14Pisugluni, takulirivuq Livaimik Aulpiasiup irninganik taaksiijaivingmi pinasuarvingmini iksivajumik, Jiisusiup uqautivaa, “Malinnga.” Taanna makinnami Jiisusi maliliqpaa.
15Kinguningagut Jiisusi niriqatauliqpuq taassuma Livaip iglungani, Ruumamiut kiinaujaiqtitsijiqutingit amisut ajuqtulijullu iksivaqataugivut Jiisusimut ilinniaqtinginnullu; amisut malilaurmata. 16Piqujanik ilisaijit Paarisiujut, takugamik niriqatiqarninganik ajuqtulijunik Ruumamiullu kiinaujaiqtitsijinginnik, ilinniaqtinginnut uqaqput, “Sungmanuna niriqatiqaqpa Ruumamiut kiinaujaiqtitsijinginnik ajuqtulijuniglu?”
17Jiisusiup tusaramigit, uqautivait, “Qanuinngittut aanniasiuqtiqariaqanngilat,#2:17 Najannguaq qanimajulli kisimi; iluaqtunik qaiqujijaqtuqsimanngilanga, ajuqtulijunigli.”
Nirittailinirmik Jiisusiup Apirijauninga
Maatiusi 9:14-17; Luukasi 5:33-39
18Taissumani Juanasi Paaptitirijiup maliktingit Paarisillu nirittaililauqput; inuit Jiisusimuarlutik apirivaat, “Sungmanikkua Juanasi Paaptitirijiup ilinniaqtingit Paarisillu ilinniaqtingit nirittailivakpaat? Ilinniaqtitit nirittaililauqsimatinnagit?”
19Jiisusiup uqautivait, “Katititaujuqaqtillugu nirijaqtuqujausimajut nirittailisuunguvaat uiksaq tavvaniitillugu? Qaujimavusi uiksaq tavvaniitillugu, nirittailijunnanngittut. 20Ulluit nalliutijumaaqput, uiksamik aqsaaqtauvingat, tavva nirittaililirumaaqput.
21“Annuraatuqarmik ilasijuqaqpanngilaq nutaamik iqijattumik; annuraatuqaq iqijattumik ilajauguni, nutaunngittuq alikturajarmagu, annuraatuqarlu anginiqsamik angmajuqalirajaqpuq. 22Uainimik nutaamik uainiqautituqarmut amirmut kuvisijuqaqpanngilaq; nutaap uainiqautituqaq amiq qaaqtituinnarniarmagu, uainilu tamaungatuinnaq kuvigajaqpuq, uainiqautituqarlu; taimaimmat uaini nutaaq kuvijaujariaqaqpuq uainiqautimut nutaamut.”
Saapatimik Apiqqusiqarniq
Maatiusi 12:1-8; Luukasi 6:1-5
23Taissumani Jiisusi Sapatiutillugu pisulauqpuq niaquujaksaqtalikkut; ilinniaqtingit pisuglutik niaquujaksait nuvunginnik tigusiqattaqput. 24Paarisit Jiisusimut uqaqput, “Takugit, ilinniaqtitit piqujattinnik maligunniiqput Sapatimi taimailiuqtillugit!”
25Jiisusiup uqautivait, “Atuaqsilauqsimanngilasi Taivitiup piniarnirilauqsimajanganik, niqiksaqarunniiramik kaalirlutik, nangminiq ilagijangillu? 26Taiviti Guutiup iglunganualauqpuq, nirilluni niaquujanik Guutimut tunirrutigijausimajunik, Apaiata tunirrusiqtitsijinut angajuqqaangutillugu, piqujait maliglugit niaquujait tunirrusiqtitsijinut kisiani nirijaujariaqaqtillugit, Taivitili nirilauqpuq ilaminut aglaat tunisilluni.”
27Jiisusi uqaqpuq, “Sapati aaqqiktausimavuq inuk pijjutigillugu; inugli aaqqiktausimanngilaq Sapati pillugu; 28Inuup Irninga Ataniungmat aglaat Sapatimut.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible (Romanized) © Canadian Bible Society, 2022-2023.