लूका 12
12
यहूदी शास्त्रीयों औरौ फरीसी लोगौ कै जैशणै नी बौणौ
1तैतियोड़ै जोबै हज़ारो लोगौ कै भीड़ लागै गौए, इथै तौड़ी कै सैजै लोग ऐकी दूजै पांदी उदे रिड़ो थिए, तौ तैणै सौबी दौ औगौड़ियौ आपणै चैलै कै बौल़ौ, “फरीसी लोगौ कै ढोंग शै भोरेयोंदे खमीर शै चौकश रौया। 2सैजा सौमय आए गौआ, जोबै सौबै ठुँ खोटैयौंदो सामणै आए जांदो, औरौ जू किछै छिपैयौंदो औसौ, सैजौ सौबै लोग जाणै पांदै। 3इथकारिए जू किछै तुऐं इनारै दो बौल़ै राए, सैजौ पेयाशै दो शुणदै; औरौ जू तुऐं कोठारो कै भीतरै चुपचाप बौल़ै राए, सै छोतौ पौरैशौ प्रचार कौरदै।”
पौरमेशवर दै डौरौ
(मत्ती 10:28-31)
4“पौरौ ओए रै दोस्तो हांव तुऔं बुलू, कै जू शोरीरो कै मारै सौकौ पौरौ तैसकौ जादा किछै ना कौरे सौकौ, तिनुदै ना डौरेया। 5पौरौ हांव तुऔं बौतौऊं कै तुऔं कोसी दो डौरणो चैंई, तुऔं पौरमेशवर दौ डौरणो चैंई, जैसी तुऔं मारणौ कै बाद नरको दै पाणौ का औधिकार औसौ, तैसदैई डौरेया।
6का पाँच चिड़िया बैजाए सोसती ना बिको? तोबै बै पौरमेशवर तिनुमुंजी दै कोसी ऐकी कै बै बिसरो ना। 7पौरौ पौरमेशवर तुंआरी जिन्दगी की सौबी बातौ कै परवाह कौरौ, औरौ सै ऐजौ बै जाणौ कै तोंवारै मुंडो दै कैतरै बाल़ औसौ। इथकारिए डौरेया नै, तुऐं चिड़ियो दै बै जादा कीमती औसौ।”
यीशु खै मोना कौरणौ का मतलब
(मत्ती 10:32-33; 12:32; 10:19-20)
8“हांव तुऔं बुलू: जू कुणिए आदमी कै सामणै बौल़ौ, कै सै मैरै चैलै औसौ, तौ तैसीकै हांव आदमी का बैटा बै पौरमेशवर कै स्वर्गदूतौ कै सामणै बुलूबा कै ऐजै मैरै चैलै औसौ।” 9पौरौ जू आदमियों कै सामणै ऐजौ बौलणौ शै डौरले, कै हांव तैसका चैला औसौ तैसीकै हांव बै पौरमेशवर कै स्वर्गदूतौ कै सामणै बौलदा कै ऐजा मैरा चैला ना आथी।
10“जू कुणिए मुं आदमी कै बैटै कै खिलाफ कुणजै बात बौल़ौ, तैसका सैजा अपराध माफ हौंदा, पौरौ जू पवित्र आत्मा कै नेंदैया कौरौ, तैसका ऐजा अपराध कौलोंई बै माफ ना हौंदा।
11जोबै लोग तुऔं यहूदी सभा-घोरो औरौ राज्यपाल औरौ औधिकारियो कै सामणै लौए जांदै, तौ फिकर नी कौरेया, कै आमुए कैशैखै का जोवाब दैणा या का बौलदै। 12जिथु पवित्र आत्मा तैसी सौमय तुऔं शिखाए दैंदा कै तोंवारै का बौलणौ।”
ऐक सैठ आदमी का उदारण
13तोबै भीड़ौ मुंजीदौ ऐकीए यीशु कै बौल़ौ, “ओए रै गुरुजी, मैरै भाई कै बौल, कै मैरै साथै बापू कै जायदात का बंटवारा कौरे दै।” 14तोबै यीशुए तैसी बौल़ौ, “ओए रै दौड़ै, कुणै मुखै तोंवारा न्याय कौरणौवाल़ा या जायदात बांटणौवाल़ा ठोहराए राए?”
15औरौ तैणै तैसीकै बौल़ौ, “चौकश रौया, औरौ सान्त-भान्तै लालच शै आपी कै बौचाए राख; जिथुकै कोसी कै जिन्दगी तैसकै बौहितै जायदात हौणौ की बौजैह शै ना हौंदी।”
16यीशुए तैसीकै हौजौ ऐक उदारण दिया, “कोसी सैठ आदमी कै जोमीनो दै बौड़ै फसल होए। 17तोबै सै आपणै मनो दो सुंचदा लागा हांव का कौरु? जिथुकै मैरै इथै ठाँव ना आथी, जिथै आपणै फसल राख सौकु। 18औरौ तैणै बौल़ौ, ‘मुखै पौता औसौ कै मैरै का कौरणौ; हांव आपणौ कोठार तौड़ेयो तिथदै बौड़ै बाणदा; औरौ तिथै आपणौ सौबै नाज़ पाणी औरौ फसल राखदा। 19इथकै बाद, हांव आपी खै बुलूबा, मुंआगै भौरिशै सालो कारिए बैजाए फसल कौठै औसौ, औरौ ऐबै आराम कौर, खा, पी, सुख शै रौ।’ 20पौरौ पौरमेशवरे तैसी बौल़ौ, ‘ओए रै मूर्ख! जै तू इयौंई रातै मौरे जैईला; तोबै तुऐं जू चीज़ौ कौठी कौरे रैई, सैजी कुण कौरदा?’ 21ऐशैखैई तैसी आदमी कै साथै हौंदौ जू सौबै ठुँ आपी कारिए कौठौ कौरौ, पौरौ पौरमेशवर कै सेवा कौरणौ कारिए आपणै धन का इस्तैमाल ना कौरौ।”
कियौंई बातौ कै चिन्ता नी कौरौ
(मत्ती 6:25-34; 6:19-21)
22तोबै यीशुए आपणै चैलै खै बौल़ौ, “इथकारिए हांव तुऔं खै बुलू, आपणै जिन्दगी कारिए चिन्ता नै कौरेया, कै आमु का खांदै; ना आपणै शोरीर कै, की का बाम्बदै। 23जिथुकै जिन्दगी खाणौ शै, औरौ शोरीर खोटणो दा बौढ़ेयौ औसौ। 24कौऊवौ पांदी ध्यान दैव, सै ना तौ बौंव, ना ही काटो, ना तिनकै कोठार औरौ ना ही कोएलाण हौंव, तोबै बै तिनु पौरमेशवर खियांव, तोंवारै कीमत चुड़कुल़ै दै बै बौढ़ेयौ औसौ। 25तुऔं मुंजीदा ऐशणा कुण औसौ, जू चिन्ता कौरेयौ दैणिक लाम्बै सौमय तौड़ी जियुंदी रौए सौकौ? 26इथकारिए जै तुऐं सौबिदा नानड़ा काम बै कौरे ना सौकौ, तौ जिन्दगी कि औरौ चीज़ौ कै बारै मुंजी काए चिन्ता कौरौ?
27मैदानो कै फूलो पांदी ध्यान कौरौ कै सै कैशैखै बौढ़ौ, सै ना तौ मैहनत कौरौ, औरौ ना ही खोटणो बाणौ। तोबै बै हांव तुऔं खै बुलू कै राजा सुलैमान बै आपणै सौबै ठाट-बाट दा तिनुमुंजी कोसी ऐक कै साए खोटणो बाम्बेयोंदा ना थी। 28इथकारिए जै पौरमेशवर मैदानो कै घासो खै, जू ऐलो औसौए औरौ दोतियो आगी मुंजी पाए दैंदै, तिनकी चिन्ता कौरौ, तौ ओए रै कम बिशवाश कौरणौवाल़ै लोगौ पौरमेशवर तोंवारै दैखभाल इदै बै बौढ़ेयौ कौरदा। 29इथकारिए तुऐं इयौं बातौ की खोज़ दै ना रौया कै का खांदै औरौ का पींदै औरौ इथकै बारै मुंजी चिन्ता नी कौरेया। 30जिथुकै जू लोग पौरमेशवर कै ना जाणौ, सैजै लोग इनु सौबी चीज़ौ की खोज़ दै रौंव, पौरौ तोंवारा पौरमेशवर पिता जाणौए, कै तुऔं इनु चीज़ौ की जौरुरत औसौ। 31पौरौ तुऐं पौरमेशवर कै राज्य कै खोज़ दै रौव, तौ ऐजी सौबै चीज़ौ बै तुऔं भैटी जांदी।”
धन कै कुकै कौठौ कौरणौ?
32“तुऐं मैरै दैखभाल कारिए भेड़ो कै झुंड कै जैशणै औसौ, इथकारिए कोसी बै बातौ कै बारै मुंजी नै डौरेया, जिथुकै तोंवारै पिता पौरमेशवर कै ऐजै बात भाय रौए, कै तुऔं आपणा राज्य दैंव।
33आपणी जायदात बिकैयो दान कौरे दैव; औरौ आपी कारिए ऐशणै बोटुए बाणौ जू पुराणै ना हौंव, औरौ स्वर्ग दो ऐशणौ धन कौठौ कौरौ जू कम ना हौंव, औरौ जिथै ना तौ चोर जाए सौकौ, औरौ ना ही कीड़ा तिथुखै नाश कौरे सौकौ। 34जिथुकै तोंवारा मन सौदा तिथी लागैयौंदा रौंदा, जिथै तोंवारै धन-दौलत औसौ।”
सौदा तैयार रौया
(मत्ती 24:42-44)
35“हमैशा सेवा कौरणौ कारिए तैयार रौया, औरौ रात भोरै आपणा दिवा बाल़ेयो राखैया औरौ मैरै पाछु आणौ कारिए तैयार रौया। 36औरौ तुऐं तिनु आदमी कै जैशणै बौणौ जू आपणै मालिक का इंतजार कौरौ, कै जौल़ौ सै बैयाव भोज दा पाछु आयौ दवार खटखटांव तौ तुऐं तौलोंई तैसी कारिए दवार खोले दैंव। 37धन्य औसौ सैजै नोकर जू आपणै मालिक कै पाछु आणौ की ठोल़नाए कौरौ औरौ तैयार रौंव कै सै इनाम पांदै; हांव तुऔं साचौ बुलू कै मालिक ही नोकरो कै खोटणो बोम्बाएबा तिनुकै खाणौ खांदा बोठाल़दा औरौ आपी तिनु खाणौ बांडला। 38जै सै आधी राती औरौ झीशीं कै सौमय कै बीच आयौ तिनु बिजेयोंदे दैखला, तौ सै तैसी नोकर कै इनाम दैला जू तैयार औसौ। 39पौरौ तुऐं ऐजौ जाणौ, कै जै घोरो का मालिक जाणदा कै चोर ठीक कोसी सौमय आन्दा तौ बिजैयोंदा रौंदा, औरौ सै आपणै घोरो कै लुटणौ ना दैंदा। 40तुऐं मैरै पाछु आणौ कारिए तैयार रौया, जिथुकै हांव आदमी का बैटा ऐशणै सौमय दा स्वर्ग शै आन्दा जौल़ौ तुऐं मैरै आणौ कै आश बै ना कौरे रैली।”
बिशवाश लायक सेवक कुण औसौ?
(मत्ती 24:45-51)
41तोबै पतरसे बौल़ौ, “ओए रै प्रभु, का ऐजा उदारण तू आमुकैंई सौबी खै बौल़ै?” 42प्रभु यीशुए बौल़ौ, “भोरोशे लायक औरौ ईमानदार भण्डारी सैजा औसौ, जैसका मालिक तैसीकै ओकी नोकरो कै दैखभाल कौरणौ औरौ तिनुकै खियाणौ कै जुमैवारै दैंव। 43धन्य औसौ सैजा नोकर, जैसी जैसका मालिक आयौ ऐशैखैई ही कौरदै पाला। 44हांव तुऔं खै साचौ बुलू; सै तैसी आपणै सारी धन जायदात पांदी औधिकारी बौणादा। 45पौरौ जै सैजा नोकर सुंचदा लागौ, कै मैरै मालिकै आणौ दै देर कौरे लोए, औरौ सै नोकर-नोकराणियों खै पीटौ औरौ खाए-पियौं औरौ पिणौ वाल़ै आरी पींदै लागौ। 46तौ तैसी नोकरो का मालिक ऐशणै दूसै आला, जौल़ौ तैणै तैसीखै ठोल़े नै रैली। औरौ ऐकी ऐशणै सौमय दा, जैसी सौमय कै बारै मुंजी सै ना जाणौ, तोबै तैसका मालिक आए जाला औरौ तैसी सख्त सौजा दैला। औरौ तैसी नोकर कै तैसी जौगैह राखदा जिथै अबिशवाशी लोग रौंव।
47औरौ सैजा नोकर जू आपणै मालिक की इछा जाणौ थिया, पौरौ तैयार ना रौई, औरौ ना ही तैसकै मोरजी कै हिसाब शै काम कौरी, सै बौहितै सख्त सौजा पाला। 48पौरौ जू नोकर आपणै मालिक कै इछा कै ना जाणौ औरौ सख्त सौजा पाणौ का काम कौरे राए, तैसी दैणिक सौजा भैटदै। इथकारिए जैसी बौहितु दैय राए तैसीयांदो बौहितु मांगदै; औरौ जैसी बौहितु सौंपै राए तैसीयांदो बौहितु कौरदै।”
शान्तै ना रौंदै
(मत्ती 10:34-36)
49“हांव धोरती पांदी आग लांदा आए रौआ; औरौ का चोऊं सिरफ ऐजौ कै ऐजै आग इबी सिलकै जांव। 50मुखै तावल़ी खतरनाक पीड़ो सैहन कौरणी पौड़दी, औरौ जौल़ौ तौड़ी सैजी पीड़ो ना हौंव, तौलौ तौड़ी हांव बौहुता बैचैन हौंदा।
51का तुऐं सौमझौ कै हांव धोरती पांदी लोगौ मुंजी शान्तै लांदा आए रौआ? हांव तुऔं बुलू; ना, पौरौ लोगौ खै ऐकी दूजै शै जौई कौरदा आए रौआ। 52जै ऐकी घोरो दै पाँच लोग हौंव, तौ सै आपी मुंजी बांडै जालै। औरौ तीन लोग जू मुं पांदी बिशवाश ना कौरौ, सै तिनु दो लोगौ का विरोध कौरौ जू मुं पांदी बिशवाश कौरौ। 53बापू बैटै कै औरौ बैटा बापू कै खिलाफ हौए जांदा; माँ बैटी कै, औरौ बैटी माँ कै, शाशु बहू कै, औरौ बहू शाशु कै खिलाफ हौए जांदै।”
सौमय की पौछेयाण
54औरौ यीशुए भीड़ौ खै बै बुलो, “जौल़ौ तुऐं बादल़ो कै पश्चिम दिशा दो उठदे बैई दैखौ तौ तावल़ो बुलो कै बौरखा हौंदी औरौ ऐशैखैई हौं। 55औरौ जोबै दक्षिण दिशा शै हावा चालदै दैखलै तौ बौल़ौए कै लू बौंदै औरौ ऐशैखैई हौंव। 56ओए रै कपटियो तुऐं धोरती औरौ गौयणै कै रंग रुप कै बारै मुंजी बौल़ै सौकौ, पौरौ ऐसी जमाने दो पौरमेशवरे का बौल़ै लौ, इथका बखान कौरणा ना जाणौ?
आपणी समस्या कै सुलझाव
(मत्ती 5:25-26)
57तुऐं आपी ही तय कौरणौ चैंई कै तुऔं कारिए का कौरणौ ठीक औसौ? 58जौल़ौ तू आपणै बौयरी कै साथै न्यायाधीश कै धोरे चालै रौआ, तौ बाटौ ही पुंडे तैसीयादै बौचणौ की कौचिश कौरेया कोदी ऐशै नै हौंव कै सै ताखै न्यायाधीश कै धोरे खिंचैयौ नै लौए जांव, औरौ न्यायाधीश ताखै सिपाही कै धोरे लौए जांव, औरौ सिपाही ताखै ज़ेलो पुंडा खोटे दैंव। 59हांव ताखै बुलू, जांव तौड़ी तू पाई-पाई नी भोरै दैला, तांव तौड़ी ज़ेलो पौरैशा ना छौटे सौकै।”
Currently Selected:
लूका 12: SRXNT
Highlight
Share
Copy
Want to have your highlights saved across all your devices? Sign up or sign in
Sirmauri New Testament (सिरमौरी नौवाँ नियम), 2016 by The Love Fellowship is licensed under a Creative Commons Attribution-ShareAlike 4.0 International License.
लूका 12
12
यहूदी शास्त्रीयों औरौ फरीसी लोगौ कै जैशणै नी बौणौ
1तैतियोड़ै जोबै हज़ारो लोगौ कै भीड़ लागै गौए, इथै तौड़ी कै सैजै लोग ऐकी दूजै पांदी उदे रिड़ो थिए, तौ तैणै सौबी दौ औगौड़ियौ आपणै चैलै कै बौल़ौ, “फरीसी लोगौ कै ढोंग शै भोरेयोंदे खमीर शै चौकश रौया। 2सैजा सौमय आए गौआ, जोबै सौबै ठुँ खोटैयौंदो सामणै आए जांदो, औरौ जू किछै छिपैयौंदो औसौ, सैजौ सौबै लोग जाणै पांदै। 3इथकारिए जू किछै तुऐं इनारै दो बौल़ै राए, सैजौ पेयाशै दो शुणदै; औरौ जू तुऐं कोठारो कै भीतरै चुपचाप बौल़ै राए, सै छोतौ पौरैशौ प्रचार कौरदै।”
पौरमेशवर दै डौरौ
(मत्ती 10:28-31)
4“पौरौ ओए रै दोस्तो हांव तुऔं बुलू, कै जू शोरीरो कै मारै सौकौ पौरौ तैसकौ जादा किछै ना कौरे सौकौ, तिनुदै ना डौरेया। 5पौरौ हांव तुऔं बौतौऊं कै तुऔं कोसी दो डौरणो चैंई, तुऔं पौरमेशवर दौ डौरणो चैंई, जैसी तुऔं मारणौ कै बाद नरको दै पाणौ का औधिकार औसौ, तैसदैई डौरेया।
6का पाँच चिड़िया बैजाए सोसती ना बिको? तोबै बै पौरमेशवर तिनुमुंजी दै कोसी ऐकी कै बै बिसरो ना। 7पौरौ पौरमेशवर तुंआरी जिन्दगी की सौबी बातौ कै परवाह कौरौ, औरौ सै ऐजौ बै जाणौ कै तोंवारै मुंडो दै कैतरै बाल़ औसौ। इथकारिए डौरेया नै, तुऐं चिड़ियो दै बै जादा कीमती औसौ।”
यीशु खै मोना कौरणौ का मतलब
(मत्ती 10:32-33; 12:32; 10:19-20)
8“हांव तुऔं बुलू: जू कुणिए आदमी कै सामणै बौल़ौ, कै सै मैरै चैलै औसौ, तौ तैसीकै हांव आदमी का बैटा बै पौरमेशवर कै स्वर्गदूतौ कै सामणै बुलूबा कै ऐजै मैरै चैलै औसौ।” 9पौरौ जू आदमियों कै सामणै ऐजौ बौलणौ शै डौरले, कै हांव तैसका चैला औसौ तैसीकै हांव बै पौरमेशवर कै स्वर्गदूतौ कै सामणै बौलदा कै ऐजा मैरा चैला ना आथी।
10“जू कुणिए मुं आदमी कै बैटै कै खिलाफ कुणजै बात बौल़ौ, तैसका सैजा अपराध माफ हौंदा, पौरौ जू पवित्र आत्मा कै नेंदैया कौरौ, तैसका ऐजा अपराध कौलोंई बै माफ ना हौंदा।
11जोबै लोग तुऔं यहूदी सभा-घोरो औरौ राज्यपाल औरौ औधिकारियो कै सामणै लौए जांदै, तौ फिकर नी कौरेया, कै आमुए कैशैखै का जोवाब दैणा या का बौलदै। 12जिथु पवित्र आत्मा तैसी सौमय तुऔं शिखाए दैंदा कै तोंवारै का बौलणौ।”
ऐक सैठ आदमी का उदारण
13तोबै भीड़ौ मुंजीदौ ऐकीए यीशु कै बौल़ौ, “ओए रै गुरुजी, मैरै भाई कै बौल, कै मैरै साथै बापू कै जायदात का बंटवारा कौरे दै।” 14तोबै यीशुए तैसी बौल़ौ, “ओए रै दौड़ै, कुणै मुखै तोंवारा न्याय कौरणौवाल़ा या जायदात बांटणौवाल़ा ठोहराए राए?”
15औरौ तैणै तैसीकै बौल़ौ, “चौकश रौया, औरौ सान्त-भान्तै लालच शै आपी कै बौचाए राख; जिथुकै कोसी कै जिन्दगी तैसकै बौहितै जायदात हौणौ की बौजैह शै ना हौंदी।”
16यीशुए तैसीकै हौजौ ऐक उदारण दिया, “कोसी सैठ आदमी कै जोमीनो दै बौड़ै फसल होए। 17तोबै सै आपणै मनो दो सुंचदा लागा हांव का कौरु? जिथुकै मैरै इथै ठाँव ना आथी, जिथै आपणै फसल राख सौकु। 18औरौ तैणै बौल़ौ, ‘मुखै पौता औसौ कै मैरै का कौरणौ; हांव आपणौ कोठार तौड़ेयो तिथदै बौड़ै बाणदा; औरौ तिथै आपणौ सौबै नाज़ पाणी औरौ फसल राखदा। 19इथकै बाद, हांव आपी खै बुलूबा, मुंआगै भौरिशै सालो कारिए बैजाए फसल कौठै औसौ, औरौ ऐबै आराम कौर, खा, पी, सुख शै रौ।’ 20पौरौ पौरमेशवरे तैसी बौल़ौ, ‘ओए रै मूर्ख! जै तू इयौंई रातै मौरे जैईला; तोबै तुऐं जू चीज़ौ कौठी कौरे रैई, सैजी कुण कौरदा?’ 21ऐशैखैई तैसी आदमी कै साथै हौंदौ जू सौबै ठुँ आपी कारिए कौठौ कौरौ, पौरौ पौरमेशवर कै सेवा कौरणौ कारिए आपणै धन का इस्तैमाल ना कौरौ।”
कियौंई बातौ कै चिन्ता नी कौरौ
(मत्ती 6:25-34; 6:19-21)
22तोबै यीशुए आपणै चैलै खै बौल़ौ, “इथकारिए हांव तुऔं खै बुलू, आपणै जिन्दगी कारिए चिन्ता नै कौरेया, कै आमु का खांदै; ना आपणै शोरीर कै, की का बाम्बदै। 23जिथुकै जिन्दगी खाणौ शै, औरौ शोरीर खोटणो दा बौढ़ेयौ औसौ। 24कौऊवौ पांदी ध्यान दैव, सै ना तौ बौंव, ना ही काटो, ना तिनकै कोठार औरौ ना ही कोएलाण हौंव, तोबै बै तिनु पौरमेशवर खियांव, तोंवारै कीमत चुड़कुल़ै दै बै बौढ़ेयौ औसौ। 25तुऔं मुंजीदा ऐशणा कुण औसौ, जू चिन्ता कौरेयौ दैणिक लाम्बै सौमय तौड़ी जियुंदी रौए सौकौ? 26इथकारिए जै तुऐं सौबिदा नानड़ा काम बै कौरे ना सौकौ, तौ जिन्दगी कि औरौ चीज़ौ कै बारै मुंजी काए चिन्ता कौरौ?
27मैदानो कै फूलो पांदी ध्यान कौरौ कै सै कैशैखै बौढ़ौ, सै ना तौ मैहनत कौरौ, औरौ ना ही खोटणो बाणौ। तोबै बै हांव तुऔं खै बुलू कै राजा सुलैमान बै आपणै सौबै ठाट-बाट दा तिनुमुंजी कोसी ऐक कै साए खोटणो बाम्बेयोंदा ना थी। 28इथकारिए जै पौरमेशवर मैदानो कै घासो खै, जू ऐलो औसौए औरौ दोतियो आगी मुंजी पाए दैंदै, तिनकी चिन्ता कौरौ, तौ ओए रै कम बिशवाश कौरणौवाल़ै लोगौ पौरमेशवर तोंवारै दैखभाल इदै बै बौढ़ेयौ कौरदा। 29इथकारिए तुऐं इयौं बातौ की खोज़ दै ना रौया कै का खांदै औरौ का पींदै औरौ इथकै बारै मुंजी चिन्ता नी कौरेया। 30जिथुकै जू लोग पौरमेशवर कै ना जाणौ, सैजै लोग इनु सौबी चीज़ौ की खोज़ दै रौंव, पौरौ तोंवारा पौरमेशवर पिता जाणौए, कै तुऔं इनु चीज़ौ की जौरुरत औसौ। 31पौरौ तुऐं पौरमेशवर कै राज्य कै खोज़ दै रौव, तौ ऐजी सौबै चीज़ौ बै तुऔं भैटी जांदी।”
धन कै कुकै कौठौ कौरणौ?
32“तुऐं मैरै दैखभाल कारिए भेड़ो कै झुंड कै जैशणै औसौ, इथकारिए कोसी बै बातौ कै बारै मुंजी नै डौरेया, जिथुकै तोंवारै पिता पौरमेशवर कै ऐजै बात भाय रौए, कै तुऔं आपणा राज्य दैंव।
33आपणी जायदात बिकैयो दान कौरे दैव; औरौ आपी कारिए ऐशणै बोटुए बाणौ जू पुराणै ना हौंव, औरौ स्वर्ग दो ऐशणौ धन कौठौ कौरौ जू कम ना हौंव, औरौ जिथै ना तौ चोर जाए सौकौ, औरौ ना ही कीड़ा तिथुखै नाश कौरे सौकौ। 34जिथुकै तोंवारा मन सौदा तिथी लागैयौंदा रौंदा, जिथै तोंवारै धन-दौलत औसौ।”
सौदा तैयार रौया
(मत्ती 24:42-44)
35“हमैशा सेवा कौरणौ कारिए तैयार रौया, औरौ रात भोरै आपणा दिवा बाल़ेयो राखैया औरौ मैरै पाछु आणौ कारिए तैयार रौया। 36औरौ तुऐं तिनु आदमी कै जैशणै बौणौ जू आपणै मालिक का इंतजार कौरौ, कै जौल़ौ सै बैयाव भोज दा पाछु आयौ दवार खटखटांव तौ तुऐं तौलोंई तैसी कारिए दवार खोले दैंव। 37धन्य औसौ सैजै नोकर जू आपणै मालिक कै पाछु आणौ की ठोल़नाए कौरौ औरौ तैयार रौंव कै सै इनाम पांदै; हांव तुऔं साचौ बुलू कै मालिक ही नोकरो कै खोटणो बोम्बाएबा तिनुकै खाणौ खांदा बोठाल़दा औरौ आपी तिनु खाणौ बांडला। 38जै सै आधी राती औरौ झीशीं कै सौमय कै बीच आयौ तिनु बिजेयोंदे दैखला, तौ सै तैसी नोकर कै इनाम दैला जू तैयार औसौ। 39पौरौ तुऐं ऐजौ जाणौ, कै जै घोरो का मालिक जाणदा कै चोर ठीक कोसी सौमय आन्दा तौ बिजैयोंदा रौंदा, औरौ सै आपणै घोरो कै लुटणौ ना दैंदा। 40तुऐं मैरै पाछु आणौ कारिए तैयार रौया, जिथुकै हांव आदमी का बैटा ऐशणै सौमय दा स्वर्ग शै आन्दा जौल़ौ तुऐं मैरै आणौ कै आश बै ना कौरे रैली।”
बिशवाश लायक सेवक कुण औसौ?
(मत्ती 24:45-51)
41तोबै पतरसे बौल़ौ, “ओए रै प्रभु, का ऐजा उदारण तू आमुकैंई सौबी खै बौल़ै?” 42प्रभु यीशुए बौल़ौ, “भोरोशे लायक औरौ ईमानदार भण्डारी सैजा औसौ, जैसका मालिक तैसीकै ओकी नोकरो कै दैखभाल कौरणौ औरौ तिनुकै खियाणौ कै जुमैवारै दैंव। 43धन्य औसौ सैजा नोकर, जैसी जैसका मालिक आयौ ऐशैखैई ही कौरदै पाला। 44हांव तुऔं खै साचौ बुलू; सै तैसी आपणै सारी धन जायदात पांदी औधिकारी बौणादा। 45पौरौ जै सैजा नोकर सुंचदा लागौ, कै मैरै मालिकै आणौ दै देर कौरे लोए, औरौ सै नोकर-नोकराणियों खै पीटौ औरौ खाए-पियौं औरौ पिणौ वाल़ै आरी पींदै लागौ। 46तौ तैसी नोकरो का मालिक ऐशणै दूसै आला, जौल़ौ तैणै तैसीखै ठोल़े नै रैली। औरौ ऐकी ऐशणै सौमय दा, जैसी सौमय कै बारै मुंजी सै ना जाणौ, तोबै तैसका मालिक आए जाला औरौ तैसी सख्त सौजा दैला। औरौ तैसी नोकर कै तैसी जौगैह राखदा जिथै अबिशवाशी लोग रौंव।
47औरौ सैजा नोकर जू आपणै मालिक की इछा जाणौ थिया, पौरौ तैयार ना रौई, औरौ ना ही तैसकै मोरजी कै हिसाब शै काम कौरी, सै बौहितै सख्त सौजा पाला। 48पौरौ जू नोकर आपणै मालिक कै इछा कै ना जाणौ औरौ सख्त सौजा पाणौ का काम कौरे राए, तैसी दैणिक सौजा भैटदै। इथकारिए जैसी बौहितु दैय राए तैसीयांदो बौहितु मांगदै; औरौ जैसी बौहितु सौंपै राए तैसीयांदो बौहितु कौरदै।”
शान्तै ना रौंदै
(मत्ती 10:34-36)
49“हांव धोरती पांदी आग लांदा आए रौआ; औरौ का चोऊं सिरफ ऐजौ कै ऐजै आग इबी सिलकै जांव। 50मुखै तावल़ी खतरनाक पीड़ो सैहन कौरणी पौड़दी, औरौ जौल़ौ तौड़ी सैजी पीड़ो ना हौंव, तौलौ तौड़ी हांव बौहुता बैचैन हौंदा।
51का तुऐं सौमझौ कै हांव धोरती पांदी लोगौ मुंजी शान्तै लांदा आए रौआ? हांव तुऔं बुलू; ना, पौरौ लोगौ खै ऐकी दूजै शै जौई कौरदा आए रौआ। 52जै ऐकी घोरो दै पाँच लोग हौंव, तौ सै आपी मुंजी बांडै जालै। औरौ तीन लोग जू मुं पांदी बिशवाश ना कौरौ, सै तिनु दो लोगौ का विरोध कौरौ जू मुं पांदी बिशवाश कौरौ। 53बापू बैटै कै औरौ बैटा बापू कै खिलाफ हौए जांदा; माँ बैटी कै, औरौ बैटी माँ कै, शाशु बहू कै, औरौ बहू शाशु कै खिलाफ हौए जांदै।”
सौमय की पौछेयाण
54औरौ यीशुए भीड़ौ खै बै बुलो, “जौल़ौ तुऐं बादल़ो कै पश्चिम दिशा दो उठदे बैई दैखौ तौ तावल़ो बुलो कै बौरखा हौंदी औरौ ऐशैखैई हौं। 55औरौ जोबै दक्षिण दिशा शै हावा चालदै दैखलै तौ बौल़ौए कै लू बौंदै औरौ ऐशैखैई हौंव। 56ओए रै कपटियो तुऐं धोरती औरौ गौयणै कै रंग रुप कै बारै मुंजी बौल़ै सौकौ, पौरौ ऐसी जमाने दो पौरमेशवरे का बौल़ै लौ, इथका बखान कौरणा ना जाणौ?
आपणी समस्या कै सुलझाव
(मत्ती 5:25-26)
57तुऐं आपी ही तय कौरणौ चैंई कै तुऔं कारिए का कौरणौ ठीक औसौ? 58जौल़ौ तू आपणै बौयरी कै साथै न्यायाधीश कै धोरे चालै रौआ, तौ बाटौ ही पुंडे तैसीयादै बौचणौ की कौचिश कौरेया कोदी ऐशै नै हौंव कै सै ताखै न्यायाधीश कै धोरे खिंचैयौ नै लौए जांव, औरौ न्यायाधीश ताखै सिपाही कै धोरे लौए जांव, औरौ सिपाही ताखै ज़ेलो पुंडा खोटे दैंव। 59हांव ताखै बुलू, जांव तौड़ी तू पाई-पाई नी भोरै दैला, तांव तौड़ी ज़ेलो पौरैशा ना छौटे सौकै।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Sirmauri New Testament (सिरमौरी नौवाँ नियम), 2016 by The Love Fellowship is licensed under a Creative Commons Attribution-ShareAlike 4.0 International License.