Njɔyn 21
21
Njisə̀s ə fɨ kwəynsê ə chùmtè èpàm sə vəynse ekyàʼ
1Ə kɛsə̂ pə̂, Njisə̀s ə fɨnə fɨə kwəynsə̂ ə chùmtè èpàm sə vəynse, ə etipì enjwì ə Tàypelyàsè. Ə̀ nyiə nyì kə È tè tyəyn ngɨŋə̂ Vəyn sê ghənə. 2Tuʼ fîfe, Shimuyn Pità, Tɔ̀mɔ̂s vɛ ə tè tɔŋtə̂ nə, (Apɨaʼsè), è Nàtanyèl (ə vɛ ə è tè ndô ə Kanà apàs endaʼ ə Ngalìlîkè), è ghɔ ə Zepɛ̀ndîə, è chùmtè èpàm sə Njisə̀s shîse sepɛ̀, ə zùŋtə̀ luʼve emɔ̀ʼ. 3Shimuyn Pità ə pìə sê ghənə nə, “M səʼə ndûə èko embwɔ̀zè.”
Ghənə ə pə̀ynsə̀ nə, “Ghâsènì nə̀ səʼə kə əmɔʼ.” Ghənə ə pìə za ə ndùə njiə ə ngwùʼ èghaʼâ, pîza tuʼve ə zo ndɔ̀ʼɔ ghənə ko fɨake. 4Zhwize ə piə ze fɨə ndò, Njisə̀s ə pə̀ tyəmə̂ ə etipìə tsô, pîza chùmtè èpàmse ə tàʼa kê nə ə̀ nyi Njisə̀s. 5Njisə̀s ə tɔŋɔ pfɨfə sê ghənə nə, “Ghàyn pâʼà ko fɨake ə soyn Sɨmse?”
Ghənə ə pə̀ynsə̀ nə, “Ə pâʼà ko.”
6È və pìə nə, “Ghàyn maʼ fèlàm faynfe apàs ekɔyn etwɔ ə ngwùʼ èghaʼâvè kə ghàyn ko.” Ghənə ə màʼà ə ko èmbwɔ̀, ve tsɨ̂ə kə nyî, fèlàm fə təynfe e tɨ̂lə̀ ghaʼa ghənə se shìnə ndzɨse ə ngwùʼ.
7Chùmtè èpàm ə̀ Njisə̀s zɛ ə È tè ngəsə̂ kɔ̂ŋɔ̀ zâ, ə pìə sê Pità nə, “Wùə vîə nyì zâ, ə̀ nyi Pɛ̂pɛ!” Ə pə̀ kə Shimuyn Pità zɨ zâ, ə njìə fèpfɨ̂ fə vəynfe ə màʼa ə vəyn ewìyn, (kûmə̀ nə, è tè nyi mə è və chɔʼ ndəm), ə tânə̀ ə tsô. 8Chùmtè sə mɔ̀ʼɔse ə fɨə pə̂ etipìə tsô əfètə̂ ngwùʼ èghaʼâ, shinə̀ pə̂ fèlàm fə embwɔ̀ fɛ. Fèlàm fətəynfe tè nyi mə mbwɔ̀vè ə lwiyn ətəyn. Ndom tè fɨnə tyâfə̀ va se nduə fɨ ə etipîə tsò. Ghaf ətəynke tè kàʼa ə kə nyi sètàm se zaʼâ ewə̀. 9Ghənə ndùə fɨə ə etipîə tsô ə fe tèkyi tewùste è wusve ətəyn. Mbwɔ̀vè tè nyi etu ətəyn è payn ə kwaŋke. 10Njisə̀s ə pìə sê ghənə nə, “Ghàyn pəyn è mbwɔ̀ vîve, əfètə̂ vɛ ə ghàyn kwùʼ ko zâ.”
11Shimuyn Pità ə kɛsə njiə ə ngwùʼ ə shinə̀ pə̀ fèlàm fe mbwɔ̀ fɛ ə etipîə tsò. Mbwɔ̀vè tè tsɨ̂ynte nyi ətəyn ewə̀ è mbwɔ̀vè m̀ghɨm m̀tâyn njòse ta, ghaʼlə̂ kə nyi. Ve tè tsɨ̀ə pî zâ, fèlàm ə tàʼa təynte. 12Njisə̀s ə ke pì sê ghənə nə, “Ghàyn pəyn ə ghâsènì zhi fɨazhiə pɨsə̀pɨsə̀ve.” È tè wàmnə̀ za, nâʼà chùmtè èpam ə vəyn èmɔ̀ʼ ə tàʼa mɔ̀msè se pfɨf nə, “Ə̀ nyi ghô ndè ə?” Kûmə̀ nə ghənə tè se ke nə ə nyi Pɛ̂pɛ. 13Njisə̀s ə ndùə njîə àpayn ə kwaŋ kɛ ə fo sê ghənə, ə fɨnə nə̂ kəpî za è mbwɔ̀ vɛ.
14Njisə̀s tè tyə̀yn ngɨŋ ə vəyn sê chùmtè èpàm sə vəynse elùʼ nə vɨnə mə, nə ə nyi tèshiŋə̀ tèta kə è kɛse zômə̀.
Njisə̀s ə pfɨf nə Pità vɛ ə è kɔ̀ŋɔ̀ zhi ə
15Ə̀ tè nyi kə ghənə zhi mɨ̂sè, Njisə̀s ə tɔŋtə̂ Shimuyn Pità ə pfɨfə sê vəyn nə, “Shimùyn, va Njɔyn, ò ndɨŋə kɔ̀ŋɔ̀ ndò Mi səmɔʼ tsɛ̂ sèchùmtè èpàm sɨ̂nə̀ ə?”
È və pomə ə pìə nə, “Pɛ̂, Ò ke ndô nə m nyîə kɔ̂ŋɔ̀ ghò.”
Njisə̀s ə pìə sê vəyn nə, “Tɔ̀ʼne è ghɔ sendzè ghɨmə.” 16Njisə̀s ə fɨnə pfɨfə sê vəyn nə ə̀ ndu shîŋə̀ tepɛ̀ nə, “Shimùyn, va Njɔyn, ò ndɨŋə kɔ̂ŋɔ̀ ndò Mi səmɔʼ ə?”
È və pomə̂ ə pìə nə, “Pɛ̂, ò ke ndô nə m nyîə kɔ̂ŋɔ̀ ghò.”
Njisə̀s ə pìə sê vəyn nə, “Tɔʼne è ndzè sɨmse.” 17Njisə̀s ə fɨnə tɔŋtə̂ vəyn, nə ə sè nyi tèshiŋə̀ tèta, ə pìə nə, “Shimùyn, Va Njɔyn, ò kɔ̀ŋɔ̀ ndò Mi ə?”
Ghɛ ətəynze e sè fo ngəʼ sê Pità kə Njisə̀s pfɨf nə ndu shîŋə̀ teta nə, “Ò kɔ̀ŋɔ̀ ndò mi ə?” È və ke pì sê Njisə̀s nə, “Ò nyîə ke ə̀ghɛ ə̀kɨ̂m ə Pɛ̂. Ò ke ndô nə m nyîə kɔ̂ŋɔ̀ ghò.”
Njisə̀s ə pìə sê vəyn nə, “O tɔ̂ʼnə̀ è ndzè sɨmse. 18M piə sê ghò səmɔʼ nə, ə̀ tè nyi kə ò pa nyi vayn pɔ, o lafə, ndùə nâʼàpî ghayn kə ò kɔ̀ŋɔ̀. Pîza, ò tə twinə̀, ə ò nə̂ o nɛ̀sə̀ akɔyn kɛke, wùə ə lafsə̂ ghò, ə njiə ndùə è ghò elùʼ, mə ò kɔ̂ŋɔ̀ va.” 19(Njisə̀s tè wàmnə̀ nyi, tyə̂nə̀ èkyì ekwu zɛ ə Pità tə kwuə zəynze, ze pə̂yn èpomsêzè sê Zhə̀fè.) Njisə̀s ə wàmnə̀ nyî, ə fɨnə pîə nə, “Chùmte Mi.”
20Pità ə kə̀mnə̀ naynə̂ ə fe chùmtè zɛ ə Njisə̀s tè ngəsə̂ kɔ̂ŋɔ̀ zâ, è pə̂ ə ghənə epàm, ə nyi kepî vɛ è tè zaʼnə ndùə ə Njisə̀s ewìyn elùʼ ə ezhiəve zâ ə pfɨfə sê vəyn nə, “Pɛ̂, ə̀ nə̀ pəʼlə̂ ndè ghò ə?” 21Pità ə fe zâ ə pfɨfə sê Njisə̀s nə, “Ə wùə vɨnə kwi zaynze ə Pɛ̂?”
22Njisə̀s ə pìə nə, “Ə M za nə è və ndamə kə ndò nâʼà kə m nə kɛse pəyn, ngəʼ zɛ̂zè nyi ghè ətə? Ò kyi ke se chùmtè ə Mi.”
23Ə̀ za nyi eghɛ zɛ ə ze tè nəyn, chùmtè èpàm sə Njisə̀sè e pîə nə, vɨnə mə tə kwuə va. Pîza, Njisə̀s tè paʼà pì nə è tə kwuə va. È tè pi nə, “Ə M za nə è nə ndamə kə ndò nâʼà kə M tə kɛsê pəyn, ə ngəʼ zɛ̂zè ə nyi ghè ətəyn ə?”
24Chùmtè èpàm ə̀ Njisə̀s nə zɨ̂yn ə nyi zɛ ə è tsâ ghɛ nə ghɨ̂yn, ə nyì kepî zə̂yn zɛ ə è tè nyàʼ ghɛ ətəynghe. Ghàs tè ke ndô nə ghɛ zɛ ə è pìə nyì ke səmɔʼ.
Se kwùŋsè
25Ghɛ pa nyi ndò, tsɨ̂ə kə nyî kə̂ Njisə̀s tè nəyn, mə ə fe nyì se nyàʼ ə̀kɨ̂m, èmɔ̀ʼ emɔ̀ʼ, ə mbi zɨ̀yn èkɨ̂m ə ghaʼa kwənə va kə ə ndəm ŋwàʼlè sə ətəynse ətəyn.
Currently Selected:
Njɔyn 21: bfm
Highlight
Share
Copy
Want to have your highlights saved across all your devices? Sign up or sign in
©2022 CABTAL
Njɔyn 21
21
Njisə̀s ə fɨ kwəynsê ə chùmtè èpàm sə vəynse ekyàʼ
1Ə kɛsə̂ pə̂, Njisə̀s ə fɨnə fɨə kwəynsə̂ ə chùmtè èpàm sə vəynse, ə etipì enjwì ə Tàypelyàsè. Ə̀ nyiə nyì kə È tè tyəyn ngɨŋə̂ Vəyn sê ghənə. 2Tuʼ fîfe, Shimuyn Pità, Tɔ̀mɔ̂s vɛ ə tè tɔŋtə̂ nə, (Apɨaʼsè), è Nàtanyèl (ə vɛ ə è tè ndô ə Kanà apàs endaʼ ə Ngalìlîkè), è ghɔ ə Zepɛ̀ndîə, è chùmtè èpàm sə Njisə̀s shîse sepɛ̀, ə zùŋtə̀ luʼve emɔ̀ʼ. 3Shimuyn Pità ə pìə sê ghənə nə, “M səʼə ndûə èko embwɔ̀zè.”
Ghənə ə pə̀ynsə̀ nə, “Ghâsènì nə̀ səʼə kə əmɔʼ.” Ghənə ə pìə za ə ndùə njiə ə ngwùʼ èghaʼâ, pîza tuʼve ə zo ndɔ̀ʼɔ ghənə ko fɨake. 4Zhwize ə piə ze fɨə ndò, Njisə̀s ə pə̀ tyəmə̂ ə etipìə tsô, pîza chùmtè èpàmse ə tàʼa kê nə ə̀ nyi Njisə̀s. 5Njisə̀s ə tɔŋɔ pfɨfə sê ghənə nə, “Ghàyn pâʼà ko fɨake ə soyn Sɨmse?”
Ghənə ə pə̀ynsə̀ nə, “Ə pâʼà ko.”
6È və pìə nə, “Ghàyn maʼ fèlàm faynfe apàs ekɔyn etwɔ ə ngwùʼ èghaʼâvè kə ghàyn ko.” Ghənə ə màʼà ə ko èmbwɔ̀, ve tsɨ̂ə kə nyî, fèlàm fə təynfe e tɨ̂lə̀ ghaʼa ghənə se shìnə ndzɨse ə ngwùʼ.
7Chùmtè èpàm ə̀ Njisə̀s zɛ ə È tè ngəsə̂ kɔ̂ŋɔ̀ zâ, ə pìə sê Pità nə, “Wùə vîə nyì zâ, ə̀ nyi Pɛ̂pɛ!” Ə pə̀ kə Shimuyn Pità zɨ zâ, ə njìə fèpfɨ̂ fə vəynfe ə màʼa ə vəyn ewìyn, (kûmə̀ nə, è tè nyi mə è və chɔʼ ndəm), ə tânə̀ ə tsô. 8Chùmtè sə mɔ̀ʼɔse ə fɨə pə̂ etipìə tsô əfètə̂ ngwùʼ èghaʼâ, shinə̀ pə̂ fèlàm fə embwɔ̀ fɛ. Fèlàm fətəynfe tè nyi mə mbwɔ̀vè ə lwiyn ətəyn. Ndom tè fɨnə tyâfə̀ va se nduə fɨ ə etipîə tsò. Ghaf ətəynke tè kàʼa ə kə nyi sètàm se zaʼâ ewə̀. 9Ghənə ndùə fɨə ə etipîə tsô ə fe tèkyi tewùste è wusve ətəyn. Mbwɔ̀vè tè nyi etu ətəyn è payn ə kwaŋke. 10Njisə̀s ə pìə sê ghənə nə, “Ghàyn pəyn è mbwɔ̀ vîve, əfètə̂ vɛ ə ghàyn kwùʼ ko zâ.”
11Shimuyn Pità ə kɛsə njiə ə ngwùʼ ə shinə̀ pə̀ fèlàm fe mbwɔ̀ fɛ ə etipîə tsò. Mbwɔ̀vè tè tsɨ̂ynte nyi ətəyn ewə̀ è mbwɔ̀vè m̀ghɨm m̀tâyn njòse ta, ghaʼlə̂ kə nyi. Ve tè tsɨ̀ə pî zâ, fèlàm ə tàʼa təynte. 12Njisə̀s ə ke pì sê ghənə nə, “Ghàyn pəyn ə ghâsènì zhi fɨazhiə pɨsə̀pɨsə̀ve.” È tè wàmnə̀ za, nâʼà chùmtè èpam ə vəyn èmɔ̀ʼ ə tàʼa mɔ̀msè se pfɨf nə, “Ə̀ nyi ghô ndè ə?” Kûmə̀ nə ghənə tè se ke nə ə nyi Pɛ̂pɛ. 13Njisə̀s ə ndùə njîə àpayn ə kwaŋ kɛ ə fo sê ghənə, ə fɨnə nə̂ kəpî za è mbwɔ̀ vɛ.
14Njisə̀s tè tyə̀yn ngɨŋ ə vəyn sê chùmtè èpàm sə vəynse elùʼ nə vɨnə mə, nə ə nyi tèshiŋə̀ tèta kə è kɛse zômə̀.
Njisə̀s ə pfɨf nə Pità vɛ ə è kɔ̀ŋɔ̀ zhi ə
15Ə̀ tè nyi kə ghənə zhi mɨ̂sè, Njisə̀s ə tɔŋtə̂ Shimuyn Pità ə pfɨfə sê vəyn nə, “Shimùyn, va Njɔyn, ò ndɨŋə kɔ̀ŋɔ̀ ndò Mi səmɔʼ tsɛ̂ sèchùmtè èpàm sɨ̂nə̀ ə?”
È və pomə ə pìə nə, “Pɛ̂, Ò ke ndô nə m nyîə kɔ̂ŋɔ̀ ghò.”
Njisə̀s ə pìə sê vəyn nə, “Tɔ̀ʼne è ghɔ sendzè ghɨmə.” 16Njisə̀s ə fɨnə pfɨfə sê vəyn nə ə̀ ndu shîŋə̀ tepɛ̀ nə, “Shimùyn, va Njɔyn, ò ndɨŋə kɔ̂ŋɔ̀ ndò Mi səmɔʼ ə?”
È və pomə̂ ə pìə nə, “Pɛ̂, ò ke ndô nə m nyîə kɔ̂ŋɔ̀ ghò.”
Njisə̀s ə pìə sê vəyn nə, “Tɔʼne è ndzè sɨmse.” 17Njisə̀s ə fɨnə tɔŋtə̂ vəyn, nə ə sè nyi tèshiŋə̀ tèta, ə pìə nə, “Shimùyn, Va Njɔyn, ò kɔ̀ŋɔ̀ ndò Mi ə?”
Ghɛ ətəynze e sè fo ngəʼ sê Pità kə Njisə̀s pfɨf nə ndu shîŋə̀ teta nə, “Ò kɔ̀ŋɔ̀ ndò mi ə?” È və ke pì sê Njisə̀s nə, “Ò nyîə ke ə̀ghɛ ə̀kɨ̂m ə Pɛ̂. Ò ke ndô nə m nyîə kɔ̂ŋɔ̀ ghò.”
Njisə̀s ə pìə sê vəyn nə, “O tɔ̂ʼnə̀ è ndzè sɨmse. 18M piə sê ghò səmɔʼ nə, ə̀ tè nyi kə ò pa nyi vayn pɔ, o lafə, ndùə nâʼàpî ghayn kə ò kɔ̀ŋɔ̀. Pîza, ò tə twinə̀, ə ò nə̂ o nɛ̀sə̀ akɔyn kɛke, wùə ə lafsə̂ ghò, ə njiə ndùə è ghò elùʼ, mə ò kɔ̂ŋɔ̀ va.” 19(Njisə̀s tè wàmnə̀ nyi, tyə̂nə̀ èkyì ekwu zɛ ə Pità tə kwuə zəynze, ze pə̂yn èpomsêzè sê Zhə̀fè.) Njisə̀s ə wàmnə̀ nyî, ə fɨnə pîə nə, “Chùmte Mi.”
20Pità ə kə̀mnə̀ naynə̂ ə fe chùmtè zɛ ə Njisə̀s tè ngəsə̂ kɔ̂ŋɔ̀ zâ, è pə̂ ə ghənə epàm, ə nyi kepî vɛ è tè zaʼnə ndùə ə Njisə̀s ewìyn elùʼ ə ezhiəve zâ ə pfɨfə sê vəyn nə, “Pɛ̂, ə̀ nə̀ pəʼlə̂ ndè ghò ə?” 21Pità ə fe zâ ə pfɨfə sê Njisə̀s nə, “Ə wùə vɨnə kwi zaynze ə Pɛ̂?”
22Njisə̀s ə pìə nə, “Ə M za nə è və ndamə kə ndò nâʼà kə m nə kɛse pəyn, ngəʼ zɛ̂zè nyi ghè ətə? Ò kyi ke se chùmtè ə Mi.”
23Ə̀ za nyi eghɛ zɛ ə ze tè nəyn, chùmtè èpàm sə Njisə̀sè e pîə nə, vɨnə mə tə kwuə va. Pîza, Njisə̀s tè paʼà pì nə è tə kwuə va. È tè pi nə, “Ə M za nə è nə ndamə kə ndò nâʼà kə M tə kɛsê pəyn, ə ngəʼ zɛ̂zè ə nyi ghè ətəyn ə?”
24Chùmtè èpàm ə̀ Njisə̀s nə zɨ̂yn ə nyi zɛ ə è tsâ ghɛ nə ghɨ̂yn, ə nyì kepî zə̂yn zɛ ə è tè nyàʼ ghɛ ətəynghe. Ghàs tè ke ndô nə ghɛ zɛ ə è pìə nyì ke səmɔʼ.
Se kwùŋsè
25Ghɛ pa nyi ndò, tsɨ̂ə kə nyî kə̂ Njisə̀s tè nəyn, mə ə fe nyì se nyàʼ ə̀kɨ̂m, èmɔ̀ʼ emɔ̀ʼ, ə mbi zɨ̀yn èkɨ̂m ə ghaʼa kwənə va kə ə ndəm ŋwàʼlè sə ətəynse ətəyn.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2022 CABTAL