Efesoĉantyidyes 1
1
Tashches voryedyeꞌ Pablosiꞌ
1Yụ Pablo sáñeꞌ yụ ọij p̂eyacdyeꞌ miꞌindyes Jenꞌtyiꞌ ñuruꞌtyity miꞌin, Efesoĉan bäꞌyity miꞌin, miꞌin cäc̣häꞌchutintety muꞌ Cristo Jesús. Yụ jutactyiꞌ Jesucristoty muꞌ, muꞌdye Jenꞌ meꞌ yuꞌtyin yụ. 2Yụ cọdyete Jenꞌ, muꞌ Ạvatusinꞌtyiꞌ tsun, judyeyaꞌ muꞌ Jesucristo Ayoꞌ tsun paj qui muꞌ ñịbeꞌjitidyes soꞌminac miꞌin judyeyaꞌ soꞌminac maꞌjodyeꞌ ĉojtyiꞌĉandyes miꞌin.
3Timaꞌqueja Jenꞌ, muꞌ Jesucristoty Jenꞌ muꞌ, muꞌ Ayoꞌ tsun. Yoshoropaij jéja Jenꞌ, muꞌ ñịbeꞌjisinꞌtyiꞌ tsun räj ạꞌedyedyes jedyeꞌ tsun, mạyedyeꞌcheꞌ jijtuiꞌ, mọꞌ soꞌmisinꞌ tsun Cristoty tsun. 4Jambiꞌdyemꞌ jämꞌtyeꞌ jiquej ọij jac, aty muꞌ tạꞌcaty tsimꞌsinꞌ tsun ĉaĉaij na Cristoty tsun. Muꞌ tsimꞌsinꞌ tsun paj qui Jenꞌdyety tsun judyeyaꞌ paj qui jam jụꞌñijaꞌ muꞌsiꞌyaꞌ vej muꞌ. 5Därsiꞌyaꞌ mạꞌjitidyes muꞌ, muꞌ jäꞌmiij dyijtusinꞌ junꞌ chuc raꞌ ạvatusinꞌ tsun anicjejaty Jesucristo, ĉaĉaij na meꞌ mạꞌjeꞌ muꞌ Jenꞌ ĉụiꞌsiꞌyaꞌ dyijyedyeꞌ muꞌ, muꞌ ñịbeꞌjisinꞌ. 6Mọꞌdyes timaꞌqueja Jenꞌ ĉaĉaij na muꞌ soꞌmisinꞌ därsiꞌ ñịbeꞌjitidyes muꞌ. Räj muꞌ ñịbeꞌjisinꞌ sänꞌdyeꞌyaꞌ Ạvaꞌ muꞌ, muꞌ mạꞌjeyacdyety muꞌ. 7Därsiꞌyaꞌ ñịbeꞌjitidyes muꞌ Jenꞌ jiꞌc̣honsinꞌ tsun Cristosyaꞌ chäsh muꞌ, mọꞌyaꞌ muꞌ vayacjibusinꞌ juchaj tsun. 8Chimeꞌdye ñịbeꞌjitidyesyaꞌ muꞌ soꞌmisinꞌ paj qui dyijyedyeꞌtum bäꞌjaꞌ tsun judyeyaꞌ chị́dyeꞌ muꞌ soꞌmisinꞌ. 9Meꞌ muꞌ Jenꞌ jiꞌchäquiyisinꞌ dyijyedyeꞌ muꞌ, mọꞌ jam chị́yeptes urucyaty muntyiꞌ jiquej in, junꞌ chuc raꞌ muꞌ jutete muꞌ Cristo úcheꞌ, ĉaĉaij na mọꞌ ĉụiꞌsiꞌ dyijyedyeꞌ Jenꞌsiꞌ muꞌ. 10Mọꞌ dyijyedyeꞌ muꞌ, a raꞌ ayijyaꞌ tupudyeꞌ, chat qui raꞌ muꞌ jịꞌcätseꞌ dyijyedyeꞌ muꞌ, muꞌ raꞌ jayuꞌti muꞌ Cristo paj qui räjdyes ayoꞌbuꞌyi muꞌ, jacchetydyes judyeyaꞌ mạyedyeꞌchetydyes.
11Meꞌ muꞌ Jenꞌ ĉụiꞌsiꞌyaꞌ dyijyedyeꞌ jiquej muꞌ, tạꞌcaty tsimꞌsinꞌ tsun ĉụiꞌdyety tusinꞌ muntyiꞌ muꞌ, ĉaĉaij na Cristoty aty tsun. Meꞌ muꞌ Jenꞌ räj jämꞌtyeꞌ ĉụiꞌsiꞌyaꞌ dyijyedyeꞌ muꞌ, junꞌ chuc mạꞌjeꞌ muꞌ, meꞌ jämꞌtyeꞌ. 12Meꞌ muꞌ Jenꞌ där ñịbeꞌ ĉúsinꞌ jacchety muntyiꞌ tsun. Mọꞌ dyijyedyeꞌ muꞌ paj qui tsun judío tsun tashcheꞌ ĉútity Cristocheꞌ tsun paj qui muꞌ timaꞌquete tsun muꞌ mujuꞌchaꞌ jämꞌyity Jenꞌ mạijquedyeꞌtumtyiꞌ. 13Meꞌdye miꞌin chimeꞌ anicjetinte muꞌ Cristo, yoquiꞌdyemꞌ seꞌvetiñeꞌyaꞌ mọꞌ jiquej u mọꞌ rụijsis p̂eyacdyeꞌ jämꞌsiꞌ, mọꞌ jiꞌc̣honnacsiꞌ miꞌin. Chat qui muꞌ Jenꞌ jịꞌcätseꞌ p̂eyacdyeꞌ muꞌ, mọꞌ p̂eyes Ạꞌedyeꞌ muꞌ, mọꞌ muꞌ soꞌminac. Mọꞌ cac̣htacdyeꞌ buꞌyiꞌ Jenꞌsiꞌ muꞌ, mọꞌ jịꞌĉocdyeꞌ shupquiꞌ aty Jenꞌtyiꞌ tsun. 14Mọꞌ yacchutis ñịbeꞌyedyeꞌ soꞌmisinꞌsiꞌ raꞌ muꞌ Jenꞌ, mọꞌ jiꞌĉuyisinꞌ räj raꞌ ñịbeꞌjisinꞌ tsun#1:14 2 Corintoĉantyidyes 1:22, mọꞌ p̂eyes p̂eyacdyeꞌ muꞌ. Mọꞌ raꞌ ñịbeꞌjisinꞌ aty ayijyaꞌ tupudyeꞌ c̣honꞌdyedyes tsun Jenꞌtyiꞌ tsun. Timaꞌqueja muꞌ mujuꞌchaꞌ jämꞌyity Jenꞌ.
Pablo cọdyete Jenꞌ Efesoĉantyidyes in
15Meꞌ muꞌ Jenꞌ där ñịbeꞌjisinꞌ, mọꞌdyes yụ räjĉan cọdyete Jenꞌ miꞌindyes. Yụ seꞌvaqui aty miꞌin anicjetinte muꞌ Jesús Ayoꞌ tsun, judyeyaꞌ räj mạꞌjeyacsi miꞌin Jenꞌtyiꞌ muntyiꞌ muꞌ, 16mọꞌdyes yụ cọdacdyeꞌĉan yụ räjĉan yoshoropaij jéte Jenꞌ yụ miꞌindyes. 17Yụ cọdyete muꞌ mạijquedyeꞌtumtyiꞌ Jenꞌ, muꞌ Jesucristoty Jenꞌ muꞌ, muꞌ Ayoꞌ tsun. Cọdyete yụ paj qui muꞌ soꞌminac Ạꞌedyeꞌsiꞌ dyijyedyemꞌ, paj qui rụij chị́yetinte muꞌ Jenꞌ ĉojtyiꞌĉan miꞌin. 18Chimeꞌ cọdyete Jenꞌ yụ paj qui mạijchubunac dyijyedyeꞌ miꞌin judyeyaꞌ ĉojtyiꞌ miꞌin paj qui meꞌ tupuj chị́yetiñeꞌ miꞌin mọꞌ jämꞌsiꞌ c̣honꞌdyedyes mọꞌ bisjaꞌsiꞌ tsun fayactyiꞌ tsun, paj qui chị́yetiñeꞌ mọꞌ därsiꞌ ñịbeꞌyedyes soꞌmisinꞌ raꞌ Jenꞌ tsun Jenꞌtyiꞌ muntyiꞌ tsun, yódyesdyemꞌ p̂eyes p̂eyacdyeꞌ u muꞌ. 19Meꞌ buꞌyi yụ cọdyete Jenꞌ paj qui muꞌ mạijchubunac dyijyedyeꞌ miꞌin paj qui miꞌin tupuj chị́yebitinte mọjoꞌchas ferdyeꞌ Jenꞌsiꞌ muꞌ, mọꞌ carijtaquis tsuntyiꞌĉan ĉojtyiꞌ tsun anicjejaty tsun. Ọij Jenꞌsiꞌ ferdyeꞌ muꞌ, mọꞌ meꞌchujaꞌsiꞌ tsun, anic där mọjoꞌchas muꞌ, 20mọꞌdye ferdyeꞌ vañinjebajte muꞌ Cristo judyeyaꞌ yụꞌbajte tacve buꞌban Jenꞌyaꞌ mạyedyeꞌcheꞌ. 21Muꞌcheꞌ q̂uinꞌ ayoꞌbuꞌban muꞌ Cristo, mujuꞌchaꞌ ayoꞌbuꞌyi muꞌcheꞌ. Muꞌ mujuꞌchaꞌtacsi räj jacchety ayoꞌ in, judyeyaꞌ yụꞌtactyiꞌ in, jacchety in judyeyaꞌ mạyedyeꞌchety in, anjer in, judyeyaꞌ sọyoꞌ in, judyeyaꞌ räj fer buꞌyity in, räj muꞌin uyaꞌyaꞌte in, ĉaĉaij na mọjoꞌchaꞌ yụꞌtacdyeꞌ Cristos muꞌ, mụiꞌsisĉan raꞌ tupudyeꞌ yejĉoij raꞌ meꞌ ayoꞌbuꞌyi. 22Meꞌ muꞌ Cristo räjdyes ayoꞌbuꞌyi, ĉaĉaij na muꞌ Jenꞌ yi paj qui räj ayotute in muꞌ Cristo, muꞌindyesmun ayoꞌbuꞌyi chimeꞌ Jenꞌtyiꞌ ñuruꞌtyity muꞌ. 23Tsun Cristoty ñuruꞌtyity tsun aꞌ buꞌjaꞌ Cristos muꞌ. Meꞌ jịꞌcätsepja Cristos dyijyedyeꞌ muꞌ, judyeyaꞌ muꞌdye jịꞌcätseꞌ dyijyedyeꞌ muꞌ, räj buꞌyi jaccheꞌ judyeyaꞌ mạyedyeꞌcheꞌ chimeꞌ.
Currently Selected:
Efesoĉantyidyes 1: CAS
Highlight
Copy
Compare
Share
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'
Efesoĉantyidyes 1
1
Tashches voryedyeꞌ Pablosiꞌ
1Yụ Pablo sáñeꞌ yụ ọij p̂eyacdyeꞌ miꞌindyes Jenꞌtyiꞌ ñuruꞌtyity miꞌin, Efesoĉan bäꞌyity miꞌin, miꞌin cäc̣häꞌchutintety muꞌ Cristo Jesús. Yụ jutactyiꞌ Jesucristoty muꞌ, muꞌdye Jenꞌ meꞌ yuꞌtyin yụ. 2Yụ cọdyete Jenꞌ, muꞌ Ạvatusinꞌtyiꞌ tsun, judyeyaꞌ muꞌ Jesucristo Ayoꞌ tsun paj qui muꞌ ñịbeꞌjitidyes soꞌminac miꞌin judyeyaꞌ soꞌminac maꞌjodyeꞌ ĉojtyiꞌĉandyes miꞌin.
3Timaꞌqueja Jenꞌ, muꞌ Jesucristoty Jenꞌ muꞌ, muꞌ Ayoꞌ tsun. Yoshoropaij jéja Jenꞌ, muꞌ ñịbeꞌjisinꞌtyiꞌ tsun räj ạꞌedyedyes jedyeꞌ tsun, mạyedyeꞌcheꞌ jijtuiꞌ, mọꞌ soꞌmisinꞌ tsun Cristoty tsun. 4Jambiꞌdyemꞌ jämꞌtyeꞌ jiquej ọij jac, aty muꞌ tạꞌcaty tsimꞌsinꞌ tsun ĉaĉaij na Cristoty tsun. Muꞌ tsimꞌsinꞌ tsun paj qui Jenꞌdyety tsun judyeyaꞌ paj qui jam jụꞌñijaꞌ muꞌsiꞌyaꞌ vej muꞌ. 5Därsiꞌyaꞌ mạꞌjitidyes muꞌ, muꞌ jäꞌmiij dyijtusinꞌ junꞌ chuc raꞌ ạvatusinꞌ tsun anicjejaty Jesucristo, ĉaĉaij na meꞌ mạꞌjeꞌ muꞌ Jenꞌ ĉụiꞌsiꞌyaꞌ dyijyedyeꞌ muꞌ, muꞌ ñịbeꞌjisinꞌ. 6Mọꞌdyes timaꞌqueja Jenꞌ ĉaĉaij na muꞌ soꞌmisinꞌ därsiꞌ ñịbeꞌjitidyes muꞌ. Räj muꞌ ñịbeꞌjisinꞌ sänꞌdyeꞌyaꞌ Ạvaꞌ muꞌ, muꞌ mạꞌjeyacdyety muꞌ. 7Därsiꞌyaꞌ ñịbeꞌjitidyes muꞌ Jenꞌ jiꞌc̣honsinꞌ tsun Cristosyaꞌ chäsh muꞌ, mọꞌyaꞌ muꞌ vayacjibusinꞌ juchaj tsun. 8Chimeꞌdye ñịbeꞌjitidyesyaꞌ muꞌ soꞌmisinꞌ paj qui dyijyedyeꞌtum bäꞌjaꞌ tsun judyeyaꞌ chị́dyeꞌ muꞌ soꞌmisinꞌ. 9Meꞌ muꞌ Jenꞌ jiꞌchäquiyisinꞌ dyijyedyeꞌ muꞌ, mọꞌ jam chị́yeptes urucyaty muntyiꞌ jiquej in, junꞌ chuc raꞌ muꞌ jutete muꞌ Cristo úcheꞌ, ĉaĉaij na mọꞌ ĉụiꞌsiꞌ dyijyedyeꞌ Jenꞌsiꞌ muꞌ. 10Mọꞌ dyijyedyeꞌ muꞌ, a raꞌ ayijyaꞌ tupudyeꞌ, chat qui raꞌ muꞌ jịꞌcätseꞌ dyijyedyeꞌ muꞌ, muꞌ raꞌ jayuꞌti muꞌ Cristo paj qui räjdyes ayoꞌbuꞌyi muꞌ, jacchetydyes judyeyaꞌ mạyedyeꞌchetydyes.
11Meꞌ muꞌ Jenꞌ ĉụiꞌsiꞌyaꞌ dyijyedyeꞌ jiquej muꞌ, tạꞌcaty tsimꞌsinꞌ tsun ĉụiꞌdyety tusinꞌ muntyiꞌ muꞌ, ĉaĉaij na Cristoty aty tsun. Meꞌ muꞌ Jenꞌ räj jämꞌtyeꞌ ĉụiꞌsiꞌyaꞌ dyijyedyeꞌ muꞌ, junꞌ chuc mạꞌjeꞌ muꞌ, meꞌ jämꞌtyeꞌ. 12Meꞌ muꞌ Jenꞌ där ñịbeꞌ ĉúsinꞌ jacchety muntyiꞌ tsun. Mọꞌ dyijyedyeꞌ muꞌ paj qui tsun judío tsun tashcheꞌ ĉútity Cristocheꞌ tsun paj qui muꞌ timaꞌquete tsun muꞌ mujuꞌchaꞌ jämꞌyity Jenꞌ mạijquedyeꞌtumtyiꞌ. 13Meꞌdye miꞌin chimeꞌ anicjetinte muꞌ Cristo, yoquiꞌdyemꞌ seꞌvetiñeꞌyaꞌ mọꞌ jiquej u mọꞌ rụijsis p̂eyacdyeꞌ jämꞌsiꞌ, mọꞌ jiꞌc̣honnacsiꞌ miꞌin. Chat qui muꞌ Jenꞌ jịꞌcätseꞌ p̂eyacdyeꞌ muꞌ, mọꞌ p̂eyes Ạꞌedyeꞌ muꞌ, mọꞌ muꞌ soꞌminac. Mọꞌ cac̣htacdyeꞌ buꞌyiꞌ Jenꞌsiꞌ muꞌ, mọꞌ jịꞌĉocdyeꞌ shupquiꞌ aty Jenꞌtyiꞌ tsun. 14Mọꞌ yacchutis ñịbeꞌyedyeꞌ soꞌmisinꞌsiꞌ raꞌ muꞌ Jenꞌ, mọꞌ jiꞌĉuyisinꞌ räj raꞌ ñịbeꞌjisinꞌ tsun#1:14 2 Corintoĉantyidyes 1:22, mọꞌ p̂eyes p̂eyacdyeꞌ muꞌ. Mọꞌ raꞌ ñịbeꞌjisinꞌ aty ayijyaꞌ tupudyeꞌ c̣honꞌdyedyes tsun Jenꞌtyiꞌ tsun. Timaꞌqueja muꞌ mujuꞌchaꞌ jämꞌyity Jenꞌ.
Pablo cọdyete Jenꞌ Efesoĉantyidyes in
15Meꞌ muꞌ Jenꞌ där ñịbeꞌjisinꞌ, mọꞌdyes yụ räjĉan cọdyete Jenꞌ miꞌindyes. Yụ seꞌvaqui aty miꞌin anicjetinte muꞌ Jesús Ayoꞌ tsun, judyeyaꞌ räj mạꞌjeyacsi miꞌin Jenꞌtyiꞌ muntyiꞌ muꞌ, 16mọꞌdyes yụ cọdacdyeꞌĉan yụ räjĉan yoshoropaij jéte Jenꞌ yụ miꞌindyes. 17Yụ cọdyete muꞌ mạijquedyeꞌtumtyiꞌ Jenꞌ, muꞌ Jesucristoty Jenꞌ muꞌ, muꞌ Ayoꞌ tsun. Cọdyete yụ paj qui muꞌ soꞌminac Ạꞌedyeꞌsiꞌ dyijyedyemꞌ, paj qui rụij chị́yetinte muꞌ Jenꞌ ĉojtyiꞌĉan miꞌin. 18Chimeꞌ cọdyete Jenꞌ yụ paj qui mạijchubunac dyijyedyeꞌ miꞌin judyeyaꞌ ĉojtyiꞌ miꞌin paj qui meꞌ tupuj chị́yetiñeꞌ miꞌin mọꞌ jämꞌsiꞌ c̣honꞌdyedyes mọꞌ bisjaꞌsiꞌ tsun fayactyiꞌ tsun, paj qui chị́yetiñeꞌ mọꞌ därsiꞌ ñịbeꞌyedyes soꞌmisinꞌ raꞌ Jenꞌ tsun Jenꞌtyiꞌ muntyiꞌ tsun, yódyesdyemꞌ p̂eyes p̂eyacdyeꞌ u muꞌ. 19Meꞌ buꞌyi yụ cọdyete Jenꞌ paj qui muꞌ mạijchubunac dyijyedyeꞌ miꞌin paj qui miꞌin tupuj chị́yebitinte mọjoꞌchas ferdyeꞌ Jenꞌsiꞌ muꞌ, mọꞌ carijtaquis tsuntyiꞌĉan ĉojtyiꞌ tsun anicjejaty tsun. Ọij Jenꞌsiꞌ ferdyeꞌ muꞌ, mọꞌ meꞌchujaꞌsiꞌ tsun, anic där mọjoꞌchas muꞌ, 20mọꞌdye ferdyeꞌ vañinjebajte muꞌ Cristo judyeyaꞌ yụꞌbajte tacve buꞌban Jenꞌyaꞌ mạyedyeꞌcheꞌ. 21Muꞌcheꞌ q̂uinꞌ ayoꞌbuꞌban muꞌ Cristo, mujuꞌchaꞌ ayoꞌbuꞌyi muꞌcheꞌ. Muꞌ mujuꞌchaꞌtacsi räj jacchety ayoꞌ in, judyeyaꞌ yụꞌtactyiꞌ in, jacchety in judyeyaꞌ mạyedyeꞌchety in, anjer in, judyeyaꞌ sọyoꞌ in, judyeyaꞌ räj fer buꞌyity in, räj muꞌin uyaꞌyaꞌte in, ĉaĉaij na mọjoꞌchaꞌ yụꞌtacdyeꞌ Cristos muꞌ, mụiꞌsisĉan raꞌ tupudyeꞌ yejĉoij raꞌ meꞌ ayoꞌbuꞌyi. 22Meꞌ muꞌ Cristo räjdyes ayoꞌbuꞌyi, ĉaĉaij na muꞌ Jenꞌ yi paj qui räj ayotute in muꞌ Cristo, muꞌindyesmun ayoꞌbuꞌyi chimeꞌ Jenꞌtyiꞌ ñuruꞌtyity muꞌ. 23Tsun Cristoty ñuruꞌtyity tsun aꞌ buꞌjaꞌ Cristos muꞌ. Meꞌ jịꞌcätsepja Cristos dyijyedyeꞌ muꞌ, judyeyaꞌ muꞌdye jịꞌcätseꞌ dyijyedyeꞌ muꞌ, räj buꞌyi jaccheꞌ judyeyaꞌ mạyedyeꞌcheꞌ chimeꞌ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'