यूहन्ना 14
14
यीशु कै आपणै चैलै कै ढेट दैणै
1यीशुए तिनुखै बौल़ौ, “तोंवारा मन नी घोबराणा चैंई, तुऐं पौरमेशवर पांदी बिशवाश राखौ औरौ मुं पांदी बै बिशवाश राखौ। 2मैरै पिता पौरमेशवर कै घोरे रौणौ कारिए बौहितै ठाँव औसौ, जै ना हौंदै तौ हांव तुऔं खै बौल़ै दैन्दा, जिथुकै हांव तुऔं कारिए ठाँव तैयार कौरदा चालै रौआ। 3हांव जायौ तुऔं कारिए ऐक ठाँव तैयार कौरुबा, तोबै पाछु आयौ खै तुऔं आपणै साथै रौणौ कारिए लोय जांदा, कै जिथै हांव रौंऊ तिथै तुऐं बै रौंव।
बाट, सौचाई औरौ जिन्दगी
4जिथै हांव जांदा लागै रौआ तुऐं तिथै कै बाट जाणौए।” 5थोमाऐ तैसी बौल़ौ, “ओए रै प्रभु आमु ना जाणु कै तू कुकै जांदा लागै रौआ; तौ बाट कैशैकै जाणै सौकु?” 6यीशुए तैसी बौल़ौ, “बाट औरौ सच औरौ सैजा जू सौदा कै जिन्दगी दैंव हांव ही औसौ; मैरै बगैर कुणिए पिता पौरमेशवर कै धोरे ना जाए सौकौ। 7जै तुऐं मुखै जाणदै तौ मैरै पिता पौरमेशवर कै बै जाणदै, औरौ ऐबै तैसी जाणौए, औरौ तैसी दैखै बै राए।”
8फिलिप्पुसे तैसी बौल़ौ, “ओए रै प्रभु पिता पौरमेशवर कै आमु दिखाए दै, ऐजौई आमु कारिए काफी औसौ।” 9यीशुए तैसीखै बौल़ौ, “ओए रै फिलिप्पुस हांव ऐतरै दूसौ दा उंडा तोंवारै साथै औसौ, औरौ का तू मुखै ना जाणै? जैणै मुखै दैख राए तैणै पिता पौरमेशवर कै बै दैखै राए: तौ तू किथु बौल़ै कै पिता पौरमेशवर कै आमु दिखा? 10हांव पिता पौरमेशवर दा औसौ औरौ पिता पौरमेशवर मुं दा औसौ। का तू इयौं बातौ पांदी बिशवाश ना कौरे? ऐजी बातौ जू हांव तुऔं बुलू, आपणी औरौ शी ना बुलू, पौरौ मैरा पिता मुं दा रौयौ सैजौई कौरौ जू सै चांवए। 11मैरा ही बिशवाश कौरौ, कै हांव पौरमेशवर दा रौंऊ। नही तौ जू चौमत्कार कै काम मोऐं कौरे राए तिथकै बौजैह शै मुं पांदी बिशवाश कौरौ।”
यीशु कै नांव लैई प्रार्थना
12“हांव तुऔं खै साचौ-साचौ बुलू, कै जू मुं पांदी बिशवाश राखौ, ऐजै काम जू हांव कौरु सैजै बै कौरदै, बल्कि इदै बै बौड़ै काम कौरदै, जिथु हांव पिता पौरमेशवर कै धोरे जांदा लागै रौआ। 13औरौ जू किछै तुऐं मैरै नांव शै मांगलै, सैजौई हांव कौरदा कै मुं बैटै कै दवारा पिता की महिमा हौंव। 14जै तुऐं मैरै नांव शै किछै मांगलै, तौ हांव तिथु कौरदा।”
पवित्र आत्मा का वादा
15“जै तुऐं मुं आरी प्यार कौरौ, तौ मैरी आज्ञा कै मानदै। 16औरौ हांव पिता पौरमेशवर शै बिन्ती कौरुबा, औरौ सै तुऔं ऐक ओका हौंसला दैणौवाल़ा दैन्दा, कै सै सौदा तोंवारै साथै रौंव। 17सै पवित्र आत्मा औसौ, जू पौरमेशवर कै बारै मुंजी सच कै प्रकट कौरौ। जिथु दुनिया कै लोग अपनाए ना सौकौ, जिथुकै सै लोग तैसी ना दैखौ औरौ ना तैसीकै जाणौ: पौरौ तुऐं तैसी जाणौए, जिथुकै सै तोंवारै साथै रौंव, औरौ सै तुऔं दा हौंदा।”
18“हांव तुऔं कै निमाएड़े ना छोड़दा, हांव तोंवारै धोरे पाछु आन्दा। 19तावल़ैई दुनिया कै लोग मुखै ना दैखदै, पौरौ तुऐं मुखै दैखलै, जिथु हांव औटेयौ जियुंदा हौए जांदा, औरौ इथकारिए तुऐं बै जियुंदै रौलै। 20जोबै हांव जियुंदा पाछु आन्दा, तोबै तुऐं जाणै पांदै, कै पिता पौरमेशवर मुं दा रौंव, औरौ तुऐं मुं दै रौलै औरौ हांव तुऔं दा रोऊं। 21जू मैरी आज्ञा खै जाणौए, औरौ सै तिनु मानौए, सैजाई मुं आरी प्यार कौरौ, औरौ जू मुं आरी प्यार कौरौ तैसीआरी मैरा पिता पौरमेशवर प्यार कौरौ औरौ हांव बै तैसीआरी प्यार कौरदा, औरौ आपी कै तैसी पांदी प्रकट कौरदा।”
22तैसी यहूदाए जू इस्करियोती ना थी, तैसीखै बौल़ौ, “ओए रै प्रभु ऐशणौ का हौए रो कै तू आपी कै आमु पांदी प्रगट कौरणा चांए, औरौ दुनिया कै लोगौ पांदी नी?” 23यीशुए तैसीखै जोवाब दिया, “हांव आपी खै ऐशणै लोगौ कै दिखोऊ, जू मुं आरी प्यार कौरौ औरौ जू मैरी शिक्षा कै मानौए। औरौ मैरा पिता पौरमेशवर तैसीआरी प्यार राखदा, औरौ आमै तैसकै धोरे आन्दै, औरौ तैसकै साथै सौदा रौन्दै। 24जू मुं आरी प्यार ना कौरौ, सै मैरी शिक्षा कै ना मानौ, औरौ जू बातौ तुऐं शौणै रैई, सै मैरी नी पौरौ मैरै पिता पौरमेशवर की औसौ, जैणै मुखै भैज राए।”
25“ऐजी बातौ मोऐं तोंवारै साथी रौयौ तुऔं खै बुली। 26पौरौ हौंसला दैणौवाल़ा, यानी पवित्र आत्मा जैसी पिता मैरै नांव शै भेजला, सै तुऔं सौबै बातौ शिखाला, औरौ जू किछै मोऐं तुऔं बौल़ै राए, सै सौबै तुऔं याद कौरांदा।”
यीशु का शान्तै का तौफा
27हांव तुऔं शान्तै दियु, यानी सैजै शान्तै जू मुंआगो औसौ। ऐजै सैजै शान्तै ना आथी जू दुनिया दैय सौकौ; तोंवारा मन नी घोबरांव औरौ ना डौरौ। 28“तुऐं शुणु, कै मोऐं तुऔं बुलो, ‘हांव जांदा लागै रौआ, औरौ तोंवारै धोरे हौजौ पाछु आन्दा।’ जै तुऐं मुं आरी प्यार कौरौ, तौ इयौं बातौ लैई खुश हौंदै, कै हांव पिता पौरमेशवर कै धोरे जांदा लागै रौआ जिथुखै पिता पौरमेशवर मुं दा बौड़ा औसौ।” 29मोऐं ऐबै इनु सौबी बातौ कै हौणौ दी औगौड़ियौ तुऔं बौताए दियु, कै जोबै ऐजी बातौ हौए जाली, तौ तुऐं मुं पांदी बिशवाश कौरलै।
30मुंआगै तुऔं साथी बात कौरणौ कारिए जादा सौमय ना बौचै रैई, जिथुखै इयौं दुनिया का ठोगड़ा शैतान आन्दा लागै रौआ, औरौ मुं पांदी तैसका किछै औधिकार ना आथी। 31हांव तैशैकैई कौरु जैशैकै मैरै पिता पौरमेशवरे मुखै आज्ञा दै, ताकि दुनिया कै लोगौ खै पौता चालौ कै हांव पिता पौरमेशवर आरी प्यार कौरु। बीजौ, इथै दै आमु ऐबै हांडुबै।
Currently Selected:
यूहन्ना 14: SRXNT
Highlight
Share
Copy
Want to have your highlights saved across all your devices? Sign up or sign in
Sirmauri New Testament (सिरमौरी नौवाँ नियम), 2016 by The Love Fellowship is licensed under a Creative Commons Attribution-ShareAlike 4.0 International License.
यूहन्ना 14
14
यीशु कै आपणै चैलै कै ढेट दैणै
1यीशुए तिनुखै बौल़ौ, “तोंवारा मन नी घोबराणा चैंई, तुऐं पौरमेशवर पांदी बिशवाश राखौ औरौ मुं पांदी बै बिशवाश राखौ। 2मैरै पिता पौरमेशवर कै घोरे रौणौ कारिए बौहितै ठाँव औसौ, जै ना हौंदै तौ हांव तुऔं खै बौल़ै दैन्दा, जिथुकै हांव तुऔं कारिए ठाँव तैयार कौरदा चालै रौआ। 3हांव जायौ तुऔं कारिए ऐक ठाँव तैयार कौरुबा, तोबै पाछु आयौ खै तुऔं आपणै साथै रौणौ कारिए लोय जांदा, कै जिथै हांव रौंऊ तिथै तुऐं बै रौंव।
बाट, सौचाई औरौ जिन्दगी
4जिथै हांव जांदा लागै रौआ तुऐं तिथै कै बाट जाणौए।” 5थोमाऐ तैसी बौल़ौ, “ओए रै प्रभु आमु ना जाणु कै तू कुकै जांदा लागै रौआ; तौ बाट कैशैकै जाणै सौकु?” 6यीशुए तैसी बौल़ौ, “बाट औरौ सच औरौ सैजा जू सौदा कै जिन्दगी दैंव हांव ही औसौ; मैरै बगैर कुणिए पिता पौरमेशवर कै धोरे ना जाए सौकौ। 7जै तुऐं मुखै जाणदै तौ मैरै पिता पौरमेशवर कै बै जाणदै, औरौ ऐबै तैसी जाणौए, औरौ तैसी दैखै बै राए।”
8फिलिप्पुसे तैसी बौल़ौ, “ओए रै प्रभु पिता पौरमेशवर कै आमु दिखाए दै, ऐजौई आमु कारिए काफी औसौ।” 9यीशुए तैसीखै बौल़ौ, “ओए रै फिलिप्पुस हांव ऐतरै दूसौ दा उंडा तोंवारै साथै औसौ, औरौ का तू मुखै ना जाणै? जैणै मुखै दैख राए तैणै पिता पौरमेशवर कै बै दैखै राए: तौ तू किथु बौल़ै कै पिता पौरमेशवर कै आमु दिखा? 10हांव पिता पौरमेशवर दा औसौ औरौ पिता पौरमेशवर मुं दा औसौ। का तू इयौं बातौ पांदी बिशवाश ना कौरे? ऐजी बातौ जू हांव तुऔं बुलू, आपणी औरौ शी ना बुलू, पौरौ मैरा पिता मुं दा रौयौ सैजौई कौरौ जू सै चांवए। 11मैरा ही बिशवाश कौरौ, कै हांव पौरमेशवर दा रौंऊ। नही तौ जू चौमत्कार कै काम मोऐं कौरे राए तिथकै बौजैह शै मुं पांदी बिशवाश कौरौ।”
यीशु कै नांव लैई प्रार्थना
12“हांव तुऔं खै साचौ-साचौ बुलू, कै जू मुं पांदी बिशवाश राखौ, ऐजै काम जू हांव कौरु सैजै बै कौरदै, बल्कि इदै बै बौड़ै काम कौरदै, जिथु हांव पिता पौरमेशवर कै धोरे जांदा लागै रौआ। 13औरौ जू किछै तुऐं मैरै नांव शै मांगलै, सैजौई हांव कौरदा कै मुं बैटै कै दवारा पिता की महिमा हौंव। 14जै तुऐं मैरै नांव शै किछै मांगलै, तौ हांव तिथु कौरदा।”
पवित्र आत्मा का वादा
15“जै तुऐं मुं आरी प्यार कौरौ, तौ मैरी आज्ञा कै मानदै। 16औरौ हांव पिता पौरमेशवर शै बिन्ती कौरुबा, औरौ सै तुऔं ऐक ओका हौंसला दैणौवाल़ा दैन्दा, कै सै सौदा तोंवारै साथै रौंव। 17सै पवित्र आत्मा औसौ, जू पौरमेशवर कै बारै मुंजी सच कै प्रकट कौरौ। जिथु दुनिया कै लोग अपनाए ना सौकौ, जिथुकै सै लोग तैसी ना दैखौ औरौ ना तैसीकै जाणौ: पौरौ तुऐं तैसी जाणौए, जिथुकै सै तोंवारै साथै रौंव, औरौ सै तुऔं दा हौंदा।”
18“हांव तुऔं कै निमाएड़े ना छोड़दा, हांव तोंवारै धोरे पाछु आन्दा। 19तावल़ैई दुनिया कै लोग मुखै ना दैखदै, पौरौ तुऐं मुखै दैखलै, जिथु हांव औटेयौ जियुंदा हौए जांदा, औरौ इथकारिए तुऐं बै जियुंदै रौलै। 20जोबै हांव जियुंदा पाछु आन्दा, तोबै तुऐं जाणै पांदै, कै पिता पौरमेशवर मुं दा रौंव, औरौ तुऐं मुं दै रौलै औरौ हांव तुऔं दा रोऊं। 21जू मैरी आज्ञा खै जाणौए, औरौ सै तिनु मानौए, सैजाई मुं आरी प्यार कौरौ, औरौ जू मुं आरी प्यार कौरौ तैसीआरी मैरा पिता पौरमेशवर प्यार कौरौ औरौ हांव बै तैसीआरी प्यार कौरदा, औरौ आपी कै तैसी पांदी प्रकट कौरदा।”
22तैसी यहूदाए जू इस्करियोती ना थी, तैसीखै बौल़ौ, “ओए रै प्रभु ऐशणौ का हौए रो कै तू आपी कै आमु पांदी प्रगट कौरणा चांए, औरौ दुनिया कै लोगौ पांदी नी?” 23यीशुए तैसीखै जोवाब दिया, “हांव आपी खै ऐशणै लोगौ कै दिखोऊ, जू मुं आरी प्यार कौरौ औरौ जू मैरी शिक्षा कै मानौए। औरौ मैरा पिता पौरमेशवर तैसीआरी प्यार राखदा, औरौ आमै तैसकै धोरे आन्दै, औरौ तैसकै साथै सौदा रौन्दै। 24जू मुं आरी प्यार ना कौरौ, सै मैरी शिक्षा कै ना मानौ, औरौ जू बातौ तुऐं शौणै रैई, सै मैरी नी पौरौ मैरै पिता पौरमेशवर की औसौ, जैणै मुखै भैज राए।”
25“ऐजी बातौ मोऐं तोंवारै साथी रौयौ तुऔं खै बुली। 26पौरौ हौंसला दैणौवाल़ा, यानी पवित्र आत्मा जैसी पिता मैरै नांव शै भेजला, सै तुऔं सौबै बातौ शिखाला, औरौ जू किछै मोऐं तुऔं बौल़ै राए, सै सौबै तुऔं याद कौरांदा।”
यीशु का शान्तै का तौफा
27हांव तुऔं शान्तै दियु, यानी सैजै शान्तै जू मुंआगो औसौ। ऐजै सैजै शान्तै ना आथी जू दुनिया दैय सौकौ; तोंवारा मन नी घोबरांव औरौ ना डौरौ। 28“तुऐं शुणु, कै मोऐं तुऔं बुलो, ‘हांव जांदा लागै रौआ, औरौ तोंवारै धोरे हौजौ पाछु आन्दा।’ जै तुऐं मुं आरी प्यार कौरौ, तौ इयौं बातौ लैई खुश हौंदै, कै हांव पिता पौरमेशवर कै धोरे जांदा लागै रौआ जिथुखै पिता पौरमेशवर मुं दा बौड़ा औसौ।” 29मोऐं ऐबै इनु सौबी बातौ कै हौणौ दी औगौड़ियौ तुऔं बौताए दियु, कै जोबै ऐजी बातौ हौए जाली, तौ तुऐं मुं पांदी बिशवाश कौरलै।
30मुंआगै तुऔं साथी बात कौरणौ कारिए जादा सौमय ना बौचै रैई, जिथुखै इयौं दुनिया का ठोगड़ा शैतान आन्दा लागै रौआ, औरौ मुं पांदी तैसका किछै औधिकार ना आथी। 31हांव तैशैकैई कौरु जैशैकै मैरै पिता पौरमेशवरे मुखै आज्ञा दै, ताकि दुनिया कै लोगौ खै पौता चालौ कै हांव पिता पौरमेशवर आरी प्यार कौरु। बीजौ, इथै दै आमु ऐबै हांडुबै।
Currently Selected:
:
Highlight
Share
Copy
Want to have your highlights saved across all your devices? Sign up or sign in
Sirmauri New Testament (सिरमौरी नौवाँ नियम), 2016 by The Love Fellowship is licensed under a Creative Commons Attribution-ShareAlike 4.0 International License.