%C9xodo 37
37
U'anik i kaxa re utrat i Dios
1I ma Bezaleel xu'an i kaxa, are i che' suj xukoj che, jun mejelik ch'uk xuya che i raqan, oxib' ripaj ab'aj uwach xaq oxib' ripaj ab'aj unajtil rij. 2Xukoj b'i an-o'oj chrij xaq i chupam, xaq xukoj an-o'oj che ronojel uchi'. 3Xaq xkiyijb'a kajib' sotsaq ch'ich' lik an-o'oj, xkiwoyb'a che kajib' raqan, keb' che i jun xaq keb' chik che i jun chik. 4Xkiyijb'a keb' b'alul che i che' suj, xkikoj an-o'oj chrij, 5te'uri xkik'awsaj i che' chupam i sotsaq ch'ich' chi xkiwoyb'a che i kajib' raqan i kaxa, man k'amb'al b'i re xa'ipa.
6Xki'an jun ch'uqb'al uwi, xkikoj an-o'oj chrij; nik'aj xik'ab' ru' oxib' ripaj ab'aj xkiya che i raqan xaq oxib' ripaj ab'aj ru' nik'aj xkiya che uwach. 7Xki'an keb' querubín chi lik an-o'oj, xkiyijb'a ru' jun ch'ayb'al, xkiya pa taq utzal i kaxa. 8I ch'uqb'al uwi i kaxa xaq i je querubín le xaqjun kya' wi, jujun k-e pa taq utzal. 9Lik kkitzub'ala kib', xwiri ketaqen puwi i ch'uqb'al uwi i kaxa i kixik' kiripom b'i puwi i ch'uqb'al uwi, ru' ile kkich'uq ronojel uwi.
U'anik i mexa yab'al wa re trigo re i kuyb'al mak
10I ma Bezaleel xu'an jun mexa, che' suj xukoj che, nik'aj xik'ab' raqan xuya che, keb' ripaj ab'aj uwach, oxib' ripaj ab'aj unajtil rij. 11Xukoj an-o'oj chrij xaq che ronojel uchi'. 12Xaq xki'an jun uchi', juripaj ab'aj uwach xkiya che, xaq xkikoj retz'b'alil ronojel uchi' ru' i an-o'oj. 13Xki'an kajib' sotsaq ch'ich' an-o'oj xaq xkiwoyb'a pa taq kajib' uch'uk ipa o wi i raqan. 14I sotsaq ch'ich' le xkiwoyb'a chuxe' qaj i retz'b'alil uchi' i an-o'oj, man chila kik'awsax wi i che' chi k'amb'al b'i re i mexa xaipa.
15I b'alul re k'amb'al b'i re i mexa xaipa, lik che i che' suj x-an wi, xaq xkikoj an-o'oj chrij. 16Ronojel ni'pa i kya chwi taq mexa, pacha taq la i laq, lochb'al, xar xaq i tu'b'al chi yab'al re i uwa'al uva muqb'am, ronojel ile lik an-o'oj.
U'anik i tzuk'b'al an-o'oj
17I ma Bezaleel xu'an i tzuk'b'al chi lik an-o'oj: Ukub'ib'al, raqan, uk'oxal, ukotz'ijal xaq i wonwaq re i raqan, is ru' ch'ayb'al xuyijb'a ronojel ile xaq lik rok'am rib'. 18Xukoj waqib' u'ab' i tzuk'b'al: Oxib' putzal jewa xaq oxib' chik putzal jela. 19I waqib' u'ab' le is ox-ox k'ox o che pacha usij i sun, rachi'ilam rachoch i kotz'ij. 20Xwiri che raqan i tzuk'b'al, kajib' k'ox xki'an puwi pacha usij i sun, rachi'ilam rachoch i kotz'ij. 21Xki'an jun rachoch i kotz'ij chuxe' i nab'e u'ab' i tzuk'b'al, xki'an jun chik chuxe' ukab' u'ab' xaq keje xki'an che urox u'ab'; xaq keje xki'an che i waqib' u'ab' i tzuk'b'al. 22I rachoch i kotz'ij xaq i u'ab' xaqjun kawesaj wi ru' i raqan i tzuk'b'al, ronojel ile rajwaxik chi lik rutzil an-o'oj, ru' ch'ayb'al xkiyijb'a wi. 23Xaq xu'an wuqub' u'ab' i tzuk'b'al re i saqil an-o'oj, chapb'al re xaq xu'an i yab'al chaj. 24Re u'anik i tzuk'b'al junam ru' i b'iroxik chi xkikoj che, waqib' oxwinaq (66) ral taq k'ox an-o'oj xuk'am b'ik.
U'anik i sujb'al sipon re porb'al pom
25I ma Bezaleel xu'an jun sujb'al sipon re porb'al pom, che' suj xukoj che. Xaqjun uwach ru' i raqan xu'an che, keb' ripaj ab'aj ru' oxib' uwi ab'aj uwach xaq keb' ripaj ab'aj ru' oxib' uwi ab'aj raqan, xaq i unajtil rij nik'aj xik'ab' ru' nik'aj ripaj ab'aj; i pacha rok'a' lik che unimal xel wi. 26Xukoj an-o'oj puwi, che i kajib' uxukut xaq xukoj che i pacha rok'a'; xaq xukoj jun retz'b'alil uchi' lik an-o'oj. 27Xaq xukoj keb' sotsaq ch'ich' an-o'oj pa taq uxukut, chuxe' qaj i retz'b'alil uchi', keb' koksax che i xukut re i jun la xaq keje ile k-an chik che i jun chik rik'awb'al i che' chi k'amb'al b'i re xaipa. 28Xuyijb'a i che' suj, xaq xukoj an-o'oj chrij.
Uyijb'axik i aceite re i ulunik chwach i Dios xaq i pom
29Ma Bezaleel xu'an i lo'laj aceite re ulunik xaq xu'an i muy laj pom pacha u'anik kki'an aj-anol re che.
Currently Selected:
%C9xodo 37: ACHICUB
Highlight
Copy
Compare
Share
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala
%C9xodo 37
37
U'anik i kaxa re utrat i Dios
1I ma Bezaleel xu'an i kaxa, are i che' suj xukoj che, jun mejelik ch'uk xuya che i raqan, oxib' ripaj ab'aj uwach xaq oxib' ripaj ab'aj unajtil rij. 2Xukoj b'i an-o'oj chrij xaq i chupam, xaq xukoj an-o'oj che ronojel uchi'. 3Xaq xkiyijb'a kajib' sotsaq ch'ich' lik an-o'oj, xkiwoyb'a che kajib' raqan, keb' che i jun xaq keb' chik che i jun chik. 4Xkiyijb'a keb' b'alul che i che' suj, xkikoj an-o'oj chrij, 5te'uri xkik'awsaj i che' chupam i sotsaq ch'ich' chi xkiwoyb'a che i kajib' raqan i kaxa, man k'amb'al b'i re xa'ipa.
6Xki'an jun ch'uqb'al uwi, xkikoj an-o'oj chrij; nik'aj xik'ab' ru' oxib' ripaj ab'aj xkiya che i raqan xaq oxib' ripaj ab'aj ru' nik'aj xkiya che uwach. 7Xki'an keb' querubín chi lik an-o'oj, xkiyijb'a ru' jun ch'ayb'al, xkiya pa taq utzal i kaxa. 8I ch'uqb'al uwi i kaxa xaq i je querubín le xaqjun kya' wi, jujun k-e pa taq utzal. 9Lik kkitzub'ala kib', xwiri ketaqen puwi i ch'uqb'al uwi i kaxa i kixik' kiripom b'i puwi i ch'uqb'al uwi, ru' ile kkich'uq ronojel uwi.
U'anik i mexa yab'al wa re trigo re i kuyb'al mak
10I ma Bezaleel xu'an jun mexa, che' suj xukoj che, nik'aj xik'ab' raqan xuya che, keb' ripaj ab'aj uwach, oxib' ripaj ab'aj unajtil rij. 11Xukoj an-o'oj chrij xaq che ronojel uchi'. 12Xaq xki'an jun uchi', juripaj ab'aj uwach xkiya che, xaq xkikoj retz'b'alil ronojel uchi' ru' i an-o'oj. 13Xki'an kajib' sotsaq ch'ich' an-o'oj xaq xkiwoyb'a pa taq kajib' uch'uk ipa o wi i raqan. 14I sotsaq ch'ich' le xkiwoyb'a chuxe' qaj i retz'b'alil uchi' i an-o'oj, man chila kik'awsax wi i che' chi k'amb'al b'i re i mexa xaipa.
15I b'alul re k'amb'al b'i re i mexa xaipa, lik che i che' suj x-an wi, xaq xkikoj an-o'oj chrij. 16Ronojel ni'pa i kya chwi taq mexa, pacha taq la i laq, lochb'al, xar xaq i tu'b'al chi yab'al re i uwa'al uva muqb'am, ronojel ile lik an-o'oj.
U'anik i tzuk'b'al an-o'oj
17I ma Bezaleel xu'an i tzuk'b'al chi lik an-o'oj: Ukub'ib'al, raqan, uk'oxal, ukotz'ijal xaq i wonwaq re i raqan, is ru' ch'ayb'al xuyijb'a ronojel ile xaq lik rok'am rib'. 18Xukoj waqib' u'ab' i tzuk'b'al: Oxib' putzal jewa xaq oxib' chik putzal jela. 19I waqib' u'ab' le is ox-ox k'ox o che pacha usij i sun, rachi'ilam rachoch i kotz'ij. 20Xwiri che raqan i tzuk'b'al, kajib' k'ox xki'an puwi pacha usij i sun, rachi'ilam rachoch i kotz'ij. 21Xki'an jun rachoch i kotz'ij chuxe' i nab'e u'ab' i tzuk'b'al, xki'an jun chik chuxe' ukab' u'ab' xaq keje xki'an che urox u'ab'; xaq keje xki'an che i waqib' u'ab' i tzuk'b'al. 22I rachoch i kotz'ij xaq i u'ab' xaqjun kawesaj wi ru' i raqan i tzuk'b'al, ronojel ile rajwaxik chi lik rutzil an-o'oj, ru' ch'ayb'al xkiyijb'a wi. 23Xaq xu'an wuqub' u'ab' i tzuk'b'al re i saqil an-o'oj, chapb'al re xaq xu'an i yab'al chaj. 24Re u'anik i tzuk'b'al junam ru' i b'iroxik chi xkikoj che, waqib' oxwinaq (66) ral taq k'ox an-o'oj xuk'am b'ik.
U'anik i sujb'al sipon re porb'al pom
25I ma Bezaleel xu'an jun sujb'al sipon re porb'al pom, che' suj xukoj che. Xaqjun uwach ru' i raqan xu'an che, keb' ripaj ab'aj ru' oxib' uwi ab'aj uwach xaq keb' ripaj ab'aj ru' oxib' uwi ab'aj raqan, xaq i unajtil rij nik'aj xik'ab' ru' nik'aj ripaj ab'aj; i pacha rok'a' lik che unimal xel wi. 26Xukoj an-o'oj puwi, che i kajib' uxukut xaq xukoj che i pacha rok'a'; xaq xukoj jun retz'b'alil uchi' lik an-o'oj. 27Xaq xukoj keb' sotsaq ch'ich' an-o'oj pa taq uxukut, chuxe' qaj i retz'b'alil uchi', keb' koksax che i xukut re i jun la xaq keje ile k-an chik che i jun chik rik'awb'al i che' chi k'amb'al b'i re xaipa. 28Xuyijb'a i che' suj, xaq xukoj an-o'oj chrij.
Uyijb'axik i aceite re i ulunik chwach i Dios xaq i pom
29Ma Bezaleel xu'an i lo'laj aceite re ulunik xaq xu'an i muy laj pom pacha u'anik kki'an aj-anol re che.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala