लूका 2
2
ईसूराः जनमावगुः
(मती 1:18-25)
1हनानाः दिनरे अगसतस ञावीग रूमी देसरीग कइसर राजा नाःआ हुकुमे एमेतेरा, जमा रूमी देसरिकुःआ होड़कू मलगुजारी एमे लगा अँनकूराः ञाव एचे जोड़ाव इदा, माःआन। 2सिरिया राइजरीग मरंग हातपात होड़ किरिनियूस दोहोना हनमेला मनाड़ंग ञाव एचे जोड़ाव होयानेना। 3हनालगा जमा होड़कू अँकू अँकू गाँवरे ञाव एचे जोड़ाव लगाकू सेनेडा।
4उसूप, दाऊद राजारीग नइड़-बाँस होड़े दोहोना। हनालगा हाँय हों गलील छतरराः नसरत गाँव अते एहूदिया छतररे दाऊदराः सहर बेतलहेमे सेनेडा। 5मरियमराः मंगा बरा उसूप सुदा होयानेना अरू मरियम भरी पावरेय दोहोना।#लूका 1:35 दो हँकिन बना होड़ ञाव एचे जोड़ाव लगा बेतलहेम सहररेकिन सेनेडा। 6दो हंडाकिन दोहोन मेला मरियमराः अमिंगुःराः बेला सोदोरनेना। 7हंडा हाँयरीग मरंगीग बेटात जनमावनेना। अरू धरमसाला ओड़ाःरे हँकूके दोहोन लगा डेरा मेर दोहोगान अते, हाँय बेटात ओयो रेडतिरिगखन ठोंगारेय गेतेगगोतेडीग।
सेरमो देसरिकुःआ बराहीलकू अरू सरवाहाकू
8दो हना छतररे तोनोंग तोनोंग सरवाहाकू दोहोना। हँकुःआ होड़कू रइतरे भेड़ाकूकू अगुराःआ। 9हनमेला सेरमो देसरीग बराहील हँकू एचेरे असाकाय एचे ञेलयान। भगवानराः मरसल हँकूराः चइरो गतर विड़चेड़नेना अरू हँकू मुरुककू बोरोयान। 10दो हाँयग बराहील कतातेड, “अहापे बोर। अपे एचेरे नपाय सरवन उदुःगे लगायिंग वेगकिया। नाःआ सरवनते जमा होड़कू बहाल जुवाःता। 11तिसिंग दाऊदराः सहर बेतलहेमरे, अपे लगा मी होड़ सडावदार जनमावकिया। अरू हनाँय हवे, परबू मसी। 12अपे लगा नाःआ चिनहा दोहोनता। मीटोंग ठोंगारे सोनहेते ओयो रेडतो मी होड़ डेंबा गेतेगतोपे ञेलेयता।”
13हननमेला सेरमो देसरिकुःआ मुरुक बगरा बराहीलकू हाँयग बराहील सुदा असाकाकू जुमावनेना। अरू हँकू भगवान जाग जागकू कतातेरा,
14“सेरमो देसरे इदानिया हाँयग भाबी भगवानले जागतना।
भगवान ननायकूता हँकुःआ होड़कू लगा हाँय सलसते एमेता।”
15सेरमो देसरिकुःआ बराहीलकू कुदायान दो हँकुःआ सरवाहाकू कता होड़ेंगा, दोबू अबू बेतलहेम अगी सेनेकियानखन परबू कताया हनाबू ञेल अगूता, माःआन। 16हँकू सेन उसरावतेडखनकू सोदोरनेन। हंडा उसूप अरू मरियम दोहोना अरू डेंबा ठोंगारेकू ञेलतिरिया। 17हँकू डेंबाकू ञेलतेरा हना तयोमते सेरमो देसरीग बराहील कतातेरा हना बड़रा, जमा होड़कू एचेरेकू कता उदुःतेरा। 18नाःआ बड़रा अयूमतेडखन जमा होड़कू बयावयानकू। 19मनदो मरियम, जमा कताकून अनँयग जीवरे दोहोतेडखने ओंगोलगोड ञवना। 20बराहील कतातेरा हनन इया सरवाहाकू ञेलतेडखन अरू अयूमतेडखन हँकू भगवान जनाग जाग डंडहा अगीकू कुदायान।
भगवान ओड़ाःरे ईसूराः लुंबाड़
21मरियम भरी-पावगुः अते मड़ंग, सेरमो देसरीग बराहील लँइगराः ञाव ईसू माःआन साब लगाय कतातेरा। दो हाँयग लँइग आठ दिनरे एहूदाकूराः रिती-बिधी इयाकू खतनातिरिया। दो हाँयराः ञाव, ईसू माःआनकू साबतेरा।
22मरियमके गांगबोलोनराः#2:22 एहूदाकूराः नियम इया लँइग जनमावनेनखन चालीस दिन तयोमरे हाँयग लँइगरीग एंगात बली देगगे दोहोना। नान अते हाँयग अइमी सुदगुःआ।#लेवी 12:6-8; एचे उडुंग 13:2,12,15 बेला सोदोरनेन दो भगवान मोसेसते एहूदाकू लगाय एमेतेरा हना नियम इया, हँकिन बना होड़ एरुसलेमरे भगवान ओड़ाःरे ईसूकिन गोःयाड अरू परबू लगा हाँयकिन एटाःतेरा। 23भगवानराः नियमरे ओजाःतो इदा, मड़ंगीग बेटा भगवान लगा एएटाः इदा#दो. नि. 18:15-16, माःआन। हनालगा नाःआ इयाकिन एचेतेरा। 24भगवानराः नियमरे नाःआ हों ओजाःतो इदा, मी जवइर पड़की सहे बारटोंग पेरवाँ होनकिन बलिदान एमे इदा।#लेवी 12:8; एचे उडुंग 13:2,12,15 अरू हना नियम इया हँकिन बलिदानकिन देगतेरा।
25दो हंडा एरुसलेम सहररे सिमोन ञावीग होड़ दोहोना। हाँय बेगर गारबार होड़े दोहोना अरू भगवानराः नियम इयाय जियाःआ। भगवानराः सुद बिरुवा हाँय जीवरे दोहोना। इसराएल होड़कूय सडावता हाँयग होड़ लगा सिमोन ततंगीःआ। 26भगवानराः सुद बिरुवा मड़ंगरे सिमोन एचेरे कतातेरा, भगवान वारेयता हाँयग मसी अरीनमे ञेलेय हना वरी आम ओरोम गोएगनेना, माःआन। 27दो मी दिन भगवानराः सुद बिरुवा भगवान ओड़ाः सेन लगा हाँय अगुवाइवातेरिया। हनमेला नियमरे इदा हनन इया एचेय लगा एंगात अपात ईसू भगवान ओड़ाःरेकिन गोः बोलोतिरया। 28सिमोन ईसूय ञेलतेड अरू हाँय सेपेंगतिरिगखन भगवाने जागतेरा, 29अरूय कताया,
“परबू, ईंग आमरीग सेवकिया हवे अरू आमराः जबान इयाम एचेयकेरा,
दो नुँहू ईंग सलसतमे गोएग ओवायिंग।
30आम वारकिरिया हाँयग सडावदार
नुँहू इनिंग ईंग ञेलगोतेडिया।
31अरू आम सपड़ाव दोहोकिरिया ननाँयग सडावदार
जमा देसरिकुःआ होड़कू होंकू ञेलेयता।
32नाँय बेगर एहूदाकू एचेरे भगवानराः दूर उदुःवाकू लगा मरसल इयाय होयाःता,
अरू नाँय अते इसराएल होड़कूके मान मरजइत होयाःता।”#2 कुरि 4:6
33नाःआ बड़रा अयूमवाडखन ईसूरिकिनाः एंगात अपातकिन बयावयान। 34हनते सिमोन उसूप अरू मरियम भलावातेडकिनखन मरियम एचेरेय कतातेरा,
“अयुमेमे, नाँयग लँइगते इसराएलरिकुःआ बगरा होड़कूराः जीव लायगुः लगा अरू एटाःकूराः जीव बनसावगुः लगा होयाःता।
नाँयग लँइग भगवान अते होड़कू लगा मीटोंग चिनहाय होयाःता अरू मुरुक बगरा होड़कू हाँयकू घंटाता,
35जेमहा मुरुक बगरा होड़कूराः ओंगोल एटाःकू एचेरेय एचे सुदीगोड।
अरू ने मरियम, आमराः जीव हों तलवइरते भोकात इया हुडिंग जुवाःता।”
36मी होड़ अना ञावीग डुकरी दोहोना। हाँय भगवानराः बड़रा कतायीग अइमी दोहोना। हाँयरीग अपातराः ञाव फनुएल दोहोना अरू हाँय असेर#2:36 इसराएल होड़कूराः बारहो गोतोर अते मीटोंग गोतोर असेर दोहोना। एकूबरिकुःआ बाराहटोंग लइंकू अते मी होड़ हवे असेर। हना गोतोरराः ञाव नाँय असेर अते होयानेना। गोतोररीग होड़ दोहोना। हाँय बियाह तयोमरे सात बरिस आँयग हड़मतो सुदाय दोहोना। 37अरू हनते हाँय चउरासी बरिस वरी रंडियाहीने दोहोना। हाँय जमा बेला भगवानराः ओड़ाःरे भगवान जागवाडखन सेवारेय दोहोना अरू रइत दिन उपास घड़ीन भगवान एचेरेय अरजीःआ। 38दो सिमोन, उसूप अरू मरियम एचेरेय कतातेरा हनमेला हाँय हनंडा सेनेकियानखन भगवाने जागतेरा। एरुसलेम सहररिकुःआ होड़कूराः सडाव लगाकू ततंगीःआ, हँकुःआ जमा होड़कू एचेरे हाँयग लँइग बदीरेय कता उदुःगेःआ।
39उसूप अरू मरियम भगवानराः नियम इया जमा एचे चबातेडखन गलीलराः सियाँ सरहदरे अँनकूराः गाँव नसरेतरेकिन कुदायान। 40ईसू हरानेन अरूय बड़ियाड़नेन। हाँय कनहूनतेय बडे इदीना अरू भगवान हाँय मुरुके मयावातेरिया।
ईसू चेडदार होड़कू सुदाय बड़राःआ
41ईसूरिकिनाः एंगात अपात पसहा#एचे उडुंग 12:1-51 परोब लगा सगर बरिस एरुसलेमकिन सेना। 42ईसूराः बारह बरिस होयानेना हना बरिस हों हँकू परुसीकू अरू सगाकू सुदा परोब मनाःकू सेनेडा। 43परोब चबायान दो ईसूरिकिनाः एंगात अपात ओड़ाःकिन कुदायान। ईसू एनेरुसलेमरेय दोहोयान। मनदो एंगात अपात मेरकिन सुसुदीःआ। 44हँकिन ओंगोलतेडा, ईसू गलील छतर अगीकू सलाःतना हँकुःआ होड़कू सुदा इदानिया, माःआन। अरू हँकिन बारह कोस दुरहिया तोरोकिन। हना तयोमरे हँकिन सगाकू तलारे ईसूकिन ञामगेया। 45मनदो हाँय मेरकिन ञामगडीग। हनालगा हँकिन ईसू ञाम लगा एरुसलेम अरूकिन कुदायान। 46पेय दिन तयोमरे हँकिन भगवान ओड़ाःरे ईसू नियम चेडदार होड़कू सुदा दुड़ुःतोकिन ञेलतिरिया। ईसू नियम चेडदार होड़कूराः बड़राय अयूमा अरू हँकू एचेरे सवालकूने होंबोरा। 47ईसूराः कनहून अरू हाँयराः बड़रा अयूमकेडखन जमा होड़कू बयावयान। 48दो ईसूरिकिनाः एंगात अपात ईसू हंडा नियम चेडदार होड़कू सुदा ञेलवाडीगखन मुरुककिन बयावयान। अरू मरियम ईसू एचेरेय कताया, “ने बाबू, आम चिला लगा अलिंग सुदा नाःआ इयाम एचेकेरा? ईंग अरू आमरीग अपांग आम ञाम ञामलिंग पड़ूयना।”
49ईसू कताया, “अबा चिला लगा ईंगबा सपाःआ? अबा मेरबा सुसुदीतना जा ईंगके इनिंग अपांग#2:49 ईसूरीग अपांग भगवान दोहोना अरू भगवानराः सुद बिरुवाते ईसू जनमावगुःआ। हनालगा हाँय भगवान ईंग अपांग, माःआने कतावाया। ओड़ाःरे दोहोन इदा, माःआन।” 50मनदो ईसू कतातेरा हना बड़रा हँकिन मेरकिन बुझाव अवेगान।
51हना तयोमरे ईसू एंगात अपात सुदा नसरेतरेय कुदा सेनेडा। अरू हाँय हँकिनराः जमा कताय मनवेःआ। मरियम हना कता मेरेय लिड़िंगाड अरू अनँयग जीवरेय ओंगोल दोहोगोतेड। 52ईसू कनहूनरेय बडेनेना अरू आँयग जीव बड़ियाड़यान। भगवान अरू एटाः होड़कूराः ओंगोलरे हाँय नपाये दोहोना।
Currently Selected:
लूका 2: kfp
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.
लूका 2
2
ईसूराः जनमावगुः
(मती 1:18-25)
1हनानाः दिनरे अगसतस ञावीग रूमी देसरीग कइसर राजा नाःआ हुकुमे एमेतेरा, जमा रूमी देसरिकुःआ होड़कू मलगुजारी एमे लगा अँनकूराः ञाव एचे जोड़ाव इदा, माःआन। 2सिरिया राइजरीग मरंग हातपात होड़ किरिनियूस दोहोना हनमेला मनाड़ंग ञाव एचे जोड़ाव होयानेना। 3हनालगा जमा होड़कू अँकू अँकू गाँवरे ञाव एचे जोड़ाव लगाकू सेनेडा।
4उसूप, दाऊद राजारीग नइड़-बाँस होड़े दोहोना। हनालगा हाँय हों गलील छतरराः नसरत गाँव अते एहूदिया छतररे दाऊदराः सहर बेतलहेमे सेनेडा। 5मरियमराः मंगा बरा उसूप सुदा होयानेना अरू मरियम भरी पावरेय दोहोना।#लूका 1:35 दो हँकिन बना होड़ ञाव एचे जोड़ाव लगा बेतलहेम सहररेकिन सेनेडा। 6दो हंडाकिन दोहोन मेला मरियमराः अमिंगुःराः बेला सोदोरनेना। 7हंडा हाँयरीग मरंगीग बेटात जनमावनेना। अरू धरमसाला ओड़ाःरे हँकूके दोहोन लगा डेरा मेर दोहोगान अते, हाँय बेटात ओयो रेडतिरिगखन ठोंगारेय गेतेगगोतेडीग।
सेरमो देसरिकुःआ बराहीलकू अरू सरवाहाकू
8दो हना छतररे तोनोंग तोनोंग सरवाहाकू दोहोना। हँकुःआ होड़कू रइतरे भेड़ाकूकू अगुराःआ। 9हनमेला सेरमो देसरीग बराहील हँकू एचेरे असाकाय एचे ञेलयान। भगवानराः मरसल हँकूराः चइरो गतर विड़चेड़नेना अरू हँकू मुरुककू बोरोयान। 10दो हाँयग बराहील कतातेड, “अहापे बोर। अपे एचेरे नपाय सरवन उदुःगे लगायिंग वेगकिया। नाःआ सरवनते जमा होड़कू बहाल जुवाःता। 11तिसिंग दाऊदराः सहर बेतलहेमरे, अपे लगा मी होड़ सडावदार जनमावकिया। अरू हनाँय हवे, परबू मसी। 12अपे लगा नाःआ चिनहा दोहोनता। मीटोंग ठोंगारे सोनहेते ओयो रेडतो मी होड़ डेंबा गेतेगतोपे ञेलेयता।”
13हननमेला सेरमो देसरिकुःआ मुरुक बगरा बराहीलकू हाँयग बराहील सुदा असाकाकू जुमावनेना। अरू हँकू भगवान जाग जागकू कतातेरा,
14“सेरमो देसरे इदानिया हाँयग भाबी भगवानले जागतना।
भगवान ननायकूता हँकुःआ होड़कू लगा हाँय सलसते एमेता।”
15सेरमो देसरिकुःआ बराहीलकू कुदायान दो हँकुःआ सरवाहाकू कता होड़ेंगा, दोबू अबू बेतलहेम अगी सेनेकियानखन परबू कताया हनाबू ञेल अगूता, माःआन। 16हँकू सेन उसरावतेडखनकू सोदोरनेन। हंडा उसूप अरू मरियम दोहोना अरू डेंबा ठोंगारेकू ञेलतिरिया। 17हँकू डेंबाकू ञेलतेरा हना तयोमते सेरमो देसरीग बराहील कतातेरा हना बड़रा, जमा होड़कू एचेरेकू कता उदुःतेरा। 18नाःआ बड़रा अयूमतेडखन जमा होड़कू बयावयानकू। 19मनदो मरियम, जमा कताकून अनँयग जीवरे दोहोतेडखने ओंगोलगोड ञवना। 20बराहील कतातेरा हनन इया सरवाहाकू ञेलतेडखन अरू अयूमतेडखन हँकू भगवान जनाग जाग डंडहा अगीकू कुदायान।
भगवान ओड़ाःरे ईसूराः लुंबाड़
21मरियम भरी-पावगुः अते मड़ंग, सेरमो देसरीग बराहील लँइगराः ञाव ईसू माःआन साब लगाय कतातेरा। दो हाँयग लँइग आठ दिनरे एहूदाकूराः रिती-बिधी इयाकू खतनातिरिया। दो हाँयराः ञाव, ईसू माःआनकू साबतेरा।
22मरियमके गांगबोलोनराः#2:22 एहूदाकूराः नियम इया लँइग जनमावनेनखन चालीस दिन तयोमरे हाँयग लँइगरीग एंगात बली देगगे दोहोना। नान अते हाँयग अइमी सुदगुःआ।#लेवी 12:6-8; एचे उडुंग 13:2,12,15 बेला सोदोरनेन दो भगवान मोसेसते एहूदाकू लगाय एमेतेरा हना नियम इया, हँकिन बना होड़ एरुसलेमरे भगवान ओड़ाःरे ईसूकिन गोःयाड अरू परबू लगा हाँयकिन एटाःतेरा। 23भगवानराः नियमरे ओजाःतो इदा, मड़ंगीग बेटा भगवान लगा एएटाः इदा#दो. नि. 18:15-16, माःआन। हनालगा नाःआ इयाकिन एचेतेरा। 24भगवानराः नियमरे नाःआ हों ओजाःतो इदा, मी जवइर पड़की सहे बारटोंग पेरवाँ होनकिन बलिदान एमे इदा।#लेवी 12:8; एचे उडुंग 13:2,12,15 अरू हना नियम इया हँकिन बलिदानकिन देगतेरा।
25दो हंडा एरुसलेम सहररे सिमोन ञावीग होड़ दोहोना। हाँय बेगर गारबार होड़े दोहोना अरू भगवानराः नियम इयाय जियाःआ। भगवानराः सुद बिरुवा हाँय जीवरे दोहोना। इसराएल होड़कूय सडावता हाँयग होड़ लगा सिमोन ततंगीःआ। 26भगवानराः सुद बिरुवा मड़ंगरे सिमोन एचेरे कतातेरा, भगवान वारेयता हाँयग मसी अरीनमे ञेलेय हना वरी आम ओरोम गोएगनेना, माःआन। 27दो मी दिन भगवानराः सुद बिरुवा भगवान ओड़ाः सेन लगा हाँय अगुवाइवातेरिया। हनमेला नियमरे इदा हनन इया एचेय लगा एंगात अपात ईसू भगवान ओड़ाःरेकिन गोः बोलोतिरया। 28सिमोन ईसूय ञेलतेड अरू हाँय सेपेंगतिरिगखन भगवाने जागतेरा, 29अरूय कताया,
“परबू, ईंग आमरीग सेवकिया हवे अरू आमराः जबान इयाम एचेयकेरा,
दो नुँहू ईंग सलसतमे गोएग ओवायिंग।
30आम वारकिरिया हाँयग सडावदार
नुँहू इनिंग ईंग ञेलगोतेडिया।
31अरू आम सपड़ाव दोहोकिरिया ननाँयग सडावदार
जमा देसरिकुःआ होड़कू होंकू ञेलेयता।
32नाँय बेगर एहूदाकू एचेरे भगवानराः दूर उदुःवाकू लगा मरसल इयाय होयाःता,
अरू नाँय अते इसराएल होड़कूके मान मरजइत होयाःता।”#2 कुरि 4:6
33नाःआ बड़रा अयूमवाडखन ईसूरिकिनाः एंगात अपातकिन बयावयान। 34हनते सिमोन उसूप अरू मरियम भलावातेडकिनखन मरियम एचेरेय कतातेरा,
“अयुमेमे, नाँयग लँइगते इसराएलरिकुःआ बगरा होड़कूराः जीव लायगुः लगा अरू एटाःकूराः जीव बनसावगुः लगा होयाःता।
नाँयग लँइग भगवान अते होड़कू लगा मीटोंग चिनहाय होयाःता अरू मुरुक बगरा होड़कू हाँयकू घंटाता,
35जेमहा मुरुक बगरा होड़कूराः ओंगोल एटाःकू एचेरेय एचे सुदीगोड।
अरू ने मरियम, आमराः जीव हों तलवइरते भोकात इया हुडिंग जुवाःता।”
36मी होड़ अना ञावीग डुकरी दोहोना। हाँय भगवानराः बड़रा कतायीग अइमी दोहोना। हाँयरीग अपातराः ञाव फनुएल दोहोना अरू हाँय असेर#2:36 इसराएल होड़कूराः बारहो गोतोर अते मीटोंग गोतोर असेर दोहोना। एकूबरिकुःआ बाराहटोंग लइंकू अते मी होड़ हवे असेर। हना गोतोरराः ञाव नाँय असेर अते होयानेना। गोतोररीग होड़ दोहोना। हाँय बियाह तयोमरे सात बरिस आँयग हड़मतो सुदाय दोहोना। 37अरू हनते हाँय चउरासी बरिस वरी रंडियाहीने दोहोना। हाँय जमा बेला भगवानराः ओड़ाःरे भगवान जागवाडखन सेवारेय दोहोना अरू रइत दिन उपास घड़ीन भगवान एचेरेय अरजीःआ। 38दो सिमोन, उसूप अरू मरियम एचेरेय कतातेरा हनमेला हाँय हनंडा सेनेकियानखन भगवाने जागतेरा। एरुसलेम सहररिकुःआ होड़कूराः सडाव लगाकू ततंगीःआ, हँकुःआ जमा होड़कू एचेरे हाँयग लँइग बदीरेय कता उदुःगेःआ।
39उसूप अरू मरियम भगवानराः नियम इया जमा एचे चबातेडखन गलीलराः सियाँ सरहदरे अँनकूराः गाँव नसरेतरेकिन कुदायान। 40ईसू हरानेन अरूय बड़ियाड़नेन। हाँय कनहूनतेय बडे इदीना अरू भगवान हाँय मुरुके मयावातेरिया।
ईसू चेडदार होड़कू सुदाय बड़राःआ
41ईसूरिकिनाः एंगात अपात पसहा#एचे उडुंग 12:1-51 परोब लगा सगर बरिस एरुसलेमकिन सेना। 42ईसूराः बारह बरिस होयानेना हना बरिस हों हँकू परुसीकू अरू सगाकू सुदा परोब मनाःकू सेनेडा। 43परोब चबायान दो ईसूरिकिनाः एंगात अपात ओड़ाःकिन कुदायान। ईसू एनेरुसलेमरेय दोहोयान। मनदो एंगात अपात मेरकिन सुसुदीःआ। 44हँकिन ओंगोलतेडा, ईसू गलील छतर अगीकू सलाःतना हँकुःआ होड़कू सुदा इदानिया, माःआन। अरू हँकिन बारह कोस दुरहिया तोरोकिन। हना तयोमरे हँकिन सगाकू तलारे ईसूकिन ञामगेया। 45मनदो हाँय मेरकिन ञामगडीग। हनालगा हँकिन ईसू ञाम लगा एरुसलेम अरूकिन कुदायान। 46पेय दिन तयोमरे हँकिन भगवान ओड़ाःरे ईसू नियम चेडदार होड़कू सुदा दुड़ुःतोकिन ञेलतिरिया। ईसू नियम चेडदार होड़कूराः बड़राय अयूमा अरू हँकू एचेरे सवालकूने होंबोरा। 47ईसूराः कनहून अरू हाँयराः बड़रा अयूमकेडखन जमा होड़कू बयावयान। 48दो ईसूरिकिनाः एंगात अपात ईसू हंडा नियम चेडदार होड़कू सुदा ञेलवाडीगखन मुरुककिन बयावयान। अरू मरियम ईसू एचेरेय कताया, “ने बाबू, आम चिला लगा अलिंग सुदा नाःआ इयाम एचेकेरा? ईंग अरू आमरीग अपांग आम ञाम ञामलिंग पड़ूयना।”
49ईसू कताया, “अबा चिला लगा ईंगबा सपाःआ? अबा मेरबा सुसुदीतना जा ईंगके इनिंग अपांग#2:49 ईसूरीग अपांग भगवान दोहोना अरू भगवानराः सुद बिरुवाते ईसू जनमावगुःआ। हनालगा हाँय भगवान ईंग अपांग, माःआने कतावाया। ओड़ाःरे दोहोन इदा, माःआन।” 50मनदो ईसू कतातेरा हना बड़रा हँकिन मेरकिन बुझाव अवेगान।
51हना तयोमरे ईसू एंगात अपात सुदा नसरेतरेय कुदा सेनेडा। अरू हाँय हँकिनराः जमा कताय मनवेःआ। मरियम हना कता मेरेय लिड़िंगाड अरू अनँयग जीवरेय ओंगोल दोहोगोतेड। 52ईसू कनहूनरेय बडेनेना अरू आँयग जीव बड़ियाड़यान। भगवान अरू एटाः होड़कूराः ओंगोलरे हाँय नपाये दोहोना।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.