Mata 20
20
Fare sḭḭ ge nda ge kee tèmel gaaso on̰or zì ma way
1Ago, muluk ge Dok ne fare dḭḭ ge fare sḭḭ ge ndu ge zok ge wuwa zum aaram vḛḛ, ndwa ɔwabe nda ge kee tèmel ma kan na gaaso on̰or zì go. 2Sok ge see a̰me ma kwaɗa lag, za̰a̰ tene ge num go, na poɗ ndu ge diige bware ge tèmel dwam ɗu ne. Guwa̰, teme num mbo kee tèmel ge na gaaso on̰or zì. 3Gwan waɗ-ɗa zum ge gyala horom ndaal go, kuwa nda a̰me ge ɗogle ma anna zok buwal zì be kee tèmel a̰me. 4Jan num go: Ḛ mbo kee tèmel ge mbi gaaso on̰or zì waɗme, mbi mbo poɗ ḛ kaŋ ge mbiya tem. 5Ge sok mbe go, àa vin, àa kan ta mbo kee tèmel ge ne gaaso mbe zì. Ndu ge zok mbe gwan waɗ-ɗa zum ge gyala pɔgwa taɗ go, guwa̰, ge gyala swa saa go, kee kaŋ mbe ma ge na ka kee wal go. 6Deɗ-ɗa ge gyala tok gasamal go guwa, sok ge wuwa zum iya, seɗ nda a̰me ma mḛḛya ge zok buwal zì iya, ele num go: Ge dape, ḛ wa kaɗ mḛḛya ge aaram day ge sok mbe go be kee a̰me de? 7Àa gwan ge ne janna go: Ago ndu be mbo ya wan i kee tèmel to. Jan num go: Ḛ mbo kee tèmel ge mbi gaaso on̰or zì waɗme.
8Sok ge gyala dḭḭ se go, ndu ge gaaso on̰or mbe jan na ndu ge ndil nda ge kee tèmel ma go: Too nda ge kee tèmel ma ya, mo poɗ ndu ge diige ne bware. Ee pe poɗɗa ge num ge mbo ya kee tèmel guwa̰ ma ta se ya, mo wa mbo ya aaya ge num ge mbo ya zḛḛ ma ta. 9Guwa̰ ge ndu ge diige ge num ge mbo ya kee tèmel gyala tok gasamal guwa ma see maa poɗɗa ge bware ge tèmel dwam ɗu ne go, 10sok ge gaa go àa poɗ num ge mbo ya zḛḛ kee tèmel ma, ndu ge diige kaa ge dwaɗɗa go na seɗ mà gḛḛ waɗeya. Ɗaŋɗe, ndu ge diige mbo ya seɗ poɗɗa ge mojo̰o̰ nda ge guwa̰ ge ma see go waɗme. 11Guwa̰ ge àa ame maa bware ma go, àa ɗege tunna ge ba ge gaaso pagal. 12Àa ɗege janna go: Num ge mbo ya guwa̰ mbe ma kee ler ɗu boo, mo poo num no cḛḛ ge mojo̰o̰ i ge za̰a̰ yal mḛḛya gyala hogol ndwa go, ge aaram day kee tèmel ma no go me. 13Ba ge gaaso gwan ge ɗu ge num buwal zige janna go: Kondore, mbi be za̰a̰ mo yal to, nè daa be za̰a̰ ta ne, ge bware ge tèmel dwam ɗu ne pagal to de? 14Ame mo bware ndwa, mo mbo. Mbi vḭḭ tene poɗ ndu ge mbo ya guwa̰ dwab ge mojo̰o̰ mbi mà poɗ mo ya mbe go. 15Mbi ge vin̰a ge kee kaŋ ge mbi ɓyare ge mbi bware sḛ to de? Koo mo kee yil ge mbi kê nda gegene ma kwaɗa pe de? 16Guwa̰, Zeso gwan jan na nda ge ame hateya ma go, nda gḛḛ ge no zḛḛ ge sego ma mbo gwan guwa̰, ge no guwa̰ ya ge sego ma gḛḛ mbo seŋe ya zḛḛ me.
Zeso wuwage na swày mage na tanna
Mrk 10.32-34; Luk 18.31-34
17Ajo̰o̰ Zeso mage na nda ge ame hateya ma ka mbo mbo Jerusalem, ge vin̰a zì, tol na nda ge ame hateya ge wol pɔgwa zi mbe ma ya gezi ge na ta, jan num go: 18Ḛ kuwa ge sego, nè mbo go Jerusalem, àa mbo ɓyan mbi, Van ge Ndu ne ge ga̰a̰l ge nda ge kee tuwaleya ma way mage nda ge hate eeya ge Moyiz ne ma tok go. Àa mbo wan ne ge sariya ge ee ne mbo swày, 19àa mbo ɓyan ne ge nda ge no rusu Yahuɗ zì to ma tok go ndwa go num lasage ne, num keme ne ge bol, num pee ne ge ɔwara kaŋre ta digi. Ge dwam ge taa pagal, mbo tan digi.
Kaŋ ge Jak mage Yohana na̰ ele ge na van ma pe
Mrk 10.35-45; Luk 22.24-47
20Guwa̰, Zebede gwale mbo ya ge Zeso ta ɓanna ge na van ma, guu na ko ne ndwa se ndwa ele ne kaŋ a̰me ɗu. 21Zeso ele ne go: Mo ɓyare go mbi ke mo da de? Jan ne go, ke mbi wa tii go, mbi van ge zi mbe ma no, num mbo kaɗ kee muluk ge mo, sok ge mo mbo kaɗ-ɗa ge mo hòol muluk pagal. Ge ɗu ge mo tok matoson pagal go, gegene ge mo tok magul pagal me. 22Zeso gwan ge num janna go: Ḛ wan kaŋ ge ḛ ele mbi ne pe to. Ḛ ge pool ge njoɗ kob ge yal za̰a̰ya ne ge mbi mbo njoɗ ne ya de? Àa gwan ge ne janna go, i ge pool njoɗ ne. 23Zeso jan num go: A fareba go, ḛ mbo njoɗ kob mbe ge mbi mbo njoɗ ne ya. Ɗaŋɗe, kaɗɗa ge fare ge kaɗ ge mbi tok matoson mage mbi tok magul pagal ne ɗe, a be mbi fare ne to. Ɗeŋew a mbi Ba tal nda ge sok mbe ee ge num pe ma ne.
24Sok ge Zeso nda ge ame hateya gegene ge wol ma za̰a̰ fare mbe go, àa mbo ya seŋe twam ge na̰ van ge zi mbe ma ta. 25Go mbe no, Zeso tol num ya mɔɗwag ge na ta, jan num go: Ḛ kuwa kuwa go ɓase ge no rusu Yahuɗ zì to ma, num gan ga̰a̰l ma kee num liliɗ, num ga̰a̰l ma ka luguy num me. 26Go mbe no, mbo kaɗ go to ge ḛ buwal zì. Ɗaŋɗe, ndu ge diige ge ɓyare go na kaɗ ga̰a̰l ge ḛ buwal zì, mbo seŋe ndu ge kee tèmel hon ḛ. 27Ndu ge diige ge ɓyare go na kaɗ ḛ ndwa zḛḛ, mbo seŋe ge ḛ moor sḛ go. 28A ge pe, mbi, Van ge Ndu ne, mbi be mbo ya go nda ke tèmel hon mbi to, ɗaŋɗe, mbi sḛ kee tèmel hon nda ne, mbi hon tene gezi ndwa zuu nda gḛḛ ge num sone ma go me.
Zonna ge ɓaal ge zi ma way ge suwal ga̰a̰l Jeriko diŋ
Mrk 10.46-52; Luk 18.35-43
29Sok ge Zeso wuwa ge suwal ga̰a̰l Jeriko diŋ ya zum ɓanna ge na nda ge ame hateya ma, ɓase ma nɔnɔg ka kàre ne pe. 30Deɗ-ɗa go, ɓaal ma zi wa ya kàɗɗa ge vin̰a kin̰a go. Sok ge àa za̰a̰ go ne Zeso kale ne, àa ɗege oyya go: Bagezok, gan ga̰a̰l Daviɗ Baŋ, kuwa i a̰se nde! 31Ɓase mbe ge nɔnɔg ma ka mḛḛre num go num dibi maa wa, ɗaŋɗe, àa gwan ka oyya digi ge ka̰a̰l ndaal go: Bagezok, gan ga̰a̰l Daviɗ Baŋ, kuwa i a̰se nde no de! 32Go mbe no, Zeso mbo ya mḛḛ se, tol ɓaal mbe ma ya, ele num go: Ḛ ɓyare go mbi ke ḛ da de? 33Àa gwan ge ne janna go: Bagezok, n̰a go i ndwa ma hage. 34Zeso kuwa num a̰se, ee na tok ge num ndwa ma go, sok mbe go gaw, num ndwa ma gaa kuwa sok, àa gaa kàre ne pe.
Currently Selected:
Mata 20: kiaGRB
Highlight
Share
Copy
Want to have your highlights saved across all your devices? Sign up or sign in
© 2017 Wycliffe Bible Translations, Inc. All rights reserved.
Mata 20
20
Fare sḭḭ ge nda ge kee tèmel gaaso on̰or zì ma way
1Ago, muluk ge Dok ne fare dḭḭ ge fare sḭḭ ge ndu ge zok ge wuwa zum aaram vḛḛ, ndwa ɔwabe nda ge kee tèmel ma kan na gaaso on̰or zì go. 2Sok ge see a̰me ma kwaɗa lag, za̰a̰ tene ge num go, na poɗ ndu ge diige bware ge tèmel dwam ɗu ne. Guwa̰, teme num mbo kee tèmel ge na gaaso on̰or zì. 3Gwan waɗ-ɗa zum ge gyala horom ndaal go, kuwa nda a̰me ge ɗogle ma anna zok buwal zì be kee tèmel a̰me. 4Jan num go: Ḛ mbo kee tèmel ge mbi gaaso on̰or zì waɗme, mbi mbo poɗ ḛ kaŋ ge mbiya tem. 5Ge sok mbe go, àa vin, àa kan ta mbo kee tèmel ge ne gaaso mbe zì. Ndu ge zok mbe gwan waɗ-ɗa zum ge gyala pɔgwa taɗ go, guwa̰, ge gyala swa saa go, kee kaŋ mbe ma ge na ka kee wal go. 6Deɗ-ɗa ge gyala tok gasamal go guwa, sok ge wuwa zum iya, seɗ nda a̰me ma mḛḛya ge zok buwal zì iya, ele num go: Ge dape, ḛ wa kaɗ mḛḛya ge aaram day ge sok mbe go be kee a̰me de? 7Àa gwan ge ne janna go: Ago ndu be mbo ya wan i kee tèmel to. Jan num go: Ḛ mbo kee tèmel ge mbi gaaso on̰or zì waɗme.
8Sok ge gyala dḭḭ se go, ndu ge gaaso on̰or mbe jan na ndu ge ndil nda ge kee tèmel ma go: Too nda ge kee tèmel ma ya, mo poɗ ndu ge diige ne bware. Ee pe poɗɗa ge num ge mbo ya kee tèmel guwa̰ ma ta se ya, mo wa mbo ya aaya ge num ge mbo ya zḛḛ ma ta. 9Guwa̰ ge ndu ge diige ge num ge mbo ya kee tèmel gyala tok gasamal guwa ma see maa poɗɗa ge bware ge tèmel dwam ɗu ne go, 10sok ge gaa go àa poɗ num ge mbo ya zḛḛ kee tèmel ma, ndu ge diige kaa ge dwaɗɗa go na seɗ mà gḛḛ waɗeya. Ɗaŋɗe, ndu ge diige mbo ya seɗ poɗɗa ge mojo̰o̰ nda ge guwa̰ ge ma see go waɗme. 11Guwa̰ ge àa ame maa bware ma go, àa ɗege tunna ge ba ge gaaso pagal. 12Àa ɗege janna go: Num ge mbo ya guwa̰ mbe ma kee ler ɗu boo, mo poo num no cḛḛ ge mojo̰o̰ i ge za̰a̰ yal mḛḛya gyala hogol ndwa go, ge aaram day kee tèmel ma no go me. 13Ba ge gaaso gwan ge ɗu ge num buwal zige janna go: Kondore, mbi be za̰a̰ mo yal to, nè daa be za̰a̰ ta ne, ge bware ge tèmel dwam ɗu ne pagal to de? 14Ame mo bware ndwa, mo mbo. Mbi vḭḭ tene poɗ ndu ge mbo ya guwa̰ dwab ge mojo̰o̰ mbi mà poɗ mo ya mbe go. 15Mbi ge vin̰a ge kee kaŋ ge mbi ɓyare ge mbi bware sḛ to de? Koo mo kee yil ge mbi kê nda gegene ma kwaɗa pe de? 16Guwa̰, Zeso gwan jan na nda ge ame hateya ma go, nda gḛḛ ge no zḛḛ ge sego ma mbo gwan guwa̰, ge no guwa̰ ya ge sego ma gḛḛ mbo seŋe ya zḛḛ me.
Zeso wuwage na swày mage na tanna
Mrk 10.32-34; Luk 18.31-34
17Ajo̰o̰ Zeso mage na nda ge ame hateya ma ka mbo mbo Jerusalem, ge vin̰a zì, tol na nda ge ame hateya ge wol pɔgwa zi mbe ma ya gezi ge na ta, jan num go: 18Ḛ kuwa ge sego, nè mbo go Jerusalem, àa mbo ɓyan mbi, Van ge Ndu ne ge ga̰a̰l ge nda ge kee tuwaleya ma way mage nda ge hate eeya ge Moyiz ne ma tok go. Àa mbo wan ne ge sariya ge ee ne mbo swày, 19àa mbo ɓyan ne ge nda ge no rusu Yahuɗ zì to ma tok go ndwa go num lasage ne, num keme ne ge bol, num pee ne ge ɔwara kaŋre ta digi. Ge dwam ge taa pagal, mbo tan digi.
Kaŋ ge Jak mage Yohana na̰ ele ge na van ma pe
Mrk 10.35-45; Luk 22.24-47
20Guwa̰, Zebede gwale mbo ya ge Zeso ta ɓanna ge na van ma, guu na ko ne ndwa se ndwa ele ne kaŋ a̰me ɗu. 21Zeso ele ne go: Mo ɓyare go mbi ke mo da de? Jan ne go, ke mbi wa tii go, mbi van ge zi mbe ma no, num mbo kaɗ kee muluk ge mo, sok ge mo mbo kaɗ-ɗa ge mo hòol muluk pagal. Ge ɗu ge mo tok matoson pagal go, gegene ge mo tok magul pagal me. 22Zeso gwan ge num janna go: Ḛ wan kaŋ ge ḛ ele mbi ne pe to. Ḛ ge pool ge njoɗ kob ge yal za̰a̰ya ne ge mbi mbo njoɗ ne ya de? Àa gwan ge ne janna go, i ge pool njoɗ ne. 23Zeso jan num go: A fareba go, ḛ mbo njoɗ kob mbe ge mbi mbo njoɗ ne ya. Ɗaŋɗe, kaɗɗa ge fare ge kaɗ ge mbi tok matoson mage mbi tok magul pagal ne ɗe, a be mbi fare ne to. Ɗeŋew a mbi Ba tal nda ge sok mbe ee ge num pe ma ne.
24Sok ge Zeso nda ge ame hateya gegene ge wol ma za̰a̰ fare mbe go, àa mbo ya seŋe twam ge na̰ van ge zi mbe ma ta. 25Go mbe no, Zeso tol num ya mɔɗwag ge na ta, jan num go: Ḛ kuwa kuwa go ɓase ge no rusu Yahuɗ zì to ma, num gan ga̰a̰l ma kee num liliɗ, num ga̰a̰l ma ka luguy num me. 26Go mbe no, mbo kaɗ go to ge ḛ buwal zì. Ɗaŋɗe, ndu ge diige ge ɓyare go na kaɗ ga̰a̰l ge ḛ buwal zì, mbo seŋe ndu ge kee tèmel hon ḛ. 27Ndu ge diige ge ɓyare go na kaɗ ḛ ndwa zḛḛ, mbo seŋe ge ḛ moor sḛ go. 28A ge pe, mbi, Van ge Ndu ne, mbi be mbo ya go nda ke tèmel hon mbi to, ɗaŋɗe, mbi sḛ kee tèmel hon nda ne, mbi hon tene gezi ndwa zuu nda gḛḛ ge num sone ma go me.
Zonna ge ɓaal ge zi ma way ge suwal ga̰a̰l Jeriko diŋ
Mrk 10.46-52; Luk 18.35-43
29Sok ge Zeso wuwa ge suwal ga̰a̰l Jeriko diŋ ya zum ɓanna ge na nda ge ame hateya ma, ɓase ma nɔnɔg ka kàre ne pe. 30Deɗ-ɗa go, ɓaal ma zi wa ya kàɗɗa ge vin̰a kin̰a go. Sok ge àa za̰a̰ go ne Zeso kale ne, àa ɗege oyya go: Bagezok, gan ga̰a̰l Daviɗ Baŋ, kuwa i a̰se nde! 31Ɓase mbe ge nɔnɔg ma ka mḛḛre num go num dibi maa wa, ɗaŋɗe, àa gwan ka oyya digi ge ka̰a̰l ndaal go: Bagezok, gan ga̰a̰l Daviɗ Baŋ, kuwa i a̰se nde no de! 32Go mbe no, Zeso mbo ya mḛḛ se, tol ɓaal mbe ma ya, ele num go: Ḛ ɓyare go mbi ke ḛ da de? 33Àa gwan ge ne janna go: Bagezok, n̰a go i ndwa ma hage. 34Zeso kuwa num a̰se, ee na tok ge num ndwa ma go, sok mbe go gaw, num ndwa ma gaa kuwa sok, àa gaa kàre ne pe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017 Wycliffe Bible Translations, Inc. All rights reserved.