Intaliko 19
19
Uwuwipe wawantu wamu Sodomu
1Awasole wawili awaya ku Sodomu amanguzi; nu Loti wisile pa mpongolo ya Sodomu. Ala wawalola, akatuka aya kukuwasunkania, afika afukama ayinama ni mpumi yakwe pansi, 2avwanga ati, Watatakulu, nazina petuchilani ku ng’anda ya muwomvi winu, mukalale kweneko musambe na manama yinu; mulilawila mupite umutondo. Nawo awakana awati, Awe; twandi twikale mu muscle uwusiku wonsi. 3Ukuwa awalambilizya nkaninye, apano awaya awinjila mu ng’anda yakwe; awateweta, awapyunjila ichakulya chino chisi nu mutawa, awalya. 4Ukuwa awala pano watani walale, awantu wa mu kaya, awantu wa mu Sodomu, awatichi na wasongo, awantu wonsi pyu awazinguluka awaliwizya ing’anda; 5awapunda awati, Nga awantu wano wafichizile kwe wewe ilelo wali kwi? Walete kwe sweswe, alyakuti tuwamanye.
6E Loti afumila panzi ku wantu, ayiyala ichisakati, 7awalambilizya ati, Wana witu, chisi a chizima ukuchita ivyavye. 8Lolani indi na wanane awakazyana wawili, wane wasitela wamanye umonsi; lekani awano mbaletele, muwachitile ndimuno mukulondela; ukuwa mutize muchite ichintu chimwi ku wantu-nye waa amuno winjizile mu ng’anda yane.
9Ukuwa awati, Tina pano! Awanyoka awati, Umuntu wee a mweni wapanza wowo, nawe akuti, Ne kapanzya! Kanonzi twandi tukuchitile uwuwi wewenye ukulusye awantu wawo. Achaleka awalemenkania Loti ichiwipewipe, awapalamila ukuti walepule ichisakati. 10Ukuwa awa mu ng’anda awatambalika amakasa yawo awakwemela Loti mu ng’anda, awiyala ni chisakati, 11awatonkola awantu wane walinji pa mulyango pa londe aminso, wasongo na wana watichi-nye, alyakuti nanti wangapapasya watize wafike ku mulyango.
Loti afuma mu Sodomu
12Nga awantu awanena Loti awati, Wuzye uli na wantu wanji koo? Ukulusye awakwalima wako, na wanako awalumendo na wakazyana, pamwi awantu wanji wane wali mu kaya-nye kaa, wafumye mu kaya kaa; 13amuno tukulonda ukonona amasyo-nye yaa, amuno awavulenye wakulilila akaya kaa pankolelo pa Mfumu e Leza, achaleka Imfumu e Leza atutumile kukwiza yonona akaya. 14Apano Loti afuma aya anena awakwalima wakwe, wane wimazile awanakwe ati, Fumani mu kaya kaa amuno Imfumu e Leza akulonda akonone. Ukuwa awa ngati akutowongola awowo ku wakwalima wakwe.
15Akula kwacha awasole awakuwizya Loti, awati, Katuka, senda wakwako na wanako awakazyana wawili wane wali paa, amuno nche pamwi mungalowa pano tukusunda akaya. 16Ukuwa Loti awazinguluka. Achaleka muno ankumbu zya Mfumu Leza, awantu awalema Loti pikasa, weliwe numuchi na wanakwe awakazyana wawili, awawafumizya ku londe ya kaya. 17Awala wawafumya awawanena awati, Samalani mufyusye uwumi winu; mutize muwachewela kunsizi, swinya mutize mwimilile pamwi mu mupata; musamalile ku myamba alyakuti mutize mulowe. 18Ukuwa Loti akana ati, Watatakulu, 19Lolani umuzya winu, lelo ntanga nsamalile ku mwamba, amuno nche pamwi uwukali wuno wukwiza wungansunkania, imfwe. 20Si lolani akaya kako kano kali papipi akano ingasamalila, swinya akaya katichi! 21Amutolelela ati, Molimo, nandi nkufwile inkumbunye zyoo, ntandi ndovye akaya kano ukutaka. 22Pitisya usamalile kweneko—amuno ntanga nchite chimwi usuke ufike kweneko. Achaleka akayanye kako kisilwe izina lyakwe Zoara. 23Pano Loti wafisile ku Zoara ilanzi lyatezile lifumile umutondotondo.
Ukulowa kwakwe Sodomu nu Gomora
24Achaleka Imfumu e Leza watumile amawe nu mulilo avifuma mupela ku Mfumu e Leza aviponela Sodomu nu Gomora; 25ayonona utwaya totonye nu mupata wonsi; na wonsi wano wikalanga mu twaya-nye toto, na wila chintu chino chamezile mu musili. 26Ukuwa e muka Loti wino wasyalichile achewela kunsizi apiluka ichilenga cha muchele. 27Abrahamu alawila umutondo-tondo aya ku masyo yano wimilile pa nkolelo pa Mfumu e Leza, 28atalangania ku Sodomu nu Gomora, ni nsi yonsi iya mu mupata, alola ichusi chikusuka munsi chikukwela ngati a chusi chilungu.
29A vino chalinji, pano Imfumu e Leza wononile utwaya twa mu mupata, e Leza ayizuka Abrahamu, afyusya Loti pa mpindi ya kulovya utwaya tuna Loti wikalanga.
Amapongo yawa Moabu nawa Amoni
30Loti achinta mu Zoara, aya yikala na wanakwe awakazyana wawili ku myamba, amuno watinanga ukwikala mu Zoara; achaleka aya ayikala mu ninga na wanakwe awakazyana wowili. 31Ekatote anena umuzuna ati, E tata wakota, kusi umonsi nanti wenga wino angiza atupalamile ndi muno umwata wa munsi yonsi wuli. 32Zanga, uleke tupe tata ipala akolwe, tulale nawe, alyakuti tungakwata kwakwe weliwe. 33Achaleka awapa yisi ipala uwusikunye wowo; nga katote aya kwe yisi alala nawe; lelo yisi weni atamanyile pano umwanakwe akulala napano akukatuka-nye. 34Uwanda wunji umukulu anena umuzuna wakwe ati, Alenge, nenji nalazile nu tata iyolo; achaleka twize tumukolesye ni lelo-nye, alyakuti nawe uye ukalale nawe, alyakuti tungakwata kwakwe tata. 35Achaleka awakolesya yisi swinya uwusiku-nye wowo, nga umuzuna akatuka, aya alala nu yisi; ukuwa weni nanti kumanya pano walalanga, napano akukatuka-nye. 36Achaleka awanakwe Loti wowili-nye awakazyana awapapa awana kwe yisi. 37Ekatote apapa umwana umonsi, amwita izina ati we Moabu; awili yisi wa wina-Moabu. 38Nu muzuna-nye apapa umwana umonsi, amwita izina ati we Benami; walinji weyisikulu wa wina-Amoni ukufika ni lelo.
Currently Selected:
Intaliko 19: WWN82
Highlight
Share
Copy
Want to have your highlights saved across all your devices? Sign up or sign in
Chinamwanga Bible © United Bible Societies, 1981.
Intaliko 19
19
Uwuwipe wawantu wamu Sodomu
1Awasole wawili awaya ku Sodomu amanguzi; nu Loti wisile pa mpongolo ya Sodomu. Ala wawalola, akatuka aya kukuwasunkania, afika afukama ayinama ni mpumi yakwe pansi, 2avwanga ati, Watatakulu, nazina petuchilani ku ng’anda ya muwomvi winu, mukalale kweneko musambe na manama yinu; mulilawila mupite umutondo. Nawo awakana awati, Awe; twandi twikale mu muscle uwusiku wonsi. 3Ukuwa awalambilizya nkaninye, apano awaya awinjila mu ng’anda yakwe; awateweta, awapyunjila ichakulya chino chisi nu mutawa, awalya. 4Ukuwa awala pano watani walale, awantu wa mu kaya, awantu wa mu Sodomu, awatichi na wasongo, awantu wonsi pyu awazinguluka awaliwizya ing’anda; 5awapunda awati, Nga awantu wano wafichizile kwe wewe ilelo wali kwi? Walete kwe sweswe, alyakuti tuwamanye.
6E Loti afumila panzi ku wantu, ayiyala ichisakati, 7awalambilizya ati, Wana witu, chisi a chizima ukuchita ivyavye. 8Lolani indi na wanane awakazyana wawili, wane wasitela wamanye umonsi; lekani awano mbaletele, muwachitile ndimuno mukulondela; ukuwa mutize muchite ichintu chimwi ku wantu-nye waa amuno winjizile mu ng’anda yane.
9Ukuwa awati, Tina pano! Awanyoka awati, Umuntu wee a mweni wapanza wowo, nawe akuti, Ne kapanzya! Kanonzi twandi tukuchitile uwuwi wewenye ukulusye awantu wawo. Achaleka awalemenkania Loti ichiwipewipe, awapalamila ukuti walepule ichisakati. 10Ukuwa awa mu ng’anda awatambalika amakasa yawo awakwemela Loti mu ng’anda, awiyala ni chisakati, 11awatonkola awantu wane walinji pa mulyango pa londe aminso, wasongo na wana watichi-nye, alyakuti nanti wangapapasya watize wafike ku mulyango.
Loti afuma mu Sodomu
12Nga awantu awanena Loti awati, Wuzye uli na wantu wanji koo? Ukulusye awakwalima wako, na wanako awalumendo na wakazyana, pamwi awantu wanji wane wali mu kaya-nye kaa, wafumye mu kaya kaa; 13amuno tukulonda ukonona amasyo-nye yaa, amuno awavulenye wakulilila akaya kaa pankolelo pa Mfumu e Leza, achaleka Imfumu e Leza atutumile kukwiza yonona akaya. 14Apano Loti afuma aya anena awakwalima wakwe, wane wimazile awanakwe ati, Fumani mu kaya kaa amuno Imfumu e Leza akulonda akonone. Ukuwa awa ngati akutowongola awowo ku wakwalima wakwe.
15Akula kwacha awasole awakuwizya Loti, awati, Katuka, senda wakwako na wanako awakazyana wawili wane wali paa, amuno nche pamwi mungalowa pano tukusunda akaya. 16Ukuwa Loti awazinguluka. Achaleka muno ankumbu zya Mfumu Leza, awantu awalema Loti pikasa, weliwe numuchi na wanakwe awakazyana wawili, awawafumizya ku londe ya kaya. 17Awala wawafumya awawanena awati, Samalani mufyusye uwumi winu; mutize muwachewela kunsizi, swinya mutize mwimilile pamwi mu mupata; musamalile ku myamba alyakuti mutize mulowe. 18Ukuwa Loti akana ati, Watatakulu, 19Lolani umuzya winu, lelo ntanga nsamalile ku mwamba, amuno nche pamwi uwukali wuno wukwiza wungansunkania, imfwe. 20Si lolani akaya kako kano kali papipi akano ingasamalila, swinya akaya katichi! 21Amutolelela ati, Molimo, nandi nkufwile inkumbunye zyoo, ntandi ndovye akaya kano ukutaka. 22Pitisya usamalile kweneko—amuno ntanga nchite chimwi usuke ufike kweneko. Achaleka akayanye kako kisilwe izina lyakwe Zoara. 23Pano Loti wafisile ku Zoara ilanzi lyatezile lifumile umutondotondo.
Ukulowa kwakwe Sodomu nu Gomora
24Achaleka Imfumu e Leza watumile amawe nu mulilo avifuma mupela ku Mfumu e Leza aviponela Sodomu nu Gomora; 25ayonona utwaya totonye nu mupata wonsi; na wonsi wano wikalanga mu twaya-nye toto, na wila chintu chino chamezile mu musili. 26Ukuwa e muka Loti wino wasyalichile achewela kunsizi apiluka ichilenga cha muchele. 27Abrahamu alawila umutondo-tondo aya ku masyo yano wimilile pa nkolelo pa Mfumu e Leza, 28atalangania ku Sodomu nu Gomora, ni nsi yonsi iya mu mupata, alola ichusi chikusuka munsi chikukwela ngati a chusi chilungu.
29A vino chalinji, pano Imfumu e Leza wononile utwaya twa mu mupata, e Leza ayizuka Abrahamu, afyusya Loti pa mpindi ya kulovya utwaya tuna Loti wikalanga.
Amapongo yawa Moabu nawa Amoni
30Loti achinta mu Zoara, aya yikala na wanakwe awakazyana wawili ku myamba, amuno watinanga ukwikala mu Zoara; achaleka aya ayikala mu ninga na wanakwe awakazyana wowili. 31Ekatote anena umuzuna ati, E tata wakota, kusi umonsi nanti wenga wino angiza atupalamile ndi muno umwata wa munsi yonsi wuli. 32Zanga, uleke tupe tata ipala akolwe, tulale nawe, alyakuti tungakwata kwakwe weliwe. 33Achaleka awapa yisi ipala uwusikunye wowo; nga katote aya kwe yisi alala nawe; lelo yisi weni atamanyile pano umwanakwe akulala napano akukatuka-nye. 34Uwanda wunji umukulu anena umuzuna wakwe ati, Alenge, nenji nalazile nu tata iyolo; achaleka twize tumukolesye ni lelo-nye, alyakuti nawe uye ukalale nawe, alyakuti tungakwata kwakwe tata. 35Achaleka awakolesya yisi swinya uwusiku-nye wowo, nga umuzuna akatuka, aya alala nu yisi; ukuwa weni nanti kumanya pano walalanga, napano akukatuka-nye. 36Achaleka awanakwe Loti wowili-nye awakazyana awapapa awana kwe yisi. 37Ekatote apapa umwana umonsi, amwita izina ati we Moabu; awili yisi wa wina-Moabu. 38Nu muzuna-nye apapa umwana umonsi, amwita izina ati we Benami; walinji weyisikulu wa wina-Amoni ukufika ni lelo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chinamwanga Bible © United Bible Societies, 1981.