मूक चेलाकू 3
3
ठुठा होड़राः नपायगुः
1मी दिन पतरस अरू एहुना ढड़काः बेला भगवान ओड़ाः अगी अरजी बेलारेकिन सेनेडा। 2दो जनमावनेन वरीते मेरेय सेने अवेना मी होड़ होड़ दोहोना। अरू होड़कू हाँयकू तूल अगुःआ अरू भगवान ओड़ाःराः सुघर ञावराः हता दुवाररे हाँयकू गेतेगतिरियाकू। भगवान ओड़ाःरेकू सेना हँकुःआ होड़कू एचेरेय असे जोमा। 3दो पतरस अरू एहुना भगवान ओड़ाःरे बोल लगाकिन दोहोना दो, हाँय हँकिन एचेरे ढिबुवाय असेया। 4पतरस एहुना सुदा हाँयग होड़ अगीकिन ञेला अरूय कताया, “अलिंगमे ञेल।” 5दो हाँयग होड़ हँकिनाः होड़किन तोनोंगाःकिन एमेवायिंगता, माःआन ओंगोलतेडखन हँकिन अगीय ञेलतेरा।
6मनदो पतरस कतातेड, “ईंग एचेरे सोना अरू चाँदी कोवानेःआ, मनदो ईंग एचेरे इदा हना ईंग एमेवामतिंग। नसरेतरीग ईसू मसीराः ञावतेम सेन।” 7पतरस हाँयराः खउना तिःई साबतेडखने रेमतिरिया अरू हननमेला हाँयराः काट अरू ईडी बड़ियाड़यान। 8हाँय रेम चड़ाँयाने अरूय दँड़ाःगोडा। हनते हाँय हँकिन सुदाय सेना अरू तुड़ुक घड़ीन भगवाने जागा। 9हाँय सेनेन सेन घड़ीन भगवाने जागा, हना जमा होड़कू ञेला 10अरू हाँयकू सिनहागोतेडीग, नाँय दो भगवान ओड़ाःराः सुघर ञावाः हता दुवाररे दुडुःकियानखने असे जोमा हनाँयग होड़ हवे। अरू हाँयके चिला होयानेना हना ओंगोलतेडखनकू बयावयान।
पतरस भगवानराः जाग ओड़ाःरे
11नपाययना हाँयग होड़ पतरस अरू एहुनाय साब हताड़ा दो जमा होड़कू बयाः घड़ीन हँकू एचेरे सुलइमान ञावराः परछीरे बतकाव घड़ीनकू सोदोरनेना। 12पतरस नाःआय ञेलतेड दो हाँय हँकू एचेरेय कतातेरा, “ने इसराएलरिकुःआ होड़कू, नाःआ कताते अपे चिला लगापे बयावयना? अले अँननलेराः जंगरते सहे नपाय जीवते नाँयग होड़ले नपायतेरा माःआन ओंगोलकेडखन चिला लगा अलेपे कियोः-कोबोःवातना? 13इबराहीमरीग भगवान अरू इसहाकरीग भगवान अरू एकूबरीग भगवान अरू अबूरिकुःआ जमा खुटिपरिया होड़कूरीग भगवान, आँयग सेवकिया ईसूय मान मरजइतकेरा। अपे इसराएल होड़कू ईसू ञेड एंडागेय लगा रूमी देसरीग मरंग हातपात होड़ पिलातूस एचेरेपे जिमातिरिया अरू हाँय ईसूय एचे अड़ाःगेय लगाय ओंगोलतेरा, मनदो अपे हाँय मड़ंगरे ईसूपे आड-बेकारवातिरिया। 14अपे सुद अरू बेगर कसूरीग होड़ ईसूपे आड-बेकारवातेरा अरू हाँय बदलारे ञेड एएंडा होड़पे एचे अड़ाःतेरा। 15अपे जीव तुलादार ईसूपे एचे ञेड गोएग एंडातिरिया। मनदो भगवान हाँय गोएगतो होड़कू अतेय जियाव रेमकिरिया। अले नाःआ कताराः हिदइतदारकू इदानलेःआ। 16मड़ंगरे खोड़ाय दोहोना नाँयग होड़पे सुदीयतना अरूपे ञेलेयतना। नाँय ईसू एचेरेय बिसवासकेरा अरूय बड़ियाड़यना। अले ईसू एचेरेय बिसवासकेड अते जमा होड़कू ञेनेलतान मेला नाँयग होड़ जमालेःआतेय नपाययना।
17दो अजी बोपोहकूतिंग, ईंग सुदीयतना अपे अनसिनहारते अपेरिकुःआ मूक होड़कू इया ईसू ञेड गोजेय लगापे रायनेना। 18मनदो भगवानराः बड़रा कता होड़कू, मड़ंगरे ईसू बदीरेकू कतातेरा, मसी मुरुक कटसियाय सहावता, माःआन अरू हना जमा कताकून भगवान नाःआ इयाय पुरावकेरा। 19हनालगा भगवान अगी अपे कसूर अते जीवपे कुदा, दो हाँय अपेराः जमा कसूरकूने बराव एंडागोडता अरू भगवान अगीते अपेराः जीव अहाल-बहाल जुवाःता, 20अरू हाँय अपे लगा आँयग सुनावतो मसी, ईसूय वारगोडता। 21भगवानराः बड़राकू कतायता हँकुःआ सुद होड़कू मड़ंग जूगरेकू कता उदुःतेरा हनन इया भगवान जमाकूने नँवा अरीने तुलागे वरी, ईसू सेरमो देसरे दोहोन लगा इदा। 22मोसेस हनाँयग बदीरेय कतातेरा,
आमरीग परबू भगवान अपे लगा
ईंग इया मी होड़ होड़ भगवानराः बड़रा कतायीग होड़
अपे तलारेतेय वारेयता।
दो हाँय चिन चिलाय कतायता हना जमाकूनपे मनाः।#दो. नि. 18:15
23हाँयराः कता मेरकू मनाःता,
हँकुःआ होड़कू कहियो ओरो भगवानरिकुःआ होड़कू सुदा ओरोकू दोहोनेना।#दो. नि. 18:19
24सनातायरे भगवानराः बड़रा कता होड़ समुएलराः परिया जूग वरीतेकुःआ भगवानराः बड़रा कता होड़कू जमाकू हों नाःआ बेलाराः बदीरेकू कता उदुःगेःआ। 25अपे भगवानराः बड़रा कता होड़कूरिकुःआ नइड़-बाँस होड़कू इदानपेःआ अरू भगवान अबूरिकुःआ खुटिपरिया होड़कू सुदाय जबानतेरा हना जबानराः इताडदारकू इदानबुःआ। अरू भगवान अबूरीग खुटिपरिया होड़ इबराहीम एचेरे नाःआ इयाय जबानतेरा,
आमरिकुःआ नइड़-बाँस होड़कूते,
चउंदीसरिकुःआ जमा जइत होड़कू ननपायकू दोहोनता।#रेःएत 22:18
26भगवान आँयग बेटात#3:26 उनानी भासीरे बेटात बदलारे सेवादार माःआन ओजाःतो इदा। ईसू गोएगतो होड़कू अतेय जियाव रेमकिरिया अरू हाँय अपे अँननपेराः कसूर अते जीव एचे कुदाकेडखन अपेराः जीव ननपायगे लगाय वारतिरिया।”
Currently Selected:
मूक चेलाकू 3: kfp
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.
मूक चेलाकू 3
3
ठुठा होड़राः नपायगुः
1मी दिन पतरस अरू एहुना ढड़काः बेला भगवान ओड़ाः अगी अरजी बेलारेकिन सेनेडा। 2दो जनमावनेन वरीते मेरेय सेने अवेना मी होड़ होड़ दोहोना। अरू होड़कू हाँयकू तूल अगुःआ अरू भगवान ओड़ाःराः सुघर ञावराः हता दुवाररे हाँयकू गेतेगतिरियाकू। भगवान ओड़ाःरेकू सेना हँकुःआ होड़कू एचेरेय असे जोमा। 3दो पतरस अरू एहुना भगवान ओड़ाःरे बोल लगाकिन दोहोना दो, हाँय हँकिन एचेरे ढिबुवाय असेया। 4पतरस एहुना सुदा हाँयग होड़ अगीकिन ञेला अरूय कताया, “अलिंगमे ञेल।” 5दो हाँयग होड़ हँकिनाः होड़किन तोनोंगाःकिन एमेवायिंगता, माःआन ओंगोलतेडखन हँकिन अगीय ञेलतेरा।
6मनदो पतरस कतातेड, “ईंग एचेरे सोना अरू चाँदी कोवानेःआ, मनदो ईंग एचेरे इदा हना ईंग एमेवामतिंग। नसरेतरीग ईसू मसीराः ञावतेम सेन।” 7पतरस हाँयराः खउना तिःई साबतेडखने रेमतिरिया अरू हननमेला हाँयराः काट अरू ईडी बड़ियाड़यान। 8हाँय रेम चड़ाँयाने अरूय दँड़ाःगोडा। हनते हाँय हँकिन सुदाय सेना अरू तुड़ुक घड़ीन भगवाने जागा। 9हाँय सेनेन सेन घड़ीन भगवाने जागा, हना जमा होड़कू ञेला 10अरू हाँयकू सिनहागोतेडीग, नाँय दो भगवान ओड़ाःराः सुघर ञावाः हता दुवाररे दुडुःकियानखने असे जोमा हनाँयग होड़ हवे। अरू हाँयके चिला होयानेना हना ओंगोलतेडखनकू बयावयान।
पतरस भगवानराः जाग ओड़ाःरे
11नपाययना हाँयग होड़ पतरस अरू एहुनाय साब हताड़ा दो जमा होड़कू बयाः घड़ीन हँकू एचेरे सुलइमान ञावराः परछीरे बतकाव घड़ीनकू सोदोरनेना। 12पतरस नाःआय ञेलतेड दो हाँय हँकू एचेरेय कतातेरा, “ने इसराएलरिकुःआ होड़कू, नाःआ कताते अपे चिला लगापे बयावयना? अले अँननलेराः जंगरते सहे नपाय जीवते नाँयग होड़ले नपायतेरा माःआन ओंगोलकेडखन चिला लगा अलेपे कियोः-कोबोःवातना? 13इबराहीमरीग भगवान अरू इसहाकरीग भगवान अरू एकूबरीग भगवान अरू अबूरिकुःआ जमा खुटिपरिया होड़कूरीग भगवान, आँयग सेवकिया ईसूय मान मरजइतकेरा। अपे इसराएल होड़कू ईसू ञेड एंडागेय लगा रूमी देसरीग मरंग हातपात होड़ पिलातूस एचेरेपे जिमातिरिया अरू हाँय ईसूय एचे अड़ाःगेय लगाय ओंगोलतेरा, मनदो अपे हाँय मड़ंगरे ईसूपे आड-बेकारवातिरिया। 14अपे सुद अरू बेगर कसूरीग होड़ ईसूपे आड-बेकारवातेरा अरू हाँय बदलारे ञेड एएंडा होड़पे एचे अड़ाःतेरा। 15अपे जीव तुलादार ईसूपे एचे ञेड गोएग एंडातिरिया। मनदो भगवान हाँय गोएगतो होड़कू अतेय जियाव रेमकिरिया। अले नाःआ कताराः हिदइतदारकू इदानलेःआ। 16मड़ंगरे खोड़ाय दोहोना नाँयग होड़पे सुदीयतना अरूपे ञेलेयतना। नाँय ईसू एचेरेय बिसवासकेरा अरूय बड़ियाड़यना। अले ईसू एचेरेय बिसवासकेड अते जमा होड़कू ञेनेलतान मेला नाँयग होड़ जमालेःआतेय नपाययना।
17दो अजी बोपोहकूतिंग, ईंग सुदीयतना अपे अनसिनहारते अपेरिकुःआ मूक होड़कू इया ईसू ञेड गोजेय लगापे रायनेना। 18मनदो भगवानराः बड़रा कता होड़कू, मड़ंगरे ईसू बदीरेकू कतातेरा, मसी मुरुक कटसियाय सहावता, माःआन अरू हना जमा कताकून भगवान नाःआ इयाय पुरावकेरा। 19हनालगा भगवान अगी अपे कसूर अते जीवपे कुदा, दो हाँय अपेराः जमा कसूरकूने बराव एंडागोडता अरू भगवान अगीते अपेराः जीव अहाल-बहाल जुवाःता, 20अरू हाँय अपे लगा आँयग सुनावतो मसी, ईसूय वारगोडता। 21भगवानराः बड़राकू कतायता हँकुःआ सुद होड़कू मड़ंग जूगरेकू कता उदुःतेरा हनन इया भगवान जमाकूने नँवा अरीने तुलागे वरी, ईसू सेरमो देसरे दोहोन लगा इदा। 22मोसेस हनाँयग बदीरेय कतातेरा,
आमरीग परबू भगवान अपे लगा
ईंग इया मी होड़ होड़ भगवानराः बड़रा कतायीग होड़
अपे तलारेतेय वारेयता।
दो हाँय चिन चिलाय कतायता हना जमाकूनपे मनाः।#दो. नि. 18:15
23हाँयराः कता मेरकू मनाःता,
हँकुःआ होड़कू कहियो ओरो भगवानरिकुःआ होड़कू सुदा ओरोकू दोहोनेना।#दो. नि. 18:19
24सनातायरे भगवानराः बड़रा कता होड़ समुएलराः परिया जूग वरीतेकुःआ भगवानराः बड़रा कता होड़कू जमाकू हों नाःआ बेलाराः बदीरेकू कता उदुःगेःआ। 25अपे भगवानराः बड़रा कता होड़कूरिकुःआ नइड़-बाँस होड़कू इदानपेःआ अरू भगवान अबूरिकुःआ खुटिपरिया होड़कू सुदाय जबानतेरा हना जबानराः इताडदारकू इदानबुःआ। अरू भगवान अबूरीग खुटिपरिया होड़ इबराहीम एचेरे नाःआ इयाय जबानतेरा,
आमरिकुःआ नइड़-बाँस होड़कूते,
चउंदीसरिकुःआ जमा जइत होड़कू ननपायकू दोहोनता।#रेःएत 22:18
26भगवान आँयग बेटात#3:26 उनानी भासीरे बेटात बदलारे सेवादार माःआन ओजाःतो इदा। ईसू गोएगतो होड़कू अतेय जियाव रेमकिरिया अरू हाँय अपे अँननपेराः कसूर अते जीव एचे कुदाकेडखन अपेराः जीव ननपायगे लगाय वारतिरिया।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.