Matyo 18
18
Awɛ mwɔ gho kɛ́ efwɔ ebwa m̀fɔ̀ ekere?
(Mak 9:33-37; Luk 9:46-48)
1Afwɔ sa ndada mpiʼ nɔ, bɔ bɛɛrɛ abwa zeʼ ebe Yeso biiri kpe, “Awɛ mwɔ gho kɛ efwɔ ebwa m̀fɔ̀ ekere?” 2Éngɛ Yeso zɔʼ adɔ̀kpara deʼ, le engɔ tam efàarà angɔ. 3Engɔ gâ kpe, “Mmɛ na tòʼrò éŋwaʼa endɔn kpe, mbɔn ne kobo mwɔ na adɔ̀kpara nɔ bo, mbɔn yà ne nyii efwɔ ebwa m̀fɔ̀ ekere bo. 4Éngɛ gho kɛ efwɔ ebwa m̀fɔ̀ ekere ne engɔ wɛ è ma bwaara ekwa mɔ mwɔ né eŋwɔ wunɔ ngɛ. 5Egho wɛ è nu ŋwɔ deʼ ne ewùnɔ ene ekumu ngu ngɛ shi nu angu.”
Akwa̧ʼra yɛ a ma le gho le ebwa bɔɔbɔɔ ngɛ
(Mak 9:42-48; Luk 17:1-2)
6Bɛʼngɛ, mala gho deʼ me né le kpe adɔ̀ ŋwaʼ abwaʼ adɔ̀kpara bɔnɔ nyim ebɛrɛtaa mɔ ene mmɛ, shi e wa ngo me nara kpe e tyɛ angwa etye gwo ela deʼ adwɔ m̀pè gho zɔnɔ, gɛ̀rɛ̀ ndwa engɔ efwɔ ebɔrɔndim, efwɔ afwɔ yɛ ndim me turu ngɔɔ ghɛʼ ngɛ. 7Ǹgoʼ ye efwɔ ese mbɔʼ èkwà̧ʼrà byɛ e ma le bɔ sa le abwa bɔɔbɔɔ ngɛ. Èkwà̧ʼrà bɔnɔ barà zeʼ, bɛʼngɛ e yà me ǹgoʼ ebe egho wɛ èkwà̧ʼrà bɔnɔ ma zeʼ mbɔʼ engɔ ngɛ. 8Mala abwo njɛ kà alo njɛ le kpe ngwo le ebwa bɔɔbɔɔ, ngà tsɛd waʼ! E we nara engɛ̂ é nyii efwɔ ebwa m̀fɔ̀ Ngwe ketsɛʼ abwo bi kà alo bi fɔɔ na aŋu ngwo ma shi ebwo fyee mane elo fyee e shi ndwa awɛ efwɔ edzɔwu yɛ e ne ma nyimi bo ngɛ. 9Ene aghɛʼnji ŋwaʼ zɔnɔ, mala eghɔɔ njɛ le kpe ngwo le ebwa bɔɔbɔɔ ngà chi waʼ! E we nara engɛ̂ é nyii efwɔ ebwa m̀fɔ̀ Ngwe nè eghɔɔ ŋwaʼ fɔɔ na aŋu ngwo ma shi aghɔɔ fyee, e gɛrɛ shi ndwa awɛ efwɔ edzɔwu yɛ e ne ma nyimi bo ngɛ.
Nklama timi mbɔʼ ǹglɔ̀ yɛ a me nyɔɔ ngɛ
(Luk 15:3-7)
10“Mbɔn ke le kpe mbɔn sa sèrè adɔ̀ deʼ abwaʼ abwo kpara bɔnɔ bo. Mmɛ gâ éŋwaʼa endɔn kpe, engere angɔ ekere ba doʼo à mwɔ efàarà àtɛ ngu ekere. 11[Mbɔʼnga Ŋwɔ Gho ne zeʼ efwɔ ese é pwèerè abɔ byɛ e me nyimi ngɛ.] 12Mbɔn be zhuŋu kpe mala gho deʼ me le ǹglɔ̀rɔ̀ mɔ ekobi, ǹglɔ̀ ŋwaʼ nyɔɔ, engɔ wa le ene ngà? Engɔ ke ma ngo shi etse èsama kwɛ̀ tɛʼ wum ǹchwɔ̀ kɔɔ e sa yɛrɛ nde edɔm egu è ngɔɔ gɛ̀rɛ̀ zɛʼ ǹglɔ̀ ŋwaʼ yɛ è me nyɔɔ ngɛ bo? 13Èndzobo chɛ engɔ ma zɔ e ǹglɔ̀ ŋwàʼ zɔnɔ ngɛ, mmɛ ga éŋwaʼa endɔn kpe engɔ wa ngo gɛnɛ amɔ ene ǹglɔ̀ ŋwaʼ zɔnɔ fɔɔ ǹglɔ̀rɔ̀ èsama kwɛ̀ tɛʼ wum ǹchwɔ̀ kɔɔ chɛ e ne me nyɔɔ bo ngɛ. 14Ene aghɛʼnji ŋwaʼ zɔnɔ, àtɛ ngu ekere ke doʼ kpe adɔ̀kpara deʼ eŋwàʼ nɔ nyim bo.”
Ghongwa wɛ e ma le abwa bɔɔbɔɔ ngɛ
15Mala ghongwa ngwɛ le ebwa bɔɔbɔɔ deʼ, ngɔɔ ebe engɔ gɛ̀rɛ̀ tee ebwa bɔɔbɔɔ wɛ ebe engɔ. Bɛʼngɛ, shi le éngɛ achimchim wɛ à tye ma ngwo nè engɔ ngɛ. Mala engɔ zo engɛ̂ shi ngwo shi wu nu ghongwa ngwɛ achim. 16Bɛʼngɛ mala engɔ tɔrɔ é zo engɛ̂, ngà nu gho ŋwaʼ kà bɔ fyee tsɛrɛ nè engwo mbɔʼtye abwa gimkpaʼ yɛ ngwo ma ga mbɔʼ engɔ ngɛ, entsɛ byɛ ma bɛ̀rɛ kpe ne éŋwaʼa. 17Mala engɔ gɛrɛ ne zo ebe angɔ bo, ngwo sɛɛrɛ ebwa mɔmbwo gimkpaʼ ebe ndɔngwe. Mala engɔ tɔn é zo ka de mwɔ ebe ndɔngwe, ngà nu engɔ na gho kè nɛɛ Ngwe kà àshuru aŋwɛ nɔ.
Ebwa wɛ e ma tɔrɔ mane engɔ wɛ e ma bɛ̀rɛ ngɛ
18Éngɛ mmɛ ga éŋwaʼa endɔn mbɔn bɔ gimkpaʼ kpe, ebwa wɛ mbɔn tɔn a chwâ ngɛ, e gɛrɛ ba tɔrɔ ekere. Engɔ wɛ mbɔn me bɛrɛ a chwâ ngɛ e gɛrɛ ba bɛ̀rɛ ekere. 19Mmɛ gɛrɛ wu ga endɔn ekyɛ tsɛrɛ kpe mala bɔ fyee abwaʼ ndzɔn edɔm chwâ bɛrɛ ene ebwa deʼ gɛ̀rɛ̀ tsàʼrà Ngwe ene ebwa wɛ, e ba ngo fwɛʼ ebwa wɛ endɔn nyɛ̀rɛ̀ zèʼe achim àtɛ ngu ekere. 20Afwɔ yɛ bɔ fyee kà bɔ tɛd zeʼ afwɔbi ene ekumu ngu ngɛ, mmɛ wa aŋu abwaʼ angɔ.
Nklama timi mbɔʼ gho afwɛʼ wɛ à tɔn é dzɛ̀d anyimabwa ngɛ
21Éngɛ Petoro zeʼe ebe Yeso gɛ̀rɛ̀ biiri kpe, “Masakɛ, mala ghongwa ngu fɔɔ embè ma le abwa bɔɔbɔɔ ekwa ngu, mmɛ we né dzɛ̀d akyɛ mɔ ngà? Karadidi akyɛ sàambyɛ?” 22Yeso gíì kpe, “Keʼ, ke tye akyɛ sàambyɛ bo. Bɛʼngɛ akyɛ èsama tɛd tɛʼ wum akyɛ sàambyɛ.” 23Ebwa m̀fɔ̀ Ngwe ne mwɔ na m̀fɔ̀ deʼ à ma ke é nɛɛ eklo ekɛb wɛ gho afwɛʼ ngɔ eŋwàʼaŋwàʼ à me klini engɔ ngɛ. 24Aŋu engɔ à klada sa wèe ngɛ, e nu gho afwɛʼ bi zeʼ wɛ à me klini ekɛb e fɔɔ èfraŋ ètɔɔshin wum fɔɔ ngɛ. 25Bɛʼngɛ egho afwɛʼ wɛ à ke me le ekɛb wɛ a me koʼo é gii ǹjwè mɔ ngɛ bo, éngɛ m̀fɔ̀ ndɛʼ etsɛrɛ kpe e fɛn engɔ nè eye mɔ nè bwɔ mɔ mane ela ngɔ gimkpaʼ byɛ à me le ngɛ, é le kpe e nu ekɛb wɛ gii ǹjwè ngɔ anyi. 26Egho afwɛʼ wɛ go ene etongu mɔ efàarà m̀fɔ̀, è bii engɔ kpe, “Ngà klini etaa ene mmɛ shi mmɛ wa ngo gii ekɛb ngwɛ gimkpaʼ” 27Éngɛ m̀fɔ̀ à le eklasɔn ene engɔ, è dzɛ̀d ǹjwè yɛ ebe engɔ ngɛ gɛ̀rɛ̀ sàa engɔ è ngɔɔ. 28“Bɛʼngɛ gho afwɛʼ wɛ ngɔɔ ese gɛ̀rɛ̀ kla gho afwɛʼ tsɛrɛ wɛ à me klini engɔ ampiʼ ekɛb deʼ ngɛ. Engɔ kli sa shwɔrɔ adwɔ sa ke é shwɛɛrɛ engɔ ma ga kpe ‘Ngà ndɛʼ ekɛb wɛ ngwo me klini ena ngɛ.’ 29Azhɛmbyɛ ngɔ wɛ à gɛrɛ mwɔ gho afwɛʼ ngɛ go a chwâ gɛ̀rɛ̀ sa bii engɔ ga kpe ‘Ngà klini etaa ene mmɛ shi mmɛ wa ngo ndɛʼ ekɛb ngwɛ achim!’ 30Bɛʼngɛ engɔ à tɔn, nu engɔ ngɔɔ ndwa a ndɔdzɔm, é tsɔmɔ aŋu bwɛn èndzobo chɛ engɔ ma ngo gii ǹjwè mɔ ngɛ. 31Èndzobo chɛ abɔ afwɛʼ abê à zɔ ebwa wɛ a me gli ngɛ, angɔ bɔɔ etaa ghɛʼ, è ngɔɔ ebe m̀fɔ̀ gɛ̀rɛ̀ tòʼrò abwa gimkpaʼ yɛ à gli ngɛ ebe m̀fɔ̀. 32Éngɛ m̀fɔ̀ zɔʼ egho afwɛʼ wɛ engɔ à dzɛd ǹjwè ngɔ ngɛ ebara mɔ ga kpe ‘Ngwo gho afwɛʼ ǹchù wunɔ, mmɛ à dzɛd ekɛb gimkpaʼ wɛ ngwo a me klini ena ngɛ mbɔʼnga ngwo à bii angu. 33Ngwo a ne koʼro é le eklasɔn ene esɔrɔ ngwɛ gho afwɛʼ wɛ na aŋu mmɛ à le eklasɔn ene ngwo ngɛ.’ 34Éngɛ m̀fɔ̀ bɔɔ etaa ghɛʼ gɛ̀rɛ̀ sàa gho afwɛʼ wɛ a dzɔm kpe e nyii engɔ bwɛn èndzobo chɛ engɔ ma gii ekɛb gimkpaʼ wɛ engɔ me klini ngɛ.” 35Éngɛ Yeso ngudu kpe, “Na éngɛ àtɛ ngu ekere ma yà le ekwa gho ŋwàʼaŋwàʼ abwaʼ ndzɔn, mala ngwo tɔn é dzɛ̀d anyimabwa ghongwa ngwɛ nyɛrɛ zeʼ efwɔ etaa mfyɛ.”
Currently Selected:
Matyo 18: nbt
Highlight
Share
Copy
Want to have your highlights saved across all your devices? Sign up or sign in
© 2022, CABTAL
Matyo 18
18
Awɛ mwɔ gho kɛ́ efwɔ ebwa m̀fɔ̀ ekere?
(Mak 9:33-37; Luk 9:46-48)
1Afwɔ sa ndada mpiʼ nɔ, bɔ bɛɛrɛ abwa zeʼ ebe Yeso biiri kpe, “Awɛ mwɔ gho kɛ efwɔ ebwa m̀fɔ̀ ekere?” 2Éngɛ Yeso zɔʼ adɔ̀kpara deʼ, le engɔ tam efàarà angɔ. 3Engɔ gâ kpe, “Mmɛ na tòʼrò éŋwaʼa endɔn kpe, mbɔn ne kobo mwɔ na adɔ̀kpara nɔ bo, mbɔn yà ne nyii efwɔ ebwa m̀fɔ̀ ekere bo. 4Éngɛ gho kɛ efwɔ ebwa m̀fɔ̀ ekere ne engɔ wɛ è ma bwaara ekwa mɔ mwɔ né eŋwɔ wunɔ ngɛ. 5Egho wɛ è nu ŋwɔ deʼ ne ewùnɔ ene ekumu ngu ngɛ shi nu angu.”
Akwa̧ʼra yɛ a ma le gho le ebwa bɔɔbɔɔ ngɛ
(Mak 9:42-48; Luk 17:1-2)
6Bɛʼngɛ, mala gho deʼ me né le kpe adɔ̀ ŋwaʼ abwaʼ adɔ̀kpara bɔnɔ nyim ebɛrɛtaa mɔ ene mmɛ, shi e wa ngo me nara kpe e tyɛ angwa etye gwo ela deʼ adwɔ m̀pè gho zɔnɔ, gɛ̀rɛ̀ ndwa engɔ efwɔ ebɔrɔndim, efwɔ afwɔ yɛ ndim me turu ngɔɔ ghɛʼ ngɛ. 7Ǹgoʼ ye efwɔ ese mbɔʼ èkwà̧ʼrà byɛ e ma le bɔ sa le abwa bɔɔbɔɔ ngɛ. Èkwà̧ʼrà bɔnɔ barà zeʼ, bɛʼngɛ e yà me ǹgoʼ ebe egho wɛ èkwà̧ʼrà bɔnɔ ma zeʼ mbɔʼ engɔ ngɛ. 8Mala abwo njɛ kà alo njɛ le kpe ngwo le ebwa bɔɔbɔɔ, ngà tsɛd waʼ! E we nara engɛ̂ é nyii efwɔ ebwa m̀fɔ̀ Ngwe ketsɛʼ abwo bi kà alo bi fɔɔ na aŋu ngwo ma shi ebwo fyee mane elo fyee e shi ndwa awɛ efwɔ edzɔwu yɛ e ne ma nyimi bo ngɛ. 9Ene aghɛʼnji ŋwaʼ zɔnɔ, mala eghɔɔ njɛ le kpe ngwo le ebwa bɔɔbɔɔ ngà chi waʼ! E we nara engɛ̂ é nyii efwɔ ebwa m̀fɔ̀ Ngwe nè eghɔɔ ŋwaʼ fɔɔ na aŋu ngwo ma shi aghɔɔ fyee, e gɛrɛ shi ndwa awɛ efwɔ edzɔwu yɛ e ne ma nyimi bo ngɛ.
Nklama timi mbɔʼ ǹglɔ̀ yɛ a me nyɔɔ ngɛ
(Luk 15:3-7)
10“Mbɔn ke le kpe mbɔn sa sèrè adɔ̀ deʼ abwaʼ abwo kpara bɔnɔ bo. Mmɛ gâ éŋwaʼa endɔn kpe, engere angɔ ekere ba doʼo à mwɔ efàarà àtɛ ngu ekere. 11[Mbɔʼnga Ŋwɔ Gho ne zeʼ efwɔ ese é pwèerè abɔ byɛ e me nyimi ngɛ.] 12Mbɔn be zhuŋu kpe mala gho deʼ me le ǹglɔ̀rɔ̀ mɔ ekobi, ǹglɔ̀ ŋwaʼ nyɔɔ, engɔ wa le ene ngà? Engɔ ke ma ngo shi etse èsama kwɛ̀ tɛʼ wum ǹchwɔ̀ kɔɔ e sa yɛrɛ nde edɔm egu è ngɔɔ gɛ̀rɛ̀ zɛʼ ǹglɔ̀ ŋwaʼ yɛ è me nyɔɔ ngɛ bo? 13Èndzobo chɛ engɔ ma zɔ e ǹglɔ̀ ŋwàʼ zɔnɔ ngɛ, mmɛ ga éŋwaʼa endɔn kpe engɔ wa ngo gɛnɛ amɔ ene ǹglɔ̀ ŋwaʼ zɔnɔ fɔɔ ǹglɔ̀rɔ̀ èsama kwɛ̀ tɛʼ wum ǹchwɔ̀ kɔɔ chɛ e ne me nyɔɔ bo ngɛ. 14Ene aghɛʼnji ŋwaʼ zɔnɔ, àtɛ ngu ekere ke doʼ kpe adɔ̀kpara deʼ eŋwàʼ nɔ nyim bo.”
Ghongwa wɛ e ma le abwa bɔɔbɔɔ ngɛ
15Mala ghongwa ngwɛ le ebwa bɔɔbɔɔ deʼ, ngɔɔ ebe engɔ gɛ̀rɛ̀ tee ebwa bɔɔbɔɔ wɛ ebe engɔ. Bɛʼngɛ, shi le éngɛ achimchim wɛ à tye ma ngwo nè engɔ ngɛ. Mala engɔ zo engɛ̂ shi ngwo shi wu nu ghongwa ngwɛ achim. 16Bɛʼngɛ mala engɔ tɔrɔ é zo engɛ̂, ngà nu gho ŋwaʼ kà bɔ fyee tsɛrɛ nè engwo mbɔʼtye abwa gimkpaʼ yɛ ngwo ma ga mbɔʼ engɔ ngɛ, entsɛ byɛ ma bɛ̀rɛ kpe ne éŋwaʼa. 17Mala engɔ gɛrɛ ne zo ebe angɔ bo, ngwo sɛɛrɛ ebwa mɔmbwo gimkpaʼ ebe ndɔngwe. Mala engɔ tɔn é zo ka de mwɔ ebe ndɔngwe, ngà nu engɔ na gho kè nɛɛ Ngwe kà àshuru aŋwɛ nɔ.
Ebwa wɛ e ma tɔrɔ mane engɔ wɛ e ma bɛ̀rɛ ngɛ
18Éngɛ mmɛ ga éŋwaʼa endɔn mbɔn bɔ gimkpaʼ kpe, ebwa wɛ mbɔn tɔn a chwâ ngɛ, e gɛrɛ ba tɔrɔ ekere. Engɔ wɛ mbɔn me bɛrɛ a chwâ ngɛ e gɛrɛ ba bɛ̀rɛ ekere. 19Mmɛ gɛrɛ wu ga endɔn ekyɛ tsɛrɛ kpe mala bɔ fyee abwaʼ ndzɔn edɔm chwâ bɛrɛ ene ebwa deʼ gɛ̀rɛ̀ tsàʼrà Ngwe ene ebwa wɛ, e ba ngo fwɛʼ ebwa wɛ endɔn nyɛ̀rɛ̀ zèʼe achim àtɛ ngu ekere. 20Afwɔ yɛ bɔ fyee kà bɔ tɛd zeʼ afwɔbi ene ekumu ngu ngɛ, mmɛ wa aŋu abwaʼ angɔ.
Nklama timi mbɔʼ gho afwɛʼ wɛ à tɔn é dzɛ̀d anyimabwa ngɛ
21Éngɛ Petoro zeʼe ebe Yeso gɛ̀rɛ̀ biiri kpe, “Masakɛ, mala ghongwa ngu fɔɔ embè ma le abwa bɔɔbɔɔ ekwa ngu, mmɛ we né dzɛ̀d akyɛ mɔ ngà? Karadidi akyɛ sàambyɛ?” 22Yeso gíì kpe, “Keʼ, ke tye akyɛ sàambyɛ bo. Bɛʼngɛ akyɛ èsama tɛd tɛʼ wum akyɛ sàambyɛ.” 23Ebwa m̀fɔ̀ Ngwe ne mwɔ na m̀fɔ̀ deʼ à ma ke é nɛɛ eklo ekɛb wɛ gho afwɛʼ ngɔ eŋwàʼaŋwàʼ à me klini engɔ ngɛ. 24Aŋu engɔ à klada sa wèe ngɛ, e nu gho afwɛʼ bi zeʼ wɛ à me klini ekɛb e fɔɔ èfraŋ ètɔɔshin wum fɔɔ ngɛ. 25Bɛʼngɛ egho afwɛʼ wɛ à ke me le ekɛb wɛ a me koʼo é gii ǹjwè mɔ ngɛ bo, éngɛ m̀fɔ̀ ndɛʼ etsɛrɛ kpe e fɛn engɔ nè eye mɔ nè bwɔ mɔ mane ela ngɔ gimkpaʼ byɛ à me le ngɛ, é le kpe e nu ekɛb wɛ gii ǹjwè ngɔ anyi. 26Egho afwɛʼ wɛ go ene etongu mɔ efàarà m̀fɔ̀, è bii engɔ kpe, “Ngà klini etaa ene mmɛ shi mmɛ wa ngo gii ekɛb ngwɛ gimkpaʼ” 27Éngɛ m̀fɔ̀ à le eklasɔn ene engɔ, è dzɛ̀d ǹjwè yɛ ebe engɔ ngɛ gɛ̀rɛ̀ sàa engɔ è ngɔɔ. 28“Bɛʼngɛ gho afwɛʼ wɛ ngɔɔ ese gɛ̀rɛ̀ kla gho afwɛʼ tsɛrɛ wɛ à me klini engɔ ampiʼ ekɛb deʼ ngɛ. Engɔ kli sa shwɔrɔ adwɔ sa ke é shwɛɛrɛ engɔ ma ga kpe ‘Ngà ndɛʼ ekɛb wɛ ngwo me klini ena ngɛ.’ 29Azhɛmbyɛ ngɔ wɛ à gɛrɛ mwɔ gho afwɛʼ ngɛ go a chwâ gɛ̀rɛ̀ sa bii engɔ ga kpe ‘Ngà klini etaa ene mmɛ shi mmɛ wa ngo ndɛʼ ekɛb ngwɛ achim!’ 30Bɛʼngɛ engɔ à tɔn, nu engɔ ngɔɔ ndwa a ndɔdzɔm, é tsɔmɔ aŋu bwɛn èndzobo chɛ engɔ ma ngo gii ǹjwè mɔ ngɛ. 31Èndzobo chɛ abɔ afwɛʼ abê à zɔ ebwa wɛ a me gli ngɛ, angɔ bɔɔ etaa ghɛʼ, è ngɔɔ ebe m̀fɔ̀ gɛ̀rɛ̀ tòʼrò abwa gimkpaʼ yɛ à gli ngɛ ebe m̀fɔ̀. 32Éngɛ m̀fɔ̀ zɔʼ egho afwɛʼ wɛ engɔ à dzɛd ǹjwè ngɔ ngɛ ebara mɔ ga kpe ‘Ngwo gho afwɛʼ ǹchù wunɔ, mmɛ à dzɛd ekɛb gimkpaʼ wɛ ngwo a me klini ena ngɛ mbɔʼnga ngwo à bii angu. 33Ngwo a ne koʼro é le eklasɔn ene esɔrɔ ngwɛ gho afwɛʼ wɛ na aŋu mmɛ à le eklasɔn ene ngwo ngɛ.’ 34Éngɛ m̀fɔ̀ bɔɔ etaa ghɛʼ gɛ̀rɛ̀ sàa gho afwɛʼ wɛ a dzɔm kpe e nyii engɔ bwɛn èndzobo chɛ engɔ ma gii ekɛb gimkpaʼ wɛ engɔ me klini ngɛ.” 35Éngɛ Yeso ngudu kpe, “Na éngɛ àtɛ ngu ekere ma yà le ekwa gho ŋwàʼaŋwàʼ abwaʼ ndzɔn, mala ngwo tɔn é dzɛ̀d anyimabwa ghongwa ngwɛ nyɛrɛ zeʼ efwɔ etaa mfyɛ.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, CABTAL