Imilimo 22
22
1Mwewatata nawanawitu, nteyelezyani amazwi yano nkasi njichinjilile pakwe mwemwe! 2Awala wivwa Pauli wavwanga Ichi-Heberi, awamyalala awati-mya; nga Pauli ati,
3Ne mu Yuda, nakwatilwa mu Tarso wakwe Silisia, ukuwa nakulila monyemoo mwe Yerusalemu nalinji nemusambilizi wakwe Gamalieli. Nasambilizizwe amasundo makali ayakwe watatakulu, nayifimile nkaninye kwakwe Leza ndivino namwenye muli ilelo. 4Nayimvyanga awantu wano wakonkanga munzilanye yoo mbakoma. Nalemanga awonsi nawanachi mbasumbila mung'anda yavingololo. 5E simapepo mukulu niwumba lyonsi wangapanichisya kuno chino nkuvwanga achakusimichila. Woliwonye wambalichilanga wakalata wakutwalila awanawitu awa Yuda wamwe Damasika, achaleka nayile kweneko inja ndema awantunye wawo mbasenda wanyefilwe mbatwala kwe Yerusalemu kukusundwa.
Ukutontolokwa kwakwe Pauli
(Imilimo 9:1-19; 26:12-18)
6Inda pano indi pamusinzo wane nati ndapalamila kwe Damasika, kwela pano ilanzi lyawa pamutwe, ukuwala kukulu akufuma mupela akundiwilizya. 7Mpona pansi, injivwa izwi likunjita likuti, Sauli, Sauli! Nga amuno achani chino ukunjimvya? 8Nani mbuzya inti, Ngaweweni, Mfumu? Ati, Ne Yesu wamwe Nazareti, wino ukuyimvya, 9Awantu wane nalinji nawo awalola ukuwala ukuwa nanti kwivwa izwi lyakwe wino wamvwanzyanga. 10Imbuzya inti, Ngafwandi nchite chani, Mfumu? Imfumu inena ati, Katuka yanga ku Damasika, kokonye akuno wandi ukanenwe vyonsi vino Leza akulonda uchite. 11Insansamwenje zyakuwala kokonye azinkoma nicheni, achaleka awanji awandema ikasa awantwala ku Damasika.
12Mwe Damasika mwalinji umuntu wumwi wino witwanga izina lyakwe Ananiya, walinji amupefi wino watontelanga amasundo yitu swinya wachindisilwe na wa Yuda wane wikalanga mwe Damasika. 13Ayiza kwenene, ayiza ayimilila papipipi ati, Mwanawitu Pauli, pochelela icheni chako! Pampindinye yo yo ntalika ukulola imulola nukumulola. 14Ati, E Leza wakwe watatakulu wakusola ukuti umanye ukulonda kwakwe, ulole umuwomvi wakwe umutele, umwivwe pano akuvwanga nizwi lyakwe. 15Wandi uwe wekalola wakwe kuwantu wonsi kwevino walola navino wivwa. 16Ngachani fwandi chino ukwililwa? Katuka ubatizwe uluwembu lyako lupwizwe uwalumbula izina lyakwe.
Pauli ayitwa kukuyawizizya amakandi
17Inyochela kwe Yerusalemu, nga inda pano nkupepa mung'anda yakwe Leza, indota ichilota, 18muchilotanye chocho ndola Imfumu ikumvwanzya ikuti, Utize uwazinguluka ukufuma mwe Yerusalemu, amuno awantu wamwenemo watanga wakwivwe uwukalola wako wuno ukumvwanjila. 19Intolelela inti, Mfumu, awantu wamanya nanti kuvwilika kuno nayanga muzyang'anda zyakupepela ndalema mbali nukuma wane wakusuwila wewe. 20Ngapano ekalola wako e Stefano wakomwanga, naninye nalwane nalinjipo, ndanga nkupanichisya ukukomwa kwakwe mbali nukusunga ivizwalo vyakwe wane wamukomanga. 21Imfumu inena iti, Pitanga yanga, amuno nandi nkutume ukutali nkaninye kumakandi.
22Awantu awateyelezya Pauli asuka alanda amazwi yanye yaa ayavyamakandi; ukuwa paponye awatalika ukupunda namazwi makulu wakuti, Mufumyani paa! Mumukome! Atazipila ukuwa nuwumi! 23Awapunda, mbali wakuvulumvya nivizwalo vyawo, wakusumbila nitukumbu mupela. 24E musika wawa Roma akomelezya awantu wakwe ukuti watwale Pauli mwilinga, awanena ukuti wakamuvyapule ngawazane umulandu wuno awa Yuda wakupundila wowonye. 25Ukuwa awala wamunyepa ukuti wamuvyapule, Pauli anena musika wavita wino walinji paponye ati, Wuzye achizima ukuvyapula umukaya wa chi Roma nanti kutela apanzwe chino wawifya?
26Ala inkombe wivwa wowonye, aya kwemusika wavita amuwuzya ati, Nga chino ukasi ukuchita achintu-chi? Umuntu weyo amu Roma!
27Ngapano musika weyo aya kwe
Pauli amuwuzya ati, Sinena, Wuzye we mu Roma?
Pauli ati, ne mu Roma-nye umwenecho.
28Musika ati, Nenji uwu Roma wuno indi nawo nakazile nindalama mvule.
Pauli atolelela ati, Nenji ne mu Roma ichikwatilwe.
29Napaponapapo awantu wane wakasi wawuzya Pauli amawuzyo awanyochelela kunsizi; numusika atina pano wamanya kuno Pauli walinji amu Roma, atina swinya amuno watezile wamunyepa niminyololo.
E Pauli piwumba
30Musika wavita awalonda ukumanyichisya chino awa Yuda walulumizile Pauli; achaleka uwacha amusapula iminyololo nga akomelezya simapepo mukulu niwumba lyonsi ukuti wawungane. Ngapano asenda Pauli, aya amwimilika pankolelo piwumba.
Currently Selected:
Imilimo 22: WWN82
Highlight
Share
Copy
Want to have your highlights saved across all your devices? Sign up or sign in
Chinamwanga Bible © United Bible Societies, 1981.
Imilimo 22
22
1Mwewatata nawanawitu, nteyelezyani amazwi yano nkasi njichinjilile pakwe mwemwe! 2Awala wivwa Pauli wavwanga Ichi-Heberi, awamyalala awati-mya; nga Pauli ati,
3Ne mu Yuda, nakwatilwa mu Tarso wakwe Silisia, ukuwa nakulila monyemoo mwe Yerusalemu nalinji nemusambilizi wakwe Gamalieli. Nasambilizizwe amasundo makali ayakwe watatakulu, nayifimile nkaninye kwakwe Leza ndivino namwenye muli ilelo. 4Nayimvyanga awantu wano wakonkanga munzilanye yoo mbakoma. Nalemanga awonsi nawanachi mbasumbila mung'anda yavingololo. 5E simapepo mukulu niwumba lyonsi wangapanichisya kuno chino nkuvwanga achakusimichila. Woliwonye wambalichilanga wakalata wakutwalila awanawitu awa Yuda wamwe Damasika, achaleka nayile kweneko inja ndema awantunye wawo mbasenda wanyefilwe mbatwala kwe Yerusalemu kukusundwa.
Ukutontolokwa kwakwe Pauli
(Imilimo 9:1-19; 26:12-18)
6Inda pano indi pamusinzo wane nati ndapalamila kwe Damasika, kwela pano ilanzi lyawa pamutwe, ukuwala kukulu akufuma mupela akundiwilizya. 7Mpona pansi, injivwa izwi likunjita likuti, Sauli, Sauli! Nga amuno achani chino ukunjimvya? 8Nani mbuzya inti, Ngaweweni, Mfumu? Ati, Ne Yesu wamwe Nazareti, wino ukuyimvya, 9Awantu wane nalinji nawo awalola ukuwala ukuwa nanti kwivwa izwi lyakwe wino wamvwanzyanga. 10Imbuzya inti, Ngafwandi nchite chani, Mfumu? Imfumu inena ati, Katuka yanga ku Damasika, kokonye akuno wandi ukanenwe vyonsi vino Leza akulonda uchite. 11Insansamwenje zyakuwala kokonye azinkoma nicheni, achaleka awanji awandema ikasa awantwala ku Damasika.
12Mwe Damasika mwalinji umuntu wumwi wino witwanga izina lyakwe Ananiya, walinji amupefi wino watontelanga amasundo yitu swinya wachindisilwe na wa Yuda wane wikalanga mwe Damasika. 13Ayiza kwenene, ayiza ayimilila papipipi ati, Mwanawitu Pauli, pochelela icheni chako! Pampindinye yo yo ntalika ukulola imulola nukumulola. 14Ati, E Leza wakwe watatakulu wakusola ukuti umanye ukulonda kwakwe, ulole umuwomvi wakwe umutele, umwivwe pano akuvwanga nizwi lyakwe. 15Wandi uwe wekalola wakwe kuwantu wonsi kwevino walola navino wivwa. 16Ngachani fwandi chino ukwililwa? Katuka ubatizwe uluwembu lyako lupwizwe uwalumbula izina lyakwe.
Pauli ayitwa kukuyawizizya amakandi
17Inyochela kwe Yerusalemu, nga inda pano nkupepa mung'anda yakwe Leza, indota ichilota, 18muchilotanye chocho ndola Imfumu ikumvwanzya ikuti, Utize uwazinguluka ukufuma mwe Yerusalemu, amuno awantu wamwenemo watanga wakwivwe uwukalola wako wuno ukumvwanjila. 19Intolelela inti, Mfumu, awantu wamanya nanti kuvwilika kuno nayanga muzyang'anda zyakupepela ndalema mbali nukuma wane wakusuwila wewe. 20Ngapano ekalola wako e Stefano wakomwanga, naninye nalwane nalinjipo, ndanga nkupanichisya ukukomwa kwakwe mbali nukusunga ivizwalo vyakwe wane wamukomanga. 21Imfumu inena iti, Pitanga yanga, amuno nandi nkutume ukutali nkaninye kumakandi.
22Awantu awateyelezya Pauli asuka alanda amazwi yanye yaa ayavyamakandi; ukuwa paponye awatalika ukupunda namazwi makulu wakuti, Mufumyani paa! Mumukome! Atazipila ukuwa nuwumi! 23Awapunda, mbali wakuvulumvya nivizwalo vyawo, wakusumbila nitukumbu mupela. 24E musika wawa Roma akomelezya awantu wakwe ukuti watwale Pauli mwilinga, awanena ukuti wakamuvyapule ngawazane umulandu wuno awa Yuda wakupundila wowonye. 25Ukuwa awala wamunyepa ukuti wamuvyapule, Pauli anena musika wavita wino walinji paponye ati, Wuzye achizima ukuvyapula umukaya wa chi Roma nanti kutela apanzwe chino wawifya?
26Ala inkombe wivwa wowonye, aya kwemusika wavita amuwuzya ati, Nga chino ukasi ukuchita achintu-chi? Umuntu weyo amu Roma!
27Ngapano musika weyo aya kwe
Pauli amuwuzya ati, Sinena, Wuzye we mu Roma?
Pauli ati, ne mu Roma-nye umwenecho.
28Musika ati, Nenji uwu Roma wuno indi nawo nakazile nindalama mvule.
Pauli atolelela ati, Nenji ne mu Roma ichikwatilwe.
29Napaponapapo awantu wane wakasi wawuzya Pauli amawuzyo awanyochelela kunsizi; numusika atina pano wamanya kuno Pauli walinji amu Roma, atina swinya amuno watezile wamunyepa niminyololo.
E Pauli piwumba
30Musika wavita awalonda ukumanyichisya chino awa Yuda walulumizile Pauli; achaleka uwacha amusapula iminyololo nga akomelezya simapepo mukulu niwumba lyonsi ukuti wawungane. Ngapano asenda Pauli, aya amwimilika pankolelo piwumba.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chinamwanga Bible © United Bible Societies, 1981.