मूक चेलाकू 1
1
सुद बिरुवाराः बदीरे जबान
1ने तियूपिलूस, आम लगा मड़ंगरेयिंग ओजाःतेरा हना कागदरे, ईसू एचे लगा अरूय चेडकू लगाय बुँहड़ीकेरा, 2अरू सेरमो देस अगी भगवान रेम गोःगे अते मड़ंग हाँय आँयगरिकुःआ सुनावतो मूक चेलाकू एचेरे भगवानराः सुद बिरुवाते हुकुमकूने एमेवातेडकुःआ हनायिंग ओजाःकेरा। 3ईसू कटसिया सहावतेडखन कुरूसरेय गोएगनेन तयोमरे हाँय जीयत इदानिया, माःआन मुरुक सताय चिनहाकून हँकुःआ होड़कू एचेरे चालीस दिन वरीय एचे उदुःतेरा अरू भगवानराः राइज बदीरेय कता उदुःतेरा।
4मी दिन ईसू आँयग चेलाकू सुदा जोजोम मेला हँकू एचेरे नाःआ हुकुमे एमेतेरा, “एरुसलेम सहर अते अपे अहापे सेन। मनदो भगवान जबानकेरा हना पवाः लगा ननंडापे तंगीगोड ञवन। अरू नाःआ कता बदीरे ईंग अपे एचेरे मड़ंगरेयिंग कतातेरा। 5एहुना अपे दाःते बतिसमाय एमेवातेडपेःआ, मनदो तोनोंग दिन तयोमरे भगवान अपे सुद बिरुवाते बतिसमाय एमेवापेता।”#मती 3:11; मर 1:8; लूका 3:16; एहु 1:33
ईसू सेरमो देस अगी तोराय
6तयोमरे ईसू सुदा आँयग चेलाकू जुमावनेन दो हँकू हाँय एचेरेकू होंबोरतेड, “ने परबू, मड़ंगरे इसराएल होड़कू अँननकूरीग राजा दोहोना हना इया नुँहूम एचेयता जा?”
7दो ईसू हँकू एचेरेय कतातेरा, “अपांग भगवान अनँयगराः हातपात इयाय तोल दोहोकेरा हना बेला बदीरे अपे सुदीगे लगा कोवानेःआ। 8मनदो सुद बिरुवा अपे एचेरेय वेगता अरू जंगरपे पवाःता। हनते अपे एरुसलेम सहररे, एहूदिया छतररे, समरिया राइजरे अरू चउंदीसराः जमा देसरे ईंगरिकुःआ हिदइतदारकूपे बड़ाँःता।”
9हाँय नाःआ बड़रा कनाता कताय तयोमरे, हँकुःआ होड़कू मड़ंग अते सेरमो अगी भगवान हाँये रेम गोःतेरा अरू हँकू हाँय ञेनेल ञेलरे बदरीरेकू ञेल केड़ेगोतेडिग।
10ईसू सेरमो देस अगीय सेनेन मेला मूक चेलाकू तिंगीड घड़ीनकू संगीलेःआ दो असाका उजड़ सोनहे तुसिंगतो बार होड़ होड़किन हँकू एचेरेकिन चड़ाँयान। 11अरू हँकिन कतातेड, “ने गलीलरिकुःआ होड़कू, अपे नंडा चड़ाँकियानखन चिला लगापे संगीलगेतना? अपे अते सेरमो देस अगी भगवान गोःयडिया हनाँयग ईसू करा इया तोराया हनन इयाय कुदा वेगता।”
जूदाराः बदलारे मतियाह
12हनते हँकुःआ चेलाकूतेन जइतून पहाड़ अते एरुसलेम सहर अगीकू कुदा वेगयान। नाःआ जइतून पहाड़ एरुसलेम अते आधा कोस तोरेरे दोहोना। 13हँकू हंडाकू सोदोरनेन दो हँकू डेरानेना हना ओड़ाःराः सेरमो छिनारेकू सेनेडा। हंडा ईसूरिकुःआ मूक चेलाकू सिमोन पतरस, एहुना, एकूब, अंदरियास, पिलिपूस अरू तोमा, बरतुलमाय अरू मती, हलपाइरीग बेटात एकूब अरू जेलोतेस माःआनकू राःगेया हाँयग सिमोन अरू एकूबरीग बेटात जूदा, हों दोहोना। 14हँकुःआ होड़कू ईसूरीग एंगात मरियम अरू आँयग बोपोहकू अरू एटाः बिसवासी अइमीकू सुदा घड़ी घड़ी मिनी जीवकियानखन अरजीगोड ञवना।
15दो मी दिनरे अंदांज मी सव बीस बिसवासी होड़कू मिनीरेकू जुमावनेना। अरू हँकू तलारे पतरस चड़ाँनेन 16अरूय कतातेड, “ईंग अजी बोपोहकूतिंग, मड़ंगरे भगवानराः सुद बिरुवाते दाऊद राजा जूदा बदीरेय कतातेरा हना कता पुराः दोहोना। हाँयग जूदा, ईसू साब लगाकू वेजेडा हँकुःआ होड़कूय अगुवाइतेडकुःआ। 17हाँय अले मूक चेलाकू अते मी होड़े दोहोना अरू अलेरीग सेवा देंगवा होड़े दोहोना।” 18(हाँयराः बेलूर बुताराः बनीते हाँय मीटोंग दोहोड़े किजातेरा। हाँय सुदूब दूरे लोजोरनेना अरू हाँयराः धारतो सिरावयान अरू लवीगतो उडुंगयान।#1:18 मती 27:5 रे ओजाःतो इदा जूदा अनँयग आँयगतेय वका गोएगयान, माःआन। 19एरुसलेमरिकुःआ जमा होड़कू नाःआ कताकू अयूमतेरा। हनालगा हँकू अँकू भासीरे हना दोहोड़ अकलदामा माःआनकू कतावातेरा। हना लबदराः मतलोब बलंगीराः दोहोड़ माःआन हवे।)
20दो पतरस अरूय कतातेड, “सेरेंगकून कागदरे नाःआ इया ओजाःतो इदा,
हाँयरिकुःआ जमाकू नरी नठी एंडा जुवाःकू,
अरू हँकू तोनोंगीग हना ओड़ाःरे अहाकू दोहोन।#सेरेंगकून 69:25
अरू
तोनोंगीग हाँय बदला हाँयराः मूक बुताय गोःगे#सेरेंगकून 109:8
21हनालगा अबू तोनोंगीग होड़ जूदाराः बदला सुनावगेय लगा इदा। हाँयग होड़ अले ईसू सुदाले दोहोना हना जमा बेला, 22एहुना ईसू बतिसमाय एमेवातिरिया हना बेला वरीते ईसू अबू अते सेरमो देस अगी भगवान रेम गोःयाया हना वरी अले सुदाय दोनोहोना। हाँय एटाःकू एचेरे ईसू गोएगनेन तयोमरे जियाव रेमकिया, हना कता अले सुदा हिदइत उदुःगे लगा इदा।”
23दो जमा बिसवासी होड़कू बार होड़ बदीरेकू सलाहनेना। हँकिन अते मी होड़ बरसाबास माःआनकू कतावायता हाँयग उसूप दोहोना। (हाँयराः एटाः ञाव दोहोना जसतूस) अरू एटाः होड़राः ञाव दोहोना मतियाह।
24हनते हँकू अरजीतेड, “परबू, आम जमा होड़कूराः इंदीरीम सुदीतना। जूदा गोएगनेनखन डंडियावराः ततेर हाँय लगा भगवान दोहोवातेरा हना ततेर अगी हाँयराः बिरुवा तोराःआ। 25दो नँकिन बना होड़ अते ईसूरीग मूक चेलाराः सेवा बुता लगा, इयेम सुनावकेरा, हना अले उदुःवालेमे।” 26हनते हँकू लुंबाड़ लगा चीट-पोटतेडकू अरू हनाते मतियाहकू लुंबाड़तेरा। अरू हाँय गारहगोटोंग मूक चेलाकू सुदाय मेसायान।
Currently Selected:
मूक चेलाकू 1: kfp
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.
मूक चेलाकू 1
1
सुद बिरुवाराः बदीरे जबान
1ने तियूपिलूस, आम लगा मड़ंगरेयिंग ओजाःतेरा हना कागदरे, ईसू एचे लगा अरूय चेडकू लगाय बुँहड़ीकेरा, 2अरू सेरमो देस अगी भगवान रेम गोःगे अते मड़ंग हाँय आँयगरिकुःआ सुनावतो मूक चेलाकू एचेरे भगवानराः सुद बिरुवाते हुकुमकूने एमेवातेडकुःआ हनायिंग ओजाःकेरा। 3ईसू कटसिया सहावतेडखन कुरूसरेय गोएगनेन तयोमरे हाँय जीयत इदानिया, माःआन मुरुक सताय चिनहाकून हँकुःआ होड़कू एचेरे चालीस दिन वरीय एचे उदुःतेरा अरू भगवानराः राइज बदीरेय कता उदुःतेरा।
4मी दिन ईसू आँयग चेलाकू सुदा जोजोम मेला हँकू एचेरे नाःआ हुकुमे एमेतेरा, “एरुसलेम सहर अते अपे अहापे सेन। मनदो भगवान जबानकेरा हना पवाः लगा ननंडापे तंगीगोड ञवन। अरू नाःआ कता बदीरे ईंग अपे एचेरे मड़ंगरेयिंग कतातेरा। 5एहुना अपे दाःते बतिसमाय एमेवातेडपेःआ, मनदो तोनोंग दिन तयोमरे भगवान अपे सुद बिरुवाते बतिसमाय एमेवापेता।”#मती 3:11; मर 1:8; लूका 3:16; एहु 1:33
ईसू सेरमो देस अगी तोराय
6तयोमरे ईसू सुदा आँयग चेलाकू जुमावनेन दो हँकू हाँय एचेरेकू होंबोरतेड, “ने परबू, मड़ंगरे इसराएल होड़कू अँननकूरीग राजा दोहोना हना इया नुँहूम एचेयता जा?”
7दो ईसू हँकू एचेरेय कतातेरा, “अपांग भगवान अनँयगराः हातपात इयाय तोल दोहोकेरा हना बेला बदीरे अपे सुदीगे लगा कोवानेःआ। 8मनदो सुद बिरुवा अपे एचेरेय वेगता अरू जंगरपे पवाःता। हनते अपे एरुसलेम सहररे, एहूदिया छतररे, समरिया राइजरे अरू चउंदीसराः जमा देसरे ईंगरिकुःआ हिदइतदारकूपे बड़ाँःता।”
9हाँय नाःआ बड़रा कनाता कताय तयोमरे, हँकुःआ होड़कू मड़ंग अते सेरमो अगी भगवान हाँये रेम गोःतेरा अरू हँकू हाँय ञेनेल ञेलरे बदरीरेकू ञेल केड़ेगोतेडिग।
10ईसू सेरमो देस अगीय सेनेन मेला मूक चेलाकू तिंगीड घड़ीनकू संगीलेःआ दो असाका उजड़ सोनहे तुसिंगतो बार होड़ होड़किन हँकू एचेरेकिन चड़ाँयान। 11अरू हँकिन कतातेड, “ने गलीलरिकुःआ होड़कू, अपे नंडा चड़ाँकियानखन चिला लगापे संगीलगेतना? अपे अते सेरमो देस अगी भगवान गोःयडिया हनाँयग ईसू करा इया तोराया हनन इयाय कुदा वेगता।”
जूदाराः बदलारे मतियाह
12हनते हँकुःआ चेलाकूतेन जइतून पहाड़ अते एरुसलेम सहर अगीकू कुदा वेगयान। नाःआ जइतून पहाड़ एरुसलेम अते आधा कोस तोरेरे दोहोना। 13हँकू हंडाकू सोदोरनेन दो हँकू डेरानेना हना ओड़ाःराः सेरमो छिनारेकू सेनेडा। हंडा ईसूरिकुःआ मूक चेलाकू सिमोन पतरस, एहुना, एकूब, अंदरियास, पिलिपूस अरू तोमा, बरतुलमाय अरू मती, हलपाइरीग बेटात एकूब अरू जेलोतेस माःआनकू राःगेया हाँयग सिमोन अरू एकूबरीग बेटात जूदा, हों दोहोना। 14हँकुःआ होड़कू ईसूरीग एंगात मरियम अरू आँयग बोपोहकू अरू एटाः बिसवासी अइमीकू सुदा घड़ी घड़ी मिनी जीवकियानखन अरजीगोड ञवना।
15दो मी दिनरे अंदांज मी सव बीस बिसवासी होड़कू मिनीरेकू जुमावनेना। अरू हँकू तलारे पतरस चड़ाँनेन 16अरूय कतातेड, “ईंग अजी बोपोहकूतिंग, मड़ंगरे भगवानराः सुद बिरुवाते दाऊद राजा जूदा बदीरेय कतातेरा हना कता पुराः दोहोना। हाँयग जूदा, ईसू साब लगाकू वेजेडा हँकुःआ होड़कूय अगुवाइतेडकुःआ। 17हाँय अले मूक चेलाकू अते मी होड़े दोहोना अरू अलेरीग सेवा देंगवा होड़े दोहोना।” 18(हाँयराः बेलूर बुताराः बनीते हाँय मीटोंग दोहोड़े किजातेरा। हाँय सुदूब दूरे लोजोरनेना अरू हाँयराः धारतो सिरावयान अरू लवीगतो उडुंगयान।#1:18 मती 27:5 रे ओजाःतो इदा जूदा अनँयग आँयगतेय वका गोएगयान, माःआन। 19एरुसलेमरिकुःआ जमा होड़कू नाःआ कताकू अयूमतेरा। हनालगा हँकू अँकू भासीरे हना दोहोड़ अकलदामा माःआनकू कतावातेरा। हना लबदराः मतलोब बलंगीराः दोहोड़ माःआन हवे।)
20दो पतरस अरूय कतातेड, “सेरेंगकून कागदरे नाःआ इया ओजाःतो इदा,
हाँयरिकुःआ जमाकू नरी नठी एंडा जुवाःकू,
अरू हँकू तोनोंगीग हना ओड़ाःरे अहाकू दोहोन।#सेरेंगकून 69:25
अरू
तोनोंगीग हाँय बदला हाँयराः मूक बुताय गोःगे#सेरेंगकून 109:8
21हनालगा अबू तोनोंगीग होड़ जूदाराः बदला सुनावगेय लगा इदा। हाँयग होड़ अले ईसू सुदाले दोहोना हना जमा बेला, 22एहुना ईसू बतिसमाय एमेवातिरिया हना बेला वरीते ईसू अबू अते सेरमो देस अगी भगवान रेम गोःयाया हना वरी अले सुदाय दोनोहोना। हाँय एटाःकू एचेरे ईसू गोएगनेन तयोमरे जियाव रेमकिया, हना कता अले सुदा हिदइत उदुःगे लगा इदा।”
23दो जमा बिसवासी होड़कू बार होड़ बदीरेकू सलाहनेना। हँकिन अते मी होड़ बरसाबास माःआनकू कतावायता हाँयग उसूप दोहोना। (हाँयराः एटाः ञाव दोहोना जसतूस) अरू एटाः होड़राः ञाव दोहोना मतियाह।
24हनते हँकू अरजीतेड, “परबू, आम जमा होड़कूराः इंदीरीम सुदीतना। जूदा गोएगनेनखन डंडियावराः ततेर हाँय लगा भगवान दोहोवातेरा हना ततेर अगी हाँयराः बिरुवा तोराःआ। 25दो नँकिन बना होड़ अते ईसूरीग मूक चेलाराः सेवा बुता लगा, इयेम सुनावकेरा, हना अले उदुःवालेमे।” 26हनते हँकू लुंबाड़ लगा चीट-पोटतेडकू अरू हनाते मतियाहकू लुंबाड़तेरा। अरू हाँय गारहगोटोंग मूक चेलाकू सुदाय मेसायान।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.