LUKAX 4
4
Kham Geu Krax Nyaw Glaw
(Mat 4:1-11; Mak 1:12-13)
1Yesux naog ka Khuan Singax Singeh, deeh hoek khaing rawm Yawdan mai Khuan Cao tuk Nawh hu ka daux tiagtu heue. 2Ka daux tixpon ngaix, phicaox nyaw glaw ti yaox Nawh. Nawh Cao ang ih tidtix ka daux ngaix an khankix mai khaix ngaix an khankix hoik naog, Nawh Cao cai rhawm heue. 3Phicaox ah nin ka Nawh Cao, “Phan Maix mawh Kawn Siyiex tawx lox kieh simaox in mawh khaomun heue.” 4Yesux pawk lox ka nawh ah nin, “Hoik tiiem ti deuh ah nin, Pui tak im kheu khaomun nong nong ang mawh,”#Pi 8:3tak im kheu Gumlox Siyiex kugum heue. 5Phicaox tuk Nawh Cao haok dee lhaong mai jhi Nawh yaox meung pa koe ka piang haktiex khawmuik, daux bawg yam tivud ngie. 6Phicaox baox ah nin ka Nawh Cao, “Aux tak tawx sibrawm mai min plakngai pa koe khankix khawmuik, mawh kheu hoik tawx kix ka aux mai aux tak sang tawx ka kaw pa simie aux ti tawx heue. 7Phan Maix krub ka aux tak mawh cie Maix khawmuik,” 8Yesux deeh ah nin ka nawh, “Hoik tiiem ti deuh ah nin, Maix tak krub ka Siyiex maix mai yuh kaing son Nawh heue.”#Pi 6:13 9Phicaox baox tuk Nawh Cao hu ka veng Yerusaliem mai deuh Nawh piang dee choek nyiex bwan mai ah nin ka Nawh, “Phan Maix mawh Kawn Siyiex, kieh tokaux tix rau sen. 10Kheu hoik tiiem ti deuh ah nin, Nawh tak tawm lox grawh grawng Maix ka kawncau Siyiex Nawh khankix, sonsang kieh pau Maix.#Yaog 91:11 11Kix tak yaog Maix ka piang tawm taix kix, son ang caong Maix sang krox ka simaox heue.”#Yaog 91:12 12Yesux baox pawk lox ah nin ka nawh, “Lox baox hoik deuh ti ah nin, Maix paw vi nyaw ka Siyiex maix.”#Yaog 91:12 13Khaix hoik nyaw phicaox tix yaox kuceu, nawh lih hu khaing Nawh Cao ti vong heue.
Jah Kaing Daux Meung Galilie
(Mat 4:12-17; Mak 1:14-15)
14Yesux naog mai sibrawm Khuan Cao mai deeh ing ka daux Meung Galilie. Min plakngai grawh grawng Nawh tah hu kudah kudee hawt praok sivie tan khawmuik heue. 15Nawh Cao sidiex gau ka daux nyiex sidiex kix khankix mai pui khawmuik yaogyaw Nawh heue.
Ang Rieb Yesux
(Mat 13:53-58; Mak 6:1-6)
16Nawh Cao deeh hoek ka veng Nazariet, dee eei Nawh ting mai Nawh laig ka daux nyiex sidiex, singaix twah, awm sax koe been Nawh mai cung tix phat lai heue. 17Pui tawx phuk lai cao jhai Isayax ka Nawh, Nawh plak mai yaox dee hoik tiiem ah nin, 18“Khuan Siyiex lengju ot ka piang Aux, mawh kheu hoik groi Nawh rawm bee ka Aux, sonsang kieh sidiex gau lox gaux rhawm ka pui hot pui sibhawm khankix heue. Nawh hoik ploi kieh Aux krai grawh grawng pa pluat ploi ka pui pa hoik laung, sonsang kieh pui dug ngai deeh yaox heue. Kheu sonsang ploi ka pui se pui sang heue. 19Kheu sonsang krai grawng jhong num pa khaw caw mai Siyiex lengju heue.#Yaog 91:12 20Nawh Cao deeh pua lai mai tawx ka cao pau nyiex sidiex mai ngawm heue. Pui pa ot ka daux nyiex sidiex khawmuik gaong ti jhak Nawh heue. 21Nawh Cao jah ti ah nin ka kix, “Lox phuk lai sigang khri in hoik naog ka daux yhaok pex in ngaix heue.” 22Khawmuik kham mhai ruk ka Nawh grawng in mawh pa mawh meh mai kix daox deng ka lox bwan pa lih khaing daux jheeh Nawh Cao ah nin, “In ang mawh kawn Yosiep lie?” 23Nawh Cao ah nin ka kix, “Phan keud ti yaox pex tak sang ah lox tiag pa ah nin ka Aux tete Cao chix sidah eue, cox tokaux tix moi, ceu pa yuh ka mawx ang ah, pa hoik mhong ex grawh grawng pa yuh Maix ka daux veng Kapeniom, daux meung tokaux tix, dee in kawx, yuh liak” 24Nawh Cao baox ah nin, “Aux krai lox tete ka pex, ang koe cao jhai tix kaux kawx, pa sang rieb pui ti teei ka daux meung tokaux tix heue.#Yo 4:44 25Viang mawh nan Aux krai lox pa mawh meh ka pex, daux ju bawg yam singaix Eliyax, koe miexmai tom nie ka daux Isarelax, yam nyeep raoma loe num mai liah khix mai yam kin sibhawm praix khawmuik.#1Sim 17:1 26Viang mawh nan ang ploi Eliyax hu ka kix tix kaux kawx, lheu khaing bun tix kaux pa mawh miexmai, ka daux veng Zarephax ka daux meung Sidom heue.#1Sim 17:8-16 27Daux ju bawg yam cao Jhai Elishie koe pui sipawg tom nie ka daux Isarelax, viang mawh nan lheu khaing Ne man pui Surix, ang kieh kix tix kaux kawx singax heue.”#2Sim 5:1-14 28Pa ot ka daux nyiex sidiex khawmuik, Yam mhong kix grawh grawng ceu in khankix, kix kied song rhawm heue. 29Kix yaog ti kaoh mai grheu Nawh Cao lih khaing daux veng kix mai viex Nawh hu ka piang choek gawng pa tang veng kix tix ka, sonsang taing Nawh rau tan. 30Viang mawh nan Nawh Cao hu preeng sinax kix mai lih hu heue.
Pui Laig Phi Tix Kaux
(Mak 1:21-28)
31Nawh Cao lih hu ka veng Kapeniom pa mawh veng tix veng ka daux meung Galilie mai Nawh sidiex gau kix singaix twah. 32Kix daox deng ka lox sidiex lox gau Nawh Cao, mawh kheu lox Nawh mawh pa koe sibrawm heue.#Mat 7:28-29
Pui Pa Laig Phi Caox
(Mak 1:21-28)
33Daux nyiex sidiex kix tan, koe pui pa laig phicaox pa seeing brai tikaux, nawh kok yo lox sinum ah nin, 34“Yesux Pui veng Nazariet eue, ex koe pa yuh mai Maix ceu patix? Maix hoek ti yuh ex laux lie? Kaw pa Singax Singeh Siyiex eue, aux hoik tawng Maix mawh mawx.” 35Yesux ah ka nawh yuh nin, “Paw nye, lih hu khaing daux nawh heue.” Phicaox an kieh pui an goh sinax kix mai lih hu khaing daux nawh, ang lai kieh nawh saux ceeix kawx heue. 36Pui khawmuik daox deng kah, kix tom chawk paox tix, tix kaux lai tix kaux ah nin, “In mawh lox pa yuh ka mawx?” Mawh kheu Nawh koe sibrawm tawx lox ka phi pa seeing brai khankix mai kix lih hu heue. 37Lox grawh grawng pa yuh Nawh Cao tah hu kudah kudee sivie tan heue.
Pai Jhawm Saux Moi Tom Nie
(Mat 8:14-17; Mak 1:29-34)
38Nawh Cao yaog ti kaoh khaing nyiex sidiex mai laig ka daux nyiex Simon. Miex moeng Simon kin saux, kheu nan kix tom khyox khaw Nawh Cao son kiex heue. 39Nawh Cao cung liiep bun an mai ah ka jhawm saux an mai jhawm saux an grai mai dom mawx dom an kiex yaog ti kaoh khan kheu ka kix heue.
Yesux Pai Plakbo Tom Nie
(Mat 8:16-17; Mak 1:32-34)
40Yam uik klip singaix kix khawmuik pa koe pui saux pui ngia kuceu viex kix hoek ka Nawh Cao mai Nawh deuh taix tix piang kix ku kaux mai kieh kix moi heue. 41Phicaox kawx lih hu khaing pui tom nie mai kok yo ah nin, “Maix mawh Kawn Siyiex heue.” Nawh Cao ah ka kix, ang kieh kix sikah, kheu hoik tawng kix mawh Nawh Cao Khrit heue.
Sidiex Daux Nyiex Sidiex
(Mak 1:35-39)
42Yam hoik riang praix Nawh lih hu ka daux tiag tix dah mai pui hun khankix hawt sawg Nawh Cao mai hoek ka Nawh, sonsang kieh nawh, yuh ka mawx son ang Nawh lih hu khaing kix heue. 43Viang mawh nan Nawh Cao ah nin ka kix, “Aux tak sang sidiex gau lox gaux rhawm pa dex dawd mai Meung Siyiex khawm ka daux tang yaong tang veng khankix, mawh kheu hoik ploi Aux son an heue.” 44Nawh Cao hu sidiex gau daux nyiex sidiex khankix ka daux meung Galilie heue.
Currently Selected:
LUKAX 4: WCL
Highlight
Share
Copy
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012
LUKAX 4
4
Kham Geu Krax Nyaw Glaw
(Mat 4:1-11; Mak 1:12-13)
1Yesux naog ka Khuan Singax Singeh, deeh hoek khaing rawm Yawdan mai Khuan Cao tuk Nawh hu ka daux tiagtu heue. 2Ka daux tixpon ngaix, phicaox nyaw glaw ti yaox Nawh. Nawh Cao ang ih tidtix ka daux ngaix an khankix mai khaix ngaix an khankix hoik naog, Nawh Cao cai rhawm heue. 3Phicaox ah nin ka Nawh Cao, “Phan Maix mawh Kawn Siyiex tawx lox kieh simaox in mawh khaomun heue.” 4Yesux pawk lox ka nawh ah nin, “Hoik tiiem ti deuh ah nin, Pui tak im kheu khaomun nong nong ang mawh,”#Pi 8:3tak im kheu Gumlox Siyiex kugum heue. 5Phicaox tuk Nawh Cao haok dee lhaong mai jhi Nawh yaox meung pa koe ka piang haktiex khawmuik, daux bawg yam tivud ngie. 6Phicaox baox ah nin ka Nawh Cao, “Aux tak tawx sibrawm mai min plakngai pa koe khankix khawmuik, mawh kheu hoik tawx kix ka aux mai aux tak sang tawx ka kaw pa simie aux ti tawx heue. 7Phan Maix krub ka aux tak mawh cie Maix khawmuik,” 8Yesux deeh ah nin ka nawh, “Hoik tiiem ti deuh ah nin, Maix tak krub ka Siyiex maix mai yuh kaing son Nawh heue.”#Pi 6:13 9Phicaox baox tuk Nawh Cao hu ka veng Yerusaliem mai deuh Nawh piang dee choek nyiex bwan mai ah nin ka Nawh, “Phan Maix mawh Kawn Siyiex, kieh tokaux tix rau sen. 10Kheu hoik tiiem ti deuh ah nin, Nawh tak tawm lox grawh grawng Maix ka kawncau Siyiex Nawh khankix, sonsang kieh pau Maix.#Yaog 91:11 11Kix tak yaog Maix ka piang tawm taix kix, son ang caong Maix sang krox ka simaox heue.”#Yaog 91:12 12Yesux baox pawk lox ah nin ka nawh, “Lox baox hoik deuh ti ah nin, Maix paw vi nyaw ka Siyiex maix.”#Yaog 91:12 13Khaix hoik nyaw phicaox tix yaox kuceu, nawh lih hu khaing Nawh Cao ti vong heue.
Jah Kaing Daux Meung Galilie
(Mat 4:12-17; Mak 1:14-15)
14Yesux naog mai sibrawm Khuan Cao mai deeh ing ka daux Meung Galilie. Min plakngai grawh grawng Nawh tah hu kudah kudee hawt praok sivie tan khawmuik heue. 15Nawh Cao sidiex gau ka daux nyiex sidiex kix khankix mai pui khawmuik yaogyaw Nawh heue.
Ang Rieb Yesux
(Mat 13:53-58; Mak 6:1-6)
16Nawh Cao deeh hoek ka veng Nazariet, dee eei Nawh ting mai Nawh laig ka daux nyiex sidiex, singaix twah, awm sax koe been Nawh mai cung tix phat lai heue. 17Pui tawx phuk lai cao jhai Isayax ka Nawh, Nawh plak mai yaox dee hoik tiiem ah nin, 18“Khuan Siyiex lengju ot ka piang Aux, mawh kheu hoik groi Nawh rawm bee ka Aux, sonsang kieh sidiex gau lox gaux rhawm ka pui hot pui sibhawm khankix heue. Nawh hoik ploi kieh Aux krai grawh grawng pa pluat ploi ka pui pa hoik laung, sonsang kieh pui dug ngai deeh yaox heue. Kheu sonsang ploi ka pui se pui sang heue. 19Kheu sonsang krai grawng jhong num pa khaw caw mai Siyiex lengju heue.#Yaog 91:12 20Nawh Cao deeh pua lai mai tawx ka cao pau nyiex sidiex mai ngawm heue. Pui pa ot ka daux nyiex sidiex khawmuik gaong ti jhak Nawh heue. 21Nawh Cao jah ti ah nin ka kix, “Lox phuk lai sigang khri in hoik naog ka daux yhaok pex in ngaix heue.” 22Khawmuik kham mhai ruk ka Nawh grawng in mawh pa mawh meh mai kix daox deng ka lox bwan pa lih khaing daux jheeh Nawh Cao ah nin, “In ang mawh kawn Yosiep lie?” 23Nawh Cao ah nin ka kix, “Phan keud ti yaox pex tak sang ah lox tiag pa ah nin ka Aux tete Cao chix sidah eue, cox tokaux tix moi, ceu pa yuh ka mawx ang ah, pa hoik mhong ex grawh grawng pa yuh Maix ka daux veng Kapeniom, daux meung tokaux tix, dee in kawx, yuh liak” 24Nawh Cao baox ah nin, “Aux krai lox tete ka pex, ang koe cao jhai tix kaux kawx, pa sang rieb pui ti teei ka daux meung tokaux tix heue.#Yo 4:44 25Viang mawh nan Aux krai lox pa mawh meh ka pex, daux ju bawg yam singaix Eliyax, koe miexmai tom nie ka daux Isarelax, yam nyeep raoma loe num mai liah khix mai yam kin sibhawm praix khawmuik.#1Sim 17:1 26Viang mawh nan ang ploi Eliyax hu ka kix tix kaux kawx, lheu khaing bun tix kaux pa mawh miexmai, ka daux veng Zarephax ka daux meung Sidom heue.#1Sim 17:8-16 27Daux ju bawg yam cao Jhai Elishie koe pui sipawg tom nie ka daux Isarelax, viang mawh nan lheu khaing Ne man pui Surix, ang kieh kix tix kaux kawx singax heue.”#2Sim 5:1-14 28Pa ot ka daux nyiex sidiex khawmuik, Yam mhong kix grawh grawng ceu in khankix, kix kied song rhawm heue. 29Kix yaog ti kaoh mai grheu Nawh Cao lih khaing daux veng kix mai viex Nawh hu ka piang choek gawng pa tang veng kix tix ka, sonsang taing Nawh rau tan. 30Viang mawh nan Nawh Cao hu preeng sinax kix mai lih hu heue.
Pui Laig Phi Tix Kaux
(Mak 1:21-28)
31Nawh Cao lih hu ka veng Kapeniom pa mawh veng tix veng ka daux meung Galilie mai Nawh sidiex gau kix singaix twah. 32Kix daox deng ka lox sidiex lox gau Nawh Cao, mawh kheu lox Nawh mawh pa koe sibrawm heue.#Mat 7:28-29
Pui Pa Laig Phi Caox
(Mak 1:21-28)
33Daux nyiex sidiex kix tan, koe pui pa laig phicaox pa seeing brai tikaux, nawh kok yo lox sinum ah nin, 34“Yesux Pui veng Nazariet eue, ex koe pa yuh mai Maix ceu patix? Maix hoek ti yuh ex laux lie? Kaw pa Singax Singeh Siyiex eue, aux hoik tawng Maix mawh mawx.” 35Yesux ah ka nawh yuh nin, “Paw nye, lih hu khaing daux nawh heue.” Phicaox an kieh pui an goh sinax kix mai lih hu khaing daux nawh, ang lai kieh nawh saux ceeix kawx heue. 36Pui khawmuik daox deng kah, kix tom chawk paox tix, tix kaux lai tix kaux ah nin, “In mawh lox pa yuh ka mawx?” Mawh kheu Nawh koe sibrawm tawx lox ka phi pa seeing brai khankix mai kix lih hu heue. 37Lox grawh grawng pa yuh Nawh Cao tah hu kudah kudee sivie tan heue.
Pai Jhawm Saux Moi Tom Nie
(Mat 8:14-17; Mak 1:29-34)
38Nawh Cao yaog ti kaoh khaing nyiex sidiex mai laig ka daux nyiex Simon. Miex moeng Simon kin saux, kheu nan kix tom khyox khaw Nawh Cao son kiex heue. 39Nawh Cao cung liiep bun an mai ah ka jhawm saux an mai jhawm saux an grai mai dom mawx dom an kiex yaog ti kaoh khan kheu ka kix heue.
Yesux Pai Plakbo Tom Nie
(Mat 8:16-17; Mak 1:32-34)
40Yam uik klip singaix kix khawmuik pa koe pui saux pui ngia kuceu viex kix hoek ka Nawh Cao mai Nawh deuh taix tix piang kix ku kaux mai kieh kix moi heue. 41Phicaox kawx lih hu khaing pui tom nie mai kok yo ah nin, “Maix mawh Kawn Siyiex heue.” Nawh Cao ah ka kix, ang kieh kix sikah, kheu hoik tawng kix mawh Nawh Cao Khrit heue.
Sidiex Daux Nyiex Sidiex
(Mak 1:35-39)
42Yam hoik riang praix Nawh lih hu ka daux tiag tix dah mai pui hun khankix hawt sawg Nawh Cao mai hoek ka Nawh, sonsang kieh nawh, yuh ka mawx son ang Nawh lih hu khaing kix heue. 43Viang mawh nan Nawh Cao ah nin ka kix, “Aux tak sang sidiex gau lox gaux rhawm pa dex dawd mai Meung Siyiex khawm ka daux tang yaong tang veng khankix, mawh kheu hoik ploi Aux son an heue.” 44Nawh Cao hu sidiex gau daux nyiex sidiex khankix ka daux meung Galilie heue.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012