Imilimo 8
8
E Sauli awayimvya Iklezia
1Ukufumilila pawandanye wowo Iklezia lino lyalinji mwe Yerusalemu alitalika ukuyimvwa ichilumelume. Awasuwizi wonsi, awasatila munsi zya mwe Yuda na mwe Samariya, suka ndi awapostile watupu awano wasyazile mwe Yerusalemu. 2Ukuwa awasuwizi wamwi awazika Stefano, awamulosya awapunda iyapamutwe!
3Ukuwa Sauli awalonda ukuvulungania Iklezia; alanga akwinjila mung'anda yonga-yonga, alanga akukwema awasuwizi, awonsi nawanachi, akuwiyalila mung'anda yavingololo.
Amazwi Matele ayawizwa mwe Samariya
4Awasuwizi wane wasatizile mwalwe, awawizya Ilandwe Zima. 5Filipu aya mukaya ka mwe Samariya aya awizizya awantu ivyakwe Mesaya. 6Amawumba Yawantu ayateya amakutwi yawo kukuteyelezya amazwi yano Filipu wawizyanga. Wonsi awateleyezya mbali nukulola ivyamayele vino wachitanga. 7Imizimu miwipe yafumile kuwantu wavule mbali nukupunda nichongo chikulu; awavule wane walwile indwala zyachintendya nawalemale nawonye wapozizwe. 8Achaleka mwe Samariya mwalinji ichimwemwe chikulu.
9Mukayanye kako mwikalanga umuntu wino witwanga ilyakwe Simoni, wino impindi zimwi wazunganga awantu wa mwe Samariya namanjelengwe yakwe. Wayilolanga kuno amuntu mukulu, 10nawantu wonsi awamukaya, awatichi nawasongo, wamwivwanga. Watanji, Umuntunye wee ayali maka yakwe Leza yano yamanyikwa ukuti, Amaka makulu nkani. 11Wawazunganga namanjelengwe yakwe kumpindi ntali achino wamwivwanga. 12Ukuwa walile pano wapochelela amazwi yakwe Filipu, ayi Landwe Zima ilya Wufumu wakwe Leza wivwa nizina lyakwe Yesu Klistu. awabatizwa, awonsi nawanachi. 13Nu Simoni-nye weyo asuwila; nga ala pano wabatizwa awakwikala nu Filipu, wasukumilanga pakulola ivizungusyo nivyamayele vino vyachitwanga.
14Awapostile wa mwe Yerusalemu awivwa kuno awantu wa mwe Samariya wapochelezile izwi lyakwe Leza; achaleka awawatumila e Peter nu Yohani. 15Awala wafika, awapepela awasuwizi ukuti wapochelele Umuzimu Mwimichile. 16Amuno Umuzimu Mwimichile wachilinji ukwiza pakwe woliwo wonsi; wabatizizwe awowo mwizina lya Mfumu e Yesu. 17Ngapano e Peter nu
Yohani awawika amakasa yawo pakwe woliwo, nga awapochelela Umuzimu Mwimichile.
18Simoni weyo ala walola kuno Muzimu wapwa kwewoliwo pano awapostile wawika amakasa yawo pakwe woliwo. Achaleka atola indalama awalonda ukupa Peter nu Yohani, 19ati, Naninye mpani amaka yanyeyaa, alyakuti ndinawika amakasa yane pakwe wumwi apochelela Muzimu Mwimichile.
20Ukuwa Peter amutolelela ati, Ufwile ukutali nindalama zyako! amuno wenji welengania wati ungakala ichawila chakwe Leza nindalama! 21Usi nichipya chimwi nanti akantu kamwi kano tungawomba umulimo witu swensi, amuno umwezo wako wusichete paminso yakwe Leza. 22Achaleka fwandi, tontolokwa kumelengania yako amawipe, lambilizya Imfumu alyakuti akutetele kukwelengania wonye-woo. 23Amuno nalola kuno uli nuwuzuwa wukulu, swinya wemuzya waluwembu.
24Simoni anena Peter nu Yohani ati, Nazina, mpepelani ku Mfumu, alyakuti ichintu chimwi chino mwavwanga chitize chimponele.
25Achaleka weni walile wapanichisya wavwanga amazwi ya Mfumu, e Peter nu Yohani awanyochele kwe Yerusalemu. Awala pano wali munzila awalanga wakuwila Ilandwe Zima mutwaya tuvule utwa mwe Samariya.
E Filipu ninkombe ya mu Ethiopia
26Umungeli wa Mfumu anena Filipu ati, Katuka ulungame kunzila yakambazwa yino yafuma kwe Yerusalemu yaya ku Gaza. (Inzilanye yoyo yatezile yavuma.) 27-28Achaleka Filipu akatuka awapita. Paponye umuntu waku Ethiopia emutungu walinji pamusinzo wakuya kumwawo. Umuntunye weyo walinji ankombe nkulu walinji wekasunga wansawo yamfumukazi, e Kandake, wa ku Ethiopia. Wayile kwe Yerusalemu mukupepa kwe Leza, wisile mwigereta lyakwe pano akuwela. Ala pano ali mwigereta alanga akuwazya kalata wamutumwa Ayizeya. 29Umuzimu Mwimichile anena Filipu ati, Yanga kapalamile kwigereta. 30Filipu asamalila ayivwa akuwazya kalata wamutumwa Ayizeya; amuwuzya ati, Wuzye ukulowoka nachino ukuwazya?
31Nganawe atolelela ati, Nga ingalowoka wuli, nkandi ndiwumwi wantungulula? Ngapano alambilizya Filipu ukuti akwele ayikale nawe mwigereta. 32Amasyo ya Mawaliko Matele yano wawazyanga ayakuti,
Walinji ngati ang'onzi yino isenzilwe mukuyakomwa;
walinji ngati amwana wang'onzi wino akulanga amyalile
pano wakusenya ameya; atavwanzile nanti chimwi.
33Mukuyichefya kwakwe, uwakumuvwanjila wasowela kumwi.
Pasi wumwi wino angalondolola ivyikwata lyakwe,
amuno uwumi wakwe munsi moo wasila.
34Ngapano inkombe inena Filipu iti, Nazina, nena wino umutumwa akutaka? Amwenecho pamwi nche awinji? 35Filipu atalika ukuvwanga; atalichila kumawaliko yanye-yaa, amulandila Ilandwe Zima ilyakwe Yesu. 36Awala pano wakupita munzila awafika pano palinji aminzi yamwi, nga inkombe iti, Aminzi yamwi yaa, Ngafwandi pali chani chino chikundesya ukubatizwa?
[ 37Filipu amunena ati, Ungabatizwa ndiwasuwila numwezo wako wonsi. Nawe atolelela ati, Nasuwila kuno Yesu Klistu a Mwanakwe Leza.]
38Ngapano inkombe ikomelezya ukuti igereta Iyimilile; ngapano wowilinye e Filipu ninkombe, awatantamuchila muluzi, ngapano Filipu amubatizya. 39Awala wafuma muluzi e Muzimu wa Mfumu asenda Filipu. Inkombe itatela imulole swinya, ukuwa alanga akupita pamusinzo wakwe, akuzewela. 40Filipu ayiwuchila ali mu Ashidodi; alanga akupita akuwila Ilandwe Zima mutwaya tonsi, mpaka ukufika na kwe Kesariya.
Currently Selected:
Imilimo 8: WWN82
Highlight
Share
Copy
Want to have your highlights saved across all your devices? Sign up or sign in
Chinamwanga Bible © United Bible Societies, 1981.
Imilimo 8
8
E Sauli awayimvya Iklezia
1Ukufumilila pawandanye wowo Iklezia lino lyalinji mwe Yerusalemu alitalika ukuyimvwa ichilumelume. Awasuwizi wonsi, awasatila munsi zya mwe Yuda na mwe Samariya, suka ndi awapostile watupu awano wasyazile mwe Yerusalemu. 2Ukuwa awasuwizi wamwi awazika Stefano, awamulosya awapunda iyapamutwe!
3Ukuwa Sauli awalonda ukuvulungania Iklezia; alanga akwinjila mung'anda yonga-yonga, alanga akukwema awasuwizi, awonsi nawanachi, akuwiyalila mung'anda yavingololo.
Amazwi Matele ayawizwa mwe Samariya
4Awasuwizi wane wasatizile mwalwe, awawizya Ilandwe Zima. 5Filipu aya mukaya ka mwe Samariya aya awizizya awantu ivyakwe Mesaya. 6Amawumba Yawantu ayateya amakutwi yawo kukuteyelezya amazwi yano Filipu wawizyanga. Wonsi awateleyezya mbali nukulola ivyamayele vino wachitanga. 7Imizimu miwipe yafumile kuwantu wavule mbali nukupunda nichongo chikulu; awavule wane walwile indwala zyachintendya nawalemale nawonye wapozizwe. 8Achaleka mwe Samariya mwalinji ichimwemwe chikulu.
9Mukayanye kako mwikalanga umuntu wino witwanga ilyakwe Simoni, wino impindi zimwi wazunganga awantu wa mwe Samariya namanjelengwe yakwe. Wayilolanga kuno amuntu mukulu, 10nawantu wonsi awamukaya, awatichi nawasongo, wamwivwanga. Watanji, Umuntunye wee ayali maka yakwe Leza yano yamanyikwa ukuti, Amaka makulu nkani. 11Wawazunganga namanjelengwe yakwe kumpindi ntali achino wamwivwanga. 12Ukuwa walile pano wapochelela amazwi yakwe Filipu, ayi Landwe Zima ilya Wufumu wakwe Leza wivwa nizina lyakwe Yesu Klistu. awabatizwa, awonsi nawanachi. 13Nu Simoni-nye weyo asuwila; nga ala pano wabatizwa awakwikala nu Filipu, wasukumilanga pakulola ivizungusyo nivyamayele vino vyachitwanga.
14Awapostile wa mwe Yerusalemu awivwa kuno awantu wa mwe Samariya wapochelezile izwi lyakwe Leza; achaleka awawatumila e Peter nu Yohani. 15Awala wafika, awapepela awasuwizi ukuti wapochelele Umuzimu Mwimichile. 16Amuno Umuzimu Mwimichile wachilinji ukwiza pakwe woliwo wonsi; wabatizizwe awowo mwizina lya Mfumu e Yesu. 17Ngapano e Peter nu
Yohani awawika amakasa yawo pakwe woliwo, nga awapochelela Umuzimu Mwimichile.
18Simoni weyo ala walola kuno Muzimu wapwa kwewoliwo pano awapostile wawika amakasa yawo pakwe woliwo. Achaleka atola indalama awalonda ukupa Peter nu Yohani, 19ati, Naninye mpani amaka yanyeyaa, alyakuti ndinawika amakasa yane pakwe wumwi apochelela Muzimu Mwimichile.
20Ukuwa Peter amutolelela ati, Ufwile ukutali nindalama zyako! amuno wenji welengania wati ungakala ichawila chakwe Leza nindalama! 21Usi nichipya chimwi nanti akantu kamwi kano tungawomba umulimo witu swensi, amuno umwezo wako wusichete paminso yakwe Leza. 22Achaleka fwandi, tontolokwa kumelengania yako amawipe, lambilizya Imfumu alyakuti akutetele kukwelengania wonye-woo. 23Amuno nalola kuno uli nuwuzuwa wukulu, swinya wemuzya waluwembu.
24Simoni anena Peter nu Yohani ati, Nazina, mpepelani ku Mfumu, alyakuti ichintu chimwi chino mwavwanga chitize chimponele.
25Achaleka weni walile wapanichisya wavwanga amazwi ya Mfumu, e Peter nu Yohani awanyochele kwe Yerusalemu. Awala pano wali munzila awalanga wakuwila Ilandwe Zima mutwaya tuvule utwa mwe Samariya.
E Filipu ninkombe ya mu Ethiopia
26Umungeli wa Mfumu anena Filipu ati, Katuka ulungame kunzila yakambazwa yino yafuma kwe Yerusalemu yaya ku Gaza. (Inzilanye yoyo yatezile yavuma.) 27-28Achaleka Filipu akatuka awapita. Paponye umuntu waku Ethiopia emutungu walinji pamusinzo wakuya kumwawo. Umuntunye weyo walinji ankombe nkulu walinji wekasunga wansawo yamfumukazi, e Kandake, wa ku Ethiopia. Wayile kwe Yerusalemu mukupepa kwe Leza, wisile mwigereta lyakwe pano akuwela. Ala pano ali mwigereta alanga akuwazya kalata wamutumwa Ayizeya. 29Umuzimu Mwimichile anena Filipu ati, Yanga kapalamile kwigereta. 30Filipu asamalila ayivwa akuwazya kalata wamutumwa Ayizeya; amuwuzya ati, Wuzye ukulowoka nachino ukuwazya?
31Nganawe atolelela ati, Nga ingalowoka wuli, nkandi ndiwumwi wantungulula? Ngapano alambilizya Filipu ukuti akwele ayikale nawe mwigereta. 32Amasyo ya Mawaliko Matele yano wawazyanga ayakuti,
Walinji ngati ang'onzi yino isenzilwe mukuyakomwa;
walinji ngati amwana wang'onzi wino akulanga amyalile
pano wakusenya ameya; atavwanzile nanti chimwi.
33Mukuyichefya kwakwe, uwakumuvwanjila wasowela kumwi.
Pasi wumwi wino angalondolola ivyikwata lyakwe,
amuno uwumi wakwe munsi moo wasila.
34Ngapano inkombe inena Filipu iti, Nazina, nena wino umutumwa akutaka? Amwenecho pamwi nche awinji? 35Filipu atalika ukuvwanga; atalichila kumawaliko yanye-yaa, amulandila Ilandwe Zima ilyakwe Yesu. 36Awala pano wakupita munzila awafika pano palinji aminzi yamwi, nga inkombe iti, Aminzi yamwi yaa, Ngafwandi pali chani chino chikundesya ukubatizwa?
[ 37Filipu amunena ati, Ungabatizwa ndiwasuwila numwezo wako wonsi. Nawe atolelela ati, Nasuwila kuno Yesu Klistu a Mwanakwe Leza.]
38Ngapano inkombe ikomelezya ukuti igereta Iyimilile; ngapano wowilinye e Filipu ninkombe, awatantamuchila muluzi, ngapano Filipu amubatizya. 39Awala wafuma muluzi e Muzimu wa Mfumu asenda Filipu. Inkombe itatela imulole swinya, ukuwa alanga akupita pamusinzo wakwe, akuzewela. 40Filipu ayiwuchila ali mu Ashidodi; alanga akupita akuwila Ilandwe Zima mutwaya tonsi, mpaka ukufika na kwe Kesariya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chinamwanga Bible © United Bible Societies, 1981.