मती 26
26
ईसू ञेड एंडा लगा बुइद
(मरकूस 14:1,2; लूका 22:1,2; एहुना 11:45-53)
1ईसू नाःआ जमा कताकून अनँयग चेलाकू एचेरे कता उरियावनेनखने कताया, 2“अपे सुसुदीतना बार दिन तयोमरे पसहा परोब इदा। अरू हनमेला होड़कू मनुवारीग बेटातकू सबेयता अरू कुरूसरेकू ठोंकाव गोजेयता।”
3हनानाः बेला मरंग पुजउरीकू अरू एहूदाकूरिकुःआ मूक होड़कू, मूक पुजउरी कइपाराः गड़हीरेकू जुमावनेना। 4हँकू ईसू कलेकाल एचे साबकिडिगखन ञेड एंडागेय लगाकू ओंगलेःआ। 5मनदो हँकू कता होड़ेंगा, होड़कू एचेरे तोनोंग इयाराः हलो-गदोड़ी अलो होयाः। हनालगा परोबराः दिनरे हाँय अलोबू एचे सबेय।
बेतनिया गाँवरे ईसू
(मरकूस 14:3-9; एहुना 12:1-8)
6बेतनिया गाँवरे सिमोन ञावीग मी होड़ होड़राः ओड़ाःरे ईसू दोहोना। हाँयग सिमोन मड़ंग कुड़गा होड़े दोहोना। 7दो ईसू जोजोम लगा टिबुलरेय तेंदारनेना हनमेला मी होड़ अइमी मुरुक सुघर दिरिराः बोतोलरे मुरुक किमइतराः नपाय महक सुनुमे अगूतेरा। अरू हाँय बोतोल राबतेडखन हना सुनुम ईसू बोःरेय दूलगोतेड।
8चेलाकूतेन नाःआ ञेलतेडखन हँकू रीसवाडखनकू कताया, “नाःआ सुनुम चिला लगा बेगर लूरमे एचे एंडागोतेडा? 9नाःआ सुनुम मुरुक दामते अकिरिंगवाडखन गरीब होड़कू हटिंगवाकेकुःआ।”
10नाःआ सुदीकेडखन ईसू कतातेड, “नाँय चिला लगापे हलकइनगेयतना? नाँय ईंग लगा नाय नपाये एचेकेरा। 11गरीब होड़कू अपे एचेरे जमा बेलाकू दोहोनता। मनदो ईंग अपे सुदा सगर दिन ओरोयिंग दोहोनेना। 12नाँय ईंगकू तील अते मड़ंग ईंग धाररे सुनुमे तिलाःकेरा। 13अपे ईंगपे अयूम, जमा चउंदीसरे तोनोंगाः ततेररे नपाय सरवनकू परसारगेता, हंडा नाँय एचेकेरा हना बदीरे होड़कूकू कता उहियारता।”
ईसू एचे साबगे लगा जूदा राययान
(मरकूस 14:10-11; लूका 22:3-6)
14हनते ईसूरिकुःआ बारहगोटोंग मूक चेलाकूतेन अते मी होड़ जूदा इसकरियोती मरंग पुजउरीकू एचेरेय सेनेडा। 15अरू हाँय हँकूय होंबोरतेरा, “ईंग ईसूयिंग एचे साबेय दो, अपे चिलापे एमेवायिंगता?” हनते हँकू चाँदीराः तीसगोटोंग रिचकी ढिबुवा हाँयकू एमेवातेरा। 16अरू हना वरीते हाँय ईसू एचे साबगेय लगा दोंगे ञामा।
पसहा परोबराः रुटी जोम
(मरकूस 14:12-26; लूका 22:7-23; एहुना 13:21-30; 1 कुरिंती 11:23-26)
17रुटीराः परोबराः मड़ंग दिन ईसूरिकुःआ चेलाकू ईसू एचेरेकू होंबोरतेरा, “ने गुरुजी, पसहा परोबराः रुटी जोम लगा अले करे सेनेकियानखन आम लगाले सरबहा हताड़गे?”
18दो ईसू चेलाकूतेन एचेरेय कताया, “अपे सहररेपे सलाव जुवाः अरू मी होड़ एचेरेपे सेन अरू हाँयपे कतावा, गुरुजी कताया, ईंगराः बेला निचकाःतना। ईंग अरू ईंगरिकुःआ चेलाकू पसहा परोब आम ओड़ाःरेले मनाःता, माःआन।” 19चेलाकू ईसू कतातेरा हनन इयाकू एचेतेरा अरू पसहाराः सरबहाकू संजोड़तेरा।
20दो हना सिंगाड़ मेला ईसू बारहगोटोंग चेलाकूतेन सुदा जोजोम लगाकू दुड़ुःयान। 21अरू हँकू जोजोम मेला ईसू कतातेरा, “ईंगराः कतापे अयूम, अपे अते मी होड़ ईंगपे एचे साबिंगता।”
22दो हँकुःआ मूक चेलाकूतेनराः जीव हुडिंगयान अरू मेमेड होड़ मेमेड होड़ ईसूकू होंबोरा, “ने परबू, हाँयग होड़ ईंग हवे जा?”
23हनते ईसू हँकू एचेरेय कता कुदातेरा, “ईंग सुदा छिपीराः सुरुवारे रुटी लोटाव घड़ीने जोमतना, हनाँय ईंगे एचे साबता। 24मनुवारीग बेटात बदीरे भगवानराः कागदरे ओजाःतो इदा हनन इयाय गुजुःता।#सेरेंगकून 41:9 मनदो मनुवारीग बेटाते एचे साबेयता हाँयग होड़राः जीव नपाय कहियो ओरो दोहोनेना। हाँय अनाहाय जनमावकुः दो, हाँय लगा नपाय दोहोकुःआ।” 25ईसू एचे साबगे लगा दोहोना हाँयग जूदा कतातेरा, “ने रबबी, इनिंग हवे जा?”
दो ईसू कता कुदातेरा, “आम अनम कताकेरा।”
26हँकू जोजोमा हननमेला ईसू रुटीय साबतेड अरू भगवान धनियाबादतेडखन हना रुटीय डुंडीगतेरा। हँकू ओवातेडकूखने कतातेरा, “ना अरूपे जोम। नाःआ ईंगराः देह हवे।”
27हनते हाँय अंगूर रसराः डुबहा साबतेडखन भगवाने धनियाबादतेरा अरू हँकू ओवातेडखने कतातेड, “नाःआ डुबहाते अपे जमाकू ञूय। 28नाःआ रस ईंगराः बलंगी हवे अरू नानाः अते होड़कू सुदा भगवान कता-जमकावकूता। मुरुक होड़कूराः कसूर भगवान बराव एंडागे लगा ईंगराः बलंगी तूःता।#एचे उडुंग 24:6-8 29अपे ईंगपे अयूम! नुँहू अते ईंगरीग अपांग भगवानराः राइजरे अपे सुदा नँवा अंगूरराः रस अरीनिंग ञूय वरी हान ओरोयिंग ञूतेरा।”
30हनते हँकू मीटोंग सेरेंग सेरेंगनेनखन जइतून पहाड़ होर तोराकू।
पतरस ईसूय आड-बेकारा
(मरकूस 14:27-40; लूका 22:31-34; एहुना 13:36-38)
31हनते ईसू हँकू एचेरेय कताया, “भगवानराः कागदरे नाःआ इया ओजाःतो इदा,
ईंग सरवाहा होड़िंग ञेड एंडाता,
अरू भेड़ाकू सितिर-बितिर जुवाःताकू।#जक 13:7
हनालगा अपे जमा होड़कू ईंग अड़ाःकेडखन तिसिंग रइतपे सलाव जुवाःता।
32मनदो ईंग जियाव रिमुः हना तयोमरे अपे अते मड़ंग गलील छतरिंग सेनता।”
33हनते पतरस कतातेड, “गुरुजी, जमा होड़कू अड़ाःगोडमेकू दो ईंग ओरोयिंग अड़ाःतेडमेःआ।”
34दो ईसू पतरसे कतावाड, “ईंग कताम अयूम, तिनिसिंग रइत कुकुड़ा कुकूड़चुः अते मड़ंग आम पेय तुरहा ईंगमे आड-बेकारवाता।”
35दो पतरस कतातेरा, “ईंग आम सुदा गुजुः हों पराः, आम ओरोयिंग आड-बेकारवातेडमेःआ।”
हनन उड़ी एटाः चेलाकू होंकू कतातेरा।
गतसमनी बगइचारे ईसूराः अरजी
(मरकूस 14:32-42; लूका 22:39-46)
36हनते ईसू अरू आँयगरिकुःआ चेलाकू गतसमनी बगइचारेकू सेनेडा अरू ईसू हँकू एचेरेय कतातेरा, “ईंग मना अगी सेनेडखनिंग अरजी मेला अपे नानडापे दुड़ुःकुः।” 37हनते ईसू पतरस अरू जबदीरिकिनाः बार होड़ बेटाकिन एकूब अरू एहुना आँयग सुदा तोरेरेय गोःयाडकू अरू हाँयराः जीव मुरुक हुडिंगयान अरू कटसियायान। 38अरू हाँय हँकुःआ पेयगोटोंग मूक चेलाकूतेने कतावातेरा, “ईंगराः जीव मुरुक उदबासयना अरू गुजुः इयायिंग होयायना। अपे ननडापे दोहोन अरू ईंग सुदा जगलेपे दोहोन।”
39हनते हाँय गुनमिन तोरेय सेनेडा अरू ओतरे तबेरनेनखन भगवान एचेरेय अरजीःआ, “ने अपांग, होया अवेन दो, नाःआ कटसियाराः दूर ईंग अतेम चलाःगोड। नान दो ईंगराः हिछा इया कोवान, मनदो अनमराः हिछा इया होयाः।”
40दो ईसू अरजीवाडखने वेजेडा अरू अपीगतोय ञेलतेडकुःआ अरू पतरस एचेरेय होंबोरतेरा, “आम गुनहोन हों मेरेम बेरेड अवेनता जा? 41जगलेम दोहोन अरू भगवान एचेरेम अरजीगोड ञवन। हना अते आम तोनोंग इयाःआ अंदजावरे ओरोम परावनेना। जीव बिरुवा सपड़ावतो इदा, मनदो नाःआ देह जंगर कुड़ही इदा।”
42हनते ईसू अरजी लगा अरू सेनेडखने अरजीतेरा, “ने अपांग, नाःआ कटसियाराः दूररे ईंगके सेन लगा इदान दो अनमराः ओंगोल इया होयाः।”
43दो ईसू हँकुःआ चेलाकूतेन अपीगतोय वेग ञामतेडकुःआ अरू हँकू अपिगरेकू मथलावयान। 44हनते ईसू अरजी लगा अरूय सेनेडा अरू मड़ंगरेय अरजीतेरा हनन इया पेय तुरहाय अरजीतेरा।
45हनते हाँय चेलाकूतेन एचेरे अरूय कुदा वेजेडा अरू हँकू एचेरेय कताया, “अपे नुँहूमिन अपीगगोड ञवनतनापे जा? होयायना। कसूर होड़कू एचेरे मनुवारीग बेटाते एचे साबगेयता हना बेला सोदोरयना। 46रिमुःपे। दो अबू सेनता। अरू ञेलकूपे, ईंगे एचे सबिंगता, हाँयग होड़ वेगयनाय।”
ईसूकू एचे साबा
(मरकूस 14:43-50; लूका 22:47-53; एहुना 18:2-11)
47ईसू कनताय कताय मेला, बारहगोटोंग मूक चेलाकू अते मी होड़ जूदा वेगनेना। मरंग पुजउरीकू अरू इसराएलरिकुःआ मूक होड़कू हाँय सुदा मुरुक बगरा होड़कूकू वारतेरा। हँकुःआ होड़कू तलवइरकून अरू हापकून साबतेडखनकू वेजेडा। 48जूदा ईसू साब लगाकू वेजेडा हँकुःआ होड़कू एचेरे मड़ंगरेय कतातेरा, “ईंग अंजोडगेय हनाँय हवे। हाँयपे साबबाःका।” 49दो जूदा ईसू एचेरे ओहेन सेनेडखने कतातेड, “ने रबबी#26:49 रबबी गुरुजी, सलाम सलाम”, अरू हाँये अंजोडतेरा।
50दो ईसू कता कुदातेरा, “ने सउंगता, आम वेगकिया हना बुताम पुरावगोड।”
हनते जूदा सुदाकू वेजेडा हँकुःआ होड़कू ईसूकू साब रहावबाःकातेडीया। 51ईसू सुदाकू चड़ाँकुःआ हँकू अते मी होड़ तलवइर ओहेन ओरतेडखन मूक पुजउरीरीग सेवादार एचेरेय सलावतेरा अरू हाँयराः लुतूरे तपेगबाःगोतेड।
52दो ईसू हाँय एचेरेय कतातेड, “तोनोंगीग एटाः होड़ एचेरे अनँयगराः तलवइरे सलाव, हाँय तनलवइरतेय लाय जुवाःता। हनालगा आमराः तलवइरमे दोहोयता हना थुइलारेम सोलोंगगोड। 53आम चेले माःआनमे ओंगलेतना, ईंग ईंगरीग अपांग एचेरेयिंग असेके दो, हाँय ईंग बनसाव लगा बारह पलटन#26:53 रूमी देसराः सइना होड़कूराः मी पलटनरे 6,000 सइनाकू दोहोनता। अते बगरा सेरमो देसरिकुःआ बराहीलकू ओरोय वारतेडकुःआ जा? 54मनदो भगवानराः कागदरे ओजाःतो इदा हना नाःआ इया पुराः लगा इदा।”
55हनमेला ईसू होड़कू एचेरेय कतातेड, “अपे ईंग लुलुड़ी होड़ ओंगोलवाडिंगखन ससाब लगा तलवइरकून अरू हापकून साबकेडखनपे वेगकिया जा? ईंग सगर दिन भगवान ओड़ाःरे अपे सुदायिंग दोहोना अरू होड़कूयिंग चेडा। दो अपे हंडा ईंग मेरपे साबगडिंग। 56मनदो नाःआ जमाकून भगवानराः बड़रा कता होड़कू ओजाःतेरा हना कता पुराः लगा होयाकिया।” हनते जमा मूक चेलाकूतेन ईसू अड़ाःतिरिगखनकू ञीरयान।
मरंग पंचाइतरे ईसूकू गोःतिरिया
(मरकूस 14:53-65; लूका 22:54-55,63-71; एहुना 18:13-14,19-24)
57हनते हँकुःआ होड़कू ईसू मूक पुजउरी कइपा एचेरेकू गोःयाडीग। हाँयग ओड़ाःरे इसराएल मूक होड़कू अरू नियम चेडदार होड़कू मुरुक बगराकू जुमावनेना। 58पतरस ईसू अते गुनमिन तोनोरे तोरेते हाँय देह दूर मूक पुजउरीराः ओड़ाः राच मिने बोलोनेना। हाँय अगुरा होड़कू सुदा दुड़ुःनेनखन चिला होयाःता हनाय ञेला। 59मरंग पुजउरीकू अरू मरंग पंचाइतरिकुःआ जमा होड़कू ईसू ञेड एंडागेय लगा हाँय बदीरे लबरा हिदइतकू ञामा। 60ईसू बदीरे मुरुक होड़कू लबरा हिदइतकू उदुःआ। मनदो हना हों मेर जुमावगान।
61टुटीगरे बार होड़ लबरा हिदइतकिन उदुःतेड। हँकिन कतातेड, “नाँयग होड़ कतातेरा, ईंग भगवानराः नाःआ ओड़ाःयिंग रुबगोडता अरू पेय दिनरे अरूयिंग तुलागोडता, माःआन।”#एहु 2:19
62हनते मूक पुजउरी चड़ाँनेनखन ईसू एचेरेय होंबोरतेरा, “आम तोनोंग माःआन चिला लगा मेरेम कतायतना जा? नँकुःआ होड़कू आम बदीरे चेले माःआन हिदइतकू एमेतना?” 63मनदो ईसू कलेकाले दोहोना।
मूक पुजउरी अरूय कतातेरा, “जीयत भगवानराः किरिया जोमकेडखन आम एचेरेयिंग हुकुमगेतना, आम भगवानरीग बेटात मसी अनम हवे जा?”
64दो ईसू कतातेड, “आम अनम कताकेरा। मनदो ईंग अपे एचेरेयिंग कतायतना, अपे मनुवारीग बेटात, अगम जंगरदार भगवानराः खउना गतर दुड़ुःतो अरू सेरमो देस अते बदरीरे उतराव वेगतोपे ञेलेयता।”#दानि 7:13
65हनते मूक पुजउरी मुरुके रीसनेना अरू आँयगराः सोनहे सिरावतेडखने कतातेड, “नुँहू अबू लगा तोनोंगीग होड़ अते अरू हिदइत गोगोः कोवानेःआ। अपे जमाकू अयूमकेरापे, नाँय भगवान बदीकेडखन चेले माःआने कताकेरा। 66अपेराः चेले माःआन सलाह इदा?”
हँकू जमा होड़कू कतातेरा, “नाँय ञेड एएंडा लगा इदा।”#लेवी 24:16
67दो हँकुःआ होड़कू ईसू चोटरेकू बेगतेरा अरू मुटकातेकू ञेंडेया। अरू अदोम होड़कू हाँयकू चपड़तेरा, 68अरू लंदा घड़ीनकू कताया, “ने मसी, भगवानराः बड़रा अलेम उदुःवाले, इये ञेडकेडमेःआ?”
पतरस ईसूय आड-बेकारवातेरा
(मरकूस 14:66-72; लूका 22:55-62; एहुना 18:15-18,25-27)
69हनमेला पतरस बहरी राचरेय दुड़ुःकुःआ। दो मी होड़ सेवकियायीन हाँय एचेरेय वेजेडा। अरू पतरसे कतावाःआ, “आम हों दो गलील छतररीग ईसू सुदाम दोहोना।”
70दो पतरस जमाकू मड़ंगरे नाःआ कता आड-बेकारवाडखने कतातेड, “ईंग मेरिंग सुसुदीतना आम चेले माःआनमे कतायतना।”
71हनते हाँय राच दुवार बहरी होरे सेनेडा। हंडा एटाः मी होड़ धंगड़ी हाँय ञेलतेडखन हंडा चड़ाँत होड़कू एचेरेय कताया, “नाँयग होड़ हों नसरतरीग ईसू सुदाय दोहोना।”
72हनते हाँयग पतरस अरू मी तुरहा किरिया कसट जोम घड़ीने आड-बेकारवातिरिया, “ईंग हाँयग होड़ मेरिंग सुदीयतना।”
73तोनोंगखन तयोमरे हंडा चड़ाँःत होड़कू पतरस एचेरे सेनेडखनकू कतातेरा, “सतायरे आम हों हँकुःआ होड़कू अते मी होड़ हवे। आमराः बड़रातेले सुसुदीतना।”
74हनते पतरस अनँयग आँयग सती-सरापगुःआय अरू किरिया जोमवाडखने कताया, “हाँयग होड़ ईंग मेरिंग सुसुदीतना।”
ओहेन कुकुड़ा कुकूड़चुःनेना। 75हनन मेला पतरस ईसू हाँय एचेरेय कतातेरा हनाय उहियार अगूतेरा, कुकुड़ा कुकूड़चुः अते मड़ंग आम पेय तुरहाम आड-बेकारवायिंगता, माःआन। अरू हाँय बहरी उडुंगनेनखन गोंघाड़ोमे इयामा।
Currently Selected:
मती 26: kfp
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.
मती 26
26
ईसू ञेड एंडा लगा बुइद
(मरकूस 14:1,2; लूका 22:1,2; एहुना 11:45-53)
1ईसू नाःआ जमा कताकून अनँयग चेलाकू एचेरे कता उरियावनेनखने कताया, 2“अपे सुसुदीतना बार दिन तयोमरे पसहा परोब इदा। अरू हनमेला होड़कू मनुवारीग बेटातकू सबेयता अरू कुरूसरेकू ठोंकाव गोजेयता।”
3हनानाः बेला मरंग पुजउरीकू अरू एहूदाकूरिकुःआ मूक होड़कू, मूक पुजउरी कइपाराः गड़हीरेकू जुमावनेना। 4हँकू ईसू कलेकाल एचे साबकिडिगखन ञेड एंडागेय लगाकू ओंगलेःआ। 5मनदो हँकू कता होड़ेंगा, होड़कू एचेरे तोनोंग इयाराः हलो-गदोड़ी अलो होयाः। हनालगा परोबराः दिनरे हाँय अलोबू एचे सबेय।
बेतनिया गाँवरे ईसू
(मरकूस 14:3-9; एहुना 12:1-8)
6बेतनिया गाँवरे सिमोन ञावीग मी होड़ होड़राः ओड़ाःरे ईसू दोहोना। हाँयग सिमोन मड़ंग कुड़गा होड़े दोहोना। 7दो ईसू जोजोम लगा टिबुलरेय तेंदारनेना हनमेला मी होड़ अइमी मुरुक सुघर दिरिराः बोतोलरे मुरुक किमइतराः नपाय महक सुनुमे अगूतेरा। अरू हाँय बोतोल राबतेडखन हना सुनुम ईसू बोःरेय दूलगोतेड।
8चेलाकूतेन नाःआ ञेलतेडखन हँकू रीसवाडखनकू कताया, “नाःआ सुनुम चिला लगा बेगर लूरमे एचे एंडागोतेडा? 9नाःआ सुनुम मुरुक दामते अकिरिंगवाडखन गरीब होड़कू हटिंगवाकेकुःआ।”
10नाःआ सुदीकेडखन ईसू कतातेड, “नाँय चिला लगापे हलकइनगेयतना? नाँय ईंग लगा नाय नपाये एचेकेरा। 11गरीब होड़कू अपे एचेरे जमा बेलाकू दोहोनता। मनदो ईंग अपे सुदा सगर दिन ओरोयिंग दोहोनेना। 12नाँय ईंगकू तील अते मड़ंग ईंग धाररे सुनुमे तिलाःकेरा। 13अपे ईंगपे अयूम, जमा चउंदीसरे तोनोंगाः ततेररे नपाय सरवनकू परसारगेता, हंडा नाँय एचेकेरा हना बदीरे होड़कूकू कता उहियारता।”
ईसू एचे साबगे लगा जूदा राययान
(मरकूस 14:10-11; लूका 22:3-6)
14हनते ईसूरिकुःआ बारहगोटोंग मूक चेलाकूतेन अते मी होड़ जूदा इसकरियोती मरंग पुजउरीकू एचेरेय सेनेडा। 15अरू हाँय हँकूय होंबोरतेरा, “ईंग ईसूयिंग एचे साबेय दो, अपे चिलापे एमेवायिंगता?” हनते हँकू चाँदीराः तीसगोटोंग रिचकी ढिबुवा हाँयकू एमेवातेरा। 16अरू हना वरीते हाँय ईसू एचे साबगेय लगा दोंगे ञामा।
पसहा परोबराः रुटी जोम
(मरकूस 14:12-26; लूका 22:7-23; एहुना 13:21-30; 1 कुरिंती 11:23-26)
17रुटीराः परोबराः मड़ंग दिन ईसूरिकुःआ चेलाकू ईसू एचेरेकू होंबोरतेरा, “ने गुरुजी, पसहा परोबराः रुटी जोम लगा अले करे सेनेकियानखन आम लगाले सरबहा हताड़गे?”
18दो ईसू चेलाकूतेन एचेरेय कताया, “अपे सहररेपे सलाव जुवाः अरू मी होड़ एचेरेपे सेन अरू हाँयपे कतावा, गुरुजी कताया, ईंगराः बेला निचकाःतना। ईंग अरू ईंगरिकुःआ चेलाकू पसहा परोब आम ओड़ाःरेले मनाःता, माःआन।” 19चेलाकू ईसू कतातेरा हनन इयाकू एचेतेरा अरू पसहाराः सरबहाकू संजोड़तेरा।
20दो हना सिंगाड़ मेला ईसू बारहगोटोंग चेलाकूतेन सुदा जोजोम लगाकू दुड़ुःयान। 21अरू हँकू जोजोम मेला ईसू कतातेरा, “ईंगराः कतापे अयूम, अपे अते मी होड़ ईंगपे एचे साबिंगता।”
22दो हँकुःआ मूक चेलाकूतेनराः जीव हुडिंगयान अरू मेमेड होड़ मेमेड होड़ ईसूकू होंबोरा, “ने परबू, हाँयग होड़ ईंग हवे जा?”
23हनते ईसू हँकू एचेरेय कता कुदातेरा, “ईंग सुदा छिपीराः सुरुवारे रुटी लोटाव घड़ीने जोमतना, हनाँय ईंगे एचे साबता। 24मनुवारीग बेटात बदीरे भगवानराः कागदरे ओजाःतो इदा हनन इयाय गुजुःता।#सेरेंगकून 41:9 मनदो मनुवारीग बेटाते एचे साबेयता हाँयग होड़राः जीव नपाय कहियो ओरो दोहोनेना। हाँय अनाहाय जनमावकुः दो, हाँय लगा नपाय दोहोकुःआ।” 25ईसू एचे साबगे लगा दोहोना हाँयग जूदा कतातेरा, “ने रबबी, इनिंग हवे जा?”
दो ईसू कता कुदातेरा, “आम अनम कताकेरा।”
26हँकू जोजोमा हननमेला ईसू रुटीय साबतेड अरू भगवान धनियाबादतेडखन हना रुटीय डुंडीगतेरा। हँकू ओवातेडकूखने कतातेरा, “ना अरूपे जोम। नाःआ ईंगराः देह हवे।”
27हनते हाँय अंगूर रसराः डुबहा साबतेडखन भगवाने धनियाबादतेरा अरू हँकू ओवातेडखने कतातेड, “नाःआ डुबहाते अपे जमाकू ञूय। 28नाःआ रस ईंगराः बलंगी हवे अरू नानाः अते होड़कू सुदा भगवान कता-जमकावकूता। मुरुक होड़कूराः कसूर भगवान बराव एंडागे लगा ईंगराः बलंगी तूःता।#एचे उडुंग 24:6-8 29अपे ईंगपे अयूम! नुँहू अते ईंगरीग अपांग भगवानराः राइजरे अपे सुदा नँवा अंगूरराः रस अरीनिंग ञूय वरी हान ओरोयिंग ञूतेरा।”
30हनते हँकू मीटोंग सेरेंग सेरेंगनेनखन जइतून पहाड़ होर तोराकू।
पतरस ईसूय आड-बेकारा
(मरकूस 14:27-40; लूका 22:31-34; एहुना 13:36-38)
31हनते ईसू हँकू एचेरेय कताया, “भगवानराः कागदरे नाःआ इया ओजाःतो इदा,
ईंग सरवाहा होड़िंग ञेड एंडाता,
अरू भेड़ाकू सितिर-बितिर जुवाःताकू।#जक 13:7
हनालगा अपे जमा होड़कू ईंग अड़ाःकेडखन तिसिंग रइतपे सलाव जुवाःता।
32मनदो ईंग जियाव रिमुः हना तयोमरे अपे अते मड़ंग गलील छतरिंग सेनता।”
33हनते पतरस कतातेड, “गुरुजी, जमा होड़कू अड़ाःगोडमेकू दो ईंग ओरोयिंग अड़ाःतेडमेःआ।”
34दो ईसू पतरसे कतावाड, “ईंग कताम अयूम, तिनिसिंग रइत कुकुड़ा कुकूड़चुः अते मड़ंग आम पेय तुरहा ईंगमे आड-बेकारवाता।”
35दो पतरस कतातेरा, “ईंग आम सुदा गुजुः हों पराः, आम ओरोयिंग आड-बेकारवातेडमेःआ।”
हनन उड़ी एटाः चेलाकू होंकू कतातेरा।
गतसमनी बगइचारे ईसूराः अरजी
(मरकूस 14:32-42; लूका 22:39-46)
36हनते ईसू अरू आँयगरिकुःआ चेलाकू गतसमनी बगइचारेकू सेनेडा अरू ईसू हँकू एचेरेय कतातेरा, “ईंग मना अगी सेनेडखनिंग अरजी मेला अपे नानडापे दुड़ुःकुः।” 37हनते ईसू पतरस अरू जबदीरिकिनाः बार होड़ बेटाकिन एकूब अरू एहुना आँयग सुदा तोरेरेय गोःयाडकू अरू हाँयराः जीव मुरुक हुडिंगयान अरू कटसियायान। 38अरू हाँय हँकुःआ पेयगोटोंग मूक चेलाकूतेने कतावातेरा, “ईंगराः जीव मुरुक उदबासयना अरू गुजुः इयायिंग होयायना। अपे ननडापे दोहोन अरू ईंग सुदा जगलेपे दोहोन।”
39हनते हाँय गुनमिन तोरेय सेनेडा अरू ओतरे तबेरनेनखन भगवान एचेरेय अरजीःआ, “ने अपांग, होया अवेन दो, नाःआ कटसियाराः दूर ईंग अतेम चलाःगोड। नान दो ईंगराः हिछा इया कोवान, मनदो अनमराः हिछा इया होयाः।”
40दो ईसू अरजीवाडखने वेजेडा अरू अपीगतोय ञेलतेडकुःआ अरू पतरस एचेरेय होंबोरतेरा, “आम गुनहोन हों मेरेम बेरेड अवेनता जा? 41जगलेम दोहोन अरू भगवान एचेरेम अरजीगोड ञवन। हना अते आम तोनोंग इयाःआ अंदजावरे ओरोम परावनेना। जीव बिरुवा सपड़ावतो इदा, मनदो नाःआ देह जंगर कुड़ही इदा।”
42हनते ईसू अरजी लगा अरू सेनेडखने अरजीतेरा, “ने अपांग, नाःआ कटसियाराः दूररे ईंगके सेन लगा इदान दो अनमराः ओंगोल इया होयाः।”
43दो ईसू हँकुःआ चेलाकूतेन अपीगतोय वेग ञामतेडकुःआ अरू हँकू अपिगरेकू मथलावयान। 44हनते ईसू अरजी लगा अरूय सेनेडा अरू मड़ंगरेय अरजीतेरा हनन इया पेय तुरहाय अरजीतेरा।
45हनते हाँय चेलाकूतेन एचेरे अरूय कुदा वेजेडा अरू हँकू एचेरेय कताया, “अपे नुँहूमिन अपीगगोड ञवनतनापे जा? होयायना। कसूर होड़कू एचेरे मनुवारीग बेटाते एचे साबगेयता हना बेला सोदोरयना। 46रिमुःपे। दो अबू सेनता। अरू ञेलकूपे, ईंगे एचे सबिंगता, हाँयग होड़ वेगयनाय।”
ईसूकू एचे साबा
(मरकूस 14:43-50; लूका 22:47-53; एहुना 18:2-11)
47ईसू कनताय कताय मेला, बारहगोटोंग मूक चेलाकू अते मी होड़ जूदा वेगनेना। मरंग पुजउरीकू अरू इसराएलरिकुःआ मूक होड़कू हाँय सुदा मुरुक बगरा होड़कूकू वारतेरा। हँकुःआ होड़कू तलवइरकून अरू हापकून साबतेडखनकू वेजेडा। 48जूदा ईसू साब लगाकू वेजेडा हँकुःआ होड़कू एचेरे मड़ंगरेय कतातेरा, “ईंग अंजोडगेय हनाँय हवे। हाँयपे साबबाःका।” 49दो जूदा ईसू एचेरे ओहेन सेनेडखने कतातेड, “ने रबबी#26:49 रबबी गुरुजी, सलाम सलाम”, अरू हाँये अंजोडतेरा।
50दो ईसू कता कुदातेरा, “ने सउंगता, आम वेगकिया हना बुताम पुरावगोड।”
हनते जूदा सुदाकू वेजेडा हँकुःआ होड़कू ईसूकू साब रहावबाःकातेडीया। 51ईसू सुदाकू चड़ाँकुःआ हँकू अते मी होड़ तलवइर ओहेन ओरतेडखन मूक पुजउरीरीग सेवादार एचेरेय सलावतेरा अरू हाँयराः लुतूरे तपेगबाःगोतेड।
52दो ईसू हाँय एचेरेय कतातेड, “तोनोंगीग एटाः होड़ एचेरे अनँयगराः तलवइरे सलाव, हाँय तनलवइरतेय लाय जुवाःता। हनालगा आमराः तलवइरमे दोहोयता हना थुइलारेम सोलोंगगोड। 53आम चेले माःआनमे ओंगलेतना, ईंग ईंगरीग अपांग एचेरेयिंग असेके दो, हाँय ईंग बनसाव लगा बारह पलटन#26:53 रूमी देसराः सइना होड़कूराः मी पलटनरे 6,000 सइनाकू दोहोनता। अते बगरा सेरमो देसरिकुःआ बराहीलकू ओरोय वारतेडकुःआ जा? 54मनदो भगवानराः कागदरे ओजाःतो इदा हना नाःआ इया पुराः लगा इदा।”
55हनमेला ईसू होड़कू एचेरेय कतातेड, “अपे ईंग लुलुड़ी होड़ ओंगोलवाडिंगखन ससाब लगा तलवइरकून अरू हापकून साबकेडखनपे वेगकिया जा? ईंग सगर दिन भगवान ओड़ाःरे अपे सुदायिंग दोहोना अरू होड़कूयिंग चेडा। दो अपे हंडा ईंग मेरपे साबगडिंग। 56मनदो नाःआ जमाकून भगवानराः बड़रा कता होड़कू ओजाःतेरा हना कता पुराः लगा होयाकिया।” हनते जमा मूक चेलाकूतेन ईसू अड़ाःतिरिगखनकू ञीरयान।
मरंग पंचाइतरे ईसूकू गोःतिरिया
(मरकूस 14:53-65; लूका 22:54-55,63-71; एहुना 18:13-14,19-24)
57हनते हँकुःआ होड़कू ईसू मूक पुजउरी कइपा एचेरेकू गोःयाडीग। हाँयग ओड़ाःरे इसराएल मूक होड़कू अरू नियम चेडदार होड़कू मुरुक बगराकू जुमावनेना। 58पतरस ईसू अते गुनमिन तोनोरे तोरेते हाँय देह दूर मूक पुजउरीराः ओड़ाः राच मिने बोलोनेना। हाँय अगुरा होड़कू सुदा दुड़ुःनेनखन चिला होयाःता हनाय ञेला। 59मरंग पुजउरीकू अरू मरंग पंचाइतरिकुःआ जमा होड़कू ईसू ञेड एंडागेय लगा हाँय बदीरे लबरा हिदइतकू ञामा। 60ईसू बदीरे मुरुक होड़कू लबरा हिदइतकू उदुःआ। मनदो हना हों मेर जुमावगान।
61टुटीगरे बार होड़ लबरा हिदइतकिन उदुःतेड। हँकिन कतातेड, “नाँयग होड़ कतातेरा, ईंग भगवानराः नाःआ ओड़ाःयिंग रुबगोडता अरू पेय दिनरे अरूयिंग तुलागोडता, माःआन।”#एहु 2:19
62हनते मूक पुजउरी चड़ाँनेनखन ईसू एचेरेय होंबोरतेरा, “आम तोनोंग माःआन चिला लगा मेरेम कतायतना जा? नँकुःआ होड़कू आम बदीरे चेले माःआन हिदइतकू एमेतना?” 63मनदो ईसू कलेकाले दोहोना।
मूक पुजउरी अरूय कतातेरा, “जीयत भगवानराः किरिया जोमकेडखन आम एचेरेयिंग हुकुमगेतना, आम भगवानरीग बेटात मसी अनम हवे जा?”
64दो ईसू कतातेड, “आम अनम कताकेरा। मनदो ईंग अपे एचेरेयिंग कतायतना, अपे मनुवारीग बेटात, अगम जंगरदार भगवानराः खउना गतर दुड़ुःतो अरू सेरमो देस अते बदरीरे उतराव वेगतोपे ञेलेयता।”#दानि 7:13
65हनते मूक पुजउरी मुरुके रीसनेना अरू आँयगराः सोनहे सिरावतेडखने कतातेड, “नुँहू अबू लगा तोनोंगीग होड़ अते अरू हिदइत गोगोः कोवानेःआ। अपे जमाकू अयूमकेरापे, नाँय भगवान बदीकेडखन चेले माःआने कताकेरा। 66अपेराः चेले माःआन सलाह इदा?”
हँकू जमा होड़कू कतातेरा, “नाँय ञेड एएंडा लगा इदा।”#लेवी 24:16
67दो हँकुःआ होड़कू ईसू चोटरेकू बेगतेरा अरू मुटकातेकू ञेंडेया। अरू अदोम होड़कू हाँयकू चपड़तेरा, 68अरू लंदा घड़ीनकू कताया, “ने मसी, भगवानराः बड़रा अलेम उदुःवाले, इये ञेडकेडमेःआ?”
पतरस ईसूय आड-बेकारवातेरा
(मरकूस 14:66-72; लूका 22:55-62; एहुना 18:15-18,25-27)
69हनमेला पतरस बहरी राचरेय दुड़ुःकुःआ। दो मी होड़ सेवकियायीन हाँय एचेरेय वेजेडा। अरू पतरसे कतावाःआ, “आम हों दो गलील छतररीग ईसू सुदाम दोहोना।”
70दो पतरस जमाकू मड़ंगरे नाःआ कता आड-बेकारवाडखने कतातेड, “ईंग मेरिंग सुसुदीतना आम चेले माःआनमे कतायतना।”
71हनते हाँय राच दुवार बहरी होरे सेनेडा। हंडा एटाः मी होड़ धंगड़ी हाँय ञेलतेडखन हंडा चड़ाँत होड़कू एचेरेय कताया, “नाँयग होड़ हों नसरतरीग ईसू सुदाय दोहोना।”
72हनते हाँयग पतरस अरू मी तुरहा किरिया कसट जोम घड़ीने आड-बेकारवातिरिया, “ईंग हाँयग होड़ मेरिंग सुदीयतना।”
73तोनोंगखन तयोमरे हंडा चड़ाँःत होड़कू पतरस एचेरे सेनेडखनकू कतातेरा, “सतायरे आम हों हँकुःआ होड़कू अते मी होड़ हवे। आमराः बड़रातेले सुसुदीतना।”
74हनते पतरस अनँयग आँयग सती-सरापगुःआय अरू किरिया जोमवाडखने कताया, “हाँयग होड़ ईंग मेरिंग सुसुदीतना।”
ओहेन कुकुड़ा कुकूड़चुःनेना। 75हनन मेला पतरस ईसू हाँय एचेरेय कतातेरा हनाय उहियार अगूतेरा, कुकुड़ा कुकूड़चुः अते मड़ंग आम पेय तुरहाम आड-बेकारवायिंगता, माःआन। अरू हाँय बहरी उडुंगनेनखन गोंघाड़ोमे इयामा।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.