Lukàrzɛ̀ 11
11
Hwèyòkòwèlì lì hvòmɛ̀nɛ̀ màkanɛ̀
(Mat 6.9-13; 7.7-11)
1Wùnyà wɔ̀kɔ, Yerzù à mà hwɛ èki ò lì kanɛ̀. Nà òmà a mà kulɛ lìŋgi lì kanɛ̀, rzìi mòòkòwèlì wà èni mɔ̀kɔ a mò òhweyà nanù ema, “Rzàŋgò e, ò jò òkòlɛ̀ nɛ ì hwɛnì lì kanɛ̀, nà òmà Yòwanìrzɛ̀ mɔ̀ hvɛ a mà òkòlɛ̀ hwà-òkòwèlì wa eni.” 2Yerzù à mà hwa òhweyà nanù ema, “È àrzà tɛ lì kanɛ̀ e òhwe nanù èma,
‘Ìi Tatɛ̀, inyɛ lìinà la aŋgɔ̀ lì lòkɛ̀hwɛ̀.
Inyɛ̀ lìkànèyà la aŋgɔ̀ lì jèe.
3O jò ŋgbe lì làa la arzu la wùnyà tɛ.
4O jò làkìrzɛ̀ wòhwe wò arzu,
nà òmà irzɔ hvɛ ì làkìrzɛ̀ wòhwe wò hwaŋga ema hwa jò gbeyànà wòhwe,
O rzì emeyà nanù ema, ì kpèeyà ò màkèkìrzɛ̀nɛ̀.’”
5Yerzù rzìi a hwa òhweyà nanù ema, “È hwèlì tɛ ema mɔ̀kɔ wà ànyu à òhvì mbunda, rzìi ò mò ɛ̀ndeya ò ìtììtènì jà wuu ò ndawò yà èni, rzìi ò mò òhweyà nanù ema, ‘Ŋmàyi kòkò ò nò hwalɛ hwèhvòòtò hweyàwò, 6nà ò rzòrzòmelì nà lùu ŋmɛ̀ni à uwɛ̀lɛ̀lɛ̀yi hvòòhvò, mbunda wà amì wà mèrzìrza. O rzà ènje tɔ̀ yòmà ò ndawò ò lì mò ŋgbà.’ 7Oŋgò mbunda wà aŋgɔ̀ rzìi a wà alàhwɛ̀ ò ndawò nanù ema, ‘Ò rza nò kàyìrzɛ̀. Nà mà màa lì umba lìyòhva la ami, ìmba nà hwàanà hwa amì ì ma màa lì nàŋgà. O èŋgànɛ̀lɛ̀ nà rza tanɛ̀ lì tɛ̀mɛ̀ ò lì ò ŋgbà tɔ̀ yòmà.’ 8Nà è òhweyà nà è jɔ̀kɛ̀ ema rzèketɛ è mbunda yà aŋgɔ̀ nà mɔ̀ ndì è gbeyà a tɛ̀mɛ̀nɛ ò lìnɔ̀ŋgɔ̀. Ndi lì nina ò mò nina ndi lì mò gbeyà a tɛ̀mɛ̀ ò lìnɔ̀ŋgɔ̀ ndeŋgàna à ò ŋgba mamɛ ema ò arza.” 9Nà è òhweyà nanù ema, “Ijòwa Lohwɛ̀, a ò ŋgbà. O arze, Lohwɛ̀ a gbeyà ò e ɛnɛ, ò kumbe lìyòhva, Lohwɛ̀ ò e lìhvòweya e lɔ. 10Èhwanja tɔ̀ njɛnɛ ema a ijòwi Lohwɛ̀, à è lùwà. Òŋgò hvɛ ema à àrza yòma, à è ɛnɛ̀. È mɔ̀ hvɛ ema à kùmbi lìyòhva, Lohwɛ̀ à mò lìhvòweyà è lɔ. 11Ima rzàŋgò ema e ŋmanà a mò arzanì tɛ nyàmà yà màlìhwa rzìi a mò ŋgbà ndi ŋgbààhwà e? 12Tɔ̀ è ŋmanà à ijòwi tɛ ŋmèyò mò wuhwà rzìi à mò ŋgbà ndi lìwòhwɛ̀ là mèhvèndò e? 13Hwatò hwa wòhwe nàa inyɔ è ŋgbà tɛ hwàànà hwa anyu hwema hwe gbamù, ŋgèlì iti nà Tatɛ̀ wà ànyu ema a hwèlì ò ŋmanyu yà Lohwà. Nɛ a rzà ŋgbà Èlìŋgɛ̀ yà Wòtani ò hwatò ema hwa mò ijòwi e?”
Yerzù à rza enje mɔ̀kɔ nà e kiŋgɛ̀ yà hwèlìŋgɛ̀ hwe wòhwe
(Mat 12.22-30; Mak 3.20-27)
14Wùnya wɔ̀kɔ, Yerzù à mà ulɛ̀ èlìŋgɛ̀ ya wòhwe ò nyò yà mòtò ema e mà tìmbìrzɛ̀ mbùke. È hvònda ema èŋge èlìŋgɛ̀ ya wòhwe e mà ànjiye òŋgò mòtò, rzìi a wòteyà lì òhwa. Ènè eyà e mà tàmìrzɛ̀ è ŋgìndì ya àrzɛ. 15Ndi lòŋgò la hwatò hwa mà òhwa nanù ema, “À gbeyànà ndi è wònjà yà ama Bɛ̀lrzɛ̀bùlì è Kiŋgɛ̀ yà hwèlìŋgɛ̀ hwe wòhwe ò lì hvayànà hwèlìŋgɛ̀ hwe wòhwe.” 16Hwahvɛhvɛ hwatò wɔ̀ hvɛ hwa mà àrza lì mò kèkìrzɛ ema, a hwa uŋmɛ̀lɛ̀ eèmbànèlì ò ŋmanyu yà Lohwà. 17Ndi Yerzù à mà hwiya mɔ̀ŋgɛ̀lɛ̀ mà awu, rzìi à hwa òhweyà nanù ema, “Tɔ̀ ima èkòmè ema è akahwanɛ ema è rzà òhwa eyà yɔ̀kɔ, è hwenì ndi lì hvaŋgeyà. Lìtumba hvɛ ema lì rza ahweyànɛlɛ lɔ̀ hvɛ lì hwɛnì lì wùhweyà. 18Èkòmè yà ama Mòkarzɛ̀ lì akahwanɛ tɛ, nɛ lì tànɛyi ò lì tɛ̀mɛ̀ e? Nà òhwi ndi nanù, èhwanja è òhwi nanù ema nà gbeyànà ndi è ŋginyà yà ama Bɛ̀lrzɛ̀bùlì, ò lì hvayànà hwèlìŋgɛ̀ hwe wòhwe ò hwatò. 19È hwèlì tɛ ema è ŋginyà yà ama Bɛ̀lrzɛ̀bùlì ndi nà gbeyàna, ò lì hvayà hwèlìŋgɛ̀ hwe wòhwe ò hwatò, è ŋginyà yà ama njɛnɛ hvɛ ema hwatò hwa anyu hwa gbeyàna ò lì hvayànà hwèlìŋgɛ̀ hwe wòhwe e? Wɔ̀ ndi hwa è gbeyà e tuwa ŋmaŋgò. 20Ndi nà òmà na gbeyàna ndi è ŋginyà yà ama Lohwɛ̀ ò lì hvayànà hwèlìŋgɛ̀ hwe wòhwe, e uŋmɛ̀lɛ̀ ema Lìkànèyà là ama Lohwɛ̀ lì ma è jèeyà. 21Mòtò ema à imbami a àkpatɛ tɛ, ò lì ɔ̀ŋgeyà èwòka ya eni, tɔ̀ erzàŋgò yà eni, à rza ɛ̀ndɛ tɔ̀ èki. 22Ndi è mɔ̀ ema à imbami lì mò akà, à mò urzuhwèlì tɛ, rzìi a mò lùwa rzìhwɛ, à mò wòwànà hwɛ̀ɛ̀kɛ̀ hweni hwe njùma. À ɛ̀ndɛ̀ lì hwàà hwèŋge hwemà ema a mò wòwanì.” 23“Tɔ̀ ima mɔ̀ ema a rza enje na imba òma a nò teŋgɛ̀nɛ̀yi, tɔ̀ è mɔ̀ hvɛ ema a rza nò òŋgòwànà ò lì rzàŋga, òma a hwèlì ndi ò lì bùulɛ.
Èlìŋgɛ̀ yà wòhwe e timbelì tɛ mòtò ò nyò
(Mat 12.43-45)
24“Èlìŋgɛ̀ ya wòhwe e wurzi tɛ̀ mòtò ò nyò, ya amàmìyɛ̀nɛ̀ɛ ndi ò mòrzanjɛ̀ ò lì àrza èki ema ya Arzìyòlɛ̀. È rzà lù tɛ èki, e àwòhwànɛ̀lɛ̀ yɔ yiti nanù ema, ‘Nà tìmbà hvɛ ò èŋge ndawò mɛnɛ ema nà mà hwɛ.’ 25È tìmbi tɛ, e ùŋmànɛ̀lɛ̀ èŋge ndawò è rzàŋgi nà lì rzeyàhwɛlɛ. 26Èŋge èlìŋgɛ̀ e ɛ̀ndɛ̀ ò lì jànà hwehvɛhvɛ hwèlìŋgɛ̀ hwe wòhwe lìrzambà, ema hwe hwèlì wòhwe lì mò àka, rzìi hwe jà ò lì kpèeyà òŋgò mòtò, rzìi hwe arzɛ̀kɛ̀lɛ̀ aŋga. Lìŋgi lìrzàkò rzɔ, òŋgò mòtò a hwɛ wòhwe lì aka mamɛ à mà lòme lì hwɛ.”
Malìŋgò ma è jɔ̀kɛ̀
27Èŋge hvònda ema Yerzù a mà kulɛ̀ lì òhwà nanù, mòlanà mɔ̀kɔ ema à mà hwɛ ò ìtììtènì ja hwatò rzìi a òhwa nà lìlò lì karzami nanù ema, “Mònàmɛ̀ mò hwɛ nà lùùŋgà ema lì ò ŋya, nà mahwɛ hvɛ ema mà ò nyɔ̀ŋgìrzɛ.” 28Yerzù rzìi a mò alàhwɛ̀ nanù ema, “Mònàmɛ̀ mò hwɛ ndi nà hwaŋga ema hwa hweyà Eyà ya Lohwà, rzìi hwa gbeyà nà òmà ya òhwì.”
Hwatò hwa ène nyɔ̀ŋgɔ̀nì hwa àrza ndi emɛ̀nɛ̀nì
(Mat 12.38-42)
29Èŋge hvònda ema è ŋgìndì e mà kòke, aŋga ndi Yerzù, à hwa òhweyà nanù ema, “Ène nyɔ̀ŋgɔ̀nì yà hwatò è hwèlì ndi nyɔ̀ŋgɔ̀nì yà wòhwe. È àrza ndi lì ɛnɛ̀ mànyàkà mà amà Lohwɛ̀. Ndi hwa rza ò ma lùwa, lì akà tɛ èmɛ̀nɛ̀nì ya mànyakà mà ama Jona. 30Nà òmà Jona a mà hwɛ emɛ̀nɛ̀nì ya hwatò hwa Nìnìhvɛ̀, nanù hvɛ ndi è Ŋmanà wà e Mòtò wà Hwènàmà mɔ̀ hvɛ a ò hwɛ nàa ène nyɔ̀ŋgɔ̀nì yà hwatò. 31O wùnyà wò hwèkàyìrzèlì è mòkànèlì wa mòlanà ema à ma hwɛ lìkànèyà èkòmè ya Rzebà mɔ̀ hvɛ à ò hvùmùwà ò rzɔ̀ŋgɔ̀ nà ène nyɔ̀ŋgɔ̀nì yà hwatò ò wùnyà wò hwèkàyìrzèlì. A ò tɛ̀mɛ̀ mbòŋgi ema e ò gbeyà ema hwa tuwe ŋmàŋgò. Hwa ò tuwa ŋmàŋgò èhwanja a uwɛ̀lɛ̀lɛ̀yi èki hvòòhvò ò lì òkànèyà hweyà hwe lìhwiyè ema Rzòlòmɔ̀nì à mà hwɛ lì òkòlɛ̀. Ndi yàwònò, ò hwèlì mòtò mɔ̀kɔ ema à akàyì Rzòlòmɔ̀nì. 32O wùnyà wò hwèkàyìrzèlì, hwatò hwa Nìnìhvɛ̀ hwa ò hvùmùwà ò rzɔ̀ŋgɔ̀ nà ène nyɔ̀ŋgɔ̀nì yà hwatò. Hwa ò tɛ̀mɛ̀ mbòŋgi ema è gbeyà ène nyɔ̀ŋgɔ̀nì yà hwatò è tuwà ŋmàŋgò èhwanja hwatò hwa Nìnìhvɛ̀ hwà mà rzɔ̀njɛlɛ wòhwe wò awu è hvònda Jona a mà hwɛ lì hwa òhweyà Eyà ya Lohwà, ndi na òhweya nanù ema mòtò a hwèlì anu naŋgɛ ema à akayi Jona.
Ètùlù yà mòtò wà hwènàmà hwe nyò
(Mat 5.15; 6.22-23)
33“Mòtò à rza tanɛ̀ lì hvààlɛ̀ ètùlù rzìi a e uta, tɔ̀ lì e utà ò rze ya èwòkì. À e ikà ndi ò mbòkò ema ètùlù e tɛ̀mɛ̀ ò lì arza nanù ema tɔ̀ njɛnɛ ema a kpèeyà ò ndawò, a ɛnɛ ŋmàye mò èŋge ètùlù. 34Mììrzɔ̀ ma aŋgɔ̀ ma hwèlì ndi nàa ètùlù ya è nyò yà aŋgɔ̀. Mììrzɔ̀ ma aŋgɔ̀ ma hwèlì tɛ gbamù, è nyò yà aŋgɔ̀ ya àrzɛ è òndà na ŋmàye. Mììrzɔ̀ ma aŋgɔ ma rzà ɛnɛ tɛ, è nyò yà aŋgɔ̀ ya àrzɛ è òndà jìtìtì. 35O aŋgòhweyà rzɔ nanù ema ŋmàye mò aŋgɔ mò nyò mò rzì tìmba jìtìtì. 36È hwèlì tɛ ema è nyò yà aŋgɔ̀ ya àrzɛ, è òndì ŋmàye, e rzi hwɛ ema tɔ̀ ènàmà ya aŋgɔ̀ yɔ̀kɔ e hwèlì ò jìtìtì, è nyò ya àrzɛ è hvàyeyà nàa ètùlù ndi e hvànyeyà hvànye-hvànye.”
Yerzù à mà lòmeya hwà-òkòlèlì hwa mbenda nà ì Hvàlìrzàyì
(Mat 23.1-36; Mak 12.38-40)
37È hvònda ema Yerzù a mà hwɛ lì òhwà rzì hvàlìrzàyì hvɔ̀kɔ e mò yòhwɛ ema a jèe a lee ò ndawò yà èni. 38À mà ɛ̀ndɛ nà mɔ̀, rzìi hwa lìya ò tehwèlì. Èŋge Hvalìrzàyì è mà tàmà ò lì ɛnɛ̀ ema Yerzù à wòtelì lì làa e rzì hwɛ lì àtùtɛ̀ màà. 39Aŋga ndi e Rzàŋgò è mà mò òhweyà nanù ema, “Inyɔ Ihvalìrzàyì, è rzaŋgìrzɛ̀ e mburzà ya lìwònde na mɔ̀njɔ̀ mò anyù ndi ò tenì ya anyu, lì lùmba la hwèèmà na wòhwe wò è òndì ò mèèmà me anyu. 40Inyɔ ndɔ̀ki ja hwatò! È mòtò ema à hwèki è mburzà, rzèke mɔ̀ hvɛ ndi à hwèki è tenì e? 41Ndi inyɔ è wòwe hwèèmà ema hwe hwèlì ò tenì yà luku la mɔ̀njɔ̀, e ŋgbè mèlìrzà me hwatò, aŋga ndi hwèèmà hwe anyu hwe àrzɛ hwe rzàŋga.
42“Èwòma na inyɔ Ihvàlìrzàyì! È ŋgbà Lohwɛ̀ lòŋgò lɔ̀kɔ la lìyòmɛ̀, màrzèhvu, e ndòwu nà hwenɛyi hwèwùlè hwe àrzɛ. Ndi è rza àrza lì uŋmɛ̀lɛ̀ mèèmà me gbamù nà è ndìŋgɛ yà ama Lohwɛ̀. È hwɛnì lì gbeyà hwenè hweyà hwe àrzɛ e rzì hwɛ lì lìyà hwenɛ̀yi.
43“Èwòma na inyɔ Ihvàlìrzàyì! È lìŋgàni lì lìya ò mbòkò ja hwèluhwe ò ndawò ja màkanɛ̀. È lìŋgàni hvɛ ìikɔ̀mi ja hwèluhwe ò hwèlùwà. 44Èwòma na inyɔ! È gbèe ndi nàa ì rzɔ̀ŋgɔ̀, ema ì rza òhvɛ màyembelì ema hwatò hwa akeyà, hwa rzà ja emba.”
45Mòòkòlèlì mɔ̀kɔ wà mbenda, rzì a mò òhweyà nanù ema, “Mòòkòlèlì, ò òhwa tɛ nanù, ò ma ò jò hwɛnyi irzɔ hvɛ.” 46Yerzù rzìi a mò tìmbirzɛlɛlɛ nanù ema, “Èwòma na inyɔ hvɛ hwà-òkòlèlì hwa mbenda! È ihwàlɛ̀ hwatò miyuuna ema me lìti lì hwa aka, ndi tɔ̀ inyɔ hwìti è rza tòmbirzɛ tɔ̀ lìya lɔ̀kɔ, ò lì hwa òŋgòwànà. 47Èwòma nà inyɔ! Èhwanja hwà-òhwèlì hwa hwèlìŋgɛ̀ ema irzàŋgo ja anyu ì ma òŋwe, è hwèlì e hwa òŋgeyà ìrzɔ̀ŋgɔ̀ ja awu. 48È hwɛ mbòŋgi nà lì imanɛ̀lɛ nanù ema irzàŋgo jà anyu ima gbeyà gbamù ò lì òŋwa hwà-òhwèlì hwa hwèlìŋgɛ̀. Inyɔ hvɛ ndi e hwa òŋgelì irzɔ̀ŋgɔ̀ ja awu. 49Nànù ndeŋgàtɛ Lohwɛ̀ ò lìhwiyè la eni à mà òhwa nanù ema, ‘Nà hwa òmeyà hwà-òhwèlì hwa ami hwa hwèlìŋgɛ̀, nà i àpɔ̀rzìtòlò. Hwa hwɛnì lì òŋwà lòŋgò la hwaŋga hwatò. Lòŋgò hvɛ hwa takìrzɛ̀hwɛ.’ 50Ène ŋgàna è gbèyi ema, ène nyɔ̀ŋgɔ̀nì yò ò kɔ̀kìrzɛ̀hwɛ̀ ò nyòla màyija ma hwà-òhwèlì hwa hwèlìŋgɛ̀ hwa àrzɛ ema màyija ma awu ma mà rzòweyà ò hwèwòtelì hwe ène rze. 51Lìwòteya nà màyija mà amà Abɛ̀lì natɛ̀ɛ nà è màa ama Rzàkàriyà ema à mà òŋwahwa ò ìtììtènì ja lììyɔ̀ là màkanɛ̀ nà ò èki yà Wòtani. Nà è òhweyà è jɔ̀kɛ̀ ema ène nyɔ̀ŋgɔ̀nì ndi è kɔ̀kìrzɛ̀hwɛ̀ ò nyòla hwenè hweyà hwe àrzɛ.
52“Èwòma nà inyɔ hwà-òkòlèlì hwa mbenda! Inyɔ è ùti hwèlìhvòwànì hwe lìyòhva la è ndawò yà lìhwiyè. È rza àrza lì kpèeyà, è rza emeyà hwahvɛhvɛ hwatò hwa kpèeyà.”
53Nà òmà Yerzù a mà ànjiye èŋge èki, hwà-òkòlèlì hwa mbenda nà Ihvàlìrzàyì hwa mà mò tèŋgɛnɛ ŋginyà rzìi hwa mò ijòwa rzayì-rzayì ja mìijòwelì. 54Hwa mà hwɛ lì mò rzɔ̀rzɛlɛ mène mìijòwelì nanù, ò lì mò lùwàna lùrze.
Currently Selected:
Lukàrzɛ̀ 11: bri
Highlight
Share
Copy
Want to have your highlights saved across all your devices? Sign up or sign in
© 2022, CABTAL
Lukàrzɛ̀ 11
11
Hwèyòkòwèlì lì hvòmɛ̀nɛ̀ màkanɛ̀
(Mat 6.9-13; 7.7-11)
1Wùnyà wɔ̀kɔ, Yerzù à mà hwɛ èki ò lì kanɛ̀. Nà òmà a mà kulɛ lìŋgi lì kanɛ̀, rzìi mòòkòwèlì wà èni mɔ̀kɔ a mò òhweyà nanù ema, “Rzàŋgò e, ò jò òkòlɛ̀ nɛ ì hwɛnì lì kanɛ̀, nà òmà Yòwanìrzɛ̀ mɔ̀ hvɛ a mà òkòlɛ̀ hwà-òkòwèlì wa eni.” 2Yerzù à mà hwa òhweyà nanù ema, “È àrzà tɛ lì kanɛ̀ e òhwe nanù èma,
‘Ìi Tatɛ̀, inyɛ lìinà la aŋgɔ̀ lì lòkɛ̀hwɛ̀.
Inyɛ̀ lìkànèyà la aŋgɔ̀ lì jèe.
3O jò ŋgbe lì làa la arzu la wùnyà tɛ.
4O jò làkìrzɛ̀ wòhwe wò arzu,
nà òmà irzɔ hvɛ ì làkìrzɛ̀ wòhwe wò hwaŋga ema hwa jò gbeyànà wòhwe,
O rzì emeyà nanù ema, ì kpèeyà ò màkèkìrzɛ̀nɛ̀.’”
5Yerzù rzìi a hwa òhweyà nanù ema, “È hwèlì tɛ ema mɔ̀kɔ wà ànyu à òhvì mbunda, rzìi ò mò ɛ̀ndeya ò ìtììtènì jà wuu ò ndawò yà èni, rzìi ò mò òhweyà nanù ema, ‘Ŋmàyi kòkò ò nò hwalɛ hwèhvòòtò hweyàwò, 6nà ò rzòrzòmelì nà lùu ŋmɛ̀ni à uwɛ̀lɛ̀lɛ̀yi hvòòhvò, mbunda wà amì wà mèrzìrza. O rzà ènje tɔ̀ yòmà ò ndawò ò lì mò ŋgbà.’ 7Oŋgò mbunda wà aŋgɔ̀ rzìi a wà alàhwɛ̀ ò ndawò nanù ema, ‘Ò rza nò kàyìrzɛ̀. Nà mà màa lì umba lìyòhva la ami, ìmba nà hwàanà hwa amì ì ma màa lì nàŋgà. O èŋgànɛ̀lɛ̀ nà rza tanɛ̀ lì tɛ̀mɛ̀ ò lì ò ŋgbà tɔ̀ yòmà.’ 8Nà è òhweyà nà è jɔ̀kɛ̀ ema rzèketɛ è mbunda yà aŋgɔ̀ nà mɔ̀ ndì è gbeyà a tɛ̀mɛ̀nɛ ò lìnɔ̀ŋgɔ̀. Ndi lì nina ò mò nina ndi lì mò gbeyà a tɛ̀mɛ̀ ò lìnɔ̀ŋgɔ̀ ndeŋgàna à ò ŋgba mamɛ ema ò arza.” 9Nà è òhweyà nanù ema, “Ijòwa Lohwɛ̀, a ò ŋgbà. O arze, Lohwɛ̀ a gbeyà ò e ɛnɛ, ò kumbe lìyòhva, Lohwɛ̀ ò e lìhvòweya e lɔ. 10Èhwanja tɔ̀ njɛnɛ ema a ijòwi Lohwɛ̀, à è lùwà. Òŋgò hvɛ ema à àrza yòma, à è ɛnɛ̀. È mɔ̀ hvɛ ema à kùmbi lìyòhva, Lohwɛ̀ à mò lìhvòweyà è lɔ. 11Ima rzàŋgò ema e ŋmanà a mò arzanì tɛ nyàmà yà màlìhwa rzìi a mò ŋgbà ndi ŋgbààhwà e? 12Tɔ̀ è ŋmanà à ijòwi tɛ ŋmèyò mò wuhwà rzìi à mò ŋgbà ndi lìwòhwɛ̀ là mèhvèndò e? 13Hwatò hwa wòhwe nàa inyɔ è ŋgbà tɛ hwàànà hwa anyu hwema hwe gbamù, ŋgèlì iti nà Tatɛ̀ wà ànyu ema a hwèlì ò ŋmanyu yà Lohwà. Nɛ a rzà ŋgbà Èlìŋgɛ̀ yà Wòtani ò hwatò ema hwa mò ijòwi e?”
Yerzù à rza enje mɔ̀kɔ nà e kiŋgɛ̀ yà hwèlìŋgɛ̀ hwe wòhwe
(Mat 12.22-30; Mak 3.20-27)
14Wùnya wɔ̀kɔ, Yerzù à mà ulɛ̀ èlìŋgɛ̀ ya wòhwe ò nyò yà mòtò ema e mà tìmbìrzɛ̀ mbùke. È hvònda ema èŋge èlìŋgɛ̀ ya wòhwe e mà ànjiye òŋgò mòtò, rzìi a wòteyà lì òhwa. Ènè eyà e mà tàmìrzɛ̀ è ŋgìndì ya àrzɛ. 15Ndi lòŋgò la hwatò hwa mà òhwa nanù ema, “À gbeyànà ndi è wònjà yà ama Bɛ̀lrzɛ̀bùlì è Kiŋgɛ̀ yà hwèlìŋgɛ̀ hwe wòhwe ò lì hvayànà hwèlìŋgɛ̀ hwe wòhwe.” 16Hwahvɛhvɛ hwatò wɔ̀ hvɛ hwa mà àrza lì mò kèkìrzɛ ema, a hwa uŋmɛ̀lɛ̀ eèmbànèlì ò ŋmanyu yà Lohwà. 17Ndi Yerzù à mà hwiya mɔ̀ŋgɛ̀lɛ̀ mà awu, rzìi à hwa òhweyà nanù ema, “Tɔ̀ ima èkòmè ema è akahwanɛ ema è rzà òhwa eyà yɔ̀kɔ, è hwenì ndi lì hvaŋgeyà. Lìtumba hvɛ ema lì rza ahweyànɛlɛ lɔ̀ hvɛ lì hwɛnì lì wùhweyà. 18Èkòmè yà ama Mòkarzɛ̀ lì akahwanɛ tɛ, nɛ lì tànɛyi ò lì tɛ̀mɛ̀ e? Nà òhwi ndi nanù, èhwanja è òhwi nanù ema nà gbeyànà ndi è ŋginyà yà ama Bɛ̀lrzɛ̀bùlì, ò lì hvayànà hwèlìŋgɛ̀ hwe wòhwe ò hwatò. 19È hwèlì tɛ ema è ŋginyà yà ama Bɛ̀lrzɛ̀bùlì ndi nà gbeyàna, ò lì hvayà hwèlìŋgɛ̀ hwe wòhwe ò hwatò, è ŋginyà yà ama njɛnɛ hvɛ ema hwatò hwa anyu hwa gbeyàna ò lì hvayànà hwèlìŋgɛ̀ hwe wòhwe e? Wɔ̀ ndi hwa è gbeyà e tuwa ŋmaŋgò. 20Ndi nà òmà na gbeyàna ndi è ŋginyà yà ama Lohwɛ̀ ò lì hvayànà hwèlìŋgɛ̀ hwe wòhwe, e uŋmɛ̀lɛ̀ ema Lìkànèyà là ama Lohwɛ̀ lì ma è jèeyà. 21Mòtò ema à imbami a àkpatɛ tɛ, ò lì ɔ̀ŋgeyà èwòka ya eni, tɔ̀ erzàŋgò yà eni, à rza ɛ̀ndɛ tɔ̀ èki. 22Ndi è mɔ̀ ema à imbami lì mò akà, à mò urzuhwèlì tɛ, rzìi a mò lùwa rzìhwɛ, à mò wòwànà hwɛ̀ɛ̀kɛ̀ hweni hwe njùma. À ɛ̀ndɛ̀ lì hwàà hwèŋge hwemà ema a mò wòwanì.” 23“Tɔ̀ ima mɔ̀ ema a rza enje na imba òma a nò teŋgɛ̀nɛ̀yi, tɔ̀ è mɔ̀ hvɛ ema a rza nò òŋgòwànà ò lì rzàŋga, òma a hwèlì ndi ò lì bùulɛ.
Èlìŋgɛ̀ yà wòhwe e timbelì tɛ mòtò ò nyò
(Mat 12.43-45)
24“Èlìŋgɛ̀ ya wòhwe e wurzi tɛ̀ mòtò ò nyò, ya amàmìyɛ̀nɛ̀ɛ ndi ò mòrzanjɛ̀ ò lì àrza èki ema ya Arzìyòlɛ̀. È rzà lù tɛ èki, e àwòhwànɛ̀lɛ̀ yɔ yiti nanù ema, ‘Nà tìmbà hvɛ ò èŋge ndawò mɛnɛ ema nà mà hwɛ.’ 25È tìmbi tɛ, e ùŋmànɛ̀lɛ̀ èŋge ndawò è rzàŋgi nà lì rzeyàhwɛlɛ. 26Èŋge èlìŋgɛ̀ e ɛ̀ndɛ̀ ò lì jànà hwehvɛhvɛ hwèlìŋgɛ̀ hwe wòhwe lìrzambà, ema hwe hwèlì wòhwe lì mò àka, rzìi hwe jà ò lì kpèeyà òŋgò mòtò, rzìi hwe arzɛ̀kɛ̀lɛ̀ aŋga. Lìŋgi lìrzàkò rzɔ, òŋgò mòtò a hwɛ wòhwe lì aka mamɛ à mà lòme lì hwɛ.”
Malìŋgò ma è jɔ̀kɛ̀
27Èŋge hvònda ema Yerzù a mà kulɛ̀ lì òhwà nanù, mòlanà mɔ̀kɔ ema à mà hwɛ ò ìtììtènì ja hwatò rzìi a òhwa nà lìlò lì karzami nanù ema, “Mònàmɛ̀ mò hwɛ nà lùùŋgà ema lì ò ŋya, nà mahwɛ hvɛ ema mà ò nyɔ̀ŋgìrzɛ.” 28Yerzù rzìi a mò alàhwɛ̀ nanù ema, “Mònàmɛ̀ mò hwɛ ndi nà hwaŋga ema hwa hweyà Eyà ya Lohwà, rzìi hwa gbeyà nà òmà ya òhwì.”
Hwatò hwa ène nyɔ̀ŋgɔ̀nì hwa àrza ndi emɛ̀nɛ̀nì
(Mat 12.38-42)
29Èŋge hvònda ema è ŋgìndì e mà kòke, aŋga ndi Yerzù, à hwa òhweyà nanù ema, “Ène nyɔ̀ŋgɔ̀nì yà hwatò è hwèlì ndi nyɔ̀ŋgɔ̀nì yà wòhwe. È àrza ndi lì ɛnɛ̀ mànyàkà mà amà Lohwɛ̀. Ndi hwa rza ò ma lùwa, lì akà tɛ èmɛ̀nɛ̀nì ya mànyakà mà ama Jona. 30Nà òmà Jona a mà hwɛ emɛ̀nɛ̀nì ya hwatò hwa Nìnìhvɛ̀, nanù hvɛ ndi è Ŋmanà wà e Mòtò wà Hwènàmà mɔ̀ hvɛ a ò hwɛ nàa ène nyɔ̀ŋgɔ̀nì yà hwatò. 31O wùnyà wò hwèkàyìrzèlì è mòkànèlì wa mòlanà ema à ma hwɛ lìkànèyà èkòmè ya Rzebà mɔ̀ hvɛ à ò hvùmùwà ò rzɔ̀ŋgɔ̀ nà ène nyɔ̀ŋgɔ̀nì yà hwatò ò wùnyà wò hwèkàyìrzèlì. A ò tɛ̀mɛ̀ mbòŋgi ema e ò gbeyà ema hwa tuwe ŋmàŋgò. Hwa ò tuwa ŋmàŋgò èhwanja a uwɛ̀lɛ̀lɛ̀yi èki hvòòhvò ò lì òkànèyà hweyà hwe lìhwiyè ema Rzòlòmɔ̀nì à mà hwɛ lì òkòlɛ̀. Ndi yàwònò, ò hwèlì mòtò mɔ̀kɔ ema à akàyì Rzòlòmɔ̀nì. 32O wùnyà wò hwèkàyìrzèlì, hwatò hwa Nìnìhvɛ̀ hwa ò hvùmùwà ò rzɔ̀ŋgɔ̀ nà ène nyɔ̀ŋgɔ̀nì yà hwatò. Hwa ò tɛ̀mɛ̀ mbòŋgi ema è gbeyà ène nyɔ̀ŋgɔ̀nì yà hwatò è tuwà ŋmàŋgò èhwanja hwatò hwa Nìnìhvɛ̀ hwà mà rzɔ̀njɛlɛ wòhwe wò awu è hvònda Jona a mà hwɛ lì hwa òhweyà Eyà ya Lohwà, ndi na òhweya nanù ema mòtò a hwèlì anu naŋgɛ ema à akayi Jona.
Ètùlù yà mòtò wà hwènàmà hwe nyò
(Mat 5.15; 6.22-23)
33“Mòtò à rza tanɛ̀ lì hvààlɛ̀ ètùlù rzìi a e uta, tɔ̀ lì e utà ò rze ya èwòkì. À e ikà ndi ò mbòkò ema ètùlù e tɛ̀mɛ̀ ò lì arza nanù ema tɔ̀ njɛnɛ ema a kpèeyà ò ndawò, a ɛnɛ ŋmàye mò èŋge ètùlù. 34Mììrzɔ̀ ma aŋgɔ̀ ma hwèlì ndi nàa ètùlù ya è nyò yà aŋgɔ̀. Mììrzɔ̀ ma aŋgɔ̀ ma hwèlì tɛ gbamù, è nyò yà aŋgɔ̀ ya àrzɛ è òndà na ŋmàye. Mììrzɔ̀ ma aŋgɔ ma rzà ɛnɛ tɛ, è nyò yà aŋgɔ̀ ya àrzɛ è òndà jìtìtì. 35O aŋgòhweyà rzɔ nanù ema ŋmàye mò aŋgɔ mò nyò mò rzì tìmba jìtìtì. 36È hwèlì tɛ ema è nyò yà aŋgɔ̀ ya àrzɛ, è òndì ŋmàye, e rzi hwɛ ema tɔ̀ ènàmà ya aŋgɔ̀ yɔ̀kɔ e hwèlì ò jìtìtì, è nyò ya àrzɛ è hvàyeyà nàa ètùlù ndi e hvànyeyà hvànye-hvànye.”
Yerzù à mà lòmeya hwà-òkòlèlì hwa mbenda nà ì Hvàlìrzàyì
(Mat 23.1-36; Mak 12.38-40)
37È hvònda ema Yerzù a mà hwɛ lì òhwà rzì hvàlìrzàyì hvɔ̀kɔ e mò yòhwɛ ema a jèe a lee ò ndawò yà èni. 38À mà ɛ̀ndɛ nà mɔ̀, rzìi hwa lìya ò tehwèlì. Èŋge Hvalìrzàyì è mà tàmà ò lì ɛnɛ̀ ema Yerzù à wòtelì lì làa e rzì hwɛ lì àtùtɛ̀ màà. 39Aŋga ndi e Rzàŋgò è mà mò òhweyà nanù ema, “Inyɔ Ihvalìrzàyì, è rzaŋgìrzɛ̀ e mburzà ya lìwònde na mɔ̀njɔ̀ mò anyù ndi ò tenì ya anyu, lì lùmba la hwèèmà na wòhwe wò è òndì ò mèèmà me anyu. 40Inyɔ ndɔ̀ki ja hwatò! È mòtò ema à hwèki è mburzà, rzèke mɔ̀ hvɛ ndi à hwèki è tenì e? 41Ndi inyɔ è wòwe hwèèmà ema hwe hwèlì ò tenì yà luku la mɔ̀njɔ̀, e ŋgbè mèlìrzà me hwatò, aŋga ndi hwèèmà hwe anyu hwe àrzɛ hwe rzàŋga.
42“Èwòma na inyɔ Ihvàlìrzàyì! È ŋgbà Lohwɛ̀ lòŋgò lɔ̀kɔ la lìyòmɛ̀, màrzèhvu, e ndòwu nà hwenɛyi hwèwùlè hwe àrzɛ. Ndi è rza àrza lì uŋmɛ̀lɛ̀ mèèmà me gbamù nà è ndìŋgɛ yà ama Lohwɛ̀. È hwɛnì lì gbeyà hwenè hweyà hwe àrzɛ e rzì hwɛ lì lìyà hwenɛ̀yi.
43“Èwòma na inyɔ Ihvàlìrzàyì! È lìŋgàni lì lìya ò mbòkò ja hwèluhwe ò ndawò ja màkanɛ̀. È lìŋgàni hvɛ ìikɔ̀mi ja hwèluhwe ò hwèlùwà. 44Èwòma na inyɔ! È gbèe ndi nàa ì rzɔ̀ŋgɔ̀, ema ì rza òhvɛ màyembelì ema hwatò hwa akeyà, hwa rzà ja emba.”
45Mòòkòlèlì mɔ̀kɔ wà mbenda, rzì a mò òhweyà nanù ema, “Mòòkòlèlì, ò òhwa tɛ nanù, ò ma ò jò hwɛnyi irzɔ hvɛ.” 46Yerzù rzìi a mò tìmbirzɛlɛlɛ nanù ema, “Èwòma na inyɔ hvɛ hwà-òkòlèlì hwa mbenda! È ihwàlɛ̀ hwatò miyuuna ema me lìti lì hwa aka, ndi tɔ̀ inyɔ hwìti è rza tòmbirzɛ tɔ̀ lìya lɔ̀kɔ, ò lì hwa òŋgòwànà. 47Èwòma nà inyɔ! Èhwanja hwà-òhwèlì hwa hwèlìŋgɛ̀ ema irzàŋgo ja anyu ì ma òŋwe, è hwèlì e hwa òŋgeyà ìrzɔ̀ŋgɔ̀ ja awu. 48È hwɛ mbòŋgi nà lì imanɛ̀lɛ nanù ema irzàŋgo jà anyu ima gbeyà gbamù ò lì òŋwa hwà-òhwèlì hwa hwèlìŋgɛ̀. Inyɔ hvɛ ndi e hwa òŋgelì irzɔ̀ŋgɔ̀ ja awu. 49Nànù ndeŋgàtɛ Lohwɛ̀ ò lìhwiyè la eni à mà òhwa nanù ema, ‘Nà hwa òmeyà hwà-òhwèlì hwa ami hwa hwèlìŋgɛ̀, nà i àpɔ̀rzìtòlò. Hwa hwɛnì lì òŋwà lòŋgò la hwaŋga hwatò. Lòŋgò hvɛ hwa takìrzɛ̀hwɛ.’ 50Ène ŋgàna è gbèyi ema, ène nyɔ̀ŋgɔ̀nì yò ò kɔ̀kìrzɛ̀hwɛ̀ ò nyòla màyija ma hwà-òhwèlì hwa hwèlìŋgɛ̀ hwa àrzɛ ema màyija ma awu ma mà rzòweyà ò hwèwòtelì hwe ène rze. 51Lìwòteya nà màyija mà amà Abɛ̀lì natɛ̀ɛ nà è màa ama Rzàkàriyà ema à mà òŋwahwa ò ìtììtènì ja lììyɔ̀ là màkanɛ̀ nà ò èki yà Wòtani. Nà è òhweyà è jɔ̀kɛ̀ ema ène nyɔ̀ŋgɔ̀nì ndi è kɔ̀kìrzɛ̀hwɛ̀ ò nyòla hwenè hweyà hwe àrzɛ.
52“Èwòma nà inyɔ hwà-òkòlèlì hwa mbenda! Inyɔ è ùti hwèlìhvòwànì hwe lìyòhva la è ndawò yà lìhwiyè. È rza àrza lì kpèeyà, è rza emeyà hwahvɛhvɛ hwatò hwa kpèeyà.”
53Nà òmà Yerzù a mà ànjiye èŋge èki, hwà-òkòlèlì hwa mbenda nà Ihvàlìrzàyì hwa mà mò tèŋgɛnɛ ŋginyà rzìi hwa mò ijòwa rzayì-rzayì ja mìijòwelì. 54Hwa mà hwɛ lì mò rzɔ̀rzɛlɛ mène mìijòwelì nanù, ò lì mò lùwàna lùrze.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, CABTAL