Génesis 3
3
Adán judyeyaꞌ Eva juchaij in
1Muꞌ qui namꞌ nas mujuꞌchaꞌ chịjtyiꞌ jiquej, ọyaꞌyaꞌ yocsiꞌ jebacdyeꞌ in jämꞌtacsis Jenꞌ Ayoꞌ tsun jiquej. Atsij muꞌ nas ĉọ́teꞌ mọꞌ p̂en jeꞌ muꞌ:
—¿Meꞌ adac Jenꞌ jínac paj qui jam jebetiñeꞌ miꞌin yiris sacacdyeꞌ cätidyeꞌĉansiꞌ?
2Vorjete mọꞌ p̂en jéte:
—Yi nash muꞌ Jenꞌ jin tsun tupuj ca jebeiꞌ tsun räj sacacdyeꞌ in. 3Mọꞌ qui na ramꞌ chidyiꞌĉanyas sacacdyeꞌ jam ca raꞌ junꞌ jebac väsh mọꞌ, mijam ca raꞌ täjtac mọꞌ. Jebeiꞌ ca raꞌ jụijyaꞌ tsun, säñiꞌ ca raꞌ yụ vämtyiꞌtumdye —jéte mọꞌ p̂en muꞌ nas.
4Voryi muꞌ nas jeꞌ mọꞌ p̂en:
—Jam rụij muꞌsiꞌ p̂eyacdyeꞌ muꞌ, jam raꞌ säñiꞌ miꞌin. 5Jenꞌ nash chịj jebetiñeꞌ raꞌ jụijyaꞌ mọꞌsiꞌ väsh mọꞌ, cätstinte raꞌ Jenꞌ, tupuj raꞌ chịj miꞌin jụꞌñis chuc jämꞌsiꞌ judyeyaꞌ jụꞌñis chuc jam jämꞌsiꞌ —jeꞌ nas.
6Mọꞌ p̂en cạveꞌ mọꞌ väsh anic ạꞌniiꞌ ĉọiꞌ, jämꞌ jebac ĉọiꞌ mọꞌ, chimeꞌdye mọꞌ tupuj dyijyedyeꞌ jasoꞌmitiꞌ. Mọꞌdyes qui väch jäqueꞌ, jebeiꞌ judyeyaꞌ qui soꞌmaquiꞌ vämtyiꞌ mọꞌ, chijebeiꞌdye qui muꞌ. 7Meꞌĉandye dyijyedyeꞌ játŝuti in, chat seꞌyi in cädäjmun ĉúti in. Chat qui jämꞌ yuꞌti in yụꞌtyeꞌ shan in, mọꞌyaꞌ qui busjiti in.
8Yómoꞌquiꞌve aty fujuꞌjuyeti tyiꞌmu, muꞌ Jenꞌ Ayoꞌ tsun nati cätidyeꞌĉan. Seꞌvete in Adán judyeyaꞌ Eva meꞌĉandye shuj tyeij in cätidyeꞌĉansiꞌ son ĉọ́queꞌ in, sonve jijmuꞌsiti in. 9Muꞌ Jenꞌ Ayoꞌ tsun fayebajte:
—¿Junaꞌ tyuꞌ u mi? —yi jajiti.
10Yi vorjete:
—Yụ nash seꞌveye úĉan nati mi cätidyeꞌĉan, mọꞌdyes noiꞌyi yụ, ĉaĉaij nash cädäj ĉúti yụ, mọꞌdyes jijmuꞌsiti yụ.
11Jenꞌ jajiti:
—¿Tyi caꞌ jin mi meꞌ cädäj mi? ¿Jebeiꞌ caꞌ sacacdyeꞌ mi, yoj jéye nac yụ: "Jam raꞌ jebeiꞌ mi", jéye yụ.
12Voryi Adán:
—Ọij p̂en soꞌmitis mi penꞌdyedyes yụ, mọꞌ nash soꞌmin yụ väsh sacacdyes mọꞌ, chat qui yụ jebeiꞌ.
13Chat qui muꞌ Jenꞌ Ayoꞌ tsun jeꞌ mọꞌ p̂en:
—¿Junꞌ caꞌ meꞌ mi?
Vorjete:
—Nas nash väñätun yụ, mọꞌdyes qui jebeiꞌ väsh yụ —yiꞌ mọꞌ p̂en.
Jenꞌ soꞌmacsi vaꞌtacdyeꞌ
14Chat qui muꞌ Jenꞌ Ayoꞌ tsun jéte muꞌ nas:
—Mi aty väñätucsi u, q̂uinꞌ raꞌ chat mọjoꞌchas vaꞌtacdyeꞌ soꞌmeye yụ, jam jeñej yocsiꞌ jebacdyeꞌ in. Ĉụiꞌsiꞌcheꞌ raꞌ eꞌfe miꞌi mi, mụijyaꞌ raꞌ tyeij mi, p̂uijdastyi raꞌ jac mi junꞌ quiꞌ chuc jadyic mi. 15Yụ raꞌ soꞌmacsi quijnacdyeꞌ p̂entum judyeyaꞌ vóshiꞌtum mọꞌ, mítyiꞌ raꞌ vóshiꞌ in quijñiti raꞌ in mọꞌtyiꞌtum vóshiꞌ mọꞌ. P̂entyiꞌ raꞌ vóshiꞌ mọꞌ yútyibun raꞌ joꞌnoꞌ mi, mi qui raꞌ caravꞌjete tribityve —yi Jenꞌ jéte muꞌ nas.
16Muꞌ Jenꞌ jeꞌ mọꞌ p̂en:
—Yụ raꞌ meꞌjeye, damꞌdye raꞌ fersiꞌ jịꞌĉojtyeꞌ areꞌredyeꞌ mi basdyiꞌyam. Meꞌ raꞌ tsanꞌ meꞌ mi raꞌ fer mạꞌjete vämtyiꞌ mi, judyeyaꞌ raꞌ chimeꞌ chiquete mi —jajitiꞌ.
17Adán chimeꞌ p̂eyete Jenꞌ jajiti:
—Mi chiquebi p̂ensiꞌ p̂eyacdyeꞌ mi, mọꞌdyes qui mímunyejoij chimeꞌ mi. Jebeiꞌ mi mọꞌ sacacdyeꞌ, yoj jéye nac yụ: "Jam raꞌ jebeiꞌ mi", jéye yụ, q̂uinꞌ raꞌ chat yụ ac̣hiꞌtyeꞌ ọij jac mísiꞌyaꞌ juchaj. Carij qui raꞌ úñi mi, fer raꞌ carijtaqui mi paj qui shupquiꞌ mọꞌyaꞌ jibitidyes mi, junꞌ quiꞌ chuc jadyic mi. 18Chịbiꞌ raꞌ yutij in judyeyaꞌ yocsiꞌ aꞌc̣his däräꞌ in, judyeyaꞌ raꞌ chimeꞌ däräꞌĉansiꞌ sacacdyeꞌ jebeiꞌ mi. 19Carij qui raꞌ úñi mi ĉụiꞌdyes, junjostum raꞌ dạqueꞌ säcsedyedyes mi, junꞌ quiꞌ chuc jadyic mi. Jacdye raꞌ cuvij munjan mi ĉaĉaij na yụ jac jämꞌtyeye yụ jiquej —yi jajiti muꞌ Jenꞌ.
20Adán jéyaqui p̂en muꞌ "Eva" jeꞌ, "ĉaĉaij nash mi tashches tseꞌ muntyis muꞌin", yi muꞌ. 21Chat qui muꞌ Jenꞌ Ayoꞌ tsun jämꞌtyeyeyacsi quịꞌsiꞌ muntyidyety in, jebacdyes shoꞌpaꞌ jämꞌtyeyacsi, muꞌĉan jịꞌquicsi.
Jenꞌ meijjeyacsi Edénĉantyiꞌ in
22Jenꞌ Ayoꞌ tsun yi: "Q̂uinꞌ muꞌ muntyiꞌ aty cätssinꞌ tsun ĉaĉaij na aty chị́yeꞌ atsvun jụꞌñis chuc jämꞌsiꞌ judyeyaꞌ jụꞌñis chuc jam jämꞌsiꞌ. Areꞌĉa jebebanꞌ mọꞌ sacacdyeꞌ tsạꞌchuquis chat qui raꞌ räjĉan tsạꞌ buꞌyi, jam junꞌ säñi", yi Jenꞌ.
23Mọꞌdyes muꞌ Jenꞌ Ayoꞌ tsun jiꞌshupjajte muꞌ muntyiꞌ cätidyeꞌĉantyiꞌ Edénĉantyiꞌ, yocve qui jayuꞌti paj qui ĉụiꞌ muꞌve carijtaqui mọꞌ jac, yódyesdyemꞌ jämꞌtac u muꞌ muntyiꞌ. 24Aty jiꞌshupteyaꞌ chat qui tajaꞌve quịjodyeꞌ shupquive tsun, muꞌ Jenꞌ yụꞌtacsi mạyedyeꞌchety ĉọjcaquity in, querubin tịj muꞌin. Chimeꞌdye yụꞌtyeꞌ jeꞌñes machitu yenamquevaꞌjoiꞌ cọijtyivaꞌtiꞌ. Meꞌ yi muꞌ Jenꞌ paj qui jam ĉọ́queꞌ in mọꞌ tsạꞌchuquis sacacdyeꞌ in.
Currently Selected:
Génesis 3: CAS
Highlight
Share
Copy
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'
Génesis 3
3
Adán judyeyaꞌ Eva juchaij in
1Muꞌ qui namꞌ nas mujuꞌchaꞌ chịjtyiꞌ jiquej, ọyaꞌyaꞌ yocsiꞌ jebacdyeꞌ in jämꞌtacsis Jenꞌ Ayoꞌ tsun jiquej. Atsij muꞌ nas ĉọ́teꞌ mọꞌ p̂en jeꞌ muꞌ:
—¿Meꞌ adac Jenꞌ jínac paj qui jam jebetiñeꞌ miꞌin yiris sacacdyeꞌ cätidyeꞌĉansiꞌ?
2Vorjete mọꞌ p̂en jéte:
—Yi nash muꞌ Jenꞌ jin tsun tupuj ca jebeiꞌ tsun räj sacacdyeꞌ in. 3Mọꞌ qui na ramꞌ chidyiꞌĉanyas sacacdyeꞌ jam ca raꞌ junꞌ jebac väsh mọꞌ, mijam ca raꞌ täjtac mọꞌ. Jebeiꞌ ca raꞌ jụijyaꞌ tsun, säñiꞌ ca raꞌ yụ vämtyiꞌtumdye —jéte mọꞌ p̂en muꞌ nas.
4Voryi muꞌ nas jeꞌ mọꞌ p̂en:
—Jam rụij muꞌsiꞌ p̂eyacdyeꞌ muꞌ, jam raꞌ säñiꞌ miꞌin. 5Jenꞌ nash chịj jebetiñeꞌ raꞌ jụijyaꞌ mọꞌsiꞌ väsh mọꞌ, cätstinte raꞌ Jenꞌ, tupuj raꞌ chịj miꞌin jụꞌñis chuc jämꞌsiꞌ judyeyaꞌ jụꞌñis chuc jam jämꞌsiꞌ —jeꞌ nas.
6Mọꞌ p̂en cạveꞌ mọꞌ väsh anic ạꞌniiꞌ ĉọiꞌ, jämꞌ jebac ĉọiꞌ mọꞌ, chimeꞌdye mọꞌ tupuj dyijyedyeꞌ jasoꞌmitiꞌ. Mọꞌdyes qui väch jäqueꞌ, jebeiꞌ judyeyaꞌ qui soꞌmaquiꞌ vämtyiꞌ mọꞌ, chijebeiꞌdye qui muꞌ. 7Meꞌĉandye dyijyedyeꞌ játŝuti in, chat seꞌyi in cädäjmun ĉúti in. Chat qui jämꞌ yuꞌti in yụꞌtyeꞌ shan in, mọꞌyaꞌ qui busjiti in.
8Yómoꞌquiꞌve aty fujuꞌjuyeti tyiꞌmu, muꞌ Jenꞌ Ayoꞌ tsun nati cätidyeꞌĉan. Seꞌvete in Adán judyeyaꞌ Eva meꞌĉandye shuj tyeij in cätidyeꞌĉansiꞌ son ĉọ́queꞌ in, sonve jijmuꞌsiti in. 9Muꞌ Jenꞌ Ayoꞌ tsun fayebajte:
—¿Junaꞌ tyuꞌ u mi? —yi jajiti.
10Yi vorjete:
—Yụ nash seꞌveye úĉan nati mi cätidyeꞌĉan, mọꞌdyes noiꞌyi yụ, ĉaĉaij nash cädäj ĉúti yụ, mọꞌdyes jijmuꞌsiti yụ.
11Jenꞌ jajiti:
—¿Tyi caꞌ jin mi meꞌ cädäj mi? ¿Jebeiꞌ caꞌ sacacdyeꞌ mi, yoj jéye nac yụ: "Jam raꞌ jebeiꞌ mi", jéye yụ.
12Voryi Adán:
—Ọij p̂en soꞌmitis mi penꞌdyedyes yụ, mọꞌ nash soꞌmin yụ väsh sacacdyes mọꞌ, chat qui yụ jebeiꞌ.
13Chat qui muꞌ Jenꞌ Ayoꞌ tsun jeꞌ mọꞌ p̂en:
—¿Junꞌ caꞌ meꞌ mi?
Vorjete:
—Nas nash väñätun yụ, mọꞌdyes qui jebeiꞌ väsh yụ —yiꞌ mọꞌ p̂en.
Jenꞌ soꞌmacsi vaꞌtacdyeꞌ
14Chat qui muꞌ Jenꞌ Ayoꞌ tsun jéte muꞌ nas:
—Mi aty väñätucsi u, q̂uinꞌ raꞌ chat mọjoꞌchas vaꞌtacdyeꞌ soꞌmeye yụ, jam jeñej yocsiꞌ jebacdyeꞌ in. Ĉụiꞌsiꞌcheꞌ raꞌ eꞌfe miꞌi mi, mụijyaꞌ raꞌ tyeij mi, p̂uijdastyi raꞌ jac mi junꞌ quiꞌ chuc jadyic mi. 15Yụ raꞌ soꞌmacsi quijnacdyeꞌ p̂entum judyeyaꞌ vóshiꞌtum mọꞌ, mítyiꞌ raꞌ vóshiꞌ in quijñiti raꞌ in mọꞌtyiꞌtum vóshiꞌ mọꞌ. P̂entyiꞌ raꞌ vóshiꞌ mọꞌ yútyibun raꞌ joꞌnoꞌ mi, mi qui raꞌ caravꞌjete tribityve —yi Jenꞌ jéte muꞌ nas.
16Muꞌ Jenꞌ jeꞌ mọꞌ p̂en:
—Yụ raꞌ meꞌjeye, damꞌdye raꞌ fersiꞌ jịꞌĉojtyeꞌ areꞌredyeꞌ mi basdyiꞌyam. Meꞌ raꞌ tsanꞌ meꞌ mi raꞌ fer mạꞌjete vämtyiꞌ mi, judyeyaꞌ raꞌ chimeꞌ chiquete mi —jajitiꞌ.
17Adán chimeꞌ p̂eyete Jenꞌ jajiti:
—Mi chiquebi p̂ensiꞌ p̂eyacdyeꞌ mi, mọꞌdyes qui mímunyejoij chimeꞌ mi. Jebeiꞌ mi mọꞌ sacacdyeꞌ, yoj jéye nac yụ: "Jam raꞌ jebeiꞌ mi", jéye yụ, q̂uinꞌ raꞌ chat yụ ac̣hiꞌtyeꞌ ọij jac mísiꞌyaꞌ juchaj. Carij qui raꞌ úñi mi, fer raꞌ carijtaqui mi paj qui shupquiꞌ mọꞌyaꞌ jibitidyes mi, junꞌ quiꞌ chuc jadyic mi. 18Chịbiꞌ raꞌ yutij in judyeyaꞌ yocsiꞌ aꞌc̣his däräꞌ in, judyeyaꞌ raꞌ chimeꞌ däräꞌĉansiꞌ sacacdyeꞌ jebeiꞌ mi. 19Carij qui raꞌ úñi mi ĉụiꞌdyes, junjostum raꞌ dạqueꞌ säcsedyedyes mi, junꞌ quiꞌ chuc jadyic mi. Jacdye raꞌ cuvij munjan mi ĉaĉaij na yụ jac jämꞌtyeye yụ jiquej —yi jajiti muꞌ Jenꞌ.
20Adán jéyaqui p̂en muꞌ "Eva" jeꞌ, "ĉaĉaij nash mi tashches tseꞌ muntyis muꞌin", yi muꞌ. 21Chat qui muꞌ Jenꞌ Ayoꞌ tsun jämꞌtyeyeyacsi quịꞌsiꞌ muntyidyety in, jebacdyes shoꞌpaꞌ jämꞌtyeyacsi, muꞌĉan jịꞌquicsi.
Jenꞌ meijjeyacsi Edénĉantyiꞌ in
22Jenꞌ Ayoꞌ tsun yi: "Q̂uinꞌ muꞌ muntyiꞌ aty cätssinꞌ tsun ĉaĉaij na aty chị́yeꞌ atsvun jụꞌñis chuc jämꞌsiꞌ judyeyaꞌ jụꞌñis chuc jam jämꞌsiꞌ. Areꞌĉa jebebanꞌ mọꞌ sacacdyeꞌ tsạꞌchuquis chat qui raꞌ räjĉan tsạꞌ buꞌyi, jam junꞌ säñi", yi Jenꞌ.
23Mọꞌdyes muꞌ Jenꞌ Ayoꞌ tsun jiꞌshupjajte muꞌ muntyiꞌ cätidyeꞌĉantyiꞌ Edénĉantyiꞌ, yocve qui jayuꞌti paj qui ĉụiꞌ muꞌve carijtaqui mọꞌ jac, yódyesdyemꞌ jämꞌtac u muꞌ muntyiꞌ. 24Aty jiꞌshupteyaꞌ chat qui tajaꞌve quịjodyeꞌ shupquive tsun, muꞌ Jenꞌ yụꞌtacsi mạyedyeꞌchety ĉọjcaquity in, querubin tịj muꞌin. Chimeꞌdye yụꞌtyeꞌ jeꞌñes machitu yenamquevaꞌjoiꞌ cọijtyivaꞌtiꞌ. Meꞌ yi muꞌ Jenꞌ paj qui jam ĉọ́queꞌ in mọꞌ tsạꞌchuquis sacacdyeꞌ in.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'