N%FAmeros 12
12
Ati Mariy xaq ma Aarón k'ax kech'aw chrij ma Moisés
1Ati Mariy xaq ma Aarón xkijeqo chi k'ax kech'aw chrij ma Moisés man rumal xk'uli ru' jun ixoq aj Cus. 2Xaq xkib'ij: I Ajwal xwi ti ru' ma Moisés lapannaq wi; xaq lapannaq qu' yoj; xecha. I Ajwal xuta wach xkib'ij.
3Man saq laj tzij i ma Moisés lik xwi ire utz laj winaq te'eq chwach i jyub' ta'aj. 4Rumali i Ajwal xub'ij che ma Moisés, che ma Aarón xaq che ati Mariy: “Jix chix-oxib' chila pa okb'al re i ja re riqb'al ib' ru' i Dios.”
Rumali lik che oxib' xe'ek. 5Are uri i Ajwal xk'un chupam jurab'aj sutz', xqaj pa okb'al che i ja re i molb'al ib'. Are uri xeusik'ij ma Aarón xaq ati Mariy, are xetejeb' pan ike, 6i Ajwal xub'ij chke: Chita iri chi kinb'ij chiwe, are o jun profeta chixol yix chi in-ulum Yin, Yin kink'ut wib' che ire puwach xaq kinlapan ru' puwaram. 7Xwiri ru' ma Moisés chi wajchak keje ti ile kin-ano, man ire le lik suk'ul uk'ux chkixol konojel i wajchak, 8rumali are kinlapan ru' ire le, lik keje iri saqil kqil qib' ru' xaq lik saqil kinch'aw ru'. We lik saqil kink'ut wib' che ma Moisés ¿B'uchak uri chi k'ax kixch'aw chrij? Keje ile xub'ij che ma Aarón xaq che ati Mariy.
9I Ajwal lik xpe roywal chke ike le, are uri x-ek. 10Xaq k'ate ne xel i sutz' chila ipa o wi i ja re i molb'al ib' are uri xpe i lepra che uch'akul ati Mariy, i ma Aarón are xutzu pan ati Mariy, are uri xaqte'et xrilo chi lik saq chunchoj chik ktzun uch'akul rumal i lepra, 11are uri ma Aarón le xub'ij che ma Moisés: “Cha'ana utzil, nim laj winaq, chakuyu i qamak chi xqa'ano, man xa xqach'ob' ti ub'e are xqa'ano, rumali maya utojb'alil chqe. 12¡Nim laj winaq! Maya che ati Mariy le chi kkanaj kan uch'akul pacha uch'akul jun ak'al kamnaq chik, chi are kalaxik to' klo'o' rij.”
13Are uri ma Moisés xutz'onoj utzil che i Ajwal, xub'ij: “Cha'ana utzil in-Dios, chakunaj ixoq le.”
14I Ajwal xub'ij che ma Moisés: “I ixoq le wetene are uqajaw xuchub'aj upalaj che, lik kkanaj uri wuqub' ij chi to' kk'ix che man qajsam u'ij, rumali chelsax b'i wuqub' ij ixoq le che i k'ijib'al ipa je o wi aj Israel, te'uri kya' ni che chi kok chik chkixol aj Israel.”
15Rumali chi xelsax b'i wuqub' ij ati Mariy che i k'ijib'al ipa je o wi aj Israel. Tz'aqat aj Israel xeb'in taj, lik xek'iji chila pkik'ijib'al. 16Are xupon chik ati Mariy ku', te'uri konojel aj Israel xe'el chila pa Hazerot, xkimaj chub'i kib'e, xe'e pa tz'inilik jyub' chaqij chi Parán ub'i, chila xek'iji wi.
Currently Selected:
N%FAmeros 12: ACHICUB
Highlight
Copy
Compare
Share
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala
N%FAmeros 12
12
Ati Mariy xaq ma Aarón k'ax kech'aw chrij ma Moisés
1Ati Mariy xaq ma Aarón xkijeqo chi k'ax kech'aw chrij ma Moisés man rumal xk'uli ru' jun ixoq aj Cus. 2Xaq xkib'ij: I Ajwal xwi ti ru' ma Moisés lapannaq wi; xaq lapannaq qu' yoj; xecha. I Ajwal xuta wach xkib'ij.
3Man saq laj tzij i ma Moisés lik xwi ire utz laj winaq te'eq chwach i jyub' ta'aj. 4Rumali i Ajwal xub'ij che ma Moisés, che ma Aarón xaq che ati Mariy: “Jix chix-oxib' chila pa okb'al re i ja re riqb'al ib' ru' i Dios.”
Rumali lik che oxib' xe'ek. 5Are uri i Ajwal xk'un chupam jurab'aj sutz', xqaj pa okb'al che i ja re i molb'al ib'. Are uri xeusik'ij ma Aarón xaq ati Mariy, are xetejeb' pan ike, 6i Ajwal xub'ij chke: Chita iri chi kinb'ij chiwe, are o jun profeta chixol yix chi in-ulum Yin, Yin kink'ut wib' che ire puwach xaq kinlapan ru' puwaram. 7Xwiri ru' ma Moisés chi wajchak keje ti ile kin-ano, man ire le lik suk'ul uk'ux chkixol konojel i wajchak, 8rumali are kinlapan ru' ire le, lik keje iri saqil kqil qib' ru' xaq lik saqil kinch'aw ru'. We lik saqil kink'ut wib' che ma Moisés ¿B'uchak uri chi k'ax kixch'aw chrij? Keje ile xub'ij che ma Aarón xaq che ati Mariy.
9I Ajwal lik xpe roywal chke ike le, are uri x-ek. 10Xaq k'ate ne xel i sutz' chila ipa o wi i ja re i molb'al ib' are uri xpe i lepra che uch'akul ati Mariy, i ma Aarón are xutzu pan ati Mariy, are uri xaqte'et xrilo chi lik saq chunchoj chik ktzun uch'akul rumal i lepra, 11are uri ma Aarón le xub'ij che ma Moisés: “Cha'ana utzil, nim laj winaq, chakuyu i qamak chi xqa'ano, man xa xqach'ob' ti ub'e are xqa'ano, rumali maya utojb'alil chqe. 12¡Nim laj winaq! Maya che ati Mariy le chi kkanaj kan uch'akul pacha uch'akul jun ak'al kamnaq chik, chi are kalaxik to' klo'o' rij.”
13Are uri ma Moisés xutz'onoj utzil che i Ajwal, xub'ij: “Cha'ana utzil in-Dios, chakunaj ixoq le.”
14I Ajwal xub'ij che ma Moisés: “I ixoq le wetene are uqajaw xuchub'aj upalaj che, lik kkanaj uri wuqub' ij chi to' kk'ix che man qajsam u'ij, rumali chelsax b'i wuqub' ij ixoq le che i k'ijib'al ipa je o wi aj Israel, te'uri kya' ni che chi kok chik chkixol aj Israel.”
15Rumali chi xelsax b'i wuqub' ij ati Mariy che i k'ijib'al ipa je o wi aj Israel. Tz'aqat aj Israel xeb'in taj, lik xek'iji chila pkik'ijib'al. 16Are xupon chik ati Mariy ku', te'uri konojel aj Israel xe'el chila pa Hazerot, xkimaj chub'i kib'e, xe'e pa tz'inilik jyub' chaqij chi Parán ub'i, chila xek'iji wi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala