मरकूस 4
4
बिहान वेवेरराः कहड़ी
(मती 13:1-9; लूका 8:4-8)
1एटाः दिन ईसू हुडिंग समुंदर धरीरे होड़कूय चेडा। हाँय एचेरे मुरुक होड़कू जुमावनेना। हनालगा ईसू मीटोंग डोंगारे देगनेनखने दुड़ुःयान अरू जमा होड़कू हुडिंग समुंदर धरीरे ओतरेकू दोहोना। 2ईसू हँकू मुरुक अउल-तउल कहड़ीकून कतावाकू घड़ीने चेडकुःआ।
दो मीटोंग कहड़ी हँकूय कतावाड, 3“ईंगपे अयूम। मी होड़ किसाड़ होड़ बिहान वेर लगाय उडुंगनेना। 4लेवा वेर मेला तोनोंग तोनोंग बिहान दूररे लोजोरनेना अरू हना बिहान तितीगकू हलंग जोमगोतेड। 5अदोम बिहान दररी ओतरे लोजोरनेना। हास हुडिंग दोहोना हनालगा ओहेन ओमोननेना। 6मनदो सितोंग परावनेन अते गोसोयान अरू जेर गुन लकन दोहोन अते असलावयान। 7तोनोंग बिहान जनुम बुदारे लोजोरनेना अरू जनुम बुदा हना बिहान सुदा हरानेनखन तेनगोतेड अरू मेर जोगान। 8अरू तोनोंग बिहान नपाय ओतरे लोजोरनेना अरू हना नपायते ओमोननेना अरू तीस, साठ अरू सव मन वरी मुरुक बुता अदेरकेरा। 9अयूम अवेयता हाँयग होड़, नपायतेय अयूम ठुड़ावागे।”
बिहान वेवेर कहड़ीराः मतलोब
(मती 13:10,18-23; लूका 8:9-15)
10ईसू होड़कू अते एटाःरेय दोहोना हनमेला आँयगरिकुःआ बारहगोटोंग मूक चेलाकू अरू एटाः चेलाकूतेन हाँय एचेरे वेगवाडखनकू होंबोरतेड, “ने गुरुजी, नाःआ अउल-तउल कहड़ीराः मतलोबमे उदुःवाले।” 11दो ईसू कतातेड, “भगवानराः राइजराः ओकोत कताकून सुदी लगा अपेके भगवान कनहूने एमेवाडपेःआ, मनदो एटाः होड़कू सुदा ईंग अउल-तउल कहड़ीयिंग उदुःगेता। 12भगवानराः कागदरे ओजाःतो इदा हनन इया होयाः लगा,
हँकुःआ होड़कू ईंग एचेयता हनाकू ञेलकेः दो हनाकू बुझाव अवेकुःआ
अरू अयूमकेडखनकू सुदीबाःकेःआ।
बुझावकुः होले कसूर अते जीवकू कुदाकेःआ अरू भगवान हँकूराः कसूरकूने बराव एंडाकेःआ।”#एस 6:9,10
13दो ईसू अरूय कताया, “अपे नाःआ कहड़ीराः मतलोब मेरपे बुझाःतना जा? नाःआ मेरपे बुझाः होले करा उड़ी अपे एटाः कहड़ीकूनपे बुझाः?”
14हनते ईसू अरूय कतातेड, “हना कहड़ीराः मतलोब नाःआ हवे। बिहान भगवानराः सरवन हवे। 15दूररे लोजोरनेना हना बिहान नाःआ इया होड़कू हवे, हँकू सरवनकू अयूमता, मनदो कलउ वेगवाडखन हँकूराः जीव अते हना सरवने गोःयाता। 16दररीरे लोजोरनेना हना बिहान नाःआ इया होड़कू हवे, हँकू भगवानराः कता नपायतेकू अयुमेता अरू नपायतेकू मनाःता। 17मनदो हँकू गुन लकन जेरगुःता अरू तोनोंग दिन लगा सरवनरेकू बिसवासगेता। मनदो सरवनरे बिसवासगे अते तोनोंग तोनोंग इयाःआ कटसिया सहे संतावरेकू पराःतान मेला हना बिसवासकू अड़ाःगोडता। 18एटाः होड़कू जनुम बुदारे लोजोरनेन हना बिहान इया होड़कू हवे। हँकू सरवनकू अयुमेता, 19मनदो हना सरवन चउंदीसराः ओंगोल, आन-धानराः ओंगोल अरू तोनोंग तोनोंग ललचीरे तेन जुवाःता अरू जोःओ मेर जोःता। 20नपाय ओतरे लोजोरनेना हना बिहान नाःआ इया होड़कू हवे। हँकू सरवन अयूमकेडखन मुरुक नपायते अँनकूराः जीवरेकू दोहोगोडता अरू सहाव घड़ीन नपायते तीस, साठ अरू मी सव तुरहा जोःओ जोःता।”
ढिबरीराः अउल-तउल कहड़ी
(लूका 8:16-18)
21ईसू अरू मीटोंग अउल-तउल कहड़ीय कतातेड, “तोनोंगीग होड़ ढिबरी सलगावकेडखन टुकनूते ओरोय दाबतेरा सहे खटी पेंदारे ओरोय मंडावतेरा। मनदो भीटरेय वकागोडता। 22नाःआ इया तोनोंग कता पसावतो इदा हना कता भगवान जमाकू मड़ंगरेय एचे उदुःगोडता। तोनोंग बड़रा ओकोत इदा, हना बड़रा जमा होड़कू सुदीगोडता। 23अयूम अवेयता हाँयग होड़, नपायतेय अयूम ठुड़ावागे।”
24ईसू अरूय कतातेड, “अपे अयुमेतना हना कता बदीरे नपायतेपे ओंगले। अपे सोंगगेता, हनानाः तंबीरे अपे लगा हों सोंगवापेता अरू हनाते बगराय एमेवापेता। 25तोनोंगीग एचेरे कहिसाः इदान दो हाँयके भगवान अरूय एमेयता। मनदो तोनोंगीग एचेरे कहिसाः कोवानेःआ दो, ईंग एचेरे इदा, माःआने ओंगलेता हना हों हाँय अते भगवान गोःयाता।”
हरानता हना बिहानराः अउल-तउल कहड़ी
26दो ईसू हँकू एचेरे अरू मीटोंग कहड़ीय कतातेड, “भगवानराः राइज नानाः इया हवे। मी होड़ होड़ अनँयग दोहोड़रे बिहाने वेरतेरा। 27मुरुक दिन होयायान अरू हनामिन दिनरे हना बिहान ओमोननेनखन हरायान। अरू हाँयग होड़ हना बदीरे मेरेय सुदीया। 28ओत अते बिहान अनँयग आँयगते ओमोनगुःता, मड़ंगरे जराइगुःता, हनते पुटीगकियानखन बलीते जांग होया जुवाःता। 29हुड़ू बेले जुवाःता अरू ईर अदरे लगा बेला होया जुवाःतान दो किसाड़ दतरोमतेय ईरता।”
ढड़हा बिहानराः अउल-तउल कहड़ी
(मती 13:31,32,34; लूका 13:18-19)
30हनते ईसू अरूय कतातेरा, “भगवानराः राइज करा इया इदा? हना ईंग करा उड़ीयिंग अउल-तउलगे? 31हना राइज ढड़हाराः बिहान उड़ी इदा। तोनोंगीग होड़ बिहान ओतरे वेरतान मेला हना बिहान जमा बिहानकून अते हुनुडिंग इदा, 32मनदो वेर तयोमरे हना बिहान हरानेनखन जमा बुदाकूनते मरंग होयाःता अरू मरंग मरंग डइड़कून होयाःता। मुरुक तितीगकू हना डइड़कूनराः उंबूलरे तुकाकू तुलाता।”
33हँकू सुदी अवेया हना इया कहड़ीकूनते, ईसू भगवानराः सरवने कता उदुःवातेडकुःआ। 34अरू हाँय बे कहड़ीरे हँकू एचेरे तोनोंग मेरेय कतागाड, मनदो आँयगरिकुःआ चेलाकू एचेरे नाःआ जमा कहड़ीकूनराः मतलोबे एचे सुदीतेडकुःआ।
ईसू होय अरू लहराय रोंकावतेरा
(मती 8:23-27; लूका 8:22-25)
35हना दिन सिंगाड़ मेला ईसू आँयग चेलाकू एचेरेय कताया, “दोबू अबू नाःआ हुडिंग समुंदर मार परोमबू सेने पारता।” 36ईसू डोंगारेय दुड़ुःनेना, हना डोंगारे आँयग चेलाकू होंकू देगनेना अरू हँकू हना समुंदर मार परोम तोराकू। एटाः एटाः होड़कू एटाः डोंगारेकू देगनेनखन हँकू सुदाकू सेना।
37हनमेला हना समुंदररे मुरुक गड़रा घटा होयानेना। डोंगारे दनाः दाः पेरेगयान अरू हना डोंगा हुडिंग हुडिंग मेर बुडावगान। 38मनदो ईसू हना डोंगाराः तयोम गतररे मीटोंग तकियारेय अपीगगोडा। दो चेलाकूतेन ईसू बेरेडतिरिगखनकू कताया, “ने गुरुजी, अबू दो गुजुःतना अरू आमके अले बदीरे तोनोंगाः ओंगोल कोवानेःआ जा?” 39दो ईसू रेमनेनखन हना गड़रा घटा रोंकाः लगाय कतातेरा। दो हननमेला होय अरू लहरा रोंकावयान अरू होय ओहेन मधिमयान। 40दो ईसू हँकू एचेरेय कतातेड, “अपे चिलापे बोरोवाता? नुँहू वरी अपे ईंग एचेरे मेरपे भरसाता जा?”
41हँकू मुरुककू बयावयान अरूकू कता होड़ेंगा, “ओहरे! नाँय करा इयायीग होड़ हवे? होय अरू लहरा हों नाँयराः हुकुम मनाव जुवाःता।”
Currently Selected:
मरकूस 4: kfp
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.
मरकूस 4
4
बिहान वेवेरराः कहड़ी
(मती 13:1-9; लूका 8:4-8)
1एटाः दिन ईसू हुडिंग समुंदर धरीरे होड़कूय चेडा। हाँय एचेरे मुरुक होड़कू जुमावनेना। हनालगा ईसू मीटोंग डोंगारे देगनेनखने दुड़ुःयान अरू जमा होड़कू हुडिंग समुंदर धरीरे ओतरेकू दोहोना। 2ईसू हँकू मुरुक अउल-तउल कहड़ीकून कतावाकू घड़ीने चेडकुःआ।
दो मीटोंग कहड़ी हँकूय कतावाड, 3“ईंगपे अयूम। मी होड़ किसाड़ होड़ बिहान वेर लगाय उडुंगनेना। 4लेवा वेर मेला तोनोंग तोनोंग बिहान दूररे लोजोरनेना अरू हना बिहान तितीगकू हलंग जोमगोतेड। 5अदोम बिहान दररी ओतरे लोजोरनेना। हास हुडिंग दोहोना हनालगा ओहेन ओमोननेना। 6मनदो सितोंग परावनेन अते गोसोयान अरू जेर गुन लकन दोहोन अते असलावयान। 7तोनोंग बिहान जनुम बुदारे लोजोरनेना अरू जनुम बुदा हना बिहान सुदा हरानेनखन तेनगोतेड अरू मेर जोगान। 8अरू तोनोंग बिहान नपाय ओतरे लोजोरनेना अरू हना नपायते ओमोननेना अरू तीस, साठ अरू सव मन वरी मुरुक बुता अदेरकेरा। 9अयूम अवेयता हाँयग होड़, नपायतेय अयूम ठुड़ावागे।”
बिहान वेवेर कहड़ीराः मतलोब
(मती 13:10,18-23; लूका 8:9-15)
10ईसू होड़कू अते एटाःरेय दोहोना हनमेला आँयगरिकुःआ बारहगोटोंग मूक चेलाकू अरू एटाः चेलाकूतेन हाँय एचेरे वेगवाडखनकू होंबोरतेड, “ने गुरुजी, नाःआ अउल-तउल कहड़ीराः मतलोबमे उदुःवाले।” 11दो ईसू कतातेड, “भगवानराः राइजराः ओकोत कताकून सुदी लगा अपेके भगवान कनहूने एमेवाडपेःआ, मनदो एटाः होड़कू सुदा ईंग अउल-तउल कहड़ीयिंग उदुःगेता। 12भगवानराः कागदरे ओजाःतो इदा हनन इया होयाः लगा,
हँकुःआ होड़कू ईंग एचेयता हनाकू ञेलकेः दो हनाकू बुझाव अवेकुःआ
अरू अयूमकेडखनकू सुदीबाःकेःआ।
बुझावकुः होले कसूर अते जीवकू कुदाकेःआ अरू भगवान हँकूराः कसूरकूने बराव एंडाकेःआ।”#एस 6:9,10
13दो ईसू अरूय कताया, “अपे नाःआ कहड़ीराः मतलोब मेरपे बुझाःतना जा? नाःआ मेरपे बुझाः होले करा उड़ी अपे एटाः कहड़ीकूनपे बुझाः?”
14हनते ईसू अरूय कतातेड, “हना कहड़ीराः मतलोब नाःआ हवे। बिहान भगवानराः सरवन हवे। 15दूररे लोजोरनेना हना बिहान नाःआ इया होड़कू हवे, हँकू सरवनकू अयूमता, मनदो कलउ वेगवाडखन हँकूराः जीव अते हना सरवने गोःयाता। 16दररीरे लोजोरनेना हना बिहान नाःआ इया होड़कू हवे, हँकू भगवानराः कता नपायतेकू अयुमेता अरू नपायतेकू मनाःता। 17मनदो हँकू गुन लकन जेरगुःता अरू तोनोंग दिन लगा सरवनरेकू बिसवासगेता। मनदो सरवनरे बिसवासगे अते तोनोंग तोनोंग इयाःआ कटसिया सहे संतावरेकू पराःतान मेला हना बिसवासकू अड़ाःगोडता। 18एटाः होड़कू जनुम बुदारे लोजोरनेन हना बिहान इया होड़कू हवे। हँकू सरवनकू अयुमेता, 19मनदो हना सरवन चउंदीसराः ओंगोल, आन-धानराः ओंगोल अरू तोनोंग तोनोंग ललचीरे तेन जुवाःता अरू जोःओ मेर जोःता। 20नपाय ओतरे लोजोरनेना हना बिहान नाःआ इया होड़कू हवे। हँकू सरवन अयूमकेडखन मुरुक नपायते अँनकूराः जीवरेकू दोहोगोडता अरू सहाव घड़ीन नपायते तीस, साठ अरू मी सव तुरहा जोःओ जोःता।”
ढिबरीराः अउल-तउल कहड़ी
(लूका 8:16-18)
21ईसू अरू मीटोंग अउल-तउल कहड़ीय कतातेड, “तोनोंगीग होड़ ढिबरी सलगावकेडखन टुकनूते ओरोय दाबतेरा सहे खटी पेंदारे ओरोय मंडावतेरा। मनदो भीटरेय वकागोडता। 22नाःआ इया तोनोंग कता पसावतो इदा हना कता भगवान जमाकू मड़ंगरेय एचे उदुःगोडता। तोनोंग बड़रा ओकोत इदा, हना बड़रा जमा होड़कू सुदीगोडता। 23अयूम अवेयता हाँयग होड़, नपायतेय अयूम ठुड़ावागे।”
24ईसू अरूय कतातेड, “अपे अयुमेतना हना कता बदीरे नपायतेपे ओंगले। अपे सोंगगेता, हनानाः तंबीरे अपे लगा हों सोंगवापेता अरू हनाते बगराय एमेवापेता। 25तोनोंगीग एचेरे कहिसाः इदान दो हाँयके भगवान अरूय एमेयता। मनदो तोनोंगीग एचेरे कहिसाः कोवानेःआ दो, ईंग एचेरे इदा, माःआने ओंगलेता हना हों हाँय अते भगवान गोःयाता।”
हरानता हना बिहानराः अउल-तउल कहड़ी
26दो ईसू हँकू एचेरे अरू मीटोंग कहड़ीय कतातेड, “भगवानराः राइज नानाः इया हवे। मी होड़ होड़ अनँयग दोहोड़रे बिहाने वेरतेरा। 27मुरुक दिन होयायान अरू हनामिन दिनरे हना बिहान ओमोननेनखन हरायान। अरू हाँयग होड़ हना बदीरे मेरेय सुदीया। 28ओत अते बिहान अनँयग आँयगते ओमोनगुःता, मड़ंगरे जराइगुःता, हनते पुटीगकियानखन बलीते जांग होया जुवाःता। 29हुड़ू बेले जुवाःता अरू ईर अदरे लगा बेला होया जुवाःतान दो किसाड़ दतरोमतेय ईरता।”
ढड़हा बिहानराः अउल-तउल कहड़ी
(मती 13:31,32,34; लूका 13:18-19)
30हनते ईसू अरूय कतातेरा, “भगवानराः राइज करा इया इदा? हना ईंग करा उड़ीयिंग अउल-तउलगे? 31हना राइज ढड़हाराः बिहान उड़ी इदा। तोनोंगीग होड़ बिहान ओतरे वेरतान मेला हना बिहान जमा बिहानकून अते हुनुडिंग इदा, 32मनदो वेर तयोमरे हना बिहान हरानेनखन जमा बुदाकूनते मरंग होयाःता अरू मरंग मरंग डइड़कून होयाःता। मुरुक तितीगकू हना डइड़कूनराः उंबूलरे तुकाकू तुलाता।”
33हँकू सुदी अवेया हना इया कहड़ीकूनते, ईसू भगवानराः सरवने कता उदुःवातेडकुःआ। 34अरू हाँय बे कहड़ीरे हँकू एचेरे तोनोंग मेरेय कतागाड, मनदो आँयगरिकुःआ चेलाकू एचेरे नाःआ जमा कहड़ीकूनराः मतलोबे एचे सुदीतेडकुःआ।
ईसू होय अरू लहराय रोंकावतेरा
(मती 8:23-27; लूका 8:22-25)
35हना दिन सिंगाड़ मेला ईसू आँयग चेलाकू एचेरेय कताया, “दोबू अबू नाःआ हुडिंग समुंदर मार परोमबू सेने पारता।” 36ईसू डोंगारेय दुड़ुःनेना, हना डोंगारे आँयग चेलाकू होंकू देगनेना अरू हँकू हना समुंदर मार परोम तोराकू। एटाः एटाः होड़कू एटाः डोंगारेकू देगनेनखन हँकू सुदाकू सेना।
37हनमेला हना समुंदररे मुरुक गड़रा घटा होयानेना। डोंगारे दनाः दाः पेरेगयान अरू हना डोंगा हुडिंग हुडिंग मेर बुडावगान। 38मनदो ईसू हना डोंगाराः तयोम गतररे मीटोंग तकियारेय अपीगगोडा। दो चेलाकूतेन ईसू बेरेडतिरिगखनकू कताया, “ने गुरुजी, अबू दो गुजुःतना अरू आमके अले बदीरे तोनोंगाः ओंगोल कोवानेःआ जा?” 39दो ईसू रेमनेनखन हना गड़रा घटा रोंकाः लगाय कतातेरा। दो हननमेला होय अरू लहरा रोंकावयान अरू होय ओहेन मधिमयान। 40दो ईसू हँकू एचेरेय कतातेड, “अपे चिलापे बोरोवाता? नुँहू वरी अपे ईंग एचेरे मेरपे भरसाता जा?”
41हँकू मुरुककू बयावयान अरूकू कता होड़ेंगा, “ओहरे! नाँय करा इयायीग होड़ हवे? होय अरू लहरा हों नाँयराः हुकुम मनाव जुवाःता।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.