Lûk 23
23
Ə ndù è Njisə̀s sê Paylɛ̀t è ve tom vəyn sê fɔ̀yn Ɛlɔ̀t
(Matyò 27.1-2, 11-14; Mâk 15.1-5; Njɔyn 18.28-38)
1Kè sə ashìŋə̀, tsɨ̂ynte ə təynke ə ndwìə kə akɨ̂m ə njìə ndûə è Njisə̀s ə Paylɛ̀t əshi, 2ə zhə̀tə̀ se kwânə̀ vəyn piə nə, “Ghàs ə ko wùə ə vɨ̂yn, e kwîə lesə̂ ə̀ghɨ ghâsènì ghe ndaʼa pîə nə, kə̂ ghənə nə maʼà ŋwàʼlè sê fɔ̀yn e ghaʼa ə Lûm, fɨyn nyi nə ə nyi ke nâʼà zhi vɛ ə chɔʼ ndəm, nə zhi ə nyi fɔ̀yn.”
3Nyi, Paylɛ̀t ə pfɨfə sè vəyn nə, “Ò nyi fɔ̀yn se ghɨə Njûs ə?”
Njisə̀s ə pə̀ynsə̀ piə nə, “E nyi kə za kə ghò pi.”
4Paylɛ̀t ə ke pì se ghɨkɔʼsə nə eshyə̀ ndɛ ètsə̀mə è nɔ̂yn ə ghɨ vɛ ə ve tè nyi fu nə, “M fe va nâʼà eghɛ epi zhize ə wùə vɨ̂nə nəyn.”
5Ghənə e sè kayntə̂ kə əghɛ piə nə, “Zaʼlə ə vəynze pə̂ eno zə əfètəyn endaʼ ə ghɨə Njûszè ke ekɨ̂m, È tè zhə̀te ə Ngalìlî, sè nyi zôyn mə è və pə̀yn fayn.
6Paylɛ̀t ə zɨtə əghɛ nə ghɨyn ə pfɨfə nə, e nyi za mə nyi wùə Ngalìlî ə? 7È və zə nə Njisə̀s fɨə apàs endaʼ ə Elòt ke ə piə nə ə kɔʼ è vəyn sê Elòt kûmə̀ nə e tè nyi ə Njèlusalɛ̀m ə mtuʼ nə mɛ. 8Ɛlɔ̀t ə ndùə fe Njisə̀s sè saŋnə nâʼà àchûŋ kûmə̀ nə e tè nyi mə è və zɨ ghɛ yîghe kûmə̀ vəyn se ndamə kɔ̂ŋə̀ se fe vəyn, kwaʼtə nə è fè vəyn, e mom ghɛ e kayntə zhi, ə zhi fe. 9È və njiə ashîŋə̀ ə pfɨftə̂ əghɛ sê Njisə̀s pîza è və tàʼa pəynse nâʼà emɔ̀ʼ. 10Nə za, ghɨkɔʼsə nə eshyə̀ ə ngaŋtəghe yî tyə̀ynsè sə alàŋsè e tyəm ke fu, kayntə̂ kə əghɛ, ghâmə̀ vəyn. 11Ɛlɔ̀t yî sokə̀ʼsə vəynse e nyâplə̀ e Njisə̀s ə ləʼsə̂ vəyn nyi ə màʼa tàla èchùŋ ə vəyn ewiyn ə kɛse tomə vəyn sê Paylɛ̀t. 12Ə za kè etuʼ vɛ ə Ɛlɔ̀t yî Paylɛ̀t tè kɛse ko esoyn ətəyn kûmə̀ nə ə tè nyi za, ghənə pofə.”
Paylɛ̀t pâʼà fe ghɛ epi zɛ ə Njisə̀s nə̀yn
(Matyò 27.15-26; Mâk 15.6-15; Njɔyn 18.39–19.16)
13Paylɛ̀t ə tɔŋnə̂ ghɨkɔʼsə nə eshyə̀ ndɛ ètsə̀mə è ghɨə chwitə, è ghɨə mɔ̀ʼɔ 14ə piə sê ghənə nə, “Ghàyn fe pəyn e wùə vɨ̂nə, piə sê mi nə, è kyiŋsə əghɨ, nə̂ nə ghɨ nə tɛ e etue. Pîza, piə ghànə fe kə m pfɨfte ghɛ sê vəyn kè nâʼà ə ghàyn əsi ə tàʼa fe eghɛ epi ze ə ghàyn piə nə è və nə̀yn. 15Naʼapi Ɛlɔ̀t pâʼà pɔŋ fe ghɛe kûmə̀ nə è və kɛse tom vəyn sê ghâsènì. E za nyi səmɔʼ nə e pâʼà nəyn ghɛe kə ə zhwi vəyn. 16M nə piə, ə pus kè ndò vəyn, ə za ndu vəyn.” 17Ə tè nyi zâ, ə pə̀ naʼapî ə mtuʼ mə ezaʼatsɛ̂m m̀kè, ghɨə Njûsghè ə chɔʼə wùə ghənə vɛ èkɔ̀ŋ, Paylɛ̀t ə fɨse ə chaʼ.
18Kə e pìə pə̂ nyi, ghənə pɨa kə sə kyə̀ emɔ̀ʼ nə, “E nə fe eghɛ! ghàs kyiŋə nə ə za fɨse ke Pàlapàs.” 19Ə nyi za, mə ə tè ndɔm Pàlapàs nə e nji ə ndɛ ə̀chaʼ kûmə̀ nə e səʼ eno ə tə̀ʼ ə fɨnə zhwi wùə.
20Paylɛ̀t ə fɨnə wâmnə̀ sê ghənə kûmə̀ nə è tè kɔŋə nə ə za Njisə̀s. 21Pîza ghənə ə pɨaytə̂ ndùə kə əsi, piə kə nə, “Ə payntə̂ və awâmnè, ə paynte və awâmnè!”
22È və fɨnə pfɨfə kùmtə̀, nə ə sè nyi teshìŋə̀ teta nə, “Ə nyi nâʼà kûmə̀ ghè? Ghàyn tsayn ghɛ epi zɛ ə wùə vɨ̂nə nəyn. M pâʼà fe ghɛ epi zɛ ə kaʼa ə zhwi vəyn sè təyn. M nə piə, ə pus kè ndò vəyn, ə za ndu.”
23Ghɨ ghɛ ə fɨnə pɨaytə ndùə kə əsi nə, ə paynte və awâmnè. Zə ghaʼə Paylɛ̀t, 24-25è və tənə saʼ ə pomə nə ə paynte Njisə̀s ə za wùə vɛ ə tè ndɔm ə chaʼ kə e səʼ noe endaʼ ə fɨnə zhwiə wùə za, mə e tè kɛ ndo ghɛ zɛ ə ghənə tè kyiŋə.
Ə payntê Njisə̀s awâmnè
(Matyò 27.32-44; Mâk 15.21-32; Njɔyn 19.17-27)
26Ə njìə ndò è vəyn ə piə ndùə ndò ə kwənə e Shimùyn viu endom, ə nyi wùə Silên, mə e ndò ə mfùʼ se kɛsə̂ kwɨlə̂ pə. Ə kyiə vəyn ə fo awâmnè ə Njisə̀skè sè vəyn, ə kàynə̀ nə e pɨaʼa ə è chumte Njisə̀s.
27Ghɨghe ə fɨə nâʼà se tsɨ̀ se ndùə ə vəyn epam paʼsə̂ e zənə, ghe chîə ndùə, ewiyn kûmə̀ vəyn. 28Njisə̀s ə kɛse pə̀ynsə̀ ewiyn ə piə se ghənə nə, “Zənə Njèlusalɛ̂mə̀, kə̂ ghàyn fɨyn chîə mi, ghàyn e pɨlə chîə sèngɨŋ saynse e ghɔyn ghanə. 29Ghàyn ke nə tuʼm̀ se paʼsə̂ pə̂ kə ghɨghe ə piə nə, ‘E pɨl nyi àchûŋ sê zəyn ghɛ ə ghe tàʼa tyəmə̂ piə əghɔyn, ə tàʼa tyəmə nyɔŋsə̂ vayn!’ 30Ghɨghe tə nə ə chîə etuʼ nə ghe, piə se pfɨynse ghaʼlə̂ se nə, ‘Ghàyn pfɨ ə ghàs atu,’ piə se sè tətəse nə, ‘Ghàyn kɨl ghàs.’ 31Ə nyiə kê nyâplə̀ e kaʼ fezɨ̂fe nyiə kə mi, ə tə nəyn nâʼà zàyn è fezomfe ə?”
32Ə tè nyi zâ, e ndùə se zhwiə vəyn yî ghɨ mɔʼɔ ghə pɛ̀, ə nyi əghɨ kə ghe tè kyim saʼte. 33Ə tè nyi kə ə ndû tâyn elùʼ vɛ ə tè tɔŋtə nə ewɔf ə atue, ə payntə̂ vəyn awâmnè fumə ə fɨnə paynte ə ghɨghe ə ghe tè kyim saʼte zâ, ə payntə̂ emɔ̀ʼ awâmnè ə ekɔynzhiəe, ə payntə̂ vəmɔ̀ʼɔ ə ekɔynkôe. 34Njisə̀s ə piə sê Pɨ̀a vəyn nə, “Lɛse fo ghənə ə Pɛ̂, kûmə̀ nə ghənə ke va ghɛ zɛ ə ghənə nə̂.”
Ghənə ə ndə̀mə̀ sendzɨs sə vəynse sè tɨmə pèʼ, nə ə̂ zhi pi nde, ə è nji. 35Ghɛ nə ghɨnə tè kyàynə, ghɨghe tyəm naynə. Naʼapi əghɨə chwitə ə ghənə e chaʼtə kə vəyn, pfɨfə nə, “E vâ sɔ̀zâ zâ ə̀ghɨ, e sɔza ngɨŋə̂ vəyn zôyn, ezhoghɛ e nyi ke nâʼà Klâys vɛ ə Zhə̀fè chɔʼ ndəm!”
36Sokə̀ʼse e pɔŋə nyə̂ʼsə̀ kəpi vəyn, e njiə mlɨ mə m mə̂ tɛ ə ndùə fo sè vəyn 37ə fɨnə pìə sè vəyn nə, “Ə ghò fe nyi ke nâʼà fɔ̀yn əghɨ ə Njûsə̀ səmɔʼ, o sɔ za ngɨŋ zɛ!”
38Ə nyaʼâ kəpi eghɛ apàŋ afɨa ke ə paynte ə və etûə awâmnè nə, “Ə vɨ̂nə nyi Fɔ̀yn əghɨ ə Njûsə̀.”
39Se wùə viu ve ə tè paynte yî ghənə e sôylə̀ vəyn, pìə nə, “Piə ò nyi Klâys, se sɔzà ngɨŋ zɛ̂zè ə sɔ̀zâ ghàs!”
40və mɔʼɔ ə zɔ̀ se vɛ mə ə pfɨfə nə, “Piə e za nyi nə ghò fànə̀ pîva Zhə̀fè ə, ə pɔŋɔ zhwi kəpi ndò ghò nyi, 41ò fɨyn ke kəpi nə ghâsènì kwuə səmɔʼ kûmə̀ əghɛ ə piə kə ə ghâsènì nəyn pîza wùə nə vɨ̂nə kwuə kə səndô.”
42È və wamnə̀ za ə pìə se Njisə̀s nə, “Ò tə piə ò saʼa èfɔ̂yn vɛu, kə̂ ò lɛse mi.”
43Njisə̀s ə pìə sè vəyn nə, “M pìə se ghò səmɔʼ nə, ghasè ghò nə̀ nə̂ ə nyi ke nâʼà endaʼ echûŋə ə Fèzhə̀ ze ndàyn əmɔʼ.”
Njisə̀s ə kwu
(Matyò 27.45-56; Mâk 15.33-41; Njɔyn 19.28-30)
44-45Chwi tè payn tɛ, ke nyi, luʼ tə̂ kɛse fɨmə̀ kə tekɨ̂m ə fɨnə kɛse panə kə ashìŋə̀ ə chwiə sê ta mə zhwi e zə pɔ. Pasə sendzɨs ke ə tè ghaŋse nə ke chayne Ndɛ Ètsə̀mə sə epɨ̀as èpɨ̀a kə pàsə̀ kə fètəyn fètəyn ashìŋə̀ nə ke. 46Njisə̀s ə chîə nâʼà è kyə̀ etɛ ə piə nə, “Pɛ, m fo àzhwìsè kɨmke ə ò gho!” È və wamnə̀ pə̂ nyi ə tɨmə àzhwìsè ə kwûŋsə̀ a.
47Tuə sesokə̀ʼke ə fe ghɛghe ə ghe kyàyn ə tsìtə̀ Fèzhə̀ piə nə, “Səmɔʼ, wùə vɨ̂nə a kyi va pi!”
48Ə tè nyi kə ghɨghe ə ghe pəyn sè fe ghɛ zɛ ə ze kyàyn. Ə fe ə ghɛghe ə ghe kyàyn, ghənə kɛse tɨmnə̂ kwɨlə̂ ndùə mwiyn. 49Ghɛ nə ghɨnə mə tè kyàynə zâ, soynsə vəynse se tyəm nâʼà e aghafa, naynə̂ kə ndo, ghənə ghəmɔ̀ʼɔ e nyi ə̀zəyn ghɛ ə ghe ndò ə Ngalìlî ə pə̂ ə vəyn epàm.
Ə pfɨ̀mə̀ Njisə̀s
(Matyò 27.57-61; Mâk 15.42-47; Njɔyn 19.38-42)
50-51wùə vîvè tè nyi kepî etuʼ nə vɛ, mə tɔŋtə̂ nə Njosɛ̀f, ə nyi wùə ə̀ tɔ̂ŋ ə Njòndyâ zɛ ə tè tɔŋtə nə Àlimàtiyà, ə nyi ke nâʼà wùə èchùŋ, nyi chichi, ndamə lɨmtə kə ashìŋə̀ ke kə̂ Zhə̀fè zɨtə sè saʼə mbi ətəyn. E tè nyi ke nâʼà wùə èmɔ̀ʼ əfètə̂ atsɨ̀ynte ə ghɨə chwitə, pîza ə tàʼa pomə eghɛ zɛ ə fɛte kûmə̀ Njisə̀s ə fɨnə nə̀ sè vəyn. 52Ə paynte mɨ̂sè Njisə̀s, È və ndùə piə sè Paylɛ̀t nə, zɨ kyiŋə sè njìə èpfɨyn ə ə vəyn sè pfɨ̂mə̀. 53Paylɛ̀t ə pomə. È və ndùə tsosə̂ awâmnè ə koytə̂ e mbɛlaŋa, ə ndùə pfɨ̂mə̀ eshyə̀ eghaʼâ zhîze mə ə tsɨ anayn, shyə̂ ətəynze nyi mə ə pâʼà tyəm pfɨ̂mə̀ wùə ətəyn. 54Ə pfɨ̀mə̀ Njisə̀s zâ, e nə̂ èpɨaʼtê nə tuʼ e zo ə zhi tuʼ endaʼve.
55Ə nyi zâ zəyn ghɛ ə ghe tè ndò ə Ngalìlî ə pə̂ ə Njisə̀s epàm zâ ə te chumte Njosɛ̀f ə ndùə fe èshyə̂ eghaʼâzè ə pfɨ̂mə̀ və təyn. 56Ghənə kɛse pə ə pɨaʼtə mngwɨl mɛ lɨ̀mtə̂ tsɔfə̂m se ndùə kɨmnə və ətəyn.
Etuʼ endaʼ ə ghənə və pə̀, ghənə zɨtə ke kə saʼe tè tyə̂nə̀.
Currently Selected:
Lûk 23: bfm
Highlight
Share
Copy
Want to have your highlights saved across all your devices? Sign up or sign in
©2022 CABTAL
Lûk 23
23
Ə ndù è Njisə̀s sê Paylɛ̀t è ve tom vəyn sê fɔ̀yn Ɛlɔ̀t
(Matyò 27.1-2, 11-14; Mâk 15.1-5; Njɔyn 18.28-38)
1Kè sə ashìŋə̀, tsɨ̂ynte ə təynke ə ndwìə kə akɨ̂m ə njìə ndûə è Njisə̀s ə Paylɛ̀t əshi, 2ə zhə̀tə̀ se kwânə̀ vəyn piə nə, “Ghàs ə ko wùə ə vɨ̂yn, e kwîə lesə̂ ə̀ghɨ ghâsènì ghe ndaʼa pîə nə, kə̂ ghənə nə maʼà ŋwàʼlè sê fɔ̀yn e ghaʼa ə Lûm, fɨyn nyi nə ə nyi ke nâʼà zhi vɛ ə chɔʼ ndəm, nə zhi ə nyi fɔ̀yn.”
3Nyi, Paylɛ̀t ə pfɨfə sè vəyn nə, “Ò nyi fɔ̀yn se ghɨə Njûs ə?”
Njisə̀s ə pə̀ynsə̀ piə nə, “E nyi kə za kə ghò pi.”
4Paylɛ̀t ə ke pì se ghɨkɔʼsə nə eshyə̀ ndɛ ètsə̀mə è nɔ̂yn ə ghɨ vɛ ə ve tè nyi fu nə, “M fe va nâʼà eghɛ epi zhize ə wùə vɨ̂nə nəyn.”
5Ghənə e sè kayntə̂ kə əghɛ piə nə, “Zaʼlə ə vəynze pə̂ eno zə əfètəyn endaʼ ə ghɨə Njûszè ke ekɨ̂m, È tè zhə̀te ə Ngalìlî, sè nyi zôyn mə è və pə̀yn fayn.
6Paylɛ̀t ə zɨtə əghɛ nə ghɨyn ə pfɨfə nə, e nyi za mə nyi wùə Ngalìlî ə? 7È və zə nə Njisə̀s fɨə apàs endaʼ ə Elòt ke ə piə nə ə kɔʼ è vəyn sê Elòt kûmə̀ nə e tè nyi ə Njèlusalɛ̀m ə mtuʼ nə mɛ. 8Ɛlɔ̀t ə ndùə fe Njisə̀s sè saŋnə nâʼà àchûŋ kûmə̀ nə e tè nyi mə è və zɨ ghɛ yîghe kûmə̀ vəyn se ndamə kɔ̂ŋə̀ se fe vəyn, kwaʼtə nə è fè vəyn, e mom ghɛ e kayntə zhi, ə zhi fe. 9È və njiə ashîŋə̀ ə pfɨftə̂ əghɛ sê Njisə̀s pîza è və tàʼa pəynse nâʼà emɔ̀ʼ. 10Nə za, ghɨkɔʼsə nə eshyə̀ ə ngaŋtəghe yî tyə̀ynsè sə alàŋsè e tyəm ke fu, kayntə̂ kə əghɛ, ghâmə̀ vəyn. 11Ɛlɔ̀t yî sokə̀ʼsə vəynse e nyâplə̀ e Njisə̀s ə ləʼsə̂ vəyn nyi ə màʼa tàla èchùŋ ə vəyn ewiyn ə kɛse tomə vəyn sê Paylɛ̀t. 12Ə za kè etuʼ vɛ ə Ɛlɔ̀t yî Paylɛ̀t tè kɛse ko esoyn ətəyn kûmə̀ nə ə tè nyi za, ghənə pofə.”
Paylɛ̀t pâʼà fe ghɛ epi zɛ ə Njisə̀s nə̀yn
(Matyò 27.15-26; Mâk 15.6-15; Njɔyn 18.39–19.16)
13Paylɛ̀t ə tɔŋnə̂ ghɨkɔʼsə nə eshyə̀ ndɛ ètsə̀mə è ghɨə chwitə, è ghɨə mɔ̀ʼɔ 14ə piə sê ghənə nə, “Ghàyn fe pəyn e wùə vɨ̂nə, piə sê mi nə, è kyiŋsə əghɨ, nə̂ nə ghɨ nə tɛ e etue. Pîza, piə ghànə fe kə m pfɨfte ghɛ sê vəyn kè nâʼà ə ghàyn əsi ə tàʼa fe eghɛ epi ze ə ghàyn piə nə è və nə̀yn. 15Naʼapi Ɛlɔ̀t pâʼà pɔŋ fe ghɛe kûmə̀ nə è və kɛse tom vəyn sê ghâsènì. E za nyi səmɔʼ nə e pâʼà nəyn ghɛe kə ə zhwi vəyn. 16M nə piə, ə pus kè ndò vəyn, ə za ndu vəyn.” 17Ə tè nyi zâ, ə pə̀ naʼapî ə mtuʼ mə ezaʼatsɛ̂m m̀kè, ghɨə Njûsghè ə chɔʼə wùə ghənə vɛ èkɔ̀ŋ, Paylɛ̀t ə fɨse ə chaʼ.
18Kə e pìə pə̂ nyi, ghənə pɨa kə sə kyə̀ emɔ̀ʼ nə, “E nə fe eghɛ! ghàs kyiŋə nə ə za fɨse ke Pàlapàs.” 19Ə nyi za, mə ə tè ndɔm Pàlapàs nə e nji ə ndɛ ə̀chaʼ kûmə̀ nə e səʼ eno ə tə̀ʼ ə fɨnə zhwi wùə.
20Paylɛ̀t ə fɨnə wâmnə̀ sê ghənə kûmə̀ nə è tè kɔŋə nə ə za Njisə̀s. 21Pîza ghənə ə pɨaytə̂ ndùə kə əsi, piə kə nə, “Ə payntə̂ və awâmnè, ə paynte və awâmnè!”
22È və fɨnə pfɨfə kùmtə̀, nə ə sè nyi teshìŋə̀ teta nə, “Ə nyi nâʼà kûmə̀ ghè? Ghàyn tsayn ghɛ epi zɛ ə wùə vɨ̂nə nəyn. M pâʼà fe ghɛ epi zɛ ə kaʼa ə zhwi vəyn sè təyn. M nə piə, ə pus kè ndò vəyn, ə za ndu.”
23Ghɨ ghɛ ə fɨnə pɨaytə ndùə kə əsi nə, ə paynte və awâmnè. Zə ghaʼə Paylɛ̀t, 24-25è və tənə saʼ ə pomə nə ə paynte Njisə̀s ə za wùə vɛ ə tè ndɔm ə chaʼ kə e səʼ noe endaʼ ə fɨnə zhwiə wùə za, mə e tè kɛ ndo ghɛ zɛ ə ghənə tè kyiŋə.
Ə payntê Njisə̀s awâmnè
(Matyò 27.32-44; Mâk 15.21-32; Njɔyn 19.17-27)
26Ə njìə ndò è vəyn ə piə ndùə ndò ə kwənə e Shimùyn viu endom, ə nyi wùə Silên, mə e ndò ə mfùʼ se kɛsə̂ kwɨlə̂ pə. Ə kyiə vəyn ə fo awâmnè ə Njisə̀skè sè vəyn, ə kàynə̀ nə e pɨaʼa ə è chumte Njisə̀s.
27Ghɨghe ə fɨə nâʼà se tsɨ̀ se ndùə ə vəyn epam paʼsə̂ e zənə, ghe chîə ndùə, ewiyn kûmə̀ vəyn. 28Njisə̀s ə kɛse pə̀ynsə̀ ewiyn ə piə se ghənə nə, “Zənə Njèlusalɛ̂mə̀, kə̂ ghàyn fɨyn chîə mi, ghàyn e pɨlə chîə sèngɨŋ saynse e ghɔyn ghanə. 29Ghàyn ke nə tuʼm̀ se paʼsə̂ pə̂ kə ghɨghe ə piə nə, ‘E pɨl nyi àchûŋ sê zəyn ghɛ ə ghe tàʼa tyəmə̂ piə əghɔyn, ə tàʼa tyəmə nyɔŋsə̂ vayn!’ 30Ghɨghe tə nə ə chîə etuʼ nə ghe, piə se pfɨynse ghaʼlə̂ se nə, ‘Ghàyn pfɨ ə ghàs atu,’ piə se sè tətəse nə, ‘Ghàyn kɨl ghàs.’ 31Ə nyiə kê nyâplə̀ e kaʼ fezɨ̂fe nyiə kə mi, ə tə nəyn nâʼà zàyn è fezomfe ə?”
32Ə tè nyi zâ, e ndùə se zhwiə vəyn yî ghɨ mɔʼɔ ghə pɛ̀, ə nyi əghɨ kə ghe tè kyim saʼte. 33Ə tè nyi kə ə ndû tâyn elùʼ vɛ ə tè tɔŋtə nə ewɔf ə atue, ə payntə̂ vəyn awâmnè fumə ə fɨnə paynte ə ghɨghe ə ghe tè kyim saʼte zâ, ə payntə̂ emɔ̀ʼ awâmnè ə ekɔynzhiəe, ə payntə̂ vəmɔ̀ʼɔ ə ekɔynkôe. 34Njisə̀s ə piə sê Pɨ̀a vəyn nə, “Lɛse fo ghənə ə Pɛ̂, kûmə̀ nə ghənə ke va ghɛ zɛ ə ghənə nə̂.”
Ghənə ə ndə̀mə̀ sendzɨs sə vəynse sè tɨmə pèʼ, nə ə̂ zhi pi nde, ə è nji. 35Ghɛ nə ghɨnə tè kyàynə, ghɨghe tyəm naynə. Naʼapi əghɨə chwitə ə ghənə e chaʼtə kə vəyn, pfɨfə nə, “E vâ sɔ̀zâ zâ ə̀ghɨ, e sɔza ngɨŋə̂ vəyn zôyn, ezhoghɛ e nyi ke nâʼà Klâys vɛ ə Zhə̀fè chɔʼ ndəm!”
36Sokə̀ʼse e pɔŋə nyə̂ʼsə̀ kəpi vəyn, e njiə mlɨ mə m mə̂ tɛ ə ndùə fo sè vəyn 37ə fɨnə pìə sè vəyn nə, “Ə ghò fe nyi ke nâʼà fɔ̀yn əghɨ ə Njûsə̀ səmɔʼ, o sɔ za ngɨŋ zɛ!”
38Ə nyaʼâ kəpi eghɛ apàŋ afɨa ke ə paynte ə və etûə awâmnè nə, “Ə vɨ̂nə nyi Fɔ̀yn əghɨ ə Njûsə̀.”
39Se wùə viu ve ə tè paynte yî ghənə e sôylə̀ vəyn, pìə nə, “Piə ò nyi Klâys, se sɔzà ngɨŋ zɛ̂zè ə sɔ̀zâ ghàs!”
40və mɔʼɔ ə zɔ̀ se vɛ mə ə pfɨfə nə, “Piə e za nyi nə ghò fànə̀ pîva Zhə̀fè ə, ə pɔŋɔ zhwi kəpi ndò ghò nyi, 41ò fɨyn ke kəpi nə ghâsènì kwuə səmɔʼ kûmə̀ əghɛ ə piə kə ə ghâsènì nəyn pîza wùə nə vɨ̂nə kwuə kə səndô.”
42È və wamnə̀ za ə pìə se Njisə̀s nə, “Ò tə piə ò saʼa èfɔ̂yn vɛu, kə̂ ò lɛse mi.”
43Njisə̀s ə pìə sè vəyn nə, “M pìə se ghò səmɔʼ nə, ghasè ghò nə̀ nə̂ ə nyi ke nâʼà endaʼ echûŋə ə Fèzhə̀ ze ndàyn əmɔʼ.”
Njisə̀s ə kwu
(Matyò 27.45-56; Mâk 15.33-41; Njɔyn 19.28-30)
44-45Chwi tè payn tɛ, ke nyi, luʼ tə̂ kɛse fɨmə̀ kə tekɨ̂m ə fɨnə kɛse panə kə ashìŋə̀ ə chwiə sê ta mə zhwi e zə pɔ. Pasə sendzɨs ke ə tè ghaŋse nə ke chayne Ndɛ Ètsə̀mə sə epɨ̀as èpɨ̀a kə pàsə̀ kə fètəyn fètəyn ashìŋə̀ nə ke. 46Njisə̀s ə chîə nâʼà è kyə̀ etɛ ə piə nə, “Pɛ, m fo àzhwìsè kɨmke ə ò gho!” È və wamnə̀ pə̂ nyi ə tɨmə àzhwìsè ə kwûŋsə̀ a.
47Tuə sesokə̀ʼke ə fe ghɛghe ə ghe kyàyn ə tsìtə̀ Fèzhə̀ piə nə, “Səmɔʼ, wùə vɨ̂nə a kyi va pi!”
48Ə tè nyi kə ghɨghe ə ghe pəyn sè fe ghɛ zɛ ə ze kyàyn. Ə fe ə ghɛghe ə ghe kyàyn, ghənə kɛse tɨmnə̂ kwɨlə̂ ndùə mwiyn. 49Ghɛ nə ghɨnə mə tè kyàynə zâ, soynsə vəynse se tyəm nâʼà e aghafa, naynə̂ kə ndo, ghənə ghəmɔ̀ʼɔ e nyi ə̀zəyn ghɛ ə ghe ndò ə Ngalìlî ə pə̂ ə vəyn epàm.
Ə pfɨ̀mə̀ Njisə̀s
(Matyò 27.57-61; Mâk 15.42-47; Njɔyn 19.38-42)
50-51wùə vîvè tè nyi kepî etuʼ nə vɛ, mə tɔŋtə̂ nə Njosɛ̀f, ə nyi wùə ə̀ tɔ̂ŋ ə Njòndyâ zɛ ə tè tɔŋtə nə Àlimàtiyà, ə nyi ke nâʼà wùə èchùŋ, nyi chichi, ndamə lɨmtə kə ashìŋə̀ ke kə̂ Zhə̀fè zɨtə sè saʼə mbi ətəyn. E tè nyi ke nâʼà wùə èmɔ̀ʼ əfètə̂ atsɨ̀ynte ə ghɨə chwitə, pîza ə tàʼa pomə eghɛ zɛ ə fɛte kûmə̀ Njisə̀s ə fɨnə nə̀ sè vəyn. 52Ə paynte mɨ̂sè Njisə̀s, È və ndùə piə sè Paylɛ̀t nə, zɨ kyiŋə sè njìə èpfɨyn ə ə vəyn sè pfɨ̂mə̀. 53Paylɛ̀t ə pomə. È və ndùə tsosə̂ awâmnè ə koytə̂ e mbɛlaŋa, ə ndùə pfɨ̂mə̀ eshyə̀ eghaʼâ zhîze mə ə tsɨ anayn, shyə̂ ətəynze nyi mə ə pâʼà tyəm pfɨ̂mə̀ wùə ətəyn. 54Ə pfɨ̀mə̀ Njisə̀s zâ, e nə̂ èpɨaʼtê nə tuʼ e zo ə zhi tuʼ endaʼve.
55Ə nyi zâ zəyn ghɛ ə ghe tè ndò ə Ngalìlî ə pə̂ ə Njisə̀s epàm zâ ə te chumte Njosɛ̀f ə ndùə fe èshyə̂ eghaʼâzè ə pfɨ̂mə̀ və təyn. 56Ghənə kɛse pə ə pɨaʼtə mngwɨl mɛ lɨ̀mtə̂ tsɔfə̂m se ndùə kɨmnə və ətəyn.
Etuʼ endaʼ ə ghənə və pə̀, ghənə zɨtə ke kə saʼe tè tyə̂nə̀.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2022 CABTAL