मरकूस 8

चइर हजार होड़कू लगाय एमेवातेडकुःआ

(मती 15:32-39)

1हननखने मुरुक होड़कू ईसू एचेरे अरूकू जुमावनेन। अरू हँकू एचेरे जोम लगा तोनोंगाः जिनिस मेर दोहोगान। दो ईसू आँयग चेलाकूतेन राःतेडखन हँकू एचेरेय कतातेरा, 2“नँकू ईंग सुदा पेय दिन वरीते इदानकुःआ अरू नँकू एचेरे जोम लगा तोनोंगाः जिनिस कोवानेःआ। हनालगा ईंग नँकुःआ होड़कूयिंग सोगावाकूतना। 3नँकुःआ होड़कूरे तोनोंग तोनोंग होड़कू मुरुक मुरुक लंकातेकू वेगकिया। हँकुःआ होड़कू ईंग रंगेगतो ओड़ाःयिंग वारगोडकू दो दूररेकू असिड जुवाःता।”

4दो चेलाकूतेन ईसूकू कतावाड, “ने गुरुजी, नाःआ टयंगाब ततेररे नँकुःआ होड़कू लगा रुटी तोनोंगीग करा अगीतेय अगूय अरू नँकूकू जोम बीन?”

5दो ईसू हँकू एचेरेय होंबोरतेड, “अपे एचेरे तुमिनगोटोंग रुटी इदा?”

हँकू कतातेड, “सातगोटोंग इदा।” 6हनते ईसू होड़कू ओतरे दुड़ुः लगाय कतावाडकू। हना तयोमरे ईसू रुटी साबतेडखने धनियाबादतेरा अरू डुंडीगवाडखन चेलाकूतेने ओवागोतेड। अरू हँकू होड़कूकू हटिंगवातेरा। 7हँकू एचेरे गुनमिन हुडिंग हकूकू हों दोहोना। हाँय हँकुःआ हकूकू लगा होंय धनियाबादतेड अरू होड़कू हटिंगवाकू लगाय कतावाडकू। 8जमा होड़कू जोमकेडखनकू बीयान अरू बनसावनेना हना रुटी सातटोंग दउड़ारे चेलाकूतेन हलंग पेरेगतेरा। 9रुटीकू जोमा हँकुःआ होड़कू चइर हजारकू दोहोना। हनते ईसू अँननकू अँकू ओड़ाःरेय वारगोतेडकू। 10हनते ओहेन ईसू आँयगरिकुःआ चेलाकू सुदा डोंगारे देगकियानखन दलमनूता छतर अगी तोराकू।

फरीसी होड़कू चिनहाकू असेःआ

(मती 16:1-4; लूका 12:54-56)

11तोनोंग दिनरे फरीसी होड़कू ईसू सुदाकू अड़ा-चउकीयान अरू ईसू अंदजावगेय लगा हाँय एचेरे सेरमो देसराः चिनहाकू असेःआ। 12दो ईसू सहेडतेडखने कतातेड, “नाःआ बेलाकुःआ होड़कू चिला लगा चिनहाकू ञामता? अपे ईंगपे अयूम, नाःआ बेलाकुःआ होड़कू लगा तोनोंग चिनहा ओरोयिंग उदुःतेरा।” 13हनते हाँय हँकूय अड़ाः अटूवाडखन डोंगारेय देगयान अरू मार परोमे पारयान।

सेबेल सोड़ाते अउल-तउल

(मती 16:5-12)

14चेलाकूतेन रुटी गोः लगाकू लिड़िंगोतेड अरू हँकूराः डोंगारे मिनीटोंग रुटी एकला दोहोना। 15दो ईसू हँकू सेतावतेडखने कताया, “ञेलपे, फरीसी होड़कूराः अरू हरदोस राजाराः सेबेल सोड़ा अते अपे सवासितीपे दोहोन।”

16हनते चेलाकू कता होड़ेंगा, “अबू एचेरे रुटी कोवानेःआ।”

17नाःआ सुदीवाडखन ईसू हँकू एचेरेय कतातेड, “अपे अँनपे चिला लगापे ओंगलेतना, अले एचेरे रुटी कोवानेःआ, माःआन। नुँहूमिनते मेरपे सुदीयतना अरू मेरपे बुझाःतना जा? अपेराः जीव केटेगयना जा? 18-19अपेराः मेड इदान हों अपे मेरपे ञेञेलतना, अरू लुतूर इदान हों अपे मेरपे अअयूमतना।#एस 6:9,10; इर 5:21; एज 12:2 ईंग पाँच हजार होड़कू लगा पाँचगोटोंग रुटी डुंडिगवाडखनिंग हटिंगवातेडकुःआ, हना अपे मेरपे उहियारगेतना जा? हनमेला अपे तुमिन दउड़ा रुटी पेरेगवाडखनपे रेमतेरा?”

हनते हँकू कतातेड, “बारहगोटोंग दउड़ारे।”

20“अरू चइर हजार होड़कू लगा सातगोटोंग रुटी दोहोना। हनमेला अपे तुमिन दउड़ा रुटीपे हलंग पेरेगतेरा?”

हनते हँकू कतातेड, “सातटोंग दउड़ारे।”

21ईसू हँकू एचेरेय कतातेरा, “अपे नुँहू वरी मेरपे बुझाःतना जा?”

अंधा होड़राः नपायगुः

22हना तयोमरे ईसू अरू आँयगरिकुःआ चेलाकू बदसइदा गाँवरेकू सेनेडा। अदोम होड़कू मी होड़ अंधा होड़ ईसू एचेरेकू अगूतिरिया। हँकू ईसू एचेरेकू असेतेरा, “आम नाँयग होड़मे टोँवाव।”

23दो ईसू हाँयग अंधा होड़ तिःईरे साबतिरिगखन गाँव अते बहरीय गोःयडिग। अरू हाँयराः मेडरे बेगतेडखन हाँय चोटरे तिःईय मंडावतेरा अरूय होंबोरतिरिया, “आम कहिसाः ञेञेलतनाम जा कोवान?” 24दो हाँय बोः रेमतेडखने ञेला अरूय कताया, “हाव, ईंग होड़कूयिंग ञेलतना। मनदो सेनतना हना सींग दूबकून इयाकू ञिलुःतना।” 25हनते ईसू अरू मी तुरहा हाँयराः मेडरे तिःईय मंडावतेरा। हना देहोरते हाँयग अंधा गुर-गुरे ञेलगोडा अरू नपाययानखन जमाकून ननपाय नपायतेय ञेला। 26ईसू हाँय नाःआ इयाय कतावातेरिया, “आम नाःआ गाँव अहम बोल।” हनते हाँय ओड़ाःए वारगोतेडीग।

ईसू बदीरे पतरसराः कबुलाव

(मती 16:13-20; लूका 9:18-21)

27ईसू अरू आँयग चेलाकूतेन हना अते कइसरिया पिलिपी राइजराः गाँवकून होर तोराकू। सेनेन सेन दूररे चेलाकूतेन एचेरे ईसू होंबोरतेड, “होड़कू ईंग चेले माःआनकू कतावायिंगता?”

28दो हँकू कतातेड, “तोनोंग तोनोंग होड़कू कतायतना, आम, बतिसमा एमेयीग होड़ एहुना हवे, अरू एटाःकू कतायतना, आम इलियाह हवे अरू तोनोंग तोनोंग होड़कू कतायतना, आम भगवानराः बड़रा कता होड़कू अते मी होड़ हवे, माःआन।”

29हनते हाँय हँकू एचेरेय होंबोरतेरा, “अपे ईंग चेले माःआनपे कतावायिंगता?”

दो पतरस कतातेड, “आम मसी हवे।”

30दो ईसू सेतावतेडकूखने कतावाडकू, “ईंग बदीरे नाःआ कता तोनोंगीग एचेरे अहापे कताय।”

ईसू अनँयग गुजुः बदीरेय कताया

(मती 16:21-28; लूका 9:22-27)

31ईसू हँकू चेडकेडखन मी सुटीय कतातेड, “मनुवारीग बेटातके मुरुक कटसिया ससहाव पराःता। एहूदा मूक होड़कू अरू मूक पुजउरी अरू नियम चेडदार होड़कू ईंग आड-बेकारवाडिंगखनकू ञेड एंडायिंगता। मनदो ईंग पेय दिनरेयिंग जियाव रिमुःता।”

32नाःआ कता ईसू मी सुटीय कतागोतेडा। दो पतरस ईसू एटाः अगीय गोःयाडीग अरू डंटावगेय लगाय बुँहड़ीगोतेड।

33हनते ईसू उलटावनेनखन एटाः चेलाकू होरे ञेलतेरा अरू पतरस डंटावतेडखने कताया, “ने कलउ, ईंग मड़ंग अते तोरेनमे। आम भगवानराः कता इया कोवान, मनदो होड़कूराः कता इयाम ओंगोलतना।”

ईसूरीग चेला कराउड़ीबू बड़ाँःता?

34हनते ईसू हंडाकू जुमावनेना हँकुःआ होड़कू अरू आँयग चेलाकू आँयग एचेरे राःतेडखन हँकू एचेरेय कतातेरा, “तोनोंगीग ईंग तयोम अगी वेग लगाय ओंगलेतना दो हाँय अनँयगराः जीव अड़ाःवाडखन अनँयग कुरूस रेमकेडखन ईंग देह दूरे ओतोंग वेग। 35अनँयग जीव बनसावगे लगाय ओंगलेता, हाँयराः जीव केड़े जुवाःता। अरू ईंग लगा अरू ईंगराः नपाय सरवन लगा अनँयग जीवे एमेगोडता दो, हाँयराः जीव बनसाव जुवाःता।#एहु 12:25 36तोनोंगीग होड़ चउंदीसराः जमा जिनिसकूने पवाव जुवाः अरू अनँयग जीवे लायगोड दो, हाँयके हनारे चिला नफा होयाःता? 37मी होड़ अनँयग जीव बदलारे चिलाय एमे अवेता? 38नाःआ बेलारिकुःआ बेलूर ओंगोल होड़कू अरू कसूर होड़कूराः तलारे ईंग लगा अरू ईंगराः सरवन लगाकू गियुःता हँकुःआ होड़कू सुदा मनुवारीग बेटात, सेरमो देसरिकुःआ सुद बराहीलकू सुदा आँयग अपांगराः जंगरतेय वेगता हनमेला, हँकू एचेरे आँयग होंय गियुःता।”

Currently Selected:

मरकूस 8: kfp

Highlight

Copy