Malakus 16
16
Yeso zhəm dzəŋŋə nə ivə
(Mat 28.1-8; Luk 24.1-12; Jɔn 20.1-10)
1Nghee tə tsuʼ inaʼ u tsəghə tsunə, Maliya Magdala ghi Maria nay Jems, ghi Salome ghə n zuu naŋa tsu mbvə n tsoʼlə mə ni ndòw tsoʼlə vən i Yeso tii. 2Ambə n tsuʼ fə sə̂ i sə fə nə iwən, ghə n bəd nuu kɔʼ n sə̀ kə tsə, nuu ndòw n dzuu zə isay i Yeso. 3Nghee tə̀ ghə ndòwnə n jii, ghə n bəbə n wû i ghə nə̀, a i gaamə ndee ghey ni ney nuu tay i nii zey n dzuu zə isay ə. 4Ghə n dza i laalə ndow, koʼ ndow nə̀ ghə n bəŋŋə nuu tay zey zə â loʼnə n dzuu zə isay i tii zə (â ndzəm loʼ tay i nii nii zə). 5Ambə ghə nyi ndòwnə n say i tii zə, ghə n koʼ ndòw waa fəghaŋ u loʼ wə tə doʼnə n bad kə kpii kə zəə kə, nə̀ tə n dzəŋə keeli ndzə tə fəmə tə. Sey, ghə n kaʼ ni tsəŋ. 6Tə n dza ndòw tə̀ ghə nə̀, “Kə̂ ghaa nə tsəŋənə, ghaa kəŋə Yeso wù Nazaled wən ghə â baanə wi n zat kə fəkaʼ ə? Tə mâ zhəm nə ivə, tə kəm way dzə fa. Koʼo na luʼu wey ghə â nyəŋi naŋanə wi tii. 7Ndòw dza ndòw na tə̀ ngəd tə wi tə, nsə Pita nə̀ tə n ndòw isə n naʼ i Galili. À loʼ fu ghaa i koʼonə wi, tə̀ tə â dzanə.”
8Wû wə n kaalə kɔʼ bə ghə, ghə bə tyi shi fu n dzuu zə isay, ghə n ka dza kìi shi ghə i loʼ zə tə̀ wù, n təŋkey, ghə â tsəŋənu.#16.8 Maʼlə u wey u loʼ u guŋ kɔʼ ni zey tsu nə təghələ tətaandzuu kuum ndow nə təghələ ighəm, u loʼ u guŋ kɔʼ ni zey tsu nə təghələ tətaandzuu kuum ndow nə təghələ wû u wù.
Yeso dii wû u wi tə Maliya Magdala
(Mat 28.9, 10; Jɔn 20.11-18)
9Nghee tə̀ Yeso zhəm kɔʼnə nə ivə n tsuʼ fə sə̂ i sə fə nə iwən, tə n dii ndòw uwû tə̀ Maliya Magdala wən tə â dzùm shinə zay u bwu wə usəghəmbəghə n kow wi. 10Maliya Magdala n ndòw dza ndòw tə̀ ghə̂ ghey ghə â loʼ tsə ghi Yeso, ghə n loʼ nə ghə dey ivə. 11Ambə tə bə dza bənə tə̀ ghə nə̀ Yeso loʼ utaw nsə nə̀ tə n wi koʼ, ghə n ka bəghəm ghəə zey tə dzanə.
Yeso dii uwû tə dzûmə tə wi tə̀ təbəghə
(Luk 24.13-35)
12Yeso n kəm dii soʼo uwû tə̀ dzûmə tə wi tə təbəghə n jii, ghə ndòwnə inaʼ 13Ghə n dzəŋŋə ndòw, ndòw dza ndòw tə ghə̂ a loʼ ghey, ghə n ka nam bəghəm ghəə zey ghə dzanə.
Yeso dii uwû tə̀ ngəd tə wi tey ighəm n ghii zə imɔʼ
(Mat 28.16-20; Luk 24.36-49; Jɔn 20.19-23; Kəf 1.6-8)
14Yeso n baa bə dii bə uwû tə̀ ngəd tə wi tey ighəm n ghii zə imɔʼ, nə̀ ghə zəənu. Tə n kpaa ndòw ghə bòʼ nə̀, ghə â khə way bəghəm i fə̀ŋ zə nsə nə̀ ghə â way ni bəghəm fu tə̀ ghə̂ ghey ghə â koʼnə wi nə̀ tə n zhəm dzəŋŋə nə ivə. 15Tə n dza tə̀ ghə nə̀, “Ndòw na n mbi idzəm, ghaa naʼa ndòw tûm i dzuŋu zə tə̀ ghə̂ ghə adzəm. 16Wù wey tə bəghəmnə ghəə zey ghaa dzanə, ney kɔʼ mmuu n Kəzə̀, tə i keeli ibəghəshi. Wù wey tə ka bəghəm i keeli ngoʼ. 17À wən loʼ tsəə tən tə i dzûmə ghə̂ ghey ghə i bəghəmnə ghəə ghey ghaa dzanə; Ghə i keeli kədaʼa ni dzùm shi zay u bəbə wə n zəd zuŋ, ghə i kaʼ ni ghɔɔmə ndəmə ghɔɔmə tə tətùm, 18nə̀ ghə kwu kə zuu n wɔɔ, nkee ghə mə̂nə nəb, zə i ghəŋə dzə way ghə i loʼ zə n kow ghə, ghə i mɔm ndòw ghə̂ a dzaŋa ghə n wɔɔ, ghə n taw doʼo i bə.”
Yeso kɔʼ idəŋ
(Luk 24.50-53; Kəf 1.9-11)
19Ambə Mûkəbii Yeso ghɔɔmə may tsunə ghəə ghən tə̀ ghə, Zə̀ kə n ney nuu kɔʼ ndòw wi idəŋ, tə n ndòw doʼo tsu n kpii u Kəzə̀ u təmə kə. 20Ngəd tə wi tə n kaʼ ndòw ni naʼa tûm i dzuŋu zə nə təluʼu tədzəm. Mûkəbii n fwaʼa ghi ghə, gaamə ghə nə̀ ghə i ghəŋŋə faalə mə ni dii tsu nə̀ ghəə ghey ghə naʼlənə, a nuu bə n wɔ K-a-zə̀.
Currently Selected:
Malakus 16: WEH
Highlight
Share
Copy
Want to have your highlights saved across all your devices? Sign up or sign in
© 2022 CABTAL
Malakus 16
16
Yeso zhəm dzəŋŋə nə ivə
(Mat 28.1-8; Luk 24.1-12; Jɔn 20.1-10)
1Nghee tə tsuʼ inaʼ u tsəghə tsunə, Maliya Magdala ghi Maria nay Jems, ghi Salome ghə n zuu naŋa tsu mbvə n tsoʼlə mə ni ndòw tsoʼlə vən i Yeso tii. 2Ambə n tsuʼ fə sə̂ i sə fə nə iwən, ghə n bəd nuu kɔʼ n sə̀ kə tsə, nuu ndòw n dzuu zə isay i Yeso. 3Nghee tə̀ ghə ndòwnə n jii, ghə n bəbə n wû i ghə nə̀, a i gaamə ndee ghey ni ney nuu tay i nii zey n dzuu zə isay ə. 4Ghə n dza i laalə ndow, koʼ ndow nə̀ ghə n bəŋŋə nuu tay zey zə â loʼnə n dzuu zə isay i tii zə (â ndzəm loʼ tay i nii nii zə). 5Ambə ghə nyi ndòwnə n say i tii zə, ghə n koʼ ndòw waa fəghaŋ u loʼ wə tə doʼnə n bad kə kpii kə zəə kə, nə̀ tə n dzəŋə keeli ndzə tə fəmə tə. Sey, ghə n kaʼ ni tsəŋ. 6Tə n dza ndòw tə̀ ghə nə̀, “Kə̂ ghaa nə tsəŋənə, ghaa kəŋə Yeso wù Nazaled wən ghə â baanə wi n zat kə fəkaʼ ə? Tə mâ zhəm nə ivə, tə kəm way dzə fa. Koʼo na luʼu wey ghə â nyəŋi naŋanə wi tii. 7Ndòw dza ndòw na tə̀ ngəd tə wi tə, nsə Pita nə̀ tə n ndòw isə n naʼ i Galili. À loʼ fu ghaa i koʼonə wi, tə̀ tə â dzanə.”
8Wû wə n kaalə kɔʼ bə ghə, ghə bə tyi shi fu n dzuu zə isay, ghə n ka dza kìi shi ghə i loʼ zə tə̀ wù, n təŋkey, ghə â tsəŋənu.#16.8 Maʼlə u wey u loʼ u guŋ kɔʼ ni zey tsu nə təghələ tətaandzuu kuum ndow nə təghələ ighəm, u loʼ u guŋ kɔʼ ni zey tsu nə təghələ tətaandzuu kuum ndow nə təghələ wû u wù.
Yeso dii wû u wi tə Maliya Magdala
(Mat 28.9, 10; Jɔn 20.11-18)
9Nghee tə̀ Yeso zhəm kɔʼnə nə ivə n tsuʼ fə sə̂ i sə fə nə iwən, tə n dii ndòw uwû tə̀ Maliya Magdala wən tə â dzùm shinə zay u bwu wə usəghəmbəghə n kow wi. 10Maliya Magdala n ndòw dza ndòw tə̀ ghə̂ ghey ghə â loʼ tsə ghi Yeso, ghə n loʼ nə ghə dey ivə. 11Ambə tə bə dza bənə tə̀ ghə nə̀ Yeso loʼ utaw nsə nə̀ tə n wi koʼ, ghə n ka bəghəm ghəə zey tə dzanə.
Yeso dii uwû tə dzûmə tə wi tə̀ təbəghə
(Luk 24.13-35)
12Yeso n kəm dii soʼo uwû tə̀ dzûmə tə wi tə təbəghə n jii, ghə ndòwnə inaʼ 13Ghə n dzəŋŋə ndòw, ndòw dza ndòw tə ghə̂ a loʼ ghey, ghə n ka nam bəghəm ghəə zey ghə dzanə.
Yeso dii uwû tə̀ ngəd tə wi tey ighəm n ghii zə imɔʼ
(Mat 28.16-20; Luk 24.36-49; Jɔn 20.19-23; Kəf 1.6-8)
14Yeso n baa bə dii bə uwû tə̀ ngəd tə wi tey ighəm n ghii zə imɔʼ, nə̀ ghə zəənu. Tə n kpaa ndòw ghə bòʼ nə̀, ghə â khə way bəghəm i fə̀ŋ zə nsə nə̀ ghə â way ni bəghəm fu tə̀ ghə̂ ghey ghə â koʼnə wi nə̀ tə n zhəm dzəŋŋə nə ivə. 15Tə n dza tə̀ ghə nə̀, “Ndòw na n mbi idzəm, ghaa naʼa ndòw tûm i dzuŋu zə tə̀ ghə̂ ghə adzəm. 16Wù wey tə bəghəmnə ghəə zey ghaa dzanə, ney kɔʼ mmuu n Kəzə̀, tə i keeli ibəghəshi. Wù wey tə ka bəghəm i keeli ngoʼ. 17À wən loʼ tsəə tən tə i dzûmə ghə̂ ghey ghə i bəghəmnə ghəə ghey ghaa dzanə; Ghə i keeli kədaʼa ni dzùm shi zay u bəbə wə n zəd zuŋ, ghə i kaʼ ni ghɔɔmə ndəmə ghɔɔmə tə tətùm, 18nə̀ ghə kwu kə zuu n wɔɔ, nkee ghə mə̂nə nəb, zə i ghəŋə dzə way ghə i loʼ zə n kow ghə, ghə i mɔm ndòw ghə̂ a dzaŋa ghə n wɔɔ, ghə n taw doʼo i bə.”
Yeso kɔʼ idəŋ
(Luk 24.50-53; Kəf 1.9-11)
19Ambə Mûkəbii Yeso ghɔɔmə may tsunə ghəə ghən tə̀ ghə, Zə̀ kə n ney nuu kɔʼ ndòw wi idəŋ, tə n ndòw doʼo tsu n kpii u Kəzə̀ u təmə kə. 20Ngəd tə wi tə n kaʼ ndòw ni naʼa tûm i dzuŋu zə nə təluʼu tədzəm. Mûkəbii n fwaʼa ghi ghə, gaamə ghə nə̀ ghə i ghəŋŋə faalə mə ni dii tsu nə̀ ghəə ghey ghə naʼlənə, a nuu bə n wɔ K-a-zə̀.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 CABTAL