Intaliko 32
32
Jekapu ayisengania ukusunkania Esau
1Jekapu awapita, na wasole wakwe Leza awamusunkania; 2ala pano wawalola ati, Vyoo a vita vyakwe Leza! Achaleka ayita amasyonye yayo ati, Mahanaimu.
3Ngapano Jekapu akolezya intumi ukuya sunkania Esau umunyina lyankani mu nsi ya Seiri ku Edomu. 4Awakomelezya ati, Avino mwandi mukavwange kwe tatakulu Esau: Umuzya wako akukulamuka akuti, Napanzile kwe Labani akuno nisile ukufika na kanonzi. 5Indi ni ng’ombe ni ndokwe, na mawufyo, na wawomvi awonsi na wanachi; achaleka natuma umulamu kwakwe tatakulu alyakuti uwe ni nkumbu kwakwe nena.
6Intumi aziwela kwe Jekapu azimunena aziti, Twafisile ku munyonko Esau, akwiza mukukusunkania, na wantu imyanda yini (400). 7Ala Jekapu wivwa wowonye awa ni ntete nkulu mbali na malanda; achaleka apawunkania awantu wane walinji nawo, na mawufyo ni ng’ombe ni ngamila, mu vipya viwili, 8welenginie ati, Ndi Esau angiza ayonone ichipya chonga, chimwi chingasyala chipusuke.
9Nga swinya Jekapu ati, Oko we Leza wakwe tata kulu Abrahamu, e Leza wakwe tata Ayizeki, we muntu wavwanzile kwe nene uti, Nyochela kunsi yako kunko zyako, ndikusunga ichete. 10Ntazipila nanti katichi ukupochelela amuno nalamvile uluzi e Yordani ni nsonzo ntupu, na kanonzi indi ni vipya vyoo viwili. 11Nkulambilizya mfyusya mu makasa ya mwanawitu, ntula mu makasa yakwe Esau, amuno nkumutina nkuti ndi wiza, pamwi angatukoma swensi, na wawakwane na wanane. 12Amuno wanenile uti Ndikuchitila ichete, alyakuti ikwata lyako lize linyame ndivino uluselesenga lwa mwe sumbi, luno lutanga luwazwe ukuvula kwakwe lolilo.
13Walinzile paponye uwanda-nye wowo, asenda insawo yakwe yimwi atumila umunyina Esau ichawila, 14amutumila wa nyina-mbuzi imyanda yiwili (200), was awe amakumi yawili (20), ing’onzi imyanda yiwili (200), na wasukusuku amakumi yawili (20). 15Amutumila ingamila zyakukama amakumi yatatu (30) ponga na wana wa ngamila, ing’ombe amakumi yani (40), inkambaku ikumi, indokwe njanachi amakumi yawili (20) ni njonsi ikumi lyonga. 16Vyonsi-nye vyoo wapile mu makasa ya wawomvi wakwe, amawufyo malekane-lekane, awanena ati, Kolelani musyalichizyanie pakusokola, wamwi pankolelo, na wanji pansizi. 17Achaleka wakomelezizye awapankolelo ati, Ndi Esau umwana-witu wawasunkania, wawawuzya wati, Nga mwe wakweni? Nga mukuya kwi? Nga vyonsi vyoo pankolelo pakwe mwemwe a vyakwe weni? 18Mwandi ukati, Vyafuma kumuzya wako e Jekapu, a chawila, chino atumile kwe tatakulu Esau; ukuwa weni asyalichile, akwiza. 19Wowonye avino wakomelezizye awachitiwili na wachititatu na wonsi wane wasokolanga amawufyo ya vikwato. Awanena ati, Ndi mwasunkania Esau mukavwanjile umulimonga nye, 20mwandi mukamunene muti, Nu muzya wakonye e Jekapu asyalichile. Amuno welenganianga ukuti, Mutalalike ku nsingo ni vyawila vino natuma pankolelo, nga pansizi ndole impumi yakwe, pamwi nche angampochelela. 21Achaleka ivyawila avikolela, weni asyalichila; asyala alala paponye pano wazenzile imitanda.
Jekapu awachilichizana pe Penieli
22Akatuka uwusiku-nye wowo asenda wachi wowili, na wawomvi wanachi wawili na wanakwe ikumi na wenga, awaya kwi lambwa lyakwe Jaboko. 23Awawalamvya uluzi, na vyonsi vino walinji navyo. 24Jekapu wasyalichile wenga, nu muntu aya awachilichizana nawe akusuka akucha 25Ala pano umuntu walola kuno Jekapu wamupota, amuma lwa pa lupamba pansizi, nga ulupamba lwakwe Jekapu aluvyulika. 26Amunena ati, Ntaya mpite amuno kanonzi kwacha. Ukuwa Jekapu akana ati, Ntanga nkutaye nkandi ndi wampepa. 27Amuwuzya ati, Nga izina lyako weweni? 28Nawe ati, Ne Jekapu, Nga amunena ati, Utalitela uyitwe ilyakwe Jekapu swinya, Nkandi ityakwe israel, amuno walwa nu Leza nga na wantu, ukuwa wachimvya. 29Apano Jekapu amulambilizya ati, Nena izina lyako. Nga nawe amuwuzya ati, Nga chani chino ukuwuzichisya izina lyane? Nga kokonye amupepa. 30Achaleka Jekapu wisile amasyo-nye yayo ati, Penieli, ati, Amuno nalolana nu Leza ichilungampumi, lela atankomile. 31Ilanzi alifuma pano wachila Penueli; alanga akusinta muno a lupamba lwakwe. 32Achaleka ukufumilila uwanda wowonye awa Israeli wasilya inyama ya mukole lwa pansizi lwa lupamba; amuno Jekapu wumilwe lwa pansizi ya lupamba pa mukole wa mutembeleko apafonke.
Currently Selected:
Intaliko 32: WWN82
Highlight
Share
Copy
Want to have your highlights saved across all your devices? Sign up or sign in
Chinamwanga Bible © United Bible Societies, 1981.
Intaliko 32
32
Jekapu ayisengania ukusunkania Esau
1Jekapu awapita, na wasole wakwe Leza awamusunkania; 2ala pano wawalola ati, Vyoo a vita vyakwe Leza! Achaleka ayita amasyonye yayo ati, Mahanaimu.
3Ngapano Jekapu akolezya intumi ukuya sunkania Esau umunyina lyankani mu nsi ya Seiri ku Edomu. 4Awakomelezya ati, Avino mwandi mukavwange kwe tatakulu Esau: Umuzya wako akukulamuka akuti, Napanzile kwe Labani akuno nisile ukufika na kanonzi. 5Indi ni ng’ombe ni ndokwe, na mawufyo, na wawomvi awonsi na wanachi; achaleka natuma umulamu kwakwe tatakulu alyakuti uwe ni nkumbu kwakwe nena.
6Intumi aziwela kwe Jekapu azimunena aziti, Twafisile ku munyonko Esau, akwiza mukukusunkania, na wantu imyanda yini (400). 7Ala Jekapu wivwa wowonye awa ni ntete nkulu mbali na malanda; achaleka apawunkania awantu wane walinji nawo, na mawufyo ni ng’ombe ni ngamila, mu vipya viwili, 8welenginie ati, Ndi Esau angiza ayonone ichipya chonga, chimwi chingasyala chipusuke.
9Nga swinya Jekapu ati, Oko we Leza wakwe tata kulu Abrahamu, e Leza wakwe tata Ayizeki, we muntu wavwanzile kwe nene uti, Nyochela kunsi yako kunko zyako, ndikusunga ichete. 10Ntazipila nanti katichi ukupochelela amuno nalamvile uluzi e Yordani ni nsonzo ntupu, na kanonzi indi ni vipya vyoo viwili. 11Nkulambilizya mfyusya mu makasa ya mwanawitu, ntula mu makasa yakwe Esau, amuno nkumutina nkuti ndi wiza, pamwi angatukoma swensi, na wawakwane na wanane. 12Amuno wanenile uti Ndikuchitila ichete, alyakuti ikwata lyako lize linyame ndivino uluselesenga lwa mwe sumbi, luno lutanga luwazwe ukuvula kwakwe lolilo.
13Walinzile paponye uwanda-nye wowo, asenda insawo yakwe yimwi atumila umunyina Esau ichawila, 14amutumila wa nyina-mbuzi imyanda yiwili (200), was awe amakumi yawili (20), ing’onzi imyanda yiwili (200), na wasukusuku amakumi yawili (20). 15Amutumila ingamila zyakukama amakumi yatatu (30) ponga na wana wa ngamila, ing’ombe amakumi yani (40), inkambaku ikumi, indokwe njanachi amakumi yawili (20) ni njonsi ikumi lyonga. 16Vyonsi-nye vyoo wapile mu makasa ya wawomvi wakwe, amawufyo malekane-lekane, awanena ati, Kolelani musyalichizyanie pakusokola, wamwi pankolelo, na wanji pansizi. 17Achaleka wakomelezizye awapankolelo ati, Ndi Esau umwana-witu wawasunkania, wawawuzya wati, Nga mwe wakweni? Nga mukuya kwi? Nga vyonsi vyoo pankolelo pakwe mwemwe a vyakwe weni? 18Mwandi ukati, Vyafuma kumuzya wako e Jekapu, a chawila, chino atumile kwe tatakulu Esau; ukuwa weni asyalichile, akwiza. 19Wowonye avino wakomelezizye awachitiwili na wachititatu na wonsi wane wasokolanga amawufyo ya vikwato. Awanena ati, Ndi mwasunkania Esau mukavwanjile umulimonga nye, 20mwandi mukamunene muti, Nu muzya wakonye e Jekapu asyalichile. Amuno welenganianga ukuti, Mutalalike ku nsingo ni vyawila vino natuma pankolelo, nga pansizi ndole impumi yakwe, pamwi nche angampochelela. 21Achaleka ivyawila avikolela, weni asyalichila; asyala alala paponye pano wazenzile imitanda.
Jekapu awachilichizana pe Penieli
22Akatuka uwusiku-nye wowo asenda wachi wowili, na wawomvi wanachi wawili na wanakwe ikumi na wenga, awaya kwi lambwa lyakwe Jaboko. 23Awawalamvya uluzi, na vyonsi vino walinji navyo. 24Jekapu wasyalichile wenga, nu muntu aya awachilichizana nawe akusuka akucha 25Ala pano umuntu walola kuno Jekapu wamupota, amuma lwa pa lupamba pansizi, nga ulupamba lwakwe Jekapu aluvyulika. 26Amunena ati, Ntaya mpite amuno kanonzi kwacha. Ukuwa Jekapu akana ati, Ntanga nkutaye nkandi ndi wampepa. 27Amuwuzya ati, Nga izina lyako weweni? 28Nawe ati, Ne Jekapu, Nga amunena ati, Utalitela uyitwe ilyakwe Jekapu swinya, Nkandi ityakwe israel, amuno walwa nu Leza nga na wantu, ukuwa wachimvya. 29Apano Jekapu amulambilizya ati, Nena izina lyako. Nga nawe amuwuzya ati, Nga chani chino ukuwuzichisya izina lyane? Nga kokonye amupepa. 30Achaleka Jekapu wisile amasyo-nye yayo ati, Penieli, ati, Amuno nalolana nu Leza ichilungampumi, lela atankomile. 31Ilanzi alifuma pano wachila Penueli; alanga akusinta muno a lupamba lwakwe. 32Achaleka ukufumilila uwanda wowonye awa Israeli wasilya inyama ya mukole lwa pansizi lwa lupamba; amuno Jekapu wumilwe lwa pansizi ya lupamba pa mukole wa mutembeleko apafonke.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chinamwanga Bible © United Bible Societies, 1981.