मूक चेलाकू 19
19
पउलूस इपीसी सहररे
1अपोलोस कुरिंतीरेय दोहोन मेला, पउलूस गलातिया अरू पिरगिया छतरते इपीसी सहररेय सेनेडा। हाँय हंडा अदोम बिसवासी होड़कू सुदाय जुमावनेना। 2हाँय हँकू एचेरेय होंबोरतेरा, “अपे बिसवासतेरा हना तयोमरे सुद बिरुवापे पवावनेना जा?”
दो हँकू कता कुदातेरा, “चेले माःआन, अले हना इया सुद बिरुवा इदा माःआन कहियो मेरले अयूमगाड।”
3दो पउलूस होंबोरतेड, “दो करा इया बतिसमापे गोःतेरा?”
दो हँकू कतातेरा, “एहुनाराः बतिसमाले गोःकेरा।”
4पउलूस कतातेरा, “एहुनाराः बतिसमा कसूर अते जीव कुदागे लगा दोहोना। हाँय तयोमतेय वेगता हाँयग होड़ एचेरे बिसवासगे लगा होड़कू एचेरेय कताया अरू हनाँयग होड़ हवे, ईसू।” 5नाःआ कता अयूमकेडखन हँकुःआ होड़कू ईसूराः ञावरे बतिसमाकू गोःतेरा। 6हनते पउलूस हँकुःआ होड़कू चोटरे तिःईय खेपातेड दो सुद बिरुवा हँकू एचेरेय उतरावनेन अरू हँकू एटाः एटाः भासीरेकू बड़राःआ अरू दरवाःआ हना कताकूनकू कता उदुःतेरा। 7हँकू अंदांज बारहगोटोंग होड़कू दोहोना।
8हनते पउलूस पेय महिना वरी हना सहररे एहूदाकूराः अरजी ओड़ाःरे घड़ी घड़ी सेनेडखन बेगर बोतोरतेय कताया अरू भगवानराः राइज बदीरेय कतागोड ञवना। 9मनदो हँकुःआ होड़कू अते अदोम होड़कूराः जीव केटेगयानखन हँकू मेरकू बिसवासगाड अरू ईसूराः दूर बदीरे ओपता घड़ीन होड़कू एचेरेकू कता उदुःतेरा। हनालगा पउलूस अरजी ओड़ाः सेन लगाय अड़ाःगोतेड अरू बिसवासी होड़कू हाँय सुदा गोःतेडखन तरनूसराः चेड ओड़ाःरे सगर दिनकू कता होड़ेंगगोड ञवना। 10नाःआ इया बार बरिस वरी होयानेना अरू आसिया राइजरिकुःआ मुरुक बगरा एहूदाकू अरू बेगर एहूदाकू परबूराः सरवनकू अयूमतेरा।
11भगवान पउलूसते मुरुक बयाव जुवाः इयाःआ बुताकूने एचेःआ। 12तोनोंगाः साफी सहे सोनहेकून पउलूसराः देहरे टोँवावनेना अरू हना साफी सहे सोनहे तोनोंगीग बेमरिया होड़ एचेरेकू गोःगेःआ दो हँकू हसूतेकू नपाय जुवाःआ अरू भूतकू हों हँकू अतेकू उडुंग जुवाःआ।
13अदोम एहूदाकू एटाः एटाः सहरकूनरे सेनेडखन होड़कू अते भूतकूकू उडुंगा। हँकुःआ होड़कू ईसूराः ञावते भूतकू उडुंगगुः लगाकू बरमाःआ। हँकू नाःआ इयाकू कताया, “पउलूस परसारगेतना हाँयग ईसूराः ञावते उडुंग वेग लगाले हुकुमगेतना।” 14एहूदाकूरीग मूक पुजउरी, इसकेवा दोहोना। हाँयरिकुःआ सातगोटोंग बेटाकू नाःआ इया भूतकूकू उडुंगा।
15मनदो मी दिन मीटोंग भूत हँकू एचेरेय कता कुदातेरा, “ईसूयिंग सुदीयतना, अरू पउलूस होयिंग सुदीयतना, मनदो अपे इयेकू हवे?” 16हना तयोमरे भूत दोहोना हाँयग होड़ हँकू चोटरेय डेगा देगयान अरू एचे कसड़गोतेडकूय। हाँय हँकू मुरुके ञेडतेडकुःआ अरू हँकू एकेते अरू घाव गदाहनेनखन हना ओड़ाःतेकू ञीर उडुंगनेना।
17नाःआ कता इपीसीरेकू दोहोना हँकुःआ एहूदाकू अरू बेगर एहूदाकू अयूमतेरा दो हँकुःआ जमा होड़कू मुरुककू बोरोयान अरू परबू ईसूराः ञाव होड़कू तलारे मान मरजइतनेना। 18ईसू एचेरेकू बिसवासतेरा हँकुःआ होड़कू अँकूराः कसूरकून जमाकू तलारे बकावनेनखनकू कबुलावनेना। 19अरू मुरुक बगरा होड़कू जादू मंतरकू लगावा हँकुःआ होड़कू अँननकूराः धामराः सकलाकूनकू अगू जुमावतेरा अरू जमा होड़कू मड़ंगरेकू बाल लो एंडागोतेड। हना धामराः सकलाकूनराः किमइतकू जोड़ावतेरा दो पचास हजार चाँदीराः रिचकी ढिबुवा मिन दोहोना। 20नाःआ इया परबूराः सरवन एटाः एटाः देसरिकुःआ होड़कू एचेरे सिंटावयान अरू भगवान आँयग जंगर जमा होड़कू एचेरेय उदुःतेरा।
21नाःआ जमाकून होयानेन तयोमरे पउलूस मकिदुनिया राइज अरू अकाया छतर पारनेनखन एरुसलेम सेन लगाय ओंगोल रायनेना। हाँय कताया, “हंडा सेनेकियानखन ईंगके रूमी सहर हों सेन लगा इदा।” 22हाँय आँयगरिकिनाः बार होड़ सेवा देंगवा होड़किन, तिमुतियूस अरू इरासतूस मकिदुनिया राइजरेय वार मड़ंगतेडकिना। हना वरीते हाँय तोनोंग बेला वरी आसिया राइजरेय दोहोयान।
इपीसी सहररे हलो-गदोड़ी
23दो हनानाः दिनरे ईसूराः दूरकू साबा हँकुःआ होड़कू लगा मुरुक संताव होयानेना। 24हंडा दिमेतिरियूस ञावीग मी होड़ सोनार दोहोना। हाँय अरतिमीस देबी लगा चाँदीराः मंदिरकूने तुलाःआ। हाँय नाःआ बुताकू बुताता हँकुःआ एटाः होड़कू लगा मुरुक ढिबुवा अदेरगे लगाय संघरावाकुःआ। 25दो हाँय हँकुःआ कड़िगाड़ होड़कूय एचे जुमावतेरा अरू हँकू एचेरेय कताया, “ने ईंगरिकुःआ सउंगताकू, अपे सुसुदीयतना नाःआ बुताते अबू मुरुक ढिबुवाबू अदेरकेरा। 26अपे ञेलतना अरूपे सुसुदीतना, नाँयग पउलूस इपीसी सहररिकुःआ मुरुक बगरा होड़कू अरू जमा आसिया राइजरिकुःआ होड़कूय एचे सुदीगोतेडा अरू एटाः इयाय बहकावगोतेडकुःआ, माःआन। हाँय कतायतना मनुवाराः तिःईतेकू तुलाकेरा हना मुरतीकून भगवान हिरगिस ना लवे। 27नुँहू जगल इदा अबूराः बुता अरू फेरवइत लाय जुवाःता अरू जमा आसिया राइजरिकुःआ होड़कू अरू चउंदीसरिकुःआ होड़कू जागेयतना हाँयग मरंग देबी अरतिमीस अरू हाँयराः मंदिर हों होड़कू एरंगवाता।”
28हँकुःआ होड़कू नाःआ कताकू अयूमतेरा दो हँकू मुरुक रीसनेनखन खिररी घड़ीनकू कताया,
“इपीसीरीग अरतिमीस देबी मरंग इदानिया!
इपीसीरीग अरतिमीस देबी मरंग इदानिया!”
29ओहेन हना सहररिकुःआ जमा होड़कू कड़ीग लगाकू रेमनेना। हँकू पउलूसरिकिनाः दूर सेन देंगवा होड़किन, मकिदुनिया राइजरिकिनाः होड़किन दोहोना हँकिनाः गायूस अरू अरिसतरकूस साबतेडखन मिनी जूदा मरंग अखरारेकू गिरहा बोलोयान। 30पउलूस होड़कू मड़ंगरे सेन लगाय चहाःआ, मनदो एटाः बिसवासी होड़कू हाँय मेरकू सेने ओवागडीग। 31पउलूसरिकुःआ सउंगताकू दोहोना हना देसरिकुःआ अदोम हातपात होड़कू हों हाँय हना अखरारे अहाय सेन लगाकू रोंकावतिडिया।
32हंडाकू जुमावनेना हँकुःआ होड़कू मुरुक रउ-झउरेकू दोहोना। अदोमकू मीटोंग कता अरू एटाः होड़कू एटाः कताकू कताया। मुरुक होड़कू मेरकू सुदीया, अले नंडा चिला लगाले वेगकिया, माःआन। 33एहूदाकू, होड़कू मड़ंगरे सिकंदरकू ढोकलाव अगूतिरिया अरू होड़कू हाँय एचेरे तोनोंग तोनोंग हुकुमकू एमेतेरा। हँकुःआ होड़कू कलेकालकू दोहोन लगा अरू तोनोंगाः बड़रा कता कुदा लगा तिःईतेय उदुःवाकुःआ। 34मनदो हँकू सुदीगोतेड, नाँय एहूदा होड़ हवे माःआन। हननमेला हँकू बार घंटा वरी मिनीनेनखन खिररी घड़ीनकू कताया,
“इपीसी सहररीग अरतिमीस देबी मरंग इदानिया!
इपीसी सहररीग अरतिमीस देबी मरंग इदानिया!”
35दो हना सहररीग सुचू, होड़कू एचे कलेकालतेडकूखने कताया, “ने इपीसीरिकुःआ होड़कू, मरंगीग अरतिमीसराः मंदिर अरू सेरमोते लोजोरनेना हना मुरतीराः जिमेवारी होड़कू इपीसी सहररिकुःआ होड़कू हवे माःआन, जमा चउंदीसरिकुःआ होड़कू मेरकू सुसुदीतना जा? 36हनालगा नाःआ कताकून सताय हवे दो अपे सलसतरे दोहोन लगा इदा अरू तोनोंगाः बेलूर अलोपे एचेय। 37अपे नंडापे अगुकेडकिना हँकिनाः होड़किन अबूराः मंदिर अते तोनोंगाः मेरकिन इनिगगडा अरू अबूरीग देबी बदीरे तोनोंगाः ओपता बड़रा मेरकिन कतागाडा। 38दो दिमेतिरियूस अरू आँयगरिकुःआ बुता देंगवा होड़कू तोनोंगीग बदीरे तोनोंगाः लालिस इदा दो हँकू लालिसगे लगा कोट कछेरी अरू हातपात होड़कू इदानकुःआ। 39नाःआ अते अरू तोनोंगाः ककता इदान दो नियम इया पंचाइत दुड़ुःकेडखन फड़ियावगे लगा इदा। 40तिसिंग होयानेना हनाते अबू बदीरे, हँकू कड़ीगकू रेमतेरा माःआन तोनोंगीग लालिसगेराः बोर इदा। अरू अबू हनाराः तोनोंगाः कता ओरोबू कता कुदा अवेतेरा।” 41नाःआ कतावाडखन हाँय जमा होड़कू हना ततेरतेय एचे सेने ओवातेडकुःआ।
Currently Selected:
मूक चेलाकू 19: kfp
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.
मूक चेलाकू 19
19
पउलूस इपीसी सहररे
1अपोलोस कुरिंतीरेय दोहोन मेला, पउलूस गलातिया अरू पिरगिया छतरते इपीसी सहररेय सेनेडा। हाँय हंडा अदोम बिसवासी होड़कू सुदाय जुमावनेना। 2हाँय हँकू एचेरेय होंबोरतेरा, “अपे बिसवासतेरा हना तयोमरे सुद बिरुवापे पवावनेना जा?”
दो हँकू कता कुदातेरा, “चेले माःआन, अले हना इया सुद बिरुवा इदा माःआन कहियो मेरले अयूमगाड।”
3दो पउलूस होंबोरतेड, “दो करा इया बतिसमापे गोःतेरा?”
दो हँकू कतातेरा, “एहुनाराः बतिसमाले गोःकेरा।”
4पउलूस कतातेरा, “एहुनाराः बतिसमा कसूर अते जीव कुदागे लगा दोहोना। हाँय तयोमतेय वेगता हाँयग होड़ एचेरे बिसवासगे लगा होड़कू एचेरेय कताया अरू हनाँयग होड़ हवे, ईसू।” 5नाःआ कता अयूमकेडखन हँकुःआ होड़कू ईसूराः ञावरे बतिसमाकू गोःतेरा। 6हनते पउलूस हँकुःआ होड़कू चोटरे तिःईय खेपातेड दो सुद बिरुवा हँकू एचेरेय उतरावनेन अरू हँकू एटाः एटाः भासीरेकू बड़राःआ अरू दरवाःआ हना कताकूनकू कता उदुःतेरा। 7हँकू अंदांज बारहगोटोंग होड़कू दोहोना।
8हनते पउलूस पेय महिना वरी हना सहररे एहूदाकूराः अरजी ओड़ाःरे घड़ी घड़ी सेनेडखन बेगर बोतोरतेय कताया अरू भगवानराः राइज बदीरेय कतागोड ञवना। 9मनदो हँकुःआ होड़कू अते अदोम होड़कूराः जीव केटेगयानखन हँकू मेरकू बिसवासगाड अरू ईसूराः दूर बदीरे ओपता घड़ीन होड़कू एचेरेकू कता उदुःतेरा। हनालगा पउलूस अरजी ओड़ाः सेन लगाय अड़ाःगोतेड अरू बिसवासी होड़कू हाँय सुदा गोःतेडखन तरनूसराः चेड ओड़ाःरे सगर दिनकू कता होड़ेंगगोड ञवना। 10नाःआ इया बार बरिस वरी होयानेना अरू आसिया राइजरिकुःआ मुरुक बगरा एहूदाकू अरू बेगर एहूदाकू परबूराः सरवनकू अयूमतेरा।
11भगवान पउलूसते मुरुक बयाव जुवाः इयाःआ बुताकूने एचेःआ। 12तोनोंगाः साफी सहे सोनहेकून पउलूसराः देहरे टोँवावनेना अरू हना साफी सहे सोनहे तोनोंगीग बेमरिया होड़ एचेरेकू गोःगेःआ दो हँकू हसूतेकू नपाय जुवाःआ अरू भूतकू हों हँकू अतेकू उडुंग जुवाःआ।
13अदोम एहूदाकू एटाः एटाः सहरकूनरे सेनेडखन होड़कू अते भूतकूकू उडुंगा। हँकुःआ होड़कू ईसूराः ञावते भूतकू उडुंगगुः लगाकू बरमाःआ। हँकू नाःआ इयाकू कताया, “पउलूस परसारगेतना हाँयग ईसूराः ञावते उडुंग वेग लगाले हुकुमगेतना।” 14एहूदाकूरीग मूक पुजउरी, इसकेवा दोहोना। हाँयरिकुःआ सातगोटोंग बेटाकू नाःआ इया भूतकूकू उडुंगा।
15मनदो मी दिन मीटोंग भूत हँकू एचेरेय कता कुदातेरा, “ईसूयिंग सुदीयतना, अरू पउलूस होयिंग सुदीयतना, मनदो अपे इयेकू हवे?” 16हना तयोमरे भूत दोहोना हाँयग होड़ हँकू चोटरेय डेगा देगयान अरू एचे कसड़गोतेडकूय। हाँय हँकू मुरुके ञेडतेडकुःआ अरू हँकू एकेते अरू घाव गदाहनेनखन हना ओड़ाःतेकू ञीर उडुंगनेना।
17नाःआ कता इपीसीरेकू दोहोना हँकुःआ एहूदाकू अरू बेगर एहूदाकू अयूमतेरा दो हँकुःआ जमा होड़कू मुरुककू बोरोयान अरू परबू ईसूराः ञाव होड़कू तलारे मान मरजइतनेना। 18ईसू एचेरेकू बिसवासतेरा हँकुःआ होड़कू अँकूराः कसूरकून जमाकू तलारे बकावनेनखनकू कबुलावनेना। 19अरू मुरुक बगरा होड़कू जादू मंतरकू लगावा हँकुःआ होड़कू अँननकूराः धामराः सकलाकूनकू अगू जुमावतेरा अरू जमा होड़कू मड़ंगरेकू बाल लो एंडागोतेड। हना धामराः सकलाकूनराः किमइतकू जोड़ावतेरा दो पचास हजार चाँदीराः रिचकी ढिबुवा मिन दोहोना। 20नाःआ इया परबूराः सरवन एटाः एटाः देसरिकुःआ होड़कू एचेरे सिंटावयान अरू भगवान आँयग जंगर जमा होड़कू एचेरेय उदुःतेरा।
21नाःआ जमाकून होयानेन तयोमरे पउलूस मकिदुनिया राइज अरू अकाया छतर पारनेनखन एरुसलेम सेन लगाय ओंगोल रायनेना। हाँय कताया, “हंडा सेनेकियानखन ईंगके रूमी सहर हों सेन लगा इदा।” 22हाँय आँयगरिकिनाः बार होड़ सेवा देंगवा होड़किन, तिमुतियूस अरू इरासतूस मकिदुनिया राइजरेय वार मड़ंगतेडकिना। हना वरीते हाँय तोनोंग बेला वरी आसिया राइजरेय दोहोयान।
इपीसी सहररे हलो-गदोड़ी
23दो हनानाः दिनरे ईसूराः दूरकू साबा हँकुःआ होड़कू लगा मुरुक संताव होयानेना। 24हंडा दिमेतिरियूस ञावीग मी होड़ सोनार दोहोना। हाँय अरतिमीस देबी लगा चाँदीराः मंदिरकूने तुलाःआ। हाँय नाःआ बुताकू बुताता हँकुःआ एटाः होड़कू लगा मुरुक ढिबुवा अदेरगे लगाय संघरावाकुःआ। 25दो हाँय हँकुःआ कड़िगाड़ होड़कूय एचे जुमावतेरा अरू हँकू एचेरेय कताया, “ने ईंगरिकुःआ सउंगताकू, अपे सुसुदीयतना नाःआ बुताते अबू मुरुक ढिबुवाबू अदेरकेरा। 26अपे ञेलतना अरूपे सुसुदीतना, नाँयग पउलूस इपीसी सहररिकुःआ मुरुक बगरा होड़कू अरू जमा आसिया राइजरिकुःआ होड़कूय एचे सुदीगोतेडा अरू एटाः इयाय बहकावगोतेडकुःआ, माःआन। हाँय कतायतना मनुवाराः तिःईतेकू तुलाकेरा हना मुरतीकून भगवान हिरगिस ना लवे। 27नुँहू जगल इदा अबूराः बुता अरू फेरवइत लाय जुवाःता अरू जमा आसिया राइजरिकुःआ होड़कू अरू चउंदीसरिकुःआ होड़कू जागेयतना हाँयग मरंग देबी अरतिमीस अरू हाँयराः मंदिर हों होड़कू एरंगवाता।”
28हँकुःआ होड़कू नाःआ कताकू अयूमतेरा दो हँकू मुरुक रीसनेनखन खिररी घड़ीनकू कताया,
“इपीसीरीग अरतिमीस देबी मरंग इदानिया!
इपीसीरीग अरतिमीस देबी मरंग इदानिया!”
29ओहेन हना सहररिकुःआ जमा होड़कू कड़ीग लगाकू रेमनेना। हँकू पउलूसरिकिनाः दूर सेन देंगवा होड़किन, मकिदुनिया राइजरिकिनाः होड़किन दोहोना हँकिनाः गायूस अरू अरिसतरकूस साबतेडखन मिनी जूदा मरंग अखरारेकू गिरहा बोलोयान। 30पउलूस होड़कू मड़ंगरे सेन लगाय चहाःआ, मनदो एटाः बिसवासी होड़कू हाँय मेरकू सेने ओवागडीग। 31पउलूसरिकुःआ सउंगताकू दोहोना हना देसरिकुःआ अदोम हातपात होड़कू हों हाँय हना अखरारे अहाय सेन लगाकू रोंकावतिडिया।
32हंडाकू जुमावनेना हँकुःआ होड़कू मुरुक रउ-झउरेकू दोहोना। अदोमकू मीटोंग कता अरू एटाः होड़कू एटाः कताकू कताया। मुरुक होड़कू मेरकू सुदीया, अले नंडा चिला लगाले वेगकिया, माःआन। 33एहूदाकू, होड़कू मड़ंगरे सिकंदरकू ढोकलाव अगूतिरिया अरू होड़कू हाँय एचेरे तोनोंग तोनोंग हुकुमकू एमेतेरा। हँकुःआ होड़कू कलेकालकू दोहोन लगा अरू तोनोंगाः बड़रा कता कुदा लगा तिःईतेय उदुःवाकुःआ। 34मनदो हँकू सुदीगोतेड, नाँय एहूदा होड़ हवे माःआन। हननमेला हँकू बार घंटा वरी मिनीनेनखन खिररी घड़ीनकू कताया,
“इपीसी सहररीग अरतिमीस देबी मरंग इदानिया!
इपीसी सहररीग अरतिमीस देबी मरंग इदानिया!”
35दो हना सहररीग सुचू, होड़कू एचे कलेकालतेडकूखने कताया, “ने इपीसीरिकुःआ होड़कू, मरंगीग अरतिमीसराः मंदिर अरू सेरमोते लोजोरनेना हना मुरतीराः जिमेवारी होड़कू इपीसी सहररिकुःआ होड़कू हवे माःआन, जमा चउंदीसरिकुःआ होड़कू मेरकू सुसुदीतना जा? 36हनालगा नाःआ कताकून सताय हवे दो अपे सलसतरे दोहोन लगा इदा अरू तोनोंगाः बेलूर अलोपे एचेय। 37अपे नंडापे अगुकेडकिना हँकिनाः होड़किन अबूराः मंदिर अते तोनोंगाः मेरकिन इनिगगडा अरू अबूरीग देबी बदीरे तोनोंगाः ओपता बड़रा मेरकिन कतागाडा। 38दो दिमेतिरियूस अरू आँयगरिकुःआ बुता देंगवा होड़कू तोनोंगीग बदीरे तोनोंगाः लालिस इदा दो हँकू लालिसगे लगा कोट कछेरी अरू हातपात होड़कू इदानकुःआ। 39नाःआ अते अरू तोनोंगाः ककता इदान दो नियम इया पंचाइत दुड़ुःकेडखन फड़ियावगे लगा इदा। 40तिसिंग होयानेना हनाते अबू बदीरे, हँकू कड़ीगकू रेमतेरा माःआन तोनोंगीग लालिसगेराः बोर इदा। अरू अबू हनाराः तोनोंगाः कता ओरोबू कता कुदा अवेतेरा।” 41नाःआ कतावाडखन हाँय जमा होड़कू हना ततेरतेय एचे सेने ओवातेडकुःआ।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.