लूका 9
9
बाराह खास चैलै भेईजियूंणै
1बाद मझ यीशु अपड़ै बाराह खास चैलै ऐपु किनि शदाय जां फिरी तेन्हांनि बुरी आत्माय जां बिमारी कढणैरी शक्ति दित्ती। 2जां सेकियै परमेश्वरेरै राज्यरा प्रचार कांना जां बिमार मैहणुवां केरी बिमारी ठीक कांनेरै तेईनी अलग-अलग ग्राँनी भेईजै। 3तेनी तेन्हांनि आज्ञा दित्ती, कि “बत्तेरै तेईनी शौठा मेईं लींतै ना रोटी ना झोई ना बटुवै मझ पेईंसै। बूट ला ल्या, पण होरी कमीज रखणैरी जरूरत ना।” 4जां तेनी तैस सेईतै बौलु, “अगर तुहां कोई अपड़ै घरा मझ रींहणैरै तेईनी शदाईया जां जेख्णी तेईनी तुवे तैस नगरा मझ बेश्तै, तां तेईनी तेसै घरा मझ बेशा। 5अगर मैहणु तुवाड़ा स्वागत ना करिया, ता तैस नगरा किना निकूंथै टैंमा अपड़ा पैयिड़ा केरी धूड़ बि झाड़ी दैई ता कि ऐ तैस नगरैरा मैहणुवंनी चेतावनी भूंणी कि परमेश्वर तेन्हैरा न्याय करैला।” 6फिरी सै निकई करि ग्राँ-ग्राँ खुशखबरी शुणांतै, जां हर जगाई मैहणुवां ठीक कातै रिय्है।
हेरोदेसेरी उलझन
7राजा हेरोदेसै ऐन्हां सारिया गल्ला केरी चर्चा शुणि करि डरि ग्या जां उलझनि मंझ पैई ग्या; केईनी कि किछ मैहणु बोलींथ्यै कि बपतिस्मा दींणै वा यूहन्ना मौरा मझांं जींति गियौरा! 8जां किछ मैहणुवें यीशुरै बारै मझ बौलु, ऐ भविष्यवक्ता ऐलिय्याह आ, जां किछ होरनियें बौलु कि पुरांणै भविष्यवक्ता मझांं कोई जींति ग्या। 9हेरोदेस राजै ऐ शुणीं करि बौलु, “यूहन्नेरी ता मीं मुंडकि बढाय दितोरी आ, अबै ऐ केणु आ जेसेरै बारै मझ ऐतेई हैरानी बाई गल्लै शुणता आ?” जां तेनी यीशु तकांणैरी ईच्छा की।
पंजा हजारा मैहणुवंनी खांणा खलाणा
10फिरी खास चैलै वापस अईछी करि जै किछ तैन्हैं क्यौरू थियु, तेसनी शुणा दित्तु, जां सै तैन्हांं अलग करि-करि चुपचाप बैतसेदा नाँईयेरै नगरानि लेई ग्या। 11पण मैहणुवां ऐस गल्लैरा पता चलि ग्या जां सै बि तेसेरै पीछै चलि पियै, जां यीशु खुशी सेईतै तैन्हांं सिंउ मिला, जां तैन्हांं सिंउ परमेश्वरेरै राज्यरी गलै लांणा लगा, जां जै ठीक भूंणा चांहथै थ्यै सेकियै ठीक कियै।
12जेख्णी दीह बुडणा लगु, ता तेसेरै खास बाराह चैलै तैस किनि अईछी करि बोलणा लगै, “ऐ सुनसान जगा आ, दीह बुडणा लगु। तैन्हांं विदा करि-करि आस-पासेरै ग्राँईयां जां नगरा मझ गहि करि किछ अपड़ै तेईनी बेशणनी जगा जां किछ खांणेरै तेईनी जुगाड़ कातै।” 13यीशु तैन्हांं सिंउ बौलु, “तुवे ऐ तेन्हांनि खाणनि दिया।” तैन्हैं बौलु, “असु किनि पंज रोटी जां दो मछली छडि करि होरू किछ ना, पर हाँ अगर असै सभ गहि करि ऐन्हां सभनियांं मैहणुवंनी, खांणा खरीदी लिया ता ऐ भौ सकतु, (केईनी कि तैठि लगभग पंज हजार मड़द थ्यै।”) 14तां यीशु अपड़ा चैला सिंउ बौलु, “तैन्हांं पंजाह-पंजाह मैहणुवां केरी पांत ला करि बेशाआ।” 15चैलै ऐहियें कियु, जां सारै मैहणु जमींनि पन बेशाई दित्तै। 16तां यीशु सैकेई पंज रोटी जां दो मछली लेई जां तेनी सुरगा धेरै तका करि परमेश्वरैरा धन्यवाद केया जां तैन्हांं रोटिया पन बरगत मग्गी। फिरी यीशु रोटिया केरै दो-दो टुकड़ै करि चैला धेरै दित्तै कि सै मैहणुवंनी खांणनी दिया। 17जां सारै खा करि रजि ग्यै जां बाद मझ चैलै बचोरिया रोटिया केरी बाहरा टोकरी भरी करि उछुत्ती।
पतरसै यीशु मसीह मंनि लिया
18जेख्णी सै एकांत मझ प्रार्थना काता थ्या जां चैलै तैस सेईतै थ्यै, तां यीशु तैन्हांं किना पुच्छु, “मैहणु मिंडै बारै मझ कितु बोलतै अत्तै?” 19तैन्हैं जुबाव दिता, “किछ मैहणु बोलतै कि बपतिस्मा दींणै वा यूहन्ना फिरी जींता भौ गियौरा, जां कौ-कौ बोलतै अत्तै ऐलिय्याह, जां किछ मैहणु ऐहीं बोलतै कि पुरांणै भविष्यवाणी कांने वा मझांं कोई अक जींता भौ गियौरा।” 20यीशु तैन्हांं किना दुबारे पुच्छु, “पण तुवे कितु सोचतै कि आंउ केणु आ?” पतरसै जुबाव दिता, “तु परमेश्वरैरा भेईजौरा मसीह आ।” 21फिरी यीशु चैलानि आज्ञा दित्ती “ऐस बारै मझ कोस सेईतै मेईं बोलतै।”
ऐपड़ि मोउतिरै बारै मझ यीशुरी भविष्यवाणी
22फिरी यीशु ऐक्यु बौलु, “केईनी कि मैहणुरै पुत्रेरै तेईनी ऐक्यु जरूरी आ कि सै बड़ै दुख सेहन करिया, जां वुजुर्ग प्रधानयाजका जां यहूदी शास्त्रिया आंउ तुच्छ समझि करि मारी छडणा, पण त्रीं धियाड़ि आंउ फिरी जींति गांहणा।”
यीशु पिचालीं चलणैरा मतलब
23फिरी तेनी सभनियांं मैहणुवां सिंउ बौलु, “जै कौ मिंडा चैला बंणना चहिया, सै ऐपु अपड़ा इन्कार करिया जां हर रौज दुख सेहन कांना जां मरनेरै तेईनी बि तियार रिहा सैहै मिंडा चैला बंणिया। 24केईनी कि तुहां मझ जै कौ अपड़ै प्रांण बचांणा चाहला ता सै तैस गुंवा दींणै पण जै कौ मिंडै तेईनी अपड़ै प्रांण गुंवाला ता तैस सैक्यै बचांणै। 25जै मैहणु इस सारै संसारा जिति लिया जां अपड़ै प्रांण गुंवा दिया, ता तेसनी कितु फायदा? 26जै कौ मूं किना जां मिंडी गला किना लजाईयोला; मैहणुरै पुत्रा बि, मतलब मूं जेख्णी ऐपड़ि जां अपड़ै पिताऐरी जां पवित्र स्वर्गदूता केरी महिमा सेईतै ऐईंणु, ता तैस किना लजाईयोला। 27आंउ तुहां सेईतै सच-सच बोलता, कि तुहां मझियें किछ मैहणु जै ऐठि खड़ै अत्तै, तैन्हांं तकांणु कि जेख्णी तेईनी सै परमेश्वरा राज कातै ना तका लींतै त्यो तेईनी सै ना मरने।”
यीशुरा रूप बदलियूंणा
(मत्ती 17:1-8; मरकुस. 9:2-8)
28ऐन्हां गला किना कौ अट्ठा धियाड़िया किना बाद यीशु पतरस, याकूब जां यूहन्ने सेईतै लैई करि प्रार्थना कांनेरै तेईनी तैन्हांं पहाड़ा पन लेई ग्या। 29जेख्णी यीशु प्रार्थना काता थ्या ता तेसेरै चैहरैरा रंग-रूप बदलियूंणा लगा, जां तेसेरै लिकड़ै हच्छै भौ करि चमकणा लगै। 30तां अजागै चैलै दो मैहणु मूसा जां ऐलिय्याह यीशु सेईतै गलै कातै तकाय। 31सैस्वर्गीय महिमा सेईतै लाधी यै, जां पर्मेश्वरेरी मर्जी पूरी कांनेरै तेईनी यरूशलेम शहरा मझ यीशुरै मरनेरी गलै कातै थ्यै। 32पतरसा जां तेसैरा साथियनी निंदर लगौरी थी, पण जेख्णी सै बियुझी ग्यै ता तैन्हैं यीशु किना निकूंथु प्रगड़ु तकाउ जां दो मैहणु तैस सिंउ खड़ै बेठोरै तकाय। 33जेख्णी सै तैस किनि गांहणा लगै ता पतरसै यीशु सेईतै बौलु, “हे प्रभु! असेड़ु ऐठि बेशणु ठीक आ ऐठणीरै तेईनी असै त्रा तम्बु बणांतै; अक तिंडै तेईनी, अक मूसेरै तेईनी, अक ऐलिय्याहेरै तेईनी।” केईनी कि सै ना जांणता थ्या, कि सै कितु बोलता आ। 34पण जेख्णी पतरस हालै-ऐंही बोलता ऐ थ्या, ता एकि बदऐ ऐईछी करि सैक्यै ढकि लियै; जां जिहींये जेख्णी सै तेनी बदऐ ला ढकियूंणा लगै ता सै डरि गियै। 35तां तैस बदआ मझांं अक आवाज निकोत्थी, “ऐक्या मिंडा प्यारा पुत्र जां मिंडा चुणौरा आ ऐसेरी गल शुणा।” 36ऐ आकाशवांणी भूंणा किना बाद यीशु अकैला ऐ लधा जां तेसेरै चैलै चुप रिय्है, जां जै किछ तैन्हैं तैठि तकाउ तेठणिरै बारै मझ तैन्हैं कोस सिंउ बि कोई गल ना केयि।
बच्चैनी बुरी आत्माय किना छुटकारा
(मत्ती 17:14-18; मरकुस. 9:14-27)
37दुईं धियाड़ि जेख्णी सै पहाड़ा किना उतरै तां अक बडी भीड़ यीशु किनि अईछी करि मेईं। 38जां तका, भीड़ि मझांं एकि मैहणु चिन्ड दी-करि बौलु, “हे गुरू! आंउ ताउ सिंउ छंदै काता कि मिंडै पुत्रा पन दया कर केईनी कि सै मिंडा इकलौता पुत्र आ। 39जां तका, अक बुरी आत्मा बार-बार तैस अपड़ै वंशा मझ काति, जां सै अजागै चिंडै दींणा लगता जां सै तैस ऐतेई पिरौड़ति कि तेसैरू मुहां किना शैफ ऐईंणा लगती जां सै बुरी आत्मा तैस मिरौड़ी करि बड़ी मुशकलि सिंउ छडती। 40मीं तिंडा चैला सिंउ विनती की कि तैस मझांं तैस बुरी आत्माय कढा, पण सै तेन्हैरै बोलै ना कढी।” 41यीशु तेसनी उत्तर दिता, “हे अविश्वासी जां जिद्दी मैहणुवो! मूं तुहां सेईतै कियो तेईनी बेशणु, जां तुवाड़ी गलै सेहन कांनी, मीं तुवाड़ै तेईनी ऐथरू किछ कियु पण फिरी बि तुवे विश्वास ना कातै? अपड़ै पुत्रा ऐठि मूं किनि अंणा।” 42सै छोकरू हालै-ऐमिहां ऐंईतुवे थियु कि तेनी बुरी आत्माय सै पकड़ी करि भुणा सुटि दित्तु, जां तैस बुरी तराहि मरौड़ना लगी, पण यीशु बुरी आत्मायनी झिड़खै दित्ती जां छोकरू ठीक करि-करि सेकियु तेसेरै बाबेनी दी दित्तु। 43तां सारै मैहणु परमेश्वरेरै ऐस महान सामर्थी बाऐ कंमै ला हैरांन भुवै। पण जेख्णी सारै मैहणु यीशुरै सभनियांं कंमा किना हैरान भूंतै थ्यै जैन्हां सै करींथ्या, ता यीशु अपड़ा चैला सिंउ बौलु,
अपड़ि मोउतिरै बारै मझ यीशुरी भविष्यवाणी
(मत्ती 17:22-23; मरकुस. 9:30-32)
44“तुवे ऐन्हां गला ध्यान सिंउ शुणै, केईनी कि मैहणुरा पुत्र मतलब आंउ मैहणुवां केरै हत्था पकड़वाई गांहणा।” 45पण चैलानि ऐस गलेरी समझ ना लगी कि सै अपड़ि मोउतिरै बारै मझ बोलता थ्या, पण तैन्हांं किना ऐकेई गलै छपोरी रेय्ही कि तैन्हांं गला केरा तैन्हांं पता ऐ ना लगा जां सै ऐसै गलैरै बारै मझ यीशु किना पुछणा हैरी डरींथ्यै।
सभनियांं बडा केणु?
(मत्ती 18:1-5; मरकुस. 9:33-37)
46फिरी तैन्हांं चैला मझ ऐस गलै पन बहस भूंणा लगी कि असु मझ सभनियांं बडा केणु आ? 47पण यीशु तेन्हैरै मंनेरी गल समझि लेई, जां ऐठणीरै तेईनी अक हल्कु छोकरू अंणि करि ऐपु किनि खड़ु कियु, 48जां तैन्हांं सिंउ बौलु, “जै कोई मिंडा नाँ शुणि करि ऐस छोकरू अपणाता; सै मूं बि अपणा लींता; जां जै कोई मूं अपणाता, सै मिंडै भेईजणै बाऐ अपणा लींता, केईनी कि जै तुहां मझ हल्कै किना हल्का आ, सैहै बडा आ।”
जै विरोधा मझ ना, सै पक्षा मझ आ
49फिरी यूहन्ने यीशु सिंउ बौलु, “हे मालिक! असु अक मैहणु तुवाड़ा नाँ लैई करि बुरी आत्माईया कढता लधा, जां असै तेसनी नमां कांना लगै, केईनी कि सै असुवां चैला मझियां ना थ्या।” 50यीशु तैन्हांं सिंउ बौलु, “तेसनी नमां मेईं करा; केईनी कि जै तुवाड़ै विरोधा मझ ना सै तुहां सेईतै आ।”
सामरियै जरिये यीशुरा विरोध
51जेख्णी यीशुरी स्वर्गनि गांहणैरी धियाड़ी पुरियुंणारी थी, तां तेनी यरूशलेमनि गांहणैरै बारै सौचु। 52जां यीशु अपड़ै अघ्रियालीं विषैक दींणार मैहणु भेईजै; जां सै सामरियेरै एकि ग्राँईयां मझ ग्यै, कि तेसेरै तेईनी बेशणैरा जां खांणा-पींणैरा इंतजाम करिया। 53पण तैस ग्राँईयेरै मैहणुवें यीशुरा स्वागत ना केया, केईनी कि तैन्हांं पता लगी ग्या कि यीशु तेठां किना यरूशलेम शहरा धेरै गांहथा। ऐठणीरै तेईनी तैन्हैं तैठि यीशुरा स्वागत ना केया। 54ऐक्यु तका करि तेसेरै चैलै याकूबै जां यूहन्ने बौलु, “हे प्रभु! क्या तु चांहथा कि असै आज्ञा दिया जां सुरगा किना आग छुड़खी करि तैन्हांं मैहणुवां भस्म करि दिया?” 55पण तेनी मुड़ि करि तेन्हांनि झिड़खै दित्ती जां बौलु, “तुवे ना जांणतै कि तुहां मझ केतैई आत्मा आ। केईनी कि आंउ मैहणुरा पुत्र मैहणुवां केरै प्रांणा केरा नाश कांनेरै तेईनी ना यौउरा बल्कि बचांणेरै तेईनी यौउरा।” 56जां सेकियै तेठां किना कोसक्यै होरू ग्राँनि चलि गियै।
यीशुरा चैला बणनेरी कीमत
(मत्ती 8:19-22)
57जेख्णी सै बत्तै मझ गांहथै थ्यै, ता कुनिक्यै मैहणु तैस सिंउ बौलु, “जेठि-जेठि तु गाहला, मूं तिंडै पीछै-पीछै चलणु।” 58यीशु तैस सिंउ बौलु, “गिदड़ा किनि तेन्हैरी कुढ़ी भूंती जां सुरगेरा पंछिया किनि तेन्हैरै गुल्है भूंतै; पण मैहणुरै पुत्रा मतलब मूं किनि झुलणेरै तेईनी अपड़ु घर बि ना।” 59तेनी होरै मैहणु सिंउ बौलु, “मिंडा चैला बंणी करि मूं पिचालीं आ।” तेनी बौलु, “हे प्रभु! ताउ सिंउ चलणा किना पेहिलै मूंनी घरै गांहणैरी आज्ञा दै कि आंउ अपड़ै बबा गहि करि दबि ऐईंता।” 60यीशु तैस सिंउ बौलु, “मौरा मैहणुवां अपड़ै मुड़दै दबणा दै, पण तु गहि करि परमेश्वरेरै राज्यरी खुशखबरी शुणा।” 61एकि होरै बि बौलु, “हे प्रभु! आंउ ताउ पिचालीं चलता; पण पेहिलै मूं गांहणा दै कि अपड़ै घरेरै परिवारानि आ-बेशा बोलि ऐईछूं।” 62यीशु तैस सिंउ बौलु, “जै कोई मुड़ि करि संसारेरिया चीजा केरा मोह काता, सै परमेश्वरेरै राज्यरै काबिल ना।”
Currently Selected:
लूका 9: CDJNT
Highlight
Share
Copy
Want to have your highlights saved across all your devices? Sign up or sign in
Churahi New Testament (चुराही नवाँ नियम), 2020 by The Love Fellowship is licensed under a Creative Commons Attribution-ShareAlike 4.0 International License.
लूका 9
9
बाराह खास चैलै भेईजियूंणै
1बाद मझ यीशु अपड़ै बाराह खास चैलै ऐपु किनि शदाय जां फिरी तेन्हांनि बुरी आत्माय जां बिमारी कढणैरी शक्ति दित्ती। 2जां सेकियै परमेश्वरेरै राज्यरा प्रचार कांना जां बिमार मैहणुवां केरी बिमारी ठीक कांनेरै तेईनी अलग-अलग ग्राँनी भेईजै। 3तेनी तेन्हांनि आज्ञा दित्ती, कि “बत्तेरै तेईनी शौठा मेईं लींतै ना रोटी ना झोई ना बटुवै मझ पेईंसै। बूट ला ल्या, पण होरी कमीज रखणैरी जरूरत ना।” 4जां तेनी तैस सेईतै बौलु, “अगर तुहां कोई अपड़ै घरा मझ रींहणैरै तेईनी शदाईया जां जेख्णी तेईनी तुवे तैस नगरा मझ बेश्तै, तां तेईनी तेसै घरा मझ बेशा। 5अगर मैहणु तुवाड़ा स्वागत ना करिया, ता तैस नगरा किना निकूंथै टैंमा अपड़ा पैयिड़ा केरी धूड़ बि झाड़ी दैई ता कि ऐ तैस नगरैरा मैहणुवंनी चेतावनी भूंणी कि परमेश्वर तेन्हैरा न्याय करैला।” 6फिरी सै निकई करि ग्राँ-ग्राँ खुशखबरी शुणांतै, जां हर जगाई मैहणुवां ठीक कातै रिय्है।
हेरोदेसेरी उलझन
7राजा हेरोदेसै ऐन्हां सारिया गल्ला केरी चर्चा शुणि करि डरि ग्या जां उलझनि मंझ पैई ग्या; केईनी कि किछ मैहणु बोलींथ्यै कि बपतिस्मा दींणै वा यूहन्ना मौरा मझांं जींति गियौरा! 8जां किछ मैहणुवें यीशुरै बारै मझ बौलु, ऐ भविष्यवक्ता ऐलिय्याह आ, जां किछ होरनियें बौलु कि पुरांणै भविष्यवक्ता मझांं कोई जींति ग्या। 9हेरोदेस राजै ऐ शुणीं करि बौलु, “यूहन्नेरी ता मीं मुंडकि बढाय दितोरी आ, अबै ऐ केणु आ जेसेरै बारै मझ ऐतेई हैरानी बाई गल्लै शुणता आ?” जां तेनी यीशु तकांणैरी ईच्छा की।
पंजा हजारा मैहणुवंनी खांणा खलाणा
10फिरी खास चैलै वापस अईछी करि जै किछ तैन्हैं क्यौरू थियु, तेसनी शुणा दित्तु, जां सै तैन्हांं अलग करि-करि चुपचाप बैतसेदा नाँईयेरै नगरानि लेई ग्या। 11पण मैहणुवां ऐस गल्लैरा पता चलि ग्या जां सै बि तेसेरै पीछै चलि पियै, जां यीशु खुशी सेईतै तैन्हांं सिंउ मिला, जां तैन्हांं सिंउ परमेश्वरेरै राज्यरी गलै लांणा लगा, जां जै ठीक भूंणा चांहथै थ्यै सेकियै ठीक कियै।
12जेख्णी दीह बुडणा लगु, ता तेसेरै खास बाराह चैलै तैस किनि अईछी करि बोलणा लगै, “ऐ सुनसान जगा आ, दीह बुडणा लगु। तैन्हांं विदा करि-करि आस-पासेरै ग्राँईयां जां नगरा मझ गहि करि किछ अपड़ै तेईनी बेशणनी जगा जां किछ खांणेरै तेईनी जुगाड़ कातै।” 13यीशु तैन्हांं सिंउ बौलु, “तुवे ऐ तेन्हांनि खाणनि दिया।” तैन्हैं बौलु, “असु किनि पंज रोटी जां दो मछली छडि करि होरू किछ ना, पर हाँ अगर असै सभ गहि करि ऐन्हां सभनियांं मैहणुवंनी, खांणा खरीदी लिया ता ऐ भौ सकतु, (केईनी कि तैठि लगभग पंज हजार मड़द थ्यै।”) 14तां यीशु अपड़ा चैला सिंउ बौलु, “तैन्हांं पंजाह-पंजाह मैहणुवां केरी पांत ला करि बेशाआ।” 15चैलै ऐहियें कियु, जां सारै मैहणु जमींनि पन बेशाई दित्तै। 16तां यीशु सैकेई पंज रोटी जां दो मछली लेई जां तेनी सुरगा धेरै तका करि परमेश्वरैरा धन्यवाद केया जां तैन्हांं रोटिया पन बरगत मग्गी। फिरी यीशु रोटिया केरै दो-दो टुकड़ै करि चैला धेरै दित्तै कि सै मैहणुवंनी खांणनी दिया। 17जां सारै खा करि रजि ग्यै जां बाद मझ चैलै बचोरिया रोटिया केरी बाहरा टोकरी भरी करि उछुत्ती।
पतरसै यीशु मसीह मंनि लिया
18जेख्णी सै एकांत मझ प्रार्थना काता थ्या जां चैलै तैस सेईतै थ्यै, तां यीशु तैन्हांं किना पुच्छु, “मैहणु मिंडै बारै मझ कितु बोलतै अत्तै?” 19तैन्हैं जुबाव दिता, “किछ मैहणु बोलतै कि बपतिस्मा दींणै वा यूहन्ना फिरी जींता भौ गियौरा, जां कौ-कौ बोलतै अत्तै ऐलिय्याह, जां किछ मैहणु ऐहीं बोलतै कि पुरांणै भविष्यवाणी कांने वा मझांं कोई अक जींता भौ गियौरा।” 20यीशु तैन्हांं किना दुबारे पुच्छु, “पण तुवे कितु सोचतै कि आंउ केणु आ?” पतरसै जुबाव दिता, “तु परमेश्वरैरा भेईजौरा मसीह आ।” 21फिरी यीशु चैलानि आज्ञा दित्ती “ऐस बारै मझ कोस सेईतै मेईं बोलतै।”
ऐपड़ि मोउतिरै बारै मझ यीशुरी भविष्यवाणी
22फिरी यीशु ऐक्यु बौलु, “केईनी कि मैहणुरै पुत्रेरै तेईनी ऐक्यु जरूरी आ कि सै बड़ै दुख सेहन करिया, जां वुजुर्ग प्रधानयाजका जां यहूदी शास्त्रिया आंउ तुच्छ समझि करि मारी छडणा, पण त्रीं धियाड़ि आंउ फिरी जींति गांहणा।”
यीशु पिचालीं चलणैरा मतलब
23फिरी तेनी सभनियांं मैहणुवां सिंउ बौलु, “जै कौ मिंडा चैला बंणना चहिया, सै ऐपु अपड़ा इन्कार करिया जां हर रौज दुख सेहन कांना जां मरनेरै तेईनी बि तियार रिहा सैहै मिंडा चैला बंणिया। 24केईनी कि तुहां मझ जै कौ अपड़ै प्रांण बचांणा चाहला ता सै तैस गुंवा दींणै पण जै कौ मिंडै तेईनी अपड़ै प्रांण गुंवाला ता तैस सैक्यै बचांणै। 25जै मैहणु इस सारै संसारा जिति लिया जां अपड़ै प्रांण गुंवा दिया, ता तेसनी कितु फायदा? 26जै कौ मूं किना जां मिंडी गला किना लजाईयोला; मैहणुरै पुत्रा बि, मतलब मूं जेख्णी ऐपड़ि जां अपड़ै पिताऐरी जां पवित्र स्वर्गदूता केरी महिमा सेईतै ऐईंणु, ता तैस किना लजाईयोला। 27आंउ तुहां सेईतै सच-सच बोलता, कि तुहां मझियें किछ मैहणु जै ऐठि खड़ै अत्तै, तैन्हांं तकांणु कि जेख्णी तेईनी सै परमेश्वरा राज कातै ना तका लींतै त्यो तेईनी सै ना मरने।”
यीशुरा रूप बदलियूंणा
(मत्ती 17:1-8; मरकुस. 9:2-8)
28ऐन्हां गला किना कौ अट्ठा धियाड़िया किना बाद यीशु पतरस, याकूब जां यूहन्ने सेईतै लैई करि प्रार्थना कांनेरै तेईनी तैन्हांं पहाड़ा पन लेई ग्या। 29जेख्णी यीशु प्रार्थना काता थ्या ता तेसेरै चैहरैरा रंग-रूप बदलियूंणा लगा, जां तेसेरै लिकड़ै हच्छै भौ करि चमकणा लगै। 30तां अजागै चैलै दो मैहणु मूसा जां ऐलिय्याह यीशु सेईतै गलै कातै तकाय। 31सैस्वर्गीय महिमा सेईतै लाधी यै, जां पर्मेश्वरेरी मर्जी पूरी कांनेरै तेईनी यरूशलेम शहरा मझ यीशुरै मरनेरी गलै कातै थ्यै। 32पतरसा जां तेसैरा साथियनी निंदर लगौरी थी, पण जेख्णी सै बियुझी ग्यै ता तैन्हैं यीशु किना निकूंथु प्रगड़ु तकाउ जां दो मैहणु तैस सिंउ खड़ै बेठोरै तकाय। 33जेख्णी सै तैस किनि गांहणा लगै ता पतरसै यीशु सेईतै बौलु, “हे प्रभु! असेड़ु ऐठि बेशणु ठीक आ ऐठणीरै तेईनी असै त्रा तम्बु बणांतै; अक तिंडै तेईनी, अक मूसेरै तेईनी, अक ऐलिय्याहेरै तेईनी।” केईनी कि सै ना जांणता थ्या, कि सै कितु बोलता आ। 34पण जेख्णी पतरस हालै-ऐंही बोलता ऐ थ्या, ता एकि बदऐ ऐईछी करि सैक्यै ढकि लियै; जां जिहींये जेख्णी सै तेनी बदऐ ला ढकियूंणा लगै ता सै डरि गियै। 35तां तैस बदआ मझांं अक आवाज निकोत्थी, “ऐक्या मिंडा प्यारा पुत्र जां मिंडा चुणौरा आ ऐसेरी गल शुणा।” 36ऐ आकाशवांणी भूंणा किना बाद यीशु अकैला ऐ लधा जां तेसेरै चैलै चुप रिय्है, जां जै किछ तैन्हैं तैठि तकाउ तेठणिरै बारै मझ तैन्हैं कोस सिंउ बि कोई गल ना केयि।
बच्चैनी बुरी आत्माय किना छुटकारा
(मत्ती 17:14-18; मरकुस. 9:14-27)
37दुईं धियाड़ि जेख्णी सै पहाड़ा किना उतरै तां अक बडी भीड़ यीशु किनि अईछी करि मेईं। 38जां तका, भीड़ि मझांं एकि मैहणु चिन्ड दी-करि बौलु, “हे गुरू! आंउ ताउ सिंउ छंदै काता कि मिंडै पुत्रा पन दया कर केईनी कि सै मिंडा इकलौता पुत्र आ। 39जां तका, अक बुरी आत्मा बार-बार तैस अपड़ै वंशा मझ काति, जां सै अजागै चिंडै दींणा लगता जां सै तैस ऐतेई पिरौड़ति कि तेसैरू मुहां किना शैफ ऐईंणा लगती जां सै बुरी आत्मा तैस मिरौड़ी करि बड़ी मुशकलि सिंउ छडती। 40मीं तिंडा चैला सिंउ विनती की कि तैस मझांं तैस बुरी आत्माय कढा, पण सै तेन्हैरै बोलै ना कढी।” 41यीशु तेसनी उत्तर दिता, “हे अविश्वासी जां जिद्दी मैहणुवो! मूं तुहां सेईतै कियो तेईनी बेशणु, जां तुवाड़ी गलै सेहन कांनी, मीं तुवाड़ै तेईनी ऐथरू किछ कियु पण फिरी बि तुवे विश्वास ना कातै? अपड़ै पुत्रा ऐठि मूं किनि अंणा।” 42सै छोकरू हालै-ऐमिहां ऐंईतुवे थियु कि तेनी बुरी आत्माय सै पकड़ी करि भुणा सुटि दित्तु, जां तैस बुरी तराहि मरौड़ना लगी, पण यीशु बुरी आत्मायनी झिड़खै दित्ती जां छोकरू ठीक करि-करि सेकियु तेसेरै बाबेनी दी दित्तु। 43तां सारै मैहणु परमेश्वरेरै ऐस महान सामर्थी बाऐ कंमै ला हैरांन भुवै। पण जेख्णी सारै मैहणु यीशुरै सभनियांं कंमा किना हैरान भूंतै थ्यै जैन्हां सै करींथ्या, ता यीशु अपड़ा चैला सिंउ बौलु,
अपड़ि मोउतिरै बारै मझ यीशुरी भविष्यवाणी
(मत्ती 17:22-23; मरकुस. 9:30-32)
44“तुवे ऐन्हां गला ध्यान सिंउ शुणै, केईनी कि मैहणुरा पुत्र मतलब आंउ मैहणुवां केरै हत्था पकड़वाई गांहणा।” 45पण चैलानि ऐस गलेरी समझ ना लगी कि सै अपड़ि मोउतिरै बारै मझ बोलता थ्या, पण तैन्हांं किना ऐकेई गलै छपोरी रेय्ही कि तैन्हांं गला केरा तैन्हांं पता ऐ ना लगा जां सै ऐसै गलैरै बारै मझ यीशु किना पुछणा हैरी डरींथ्यै।
सभनियांं बडा केणु?
(मत्ती 18:1-5; मरकुस. 9:33-37)
46फिरी तैन्हांं चैला मझ ऐस गलै पन बहस भूंणा लगी कि असु मझ सभनियांं बडा केणु आ? 47पण यीशु तेन्हैरै मंनेरी गल समझि लेई, जां ऐठणीरै तेईनी अक हल्कु छोकरू अंणि करि ऐपु किनि खड़ु कियु, 48जां तैन्हांं सिंउ बौलु, “जै कोई मिंडा नाँ शुणि करि ऐस छोकरू अपणाता; सै मूं बि अपणा लींता; जां जै कोई मूं अपणाता, सै मिंडै भेईजणै बाऐ अपणा लींता, केईनी कि जै तुहां मझ हल्कै किना हल्का आ, सैहै बडा आ।”
जै विरोधा मझ ना, सै पक्षा मझ आ
49फिरी यूहन्ने यीशु सिंउ बौलु, “हे मालिक! असु अक मैहणु तुवाड़ा नाँ लैई करि बुरी आत्माईया कढता लधा, जां असै तेसनी नमां कांना लगै, केईनी कि सै असुवां चैला मझियां ना थ्या।” 50यीशु तैन्हांं सिंउ बौलु, “तेसनी नमां मेईं करा; केईनी कि जै तुवाड़ै विरोधा मझ ना सै तुहां सेईतै आ।”
सामरियै जरिये यीशुरा विरोध
51जेख्णी यीशुरी स्वर्गनि गांहणैरी धियाड़ी पुरियुंणारी थी, तां तेनी यरूशलेमनि गांहणैरै बारै सौचु। 52जां यीशु अपड़ै अघ्रियालीं विषैक दींणार मैहणु भेईजै; जां सै सामरियेरै एकि ग्राँईयां मझ ग्यै, कि तेसेरै तेईनी बेशणैरा जां खांणा-पींणैरा इंतजाम करिया। 53पण तैस ग्राँईयेरै मैहणुवें यीशुरा स्वागत ना केया, केईनी कि तैन्हांं पता लगी ग्या कि यीशु तेठां किना यरूशलेम शहरा धेरै गांहथा। ऐठणीरै तेईनी तैन्हैं तैठि यीशुरा स्वागत ना केया। 54ऐक्यु तका करि तेसेरै चैलै याकूबै जां यूहन्ने बौलु, “हे प्रभु! क्या तु चांहथा कि असै आज्ञा दिया जां सुरगा किना आग छुड़खी करि तैन्हांं मैहणुवां भस्म करि दिया?” 55पण तेनी मुड़ि करि तेन्हांनि झिड़खै दित्ती जां बौलु, “तुवे ना जांणतै कि तुहां मझ केतैई आत्मा आ। केईनी कि आंउ मैहणुरा पुत्र मैहणुवां केरै प्रांणा केरा नाश कांनेरै तेईनी ना यौउरा बल्कि बचांणेरै तेईनी यौउरा।” 56जां सेकियै तेठां किना कोसक्यै होरू ग्राँनि चलि गियै।
यीशुरा चैला बणनेरी कीमत
(मत्ती 8:19-22)
57जेख्णी सै बत्तै मझ गांहथै थ्यै, ता कुनिक्यै मैहणु तैस सिंउ बौलु, “जेठि-जेठि तु गाहला, मूं तिंडै पीछै-पीछै चलणु।” 58यीशु तैस सिंउ बौलु, “गिदड़ा किनि तेन्हैरी कुढ़ी भूंती जां सुरगेरा पंछिया किनि तेन्हैरै गुल्है भूंतै; पण मैहणुरै पुत्रा मतलब मूं किनि झुलणेरै तेईनी अपड़ु घर बि ना।” 59तेनी होरै मैहणु सिंउ बौलु, “मिंडा चैला बंणी करि मूं पिचालीं आ।” तेनी बौलु, “हे प्रभु! ताउ सिंउ चलणा किना पेहिलै मूंनी घरै गांहणैरी आज्ञा दै कि आंउ अपड़ै बबा गहि करि दबि ऐईंता।” 60यीशु तैस सिंउ बौलु, “मौरा मैहणुवां अपड़ै मुड़दै दबणा दै, पण तु गहि करि परमेश्वरेरै राज्यरी खुशखबरी शुणा।” 61एकि होरै बि बौलु, “हे प्रभु! आंउ ताउ पिचालीं चलता; पण पेहिलै मूं गांहणा दै कि अपड़ै घरेरै परिवारानि आ-बेशा बोलि ऐईछूं।” 62यीशु तैस सिंउ बौलु, “जै कोई मुड़ि करि संसारेरिया चीजा केरा मोह काता, सै परमेश्वरेरै राज्यरै काबिल ना।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Churahi New Testament (चुराही नवाँ नियम), 2020 by The Love Fellowship is licensed under a Creative Commons Attribution-ShareAlike 4.0 International License.