Intaliko 34
34
Ukuzelelulwa kwakwe Dina
1Nawe Dina umwanakwe Leya wino Jekapu wapafile, aya mukutandala ku wakazyana wa munsi yoyonye, 2ala pano Shekemu umwanakwe Hamori umu Hivi, esiyame wa munsinye yoyo wamulola amulema amuzelelula. 3Umwezo wakwe awukundisya Dina umwanakwe Jekapu; amukundisya amutembusya. 4Achaleka Shekemu wanenile yisi ati, Njimalila umukazyana wee imutwale. 5Ukuwa ala Jekapu wivwa kuno Dina alenzizwe nu Shekemu; ukuwa muno awanakwe awalumendo wayile ni vikwato kuno wachemelanga; alema umwezo wakwe ati, Wasuke awanakwe wize wawele. 6Hamori e yisi wakwe Shekemu aya kwe Jekapu mukuvwanga nawe. 7Pano awanakwe Jekapu wivwa awawela ku kaya, aweleawelengania awavitwa nkaninye awati, Achisile uwuwi nkaninye mu Yisraeli amuno walala nu mwanakwe Jekapu.
8Ukuwa Hamori avwanga ati, Umwezo wa mwanane Shekemu wukuluchila umukazyana nkaninye; nkulambilizya nkuti lekani watwalane. 9Tuwatwalilana; lekani awana winu awakazyana watwalwa kwe sweswe, namwe muwatwala awana witu; 10Mwandi muwakwikala naswe munsi yeo, yawa ansi yinu; yikalanji muwakazya, muwazana umuzana mwenemo. 11Ngapano Shekemu anena yisi wakwe Dina apaliponga ni ndume zyakwe ati, Ntetelani, na chonsi chino mukulonda nandi mfime. 12Monsi muno mungampimila impango nandi mfime; lela nkulonda umukazyana awe we wakwane.
13Awanakwe Jekapu awatolelela Shekemu nu yisi e Hamori nu wuchenjelo awati, amuno walenzya inkazi yawo e Dina. 14Awakana awati, Tutanga tuchite wowo, ukutwazya inkazi yitu kwe wino asi a musilamo; amuno choo a chamukwelengula. 15Pakwe chonyechoo apano tungazumilila; alyakuti muwe ndivino sweswe tuli, ndi wila monsi mwakwe mwemwe wasilamula. 16Peni twandi tuwawapa awana wachikazyana witu muwatwala. Naswe twandi tuwasenda awana winu awakazyana atutwala, tuliyikala munsi yoo tuwe umwiko wonga. 17Ukuwa ndi mutatwivwile musilamule twandi tusende inkazi yitu, tupite nawe.
18Amazwi yawo ayasechelesya Hamori nu Shekemu umwanakwe, 19nu mulumendo atazingulusile ukusilamula, amuno wakundisizye umwanakwe Jekapu. Umulumendo weyo wachindisilwe ukulusye wonsi pa luko lwawo. 20Achaleka Hamori nu Shekemu umwanakwe awaya pi pembo lya mukaya awavwanga ku wantu wawo awa mu kaya awati, 21Awantu waa a viwuza vitu; lekani wakwikala munsi, wakazya insawo yawo. Insi ankulu yino nawonye wangikala. Lekani tuwatwala awana wawo, naswe tuwawapomela awana witu. 22Muno achonyechoo achino awantu waa wazumila ukwikala naswe, ukuti tuwe swe wamwiko wonga: ukuti wila monsi wensi uwakwe sweswe ndi asilamule ndivino woliwo wali, 23Wuzye ing’ombe zyawo ni vikwato vyawo vyonsi vitaliwa vitu? Lekani tuzumilizyanie nawo, ngapano wangikala naswe. 24Na wonsi wane wapitililanga pi pembo wivwile amazwi yonsi ayakwe Hamori nu Shekemu umwanakwe, apano wila monsi uwa mu kaya alembwa uwusilamo.
25Pa wanda wa chititatu pano walumwanga ni vilonda vyawo, awanakwe Jekapu wawili, e Simeoni nu Levi indume zyakwe Dina, awasenda impanga zyawo napaponapapo awasochelela mukaya awakoma awonsi wonsi. 26A wakoma Hamori nu Shekemu umwanakwe nu lupanga, awafumya Dina mu ng’anda yakwe Shekemu awapita nawe. 27Awanakwe Jekapu awaya kwe wane wasile wakoma awapoka na kaya, amuno walenzizye inkazi yawo; 28awasenda amawufyo ya ng’ombe zyawo, ni ng’onzi zyawo, ni mbuzi zyawo, ni ndokwe zyawo, na chonsi chino chalinji mu kaya na mu mpanga. 29A wasenda insawo yonsi na wana wawo awonsi na wanachi na wawakwawo na vyonsi-nye vino vyalinji mu ng’anda, awasampa aviwa a vyawo. 30Achaleka Jekapu wanenile Simeoni nu Levi ati, Mwaleta amatamyo pakwe nene, mwaleta ulupato kwe nene na wantu munsi yoo, awina Kenani na wina Perizi; insi na wantu wavule, amuno ndi wawungana wonsi apaliponga wankatuchila wandwisya, ndilowa, apaliponga na wa mu ng’anda yane. 31Nawo awamutolelela awati, Ukuwa wachisile inkazi yitu ku wuchilende.
Currently Selected:
Intaliko 34: WWN82
Highlight
Share
Copy
Want to have your highlights saved across all your devices? Sign up or sign in
Chinamwanga Bible © United Bible Societies, 1981.
Intaliko 34
34
Ukuzelelulwa kwakwe Dina
1Nawe Dina umwanakwe Leya wino Jekapu wapafile, aya mukutandala ku wakazyana wa munsi yoyonye, 2ala pano Shekemu umwanakwe Hamori umu Hivi, esiyame wa munsinye yoyo wamulola amulema amuzelelula. 3Umwezo wakwe awukundisya Dina umwanakwe Jekapu; amukundisya amutembusya. 4Achaleka Shekemu wanenile yisi ati, Njimalila umukazyana wee imutwale. 5Ukuwa ala Jekapu wivwa kuno Dina alenzizwe nu Shekemu; ukuwa muno awanakwe awalumendo wayile ni vikwato kuno wachemelanga; alema umwezo wakwe ati, Wasuke awanakwe wize wawele. 6Hamori e yisi wakwe Shekemu aya kwe Jekapu mukuvwanga nawe. 7Pano awanakwe Jekapu wivwa awawela ku kaya, aweleawelengania awavitwa nkaninye awati, Achisile uwuwi nkaninye mu Yisraeli amuno walala nu mwanakwe Jekapu.
8Ukuwa Hamori avwanga ati, Umwezo wa mwanane Shekemu wukuluchila umukazyana nkaninye; nkulambilizya nkuti lekani watwalane. 9Tuwatwalilana; lekani awana winu awakazyana watwalwa kwe sweswe, namwe muwatwala awana witu; 10Mwandi muwakwikala naswe munsi yeo, yawa ansi yinu; yikalanji muwakazya, muwazana umuzana mwenemo. 11Ngapano Shekemu anena yisi wakwe Dina apaliponga ni ndume zyakwe ati, Ntetelani, na chonsi chino mukulonda nandi mfime. 12Monsi muno mungampimila impango nandi mfime; lela nkulonda umukazyana awe we wakwane.
13Awanakwe Jekapu awatolelela Shekemu nu yisi e Hamori nu wuchenjelo awati, amuno walenzya inkazi yawo e Dina. 14Awakana awati, Tutanga tuchite wowo, ukutwazya inkazi yitu kwe wino asi a musilamo; amuno choo a chamukwelengula. 15Pakwe chonyechoo apano tungazumilila; alyakuti muwe ndivino sweswe tuli, ndi wila monsi mwakwe mwemwe wasilamula. 16Peni twandi tuwawapa awana wachikazyana witu muwatwala. Naswe twandi tuwasenda awana winu awakazyana atutwala, tuliyikala munsi yoo tuwe umwiko wonga. 17Ukuwa ndi mutatwivwile musilamule twandi tusende inkazi yitu, tupite nawe.
18Amazwi yawo ayasechelesya Hamori nu Shekemu umwanakwe, 19nu mulumendo atazingulusile ukusilamula, amuno wakundisizye umwanakwe Jekapu. Umulumendo weyo wachindisilwe ukulusye wonsi pa luko lwawo. 20Achaleka Hamori nu Shekemu umwanakwe awaya pi pembo lya mukaya awavwanga ku wantu wawo awa mu kaya awati, 21Awantu waa a viwuza vitu; lekani wakwikala munsi, wakazya insawo yawo. Insi ankulu yino nawonye wangikala. Lekani tuwatwala awana wawo, naswe tuwawapomela awana witu. 22Muno achonyechoo achino awantu waa wazumila ukwikala naswe, ukuti tuwe swe wamwiko wonga: ukuti wila monsi wensi uwakwe sweswe ndi asilamule ndivino woliwo wali, 23Wuzye ing’ombe zyawo ni vikwato vyawo vyonsi vitaliwa vitu? Lekani tuzumilizyanie nawo, ngapano wangikala naswe. 24Na wonsi wane wapitililanga pi pembo wivwile amazwi yonsi ayakwe Hamori nu Shekemu umwanakwe, apano wila monsi uwa mu kaya alembwa uwusilamo.
25Pa wanda wa chititatu pano walumwanga ni vilonda vyawo, awanakwe Jekapu wawili, e Simeoni nu Levi indume zyakwe Dina, awasenda impanga zyawo napaponapapo awasochelela mukaya awakoma awonsi wonsi. 26A wakoma Hamori nu Shekemu umwanakwe nu lupanga, awafumya Dina mu ng’anda yakwe Shekemu awapita nawe. 27Awanakwe Jekapu awaya kwe wane wasile wakoma awapoka na kaya, amuno walenzizye inkazi yawo; 28awasenda amawufyo ya ng’ombe zyawo, ni ng’onzi zyawo, ni mbuzi zyawo, ni ndokwe zyawo, na chonsi chino chalinji mu kaya na mu mpanga. 29A wasenda insawo yonsi na wana wawo awonsi na wanachi na wawakwawo na vyonsi-nye vino vyalinji mu ng’anda, awasampa aviwa a vyawo. 30Achaleka Jekapu wanenile Simeoni nu Levi ati, Mwaleta amatamyo pakwe nene, mwaleta ulupato kwe nene na wantu munsi yoo, awina Kenani na wina Perizi; insi na wantu wavule, amuno ndi wawungana wonsi apaliponga wankatuchila wandwisya, ndilowa, apaliponga na wa mu ng’anda yane. 31Nawo awamutolelela awati, Ukuwa wachisile inkazi yitu ku wuchilende.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chinamwanga Bible © United Bible Societies, 1981.