Lukàrzɛ̀ Hwèlìhvòhwèlì hwe è Kaàtì
Hwèlìhvòhwèlì hwe è Kaàtì
Ŋmɛ̀ndì mò Gbamù mò amà Yerzù nà òmà Lukàrzɛ̀ à mà mò tilè, mò uŋmɛ̀lɛ̀yi Yerzù nàa è mòòŋgìrzèlì ema Lohwɛ̀ a mà òhwe nanù ema à òmeyà hwatò hwa wònyà Yudà. Lukàrzɛ̀ à mà, Èlìŋgɛ̀ yà amà Lohwɛ̀ è ɔ̀ndi e mà hvɔ̀rzɔ̀ Yerzù, ò lì jàneyà mèlìrza me hwatò Ŋmɛ̀ndì mò gbamù. Mònò Ŋmɛ̀ndì mò gbamù mò òhwà ndi nɛ Yerzù a mà uŋmɛ̀lɛ̀ hwatò, mèèmà mò eni mò gbamù. O hwèwòtelì hwe ène kààtì ò mà hwɛ mɔ̀nyɛ̀ŋgì, lì hvòmɛ̀nɛ̀ è njàmbɛ̀ yà hwèjèelì hwe ama Yerzù. O hwèlì hvɛ mɔ̀nyɛ̀ŋgì ò lìrzùkù la ène kaàtì, nà òmà Yerzù a mà kòòhwè ò ŋmanyu yà Lohwà. Hweyà ema Lukàrzɛ̀ à òhwì ò ène kààtì nà è jɔ̀kɛ̀ hwe hwèlì ndi: lì kanɛ̀, Èlìŋgɛ̀ yà Wòtani, hweyà ema hwààlanà hwa hwɛnì lì gbeyà ò èwòlò ya amà Yerzù anù rze yà mɔ̀nyɛ̀, nà òmà Lohwɛ̀ à làkìrzɛ̀ wòhwe wò hwatò.
Hwèkàhwèlì hwe è Kaàtì
Hwèlìhvòwèlì hwe e kààtì 1.1-4
Hwèŋyàyèèlì hwe ama Yòwanìrzɛ̀ è Mòlùhwìrzèlì nà Yerzù Krirztò 1.5–2.52
Èwòlò ya ama Yòwanìrzɛ̀ è Mòlùhwìrzèlì 3.1-20
Lìlùhwìrzɛ̀ nà makèkìrzɛ̀nɛ̀ ma ama Yerzù 3.21–4.13
Èwòlò ya ama Yerzù ema à mà gbèye ò èkòmè yà Galìlì 4.14–9.50
Èwòlò ya ama Yerzù ema à mà gbèye lì anjiya ò Galìlì ò lì uka ò Jèrurzalɛ̀mù 9.51–19.27
Mèènyà me lìrzùkù me ama Yerzù, 19.28–21.38
Hwèkàyìrzèlì hwe ama Yerzù na e kpelì ya eni 22-23
Hwèhvùmùwèlì hwe ama Yerzù, na hwekoohweli hwe eni ò ŋmanyu yà Lohwà 24.1-53
Currently Selected:
Lukàrzɛ̀ Hwèlìhvòhwèlì hwe è Kaàtì: bri
Highlight
Share
Copy
Want to have your highlights saved across all your devices? Sign up or sign in
© 2022, CABTAL