Hechos 6
6
Ki'ulik i wuqub' ajtonel
1Che taq i ij le, are lik ktijin kk'iyarik i winaq chi kekojon che i Ajwal, i jub'an chi kech'aw pa Griego xkijeq ukojik kimak i jub'an chi kech'aw pa Hebreo chi lik utz kilik k-anik; man kkib'ij chi ni'pa i malkanib' aj Grecia utz ti kilik k-anik are kya' i rajwaxik chke ij ij. 2Are uri i kab'lajuj apostolab' xkimol kichi' konojel i winaq chi kekojon che i Ajwal, i xkib'ij chke:
—Kmajaw taj we yoj kqo'taj ub'ixkil utzij i Dios rumal taq uk'amik utzam che ujachik i rajwaxik. 3Rumali ix qachalal chwach i Cristo, chitzukuj uri wuqub' achiyab' chixol chi lik kul ik'ux chke xaq rajwaxik chi o Lo'laj Utewal i Dios ku' xaq o kino'oj man kqaya chkiqul ujachik i rajwaxik chke le. 4Man yoj kqamayij ti utz'onoxik che i Dios xaq ub'ixkil utzij i Dios.
5Konojel uri lik utz xkita ile, are uri xkicha ma Esteban chi are jun achi chi lik ukub'am uk'ux che i Dios xaq lik o Lo'laj Utewal i Dios ru', xaq xkicha ma Felipe, ma Prócoro, ma Nicanor, ma Timón, ma Parmenas xaq i ma Nicolás chi aj pa tinimit Antioquía chi ujer uya'om te'eq uwach ku' aj Judío. 6Te'uri xekik'am b'i wuqub' le ku' i apostolab'. Ike xkitz'onoj che i Dios xaq xkiya ki'ab' pkiwi yab'al re kipatan.
7I utzij i Dios lik ktijin upaxsaxik uwach, i winaq chi kekojon che i Ajwal lik ktijin kik'iyarik chila pa Jerusalén xaq je k'i i rajpatan i Dios xkikub'a kik'ux che i Jesús.
Uchapik ma Esteban
8I ma Esteban lik ru' ucho'ab' i Dios xaq rumal utzil chomal re i Dios ku'an nimaq taq il xaq nimaq taq anik chkiwach i winaq. 9Xwiri o jub'an achiyab' chi xe'ok chuchapik kib' pa tzij ru' ma Esteban, chi kkimol kib' chila che jun ja re molb'al ib' ke i judío chi ub'i keje iri: “Taqon chi je o'tam chub'ik” junam ku' jub'an chik chi aj Cirene, aj Alejandría, aj Cilicia xaq jujun chi kepe che i tinimit Asia, 10xwiri, ketiki ti chu'atixik ma Esteban le man ronojel ni'pa i kub'ij lik are Lo'laj Utewal i Dios kyaw punojb'al. 11Rumali xkitoj jub'an ajnuk'ul tzij chrij ma Esteban, chub'ixkil chi xkita i ma Esteban le chi k'ax kch'aw chrij i mam Moisés xaq chrij i Dios. 12Ru' i tzij le, xkich'ujersaj i winaq xaq xkipetsaj koywal uwi ujolom i tinimit xaq i tijonelab' re atb'al tzij; rumali xe'e chrij ma Esteban xkichapo xaq xkik'am b'i chkiwach jutzob'aj unimaqil chi kki'at tzij pkitinimit aj Judío. 13Xwi ta la ile, xaq xkitzukuj chik jub'an ajnuk'ul tzij chrij ma Esteban chi xkib'ij:
—I achi le lik arewi k'ax kch'aw che i Lo'laj rachoch i Dios i xaq chrij i atb'al tzij; xecha. 14Lik qatom kub'ij chi i Jesús aj Nazaret kuwulijsaj ni rachoch i Dios xaq kujalwachij ni kiwach taq anik chi uya'om kan i mam Moisés chqe —xecha.
15I ajpatanib' re i tinimit xaq ni'pa i je kul chila, xkitzu pan ma Esteban are uri xkil upalaj chi keje pacha uchomal upalaj jun ángel.
Currently Selected:
Hechos 6: ACHICUB
Highlight
Share
Copy
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala
Hechos 6
6
Ki'ulik i wuqub' ajtonel
1Che taq i ij le, are lik ktijin kk'iyarik i winaq chi kekojon che i Ajwal, i jub'an chi kech'aw pa Griego xkijeq ukojik kimak i jub'an chi kech'aw pa Hebreo chi lik utz kilik k-anik; man kkib'ij chi ni'pa i malkanib' aj Grecia utz ti kilik k-anik are kya' i rajwaxik chke ij ij. 2Are uri i kab'lajuj apostolab' xkimol kichi' konojel i winaq chi kekojon che i Ajwal, i xkib'ij chke:
—Kmajaw taj we yoj kqo'taj ub'ixkil utzij i Dios rumal taq uk'amik utzam che ujachik i rajwaxik. 3Rumali ix qachalal chwach i Cristo, chitzukuj uri wuqub' achiyab' chixol chi lik kul ik'ux chke xaq rajwaxik chi o Lo'laj Utewal i Dios ku' xaq o kino'oj man kqaya chkiqul ujachik i rajwaxik chke le. 4Man yoj kqamayij ti utz'onoxik che i Dios xaq ub'ixkil utzij i Dios.
5Konojel uri lik utz xkita ile, are uri xkicha ma Esteban chi are jun achi chi lik ukub'am uk'ux che i Dios xaq lik o Lo'laj Utewal i Dios ru', xaq xkicha ma Felipe, ma Prócoro, ma Nicanor, ma Timón, ma Parmenas xaq i ma Nicolás chi aj pa tinimit Antioquía chi ujer uya'om te'eq uwach ku' aj Judío. 6Te'uri xekik'am b'i wuqub' le ku' i apostolab'. Ike xkitz'onoj che i Dios xaq xkiya ki'ab' pkiwi yab'al re kipatan.
7I utzij i Dios lik ktijin upaxsaxik uwach, i winaq chi kekojon che i Ajwal lik ktijin kik'iyarik chila pa Jerusalén xaq je k'i i rajpatan i Dios xkikub'a kik'ux che i Jesús.
Uchapik ma Esteban
8I ma Esteban lik ru' ucho'ab' i Dios xaq rumal utzil chomal re i Dios ku'an nimaq taq il xaq nimaq taq anik chkiwach i winaq. 9Xwiri o jub'an achiyab' chi xe'ok chuchapik kib' pa tzij ru' ma Esteban, chi kkimol kib' chila che jun ja re molb'al ib' ke i judío chi ub'i keje iri: “Taqon chi je o'tam chub'ik” junam ku' jub'an chik chi aj Cirene, aj Alejandría, aj Cilicia xaq jujun chi kepe che i tinimit Asia, 10xwiri, ketiki ti chu'atixik ma Esteban le man ronojel ni'pa i kub'ij lik are Lo'laj Utewal i Dios kyaw punojb'al. 11Rumali xkitoj jub'an ajnuk'ul tzij chrij ma Esteban, chub'ixkil chi xkita i ma Esteban le chi k'ax kch'aw chrij i mam Moisés xaq chrij i Dios. 12Ru' i tzij le, xkich'ujersaj i winaq xaq xkipetsaj koywal uwi ujolom i tinimit xaq i tijonelab' re atb'al tzij; rumali xe'e chrij ma Esteban xkichapo xaq xkik'am b'i chkiwach jutzob'aj unimaqil chi kki'at tzij pkitinimit aj Judío. 13Xwi ta la ile, xaq xkitzukuj chik jub'an ajnuk'ul tzij chrij ma Esteban chi xkib'ij:
—I achi le lik arewi k'ax kch'aw che i Lo'laj rachoch i Dios i xaq chrij i atb'al tzij; xecha. 14Lik qatom kub'ij chi i Jesús aj Nazaret kuwulijsaj ni rachoch i Dios xaq kujalwachij ni kiwach taq anik chi uya'om kan i mam Moisés chqe —xecha.
15I ajpatanib' re i tinimit xaq ni'pa i je kul chila, xkitzu pan ma Esteban are uri xkil upalaj chi keje pacha uchomal upalaj jun ángel.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala