N%FAmeros 16
16
Uqelanik ma Coré xaq i utojb'alil
1Jun aj Leví chi umuq uxikin ma Coat, chi ma Coré ub'i, uk'ojol ma Izhar, xaq i je oxib' chik achiyab' chi je utzob'ajil ma Rubén, chi je are ma Datán, ma Abiram ike le je uk'ojol ma Eliab xaq i ma On, chi uk'ojol ma Pelet, 2Konojel ike le xkiqel ma Moisés man xkimol kichi' lajuj kab'lajujwinaq (250) achiyab' aj Israel chi o kipatan pa tinimit, xaq etamam kiwach i lik o ki'ij man je ajpixb'anel. 3Konojel ike le xkimol kib', xe'e chuch'ojixik che ma Moisés xaq che ma Aarón ru' i tziji:
—Ya xrix qak'ux chiwe chi iya'om taq iwib' pqawi, konojel aj Israel je jachtal pu'ab' i Dios xaq i Ajwal o ku' ike. ¿B'uchak chi yix lik iya'om taq iwib' puwi utinimit i Ajwal? —Xecha.
4I ma Moisés are xuta ile xxuki'ik, xuqajsaj upalaj k'a chwach ulew, 5are uri xub'ij che ma Coré xaq chke konojel ni'pa je teren chrij:
—Chweq ksaqirik i Ajwal kusaqij na pachin je re Ire xaq pachin ile chi je ulum man je re ni Ire, te'uri keusik'ij ni ru'. 6Rumali chi'ana iri: Yet chi at ma Coré xaq konojel ni'pa je teren chawij chik'ama li isib'al, 7chweq we' chiya i a'al chupam i sib'al le, chikojo pom puwi te'uri kiya chwach i Ajwal. I achi chi k-uli rumal i Ajwal are ni achi chi jachtal pu'ab' Ire. ¡Yix chi ix uk'ojol ma Leví, chimayij ni'pa ki'ano le!
8Te'uri ma Moisés xub'ij che ma Coré:
—Chita pe iwonojel yix chi ix aj Leví: 9¿Lik nti b'a upatan ile chiwe yix chi ix chatal rumal i Dios chkixol konojel ni'pa aj Israel, man naqaj ix o wi che Ire xaq ki'an i patan pa ja re riqb'al ib' ru' i Dios xaq kisujuj kisipon i winaq chwach i Dios? 10I Ajwal xraj chi yet xaq konojel i winaq re atzob'ajil, chi aj Leví, naqaj kixk'iji wi che Ire ¿Xwiri wo'or kiwaj ki'an atz laj ajsujul sipon che iwib'? 11Lik saq laj tzij, yix chrij ti ma Aarón k'ax xixch'aw wi, lik chrij i Ajwal k'ax xixch'aw wi junam ku' awachi'il.
12Are uri ma Moisés xutaq usik'ixik ma Datán xaq ma Abiram, chi je uk'ojol ma Eliab, xwiri ike xkib'ij:
—Kqaj ti enam. 13¿Nim ti b'ari i k'ax le kab'ij yet chi xa'an chqe chi xojawesaj li che jun tinimit ipa o wi leche xaq lik o uwa'al kab' chi lik kramtaj taj, re kamsab'al qe waral pa tz'inilik jyub' chaqij, xwi ta la ile, kawaj taq ka'an nim laj aj-atzil che awib' pqawi? 14Lik saq laj tzij yet at tikinaq ti chqak'amik b'ik che jun tinimit ipa o wi leche xaq lik o uwa'al kab' chi lik kramtaj taj, xaq aya'om ti qulew chi kojtikan chwach. ¿Kach'ob' b'a taqi yet ile chi oj mawach man to' utz kojcha taq chawe ipa taq kojak'am wi b'ik? Yoj oj mawach taj rumali koj-e ti chawilik.
15Are uri ma Moisés lik xpe jun nim laj roywal rumali xub'ij che i Ajwal:
—Mak'am kisipon chke man yin mijun axna inmajom chke, xaq nti jun utz taj in-anom chke.
16Te'uri ma Moisés xub'ij che ma Coré:
—Chweq we' yet xaq konojel ni'pa je teren chawij, kixk'un chwach i Ajwal; man xaq kupon i ma Aarón. 17Chijujunal kik'am li isib'al xaq kikoj pom puwi; yet xaq ma Aarón, kik'am nu b'i isib'al kiya chila junam ru' ke i je lajuj kab'lajujwinaq (250) chi kkiya chwach i Ajwal.
18Are uri chkijujunal xkik'am kisib'al xkiya a'al chupam, xaq xkikoj pom puwi, te'uri xkiya chila ipa je o wi ma Moisés xaq i ma Aarón pa okb'al che i ja re riqb'al ib' ru' i Dios. 19Ma Coré umolom chik kichi' konojel uwinaq chi kech'ojin chrij ma Moisés xaq chrij ma Aarón chila chwach i ja re riqb'al ib' ru' i Dios. Are uri u'ij uchomal i Ajwal xwinaqir chkiwach konojel i winaq re i tinimit le, 20I Ajwal xub'ij che ma Moisés xaq che ma Aarón:
21—¡Chixel che i tinimit le man lik wo'or kinsach kiwach konojel!
22Xwiri ma Moisés xaq ma Aarón le xexuki'ik, xkiqajsaj kipalaj k'a chwach ulew, xkib'ij:
—¡Ajwal Dios! Yet chi kaya kik'aslemal konojel i winaq ¿Kpe b'a awoywal chke konojel i winaq xa rumal umak jun?
23Are uri i Ajwal xub'ij che ma Moisés:
24—Chab'ij chke konojel aj Israel chi chkijek'a kib' che i ja ipa je o wi ma Coré, ma Datán xaq i ma Abiram.
25Are uri ma Moisés xwalij che i xukulem xaq x-achnimax b'i kumal konojel i je uwi ujolom ke aj Israel, xe'e chila ipa je o wi ma Datán xaq i ma Abiram. 26Are uri ma Moisés xub'ij chke aj Israel:
—Chixel chila ipa o wi jub'an ja wu'wik k'ul ke i je utz ti laj taq winaq le, xaq miyin ub'itaq ke chke, man we kiyino, kixkam ni rumal kimak ike.
27Konojel aj Israel xe'el chila ipa je o wi ma Coré, ma Datán xaq ma Abiram. Are uri ma Datán xaq ma Abiram le xe'el li xol uchija re i kachoch junam ku' i kixoqil xaq i kak'al.
28Are uri ma Moisés xub'ij chke:
—Wo'or kiwetamaj na chi are i Ajwal xinutaq chu'anik ronojel ni'pa kk'ulmaxiki, yin taj kinch'ob' u'anik. 29We konojel i winaq le jik kamik kki'ano pacha kamik kki'an konojel i winaq chwach i jyub' ta'aj, ke'el uri chi in utaqom ta li Ajwal. 30Xwiri i Ajwal we k-on jun nim laj il chi kjaqtaj upam ulew chi xaq keub'i' b'i konojel i winaq le, keje ile je k'aslik keqaj xejul rachi'ilam ub'itaq ke, kiwetamaj uri chi je are ike xkik'aq b'i u'ij i Ajwal —xcha.
31Are xutzin ma Moisés chub'ixkil i tzij le chke, are uri xjaqtaj upam ulew chkixe' chila ipa je o wi ike. 32Are uri xeb'i' b'i konojel i winaq chi kiya'om kiwach ru' ma Coré junam ku' kalk'uwal xaq ronojel ni'pa ub'itaq ke. 33Konojel i winaq le keje ile je k'aslik xeqaj xe jul junam ru' ub'itaq ke, te'uri i ulew xutz'apij chik rib'. Keje usachik kiwach ile chkixol aj Israel. 34Are xtatajik chi xesik'inik, are uri konojel aj Israel chi je o chkij chkiwach, pa'anem xe'anmajik xaq xkib'ij: “¡Mojub'i' b'i ulew junam ku' ike!” Xecha. 35Xwi ta la ile, i Ajwal xutaq li jun a' chi xeukamsaj lajuj kab'lajujwinaq (250) achiyab' chi xkiporoj pom chwach i Ajwal.
36Are uri i Ajwal xlapan ru' ma Moisés, xub'ij che:
37“Chab'ij che ma Eleazar, chi uk'ojol ma Aarón, chi ajsujul sipon, chi rajwaxik kresaj li ronojel i sib'al chkixol i kamnaq chi xek'atik xaq cheuk'aqa i a'al le k'a naj chi o chupam isib'al man ile je ulum kojb'al re in-ij yin. 38I kisib'al i winaq le chi xekam rumal kimak, xkanaj pu'ab' i Ajwal man are ile xoksaxik are xsujux pom chwach Ire. I sib'al le chi'ana perpaq che re kinak'b'a chrij i sujb'al sipon, k'utb'al re chke aj Israel man kki'an ti ke ike.”
39Rumali i ajsujul sipon chi ma Eleazar, xumol i sib'al re anch'ich' chi xkikoj i achiyab' chi xekam rumal i a', te'uri xutaq u'anik perpaq che re kkinak'b'a chrij i sujb'al sipon, 40ile are jun k'utb'al re chke aj Israel chi mijun winaq, we rak'al ti ma Aarón ktejeb' taq chwach i sujb'al i sipon chusujuxik i sipon chwach i Ajwal, man xaq kkam uri pacha ukamik ma Coré xaq ni'pa je teren chrij. I ma Eleazar le is xu'ano chrij pacha xb'ix che rumal ma Moisés chi utaqom u'anik i Ajwal.
41Chukab' ij konojel i winaq chi aj Israel xkijeqo chi k'ax kech'aw chrij ma Moisés xaq chrij ma Aarón, xkib'ij:
—¡Yix kixtijin chukamsaxik utinimit i Ajwal! —Xecha.
42Are uri konojel xkisutij rij ma Moisés xaq i ma Aarón, xwiri ike xe'e pa ja re riqb'al ib' ru' i Dios elsab'al kib' chkiwach i winaq. Are uri xaqte'et xwinaqir i sutz' chi xuch'uq uwi i ja xaq x-iltaj u'ij uchomal i Ajwal. 43Are uri ma Moisés xaq ma Aarón xek'iji chila chwaja re riqb'al ib' ru' i Dios, 44i Ajwal xub'ij che ma Moisés:
45—¡Chixel ku' konojel i winaq le man wo'or kinsach kiwach!
Are uri ma Moisés xaq i ma Aarón xexuki'ik xkiqajsaj kipalaj k'a chwach ulew. 46I ma Moisés xub'ij che ma Aarón:
—Chak'ama li asib'al, chaya a'al chupam chi o chwi sujb'al sipon xaq chakojo pom puwi; te'uri chak'ama b'i pa tinimit i chatz'onoj che i Dios chi kukuy kimak chke, man i Ajwal xpe roywal rumali i kamik ya xjeqanik —xcha.
47Are uri ma Aarón xu'ano pacha xb'ix che rumal ma Moisés, pa'anem x-e ku' aj Israel chi kimolom kib'. I tojpen chi xutaq li Ajwal lik ktijin chik kikamik i winaq rumal. Are uri ma Aarón xuporoj pom xaq xutz'onoj kuyb'al kimak i winaq le che i Dios. 48Te'uri xk'iji chkixol ni'pa i je kamnaq chik, ku' ni'pa i k'a je k'aslik, are uri i tojpen xuxlanik, 49xwiri je kamnaq chik jo'lajujwinaq waqlajujmo' juchiy (14,700) winaq, je ajlam ti uri ni'pa je kamnaq chik nab'e are xqelan ma Coré. 50Are xuxlan i tojpen le, i ma Aarón x-e chik ru' ma Moisés pa okb'al che i ja re riqb'al ib' ru' i Dios.
Currently Selected:
N%FAmeros 16: ACHICUB
Highlight
Copy
Compare
Share
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala
N%FAmeros 16
16
Uqelanik ma Coré xaq i utojb'alil
1Jun aj Leví chi umuq uxikin ma Coat, chi ma Coré ub'i, uk'ojol ma Izhar, xaq i je oxib' chik achiyab' chi je utzob'ajil ma Rubén, chi je are ma Datán, ma Abiram ike le je uk'ojol ma Eliab xaq i ma On, chi uk'ojol ma Pelet, 2Konojel ike le xkiqel ma Moisés man xkimol kichi' lajuj kab'lajujwinaq (250) achiyab' aj Israel chi o kipatan pa tinimit, xaq etamam kiwach i lik o ki'ij man je ajpixb'anel. 3Konojel ike le xkimol kib', xe'e chuch'ojixik che ma Moisés xaq che ma Aarón ru' i tziji:
—Ya xrix qak'ux chiwe chi iya'om taq iwib' pqawi, konojel aj Israel je jachtal pu'ab' i Dios xaq i Ajwal o ku' ike. ¿B'uchak chi yix lik iya'om taq iwib' puwi utinimit i Ajwal? —Xecha.
4I ma Moisés are xuta ile xxuki'ik, xuqajsaj upalaj k'a chwach ulew, 5are uri xub'ij che ma Coré xaq chke konojel ni'pa je teren chrij:
—Chweq ksaqirik i Ajwal kusaqij na pachin je re Ire xaq pachin ile chi je ulum man je re ni Ire, te'uri keusik'ij ni ru'. 6Rumali chi'ana iri: Yet chi at ma Coré xaq konojel ni'pa je teren chawij chik'ama li isib'al, 7chweq we' chiya i a'al chupam i sib'al le, chikojo pom puwi te'uri kiya chwach i Ajwal. I achi chi k-uli rumal i Ajwal are ni achi chi jachtal pu'ab' Ire. ¡Yix chi ix uk'ojol ma Leví, chimayij ni'pa ki'ano le!
8Te'uri ma Moisés xub'ij che ma Coré:
—Chita pe iwonojel yix chi ix aj Leví: 9¿Lik nti b'a upatan ile chiwe yix chi ix chatal rumal i Dios chkixol konojel ni'pa aj Israel, man naqaj ix o wi che Ire xaq ki'an i patan pa ja re riqb'al ib' ru' i Dios xaq kisujuj kisipon i winaq chwach i Dios? 10I Ajwal xraj chi yet xaq konojel i winaq re atzob'ajil, chi aj Leví, naqaj kixk'iji wi che Ire ¿Xwiri wo'or kiwaj ki'an atz laj ajsujul sipon che iwib'? 11Lik saq laj tzij, yix chrij ti ma Aarón k'ax xixch'aw wi, lik chrij i Ajwal k'ax xixch'aw wi junam ku' awachi'il.
12Are uri ma Moisés xutaq usik'ixik ma Datán xaq ma Abiram, chi je uk'ojol ma Eliab, xwiri ike xkib'ij:
—Kqaj ti enam. 13¿Nim ti b'ari i k'ax le kab'ij yet chi xa'an chqe chi xojawesaj li che jun tinimit ipa o wi leche xaq lik o uwa'al kab' chi lik kramtaj taj, re kamsab'al qe waral pa tz'inilik jyub' chaqij, xwi ta la ile, kawaj taq ka'an nim laj aj-atzil che awib' pqawi? 14Lik saq laj tzij yet at tikinaq ti chqak'amik b'ik che jun tinimit ipa o wi leche xaq lik o uwa'al kab' chi lik kramtaj taj, xaq aya'om ti qulew chi kojtikan chwach. ¿Kach'ob' b'a taqi yet ile chi oj mawach man to' utz kojcha taq chawe ipa taq kojak'am wi b'ik? Yoj oj mawach taj rumali koj-e ti chawilik.
15Are uri ma Moisés lik xpe jun nim laj roywal rumali xub'ij che i Ajwal:
—Mak'am kisipon chke man yin mijun axna inmajom chke, xaq nti jun utz taj in-anom chke.
16Te'uri ma Moisés xub'ij che ma Coré:
—Chweq we' yet xaq konojel ni'pa je teren chawij, kixk'un chwach i Ajwal; man xaq kupon i ma Aarón. 17Chijujunal kik'am li isib'al xaq kikoj pom puwi; yet xaq ma Aarón, kik'am nu b'i isib'al kiya chila junam ru' ke i je lajuj kab'lajujwinaq (250) chi kkiya chwach i Ajwal.
18Are uri chkijujunal xkik'am kisib'al xkiya a'al chupam, xaq xkikoj pom puwi, te'uri xkiya chila ipa je o wi ma Moisés xaq i ma Aarón pa okb'al che i ja re riqb'al ib' ru' i Dios. 19Ma Coré umolom chik kichi' konojel uwinaq chi kech'ojin chrij ma Moisés xaq chrij ma Aarón chila chwach i ja re riqb'al ib' ru' i Dios. Are uri u'ij uchomal i Ajwal xwinaqir chkiwach konojel i winaq re i tinimit le, 20I Ajwal xub'ij che ma Moisés xaq che ma Aarón:
21—¡Chixel che i tinimit le man lik wo'or kinsach kiwach konojel!
22Xwiri ma Moisés xaq ma Aarón le xexuki'ik, xkiqajsaj kipalaj k'a chwach ulew, xkib'ij:
—¡Ajwal Dios! Yet chi kaya kik'aslemal konojel i winaq ¿Kpe b'a awoywal chke konojel i winaq xa rumal umak jun?
23Are uri i Ajwal xub'ij che ma Moisés:
24—Chab'ij chke konojel aj Israel chi chkijek'a kib' che i ja ipa je o wi ma Coré, ma Datán xaq i ma Abiram.
25Are uri ma Moisés xwalij che i xukulem xaq x-achnimax b'i kumal konojel i je uwi ujolom ke aj Israel, xe'e chila ipa je o wi ma Datán xaq i ma Abiram. 26Are uri ma Moisés xub'ij chke aj Israel:
—Chixel chila ipa o wi jub'an ja wu'wik k'ul ke i je utz ti laj taq winaq le, xaq miyin ub'itaq ke chke, man we kiyino, kixkam ni rumal kimak ike.
27Konojel aj Israel xe'el chila ipa je o wi ma Coré, ma Datán xaq ma Abiram. Are uri ma Datán xaq ma Abiram le xe'el li xol uchija re i kachoch junam ku' i kixoqil xaq i kak'al.
28Are uri ma Moisés xub'ij chke:
—Wo'or kiwetamaj na chi are i Ajwal xinutaq chu'anik ronojel ni'pa kk'ulmaxiki, yin taj kinch'ob' u'anik. 29We konojel i winaq le jik kamik kki'ano pacha kamik kki'an konojel i winaq chwach i jyub' ta'aj, ke'el uri chi in utaqom ta li Ajwal. 30Xwiri i Ajwal we k-on jun nim laj il chi kjaqtaj upam ulew chi xaq keub'i' b'i konojel i winaq le, keje ile je k'aslik keqaj xejul rachi'ilam ub'itaq ke, kiwetamaj uri chi je are ike xkik'aq b'i u'ij i Ajwal —xcha.
31Are xutzin ma Moisés chub'ixkil i tzij le chke, are uri xjaqtaj upam ulew chkixe' chila ipa je o wi ike. 32Are uri xeb'i' b'i konojel i winaq chi kiya'om kiwach ru' ma Coré junam ku' kalk'uwal xaq ronojel ni'pa ub'itaq ke. 33Konojel i winaq le keje ile je k'aslik xeqaj xe jul junam ru' ub'itaq ke, te'uri i ulew xutz'apij chik rib'. Keje usachik kiwach ile chkixol aj Israel. 34Are xtatajik chi xesik'inik, are uri konojel aj Israel chi je o chkij chkiwach, pa'anem xe'anmajik xaq xkib'ij: “¡Mojub'i' b'i ulew junam ku' ike!” Xecha. 35Xwi ta la ile, i Ajwal xutaq li jun a' chi xeukamsaj lajuj kab'lajujwinaq (250) achiyab' chi xkiporoj pom chwach i Ajwal.
36Are uri i Ajwal xlapan ru' ma Moisés, xub'ij che:
37“Chab'ij che ma Eleazar, chi uk'ojol ma Aarón, chi ajsujul sipon, chi rajwaxik kresaj li ronojel i sib'al chkixol i kamnaq chi xek'atik xaq cheuk'aqa i a'al le k'a naj chi o chupam isib'al man ile je ulum kojb'al re in-ij yin. 38I kisib'al i winaq le chi xekam rumal kimak, xkanaj pu'ab' i Ajwal man are ile xoksaxik are xsujux pom chwach Ire. I sib'al le chi'ana perpaq che re kinak'b'a chrij i sujb'al sipon, k'utb'al re chke aj Israel man kki'an ti ke ike.”
39Rumali i ajsujul sipon chi ma Eleazar, xumol i sib'al re anch'ich' chi xkikoj i achiyab' chi xekam rumal i a', te'uri xutaq u'anik perpaq che re kkinak'b'a chrij i sujb'al sipon, 40ile are jun k'utb'al re chke aj Israel chi mijun winaq, we rak'al ti ma Aarón ktejeb' taq chwach i sujb'al i sipon chusujuxik i sipon chwach i Ajwal, man xaq kkam uri pacha ukamik ma Coré xaq ni'pa je teren chrij. I ma Eleazar le is xu'ano chrij pacha xb'ix che rumal ma Moisés chi utaqom u'anik i Ajwal.
41Chukab' ij konojel i winaq chi aj Israel xkijeqo chi k'ax kech'aw chrij ma Moisés xaq chrij ma Aarón, xkib'ij:
—¡Yix kixtijin chukamsaxik utinimit i Ajwal! —Xecha.
42Are uri konojel xkisutij rij ma Moisés xaq i ma Aarón, xwiri ike xe'e pa ja re riqb'al ib' ru' i Dios elsab'al kib' chkiwach i winaq. Are uri xaqte'et xwinaqir i sutz' chi xuch'uq uwi i ja xaq x-iltaj u'ij uchomal i Ajwal. 43Are uri ma Moisés xaq ma Aarón xek'iji chila chwaja re riqb'al ib' ru' i Dios, 44i Ajwal xub'ij che ma Moisés:
45—¡Chixel ku' konojel i winaq le man wo'or kinsach kiwach!
Are uri ma Moisés xaq i ma Aarón xexuki'ik xkiqajsaj kipalaj k'a chwach ulew. 46I ma Moisés xub'ij che ma Aarón:
—Chak'ama li asib'al, chaya a'al chupam chi o chwi sujb'al sipon xaq chakojo pom puwi; te'uri chak'ama b'i pa tinimit i chatz'onoj che i Dios chi kukuy kimak chke, man i Ajwal xpe roywal rumali i kamik ya xjeqanik —xcha.
47Are uri ma Aarón xu'ano pacha xb'ix che rumal ma Moisés, pa'anem x-e ku' aj Israel chi kimolom kib'. I tojpen chi xutaq li Ajwal lik ktijin chik kikamik i winaq rumal. Are uri ma Aarón xuporoj pom xaq xutz'onoj kuyb'al kimak i winaq le che i Dios. 48Te'uri xk'iji chkixol ni'pa i je kamnaq chik, ku' ni'pa i k'a je k'aslik, are uri i tojpen xuxlanik, 49xwiri je kamnaq chik jo'lajujwinaq waqlajujmo' juchiy (14,700) winaq, je ajlam ti uri ni'pa je kamnaq chik nab'e are xqelan ma Coré. 50Are xuxlan i tojpen le, i ma Aarón x-e chik ru' ma Moisés pa okb'al che i ja re riqb'al ib' ru' i Dios.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala