Jone 18
18
Mae Judas ne majorani mae Jisas
(Mat 26:47-56; Mak 14:43-50; Luk 22:47-53)
1Kate gnafa tharai na, mae Jisas ne jifla baludi nogna mae fanomhore. Mare ne tei kasa ka glogu te kiloi Kedron. Ka keha phile glogu tuana, jare au kaisei nagare gaju. Mae Jisas ne tei jare baludi nogna mae fanomhore.
2Aonu, mae Judas laseni vido tuana, naugna kmana fata mae Jisas tei koba jare baludi nogna mae fanomhore. Mae Judas gne kaisei mae te magnahaghei majorani Jisas. 3Mae Judas ne batuni kaisei tothoghei mae soldia ne tei ka nagare na. Eghuteuna, mana ne hata langau balugna keha mae soldia teke kukhuru mae pris ulu nei hatimare mae Farasi. Mare ne atha juta, nei juta jeklo ba phoposa, nei keha glepo mala magra eghu baludi.
4Eghuteuna, mae Jisas la kulu lasedihi unha nate eni mare ka mana na. Kate posa mei mare na, mana tei ne ghusna eghu ka mare, “Mei harini mae ihei si ghotilo ia?”
5Mare ne cheke eghu ka mana, “Ghehati mei harini mae Jisas gna Nasaret.”
Mae Jisas ne cheke eghu ka mare, “Uve, iara ngala mana na.” Judas, mae ihei te majorani mae Jisas na kegra neu jare baludi mare. 6Kate cheke eghu mae Jisas, “Uve, iara ngala mana na” teuna, mare ne kafe ghogro faleghu ne uka soru pari.
7Mae Jisas neke fapea cheke eghu ka mare, “Mei harini mae ihei si ghotilo ia?”
Mare ne cheke eghu ka mana, “Mae Jisas gna Nasaret.”
8Mae Jisas ne cheke eghu ka mare, “Iara la chekehi ka ghotilo, iara ngala mana na! Mei hari ghau iara teu ghotilo na snakredi nogu mae fanomho iara gre mala tei nodi mare.” 9Igne ne horoghoto ka unha teke cheke eghu mana tifa ia, “Mama, iara na theome lisa lao mala sniki kaisei naikno ka teke chekedi iagho mala reireghidi iara teku gre.”
10Eghuteuna, mae Simon Pita au kaisei naflahi. Aonu, mana korho fajifla naflahi tuana ne kusu koko khuli fei nhetagna nogna mae gloku mae pris ulu na. Nanghagna mae gloku igne mae Malkus.
11Mae Jisas ne cheke eghu ka mae Pita, “Ghema Pita, ke nhaꞌa fapulo nou naflahi ana! Iara na leghuni unha teke magnahagheni mae Mama te mala au papara na.”
Mare hata ni mae Jisas ne tei ke ulugna mae Anas
12Aonu mae soldia, balugna nodi mae funei na, nei keha mae Jiu te reireghi gna Sugablahi na eghu ne mei lokini mae Jisas. Mare haru fodu phia khamegna mana re. 13Mare kulu athani mana ne tei ka mae Anas. Mae Anas gne mae nanghogna mae Kaefas, mae ihei te pris biꞌo ka finogha tuana. 14Mae Kaefas gne kaisei mae neke cheke eghu tifa ka mae Jiu, “Te keli na kaisei mae mala lehe tughudi naikno te gnafare.”
Mae Pita theome laseni mae Jisas
(Mat 26:69-70; Mak 14:66-68; Luk 22:55-57)
15Mae Simon Pita ghe keha mae fanomho na, phiamare ne tei ke leghugna mae Jisas. Mae pris ulu na laseni mae fanomho tuana. Aonu mare snakreni mana ne tei balugna mae Jisas ne ruma ka glalabagna nogna suga mae pris ulu tuana. 16Eghuteuna, mae Pita tei ofo neu ke kosi rhegna grengatha na. Aonu, keha mae fanomho te laseni mae pris ulu na neke jifla kosi. Mana ne cheke ka gaꞌase gloku te reireghi grengatha na, mana tathaleini mae Pita ne ruma lamna suga.
17Gaꞌase igne ne cheke eghu ka mae Pita, “Iagho kaisei nogna mae fanomho langau mae Jisas gne sia?”
Mae Pita ne chaghi ne cheke eghu ka naꞌa, “Theo! Iara theo.”
18Ka bongi tuana thono rifu fara. Aonu hatimare mae gloku, nei hatimare mae soldia te reireghi gna Sugablahi na eghu ne ifu khaꞌaghi na peha neu. Mae Pita kegra peha neu jare baludi mare.
Mae Anas ne ghusnani mae Jisas
(Mat 26:59-66; Mak 14:55-64; Luk 22:66-71)
19Mae pris biꞌo na ne funu ghusnani mae Jisas eidi nogna mae fanomho manare, nei nogna farirhiu te edi mana ka naiknore.
20Mae Jisas ne cheke eghu ka mana, “Iara neke famane cheke ke uludi naiknore. Eghuteuna iara neke farirhiu koba ke lamna suga tharai, nei ke lamna Sugablahi, ka vido aheva te kafe khapru teu mae Jiure. Tutuani, iara neke theome cheke poruni kaisei glepo. 21Naugna unha sagho te ghusna ghau iara gnea? Ghusnadi sagho naikno teke nomhidi nogu farirhiu iara re. Mare lasedihi unha teke chekedi iara re.”
22Kate cheke eghu mae Jisas na, kaisei mae te reireghi gna Sugablahi te kegra teu jare na mei ne taponi mae Jisas. Mana ne cheke eghu ka mae Jisas, “Ghema, theome tuana nafnata cheke te mala cheke tughu iagho ka mae pris ulu na!”
23Mae Jisas neke cheke eghu ka mana, “Te theome doglo nogu cheke iara na, ke falalase meini sagho aheva te jafra iara na. Nu te doglo teu ngala nogu cheke iara na, naugna unha site mei tapo ghau iara iagho gnea?” 24Ka vido tuana mae Anas neke kuru teini mae Jisas ka mae Kaefas mae pris biꞌo na. Mare ne theome rurutha phia khamegna mana re.
Mae Pita ne chaghi eigna mae Jisas
(Mat 26:71-75; Mak 14:69-72; Luk 22:58-62)
25Mae Pita kegra peha neu ka khaꞌaghi na ke kosigna suga mae pris biꞌo na. Eghuteuna, keha naikno te filoni mae Pita re ne cheke eghu ka mana, “Iagho kaisei nogna mae fanomho mae igne sia?”
Mae Pita chaghi ne cheke eghu, “Theo, iara theo.”
26Kaisei mae ka nogna mae gloku mae pris biꞌo na au jare. Mae igne kaisei mae ka vikegna mae teke kusu koko mae Pita khuligna na. Mae gloku tuana ne cheke eghu ka mae Pita, “Tuani fara, iara neke filo nigho iagho balugna mae Jisas ka nagare ia!” 27Nu mae Pita chaghi ne cheke eghu ka mana, “Theo! Theome iara!” Ka vido narane te cheke teu ngala mae Pita igne khokorako na ne taitanhi.
Hatimare mae Jiu hatani mae Jisas ne tei ka mae Paelat
(Mat 27:1-2,11-14; Mak 15:1-5; Luk 23:1-5)
28Aonu, hamerane boibongi, hatimare mae Jiu hatani mae Jisas funu ka sugagna mae Kaefas na ne tei ka sugagna mae Paelat mae gavana gna Rom. Eghuteuna, goro mae biꞌodi hatimare mae Jiu ne theome ruma lamna ka suga na. Naugna mare magnahaghei blahi teu te ghilei thokei narane Gaghamu Ghasa-Polho na. 29Aonu, mae Paelat jifla kosi ka naiknore ne cheke eghu, “Unha fathoro site nhaꞌa lao ghotilo ke kligna gna mae ignea?”
30Mare ne cheke eghu, “Mae igne kaisei mae diꞌa! Jame theome loku jafra mana meuna, ghehati jame theome atha meini mae igne ka iagho.”
31Mae Paelat ne cheke eghu ka mare, “Te eghuna ghotilo athani mana mala fateni mana ka nomi vetula themi.”
Mae Jiu gre ne cheke eghu ka mana, “Ghehati theome tangomana te faleheni naikno na, naugna ghotilo mae Rom theome snakre ghami ghehati te mala fateni nei faleheni teu naikno na.” 32Igne ne horoghoto fara ka nogna cheke thegna mae Jisas teke kulu chekeni mana tifa eigna unha nafnata glehe nate lehe mana na.
33Aonu, mae Paelat neke ruma lamna suga. Mana kiloni mae Jisas, ne ghusna eghu ka mana, “Ba, iagho thofno nodi King mae Jiu gre sia ghema?”
34Mae Jisas ne cheke eghu ka mana, “Gusna igne nou iagho themu, ba keha naiknoi teke cheke ranghi nigho iagho eigu iara na?”
35Mae Paelat ne cheke eghu ka mana, “Sei, ne mae Jiu iara eghu sagho gaoghathomu na ia? Hatimare mae pris ulu nei nou naikno themu iagho gre eghu site atha nigho iagho te mei ka iara gnea! Unha najafra biꞌo si teke eni iagho na ia?”
36Mae Jisas ne cheke eghu ka mana, “Iara mae King, nu iara theome jateula king gna nauthoglu pari igne eghu. Jame mae king gna nauthoglu pari igne iara meuna, nogu mae fanomho iara gre jame magra heta eigu iara mala theome atha ghau iara mae Jiu gre. Iara mae King, nu iara theome jateula ngau keha mae king te funei frunidi naiknogna nauthoglu pari igne eghu sia.”
37Mae Paelat ne cheke eghu ka mana, “Eghume, iagho mae King eghu?”
Mae Jisas ne cheke eghu ka mana, “Uve, te chekeni teu ngala iagho themu tuana, iara mae King. Iara neke karha mei ka nauthoglu igne mala cheke thakleni unha te tutuani na. Mae ihei te magnahaghei leghuni unha te tutuani na, fanomho ka iara.”
38Mae Paelat ne cheke eghu ka mana, “Unha si gaoghathogna ‘tutuani’ te chekeni iagho gnea?”
Mae Paelat ne fateni mae Jisas
(Mat 27:15-31; Mak 15:6-20; Luk 23:13-25)
Mae Paelat neke jifla kosi ka mavitu na, ne cheke eghu, “Iara theome filoni kaisei najafra te nabagna te mala fate faleheni mae igne. 39Nu, ka Narane Ghasa-Polho na, iara na eni ranghi ghami ghotilo unha te eni koba iara leuleghu finogha ia, iara na snakreni kaisei mae sosolo ka ghotilo. Ghotilo magnahaghei ghau iara te snakre arini ka ghotilo mae Jiu gre nomi mae King gne sia?”
40Mare ne cheke tughu balu eha fabiꞌo, “Theo! Theome mae igne! Ghehati magnahagheni mae Barabas!” Mae Barabas gne kaisei mae neke blau nei aknu poru eghu.
Currently Selected:
Jone 18: mrn
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators , Inc. All rights reserved.
Jone 18
18
Mae Judas ne majorani mae Jisas
(Mat 26:47-56; Mak 14:43-50; Luk 22:47-53)
1Kate gnafa tharai na, mae Jisas ne jifla baludi nogna mae fanomhore. Mare ne tei kasa ka glogu te kiloi Kedron. Ka keha phile glogu tuana, jare au kaisei nagare gaju. Mae Jisas ne tei jare baludi nogna mae fanomhore.
2Aonu, mae Judas laseni vido tuana, naugna kmana fata mae Jisas tei koba jare baludi nogna mae fanomhore. Mae Judas gne kaisei mae te magnahaghei majorani Jisas. 3Mae Judas ne batuni kaisei tothoghei mae soldia ne tei ka nagare na. Eghuteuna, mana ne hata langau balugna keha mae soldia teke kukhuru mae pris ulu nei hatimare mae Farasi. Mare ne atha juta, nei juta jeklo ba phoposa, nei keha glepo mala magra eghu baludi.
4Eghuteuna, mae Jisas la kulu lasedihi unha nate eni mare ka mana na. Kate posa mei mare na, mana tei ne ghusna eghu ka mare, “Mei harini mae ihei si ghotilo ia?”
5Mare ne cheke eghu ka mana, “Ghehati mei harini mae Jisas gna Nasaret.”
Mae Jisas ne cheke eghu ka mare, “Uve, iara ngala mana na.” Judas, mae ihei te majorani mae Jisas na kegra neu jare baludi mare. 6Kate cheke eghu mae Jisas, “Uve, iara ngala mana na” teuna, mare ne kafe ghogro faleghu ne uka soru pari.
7Mae Jisas neke fapea cheke eghu ka mare, “Mei harini mae ihei si ghotilo ia?”
Mare ne cheke eghu ka mana, “Mae Jisas gna Nasaret.”
8Mae Jisas ne cheke eghu ka mare, “Iara la chekehi ka ghotilo, iara ngala mana na! Mei hari ghau iara teu ghotilo na snakredi nogu mae fanomho iara gre mala tei nodi mare.” 9Igne ne horoghoto ka unha teke cheke eghu mana tifa ia, “Mama, iara na theome lisa lao mala sniki kaisei naikno ka teke chekedi iagho mala reireghidi iara teku gre.”
10Eghuteuna, mae Simon Pita au kaisei naflahi. Aonu, mana korho fajifla naflahi tuana ne kusu koko khuli fei nhetagna nogna mae gloku mae pris ulu na. Nanghagna mae gloku igne mae Malkus.
11Mae Jisas ne cheke eghu ka mae Pita, “Ghema Pita, ke nhaꞌa fapulo nou naflahi ana! Iara na leghuni unha teke magnahagheni mae Mama te mala au papara na.”
Mare hata ni mae Jisas ne tei ke ulugna mae Anas
12Aonu mae soldia, balugna nodi mae funei na, nei keha mae Jiu te reireghi gna Sugablahi na eghu ne mei lokini mae Jisas. Mare haru fodu phia khamegna mana re. 13Mare kulu athani mana ne tei ka mae Anas. Mae Anas gne mae nanghogna mae Kaefas, mae ihei te pris biꞌo ka finogha tuana. 14Mae Kaefas gne kaisei mae neke cheke eghu tifa ka mae Jiu, “Te keli na kaisei mae mala lehe tughudi naikno te gnafare.”
Mae Pita theome laseni mae Jisas
(Mat 26:69-70; Mak 14:66-68; Luk 22:55-57)
15Mae Simon Pita ghe keha mae fanomho na, phiamare ne tei ke leghugna mae Jisas. Mae pris ulu na laseni mae fanomho tuana. Aonu mare snakreni mana ne tei balugna mae Jisas ne ruma ka glalabagna nogna suga mae pris ulu tuana. 16Eghuteuna, mae Pita tei ofo neu ke kosi rhegna grengatha na. Aonu, keha mae fanomho te laseni mae pris ulu na neke jifla kosi. Mana ne cheke ka gaꞌase gloku te reireghi grengatha na, mana tathaleini mae Pita ne ruma lamna suga.
17Gaꞌase igne ne cheke eghu ka mae Pita, “Iagho kaisei nogna mae fanomho langau mae Jisas gne sia?”
Mae Pita ne chaghi ne cheke eghu ka naꞌa, “Theo! Iara theo.”
18Ka bongi tuana thono rifu fara. Aonu hatimare mae gloku, nei hatimare mae soldia te reireghi gna Sugablahi na eghu ne ifu khaꞌaghi na peha neu. Mae Pita kegra peha neu jare baludi mare.
Mae Anas ne ghusnani mae Jisas
(Mat 26:59-66; Mak 14:55-64; Luk 22:66-71)
19Mae pris biꞌo na ne funu ghusnani mae Jisas eidi nogna mae fanomho manare, nei nogna farirhiu te edi mana ka naiknore.
20Mae Jisas ne cheke eghu ka mana, “Iara neke famane cheke ke uludi naiknore. Eghuteuna iara neke farirhiu koba ke lamna suga tharai, nei ke lamna Sugablahi, ka vido aheva te kafe khapru teu mae Jiure. Tutuani, iara neke theome cheke poruni kaisei glepo. 21Naugna unha sagho te ghusna ghau iara gnea? Ghusnadi sagho naikno teke nomhidi nogu farirhiu iara re. Mare lasedihi unha teke chekedi iara re.”
22Kate cheke eghu mae Jisas na, kaisei mae te reireghi gna Sugablahi te kegra teu jare na mei ne taponi mae Jisas. Mana ne cheke eghu ka mae Jisas, “Ghema, theome tuana nafnata cheke te mala cheke tughu iagho ka mae pris ulu na!”
23Mae Jisas neke cheke eghu ka mana, “Te theome doglo nogu cheke iara na, ke falalase meini sagho aheva te jafra iara na. Nu te doglo teu ngala nogu cheke iara na, naugna unha site mei tapo ghau iara iagho gnea?” 24Ka vido tuana mae Anas neke kuru teini mae Jisas ka mae Kaefas mae pris biꞌo na. Mare ne theome rurutha phia khamegna mana re.
Mae Pita ne chaghi eigna mae Jisas
(Mat 26:71-75; Mak 14:69-72; Luk 22:58-62)
25Mae Pita kegra peha neu ka khaꞌaghi na ke kosigna suga mae pris biꞌo na. Eghuteuna, keha naikno te filoni mae Pita re ne cheke eghu ka mana, “Iagho kaisei nogna mae fanomho mae igne sia?”
Mae Pita chaghi ne cheke eghu, “Theo, iara theo.”
26Kaisei mae ka nogna mae gloku mae pris biꞌo na au jare. Mae igne kaisei mae ka vikegna mae teke kusu koko mae Pita khuligna na. Mae gloku tuana ne cheke eghu ka mae Pita, “Tuani fara, iara neke filo nigho iagho balugna mae Jisas ka nagare ia!” 27Nu mae Pita chaghi ne cheke eghu ka mana, “Theo! Theome iara!” Ka vido narane te cheke teu ngala mae Pita igne khokorako na ne taitanhi.
Hatimare mae Jiu hatani mae Jisas ne tei ka mae Paelat
(Mat 27:1-2,11-14; Mak 15:1-5; Luk 23:1-5)
28Aonu, hamerane boibongi, hatimare mae Jiu hatani mae Jisas funu ka sugagna mae Kaefas na ne tei ka sugagna mae Paelat mae gavana gna Rom. Eghuteuna, goro mae biꞌodi hatimare mae Jiu ne theome ruma lamna ka suga na. Naugna mare magnahaghei blahi teu te ghilei thokei narane Gaghamu Ghasa-Polho na. 29Aonu, mae Paelat jifla kosi ka naiknore ne cheke eghu, “Unha fathoro site nhaꞌa lao ghotilo ke kligna gna mae ignea?”
30Mare ne cheke eghu, “Mae igne kaisei mae diꞌa! Jame theome loku jafra mana meuna, ghehati jame theome atha meini mae igne ka iagho.”
31Mae Paelat ne cheke eghu ka mare, “Te eghuna ghotilo athani mana mala fateni mana ka nomi vetula themi.”
Mae Jiu gre ne cheke eghu ka mana, “Ghehati theome tangomana te faleheni naikno na, naugna ghotilo mae Rom theome snakre ghami ghehati te mala fateni nei faleheni teu naikno na.” 32Igne ne horoghoto fara ka nogna cheke thegna mae Jisas teke kulu chekeni mana tifa eigna unha nafnata glehe nate lehe mana na.
33Aonu, mae Paelat neke ruma lamna suga. Mana kiloni mae Jisas, ne ghusna eghu ka mana, “Ba, iagho thofno nodi King mae Jiu gre sia ghema?”
34Mae Jisas ne cheke eghu ka mana, “Gusna igne nou iagho themu, ba keha naiknoi teke cheke ranghi nigho iagho eigu iara na?”
35Mae Paelat ne cheke eghu ka mana, “Sei, ne mae Jiu iara eghu sagho gaoghathomu na ia? Hatimare mae pris ulu nei nou naikno themu iagho gre eghu site atha nigho iagho te mei ka iara gnea! Unha najafra biꞌo si teke eni iagho na ia?”
36Mae Jisas ne cheke eghu ka mana, “Iara mae King, nu iara theome jateula king gna nauthoglu pari igne eghu. Jame mae king gna nauthoglu pari igne iara meuna, nogu mae fanomho iara gre jame magra heta eigu iara mala theome atha ghau iara mae Jiu gre. Iara mae King, nu iara theome jateula ngau keha mae king te funei frunidi naiknogna nauthoglu pari igne eghu sia.”
37Mae Paelat ne cheke eghu ka mana, “Eghume, iagho mae King eghu?”
Mae Jisas ne cheke eghu ka mana, “Uve, te chekeni teu ngala iagho themu tuana, iara mae King. Iara neke karha mei ka nauthoglu igne mala cheke thakleni unha te tutuani na. Mae ihei te magnahaghei leghuni unha te tutuani na, fanomho ka iara.”
38Mae Paelat ne cheke eghu ka mana, “Unha si gaoghathogna ‘tutuani’ te chekeni iagho gnea?”
Mae Paelat ne fateni mae Jisas
(Mat 27:15-31; Mak 15:6-20; Luk 23:13-25)
Mae Paelat neke jifla kosi ka mavitu na, ne cheke eghu, “Iara theome filoni kaisei najafra te nabagna te mala fate faleheni mae igne. 39Nu, ka Narane Ghasa-Polho na, iara na eni ranghi ghami ghotilo unha te eni koba iara leuleghu finogha ia, iara na snakreni kaisei mae sosolo ka ghotilo. Ghotilo magnahaghei ghau iara te snakre arini ka ghotilo mae Jiu gre nomi mae King gne sia?”
40Mare ne cheke tughu balu eha fabiꞌo, “Theo! Theome mae igne! Ghehati magnahagheni mae Barabas!” Mae Barabas gne kaisei mae neke blau nei aknu poru eghu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators , Inc. All rights reserved.