मती 22
22
बियाह भोज जोमराः अउल-तउल कहड़ी
(लूका 14:15-24)
1ईसू होड़कू एचेरे अरू अउल-तउल कहड़ीकूने कता उदुःतेरा। 2हाँय कतातेरा, “भगवानराः राइज अनँयगरीग बेटातराः बियाह लगा भोज जोमे संजोड़तेरा हाँयग मी होड़ राजा इया इदा। 3हनते हाँय टिवा एमेत होड़कू, राः लगा सेवकियाकूतेने वारगोतेड। मनदो तोनोंगीग बियाह ओड़ाःरे सेन लगा मेरकू चाहावगान।
4हनते हाँयग राजा नाःआ इया कतावाडखन अरू एटाः सेवकियाकूतेने वारगोतेडकू, टिवा एमेत होड़कूपे कतावा, भोज जोम लगा जमाकूनिंग संजोड़ दोहोकेरा। उरिगकू अरू असूलतो जानरकू होयिंग एचे ञेडकेरा अरू जमा बरानाः संजोड़तो इदा। दबूपे, बियाह ओड़ाःरे भोज जोम लगा।
5मनदो टिवा एमेत होड़कू सेवकियाकूराः बड़रा लंदा अगीकू इकातेड। मी होड़ अनँयग दोहोड़ अगीय सेनेडा अरू एटाः होड़ अनँयग फेरवइत लगाय सेनेडा। 6अरू एटाः एटाः होड़कू, हँकुःआ सेवकियाकूकू साबतेरा अरू बेग-हतावातेडकूखन ञेड एंडागोतेडकुःआ। 7हनते राजा रीस भीकयान अरू हाँय अनँयगरिकुःआ सइना होड़कूतेन वारतेडखन, सेवकिया होड़कूकू ञेड एंडातेरा हँकुःआ होड़कूय, एचे ञेड एंडागोतेडकू अरू हँकूराः सहरे एचे बाल लो एंडागोतेड।
8हनते हाँयग राजा अनँयग सेवकियाकू एचेरेय कतातेड, बियाहराः सरबहा संजोड़तो इदा। मनदो टिवा एमेत होड़कू बियाह वेग जुकूर कोवाकुःआ। 9हनालगा दोफा दूररेपे सेन अरू अपे सुदाकू जुमाःता हँकुःआ जमा होड़कू बियाह ओड़ाःरे जोजोम लगापे राः अगूकू। 10दो सेवकियाकू दोफा दूरकूनरे सेनेकियानखन करेय हेन नपाय होड़कू सहे करेय हेन बेलूर होड़कू हँकू सुदाकू जुमावनेना, हँकुःआ जमा होड़कूकू एचे जुमावतेडकुःआ अरू हना बियाह ओड़ाः गुतिया होड़कूतेकू पेरेगगोतेड।
11मनदो राजा गुतियाकू ञेल लगा बियाह ओड़ाःरेय बोलोयान दो, हाँय ञेलतेरा, बियाहराः सोनहे मेरेय तुसिंगगतेरा मी होड़ होड़ हंडाय दोहोना। 12दो राजा हाँयग होड़ एचेरेय होंबोरतेड, ने सउंगता, आम बियाहराः सोनहे मेरेम तुसिंगगरा अरू करा उड़ी नंडाम बोलोकिया? दो हाँयग होड़ तोनोंग माःआन मेरेय कता कुदा अवेगाड।
13हनते राजा सेवकियाकू एचेरेय कतातेड, नाँयराः तिःई काट तोलकेडखन बहरी अंदरारेपे रेमगे एंडागोडेय। हंडा होड़कू इयाम घड़ीन रेटेग रेटेग तिरिंगकू कड़राव ञवनता।
14राःतो होड़कू दो मुरुक इदानकुःआ, मनदो सुनावतो होड़कू हुनुडिंग इदानकुःआ।”
मलगुजारी एमे बदीरे सवाल
(मरकूस 12:13-17; लूका 20:20-26)
15हनते फरीसी होड़कू हंडा अतेकू उडुंगनेना अरूकू कता होड़ेंगा, “नाँयग ईसू करा इया बड़रारेबू बझावगेय।” 16हँकू अँनकूरिकुःआ चेलाकू हरदोस राजारिकुःआ होड़कू सुदा ईसू एचेरे नाःआ इया ककता लगाकू वारगोतेडकू, “ने गुरुजी, अले सुसुदीतना आम सताय इदानमेःआ अरू सताय इया भगवानराः दूर बदीरेम चेडकूता। आम होड़कू जहंडाव होड़ ना लवे। हनालगा आम तोनोंगीग होड़ आम ननायगे लगा मेरेम एचेयतना। 17दो अले उदुःवालेमे आम चेले माःआनमे ओंगलेतना? कइसर राजा मलगुजारी एमेवाय लगा नपाय इदा जा कोवान?”
18दो ईसू हँकूराः बेलूर ओंगोल सुदीकेडखने कतातेरा, “ने पचघुचिया होड़कू, ईंग चिला लगापे अंदजावगींगतना? 19अपे मलगुजारी एमे लगा उपयोतगेता हना मीटोंग रिचकी ढिबुवा ईंगपे उदुःवा।” दो हँकू हाँय एचेरे मीटोंग रिचकी ढिबुवाकू इदीतेरा। 20हनते ईसू होंबोरतेड, “नाःआ रिचकी ढिबुवारे इयेराः ञाव अरू मुरइत इदा?”
21दो हँकू कतातेड, “मरंग राजा कइसरराः इदा।”
दो ईसू हँकू एचेरेय कतातेड, “मरंग राजा कइसरराः हवे हान, हाँयपे एमेवा अरू भगवानराः हवे हान भगवानपे एमेवा।”
22नाःआ अयूमतेडखन हँकू मुरुककू बयावयान अरू ईसू अड़ाःतेडखन एटाः अगी तोराकू।
गोएगतो होड़कूराः बियाह बदीरे सवाल
(मरकूस 12:18-27; लूका 20:27-40)
23हनते हनानाः दिन सदूकी होड़कू ईसू एचेरेकू वेजेडा। हँकुःआ सदूकी होड़कू बिसवासगेता, तोनोंगीग होड़ गोएग जुवाः दो, हाँय ओरोय जियाव रेमनेना, माःआन। दो हँकू ईसू एचेरेकू होंबोरतेरा, 24“ने गुरुजी, मोसेस कतातेरा, तोनोंगीग होड़राः बियाह होयाकियानखन लँइग अरीन होयाःते हाँय गोएग जुवाः दो, हाँयरीग अइमी बोहोत सगइगेय, अरू गोएगतो वगात लगा लइंकिन जनमाव,#दो. नि. 25:5-10 माःआन। 25दो मीटोंग गाँवरे मी ओड़ाःरे सात वगीयाकू दोहोना। मरंगीग वगातकू बियाहतिरिगखन लँइग अरीन होयाःतेय गोएगयान। हनते हाँयते हुडिंगीग बोहोत हाँयग रंडियाहीने सगइतेरा। 26ननन इया मंझिला बोहोत अते हुडिंगीग वरी सगइतिरिगखनकू गोएगयान अरू सातो वगीया लइंकू अरीन होयाःतेकू गोएगयान। 27हना तयोमरे हाँयग अइमी होंय गोएगयान। 28हाँयग रंडियाहीन अइमी जमा वगीयाकूरीग अइमीय बड़ाँव पुरावनेना। दो गोएगतो होड़कू जियाव रिमुःता हनमेला हाँय इयेरीग अइमीय होयाःता?”
29दो ईसू सदूकी होड़कूय कता कुदावातेरा, “अपे भगवानराः सरवन अरू हाँयराः जंगर मेरपे बुझाः अते अपे गारबाररे इदानपेःआ। 30गोएगतो होड़कू जियाव रिमुः दो तोनोंगीग ओरोकू बियाहतिरिया अरू तोनोंगीग होड़ एटाः होड़ सुदा बिनियाह लगा ओरोकू एमेतिरिया। सेरमो देसरे हँकू सेरमो देसरिकुःआ बराहीलकू इयाकू दोहोनता। 31मनदो गोएगतो होड़कूराः जियाव रिमुः बदीरे अपे भगवानराः कागदरे मेरपे बछावगना जा,
32ईंग इबराहीमरीग भगवान अरू इसहाकरीग भगवान अरू एकूबरीग भगवान हवे,#एचे उडुंग 3:6 माःआन।
हाँय गोएगतो होड़कूरीग भगवान ना लवे। मनदो जीयत होड़कूरीग भगवान हवे।”
33नाःआ बड़रा अयूमकेडखन ईसूराः चेडरे होड़कू मुरुककू बयावयान।
जमा नियमकून अते मरंग हुकुम
(मरकूस 12:28-34; लूका 10:25-28)
34ईसू सदूकी होड़कूराः आहे कता रिपूडगोतेरा, माःआन फरीसी होड़कू अयूमतेरा दो हँकू मिनीरेकू जुमावयान। 35हँकू अते मी होड़, नियम चेडदार होड़, ईसू अंदजाव लगाय होंबोरतिरिया,
36“ने गुरुजी, जमा नियमकून अते मरंग हुकुम चेले माःआन इदा?”
37दो ईसू हाँये कतावाड,
“आमरीग परबू भगवान आमराः जमा ओंगोलते अरू जमा जीवते अरू जमा इंदरीतेम दुलारगेय।#दो. नि. 6:5
38मड़ंग अरू मइद हुकुम ननानाः हवे। 39अरू एटाःआ हुकुम ननानाः हवे,
आमरीग परुसी अनम इयाम अलार-दुलारगेय।#लेवी 19:18
40जमा नियमकूनरे अरू भगवानराः बड़रा कता होड़कूराः कगदकूनरे नाःआ बनर हुकुमकून मइद इदा।”
मसी इयेरीग बेटात हवे?
(मरकूस 12:35-37; लूका 20:41-44)
41फरीसी होड़कू जुमावनेन दो, ईसू हँकूय होंबोरतेरा, 42“मसीराः बदीरे अपे चेले माःआनपे ओंगलेता? हाँय इयेरीग बेटात हवे?”
दो हँकू कता कुदातेरा, “हाँय दाऊद राजारीग नइड़-बाँस बेटात हवे।”
43हनते ईसू हँकू एचेरेय होंबोरतेड, “दो दाऊद राजा सुद बिरुवाते पेरेगकियानखन हाँय परबू माःआन चिला लगाय राःतिरिया? दाऊद नाःआ इयाय कतातेरा,
44परबू भगवान ईंग परबू एचेरेय कतातेरा,
ईंग आमरिकुःआ मुदइ होड़कू हरुवावकेडकूखन
आमराः काट चोडुः लगा अरीनिंग तुलाकू वरी
ईंगराः खउना तिःई गतरमे दुडुःकियानखन आम ईंग सुदाम राइजकू।#सेरेंगकून 110:1
45दो दाऊद राजा हाँय, परबू माःआने कतावायता दो, हाँय दाऊद राजारीग नइड़-बाँस होड़ करा इयाय होयाःता?” 46ईसू नाःआ इयाय कतातेड हना तयोमते तोनोंगीग मेरकू कता कुदा अवेगाड। अरू हना दिन वरीते तोनोंगीग हाँय एचेरे अरू सवालकून होंबोरगे लगा मेरकू डीड़गेःआ।
Currently Selected:
मती 22: kfp
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.
मती 22
22
बियाह भोज जोमराः अउल-तउल कहड़ी
(लूका 14:15-24)
1ईसू होड़कू एचेरे अरू अउल-तउल कहड़ीकूने कता उदुःतेरा। 2हाँय कतातेरा, “भगवानराः राइज अनँयगरीग बेटातराः बियाह लगा भोज जोमे संजोड़तेरा हाँयग मी होड़ राजा इया इदा। 3हनते हाँय टिवा एमेत होड़कू, राः लगा सेवकियाकूतेने वारगोतेड। मनदो तोनोंगीग बियाह ओड़ाःरे सेन लगा मेरकू चाहावगान।
4हनते हाँयग राजा नाःआ इया कतावाडखन अरू एटाः सेवकियाकूतेने वारगोतेडकू, टिवा एमेत होड़कूपे कतावा, भोज जोम लगा जमाकूनिंग संजोड़ दोहोकेरा। उरिगकू अरू असूलतो जानरकू होयिंग एचे ञेडकेरा अरू जमा बरानाः संजोड़तो इदा। दबूपे, बियाह ओड़ाःरे भोज जोम लगा।
5मनदो टिवा एमेत होड़कू सेवकियाकूराः बड़रा लंदा अगीकू इकातेड। मी होड़ अनँयग दोहोड़ अगीय सेनेडा अरू एटाः होड़ अनँयग फेरवइत लगाय सेनेडा। 6अरू एटाः एटाः होड़कू, हँकुःआ सेवकियाकूकू साबतेरा अरू बेग-हतावातेडकूखन ञेड एंडागोतेडकुःआ। 7हनते राजा रीस भीकयान अरू हाँय अनँयगरिकुःआ सइना होड़कूतेन वारतेडखन, सेवकिया होड़कूकू ञेड एंडातेरा हँकुःआ होड़कूय, एचे ञेड एंडागोतेडकू अरू हँकूराः सहरे एचे बाल लो एंडागोतेड।
8हनते हाँयग राजा अनँयग सेवकियाकू एचेरेय कतातेड, बियाहराः सरबहा संजोड़तो इदा। मनदो टिवा एमेत होड़कू बियाह वेग जुकूर कोवाकुःआ। 9हनालगा दोफा दूररेपे सेन अरू अपे सुदाकू जुमाःता हँकुःआ जमा होड़कू बियाह ओड़ाःरे जोजोम लगापे राः अगूकू। 10दो सेवकियाकू दोफा दूरकूनरे सेनेकियानखन करेय हेन नपाय होड़कू सहे करेय हेन बेलूर होड़कू हँकू सुदाकू जुमावनेना, हँकुःआ जमा होड़कूकू एचे जुमावतेडकुःआ अरू हना बियाह ओड़ाः गुतिया होड़कूतेकू पेरेगगोतेड।
11मनदो राजा गुतियाकू ञेल लगा बियाह ओड़ाःरेय बोलोयान दो, हाँय ञेलतेरा, बियाहराः सोनहे मेरेय तुसिंगगतेरा मी होड़ होड़ हंडाय दोहोना। 12दो राजा हाँयग होड़ एचेरेय होंबोरतेड, ने सउंगता, आम बियाहराः सोनहे मेरेम तुसिंगगरा अरू करा उड़ी नंडाम बोलोकिया? दो हाँयग होड़ तोनोंग माःआन मेरेय कता कुदा अवेगाड।
13हनते राजा सेवकियाकू एचेरेय कतातेड, नाँयराः तिःई काट तोलकेडखन बहरी अंदरारेपे रेमगे एंडागोडेय। हंडा होड़कू इयाम घड़ीन रेटेग रेटेग तिरिंगकू कड़राव ञवनता।
14राःतो होड़कू दो मुरुक इदानकुःआ, मनदो सुनावतो होड़कू हुनुडिंग इदानकुःआ।”
मलगुजारी एमे बदीरे सवाल
(मरकूस 12:13-17; लूका 20:20-26)
15हनते फरीसी होड़कू हंडा अतेकू उडुंगनेना अरूकू कता होड़ेंगा, “नाँयग ईसू करा इया बड़रारेबू बझावगेय।” 16हँकू अँनकूरिकुःआ चेलाकू हरदोस राजारिकुःआ होड़कू सुदा ईसू एचेरे नाःआ इया ककता लगाकू वारगोतेडकू, “ने गुरुजी, अले सुसुदीतना आम सताय इदानमेःआ अरू सताय इया भगवानराः दूर बदीरेम चेडकूता। आम होड़कू जहंडाव होड़ ना लवे। हनालगा आम तोनोंगीग होड़ आम ननायगे लगा मेरेम एचेयतना। 17दो अले उदुःवालेमे आम चेले माःआनमे ओंगलेतना? कइसर राजा मलगुजारी एमेवाय लगा नपाय इदा जा कोवान?”
18दो ईसू हँकूराः बेलूर ओंगोल सुदीकेडखने कतातेरा, “ने पचघुचिया होड़कू, ईंग चिला लगापे अंदजावगींगतना? 19अपे मलगुजारी एमे लगा उपयोतगेता हना मीटोंग रिचकी ढिबुवा ईंगपे उदुःवा।” दो हँकू हाँय एचेरे मीटोंग रिचकी ढिबुवाकू इदीतेरा। 20हनते ईसू होंबोरतेड, “नाःआ रिचकी ढिबुवारे इयेराः ञाव अरू मुरइत इदा?”
21दो हँकू कतातेड, “मरंग राजा कइसरराः इदा।”
दो ईसू हँकू एचेरेय कतातेड, “मरंग राजा कइसरराः हवे हान, हाँयपे एमेवा अरू भगवानराः हवे हान भगवानपे एमेवा।”
22नाःआ अयूमतेडखन हँकू मुरुककू बयावयान अरू ईसू अड़ाःतेडखन एटाः अगी तोराकू।
गोएगतो होड़कूराः बियाह बदीरे सवाल
(मरकूस 12:18-27; लूका 20:27-40)
23हनते हनानाः दिन सदूकी होड़कू ईसू एचेरेकू वेजेडा। हँकुःआ सदूकी होड़कू बिसवासगेता, तोनोंगीग होड़ गोएग जुवाः दो, हाँय ओरोय जियाव रेमनेना, माःआन। दो हँकू ईसू एचेरेकू होंबोरतेरा, 24“ने गुरुजी, मोसेस कतातेरा, तोनोंगीग होड़राः बियाह होयाकियानखन लँइग अरीन होयाःते हाँय गोएग जुवाः दो, हाँयरीग अइमी बोहोत सगइगेय, अरू गोएगतो वगात लगा लइंकिन जनमाव,#दो. नि. 25:5-10 माःआन। 25दो मीटोंग गाँवरे मी ओड़ाःरे सात वगीयाकू दोहोना। मरंगीग वगातकू बियाहतिरिगखन लँइग अरीन होयाःतेय गोएगयान। हनते हाँयते हुडिंगीग बोहोत हाँयग रंडियाहीने सगइतेरा। 26ननन इया मंझिला बोहोत अते हुडिंगीग वरी सगइतिरिगखनकू गोएगयान अरू सातो वगीया लइंकू अरीन होयाःतेकू गोएगयान। 27हना तयोमरे हाँयग अइमी होंय गोएगयान। 28हाँयग रंडियाहीन अइमी जमा वगीयाकूरीग अइमीय बड़ाँव पुरावनेना। दो गोएगतो होड़कू जियाव रिमुःता हनमेला हाँय इयेरीग अइमीय होयाःता?”
29दो ईसू सदूकी होड़कूय कता कुदावातेरा, “अपे भगवानराः सरवन अरू हाँयराः जंगर मेरपे बुझाः अते अपे गारबाररे इदानपेःआ। 30गोएगतो होड़कू जियाव रिमुः दो तोनोंगीग ओरोकू बियाहतिरिया अरू तोनोंगीग होड़ एटाः होड़ सुदा बिनियाह लगा ओरोकू एमेतिरिया। सेरमो देसरे हँकू सेरमो देसरिकुःआ बराहीलकू इयाकू दोहोनता। 31मनदो गोएगतो होड़कूराः जियाव रिमुः बदीरे अपे भगवानराः कागदरे मेरपे बछावगना जा,
32ईंग इबराहीमरीग भगवान अरू इसहाकरीग भगवान अरू एकूबरीग भगवान हवे,#एचे उडुंग 3:6 माःआन।
हाँय गोएगतो होड़कूरीग भगवान ना लवे। मनदो जीयत होड़कूरीग भगवान हवे।”
33नाःआ बड़रा अयूमकेडखन ईसूराः चेडरे होड़कू मुरुककू बयावयान।
जमा नियमकून अते मरंग हुकुम
(मरकूस 12:28-34; लूका 10:25-28)
34ईसू सदूकी होड़कूराः आहे कता रिपूडगोतेरा, माःआन फरीसी होड़कू अयूमतेरा दो हँकू मिनीरेकू जुमावयान। 35हँकू अते मी होड़, नियम चेडदार होड़, ईसू अंदजाव लगाय होंबोरतिरिया,
36“ने गुरुजी, जमा नियमकून अते मरंग हुकुम चेले माःआन इदा?”
37दो ईसू हाँये कतावाड,
“आमरीग परबू भगवान आमराः जमा ओंगोलते अरू जमा जीवते अरू जमा इंदरीतेम दुलारगेय।#दो. नि. 6:5
38मड़ंग अरू मइद हुकुम ननानाः हवे। 39अरू एटाःआ हुकुम ननानाः हवे,
आमरीग परुसी अनम इयाम अलार-दुलारगेय।#लेवी 19:18
40जमा नियमकूनरे अरू भगवानराः बड़रा कता होड़कूराः कगदकूनरे नाःआ बनर हुकुमकून मइद इदा।”
मसी इयेरीग बेटात हवे?
(मरकूस 12:35-37; लूका 20:41-44)
41फरीसी होड़कू जुमावनेन दो, ईसू हँकूय होंबोरतेरा, 42“मसीराः बदीरे अपे चेले माःआनपे ओंगलेता? हाँय इयेरीग बेटात हवे?”
दो हँकू कता कुदातेरा, “हाँय दाऊद राजारीग नइड़-बाँस बेटात हवे।”
43हनते ईसू हँकू एचेरेय होंबोरतेड, “दो दाऊद राजा सुद बिरुवाते पेरेगकियानखन हाँय परबू माःआन चिला लगाय राःतिरिया? दाऊद नाःआ इयाय कतातेरा,
44परबू भगवान ईंग परबू एचेरेय कतातेरा,
ईंग आमरिकुःआ मुदइ होड़कू हरुवावकेडकूखन
आमराः काट चोडुः लगा अरीनिंग तुलाकू वरी
ईंगराः खउना तिःई गतरमे दुडुःकियानखन आम ईंग सुदाम राइजकू।#सेरेंगकून 110:1
45दो दाऊद राजा हाँय, परबू माःआने कतावायता दो, हाँय दाऊद राजारीग नइड़-बाँस होड़ करा इयाय होयाःता?” 46ईसू नाःआ इयाय कतातेड हना तयोमते तोनोंगीग मेरकू कता कुदा अवेगाड। अरू हना दिन वरीते तोनोंगीग हाँय एचेरे अरू सवालकून होंबोरगे लगा मेरकू डीड़गेःआ।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.