Intaliko 29
29
Jekapu afika pakaya kakwe Labani
1Achaleka Jekapu alema umusinzo wapita, afika munsi ya wantu wa kapela. 2Ala pano akulolechesya alola ichifula mu mpanga, alola amawufyo yatatu aya ng’onzi zilazile mupipi ni chifula, amuno pa chifula-nye chocho apano ivikwato vyang’wanga aminzi. Iwe line wakupikanga papela lyalinji a likulu, 3Avila ivikwato vyonsi vyawungana apaliponga, awachemi awaya awatantazya iwe lino lyakupikwanga papela pa chifula awavipa minzi aving’wa. Apano awatantazizya iwe, awakupika pachifula.
4Jekapu awawuzya ati, Wanawitu, nga mufumile kwi? Nawo awamutolelela awati, Twafuma ku Harani. 5Anyoka awawuzya swinya ati, Wuzye mwamanya e Labani umwanakwe Nahori? Nawo awati, Twamumanya. 6Awawuzya ati, Wuzye ali chete? Nawo awati, ali chete; nga alola muwanakwe umukazyana e Rakelo akwiza ni ng’onzi zyakwe. 7Nawe ati, Silolani, a musanya pakasi, isi a mpindi ya kuwunganika ivikwato apaliponga; vipani aminzi viye mukulya. 8Nawo awati, Tutanga tuleke ivikwato viye mukulya, zisuke ing’onzi zyonsi ziwungane apaliponga; ngapano tukupule iwe pa chifula, tupe ing’onzi zing’we.
9Ala pano achili akuvywanga nawo, Rakelo ayiza ni ng’onzi zyakwe yisi; zino wachemanga. 10Ala pano Jekapu walola Rakelo umwanakwe Labani indume yakwe yangu wakwe, Jekapu ayatantazya iwe pa chifula, awapa ing’onzi zyakwe Labani indume yakwe yangu wakwe aminzi. 11Apano Jekapu afyompa Rakelo alila ichikalazi. 12Nga Jekapu anena Rakelo ati, Ne luko lwakwe ’so, ne mwanakwe Rebeka; nga asamala aya anena yisi.
13Walile pano Labani wivwa ilandwe lyakwe Jekapu umwana wa nkazi yakwe, asamalila mukumusunkania, afika amukukula amufyompa, amutwala mu ng’anda yakwe. Jekapu alandila Labani vyonsi, 14achaleka Labani ati, Nachawuzimanye we lifupa lyane, we munyamfu wane! Ayikala nawe umwezi wonga.
Jekapu awombela Labani muno we Rakelo nu Leya
15Apano Labani awuzya Jekapu ati, Wuzye vino we luko lwane ungambombela uwila? Nena, wuzye ungalonda ukulambulwa chani? 16Labani walinji na wana wakazyana wawili; izina lyakwe songo walinji we Leya, ni zina lya muzuna walinji we Rakelo. 17Aminso yakwe Leya yalinji amafwawalale, ukuwa Rakelo wazifile swinya wayemvile nkaninye. 18Jekapu wakunzile Rakelo; wavwanzile ati, Nandi mbombele umwana mukazyana wee umuzuna e Rakelo imyaka munenulambali. 19Labani ati, Achizima ukukupa wewe ukulusye ukupa wmji; yikala naswe. 20Achaleka Jekapu wawombezile Rakelo imyaka munenulambali, nga kwakwe weliwe chalolesile ngati amanda matichi, amuno wamukundisizye.
21Apano Jekapu anena Labani ati, Mpa wakwane uleke mutwale, amuno impindi yane yasila. 22Achaleka Labani awunganika awantu wonsi awa pa masyo yayo, ateweta ni chakulya. 23Ukuwa pa mpindi ya manguzi asenda umwanakwe e Leya amutwala kwe Jekapu; nawe amutwala. 24(Labani asenda umukazyana winji umuwomvi wakwe wino izinal yakwe walinji we Zilipa apa umwanakwe e Leya, ukuti akamuwombelange.) 25Akula kwacha Jekapu alola kuno walinji we Leya, nga anena Labani ati, Nga muno chani chino uchisile wonyewoo kwe nene? Wuzye ntakuwombelanga amuno we Rakelo? Ngachani chino wanchenjezya? 26Labani amutolelela ati, Chisichitwa munsi yitu ukutwazya umuzuna pano songa atani atwalwe. 27Mala amanda yakwe wee, apano ndikupa umuwuyo winji swinya ndi wambombela imyaka munenulambali. 28Jekapu achita wowonye, amala impindi yakwe; apano Labani amupa Rakelo umwanakwe awa a muchi. 29(Labani apa Rakelo umukazyana umuwomvi wakwe e Biliha ukuti akamuwombelange.) 30Achelaka Jekapu atwala nu Rakelo-nye, akundisya Rakelo ukulusye Leya, awombela Labani imyaka yinji munenulambali.
Awanakwe Jekapu
31Walile pano Imfumu e Leza walola kuno Leya wapatikwa, amwiyula ikwata; ukuwa Rakelo walinji a ng’umba. 32Nga Leya awa na panji apapa umwana monsi, amwita izina ati, we Rubeni; amuno watili, Amuno Imfumu e Leza walola ukuyimba kwane; ukuwa kanonzi wakwane wandi ankunde. 33Anyoka awa na panji apapa umwana umonsi ati, Amuno Imfumu e Leza wivwa kuno napatikwa, achaleka wampa umwana swinya; nga amwita ati we Simeoni. 34Swinyanye awa na panji apapa umwana umonsi, ati, Kanonzi wakwane wandi ayisanzye kwe nene amuno namupapila awana watatu; achaleka amwita izina ati, we Levi. 35Anyoka awa na panji apapa umwana umonsi ati, Impindi yoo nandi ntumvye Imfumu e Leza; achaleka amwita izina lyakwe ati, we Yuda; ni mpapo isila.
Currently Selected:
Intaliko 29: WWN82
Highlight
Share
Copy
Want to have your highlights saved across all your devices? Sign up or sign in
Chinamwanga Bible © United Bible Societies, 1981.
Intaliko 29
29
Jekapu afika pakaya kakwe Labani
1Achaleka Jekapu alema umusinzo wapita, afika munsi ya wantu wa kapela. 2Ala pano akulolechesya alola ichifula mu mpanga, alola amawufyo yatatu aya ng’onzi zilazile mupipi ni chifula, amuno pa chifula-nye chocho apano ivikwato vyang’wanga aminzi. Iwe line wakupikanga papela lyalinji a likulu, 3Avila ivikwato vyonsi vyawungana apaliponga, awachemi awaya awatantazya iwe lino lyakupikwanga papela pa chifula awavipa minzi aving’wa. Apano awatantazizya iwe, awakupika pachifula.
4Jekapu awawuzya ati, Wanawitu, nga mufumile kwi? Nawo awamutolelela awati, Twafuma ku Harani. 5Anyoka awawuzya swinya ati, Wuzye mwamanya e Labani umwanakwe Nahori? Nawo awati, Twamumanya. 6Awawuzya ati, Wuzye ali chete? Nawo awati, ali chete; nga alola muwanakwe umukazyana e Rakelo akwiza ni ng’onzi zyakwe. 7Nawe ati, Silolani, a musanya pakasi, isi a mpindi ya kuwunganika ivikwato apaliponga; vipani aminzi viye mukulya. 8Nawo awati, Tutanga tuleke ivikwato viye mukulya, zisuke ing’onzi zyonsi ziwungane apaliponga; ngapano tukupule iwe pa chifula, tupe ing’onzi zing’we.
9Ala pano achili akuvywanga nawo, Rakelo ayiza ni ng’onzi zyakwe yisi; zino wachemanga. 10Ala pano Jekapu walola Rakelo umwanakwe Labani indume yakwe yangu wakwe, Jekapu ayatantazya iwe pa chifula, awapa ing’onzi zyakwe Labani indume yakwe yangu wakwe aminzi. 11Apano Jekapu afyompa Rakelo alila ichikalazi. 12Nga Jekapu anena Rakelo ati, Ne luko lwakwe ’so, ne mwanakwe Rebeka; nga asamala aya anena yisi.
13Walile pano Labani wivwa ilandwe lyakwe Jekapu umwana wa nkazi yakwe, asamalila mukumusunkania, afika amukukula amufyompa, amutwala mu ng’anda yakwe. Jekapu alandila Labani vyonsi, 14achaleka Labani ati, Nachawuzimanye we lifupa lyane, we munyamfu wane! Ayikala nawe umwezi wonga.
Jekapu awombela Labani muno we Rakelo nu Leya
15Apano Labani awuzya Jekapu ati, Wuzye vino we luko lwane ungambombela uwila? Nena, wuzye ungalonda ukulambulwa chani? 16Labani walinji na wana wakazyana wawili; izina lyakwe songo walinji we Leya, ni zina lya muzuna walinji we Rakelo. 17Aminso yakwe Leya yalinji amafwawalale, ukuwa Rakelo wazifile swinya wayemvile nkaninye. 18Jekapu wakunzile Rakelo; wavwanzile ati, Nandi mbombele umwana mukazyana wee umuzuna e Rakelo imyaka munenulambali. 19Labani ati, Achizima ukukupa wewe ukulusye ukupa wmji; yikala naswe. 20Achaleka Jekapu wawombezile Rakelo imyaka munenulambali, nga kwakwe weliwe chalolesile ngati amanda matichi, amuno wamukundisizye.
21Apano Jekapu anena Labani ati, Mpa wakwane uleke mutwale, amuno impindi yane yasila. 22Achaleka Labani awunganika awantu wonsi awa pa masyo yayo, ateweta ni chakulya. 23Ukuwa pa mpindi ya manguzi asenda umwanakwe e Leya amutwala kwe Jekapu; nawe amutwala. 24(Labani asenda umukazyana winji umuwomvi wakwe wino izinal yakwe walinji we Zilipa apa umwanakwe e Leya, ukuti akamuwombelange.) 25Akula kwacha Jekapu alola kuno walinji we Leya, nga anena Labani ati, Nga muno chani chino uchisile wonyewoo kwe nene? Wuzye ntakuwombelanga amuno we Rakelo? Ngachani chino wanchenjezya? 26Labani amutolelela ati, Chisichitwa munsi yitu ukutwazya umuzuna pano songa atani atwalwe. 27Mala amanda yakwe wee, apano ndikupa umuwuyo winji swinya ndi wambombela imyaka munenulambali. 28Jekapu achita wowonye, amala impindi yakwe; apano Labani amupa Rakelo umwanakwe awa a muchi. 29(Labani apa Rakelo umukazyana umuwomvi wakwe e Biliha ukuti akamuwombelange.) 30Achelaka Jekapu atwala nu Rakelo-nye, akundisya Rakelo ukulusye Leya, awombela Labani imyaka yinji munenulambali.
Awanakwe Jekapu
31Walile pano Imfumu e Leza walola kuno Leya wapatikwa, amwiyula ikwata; ukuwa Rakelo walinji a ng’umba. 32Nga Leya awa na panji apapa umwana monsi, amwita izina ati, we Rubeni; amuno watili, Amuno Imfumu e Leza walola ukuyimba kwane; ukuwa kanonzi wakwane wandi ankunde. 33Anyoka awa na panji apapa umwana umonsi ati, Amuno Imfumu e Leza wivwa kuno napatikwa, achaleka wampa umwana swinya; nga amwita ati we Simeoni. 34Swinyanye awa na panji apapa umwana umonsi, ati, Kanonzi wakwane wandi ayisanzye kwe nene amuno namupapila awana watatu; achaleka amwita izina ati, we Levi. 35Anyoka awa na panji apapa umwana umonsi ati, Impindi yoo nandi ntumvye Imfumu e Leza; achaleka amwita izina lyakwe ati, we Yuda; ni mpapo isila.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chinamwanga Bible © United Bible Societies, 1981.