Jäqui'ves Corintoĉantyidyes 7
7
1Vojity mạꞌjeyacdyety yụ, ọ́ches q̂uinꞌ sánacdyeꞌ Jenꞌsiꞌ muꞌ mọꞌ tsundyes, mọꞌdyes jemoñeꞌ c̣hiconꞌtiĉaꞌ Jenꞌsiꞌyaꞌ vej muꞌ paj qui räj yacchujaꞌ mọꞌ aꞌc̣his jedyeꞌ in, mọꞌ ac̣hiꞌbusinꞌsiꞌ aꞌ tsun judyeyaꞌ ĉojtyiꞌĉan tsun. Jemoñeꞌ irijyejaꞌ Jenꞌcheꞌ tsun, paj qui jam jụꞌñijaꞌ bäꞌjaꞌ muꞌsiꞌyaꞌ vej muꞌ.
Pablo maꞌjotacsi ĉaĉaij na dyijyi juchajcheꞌ in
2Mạꞌjitidyestum dyijtutiĉamꞌ ĉojtyiꞌĉan miꞌin. Jeshaꞌ tsun jam meꞌtyeyac, mijam yirity juchatute tsun, mijam yirity ac̣hiꞌte tsun, mijam yirity shuꞌatute tsun chimeꞌ. 3Aty meꞌ jéyac yụ, jam qui namꞌ mạꞌjeꞌ jịꞌtsicayeyac miꞌin. Yụ fer mạꞌjeyac ĉojtyiꞌĉan miꞌin, yoj jeyacdyemꞌ jiquej u. Tsun yejĉoij fercheꞌ dyijtuyac miꞌin ĉojtyiꞌĉan tsun mijam jedyeꞌ pạrejjin tsun miꞌinyaꞌ, mijam raꞌ mọꞌ sänꞌdyeꞌ tsun pạrejjin tsun, yejĉoij raꞌ mọmoꞌ meꞌ dyijtuyac miꞌin ĉojtyiꞌĉan tsun. 4Yụ jam damꞌ quijatutyeyac p̂eyacdyeꞌ, ĉaĉaij na yụ chị́yeyac rụij cäc̣häꞌchutinte Jenꞌ miꞌin, mọꞌ maꞌjotyeꞌ yụ. Meꞌ tsanꞌ fer ñịbedyes jịꞌĉojtyeꞌ tsun, sóñiꞌyedyeꞌtum qui namꞌ bäꞌyi yụ, cätssistum maꞌjodyeꞌ yụ.
5Venjodyeꞌ Macedoniaĉan jiquej tsun, itŝiꞌ méquis jịꞌjutyitidyes cạveꞌ tsun, paiꞌ junaꞌ ĉụiꞌ ñịbedyes jịꞌĉojtyeꞌ tsun. Chimeꞌ muꞌin jam jayejyi in muꞌin ñäñintyiꞌ tsun in, ñịbeꞌ buꞌyedyeꞌtum bäꞌyi ĉojtyiꞌĉan tsun, yejĉoij dyijtuyac miꞌin chimeꞌ. 6Muꞌ na Jenꞌ, jiꞌmaꞌyacsity muꞌin tárity in, muꞌ jiĉun yuꞌtyin ĉojtyiꞌĉan tsun táredyeꞌyaꞌ, ĉaĉaij na aty atsijban muꞌ Tito. 7Jam ayidyemꞌ jiĉun yuꞌtyin tsun, mọꞌ p̂eyacdyeꞌ tuiꞌsiꞌ, mọꞌ jiĉun yuꞌtyin ĉojtyiꞌĉan tsun, ĉaĉaij na muꞌ jin tsun räj junꞌ chuc miꞌin fer mạꞌjeꞌ cavitiĉaꞌ yụ miꞌin, judyeyaꞌ miꞌin chimeꞌ fer táretiñeꞌ junꞌ chuc jam rụij dyijyaque jiquej miꞌin. Q̂uinꞌ miꞌin fer mạꞌjeꞌ chäquibutiĉaꞌ yụs p̂eyacdyeꞌ miꞌin, mọꞌ maꞌjodyeꞌ soꞌmin yụ.
8Meꞌ tsanꞌ yụ jiꞌtareyac miꞌin p̂eyacdyeꞌyaꞌ yódyesdyemꞌ sáñeꞌsiꞌ jiquej yụ miꞌindyes, q̂uinꞌ qui namꞌ mọꞌ jam jiꞌyoquin yụ. Meꞌ tsanꞌ jiꞌyoquin jiquej yụ, ĉaĉaij na chịj yụ jiquej junꞌ chuc mọꞌ jiꞌtarinac méquiꞌyaꞌ miꞌin, meꞌ tsanꞌ meꞌ q̂uinꞌ qui namꞌ jam meꞌ yoqui yụ. 9Q̂uinꞌ chat aty maꞌjoban yụ meꞌ tsanꞌ yụ jiꞌtareyac sánacdyeꞌyaꞌ yụ jiquej, q̂uinꞌ qui namꞌ aty maꞌjoij yụ. Sánacdyeꞌyaꞌ yụ muꞌ Jenꞌ méquiꞌyamꞌ soꞌminac táredyeꞌ paj qui yacchuqui aꞌc̣his dyijyedyeꞌ miꞌin. Anicdye meꞌ, mọꞌ táredyeꞌ miꞌin yiꞌ paj qui yocve dyijyi miꞌin, mọꞌ mạꞌjeꞌ Jenꞌ, mọꞌdyes qui mọꞌ jam meꞌtyinac mọꞌ táredyeꞌ soꞌmeyacsiꞌ tsun miꞌin. 10Mọꞌ táredyeꞌ soꞌmisinꞌsiꞌ muꞌ Jenꞌ mọꞌ jiꞌdyijvisinꞌ juchajcheꞌ tsun paj qui c̣honjaꞌve, jam raꞌ vaꞌquecjaꞌ joꞌmes táredyeꞌ, tiĉunꞌjaꞌ raꞌ mọmoꞌ. Mọꞌ na jacches táredyeꞌ, mọꞌ jam tupuj ñútyisinꞌ, sänꞌdyeꞌ mọmoꞌ soꞌmisinꞌ. 11Jeshaꞌ, mọꞌ táredyeꞌ tuyinacsiꞌ jiquej miꞌin mọꞌ sánacdyeꞌ yụ, mọꞌ jiꞌdyijvinac miꞌin, fer qui dyijtubajtinte Jenꞌ. Aty fer dyijyeban miꞌin paj qui jam bächäbunac mọꞌ muntyis juchaj muꞌ, jorojĉan jam damꞌ maꞌjotyebitinte juchaj muꞌ, irijyedyeꞌtum dyijtuptinte juchaj muꞌ. Q̂uinꞌ qui namꞌ miꞌin mạꞌjetiñeꞌ paj qui yụ jämꞌjibudyiĉaꞌ miꞌin, judyeyaꞌ chimeꞌ miꞌin mạꞌjetiñeꞌ paj qui vaꞌtacdyeꞌ soꞌmac muꞌ jụꞌñity chuc juchaijtyiꞌ muntyiꞌ, judyeyaꞌ mạꞌjetiñeꞌ ñutsjityitiĉamꞌ yụ miꞌin muntyisyaꞌ vej muꞌin, meꞌ meꞌ fer mạꞌjebajtiñeꞌ miꞌin rụij bäꞌyi miꞌin. 12Sáñeꞌ yụ miꞌindyes jiquej, jam muꞌ mọmoꞌ dyijtute yụ muꞌ juchaijtyiꞌ muntyiꞌ, mijam muꞌ chimeꞌ dyijtute yụ muꞌ muntyiꞌ jameꞌtity. Meꞌdye miꞌin mọmoꞌ dyijtuyac yụ, yụ mạꞌjeꞌ paj qui jorojĉan yụꞌtiñeꞌ mọꞌ mạꞌjitidyes miꞌin, junꞌ chuc fer mạꞌjitiĉaꞌ tsun miꞌin Jenꞌsiꞌyaꞌ vej muꞌ, 13mọꞌ jiĉun yuꞌtyin ĉojtyiꞌĉan tsun.
Jam mọꞌ mọmoꞌ jiĉun yuꞌtyin tsun, chimeꞌdye dadamꞌ mujuꞌchaꞌ maꞌjoban tsun aty cạvepteyaꞌ tsun Titos maꞌjodyemꞌ aty caꞌñibunyaꞌ miꞌinyaty. Muꞌ räj jíbun tsun junꞌ chuc miꞌin jiĉun yụꞌtinte ĉojtyiꞌĉan muꞌ, yoquedyeꞌyaꞌ jiquej muꞌ. 14Jambiꞌdyemꞌ ĉucnac jiquej muꞌ, yụ jéte junꞌ chuc miꞌin rụij cäc̣häꞌchutinte muꞌ Jenꞌ, meꞌ yụ timaꞌqueyac muꞌsiꞌyaꞌ vej muꞌ Titosyaꞌ. Anicdye meꞌ, rụij shupquiꞌ timaꞌcacdyeꞌ yụ, q̂uinꞌ chat muꞌ ĉụiꞌ cavinac ĉụiꞌsiꞌyaꞌ vej muꞌ jam väñädyeꞌ shupquiꞌ mọꞌ timaꞌcacdyeꞌ yụ. Yódyemꞌ yụ jam yiriꞌ väñätuyac miꞌin u, meꞌ buꞌyiꞌdye yụs timaꞌcacdyeꞌ jiquej Titosyaꞌ vej muꞌ, jam mọꞌ junꞌ väñädyeꞌ mọꞌ shupquiꞌ yụ.
15Aty caꞌñibunyaꞌ muꞌ Tito, tacaꞌ dyijtunac junꞌ chuc miꞌin jämꞌ tiĉunꞌtinte muꞌ, judyeyaꞌ irijyedyeꞌtum miꞌin chiquebitinte p̂eyacdyeꞌ muꞌ. 16Q̂uinꞌ yụ maꞌjotyeyac yụ chị́yeyac anic jịꞌcätsaqui p̂eyacdyeꞌ miꞌin.
Currently Selected:
Jäqui'ves Corintoĉantyidyes 7: CAS
Highlight
Copy
Compare
Share
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'
Jäqui'ves Corintoĉantyidyes 7
7
1Vojity mạꞌjeyacdyety yụ, ọ́ches q̂uinꞌ sánacdyeꞌ Jenꞌsiꞌ muꞌ mọꞌ tsundyes, mọꞌdyes jemoñeꞌ c̣hiconꞌtiĉaꞌ Jenꞌsiꞌyaꞌ vej muꞌ paj qui räj yacchujaꞌ mọꞌ aꞌc̣his jedyeꞌ in, mọꞌ ac̣hiꞌbusinꞌsiꞌ aꞌ tsun judyeyaꞌ ĉojtyiꞌĉan tsun. Jemoñeꞌ irijyejaꞌ Jenꞌcheꞌ tsun, paj qui jam jụꞌñijaꞌ bäꞌjaꞌ muꞌsiꞌyaꞌ vej muꞌ.
Pablo maꞌjotacsi ĉaĉaij na dyijyi juchajcheꞌ in
2Mạꞌjitidyestum dyijtutiĉamꞌ ĉojtyiꞌĉan miꞌin. Jeshaꞌ tsun jam meꞌtyeyac, mijam yirity juchatute tsun, mijam yirity ac̣hiꞌte tsun, mijam yirity shuꞌatute tsun chimeꞌ. 3Aty meꞌ jéyac yụ, jam qui namꞌ mạꞌjeꞌ jịꞌtsicayeyac miꞌin. Yụ fer mạꞌjeyac ĉojtyiꞌĉan miꞌin, yoj jeyacdyemꞌ jiquej u. Tsun yejĉoij fercheꞌ dyijtuyac miꞌin ĉojtyiꞌĉan tsun mijam jedyeꞌ pạrejjin tsun miꞌinyaꞌ, mijam raꞌ mọꞌ sänꞌdyeꞌ tsun pạrejjin tsun, yejĉoij raꞌ mọmoꞌ meꞌ dyijtuyac miꞌin ĉojtyiꞌĉan tsun. 4Yụ jam damꞌ quijatutyeyac p̂eyacdyeꞌ, ĉaĉaij na yụ chị́yeyac rụij cäc̣häꞌchutinte Jenꞌ miꞌin, mọꞌ maꞌjotyeꞌ yụ. Meꞌ tsanꞌ fer ñịbedyes jịꞌĉojtyeꞌ tsun, sóñiꞌyedyeꞌtum qui namꞌ bäꞌyi yụ, cätssistum maꞌjodyeꞌ yụ.
5Venjodyeꞌ Macedoniaĉan jiquej tsun, itŝiꞌ méquis jịꞌjutyitidyes cạveꞌ tsun, paiꞌ junaꞌ ĉụiꞌ ñịbedyes jịꞌĉojtyeꞌ tsun. Chimeꞌ muꞌin jam jayejyi in muꞌin ñäñintyiꞌ tsun in, ñịbeꞌ buꞌyedyeꞌtum bäꞌyi ĉojtyiꞌĉan tsun, yejĉoij dyijtuyac miꞌin chimeꞌ. 6Muꞌ na Jenꞌ, jiꞌmaꞌyacsity muꞌin tárity in, muꞌ jiĉun yuꞌtyin ĉojtyiꞌĉan tsun táredyeꞌyaꞌ, ĉaĉaij na aty atsijban muꞌ Tito. 7Jam ayidyemꞌ jiĉun yuꞌtyin tsun, mọꞌ p̂eyacdyeꞌ tuiꞌsiꞌ, mọꞌ jiĉun yuꞌtyin ĉojtyiꞌĉan tsun, ĉaĉaij na muꞌ jin tsun räj junꞌ chuc miꞌin fer mạꞌjeꞌ cavitiĉaꞌ yụ miꞌin, judyeyaꞌ miꞌin chimeꞌ fer táretiñeꞌ junꞌ chuc jam rụij dyijyaque jiquej miꞌin. Q̂uinꞌ miꞌin fer mạꞌjeꞌ chäquibutiĉaꞌ yụs p̂eyacdyeꞌ miꞌin, mọꞌ maꞌjodyeꞌ soꞌmin yụ.
8Meꞌ tsanꞌ yụ jiꞌtareyac miꞌin p̂eyacdyeꞌyaꞌ yódyesdyemꞌ sáñeꞌsiꞌ jiquej yụ miꞌindyes, q̂uinꞌ qui namꞌ mọꞌ jam jiꞌyoquin yụ. Meꞌ tsanꞌ jiꞌyoquin jiquej yụ, ĉaĉaij na chịj yụ jiquej junꞌ chuc mọꞌ jiꞌtarinac méquiꞌyaꞌ miꞌin, meꞌ tsanꞌ meꞌ q̂uinꞌ qui namꞌ jam meꞌ yoqui yụ. 9Q̂uinꞌ chat aty maꞌjoban yụ meꞌ tsanꞌ yụ jiꞌtareyac sánacdyeꞌyaꞌ yụ jiquej, q̂uinꞌ qui namꞌ aty maꞌjoij yụ. Sánacdyeꞌyaꞌ yụ muꞌ Jenꞌ méquiꞌyamꞌ soꞌminac táredyeꞌ paj qui yacchuqui aꞌc̣his dyijyedyeꞌ miꞌin. Anicdye meꞌ, mọꞌ táredyeꞌ miꞌin yiꞌ paj qui yocve dyijyi miꞌin, mọꞌ mạꞌjeꞌ Jenꞌ, mọꞌdyes qui mọꞌ jam meꞌtyinac mọꞌ táredyeꞌ soꞌmeyacsiꞌ tsun miꞌin. 10Mọꞌ táredyeꞌ soꞌmisinꞌsiꞌ muꞌ Jenꞌ mọꞌ jiꞌdyijvisinꞌ juchajcheꞌ tsun paj qui c̣honjaꞌve, jam raꞌ vaꞌquecjaꞌ joꞌmes táredyeꞌ, tiĉunꞌjaꞌ raꞌ mọmoꞌ. Mọꞌ na jacches táredyeꞌ, mọꞌ jam tupuj ñútyisinꞌ, sänꞌdyeꞌ mọmoꞌ soꞌmisinꞌ. 11Jeshaꞌ, mọꞌ táredyeꞌ tuyinacsiꞌ jiquej miꞌin mọꞌ sánacdyeꞌ yụ, mọꞌ jiꞌdyijvinac miꞌin, fer qui dyijtubajtinte Jenꞌ. Aty fer dyijyeban miꞌin paj qui jam bächäbunac mọꞌ muntyis juchaj muꞌ, jorojĉan jam damꞌ maꞌjotyebitinte juchaj muꞌ, irijyedyeꞌtum dyijtuptinte juchaj muꞌ. Q̂uinꞌ qui namꞌ miꞌin mạꞌjetiñeꞌ paj qui yụ jämꞌjibudyiĉaꞌ miꞌin, judyeyaꞌ chimeꞌ miꞌin mạꞌjetiñeꞌ paj qui vaꞌtacdyeꞌ soꞌmac muꞌ jụꞌñity chuc juchaijtyiꞌ muntyiꞌ, judyeyaꞌ mạꞌjetiñeꞌ ñutsjityitiĉamꞌ yụ miꞌin muntyisyaꞌ vej muꞌin, meꞌ meꞌ fer mạꞌjebajtiñeꞌ miꞌin rụij bäꞌyi miꞌin. 12Sáñeꞌ yụ miꞌindyes jiquej, jam muꞌ mọmoꞌ dyijtute yụ muꞌ juchaijtyiꞌ muntyiꞌ, mijam muꞌ chimeꞌ dyijtute yụ muꞌ muntyiꞌ jameꞌtity. Meꞌdye miꞌin mọmoꞌ dyijtuyac yụ, yụ mạꞌjeꞌ paj qui jorojĉan yụꞌtiñeꞌ mọꞌ mạꞌjitidyes miꞌin, junꞌ chuc fer mạꞌjitiĉaꞌ tsun miꞌin Jenꞌsiꞌyaꞌ vej muꞌ, 13mọꞌ jiĉun yuꞌtyin ĉojtyiꞌĉan tsun.
Jam mọꞌ mọmoꞌ jiĉun yuꞌtyin tsun, chimeꞌdye dadamꞌ mujuꞌchaꞌ maꞌjoban tsun aty cạvepteyaꞌ tsun Titos maꞌjodyemꞌ aty caꞌñibunyaꞌ miꞌinyaty. Muꞌ räj jíbun tsun junꞌ chuc miꞌin jiĉun yụꞌtinte ĉojtyiꞌĉan muꞌ, yoquedyeꞌyaꞌ jiquej muꞌ. 14Jambiꞌdyemꞌ ĉucnac jiquej muꞌ, yụ jéte junꞌ chuc miꞌin rụij cäc̣häꞌchutinte muꞌ Jenꞌ, meꞌ yụ timaꞌqueyac muꞌsiꞌyaꞌ vej muꞌ Titosyaꞌ. Anicdye meꞌ, rụij shupquiꞌ timaꞌcacdyeꞌ yụ, q̂uinꞌ chat muꞌ ĉụiꞌ cavinac ĉụiꞌsiꞌyaꞌ vej muꞌ jam väñädyeꞌ shupquiꞌ mọꞌ timaꞌcacdyeꞌ yụ. Yódyemꞌ yụ jam yiriꞌ väñätuyac miꞌin u, meꞌ buꞌyiꞌdye yụs timaꞌcacdyeꞌ jiquej Titosyaꞌ vej muꞌ, jam mọꞌ junꞌ väñädyeꞌ mọꞌ shupquiꞌ yụ.
15Aty caꞌñibunyaꞌ muꞌ Tito, tacaꞌ dyijtunac junꞌ chuc miꞌin jämꞌ tiĉunꞌtinte muꞌ, judyeyaꞌ irijyedyeꞌtum miꞌin chiquebitinte p̂eyacdyeꞌ muꞌ. 16Q̂uinꞌ yụ maꞌjotyeyac yụ chị́yeyac anic jịꞌcätsaqui p̂eyacdyeꞌ miꞌin.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'