Luk'as Dooshishiyo 21
21
T'owu máátsu imts imo
(Mar. 12:41-44)
1Iyesus dambaan kawdek't b́s'ilfere gaaletswots bo imiruo [mebo] ms'watiy dek'eyiru sat'nots bo gedfere bek' b́k'r. 2Mank'o t'owu mááts iku, git santimu wotit gizo sat'nots b ged'fere bek' b́k'ri. 3Hank'owere bíet, «Ariko itsh keewiruwe, t'owmáátsan jametsoniyere bogsh dek'at imranee. 4Bo boimye bogalotse oortsoniye, bimo t'owu wotefetsatniye eegor b ooride'awon b detsts jamo imranee.»
Ik' moo b́gahituwok'o bek'on Iyesus b́keewtsok'o
(Mat. 24:1-2; Mar. 13:1-2)
5Ash ik ikuwots, «Ik'i maa han awuk'owe b́sheengi? Gizi shaawo kishit mang shútsuwotsnat Ik'osh t'ints sheeng keewone baats b́wutsi» et fetst bo keeweyiri b́ teshi. 6Ernmó Iyesus «It bek'iru jaman shútso shútsats kororeyar b́oorawu dúro weetuwe, shúts jamanots ik aawu gaahitune.»
7Bowere «Danifono! man b́wotit awure? Hanuwere wotosh b́t'intsok'o eegi milktoneya nodaneti?» ett boaati.
Doonzo wooniyere shinon weet gisheyonat gond bek'on
(Mat. 24:3-14; Mar. 13:3-13)
8Iyesus hank'o ett boosh bíaaniy, «It shelawok'o it atso korde'ere! ayuwots ‹Taa Krstos taane! hambe! bíaawo t'inre!› err t shutson weetune, bo shuutso sha'ak'ayere. 9Kes'i jangonat dimbiron it shishor tek' k'ayere, shinshino man b́woto geyife, ernmó b́s'uwo manoor woteratse.»
10Manats dabt Iyesus hank'owa bíet, «Ash asho ashaashats, naasho naashats tuwitwee. 11B́ be beewoke kup' wotts dats shek'ewo, k'ak'onat maryi shodon wotituwe. Shatit keewuwotsnat mlikit een eenuwotsn darotse be'etúne. 12Ernmó jaman b́ woteftsere shino ash ashuwots itn detsetúno, gishitúno, ayhudi Ik' k'oni moonat tipi mootso beshide iti imetuno, t shútsi jangosho itn naash naashonat altswotsok de'e ametunee. 13Hanuwere t shútsi jango gawosh itsh iki sheeng b́wutsiti. 14#Luk'. 12:11-12 Mansh itats bodet s'amiyewor it aanit keewosh it kic'erawok'o shino t'iwints de'ere. 15It balangaruwotsitse konuwor falr k'efo b́ bayaw nononat dani telefo taa itsh imetuwe. 16Iti ind nihuwtsnat it eshuwots, it jaguwotsnat it tohuwotswor bo oorerawo iti beshider imetune, itiste ik ikuwotsi úd'etuwe. 17T shútsi jangosh ash jami shinatse shit'eek wotitute. 18Ernmó it took s'iratse ik s'iru dab t'afratsane. 19It k'amon it kashu kashidek'etute» bí et.
Iyesus Iyerusalem b́t'afituwok'o shino b́keewutsok'o
(Mat. 24:15-21; Mar. 13:14-19)
20Manats dabt Iyesus hank'owa bíet, «Iyerusalem t'alaton gúrde bobefre it bek'or b t'afo b́ bodtsok'o dande'ere, 21Manoor Yihud datsatse fa'uwots guromants woc'no, kitutse fa'uwots biitse keeno, kituniyere úratse fa'uwots kitumand kind k'ayno. 22#Hos. 9:7 T'afan jangosh guut'etso shin bek'on keewetso b́ wotituwok'o hanweer wershikonat fayi dúrone. 23Manots, na'i mac'uwotsnat s'aats ishiru na'i induwotssh indowe boosha! datsatse kic'i gondo wotituwe, ash manotsatse Ik'i fayo weetuwe. 24Boyitsnowere ayuwots shik goradon úd'etuno, katsuwotsuwere kisho imr dats datsats dametuno, Ik'i ash woterawwots dúro b́ s'uufetsosh Iyerusalem Ik'i ash woterawwotsn net'etk wotitwaniye.»
Ash na'ono aani b́weyi jango
(Mat. 24:29-31; Mar. 13:24-27)
25 #
Isa. 13:10; Hzk'. 32:7; Iyu. 2:31; Bek'. 6:12-13 Manats dabt Iyesus hank'o bíeti, «Aawonat aashitson, k'enuwotsatsnoor adits milikituwots be'etúno, datsatsnowere ash jamwots aats k'aronat b́ jongo tek'iyiru k'aratse tuutson sharr kic'ituno. 26Datsats weet keewo kotoke ashuwots shatoon k'ewitúnee, manoor daritsi angwots shek'etúno, 27#Dan. 7:13; Bek'. 1:7 Maniye hakon Ash na'o angi eenonat dawunots wotde'er b́waafere ashuwots bek'etúno. 28Jamanots woto de'e botuwor it kashit aawo b́ bodtsotse dambaan kaaw de'er s'iilere.»
Doonzo woo kitsit belesi mitú ariyetso
(Mat. 24:32-35; Mar. 13:26-31)
29Manats dabt Iyesus jewurets keewuman boosh b́ keewu, «Belesi mitonat k'osh mituwotsi t'intsde s'iilere, 30Bo maaro ato de'e b́tuwo it bek'tsok'on k'aawo b́ t'intsok'o danfte. 31Mank'oon jaman woto de b́tuwo it bek'or Ik'i mengsto wosh b́karntsok'owo dande'ere.
32«Ariko itsh keewirwe, jaman b́ s'eenfetso and dúri s'oot'an besheratse. 33Daronat datson beshitune, t keewonmo besheratse.»
Kup'de'er koti jango
34Manats dabt Iyesus hank'o b́ et «Móónat úshi ayon, mashon, ay finon maawonat datsatsi beyosh kic'on it nibo ay b́ maawrawok'o it atso korde'ere! Maniye okoon aawuman kambok'o gawerawon iti deshdek'etwe. 35Manots aawuman datsatse daatset ash jamwotsi gawerawo kambok'o deshdek'etwe. 36Mansh, weet gond keewu jamatse oorosh ango it daatsituwok'o aani Ash Na'o shinatse ned'osh it falituwok'o jam aawo Ik' k'onoke kup'ore.»
37 #
Luk'. 19:47 Iyesus aaw aawon Ik'i mootse b́ daniyfo, datso b́ ilor Debrezeyit gurats kede b́ k'eefoni. 38Ash jamo Iyesusi k'ebosh guuron Ik'i mootsere b́ maants bo amfoni.
Currently Selected:
Luk'as Dooshishiyo 21: BrnNTLtn
Highlight
Share
Copy
Want to have your highlights saved across all your devices? Sign up or sign in
The Word for the World International Publishing PO Box 26363, Colorado Springs, CO 80919, USA
Luk'as Dooshishiyo 21
21
T'owu máátsu imts imo
(Mar. 12:41-44)
1Iyesus dambaan kawdek't b́s'ilfere gaaletswots bo imiruo [mebo] ms'watiy dek'eyiru sat'nots bo gedfere bek' b́k'r. 2Mank'o t'owu mááts iku, git santimu wotit gizo sat'nots b ged'fere bek' b́k'ri. 3Hank'owere bíet, «Ariko itsh keewiruwe, t'owmáátsan jametsoniyere bogsh dek'at imranee. 4Bo boimye bogalotse oortsoniye, bimo t'owu wotefetsatniye eegor b ooride'awon b detsts jamo imranee.»
Ik' moo b́gahituwok'o bek'on Iyesus b́keewtsok'o
(Mat. 24:1-2; Mar. 13:1-2)
5Ash ik ikuwots, «Ik'i maa han awuk'owe b́sheengi? Gizi shaawo kishit mang shútsuwotsnat Ik'osh t'ints sheeng keewone baats b́wutsi» et fetst bo keeweyiri b́ teshi. 6Ernmó Iyesus «It bek'iru jaman shútso shútsats kororeyar b́oorawu dúro weetuwe, shúts jamanots ik aawu gaahitune.»
7Bowere «Danifono! man b́wotit awure? Hanuwere wotosh b́t'intsok'o eegi milktoneya nodaneti?» ett boaati.
Doonzo wooniyere shinon weet gisheyonat gond bek'on
(Mat. 24:3-14; Mar. 13:3-13)
8Iyesus hank'o ett boosh bíaaniy, «It shelawok'o it atso korde'ere! ayuwots ‹Taa Krstos taane! hambe! bíaawo t'inre!› err t shutson weetune, bo shuutso sha'ak'ayere. 9Kes'i jangonat dimbiron it shishor tek' k'ayere, shinshino man b́woto geyife, ernmó b́s'uwo manoor woteratse.»
10Manats dabt Iyesus hank'owa bíet, «Ash asho ashaashats, naasho naashats tuwitwee. 11B́ be beewoke kup' wotts dats shek'ewo, k'ak'onat maryi shodon wotituwe. Shatit keewuwotsnat mlikit een eenuwotsn darotse be'etúne. 12Ernmó jaman b́ woteftsere shino ash ashuwots itn detsetúno, gishitúno, ayhudi Ik' k'oni moonat tipi mootso beshide iti imetuno, t shútsi jangosho itn naash naashonat altswotsok de'e ametunee. 13Hanuwere t shútsi jango gawosh itsh iki sheeng b́wutsiti. 14#Luk'. 12:11-12 Mansh itats bodet s'amiyewor it aanit keewosh it kic'erawok'o shino t'iwints de'ere. 15It balangaruwotsitse konuwor falr k'efo b́ bayaw nononat dani telefo taa itsh imetuwe. 16Iti ind nihuwtsnat it eshuwots, it jaguwotsnat it tohuwotswor bo oorerawo iti beshider imetune, itiste ik ikuwotsi úd'etuwe. 17T shútsi jangosh ash jami shinatse shit'eek wotitute. 18Ernmó it took s'iratse ik s'iru dab t'afratsane. 19It k'amon it kashu kashidek'etute» bí et.
Iyesus Iyerusalem b́t'afituwok'o shino b́keewutsok'o
(Mat. 24:15-21; Mar. 13:14-19)
20Manats dabt Iyesus hank'owa bíet, «Iyerusalem t'alaton gúrde bobefre it bek'or b t'afo b́ bodtsok'o dande'ere, 21Manoor Yihud datsatse fa'uwots guromants woc'no, kitutse fa'uwots biitse keeno, kituniyere úratse fa'uwots kitumand kind k'ayno. 22#Hos. 9:7 T'afan jangosh guut'etso shin bek'on keewetso b́ wotituwok'o hanweer wershikonat fayi dúrone. 23Manots, na'i mac'uwotsnat s'aats ishiru na'i induwotssh indowe boosha! datsatse kic'i gondo wotituwe, ash manotsatse Ik'i fayo weetuwe. 24Boyitsnowere ayuwots shik goradon úd'etuno, katsuwotsuwere kisho imr dats datsats dametuno, Ik'i ash woterawwots dúro b́ s'uufetsosh Iyerusalem Ik'i ash woterawwotsn net'etk wotitwaniye.»
Ash na'ono aani b́weyi jango
(Mat. 24:29-31; Mar. 13:24-27)
25 #
Isa. 13:10; Hzk'. 32:7; Iyu. 2:31; Bek'. 6:12-13 Manats dabt Iyesus hank'o bíeti, «Aawonat aashitson, k'enuwotsatsnoor adits milikituwots be'etúno, datsatsnowere ash jamwots aats k'aronat b́ jongo tek'iyiru k'aratse tuutson sharr kic'ituno. 26Datsats weet keewo kotoke ashuwots shatoon k'ewitúnee, manoor daritsi angwots shek'etúno, 27#Dan. 7:13; Bek'. 1:7 Maniye hakon Ash na'o angi eenonat dawunots wotde'er b́waafere ashuwots bek'etúno. 28Jamanots woto de'e botuwor it kashit aawo b́ bodtsotse dambaan kaaw de'er s'iilere.»
Doonzo woo kitsit belesi mitú ariyetso
(Mat. 24:32-35; Mar. 13:26-31)
29Manats dabt Iyesus jewurets keewuman boosh b́ keewu, «Belesi mitonat k'osh mituwotsi t'intsde s'iilere, 30Bo maaro ato de'e b́tuwo it bek'tsok'on k'aawo b́ t'intsok'o danfte. 31Mank'oon jaman woto de b́tuwo it bek'or Ik'i mengsto wosh b́karntsok'owo dande'ere.
32«Ariko itsh keewirwe, jaman b́ s'eenfetso and dúri s'oot'an besheratse. 33Daronat datson beshitune, t keewonmo besheratse.»
Kup'de'er koti jango
34Manats dabt Iyesus hank'o b́ et «Móónat úshi ayon, mashon, ay finon maawonat datsatsi beyosh kic'on it nibo ay b́ maawrawok'o it atso korde'ere! Maniye okoon aawuman kambok'o gawerawon iti deshdek'etwe. 35Manots aawuman datsatse daatset ash jamwotsi gawerawo kambok'o deshdek'etwe. 36Mansh, weet gond keewu jamatse oorosh ango it daatsituwok'o aani Ash Na'o shinatse ned'osh it falituwok'o jam aawo Ik' k'onoke kup'ore.»
37 #
Luk'. 19:47 Iyesus aaw aawon Ik'i mootse b́ daniyfo, datso b́ ilor Debrezeyit gurats kede b́ k'eefoni. 38Ash jamo Iyesusi k'ebosh guuron Ik'i mootsere b́ maants bo amfoni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Word for the World International Publishing PO Box 26363, Colorado Springs, CO 80919, USA