Intaliko 16
16
Hagar nu Ishumaeli
1Nawe Serai e muka Abramu atalinji nu mwana. Achaleka wasenzile umuwomvi wakwe, umukazyana wa ku Ijeputi, e Hagar, 2anena Abramu ati, Lola, kanonzi Imfumu e Leza wanjima nene impapo; achaleka yanga mu mukazyana; amuno nche pamwi mungalola umwana. Nawe Abramu azumila. 3Achaleka pansizi pano Abramu wikala imyaka ikumi munsi ya Kenani, Serai umuchi asenda Hagar umukazyana wa ku Ijeputi, apa Abramu ukuti amutwale. 4Achaleka Abramu ayinjila mwe Hagar, nawe awa na panji. Ala wayimanya wati, Ndi na panji, asula nyinakulu. 5Achaleka Serai anena Abramu ati, Sivyo uyimbe ndivino nene nkuyimba, amuno napalamizizye umukazyana wee ku chifuwa chako, nawe ala wamanya kuno wawa we songo, wansalula nu kunsalula. Ndi Imfumu e Leza atupanzye, sweswe swe wili. 6Ukuwa Abramu anena Serai ati, Awe, umukazyana wako ali mu makasa yako, umuchitile chonsi chino ukulonda. Achaleka Serai awamuyimvya, nga umukazyana ayongoloka.
7Umusole wa Mfumu e Leza amuzana pa chifula chimwi mu mayonde, ichifula-nye chocho chalinji mu nzila ya kuya ku Shuri, 8nga amuwuzya ati, We Hagar, mukazyana wakwe Serai, nga wafuma kwi? Swinya ukuya kwi? Nawe amutolelela ati, Nongoloka kwe mama e Serai. 9Umusole wa Mfumu e Leza ati, Nyochela kwe nyokokulu, ukamutontelange. 10Swinya umusole wa Mfumu Leza amunena ati, Ndivuzya ikwata lyako, pasi wino aliliwazya ukuvula kwakwe lyolilyo. 11Nga swinya umusole amunena ati, Kanonzi uli na panji, ulikwata umwana umonsi uyize umwite izina lyakwe Ishumaeli, kuno akuli kuti, Leza akwivwa. Amuno Imfumu e Leza walola ukuyimba kwako. 12Nawe aliwa we sinka muntu. Aliwa nu lombwa kwe wila muntu, na wila muntu aliwa nu lombwa kwakwe weliwe. Ataliyikala apaliponga ninko zyakwe. 13Achaleka Hagar ayita izina lya Mfumu e Leza wino wavwanganga nawe ati, We Leza Kalolela, amuno ati, Nawuzyenye nalola Leza, nasyala nkufuta nu kufuta ne mumi. 14Achaleka ichifula achitwa izma lyakuti Chifula—chawawumiwino-akundola. Chili pakasi pakwe Kadeshi nu Beredi.
15Hagar apapa umwana umonsi kwe Abramu, nga Abramu amwita izina ati we Ishumaeli. 16Abramu walinji ni myaka amakumi kananimonsi ni myaka mutanda (86) pano umwana wapafilwe kwe Hagar.
Currently Selected:
Intaliko 16: WWN82
Highlight
Share
Copy
Want to have your highlights saved across all your devices? Sign up or sign in
Chinamwanga Bible © United Bible Societies, 1981.
Intaliko 16
16
Hagar nu Ishumaeli
1Nawe Serai e muka Abramu atalinji nu mwana. Achaleka wasenzile umuwomvi wakwe, umukazyana wa ku Ijeputi, e Hagar, 2anena Abramu ati, Lola, kanonzi Imfumu e Leza wanjima nene impapo; achaleka yanga mu mukazyana; amuno nche pamwi mungalola umwana. Nawe Abramu azumila. 3Achaleka pansizi pano Abramu wikala imyaka ikumi munsi ya Kenani, Serai umuchi asenda Hagar umukazyana wa ku Ijeputi, apa Abramu ukuti amutwale. 4Achaleka Abramu ayinjila mwe Hagar, nawe awa na panji. Ala wayimanya wati, Ndi na panji, asula nyinakulu. 5Achaleka Serai anena Abramu ati, Sivyo uyimbe ndivino nene nkuyimba, amuno napalamizizye umukazyana wee ku chifuwa chako, nawe ala wamanya kuno wawa we songo, wansalula nu kunsalula. Ndi Imfumu e Leza atupanzye, sweswe swe wili. 6Ukuwa Abramu anena Serai ati, Awe, umukazyana wako ali mu makasa yako, umuchitile chonsi chino ukulonda. Achaleka Serai awamuyimvya, nga umukazyana ayongoloka.
7Umusole wa Mfumu e Leza amuzana pa chifula chimwi mu mayonde, ichifula-nye chocho chalinji mu nzila ya kuya ku Shuri, 8nga amuwuzya ati, We Hagar, mukazyana wakwe Serai, nga wafuma kwi? Swinya ukuya kwi? Nawe amutolelela ati, Nongoloka kwe mama e Serai. 9Umusole wa Mfumu e Leza ati, Nyochela kwe nyokokulu, ukamutontelange. 10Swinya umusole wa Mfumu Leza amunena ati, Ndivuzya ikwata lyako, pasi wino aliliwazya ukuvula kwakwe lyolilyo. 11Nga swinya umusole amunena ati, Kanonzi uli na panji, ulikwata umwana umonsi uyize umwite izina lyakwe Ishumaeli, kuno akuli kuti, Leza akwivwa. Amuno Imfumu e Leza walola ukuyimba kwako. 12Nawe aliwa we sinka muntu. Aliwa nu lombwa kwe wila muntu, na wila muntu aliwa nu lombwa kwakwe weliwe. Ataliyikala apaliponga ninko zyakwe. 13Achaleka Hagar ayita izina lya Mfumu e Leza wino wavwanganga nawe ati, We Leza Kalolela, amuno ati, Nawuzyenye nalola Leza, nasyala nkufuta nu kufuta ne mumi. 14Achaleka ichifula achitwa izma lyakuti Chifula—chawawumiwino-akundola. Chili pakasi pakwe Kadeshi nu Beredi.
15Hagar apapa umwana umonsi kwe Abramu, nga Abramu amwita izina ati we Ishumaeli. 16Abramu walinji ni myaka amakumi kananimonsi ni myaka mutanda (86) pano umwana wapafilwe kwe Hagar.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chinamwanga Bible © United Bible Societies, 1981.