लूका 9
9
ईसू चेलाकूय वारतना
(मती 10:5-15; मरकूस 6:7-13)
1हना तयोमरे ईसू आँयगरिकुःआ बारहो मूक चेलाकूय राःतेड अरू हँकूके भूतकू उडुंगकू लगा अरू बेमरियाकू नपायकू लगा हातपाते एमेवातेडकुःआ। 2हनते हाँय हँकू भगवानराः राइज बदीरे परसारगे लगा अरू बेमरियाकू नपायकू लगाय वारगोतेडकू। 3हाँय हँकू एचेरेय कताया, “अपे दूर सेन मेला, बोंग अरू झोला अरू जोम लगा तोनोंगाः जिनिसकून अरू ढिबुवा अरू बबरटोंग अंगा अहापे गोः। 4तोनोंगीग होड़ अपेय नेत-नेवार दो, हाँयग होड़राः सहररे जमाकू एचेरे परसारगे वरी हनाँयग होड़राः ओड़ाःरेपे दोहोन। 5तोनोंग सहररिकुःआ होड़कू अपे मेरकू नेत-नेवारपे दो हँकूराः सहर अते बहरी सेन मेला हँकूराः बदीरे मीटोंग चिनहा इया अपेराः काटराः धुंदरा कोटा एंडा अटूपे।”#9:5 भगवानराः नपाय सरवन मेरकू मनावगान हना सहररिकुःआ होड़कू भगवान डंडियावकूताय। हना उदुःगे लगा काटराः धुंदराकू कोटा एंडा अटूडा। 6दो हँकुःआ मूक चेलाकू एटाः एटाः गाँव अगी तोराकू अरू नपाय सरवन उदुःवाडखन बेमारीतेकू दोहोना हँकुःआ होड़कूकू एचे नपायतेडखनकू सलाःआ।
हरदोसराः ओंगोल कुहकाः
(मती 14:1-12; मरकूस 6:14-29)
7ईसूराः बदीरे अयूमवाडखन गलील छतररीग हातपात होड़ हरदोस बयावयान। तोनोंग तोनोंग होड़कू कताया, बतिसमा एमेयीग होड़ एहुना गोएगतो अतेय जियाव रेमकिया। 8अरू एटाः होड़कू कताया, इलियाह कुदा वेगकियाय, अरू एटाः होड़कू कताया, परिया जूगरीग एटाः तोनोंगीग भगवानराः बड़रा कतायीग होड़ जियाव रेमकिया, माःआन। 9हनते हरदोस कताया, “एहुनाराः बोः ईंग एचे पुजातेरा। दो नुँहू इये बदीरे ईंग अयुमेतना?” अरू हरदोस ईसू ञेल लगा मुरुके कुरनिसतेरा।
पाँच हजार होड़कू जोम लगा ईसू एमेतेरा
(मती 14:13-21; मरकूस 6:30-44; एहुना 6:1-14)
10ईसू वारतेडकुःआ हँकुःआ मूक चेलाकूतेन कुदा वेगयान अरू हँकू चिल चिलाकू एचेतेरा हना ईसू एचेरेकू उदुःतेरा। अरू ईसू हँकू हिगारतेडकूखन बेतसइदा सहररेय गोःयाडकू। 11होड़कू सुदीगोतेड ईसू करा अगी तोराया हना, अरू हाँय अगीकू तजाःयान। अरू ईसू सुदा बहालतेकू जुमावयान। दो हाँय हँकू एचेरे भगवानराः राइज बदीरेय कता उदुःगेःआ अरू हाँय एचेरेकू वेजेडा, हँकुःआ बेमरियाकू जमाकूय नपायतेरा।
12हना दिन मिंगिड़ी मेला ईसू एचेरे आँयग बारहो मूक चेलाकू वेगवाडखनकू कताया, “अबू दो रिंग-रोंग ततेररे इदानबुःआ। हनालगा नँकुःआ होड़कू नाःआ अते एटाः एटाः गाँव अरू डीह अगी वारगोडकूमे। जोमगे लगा अरू गेतेग लगाकू ञामता।”
13दो ईसू हँकू एचेरेय कताया, “मँकू जोम लगा अँननपे एमेय।”
हँकू कतातेड, “अले एचेरे पाँचटोंग रुटी अरू बारटोंग हकूकिन एकला इदा। नँकुःआ होड़कू जोम लगा एएमे इदा दो अले सेनेकियानखन जमाकू जोम लगा किजा अअगू पराःता।” 14(हंडा अंदांज पाँच हजार मनारद मरदकू दोहोना।)#मती 14:21
मनदो ईसू चेलाकू एचेरेय कताया, “नँकुःआ होड़कू पचास पचास होड़कू मेमेड खुड़हारेपे एचे दुडुःकू।” 15दो हँकुःआ होड़कूकू एचे दुड़ुःगोतेडकू। 16हनते ईसू हना पाँचटोंग रुटी अरू बारटोंग हकूकिने साबतेड अरू सेरमो संगीलवाडखने धनियाबादतेरा अरू हाँय डुंडीग घड़ीन चेलाकू एचेरे हटिंगगे लगाय एमेगोतेड। 17जमा होड़कू जोम बीयानकू अरू डुंडीगतो जोम जिनिसकून बारहगोटोंग दउड़ारेकू हलंग रेमतेरा।
ईसू बदीरे पतरसराः मनाः
(मती 16:13-20; मरकूस 8:27-30)
18मी दिन ईसू अनँयग आँयगतेय अरजीःआ। हना तयोमरे हाँय आँयग चेलाकू एचेरेय होंबरेःआ, “होड़कू ईंग बदीरे चेले माःआनकू कतायता?”
19दो हँकू कताया, “अदोम होड़कू कतायतना, आम बतिसमा एमे होड़ एहुना हवे अरू अदोमकू कतायतना आम इलियाह हवे अरू अदोमकू कतायतना परिया जूगरीग मी होड़ भगवानराः बड़रा कतायीग होड़ जियाव रेमकिया, माःआन।”
20दो ईसू होंबोरतेड, “दो अपे चिले माःआनपे ओंगलिंगतना, ईंग इये हवे?”
दो पतरस कताया, “आम भगवान वारकेडमेःआ हाँयग मसी हवे।”
ईसू अनँयगराः गुजुः बदीरेय कताया
21हनते ईसू हँकू सेतावतेडखने कताया, “अपे नाःआ बड़रा तोनोंगीग एचेरे अलोपे कताय।” 22अरू हाँय कताया, “मनुवारीग बेटाके मुरुक कटसिया ससहाव पराःता अरू एहूदा मूक होड़कू, मरंग पुजउरीकू अरू नियम चेडदार होड़कू आड-बेकारवडिगखन हाँयकू एचे ञेड एंडागींता। मनदो हाँय पेय दिनरेय जियाव रिमुःता।”
23हनते ईसू जमा होड़कू एचेरेय कताया, “तोनोंगीग ईंग तयोम अगी वेग लगाय ओंगले दो, हाँय अनँयगराः जीव अड़ाःवाडखन अनँयग कुरूस सगर दिन रेमकेडखन ईंग देह दूरे ओतोंग वेग। 24तोनोंगीग अनँयग जीव बनसाव लगाय चहाः दो, हाँयग होड़राः जीव लाय जुवाःता। मनदो ईंग लगा अनँयग जीवे अड़ाः एंडागोड, हाँयराः जीव बनसाव जुवाःता। 25तोनोंगीग होड़ चउंदीसराः जमा जिनिसकूने पवाव जुवाः अरू अनँयग जीवे लायगोड दो, हनारे चिला नफा होयाःता? 26तोनोंगीग होड़ ईंग बदीरे अरू ईंगराः सरवन बदीरेय गियुः दो, मनुवारीग बेटात, आँयगराः अरू आँयग अपांगराः अरू सेरमो देसरिकुःआ सुद बराहीलकूराः विड़चेड़ मरसलरेय कुदा वेग मेला हाँयग होड़ बदीरे होंय गियुःता। 27अपे ईंगपे अयूम, नंडा चड़ाँत इदानकुःआ नँकुःआ होड़कू अते अदोम होड़कू भगवानराः राइज अरीनकू ञेल हना वरी ओरोकू गोएगनेना।”
ईसूराः विड़चेड़
(मती 17:1-8; मरकूस 9:2-8)
28आठ दिन तयोमरे ईसू, पतरस, एहुना अरू एकूब पहाड़ चोटरे अनँयग सुदा अरजीगे लगाय गोःयाडकू। 29दो ईसू अनरजीआय मेला हाँयराः सुरइत बदलावयान अरू हाँयराः सोनहे फक-फक उजड़ लवकाःआ। 30दो हनमेला असाका, हँकू बार होड़, मोसेस अरू इलियाह ईसू सुदा बुतुड़ुतोकू ञेलतेडकुःआ। 31हँकिन हों मरसल उड़ीकिन विड़चेड़नेना अरू ईसू एरुसलेम सहररे करा इयाय गुजुःता हना बदीरे हँकू बुतुड़ुःआ। 32पतरस अरू हाँयरिकिनाः सउंगताकिन दड़ुमा। हँकू चिड़गड़नेन दो, ईसू मरसल उड़ी विड़चेड़तो अरू हाँय सुदा बार होड़ चड़ाँतकू ञेलतेडकिना। 33हँकिन बना होड़ ईसू अते सेनराः बेला होयानेन दो पतरस ईसू एचेरेय कताया, “ने मालिक, अबू नंडा इदानबुःआ दो नपाय इदा। दो अले पेयटोंग कुंबाले तुलाता, मीटोंग आम लगा, मीटोंग मोसेस लगा अरू मीटोंग इलियाह लगा।” पतरस मेरेय सुदीया हाँय चिलाय कताःआ, हना।
34पतरस कताय मेला बदरी हँकू जमाकू दाब रेडगोतेडकू। दो बदरी दाब रेडतेडकुःआ हनमेला पतरस अरू सउंगताकूतेन मुरुककू बोरोयान। 35हना बदरी अते मीटोंग अरोकू अयूमतेरा, नाँय ईंग सुनावकिरिया ईंगरीग बेटायिंग हवे। दो अपे नाँयराः कतापे मनाः, माःआन। 36भगवानराः बड़रा अयूमतेडखन हना तयोमरे पतरस, एहुना अरू एकूब ञेलेया, ईसू मिनी होड़े दोहोना। अरू हँकुःआ होड़कू नाःआ कता मुरुक दिन वरी तोनोंगीग एचेरे मेरकू कतागाड।
ईसू भूत समसावतो होड़े नपायतेरा
(मती 17:1-8; मरकूस 9:2-8)
37एटाः दिन ईसू पहाड़ अतेय उतराव वेगनेना दो मुरुक बगरा होड़कू हाँय सुदा जुमाः लगाकू वेजेडा। 38दो हंड़ाकू दोहोना हँकुःआ होड़कू अते मी होड़ खिररीवाडखने कताया, “ने गुरुजी, ईंगरीग मिनी होड़ बेटायिंग इदा। हनालगा हाँयमे मयावा। 39मीटोंग भूत हाँय एचेरेय समसाःता अरू हाँय मुरुके एचे खिररीयता। भूत हाँय एचेरे असवारकियानखने एचे डोलावगोयता अरू आहते पोतो उडुंगता। नान इयाय होया जुवाःता अरू भूत मेरेय अड़गेयता। 40ईंग आमरिकुःआ चेलाकू एचेरे नाँयग भूत एचे उडुंगगेय लगायिंग असेतेरा। मनदो हँकू मेरकू उडुंग अवेगडीग।”
41दो ईसू कता कुदातेरा, “अपे मेरपे बिसवासगेता अरू जिधू इदानपेःआ। ईंग तुमिस वरी अपे सुदा दोहोकियानखन अपेयिंग सहावगोड ञवन?”#दो. नि. 14:11
ईसू हाँयग होड़ एचेरेय कताया, “आम बेटा नंडाम अगूगेय।”
42हाँयगरीग बेटा वेग मेला भूत हाँये एचे दरकावतेरा। ईसू हाँयग भूते डंटावतेरा अरू बेटात नपायनेनखन हाँयग अपात एचेरेय जिमातिरिया। 43जमा होड़कू भगवानराः जंगर ञेलवाडखनकू बयावयान।
ईसू अनँयग गुजुः बदीरे अरूय कतायतना
हनमेला ईसू उलटावनेनखन आँयगरिकुःआ चेलाकू एचेरेय कताया, 44“ईंग कतायता हना बड़रा नपायतेपे अयूमगे। मनुवारीग बेटात होड़कूराः तिःईरेकू एचे सबेयता।” 45मनदो हँकुःआ चेलाकूतेन ईसू कतातेरा हना कता मेरकू बुझाव अवेगान। हना कता हँकू लगा ओकोत दोहोना अरू ईसू एचेरे होंबरे लगाकू बोरा।
मरंग इये हवे?
(मती 18:1-5; मरकूस 9:33-40)
46ईसूरिकुःआ चेलाकू अड़ा-चउकीःआ, अबू अते मरंग इये हवे, माःआन? 47ईसू हँकूराः ओंगोल सुदीवाडखन मी होड़ लँइग अगूतिरिगखन अनँयग एचेरेय एचे चड़ाँतिरिया। 48हनते ईसू हँकू एचेरेय कताया, “तोनोंगीग होड़ ईंगराः ञावते नाँयग लँइगे नेत-नेवार दो, हाँय ईंगे नेत-नेवारता। ईंगे नेत-नेवारता, हाँय ईंगे वारकेरा हाँयग भगवाने नेत-नेवारता। अपे अते इये अनँयग आँयग हुडिंगे ओंगलुःता, हनाँय जमाकू अते मरंग इदानिया।”
49दो एहुना कताया, “मी होड़ आम ञावते भूतकूय उडुंगा। मनदो हाँय अबूरीग होड़ ना लवे। हनालगा अले हाँय रोंकावगेय लगाले कुरनिसतेरा।”
50दो ईसू कतातेरा, “तोनोंगीग अपे मेरेय घंटावपेता हाँय अँननपेरीग होड़ हवे। हनालगा हाँय अहापे रोंकावगेय।”
ईसू समरिया छतररे
51ईसू सेरमो देस अगी सेनराः बेला पुरा वेगा दो, हाँय एरुसलेम सेन लगाय ओंगोलतेरा।#लूका 13:33 52हाँय मूक चेलाकूय वार मड़ंगगोतेडकू। ईसू लगा सरबहा सपड़ावगे लगा समरिया छतरराः मीटोंग गाँवरेकू सेनेडा। 53ईसू एरुसलेम अगीय सेना, हनालगा समरिया जइत होड़कू हाँय मेरकू नेत-नेवारगडीग।#एहु 4:9 54दो हना ञेलवाडखन ईसूरिकिनाः चेलाकिन एहुना अरू एकूब कतातेरा, “ने परबू, अले सेरमो अते सेंगेल एचे लोजोरकेडखन नँकुःआ होड़कू एचे लो एंडागोडकू लगा आम चहाःतना जा?”
55मनदो ईसू उलटावनेन अरू हँकिने डंटावतेडखने [कताया, “अबा करा इया जीवकिनाः होड़किन हवे? मनुवारीग बेटात होड़कू ञेड एंडाकू लगा मेरेय वेगगना, मनदो हाँय होड़कू बनसावकू लगाय वेगकिया।” 56हनते हँकू एटाः गाँवरे तोराकू।]
ईसू सुदा सेन दूर
(मती 8:19-22)
57ईसू दूररे सेन मेला मी होड़ ईसू एचेरेय कताया, “आम सेनता, हना दूररे ईंग होयिंग सेनता अरू आमरीग चेलायिंग दोहोनता।”
58दो ईसू हाँय एचेरेय कताया, “हुई हुटाकू दोहोन लगा दुलू इदा अरू तितीगकू दोहोन लगा तुका इदा। मनदो मनुवारीग बेटातराः बोः अतड़े लगा हों ततेर कोवानेःआ।”
59ईसू एटाः होड़ एचेरेय कताया, “ईंगरीग चेला बड़ाँः लगा ईंग सुदाम वेग।”
दो हाँयग होड़ कताया, “ने परबू, मड़ंग ईंग अपांगमे तील ओवायिंग।”
60दो ईसू हाँय एचेरेय कताया, “गोएगतो होड़कू अँननकूरिकुःआ गोएगतो होड़कूम तील ओवा। मनदो आम सेनेवाडखन भगवानराः राइज बदीरे होड़कू एचेरेम कता उदुःगे।”
61अरू मी होड़ कताया, “ने परबू, मड़ंग ईंग ओड़ाःरिकुःआ होड़कू पइड़घाव अटूकू लगाम सेने ओवायिंग।”
62दो ईसू हाँय एचेरेय कताया, “तोनोंगीग होड़ सीय लगा हड़ लकठा साबकेडखन तयोम अगीय ञेल दो, हाँयग होड़ भगवानराः राइज जुकूर कोवाया।”
Currently Selected:
लूका 9: kfp
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.
लूका 9
9
ईसू चेलाकूय वारतना
(मती 10:5-15; मरकूस 6:7-13)
1हना तयोमरे ईसू आँयगरिकुःआ बारहो मूक चेलाकूय राःतेड अरू हँकूके भूतकू उडुंगकू लगा अरू बेमरियाकू नपायकू लगा हातपाते एमेवातेडकुःआ। 2हनते हाँय हँकू भगवानराः राइज बदीरे परसारगे लगा अरू बेमरियाकू नपायकू लगाय वारगोतेडकू। 3हाँय हँकू एचेरेय कताया, “अपे दूर सेन मेला, बोंग अरू झोला अरू जोम लगा तोनोंगाः जिनिसकून अरू ढिबुवा अरू बबरटोंग अंगा अहापे गोः। 4तोनोंगीग होड़ अपेय नेत-नेवार दो, हाँयग होड़राः सहररे जमाकू एचेरे परसारगे वरी हनाँयग होड़राः ओड़ाःरेपे दोहोन। 5तोनोंग सहररिकुःआ होड़कू अपे मेरकू नेत-नेवारपे दो हँकूराः सहर अते बहरी सेन मेला हँकूराः बदीरे मीटोंग चिनहा इया अपेराः काटराः धुंदरा कोटा एंडा अटूपे।”#9:5 भगवानराः नपाय सरवन मेरकू मनावगान हना सहररिकुःआ होड़कू भगवान डंडियावकूताय। हना उदुःगे लगा काटराः धुंदराकू कोटा एंडा अटूडा। 6दो हँकुःआ मूक चेलाकू एटाः एटाः गाँव अगी तोराकू अरू नपाय सरवन उदुःवाडखन बेमारीतेकू दोहोना हँकुःआ होड़कूकू एचे नपायतेडखनकू सलाःआ।
हरदोसराः ओंगोल कुहकाः
(मती 14:1-12; मरकूस 6:14-29)
7ईसूराः बदीरे अयूमवाडखन गलील छतररीग हातपात होड़ हरदोस बयावयान। तोनोंग तोनोंग होड़कू कताया, बतिसमा एमेयीग होड़ एहुना गोएगतो अतेय जियाव रेमकिया। 8अरू एटाः होड़कू कताया, इलियाह कुदा वेगकियाय, अरू एटाः होड़कू कताया, परिया जूगरीग एटाः तोनोंगीग भगवानराः बड़रा कतायीग होड़ जियाव रेमकिया, माःआन। 9हनते हरदोस कताया, “एहुनाराः बोः ईंग एचे पुजातेरा। दो नुँहू इये बदीरे ईंग अयुमेतना?” अरू हरदोस ईसू ञेल लगा मुरुके कुरनिसतेरा।
पाँच हजार होड़कू जोम लगा ईसू एमेतेरा
(मती 14:13-21; मरकूस 6:30-44; एहुना 6:1-14)
10ईसू वारतेडकुःआ हँकुःआ मूक चेलाकूतेन कुदा वेगयान अरू हँकू चिल चिलाकू एचेतेरा हना ईसू एचेरेकू उदुःतेरा। अरू ईसू हँकू हिगारतेडकूखन बेतसइदा सहररेय गोःयाडकू। 11होड़कू सुदीगोतेड ईसू करा अगी तोराया हना, अरू हाँय अगीकू तजाःयान। अरू ईसू सुदा बहालतेकू जुमावयान। दो हाँय हँकू एचेरे भगवानराः राइज बदीरेय कता उदुःगेःआ अरू हाँय एचेरेकू वेजेडा, हँकुःआ बेमरियाकू जमाकूय नपायतेरा।
12हना दिन मिंगिड़ी मेला ईसू एचेरे आँयग बारहो मूक चेलाकू वेगवाडखनकू कताया, “अबू दो रिंग-रोंग ततेररे इदानबुःआ। हनालगा नँकुःआ होड़कू नाःआ अते एटाः एटाः गाँव अरू डीह अगी वारगोडकूमे। जोमगे लगा अरू गेतेग लगाकू ञामता।”
13दो ईसू हँकू एचेरेय कताया, “मँकू जोम लगा अँननपे एमेय।”
हँकू कतातेड, “अले एचेरे पाँचटोंग रुटी अरू बारटोंग हकूकिन एकला इदा। नँकुःआ होड़कू जोम लगा एएमे इदा दो अले सेनेकियानखन जमाकू जोम लगा किजा अअगू पराःता।” 14(हंडा अंदांज पाँच हजार मनारद मरदकू दोहोना।)#मती 14:21
मनदो ईसू चेलाकू एचेरेय कताया, “नँकुःआ होड़कू पचास पचास होड़कू मेमेड खुड़हारेपे एचे दुडुःकू।” 15दो हँकुःआ होड़कूकू एचे दुड़ुःगोतेडकू। 16हनते ईसू हना पाँचटोंग रुटी अरू बारटोंग हकूकिने साबतेड अरू सेरमो संगीलवाडखने धनियाबादतेरा अरू हाँय डुंडीग घड़ीन चेलाकू एचेरे हटिंगगे लगाय एमेगोतेड। 17जमा होड़कू जोम बीयानकू अरू डुंडीगतो जोम जिनिसकून बारहगोटोंग दउड़ारेकू हलंग रेमतेरा।
ईसू बदीरे पतरसराः मनाः
(मती 16:13-20; मरकूस 8:27-30)
18मी दिन ईसू अनँयग आँयगतेय अरजीःआ। हना तयोमरे हाँय आँयग चेलाकू एचेरेय होंबरेःआ, “होड़कू ईंग बदीरे चेले माःआनकू कतायता?”
19दो हँकू कताया, “अदोम होड़कू कतायतना, आम बतिसमा एमे होड़ एहुना हवे अरू अदोमकू कतायतना आम इलियाह हवे अरू अदोमकू कतायतना परिया जूगरीग मी होड़ भगवानराः बड़रा कतायीग होड़ जियाव रेमकिया, माःआन।”
20दो ईसू होंबोरतेड, “दो अपे चिले माःआनपे ओंगलिंगतना, ईंग इये हवे?”
दो पतरस कताया, “आम भगवान वारकेडमेःआ हाँयग मसी हवे।”
ईसू अनँयगराः गुजुः बदीरेय कताया
21हनते ईसू हँकू सेतावतेडखने कताया, “अपे नाःआ बड़रा तोनोंगीग एचेरे अलोपे कताय।” 22अरू हाँय कताया, “मनुवारीग बेटाके मुरुक कटसिया ससहाव पराःता अरू एहूदा मूक होड़कू, मरंग पुजउरीकू अरू नियम चेडदार होड़कू आड-बेकारवडिगखन हाँयकू एचे ञेड एंडागींता। मनदो हाँय पेय दिनरेय जियाव रिमुःता।”
23हनते ईसू जमा होड़कू एचेरेय कताया, “तोनोंगीग ईंग तयोम अगी वेग लगाय ओंगले दो, हाँय अनँयगराः जीव अड़ाःवाडखन अनँयग कुरूस सगर दिन रेमकेडखन ईंग देह दूरे ओतोंग वेग। 24तोनोंगीग अनँयग जीव बनसाव लगाय चहाः दो, हाँयग होड़राः जीव लाय जुवाःता। मनदो ईंग लगा अनँयग जीवे अड़ाः एंडागोड, हाँयराः जीव बनसाव जुवाःता। 25तोनोंगीग होड़ चउंदीसराः जमा जिनिसकूने पवाव जुवाः अरू अनँयग जीवे लायगोड दो, हनारे चिला नफा होयाःता? 26तोनोंगीग होड़ ईंग बदीरे अरू ईंगराः सरवन बदीरेय गियुः दो, मनुवारीग बेटात, आँयगराः अरू आँयग अपांगराः अरू सेरमो देसरिकुःआ सुद बराहीलकूराः विड़चेड़ मरसलरेय कुदा वेग मेला हाँयग होड़ बदीरे होंय गियुःता। 27अपे ईंगपे अयूम, नंडा चड़ाँत इदानकुःआ नँकुःआ होड़कू अते अदोम होड़कू भगवानराः राइज अरीनकू ञेल हना वरी ओरोकू गोएगनेना।”
ईसूराः विड़चेड़
(मती 17:1-8; मरकूस 9:2-8)
28आठ दिन तयोमरे ईसू, पतरस, एहुना अरू एकूब पहाड़ चोटरे अनँयग सुदा अरजीगे लगाय गोःयाडकू। 29दो ईसू अनरजीआय मेला हाँयराः सुरइत बदलावयान अरू हाँयराः सोनहे फक-फक उजड़ लवकाःआ। 30दो हनमेला असाका, हँकू बार होड़, मोसेस अरू इलियाह ईसू सुदा बुतुड़ुतोकू ञेलतेडकुःआ। 31हँकिन हों मरसल उड़ीकिन विड़चेड़नेना अरू ईसू एरुसलेम सहररे करा इयाय गुजुःता हना बदीरे हँकू बुतुड़ुःआ। 32पतरस अरू हाँयरिकिनाः सउंगताकिन दड़ुमा। हँकू चिड़गड़नेन दो, ईसू मरसल उड़ी विड़चेड़तो अरू हाँय सुदा बार होड़ चड़ाँतकू ञेलतेडकिना। 33हँकिन बना होड़ ईसू अते सेनराः बेला होयानेन दो पतरस ईसू एचेरेय कताया, “ने मालिक, अबू नंडा इदानबुःआ दो नपाय इदा। दो अले पेयटोंग कुंबाले तुलाता, मीटोंग आम लगा, मीटोंग मोसेस लगा अरू मीटोंग इलियाह लगा।” पतरस मेरेय सुदीया हाँय चिलाय कताःआ, हना।
34पतरस कताय मेला बदरी हँकू जमाकू दाब रेडगोतेडकू। दो बदरी दाब रेडतेडकुःआ हनमेला पतरस अरू सउंगताकूतेन मुरुककू बोरोयान। 35हना बदरी अते मीटोंग अरोकू अयूमतेरा, नाँय ईंग सुनावकिरिया ईंगरीग बेटायिंग हवे। दो अपे नाँयराः कतापे मनाः, माःआन। 36भगवानराः बड़रा अयूमतेडखन हना तयोमरे पतरस, एहुना अरू एकूब ञेलेया, ईसू मिनी होड़े दोहोना। अरू हँकुःआ होड़कू नाःआ कता मुरुक दिन वरी तोनोंगीग एचेरे मेरकू कतागाड।
ईसू भूत समसावतो होड़े नपायतेरा
(मती 17:1-8; मरकूस 9:2-8)
37एटाः दिन ईसू पहाड़ अतेय उतराव वेगनेना दो मुरुक बगरा होड़कू हाँय सुदा जुमाः लगाकू वेजेडा। 38दो हंड़ाकू दोहोना हँकुःआ होड़कू अते मी होड़ खिररीवाडखने कताया, “ने गुरुजी, ईंगरीग मिनी होड़ बेटायिंग इदा। हनालगा हाँयमे मयावा। 39मीटोंग भूत हाँय एचेरेय समसाःता अरू हाँय मुरुके एचे खिररीयता। भूत हाँय एचेरे असवारकियानखने एचे डोलावगोयता अरू आहते पोतो उडुंगता। नान इयाय होया जुवाःता अरू भूत मेरेय अड़गेयता। 40ईंग आमरिकुःआ चेलाकू एचेरे नाँयग भूत एचे उडुंगगेय लगायिंग असेतेरा। मनदो हँकू मेरकू उडुंग अवेगडीग।”
41दो ईसू कता कुदातेरा, “अपे मेरपे बिसवासगेता अरू जिधू इदानपेःआ। ईंग तुमिस वरी अपे सुदा दोहोकियानखन अपेयिंग सहावगोड ञवन?”#दो. नि. 14:11
ईसू हाँयग होड़ एचेरेय कताया, “आम बेटा नंडाम अगूगेय।”
42हाँयगरीग बेटा वेग मेला भूत हाँये एचे दरकावतेरा। ईसू हाँयग भूते डंटावतेरा अरू बेटात नपायनेनखन हाँयग अपात एचेरेय जिमातिरिया। 43जमा होड़कू भगवानराः जंगर ञेलवाडखनकू बयावयान।
ईसू अनँयग गुजुः बदीरे अरूय कतायतना
हनमेला ईसू उलटावनेनखन आँयगरिकुःआ चेलाकू एचेरेय कताया, 44“ईंग कतायता हना बड़रा नपायतेपे अयूमगे। मनुवारीग बेटात होड़कूराः तिःईरेकू एचे सबेयता।” 45मनदो हँकुःआ चेलाकूतेन ईसू कतातेरा हना कता मेरकू बुझाव अवेगान। हना कता हँकू लगा ओकोत दोहोना अरू ईसू एचेरे होंबरे लगाकू बोरा।
मरंग इये हवे?
(मती 18:1-5; मरकूस 9:33-40)
46ईसूरिकुःआ चेलाकू अड़ा-चउकीःआ, अबू अते मरंग इये हवे, माःआन? 47ईसू हँकूराः ओंगोल सुदीवाडखन मी होड़ लँइग अगूतिरिगखन अनँयग एचेरेय एचे चड़ाँतिरिया। 48हनते ईसू हँकू एचेरेय कताया, “तोनोंगीग होड़ ईंगराः ञावते नाँयग लँइगे नेत-नेवार दो, हाँय ईंगे नेत-नेवारता। ईंगे नेत-नेवारता, हाँय ईंगे वारकेरा हाँयग भगवाने नेत-नेवारता। अपे अते इये अनँयग आँयग हुडिंगे ओंगलुःता, हनाँय जमाकू अते मरंग इदानिया।”
49दो एहुना कताया, “मी होड़ आम ञावते भूतकूय उडुंगा। मनदो हाँय अबूरीग होड़ ना लवे। हनालगा अले हाँय रोंकावगेय लगाले कुरनिसतेरा।”
50दो ईसू कतातेरा, “तोनोंगीग अपे मेरेय घंटावपेता हाँय अँननपेरीग होड़ हवे। हनालगा हाँय अहापे रोंकावगेय।”
ईसू समरिया छतररे
51ईसू सेरमो देस अगी सेनराः बेला पुरा वेगा दो, हाँय एरुसलेम सेन लगाय ओंगोलतेरा।#लूका 13:33 52हाँय मूक चेलाकूय वार मड़ंगगोतेडकू। ईसू लगा सरबहा सपड़ावगे लगा समरिया छतरराः मीटोंग गाँवरेकू सेनेडा। 53ईसू एरुसलेम अगीय सेना, हनालगा समरिया जइत होड़कू हाँय मेरकू नेत-नेवारगडीग।#एहु 4:9 54दो हना ञेलवाडखन ईसूरिकिनाः चेलाकिन एहुना अरू एकूब कतातेरा, “ने परबू, अले सेरमो अते सेंगेल एचे लोजोरकेडखन नँकुःआ होड़कू एचे लो एंडागोडकू लगा आम चहाःतना जा?”
55मनदो ईसू उलटावनेन अरू हँकिने डंटावतेडखने [कताया, “अबा करा इया जीवकिनाः होड़किन हवे? मनुवारीग बेटात होड़कू ञेड एंडाकू लगा मेरेय वेगगना, मनदो हाँय होड़कू बनसावकू लगाय वेगकिया।” 56हनते हँकू एटाः गाँवरे तोराकू।]
ईसू सुदा सेन दूर
(मती 8:19-22)
57ईसू दूररे सेन मेला मी होड़ ईसू एचेरेय कताया, “आम सेनता, हना दूररे ईंग होयिंग सेनता अरू आमरीग चेलायिंग दोहोनता।”
58दो ईसू हाँय एचेरेय कताया, “हुई हुटाकू दोहोन लगा दुलू इदा अरू तितीगकू दोहोन लगा तुका इदा। मनदो मनुवारीग बेटातराः बोः अतड़े लगा हों ततेर कोवानेःआ।”
59ईसू एटाः होड़ एचेरेय कताया, “ईंगरीग चेला बड़ाँः लगा ईंग सुदाम वेग।”
दो हाँयग होड़ कताया, “ने परबू, मड़ंग ईंग अपांगमे तील ओवायिंग।”
60दो ईसू हाँय एचेरेय कताया, “गोएगतो होड़कू अँननकूरिकुःआ गोएगतो होड़कूम तील ओवा। मनदो आम सेनेवाडखन भगवानराः राइज बदीरे होड़कू एचेरेम कता उदुःगे।”
61अरू मी होड़ कताया, “ने परबू, मड़ंग ईंग ओड़ाःरिकुःआ होड़कू पइड़घाव अटूकू लगाम सेने ओवायिंग।”
62दो ईसू हाँय एचेरेय कताया, “तोनोंगीग होड़ सीय लगा हड़ लकठा साबकेडखन तयोम अगीय ञेल दो, हाँयग होड़ भगवानराः राइज जुकूर कोवाया।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.