JOŊ 5
5
Yeesu ayësan nalon niints nan kai basal
1Uba ngëmënts ngan, a u ka ufesta Bajudeu, a Yeesu kata atsëp Jerusalem. 2Maa di Jerusalem, tsi kawok Pëlëman Ngënkarnel, aka pëwal pi ka n jaka pi tsi uñakan Bayebëreu, Bet-sata. Pul, aka ngëkuëra kañan, 3a bamoj bacumal kë ci tsul: bakuël, bajënk, baka-basal. [Bu ja ba roon bë ka piints tsul koo lip usiintsar mlik. 4Par, ulon uwaanju aja u roon u welee tsi ulon uwal tsi pëwal pëmënts pun, u siints-siintsan mlik; a namoj nacak na welee di mlik uba mul pësiintsar, në yësana pëmaak pi na ka pi ba këka.] 5A u ka tsul nalon niints nandoi ngëwaanu ngëntaaja ngëwaants ni këwas tsi pëmaak. 6A Yeesu win na piints, a na me na jon ki na ci ki unk, a na jaul: “M ŋal pëyësana-a?” 7Nul namoj yankul aja: “Ajug! Nji n kaats ñaan ni ka welanini di Pëwal, uler wi mlik siintsar wi. Ma n ja ndu n ya pëwela, nalon ka welain bërun.” 8A Yeesu jaul: “Natsaan, jejan pëyoongiau kë yandaar.” 9Ucar umënts wun, a niints namënts un yës, a na jej pëyoongiaul a na tsëp. Unu umënts wun aro ci-unu-pënaakësa.
10 #
Nem 13.19; Jer 17.21 A Bajudeu ja niints na yësana unk: “Aci-unu-pënaakësa; ulua apoku pëtsëpand pëyoongiau.” 11A na ja bukul: “Na yësanini, nul bërierul jain un: ‘Jejan pëyoongiau kë yandaar.’” 12Ba yeparul aja: “Naom ñaan ci-un na n jaui: ‘Jejan pëyoongiau kë yandaar?’” 13A kayësana katse me ñaan namënts, par Yeesu apën tsul, te bañaan cum mak. 14Bi ngëmënts ngan par bi, a Yeesu bi winul di kato-kayëman, a na jaul: “Teenan-e, m kak m yës; cats juban kak, pa un pe wi pëjuats përits baandë-niu.” 15A niints namënts un tsëp ee leents Bajudeu u ci Yeesu yësanul un. 16Wul ka wun Bajudeu kë noor-nooran Yeesu, bu kë tsasul pëfiŋ, par aja na roon nuu ro ngëmënts ngan tsi Unu-pënaakësa. 17A Yeesu ja bukul: “Asin nji aci tsi uleemp te inkri, nji buts man ci tsi uleemp.”
18Wul ka wun Bajudeu ru pe këpe pëtsas pëfiŋul, par cits undo bi na rispiitaarats bi Unu-pënaakësa, maa aja, Nasien-batsi bërierul, ci-un Asinul, unk atsu beenul aci Nasien-batsi.
Pëyëlan pi Abuk Nasien-batsi ka pi
19A Yeesu yank bukul aja: “Mán leents ind ucär: Abuk yëlaants përo ulon ko bërierul, ucits ba wi na win wi Asindo. Par ko wi Asin kë ro wi, Abuk buts, unk di nu ro run wul. 20Par Asin aŋal Abuk, a na ja na roon në pibanul ngi nuu ro ngi bëlieng. Kee na pibanul ngan pe ngi ngi përëmb, pa ndë pikra. 21Par, bi Asin kë natsani bunk bacäts në wël bukul ubiira, unk buts, Abuk ka wël ubiira pa biki na ŋal biki pëwël. 22Te, Asin di ka wat ñaan pëleents, maa awël Abuk kawat-pëleents kan ci ki-ba këci, 23pa bañaan bëlieng përëmban Abuk bi ba rëmban bi Asin.
24Mán leents ind ucär: Nan tei përim nji a na wak tsi na yëliini, aka ubiira un dits wi ka ba; di ka wata pëleents, apar ba tsi pëcäts pa ubiira. 25Mán leents ind ucär: Uler ka bi, te wul band wink, wi bacäts kë te wi përim Abuk Nasien-batsi, a ban te biki pul, bu ka ka ubiira. 26Par, bi Asin ka bunk ubiira tsi nul bërierul, unk buts di Abukul ka run ubiira tsi nul bërierul. 27A na wëlul pëyëlan pa na wat pëleents, par nul ci-un Abuk ñaan-najin. 28Ind tsë pikra tsi umënts wan, par uler ka band, wi bacäts bëlieng ban ci biki di ibëk kë te wi përimul. 29#Dan 12.2Bando biki úwar ka natsee pa ubiira, a bando biki útsëtsuel ka natsee pa kawata-pëleents.
30Nji, in yëlaants përo ko bërierin; a bi n te bi, unk ri ka n wat run pëleents; a kawat-pëleents nji ci kamabal, par in di ka n tsas uŋal nji, maa uŋal na yëliini. 31Uci n do ka leents uleka nji bërierin, ko wi n du n leents wi bitse ka ci ucär. 32Aci nalon ka leents un uleka nji, a me koon, ko wi në leents wi tsi uleka nji aci ucär. 33#Joŋ 1.19-27; 3.27-30Ind, nda yël bañaan di Joŋ, a na leents uleka ucär. 34Nji, cits pëjaa mán niiran ko wi ñaan-najin leents wi, maa ma nja ank, pa ndë buer. 35Joŋ aro ci ulamp wi ka yëk wi, a uu fiets; a ind, nda ro ŋal pëlilan tsi ufacul, tsi uwal un jonats wi. 36Maa nji, ko wi n ka wi pa pëleents, ape wi Joŋ. Par, ngi Asin nji wëlin ngi përo n ba, ngul, ngi n ci ngink tsi përo, apiban uleka nji, u ci Asin nji yëliin un. 37#Mat 3.17; Mar 1.11; Lúk 3.22Asin nji na yëliini, nul bërierul aleents uleka nji. Maa nda teets përimul yaas, nin nda winats bënaamul; 38a përimul cits di ind, par nda wakats tsi ni na yëlii. 39Nda ja nda roon nduu tsas tsi Bëpican, par nda wejats pëkaana tsi bul ubiira un dits wi ka ba. Te, bul Bëpican, ci bun tsi pëleents uleka nji. 40Maa a nda ŋalats pëbi tsi nji pa ndë ka ubiira.
41Përëmb, nji n yankats pul tsi bañaan-bajin. 42Maa man me ind uwar, nda kaats bëŋal Nasien-batsi tsi ngëwaas ind. 43Nji, man biini tsi katim Asin nji, a nda niiraantsin. Maa uci nalon bi tsi katimul bërierul, ndë niiran namënts un. 44Um bi nda yëlan bun pëwak? Ba nda ja nan dooni nu yank Ubëdan tsi bacintsul, a nda ri ka tsas Përëmb pa pënë-ni pi tsi Nasien-batsi baŋ. 45Ind tsë ja ne mán tumtsar ind tsi bërun Asin nji; ni kan tumtsar indi aci Moises, ni nda watsaraani. 46Par uci nda ro wak tsi Moises, nda bi ka wak tsi nji, par aci uleka nji wi na pican wun. 47Uci nda wakats tsi ngi na pican ngi, um bi nduu wak bun tsi irim nji?”
Currently Selected:
JOŊ 5: KPKNT
Highlight
Share
Copy
Want to have your highlights saved across all your devices? Sign up or sign in
Le Nouveau Testament en langue Manjaku © Alliance Biblique du Sénégal, 2020.
JOŊ 5
5
Yeesu ayësan nalon niints nan kai basal
1Uba ngëmënts ngan, a u ka ufesta Bajudeu, a Yeesu kata atsëp Jerusalem. 2Maa di Jerusalem, tsi kawok Pëlëman Ngënkarnel, aka pëwal pi ka n jaka pi tsi uñakan Bayebëreu, Bet-sata. Pul, aka ngëkuëra kañan, 3a bamoj bacumal kë ci tsul: bakuël, bajënk, baka-basal. [Bu ja ba roon bë ka piints tsul koo lip usiintsar mlik. 4Par, ulon uwaanju aja u roon u welee tsi ulon uwal tsi pëwal pëmënts pun, u siints-siintsan mlik; a namoj nacak na welee di mlik uba mul pësiintsar, në yësana pëmaak pi na ka pi ba këka.] 5A u ka tsul nalon niints nandoi ngëwaanu ngëntaaja ngëwaants ni këwas tsi pëmaak. 6A Yeesu win na piints, a na me na jon ki na ci ki unk, a na jaul: “M ŋal pëyësana-a?” 7Nul namoj yankul aja: “Ajug! Nji n kaats ñaan ni ka welanini di Pëwal, uler wi mlik siintsar wi. Ma n ja ndu n ya pëwela, nalon ka welain bërun.” 8A Yeesu jaul: “Natsaan, jejan pëyoongiau kë yandaar.” 9Ucar umënts wun, a niints namënts un yës, a na jej pëyoongiaul a na tsëp. Unu umënts wun aro ci-unu-pënaakësa.
10 #
Nem 13.19; Jer 17.21 A Bajudeu ja niints na yësana unk: “Aci-unu-pënaakësa; ulua apoku pëtsëpand pëyoongiau.” 11A na ja bukul: “Na yësanini, nul bërierul jain un: ‘Jejan pëyoongiau kë yandaar.’” 12Ba yeparul aja: “Naom ñaan ci-un na n jaui: ‘Jejan pëyoongiau kë yandaar?’” 13A kayësana katse me ñaan namënts, par Yeesu apën tsul, te bañaan cum mak. 14Bi ngëmënts ngan par bi, a Yeesu bi winul di kato-kayëman, a na jaul: “Teenan-e, m kak m yës; cats juban kak, pa un pe wi pëjuats përits baandë-niu.” 15A niints namënts un tsëp ee leents Bajudeu u ci Yeesu yësanul un. 16Wul ka wun Bajudeu kë noor-nooran Yeesu, bu kë tsasul pëfiŋ, par aja na roon nuu ro ngëmënts ngan tsi Unu-pënaakësa. 17A Yeesu ja bukul: “Asin nji aci tsi uleemp te inkri, nji buts man ci tsi uleemp.”
18Wul ka wun Bajudeu ru pe këpe pëtsas pëfiŋul, par cits undo bi na rispiitaarats bi Unu-pënaakësa, maa aja, Nasien-batsi bërierul, ci-un Asinul, unk atsu beenul aci Nasien-batsi.
Pëyëlan pi Abuk Nasien-batsi ka pi
19A Yeesu yank bukul aja: “Mán leents ind ucär: Abuk yëlaants përo ulon ko bërierul, ucits ba wi na win wi Asindo. Par ko wi Asin kë ro wi, Abuk buts, unk di nu ro run wul. 20Par Asin aŋal Abuk, a na ja na roon në pibanul ngi nuu ro ngi bëlieng. Kee na pibanul ngan pe ngi ngi përëmb, pa ndë pikra. 21Par, bi Asin kë natsani bunk bacäts në wël bukul ubiira, unk buts, Abuk ka wël ubiira pa biki na ŋal biki pëwël. 22Te, Asin di ka wat ñaan pëleents, maa awël Abuk kawat-pëleents kan ci ki-ba këci, 23pa bañaan bëlieng përëmban Abuk bi ba rëmban bi Asin.
24Mán leents ind ucär: Nan tei përim nji a na wak tsi na yëliini, aka ubiira un dits wi ka ba; di ka wata pëleents, apar ba tsi pëcäts pa ubiira. 25Mán leents ind ucär: Uler ka bi, te wul band wink, wi bacäts kë te wi përim Abuk Nasien-batsi, a ban te biki pul, bu ka ka ubiira. 26Par, bi Asin ka bunk ubiira tsi nul bërierul, unk buts di Abukul ka run ubiira tsi nul bërierul. 27A na wëlul pëyëlan pa na wat pëleents, par nul ci-un Abuk ñaan-najin. 28Ind tsë pikra tsi umënts wan, par uler ka band, wi bacäts bëlieng ban ci biki di ibëk kë te wi përimul. 29#Dan 12.2Bando biki úwar ka natsee pa ubiira, a bando biki útsëtsuel ka natsee pa kawata-pëleents.
30Nji, in yëlaants përo ko bërierin; a bi n te bi, unk ri ka n wat run pëleents; a kawat-pëleents nji ci kamabal, par in di ka n tsas uŋal nji, maa uŋal na yëliini. 31Uci n do ka leents uleka nji bërierin, ko wi n du n leents wi bitse ka ci ucär. 32Aci nalon ka leents un uleka nji, a me koon, ko wi në leents wi tsi uleka nji aci ucär. 33#Joŋ 1.19-27; 3.27-30Ind, nda yël bañaan di Joŋ, a na leents uleka ucär. 34Nji, cits pëjaa mán niiran ko wi ñaan-najin leents wi, maa ma nja ank, pa ndë buer. 35Joŋ aro ci ulamp wi ka yëk wi, a uu fiets; a ind, nda ro ŋal pëlilan tsi ufacul, tsi uwal un jonats wi. 36Maa nji, ko wi n ka wi pa pëleents, ape wi Joŋ. Par, ngi Asin nji wëlin ngi përo n ba, ngul, ngi n ci ngink tsi përo, apiban uleka nji, u ci Asin nji yëliin un. 37#Mat 3.17; Mar 1.11; Lúk 3.22Asin nji na yëliini, nul bërierul aleents uleka nji. Maa nda teets përimul yaas, nin nda winats bënaamul; 38a përimul cits di ind, par nda wakats tsi ni na yëlii. 39Nda ja nda roon nduu tsas tsi Bëpican, par nda wejats pëkaana tsi bul ubiira un dits wi ka ba. Te, bul Bëpican, ci bun tsi pëleents uleka nji. 40Maa a nda ŋalats pëbi tsi nji pa ndë ka ubiira.
41Përëmb, nji n yankats pul tsi bañaan-bajin. 42Maa man me ind uwar, nda kaats bëŋal Nasien-batsi tsi ngëwaas ind. 43Nji, man biini tsi katim Asin nji, a nda niiraantsin. Maa uci nalon bi tsi katimul bërierul, ndë niiran namënts un. 44Um bi nda yëlan bun pëwak? Ba nda ja nan dooni nu yank Ubëdan tsi bacintsul, a nda ri ka tsas Përëmb pa pënë-ni pi tsi Nasien-batsi baŋ. 45Ind tsë ja ne mán tumtsar ind tsi bërun Asin nji; ni kan tumtsar indi aci Moises, ni nda watsaraani. 46Par uci nda ro wak tsi Moises, nda bi ka wak tsi nji, par aci uleka nji wi na pican wun. 47Uci nda wakats tsi ngi na pican ngi, um bi nduu wak bun tsi irim nji?”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Le Nouveau Testament en langue Manjaku © Alliance Biblique du Sénégal, 2020.