Luuka 13
13
Usobo mbiili na ukangama mu Nzambi
1Mu tangu moyina, baatu baayayabisa Yisu buni mutumi Pilaato hatumi uduba bisu Ngalili bamosi ba baakatsuhala Nzambi bungodu. 2Yisu ni ufutala bo bu: «Benu litsimi ti bisu Ngalili mobaana aba baaluta bisu Ngalili boosi mu masumu, mu ubwana na tsundusu yi lipfu ya pila yina? 3Naana, me ndeele benu! Ka livelesobo mbiili, benu ka sa likwa we bo. 4Buve kuumi poombo la baatu ba baakwidi ŋa ibanga hinene hya Silowa hyahudihi bo. Benu litsimi ti bubi bwa bo bwaba bwaluta bwa baatu ba musyenge a Yeruselemi? 5Naana, me ndeele benu! Ka benu livelesobo mbiili, benu ka sa likwa boosi we bo.»
Sahu li muti a fiige wu aveleva mbutu
6Yisu abweta ka sahu moli: «Muutu mumosi aba akuna muti a fiige hutso a ngundu a nde ya vinye. Ilumbu imosi, nde ayasaha mbutu, ka nde a habahi tso limosi ve. 7Nde ni uleele huli musalili a ngundu a nde: “Mono bilima ka bitatu me ndi mu unzatsaha mbutu mu muti a fiige mowunuwu, hwavele ubaha isiha. Kwanga nde! Muhima nde ali mu uvolo mbuha a mupu mutso a ngundu?” 8Musalili mo afutili nde: “Pfumu a me, maabwenyaha ati nde ilima mohi. Me tsa pahila nde iyuna hi hyudiinga nde, na me tsa mbwaha mbolese hutso a hyo. 9Tangu yi nde ubava mbutu, avelebuta, bakwanga nde.”»
Yisu abeelusi mukaasu nga ipiha mu ilumbu hya saba
10Ilumbu hya saba#13.10 saba: ilumbu hya pumili hi Bayudaayo mu usukasa limingu. , Yisu akalongese mutso a nzo lisambulu yi Bayudaayo. 11Ka hwaba huuna mukaasu mumosi wu livupu lilibi lavidi ipiha umata bilima kuumi na poombo. Nde aba wabaandama, na a hakabwetwala unonoho ve. 12Bu Yisu hamoni mukaasu mowuna, ateeli nde na aleeli: «Mukaasu, we miyoboho mu ipiha hya we.» 13Yisu asuusala nde myoho, mawasa-mawasa, mukaasu anonihi na nde ayusi Nzambi.
14Ka mukuutu mumosi a nzo lisambulu yi Bayudaayo abahi kesi bu Yisu habeelusi mubeedu mu ilumbu hya saba. Na nde aleeli huli konge a baatu: «Huli bilumbu bisamunu bi baafwana mu usala. Baayani hu ubuha nyutu mu bilumbu mobiina, ka a mu ilumbu hya saba ve!» 15Pfumu afutili huli nde: «Benu banga muwala! Na mu benu, ilumbu hya saba, ubaakondo unyangula ngoombe a nde, buve buuru a nde mutso idiili hi biboodi, mu ubita nde hu uyanywisa nde mamba? 16Ka mukaasu mowunuwu, wuli mwana a Abrahami, wu Satana haba hamihada umata bilima kuumi poombo, a hwafwana mu uyobolo nde mu ilumbu hya saba ve?»
17Bu Yisu haleeli buuna, baboho ba nde boosi baamoni tsonyi, na konge a baatu yaba na kinya mu toni a ma muyusu ma nde hakasa.
Kuma a tsangu a mutade na kuma a iloho hi ibaadanisa mapa
Mataayi 13.31-33; Malako 4.30-32
18Yisu abweleele: «Ipfumu hya Nzambi, na hima hyafwanina? Me na ki iloho me upfwanisa hyo? 19Hyo hili we libutu la mutade#13.19 libutu la mutade: Bayudaayo baakatsima ti ifwani hi iloho hi ikehe. Ka hu manili yo yibaakituha muti. li muutu amiivolo na unyanza hutso a woto. Tsangu moyina yibaakula, yibaakituha musumana, na banyunyi bubaatunga byanza bya bo mu matabi ma nde.»
20Yisu abweleele: «Ipfumu hya Nzambi, na hima me upfwanisa hyo? 21Hyo hili we iloho hi ibaadaanisa mapa, hi mukaasu amiivolo, na upfuuta mu byetso bitatu bya farine, te bu mapa mu udaana.»
Munywa a nzo wu aswekeme
22Bu Yisu hakayene hu tsyelo a Yeruselemi nde akataangila misyenge na mala, na nde akalongese. 23Muutu mumosi aleeli nde: «Pfumu, ndulu ka mwana baatu hole bu uyoboho?» Yisu afutili bo: 24«Hwadaani mu ukoto mu munywa a nzo wu aswekeme. Mu toni ati, me ndeele benu, babalahi busaha ukoto mu nde, na a butwala ve. 25Ŋa nga nzo huteleme na udibuha munywa a nzo mu sabi, mu tangu moyina benu lusaala hu mbadi, benu sa libaandiha ubaadoodo ŋa munywa a nzo, na ubaaleele: “Pfumu! Dibula bisu munywa a nzo!” Nde sa afutala benu: “Me anzaabi benu ba huni limaati ve.” 26Na benu sa libaandiha uleele nde: “Bisu laadiidi na laanywidi itwadi na we, na we alongisi mu manzila ma manene ma mu misyenge mya bisu.” 27Nde sa akaala benu na uleele: “Me a nzaabi benu ba huni limaati ve. Matilaani me, benu boosi ba libaasa mamabi!”
28Ni ŋana benu luulila na uhula miinyu. Ŋa benu luumono Abrahami, Isaki, Yakobi, na mimbihuli myosi, hutso Ipfumu hya Nzambi, na sa babwaha benu hu mbadi. 29Baatu sa bamata hu este na hu weste, hu noode na hu sude, na sa baatsahala ŋa metse mu udya itwadi ilaambu hu Ipfumu hya Nzambi. 30Na buuna, bakima ŋa hati la babali batsyeleele, sa baba baatsomi, na bakima babali baatsomi loloyi sa baba batsyeleele.»
Yisu li mu unyongo mu bisu Yeruselemi
Mataayi 23.37-39
31Mu tangu moyina, mwana kabu li Bafarisi laayaleele Yisu: «Mata ŋa, yene! Eloode tondi uduba we.»
32Yisu afutili bo: «Ya leelaani mubahu mowuna: “Mono, me ndi mu umbinga matengo na me ndi mu umbeeloso babeedu lolo na ngwali. Na mu ilumbu hi bitatu me tsa mana isalu hya me.” 33Ka me apfwana uhwada mu mudyenge a me loloyi, ngwali, na mulele. Mu toni ati, a hwafwana ti baduba mumbihuli hu mbadi a Yeruselemi ve.
34Yeruselemi, we musyenge a Yeruselemi, we wu ubaaduba mimbihuli na uduba mu mamanya ba Nzambi ali mu utsindaha we! Me tondi ukuukaha baana ba we, we bu tsusu ubaafuha baana ba nde hutso mapapi ma nde. Ka benu a laatondo ve! 35Ni buuna Nzambi sa atimba nzo a benu. Me ndeele benu lo, a lubwemono me ve, nate mu tangu yi benu luuleele: “Nzambi asyeme nde wuna wuli mu uya mu nduhi a Pfumu!”»
Currently Selected:
Luuka 13: TSA
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Luuka 13
13
Usobo mbiili na ukangama mu Nzambi
1Mu tangu moyina, baatu baayayabisa Yisu buni mutumi Pilaato hatumi uduba bisu Ngalili bamosi ba baakatsuhala Nzambi bungodu. 2Yisu ni ufutala bo bu: «Benu litsimi ti bisu Ngalili mobaana aba baaluta bisu Ngalili boosi mu masumu, mu ubwana na tsundusu yi lipfu ya pila yina? 3Naana, me ndeele benu! Ka livelesobo mbiili, benu ka sa likwa we bo. 4Buve kuumi poombo la baatu ba baakwidi ŋa ibanga hinene hya Silowa hyahudihi bo. Benu litsimi ti bubi bwa bo bwaba bwaluta bwa baatu ba musyenge a Yeruselemi? 5Naana, me ndeele benu! Ka benu livelesobo mbiili, benu ka sa likwa boosi we bo.»
Sahu li muti a fiige wu aveleva mbutu
6Yisu abweta ka sahu moli: «Muutu mumosi aba akuna muti a fiige hutso a ngundu a nde ya vinye. Ilumbu imosi, nde ayasaha mbutu, ka nde a habahi tso limosi ve. 7Nde ni uleele huli musalili a ngundu a nde: “Mono bilima ka bitatu me ndi mu unzatsaha mbutu mu muti a fiige mowunuwu, hwavele ubaha isiha. Kwanga nde! Muhima nde ali mu uvolo mbuha a mupu mutso a ngundu?” 8Musalili mo afutili nde: “Pfumu a me, maabwenyaha ati nde ilima mohi. Me tsa pahila nde iyuna hi hyudiinga nde, na me tsa mbwaha mbolese hutso a hyo. 9Tangu yi nde ubava mbutu, avelebuta, bakwanga nde.”»
Yisu abeelusi mukaasu nga ipiha mu ilumbu hya saba
10Ilumbu hya saba#13.10 saba: ilumbu hya pumili hi Bayudaayo mu usukasa limingu. , Yisu akalongese mutso a nzo lisambulu yi Bayudaayo. 11Ka hwaba huuna mukaasu mumosi wu livupu lilibi lavidi ipiha umata bilima kuumi na poombo. Nde aba wabaandama, na a hakabwetwala unonoho ve. 12Bu Yisu hamoni mukaasu mowuna, ateeli nde na aleeli: «Mukaasu, we miyoboho mu ipiha hya we.» 13Yisu asuusala nde myoho, mawasa-mawasa, mukaasu anonihi na nde ayusi Nzambi.
14Ka mukuutu mumosi a nzo lisambulu yi Bayudaayo abahi kesi bu Yisu habeelusi mubeedu mu ilumbu hya saba. Na nde aleeli huli konge a baatu: «Huli bilumbu bisamunu bi baafwana mu usala. Baayani hu ubuha nyutu mu bilumbu mobiina, ka a mu ilumbu hya saba ve!» 15Pfumu afutili huli nde: «Benu banga muwala! Na mu benu, ilumbu hya saba, ubaakondo unyangula ngoombe a nde, buve buuru a nde mutso idiili hi biboodi, mu ubita nde hu uyanywisa nde mamba? 16Ka mukaasu mowunuwu, wuli mwana a Abrahami, wu Satana haba hamihada umata bilima kuumi poombo, a hwafwana mu uyobolo nde mu ilumbu hya saba ve?»
17Bu Yisu haleeli buuna, baboho ba nde boosi baamoni tsonyi, na konge a baatu yaba na kinya mu toni a ma muyusu ma nde hakasa.
Kuma a tsangu a mutade na kuma a iloho hi ibaadanisa mapa
Mataayi 13.31-33; Malako 4.30-32
18Yisu abweleele: «Ipfumu hya Nzambi, na hima hyafwanina? Me na ki iloho me upfwanisa hyo? 19Hyo hili we libutu la mutade#13.19 libutu la mutade: Bayudaayo baakatsima ti ifwani hi iloho hi ikehe. Ka hu manili yo yibaakituha muti. li muutu amiivolo na unyanza hutso a woto. Tsangu moyina yibaakula, yibaakituha musumana, na banyunyi bubaatunga byanza bya bo mu matabi ma nde.»
20Yisu abweleele: «Ipfumu hya Nzambi, na hima me upfwanisa hyo? 21Hyo hili we iloho hi ibaadaanisa mapa, hi mukaasu amiivolo, na upfuuta mu byetso bitatu bya farine, te bu mapa mu udaana.»
Munywa a nzo wu aswekeme
22Bu Yisu hakayene hu tsyelo a Yeruselemi nde akataangila misyenge na mala, na nde akalongese. 23Muutu mumosi aleeli nde: «Pfumu, ndulu ka mwana baatu hole bu uyoboho?» Yisu afutili bo: 24«Hwadaani mu ukoto mu munywa a nzo wu aswekeme. Mu toni ati, me ndeele benu, babalahi busaha ukoto mu nde, na a butwala ve. 25Ŋa nga nzo huteleme na udibuha munywa a nzo mu sabi, mu tangu moyina benu lusaala hu mbadi, benu sa libaandiha ubaadoodo ŋa munywa a nzo, na ubaaleele: “Pfumu! Dibula bisu munywa a nzo!” Nde sa afutala benu: “Me anzaabi benu ba huni limaati ve.” 26Na benu sa libaandiha uleele nde: “Bisu laadiidi na laanywidi itwadi na we, na we alongisi mu manzila ma manene ma mu misyenge mya bisu.” 27Nde sa akaala benu na uleele: “Me a nzaabi benu ba huni limaati ve. Matilaani me, benu boosi ba libaasa mamabi!”
28Ni ŋana benu luulila na uhula miinyu. Ŋa benu luumono Abrahami, Isaki, Yakobi, na mimbihuli myosi, hutso Ipfumu hya Nzambi, na sa babwaha benu hu mbadi. 29Baatu sa bamata hu este na hu weste, hu noode na hu sude, na sa baatsahala ŋa metse mu udya itwadi ilaambu hu Ipfumu hya Nzambi. 30Na buuna, bakima ŋa hati la babali batsyeleele, sa baba baatsomi, na bakima babali baatsomi loloyi sa baba batsyeleele.»
Yisu li mu unyongo mu bisu Yeruselemi
Mataayi 23.37-39
31Mu tangu moyina, mwana kabu li Bafarisi laayaleele Yisu: «Mata ŋa, yene! Eloode tondi uduba we.»
32Yisu afutili bo: «Ya leelaani mubahu mowuna: “Mono, me ndi mu umbinga matengo na me ndi mu umbeeloso babeedu lolo na ngwali. Na mu ilumbu hi bitatu me tsa mana isalu hya me.” 33Ka me apfwana uhwada mu mudyenge a me loloyi, ngwali, na mulele. Mu toni ati, a hwafwana ti baduba mumbihuli hu mbadi a Yeruselemi ve.
34Yeruselemi, we musyenge a Yeruselemi, we wu ubaaduba mimbihuli na uduba mu mamanya ba Nzambi ali mu utsindaha we! Me tondi ukuukaha baana ba we, we bu tsusu ubaafuha baana ba nde hutso mapapi ma nde. Ka benu a laatondo ve! 35Ni buuna Nzambi sa atimba nzo a benu. Me ndeele benu lo, a lubwemono me ve, nate mu tangu yi benu luuleele: “Nzambi asyeme nde wuna wuli mu uya mu nduhi a Pfumu!”»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.