मूक चेलाकू 10
10
कुरनेलियूस अनँयग ओड़ाःरे पतरसे राःतेरा
1कइसरिया सहररे मी होड़ बेगर एहूदा होड़ दोहोना। हाँयराः ञाव दोहोना कुरनेलियूस। हाँय रूमी देसराः मी सव सइना होड़कूराः इतालिका ञावराः गउदारीग हातपात होड़े दोहोना। 2हाँय अरू आँयग ओड़ाःरिकुःआ जमा होड़कू भगवान मान मरजइत घड़ीनकू जागा। हाँय ससंघरा लगा दोहोना हँकुःआ गरीब होड़कूय संघरावाःआ अरू भगवान एचेरे सगर दिने अरजीःआ। 3दो मी दिन ढड़काः बेला हाँय मीटोंग दरसने ञेलतेरा। हाँय मी होड़ सेरमो देसरीग बराहीले ञेलतेरा अरू हाँयग बराहील, हाँय एचेरे वेगवाडखने कताया, “ने कुरनेलियूस!”
4कुरनेलियूस बोतोरते हाँय अगी मी ढिट ञेलतिरिगखने होंबरेःआ, “ने परबू, चिला हवे?”
दो हाँयग बराहील कतातेरा, “आमराः अरजी अरू गरीब होड़कू लगा आम एमेतेरा हना संघराते भगवान ननाययना। 5दो जोपा सहर अगी होड़कूम वार अरू पतरस माःआनकू कतावायता, हाँयग सिमोनमे एचे राः अगू। 6हाँय सिमोन ञावीग चमारराः समुंदर धरीरे इदा हना ओड़ाःरेय दोहोनतना।”
7दो बराहील तोराय हना तयोमरे कुरनेलियूस आँयगरिकिनाः बार होड़ सेवकियाकिन अरू आँयग सुदाय दोहोना मी होड़ बिसवासगेयीग सइना होड़, हँकूय राःतेरा। 8हाँय हँकू एचेरे होयानेना हना जमाकूने कता उदुःतेरा अरू जोपा सहर अगीय वारतेडकुःआ।
पतरसराः दरसन
9एटाः दिन तिकिन बेला हँकुःआ पेनेय होड़कू जोपा सहर अगीकू सोदोरनेन मेला पतरस हाँय दोहोना हना ओड़ाःराः सेरमो अरजी लगाय रकबनेना। 10हनमेला हाँय रंगेगतिरिया अरू तोनोंगाः जोम लगाय ओंगलेःआ। हाँय लगा जोम जिनिसकू संजोड़ा हननमेला हाँय मीटोंग दरसने ञेलतेरा। 11हना दरसनरे सेरमो देस गीगनेना अरू मीटोंग ओयोन सोनहे इया तोनोंगाः जिनिसराः चइरो कोनारे साब तड़ावतो उतरावनेना। 12दो हना ओयोन सोनहेरे जमा इयाकुःआ जानरकू, सोलंगाःतकू हँकुःआ जीव जंतरकू, अरू तितीगकू दोहोना। 13अरू हाँय भगवानराः बड़राय अयूमतेरा, “ने पतरस, आम रिमुःमे अरू नँकुःआ जानरकूम ञेड जोमे।”
14दो पतरस कतातेड, “परबू ईंग ओनोरिंग जोमतेडकुःआ। एहूदा नियमरे अले अहापे जोमकू माःआन कतावाडलेःआ। हनालगा नँकुःआ जानरकू अते तोनोंगीग ईंग नुँहू वरी मेरिंग जोमगाडकुःआ।”
15हना अते अरू मीटोंग बड़राय अयूमतेरा, “भगवान तोनोंगाः जिनिस सुदे तुलाकेरा अरू हना सुद कोवानेःआ माःआन अहम कतावा।” 16नाःआ दरसन पेय तुरहा नाःआ इया होयानेना। हनते हना ओयोन सोनहे सेरमो अगीय गोः कुदायान।
17पतरस बयावनेनखने ओंगलेःआ, “नाःआ दरसनराः मतलोब चिला होया अवेनता?” दो हननमेला कुरनेलियूस वारतेडकुःआ हँकुःआ होड़कू सिमोनराः ओड़ाः अगीकू सोदोरनेना। 18हँकुःआ होड़कू हंडा चड़ाँकियानखनकू होंबरेया, “सिमोन पतरस ञावीग होड़ गुतिया होड़ इया नंडा इदानिया जा?”
19पतरस हना दरसन बदीरे ओओंगोलरेय दोहोना दो सुद बिरुवा हाँय एचेरेय कताया, “अयुमेमे, पेनेय होड़कू आमकू ञामतना। 20रिमुःमे अरू लतार अगीम सेन। हँकुःआ होड़कू ईंग इनिंग वारगोतेडकुःआ। हनालगा हँकू सुदा बेगर ओंगोलतेम सलाव जुवाः।”
21दो पतरस हँकुःआ होड़कू अगीय सेनेडा अरूय कताया, “अपे ञमेयतना हाँयग होड़ इनिंग हवे। अपे चिला लगापे वेगकिया?”
22दो हँकू कताया, “कुरनेलियूस ञावीग रूमी देसराः सइना होड़कूरीग हातपात होड़ अले आम एचेरेय वारकेडलेःआ। हाँय भगवाने बोरोवाता अरू हाँयराः कताय मनाःता। एहूदाकू हाँय नपायतेकू मान मरजइतगेयता। आँयग ओड़ाःरे आम राःमे लगा अरू आम कतायता हना जमा कताकून मनावगे लगा हाँय एचेरे भगवानरीग सुद बराहील कतातेरा।” 23दो पतरस हँकू आँयग सुदा हना रइत दोहोन लगा ओड़ाः पेंदारेय राः अदेरतेडकुःआ।
एटाः दिन हाँय हँकू सुदाय सेनेडा अरू जोपा सहर अते तोनोंग तोनोंग बिसवासी होड़कू हों हाँय सुदाकू सेनेडा।
24एटाः दिन हँकू कइसरिया सहररेकू सोदोरनेना। कुरनेलियूस अनँयगरिकुःआ जइत सगाकू अरू निकता सउंगताकू राःतेडकूखन पतरस अरू आँयग सुदाकू वेगा हँकुःआ होड़कूय तंगीःआ।
25पतरस हाँय ओड़ाःरेय बोलोयान दो कुरनेलियूस तबेरनेनखन पतरसे परनामतेडा। 26मनदो पतरस हाँये साब रेमतिरिया अरूय कतातेरा, “चड़ाँनमे। आम ईंग अलोम परनामगिंग। ईंग दो मी होड़ होड़ एकला इदानिंगा।” 27हनते हाँय कुरनेलियूस सुदा बड़रा घड़ीन हाँय ओड़ाः पेंदाय बोलोयान अरू हंडा मुरुक जुमावतो होड़कूय ञेलतेरा।
28दो पतरस हँकू एचेरेय कतातेरा, “अपे नपायतेपे सुदीयतना अले एहूदाकू तोनोंगीग एटाः जइत सगा होड़ सुदा मेरले दोहोनता सहे हाँयग होड़राः ओड़ाःरे मेरले बोलता। मनदो ईंग तोनोंगीग होड़ सदाःआ अरू सुद कोवाया माःआन अलो कतावाय लगा भगवान ईंग एचेरेय एचे कताकेरा। 29हनालगा आम ईंगमे राःतेड दो बेगर कता सालते नंडायिंग वेजेडा। दो नुँहूयिंग होंबरेतना, आम चिला लगा ईंगमे राःकेरा?”
30दो कुरनेलियूस कता कुदातेरा, “चाइर दिन मड़ंग निनिन मिन ढड़काः बेला ईंग ओड़ाःरेयिंग अरजीःआ। असाका मी होड़ होड़ विड़चेड़तो सोनहे तुसिंगतेडखन ईंग मड़ंगरेय चड़ाँयान 31अरूय कताया, ने कुरनेलियूस, भगवान आमराः अरजीय अयूमगोतेडा अरू गरीब होड़कूम संघरावाःआ हना हों भगवान जुकूर इदा। 32दो तोनोंगीग जोपा सहररे वारकेडखन होड़कू पतरस माःआनकू कतावायता, हाँयग सिमोनमे एचे राः अगू। हाँय सिमोन ञावीग चमार जइत होड़राः समुंदर धरीरे इदा हना ओड़ाःरेय दोहोनता, माःआन। 33हनालगा ईंग आम एचेरे होड़कू ओहेनिंग वारतेडकुःआ अरू आम नंडाम वेगकिया दो ननपाय इदा। दो भगवान आम एचेरे अलेय कता उदुःवा लगा तोनोंगाःआय कतातेरा दो हना अयूमगे लगा नुँहू अले जमाकू भगवान मड़ंगरे इदानलेःआ।”
कुरनेलियूसराः ओड़ाःरे पतरस
34हनते पतरस परसारगे लगाय बुँहड़ीतेरा, “नुँहूयिंग सुदीकेरा भगवान तोनोंगीग होड़ एचेरे मेरेय पाचपटीता, 35मनदो जमा जइत होड़कू अते भगवानकू मान मरजइतता अरू सताय बुताकूनकू एचेयता हँकुःआ होड़कूय मनेवाता। 36अपे नपायतेपे सुदीतना, जमाकूरीग परबू इदानिया हाँयग ईसू मसीते भगवान ननानाः सलसतराः नपाय सरवन एचे परसार उदुःतेडखन इसराएल होड़कू एचेरे हना सरवने वारगोतेडा। 37एहुना बतिसमा बदीरेय परसारतेड तयोमरे गलील छतररे बुँहड़ीनेनखन नाःआ सरवन जमा एहूदिया छतररे सेड़यावयना। 38अरू सुद बिरुवा अरू आँयग जंगर एमेवातेडीगखन भगवान नसरतरीग ईसूय एटाःतिडिया। भगवान ईसू सुदाय दोहोन अते, हाँय एटाः एटाः गाँव सहरकून सेनेडखन नपाय बुताय बुतातेरा अरू भूतकू समसावनेना हँकुःआ होड़कूय नपायगोतेडा।
39एहूदिया छतररे अरू एरुसलेम सहररे हाँय एचेकेरा हना जमाकूनराः हिदइतदारकू इदानलेःआ। हँकुःआ होड़कू हाँय कुरूसरेकू ठोंकाव गोएगगोतेडीग। 40मनदो भगवान हाँय पेय दिनरेय जियाव रेमकिडिया अरू होड़कू एचेरेय एचे ञेलयान। 41हाँय जमा होड़कू एचेरे मेरेय एचे ञेलगान मनदो भगवान सुनावतेडकुःआ हँकुःआ हिदइतियाकू एचेरेय एचे ञेलयान। हाँय जियाव रेमकिया हना तयोमते हाँय सुदाकू जोम-ञूया, हँनकुःआ होड़कू एचेरेय एचे ञेलयान।
42अले जमा होड़कू एचेरे परसार उदुःगे लगा अरू जीयत इदनकुःआ हँकुःआ होड़कू अरू गोएगतो होड़कू फड़ियावकू लगा भगवान ईसूय सुनावकेरा, माःआन होड़कू एचेरे सेतावकेडकूखन कता उदुःवाकू लगा अलेय हुकुमवारा। 43हाँय बदीरे भगवानराः बड़रा कता होड़कू जमाकू कता उदुःगेता, तोनोंगीग होड़ हाँय एचेरेय बिसवासगे दो हाँयराः ञावते हाँयग होड़राः कसूर भगवान बराव एंडागोडता।”
बेगर एहूदाकू एचेरे सुद बिरुवा उतराः
44दो पतरस पनरसारगे मेला, भगवानराः सरवनकू अअयूमा हँकुःआ जमा होड़कू सुद बिरुवातेकू पेरेगयान। 45पतरस सुदा हंडाकू वेजेडा हँकुःआ एहूदा बिसवासी होड़कू बेगर एहूदाकू हों सुद बिरुवातेकू पेरेगनेनखन, 46भगवान जाग घड़ीन एटाः एटाः भासीरेकू बड़राःआ हना ञेल अयूमतेडखनकू बयावयान।
47हनते पतरस कतातेड, “नँकुःआ होड़कू सुद बिरुवाकू पवावयान दो बतिसमा गोगोः अते तोनोंगीग नँकू रोंकाव अवेकूताय जा? नँकू अबू इया सुद बिरुवाकू पवावकिया।” 48हँकुःआ होड़कू ईसू मसीराः ञावते बतिसमा एमे लगा पतरस हँकूय हुकुमवातेरा। हना तयोमरे हँकुःआ होड़कू पतरस अँकू सुदा तोनोंग दिन वरीय दोहोन लगाकू कतातेरा।
Currently Selected:
मूक चेलाकू 10: kfp
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.
मूक चेलाकू 10
10
कुरनेलियूस अनँयग ओड़ाःरे पतरसे राःतेरा
1कइसरिया सहररे मी होड़ बेगर एहूदा होड़ दोहोना। हाँयराः ञाव दोहोना कुरनेलियूस। हाँय रूमी देसराः मी सव सइना होड़कूराः इतालिका ञावराः गउदारीग हातपात होड़े दोहोना। 2हाँय अरू आँयग ओड़ाःरिकुःआ जमा होड़कू भगवान मान मरजइत घड़ीनकू जागा। हाँय ससंघरा लगा दोहोना हँकुःआ गरीब होड़कूय संघरावाःआ अरू भगवान एचेरे सगर दिने अरजीःआ। 3दो मी दिन ढड़काः बेला हाँय मीटोंग दरसने ञेलतेरा। हाँय मी होड़ सेरमो देसरीग बराहीले ञेलतेरा अरू हाँयग बराहील, हाँय एचेरे वेगवाडखने कताया, “ने कुरनेलियूस!”
4कुरनेलियूस बोतोरते हाँय अगी मी ढिट ञेलतिरिगखने होंबरेःआ, “ने परबू, चिला हवे?”
दो हाँयग बराहील कतातेरा, “आमराः अरजी अरू गरीब होड़कू लगा आम एमेतेरा हना संघराते भगवान ननाययना। 5दो जोपा सहर अगी होड़कूम वार अरू पतरस माःआनकू कतावायता, हाँयग सिमोनमे एचे राः अगू। 6हाँय सिमोन ञावीग चमारराः समुंदर धरीरे इदा हना ओड़ाःरेय दोहोनतना।”
7दो बराहील तोराय हना तयोमरे कुरनेलियूस आँयगरिकिनाः बार होड़ सेवकियाकिन अरू आँयग सुदाय दोहोना मी होड़ बिसवासगेयीग सइना होड़, हँकूय राःतेरा। 8हाँय हँकू एचेरे होयानेना हना जमाकूने कता उदुःतेरा अरू जोपा सहर अगीय वारतेडकुःआ।
पतरसराः दरसन
9एटाः दिन तिकिन बेला हँकुःआ पेनेय होड़कू जोपा सहर अगीकू सोदोरनेन मेला पतरस हाँय दोहोना हना ओड़ाःराः सेरमो अरजी लगाय रकबनेना। 10हनमेला हाँय रंगेगतिरिया अरू तोनोंगाः जोम लगाय ओंगलेःआ। हाँय लगा जोम जिनिसकू संजोड़ा हननमेला हाँय मीटोंग दरसने ञेलतेरा। 11हना दरसनरे सेरमो देस गीगनेना अरू मीटोंग ओयोन सोनहे इया तोनोंगाः जिनिसराः चइरो कोनारे साब तड़ावतो उतरावनेना। 12दो हना ओयोन सोनहेरे जमा इयाकुःआ जानरकू, सोलंगाःतकू हँकुःआ जीव जंतरकू, अरू तितीगकू दोहोना। 13अरू हाँय भगवानराः बड़राय अयूमतेरा, “ने पतरस, आम रिमुःमे अरू नँकुःआ जानरकूम ञेड जोमे।”
14दो पतरस कतातेड, “परबू ईंग ओनोरिंग जोमतेडकुःआ। एहूदा नियमरे अले अहापे जोमकू माःआन कतावाडलेःआ। हनालगा नँकुःआ जानरकू अते तोनोंगीग ईंग नुँहू वरी मेरिंग जोमगाडकुःआ।”
15हना अते अरू मीटोंग बड़राय अयूमतेरा, “भगवान तोनोंगाः जिनिस सुदे तुलाकेरा अरू हना सुद कोवानेःआ माःआन अहम कतावा।” 16नाःआ दरसन पेय तुरहा नाःआ इया होयानेना। हनते हना ओयोन सोनहे सेरमो अगीय गोः कुदायान।
17पतरस बयावनेनखने ओंगलेःआ, “नाःआ दरसनराः मतलोब चिला होया अवेनता?” दो हननमेला कुरनेलियूस वारतेडकुःआ हँकुःआ होड़कू सिमोनराः ओड़ाः अगीकू सोदोरनेना। 18हँकुःआ होड़कू हंडा चड़ाँकियानखनकू होंबरेया, “सिमोन पतरस ञावीग होड़ गुतिया होड़ इया नंडा इदानिया जा?”
19पतरस हना दरसन बदीरे ओओंगोलरेय दोहोना दो सुद बिरुवा हाँय एचेरेय कताया, “अयुमेमे, पेनेय होड़कू आमकू ञामतना। 20रिमुःमे अरू लतार अगीम सेन। हँकुःआ होड़कू ईंग इनिंग वारगोतेडकुःआ। हनालगा हँकू सुदा बेगर ओंगोलतेम सलाव जुवाः।”
21दो पतरस हँकुःआ होड़कू अगीय सेनेडा अरूय कताया, “अपे ञमेयतना हाँयग होड़ इनिंग हवे। अपे चिला लगापे वेगकिया?”
22दो हँकू कताया, “कुरनेलियूस ञावीग रूमी देसराः सइना होड़कूरीग हातपात होड़ अले आम एचेरेय वारकेडलेःआ। हाँय भगवाने बोरोवाता अरू हाँयराः कताय मनाःता। एहूदाकू हाँय नपायतेकू मान मरजइतगेयता। आँयग ओड़ाःरे आम राःमे लगा अरू आम कतायता हना जमा कताकून मनावगे लगा हाँय एचेरे भगवानरीग सुद बराहील कतातेरा।” 23दो पतरस हँकू आँयग सुदा हना रइत दोहोन लगा ओड़ाः पेंदारेय राः अदेरतेडकुःआ।
एटाः दिन हाँय हँकू सुदाय सेनेडा अरू जोपा सहर अते तोनोंग तोनोंग बिसवासी होड़कू हों हाँय सुदाकू सेनेडा।
24एटाः दिन हँकू कइसरिया सहररेकू सोदोरनेना। कुरनेलियूस अनँयगरिकुःआ जइत सगाकू अरू निकता सउंगताकू राःतेडकूखन पतरस अरू आँयग सुदाकू वेगा हँकुःआ होड़कूय तंगीःआ।
25पतरस हाँय ओड़ाःरेय बोलोयान दो कुरनेलियूस तबेरनेनखन पतरसे परनामतेडा। 26मनदो पतरस हाँये साब रेमतिरिया अरूय कतातेरा, “चड़ाँनमे। आम ईंग अलोम परनामगिंग। ईंग दो मी होड़ होड़ एकला इदानिंगा।” 27हनते हाँय कुरनेलियूस सुदा बड़रा घड़ीन हाँय ओड़ाः पेंदाय बोलोयान अरू हंडा मुरुक जुमावतो होड़कूय ञेलतेरा।
28दो पतरस हँकू एचेरेय कतातेरा, “अपे नपायतेपे सुदीयतना अले एहूदाकू तोनोंगीग एटाः जइत सगा होड़ सुदा मेरले दोहोनता सहे हाँयग होड़राः ओड़ाःरे मेरले बोलता। मनदो ईंग तोनोंगीग होड़ सदाःआ अरू सुद कोवाया माःआन अलो कतावाय लगा भगवान ईंग एचेरेय एचे कताकेरा। 29हनालगा आम ईंगमे राःतेड दो बेगर कता सालते नंडायिंग वेजेडा। दो नुँहूयिंग होंबरेतना, आम चिला लगा ईंगमे राःकेरा?”
30दो कुरनेलियूस कता कुदातेरा, “चाइर दिन मड़ंग निनिन मिन ढड़काः बेला ईंग ओड़ाःरेयिंग अरजीःआ। असाका मी होड़ होड़ विड़चेड़तो सोनहे तुसिंगतेडखन ईंग मड़ंगरेय चड़ाँयान 31अरूय कताया, ने कुरनेलियूस, भगवान आमराः अरजीय अयूमगोतेडा अरू गरीब होड़कूम संघरावाःआ हना हों भगवान जुकूर इदा। 32दो तोनोंगीग जोपा सहररे वारकेडखन होड़कू पतरस माःआनकू कतावायता, हाँयग सिमोनमे एचे राः अगू। हाँय सिमोन ञावीग चमार जइत होड़राः समुंदर धरीरे इदा हना ओड़ाःरेय दोहोनता, माःआन। 33हनालगा ईंग आम एचेरे होड़कू ओहेनिंग वारतेडकुःआ अरू आम नंडाम वेगकिया दो ननपाय इदा। दो भगवान आम एचेरे अलेय कता उदुःवा लगा तोनोंगाःआय कतातेरा दो हना अयूमगे लगा नुँहू अले जमाकू भगवान मड़ंगरे इदानलेःआ।”
कुरनेलियूसराः ओड़ाःरे पतरस
34हनते पतरस परसारगे लगाय बुँहड़ीतेरा, “नुँहूयिंग सुदीकेरा भगवान तोनोंगीग होड़ एचेरे मेरेय पाचपटीता, 35मनदो जमा जइत होड़कू अते भगवानकू मान मरजइतता अरू सताय बुताकूनकू एचेयता हँकुःआ होड़कूय मनेवाता। 36अपे नपायतेपे सुदीतना, जमाकूरीग परबू इदानिया हाँयग ईसू मसीते भगवान ननानाः सलसतराः नपाय सरवन एचे परसार उदुःतेडखन इसराएल होड़कू एचेरे हना सरवने वारगोतेडा। 37एहुना बतिसमा बदीरेय परसारतेड तयोमरे गलील छतररे बुँहड़ीनेनखन नाःआ सरवन जमा एहूदिया छतररे सेड़यावयना। 38अरू सुद बिरुवा अरू आँयग जंगर एमेवातेडीगखन भगवान नसरतरीग ईसूय एटाःतिडिया। भगवान ईसू सुदाय दोहोन अते, हाँय एटाः एटाः गाँव सहरकून सेनेडखन नपाय बुताय बुतातेरा अरू भूतकू समसावनेना हँकुःआ होड़कूय नपायगोतेडा।
39एहूदिया छतररे अरू एरुसलेम सहररे हाँय एचेकेरा हना जमाकूनराः हिदइतदारकू इदानलेःआ। हँकुःआ होड़कू हाँय कुरूसरेकू ठोंकाव गोएगगोतेडीग। 40मनदो भगवान हाँय पेय दिनरेय जियाव रेमकिडिया अरू होड़कू एचेरेय एचे ञेलयान। 41हाँय जमा होड़कू एचेरे मेरेय एचे ञेलगान मनदो भगवान सुनावतेडकुःआ हँकुःआ हिदइतियाकू एचेरेय एचे ञेलयान। हाँय जियाव रेमकिया हना तयोमते हाँय सुदाकू जोम-ञूया, हँनकुःआ होड़कू एचेरेय एचे ञेलयान।
42अले जमा होड़कू एचेरे परसार उदुःगे लगा अरू जीयत इदनकुःआ हँकुःआ होड़कू अरू गोएगतो होड़कू फड़ियावकू लगा भगवान ईसूय सुनावकेरा, माःआन होड़कू एचेरे सेतावकेडकूखन कता उदुःवाकू लगा अलेय हुकुमवारा। 43हाँय बदीरे भगवानराः बड़रा कता होड़कू जमाकू कता उदुःगेता, तोनोंगीग होड़ हाँय एचेरेय बिसवासगे दो हाँयराः ञावते हाँयग होड़राः कसूर भगवान बराव एंडागोडता।”
बेगर एहूदाकू एचेरे सुद बिरुवा उतराः
44दो पतरस पनरसारगे मेला, भगवानराः सरवनकू अअयूमा हँकुःआ जमा होड़कू सुद बिरुवातेकू पेरेगयान। 45पतरस सुदा हंडाकू वेजेडा हँकुःआ एहूदा बिसवासी होड़कू बेगर एहूदाकू हों सुद बिरुवातेकू पेरेगनेनखन, 46भगवान जाग घड़ीन एटाः एटाः भासीरेकू बड़राःआ हना ञेल अयूमतेडखनकू बयावयान।
47हनते पतरस कतातेड, “नँकुःआ होड़कू सुद बिरुवाकू पवावयान दो बतिसमा गोगोः अते तोनोंगीग नँकू रोंकाव अवेकूताय जा? नँकू अबू इया सुद बिरुवाकू पवावकिया।” 48हँकुःआ होड़कू ईसू मसीराः ञावते बतिसमा एमे लगा पतरस हँकूय हुकुमवातेरा। हना तयोमरे हँकुःआ होड़कू पतरस अँकू सुदा तोनोंग दिन वरीय दोहोन लगाकू कतातेरा।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.